نعي







لسان حال رمله مع القاسم عليهما السلام




جيتــــــك ولـــهبـة نار بأعباي
جيــــــتك واثر دخــــان وياي
ســــــوده عليه شـــبيك برباي
باصرني يالـــــــشليت مگـفاي


مت عـــيني ابد ما ضال منك
هم صــــايره امك وادورنــــك
يدوسن عــليك وعالي ونــــك
مــــــحد يكعها الـخيــــل عنك

اغفـه اعله وضعك عاري حافي
ناگود گلـــبي وذهـــــب صافي
يبسن سوه اشـــفافك واشـافي
مهنـه الــولد نــــوم الـــــعـوافي

ارجـــــع لبوك وبيــــــه لهـــــفه
وجـــاسم اگـــــله لعــــمه وفـه
سحگــــــة الخيل هـــواي كلفه
بصفـــــــه الحنــين وما اعـرفه

نومك يبــــعد امك شــثـــــگله
راح امشي يبني وداعــــة الله
يالصار طـــــولك وصله وصله
ماني طــويبه وليـــــدي والله







عبد العليلـه
✍حيدر ابو كيان الفاطمي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

[[ ذني ساعاتك ]]







رمله والقاسم عليهما السلام







طفي شمعاتك شمعاتك دگ بوق الحرب
ذنـي ساعاتـك ساعاتك يالمـــــا تنغــلب

◾◽◾◽◾◽◾◽◾◽◾◽

يالله شد احــزام يبني
عمـــك يــريد الزلـــم

اليوم يومك يمه جاسم
گوم طشـــــها ولا تلم

الحسن وصاني انــذرك
قــــــربة لله وللخـيم

گوم ذب يسره اعله يمنه
اشوارب يدوس الجدم

شوف عمـــاتك عمــاتك موقفهن صـعب
ذنـــي ساعاتـك ساعاتك يالمـــــا تنغــلب

◾◽◾◽◾◽◾◽◾◽◾◽

خافـــــن يگلك وحيد
وانته وي امك تضـــل

گله عمــي وروح ابوي
وياك لو اصيرن وصل

اتوكل اعله الله وتمشّه
ولا ترد شما حــــصل

بوجهك وطب للــمعاره
وخوط بيهم يا بطل


گول چلمــاتك چلماتك وافرح من تطب
ذنـي ساعاتـك ساعاتك يالمـــــا تنغــلب

◾◽◾◽◾◽◾◽◾◽◾◽

رمله تتـــباها برباها
اليوم يالچنك شمس

عرسك بگطع المناحر
عـــونك بهذا العـرس

الكتايب من تشــوفك
خوف من عندك تنس

تذكـــرو تاريخ اهلك
يبني جاسم مال امس


بهاي صولاتك صولاتك رجعت العـرب
ذنـي ساعـاتك ساعاتك يـالمـا تنغــلب

◾◽◾◽◾◽◾◽◾◽◾◽

هلا بسهر اللـيل ذاكه
نسمه عـذبه من تمر

البترافه مـــــثل ماي
وبالحرب يوم الحشر

بزر گلبي يمه جاسم
فـــدوه اروح لهالبزر

حته ريجه ما يبلعه
لو سمع صوتك شمر


كلفه هــداتك هـــداتك وتـسد الدرب
ذنـي ساعاتـك ساعاتك يالمــا تنغــلب

◾◽◾◽◾◽◾◽◾◽◾◽

بالله اودعك يا عيوني
وهيه عازه عازتك

بيـــــدي ازفك للمنايا
وافرح انه بزفتك

شبيدي يا قاسم ييمه
والله لوعه لوعتك

بس ابو رقيـــه عزيز
اعليه ماعز رگبتك


بروحي لچماتــك لچماتك يابعــد الگلب
ذنـــــي ساعاتـك ساعاتك يالمــا تنغــلب

◾◽◾◽◾◽◾◽◾◽◾◽








عبد العليلـه
✍حيدر ابو كيان الفاطمي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

[[ عاشت يمناك ]]






لسيدي وسيد الشجاعه والكفاله

ابا الفظل العباس عليه السلام





يگوه السمّاك يالكافــــل يگـوم السماك
عاشت يمناك يبو فاظل عاشـت يمناك

سلطان الحومـه وراعيها
قادات بـــخزره مبچـيها

يگوه السمّاك يالكافــل يگوه السماك

◾◽◾◽◾◽◾◽◾◽◾◽


بسم حامي دخيله -- كسر ضهر الكحيله
تناوشها بدمها رشها
وتعاينـله العــــــــقيله

صفنة موت صفنت -- الهامه بغيض دخنت
ابو الكلفه وسطر چفه
اجيــوش ولا تــــــدنت


متعافي الوصل عــباس بالطف
مثل الموت عالجيش ايتخطف
والسالم رجــــــع بالگاع يزحف


جل الســواك يمصلصل جـل السواك
زينب تنخاك يمعـــــدل زينب تنخاك

هاي طلابه وطب يگضيها
قـــادات بـــخزره مبچـيها

يگوه السمّاك يالكافــل يگوه السماك

◾◽◾◽◾◽◾◽◾◽◾◽

تمايز وين الاشوس -- اليصدله ما تنفس
دخل يرعد علي ويهد
زلم بالطين غمّس

روس كبار لگط -- وبراسه المخطط
نوه اعليها سحگ بيها
وهدلت چفة الشط


دخل يتبختر اسـتاذ الفـــراسه
واليتـعرّضه يدوس اعلـه راسه
علي شكبره علي بچفوفه باسه


واليتلگـــــــاك مو عاقل واليـــــــتلگاك
شيوگفه وياك ويـــنازل شيوگفه وياك

وبس انته العركه تحليها
قادات بـــخـزره مبچـيها

يگوه السمّاك يالكافــل يگوه السماك

◾◽◾◽◾◽◾◽◾◽◾◽

متصدر البطوله -- وتلوگ اعله طوله
طفح زوده وحمل جوده
ولعب بالزلم جوله

تدعيله خيامـه -- يرجع بالسلامه
لوه اخشومه -- رعب يومه
مثل يوم القيامه


سلام الله على الريشات رفن
من بعيد لو رفن يـــخــــوفن
سبعين الف خـــلاها اتصفّـن


تسطر يسراك وتشور تسطر يسراك
تكتل عيـــناك وتعور تكــتل عيناك

يمبريد سيفك رجـــــليها
قادات بـــخـزره مبچـيها

يگوه السمّاك يالكافــل يگوه السماك

◾◽◾◽◾◽◾◽◾◽◾◽

توسط بيها وسطه -- صاحو هاي ورطه
دوه طاسه علي براسه
يا جيـــــــش اليفحطه

تحشم بيه الحره -- بعد ياهو اليگدره
الجمع طره وكسر ضهره
وشمر يــمنه اعله يسره


من دوس الزلم ما شافي بعده
من كل الجهـــــات الدرب سده
بخيت اليلگه من عباس شرده


ما يتعداك كلمن فر ما يتعـداك
منا منــاك ما يگـدر منا مــناك

وتضيگ الوسعه وما بيها
قادات بـــخـزره مبچـيها

يگوه السمّاك يالكافــل يگوه السماك

◾◽◾◽◾◽◾◽◾◽◾◽

الزلم والخيل ضكه -- وصار الطف يملكه
چوه درعه الكلف طبعه
عركـه وخوش عركه

ولا متره تــــزحزح -- جــمله گام يذبح
رجع لخته وتحب گصته
وگعد يمـــها ايتريّح


لخـوانك تگـله عــوف حصـه
العسكر يابو فاظل راح نصه
يبعد اختك المثلك ميتوصه


فرحت برباك بدويه فرحت برباك
ومأمنه وياك علويـه ومأمنه وياك

وامـك يالهيـــبه موفيها
قادات بـخـزره مبچـيها

يگوه السمّاك يالكافــل يگوه السماك

◾◽◾◽◾◽◾◽◾◽◾◽







عبد العليلـه
✍حيدر ابو كيان الفاطمي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

[[ راعي اللوه ]]





ميمر لأبي الفظل العباس عليه السلام





راعي اللوه   سر قل هو
هد وصفـن   حتى الهوه

ركضت زلمها اويه الخيل
              وداس اعله روس القاده

◽◾◽◾◽◾◽◾◽◾◽

والله ونـــــــعم من خلفة البدويه
جابت فحل بيده الحرب مگضيه
مجرى الدمه وصلّه لرجـــل رقيه


رك وسحگ  طگ وحرگ
غار وسـطر   بيده وخنگ

ريشاته رفت والواه
             حي الله عم الساده

◽◾◽◾◽◾◽◾◽◾◽

كامل مكمل بالـــــوصف ماعوزه
وطشر كتايب من قـره الارجوزه
واليذكر اخته الگمر يسحگ بوزه


طـــــب ولهب   غيره وغضب
يكــــــــسر زلم   كسر الحطب

(من حيث اتـت )  ردها زحوف
                        فانيهم الهـــداده

◾◽◾◽◾◽◾◽◾◽◾◽

( وأقتَرَبَ الوَعدُ ) وبرگ بـــتاره
الما لاحه چفه تلوحه نار الشاره
يتبــختر وعزريل بيــن اكتــــاره


ملك الاجل  بصف الكفل
تالي تعــب   گــد ما كتل

يقبض ارواح العباس
              صار وحلاة اعناده

◾◽◾◽◾◽◾◽◾◽◾

ماكو بجماله وكشختــه لتگـــــلي
ولا بالشجاعه اعلــيه بشر متعلي
بنص السهام ووره حسين يصلي


هذا القصد  دوم استعد
الزم صـــلاتـــــك لا تهد

ابنادم صلاته تنفعه
               لا شربته ولا زاده

◽◾◽◾◽◾◽◾◽

ما گال ادافع عن اخــوي حسيني
ولا گال عن خيماتي لو عن عيني
انـي ادافـــع ابـــــدا عـــن ديــني


ديــــن الزلم   دين العـــلم
اعظم شرف  واعظم اسم

واضح كلام العباس
             مبين الشي الراده

◾◽◾◽◾◽◾◽◾◽





          عبد العليلـه
✍حيدر ابو كيان الفاطمي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

لحن بدوي (نزال)
يمگطع الذرعان يوم الصعيبه
مثلك فلا اكو انسان طاهر حليبه
.........

ياهزبر الميدان متعني للطف
جم شارب الضموه وجم ريج نشف
موسم حصار الروس وبسيفه يگطف
منه وثلث تنعام يبن النجيبه
.........

ياهارف وزعلان وبجفه سيفه
موت اليضد حسين صار اعله كيفه
مثل الگطه هالجيش يمك وحيفه
من طبهه اخو المظلوم حلت مصيبه
..........

يصطر اوجوه الگوم جف الغضمفر
واعداه صاحت عاد للطف حيدر
لا ضنه بخت حسين بالضده شور
حي الغضمفر چيف يهوه الحريبه
..........

اللاحه جف حطام يرگدله حيله
عفرين طب للجيش يوم الثجيله
يا باسل اوسوار والضده ويله
عنده البعيده اليوم صارت گريبه
..........

دعلج تخيل بيه يامخلب الرخ
نازل صگر جراح وبرايه بطرخ
وكر الحرار اليوم ماهمه كل فخ
حيو يموكر صار سر العجيبه
...........
يامرحب الهرماس يوم الطرگهه
چم جثه خله السيف بالطف شبگهه
براح يا عزام ليث وسحگهه
والناوي الدرباس لازم يجيبه
.............

رفرف جناح الحوم طباهه هارف
يالمنه ماموجود طول الطوايف
حالف ابصبر حسين والخوه حالف
اله يخلي الجيش روحه سليبه


خادم اهل البيت علي الزرگاني
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

نعي








لسيدي ابا الفظل العباس عليه السلام

كأني بالحسين عليه السلام



طيّح عــــمود الخيمه وانـــدار
وعرفت ام عون شصار ماصار
انهجمت يزينــــــب گالها الدار
مات الكـــــفل گضـــاي الاكبار


عباس يا زينـب فـگــــدناه
ردنـاه الزين ويــــانه ردناه
الضهر شيجــــبره بــــلاياه
والگلــــب ما يبـرد بالاحاه


راح الغيـــور البــيه هـيبـه
عباس مثـــله منين اجيبه
يا كسرة يالمــا الها طيـبـه
يا طيحة الكــــافل نهــيبه


چــــان بظلام الليل ويلــج
ذبلان هسه وجرحه مغمج
هيمه وتراب يذري ويعــج
شيفيد راحه براحه اصفج


زينب اخـــونه راح منــــه
وبطيحته طاحـو اهلــــنه
للنـــهر خلــــينه انـتـعـــنه
ونعـــاتبه ونگــــوم عنـــه



وعندما وصلو الى جسد ابا الفظل عليه السلام

الحسين ..

ضل وحده صــــاحو عليه
شوفو حسين شگد خطيه
ترضــاها يتشـــمتـون بيـه
باصرني واگعد خـويه ليه


ايدي على خاصرتي واحومن
وطاحن اركبي شلون اگومـن
حگهن خواتــــــك لو يلــومن
من الخـــــيم واعليــك يومن



زينب ..

مت عيني سهمك حافر العين
وبلا يـــــسارك ضــال وايمين
انه ادري ما تــــگعد الميـــتين
بس گوم خويه لخاطر حسين


صـــــــــوت البنت لسا بذاني
سكيــــنه يبو فاظــل تتــاني
وتگول طـــوّل ما اجــــــاني
عبــاس ماضـــنه نـــــــساني








عبد العليلـه
✍حيدر ابو كيان الفاطمي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

بين ام علي وام الرضيع ورمله
    عدهن سؤال وياهو يكدر حله
        كلمن تكول النوح وياي
       راح الاضنه الكبرتي افياي
    ......................................
مكسور خاطرهه الحرم واتجمعت بالخيمه
واگلوب كلهه املوعه وكلمن يسولف ضيمه
ليلة التاسع بالحزن مطرت الدنيا ابغيمه
مرسال من طف كربله باجر تطرن هيمه

    كعدن وكلمن فرشت امصلاهه    وللخيمه جابت ثوب ابنهه وياهه
  شحال العطاشه الفكدت الماي
    كلمن   تكول   النوح   وياي
  عدهن سؤال        عدهن سؤال
    ......................................
گالت ام جاسم يالحرم خلي ابتدي بسالفتي
ماظنهه قصه اعله البشر يمكن اتشابه قصتي
ضنيت يشفيلي الجرح شوصار جاسم علتي
مطعون جاسم خاصره والألم كض خاصرتي
     الضنيت ازفه وحضرت حناتي
     ضلت الحنه امبلله ابدمعاتي
      يهل العگل گلولي بالراي
     كلمن تكول النوح وياي
   عدهن سؤال        عدهن سؤال
..........................................
الميت چببره ابخلفته چن نار دمعه ويسعر
وانه الاگبالي ابكربله ابني الجبير امطبر
گالولي رد ويه الابو ضنيت يمشي الاكبر
صاح الگلب مية هلا والگيت جسمه امطشر
   ميت وليه شفته فك اعيونه
  ومن الطبر ماجنه يشبه لونه
   صاير مصد للرايح وجاي
    كلمن تكول النوح وياي
عدهن سؤال        عدهن سؤال
  ..........................................
صاحت ام عبدالله الحزن بالگلب عابر حده
ابني الي ما شابع هوه موته الدليل ايمرده
كلجن گعدتن وي ولد والربو عدجن مده
بس الرضيع الما يرد واگبالي موحش مهده
    ماخذ دليلي وياه ابني ابموته
   متعوده اسمع ما افارك صوته
      بهداي مني انباگ بهداي
      كلمن تكول النوح وياي
عدهن سؤال        عدهن سؤال
..........................................
فگد الولد ما ينحمل بس الله يدري افراگه
والفگدت ابطف كربله حنت حنين الناگه
يالماشي عني وما ترد گلي اشوكت نتلاگه
العمره مثل عمر الورد هالروح اله مشتاگه

   گعدن اگبال حسين ويحاچنه
    يحسين محد غيرك الضلنه
     للحرم سور وطولك افياي
      كلمن تكول النوح وياي
عدهن سؤال        عدهن سؤال

خادم اهل البيت علي الزرگاني
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

حي الله عباس   حي الله عباس
........         ........        ........
نزل عباس ... والانفاس
   بگت محتاره
بيده بتار...  شبه ناره
      تخوف ناره
علي هاليوم... عله الگوم
وصل فقاره

طبهه الگمر وانحنت جدامه
يطوي الارض ويه نگل اجدامه
ابن الوصي مايدنگ الهامه
حي الله عباس   حي الله عباس
...........................................
من يلاگيه...  ويحاچيه
تخوف اعيونه
ابميلة السيف....  گضه الحيف
فن ايلاگونه
ساگي الاعيال... والاطفال
هله ايسمونه

موته الزلم من يصد اعليهه
هذا علي اليمنته اموصيهه
خله الدمه تمطر ابواديهه
حي الله عباس حي الله عباس
........................................
يمشي ويدوس...  على الروس
يهزبر غابه
حيرة الجيش....  تهد بيش
يفگر الصابه
علي ويفوت... على الموت
المنايه اتهابه

كثرة عدد  فنهم  ايلاگونه
من تنتهض صد عليهه عيونه
رد حيدره گامو ايضنونه
حي الله عباس حي الله عباس
.......................................
كبر  وراح...  عالارماح
يعم الساده
يهد ويصول...  والاچتول
جنود وقاده
رفرف الواه...  على اعداه
وگف بعناده

انه الوفه لجل اخوه اوعوده
فوگ النهر  گطعاهه  ازنوده
تنگال الي الما امخيب اعهوده
حي الله عباس حي الله عباس
........................................
زينبه اتشوف...  هالچفوف
هوت بالحومه
يلي وفيت... والي انطيت
طويله النومه
وعدك وياي... جبت ماي
اشحلات اعلومه

يابا الفضل مالي غيرك ثاني
يا كافلي دون كل اخواني
لولا الاجل والله ما تنساني
حي الله عباس حي الله عباس

خادم اهل البيت علي الزرگاني
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

رد الخيل اجتنه الخيل بليل
ياعباس صعبه المثلك يشيل
................
يفارس كونهه وليث الحرايب
يصكار العساكر والكتايب
يحكلي عليك من انشد وعاتب
وانه البجفاك عيني ادمومهه اتسيل
...............
رد الخيل  ياليث  الهواشم
هضيمه نروح عنك وانته نايم
يعباس اعله بختك والفواطم
تخليهه التضدك بيهن اتعيل
...!....!................
يا عباسنه او سور الكتيبه
اخو مثلك بعد كلي شيجيبه
مثلك  ما يصح طاهر حليبه
يالمخلي النهار اعله الخصم ليل
.....................!........
اجيتك والمشن جدامي الاهموم
وحك درعك احس دلالي ملجوم
دبطل نومتك يا كافلي اوكوم
احس أهموم كلبي كامت اتميل
..............................................

رد الخيل اجت رادت سبينه
بالامطهم  تخيل  واعتنينه
وعلي يسبونه لوما تجينه
ولو رحنه ينشبونه العده الويل
........................
يعباس اعتني فوك الثره انبات
بنات حسين اخيك هل امحشمات
سرو بضعونه وراعي الضعن مات
وحكك من رحت ماظل بعد حيل
.................
نأيس ماترد لو ترجع الهن
خواتك بالبراري ايطر ضعنهن
يكافلهن صدك ما تفزعلهن
ورتلنه دمعنه اعليك ترتيل
......................

باجر من ارد والكه الحنينه
امك والگلب ذاب ابونينه
شگلهه ياگمر عفتك رهينه
عفته امگطع ابين المجاتيل
...................

تدري الام لبنهه تريده دفان
يشيعلهه النعش ودموعه نيران
وامك من تموت ابلايا  وليان
بلايا اولاد يوم اترابهه انهيل


خادم اهل البيت علي الزرگاني
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

مالي عتب وي الماي
       كاسرلي بالطف افياي
    گاطع اعله اعيوني الضوه
     حارم انفاسي امن الهوه
......................................
كلما اشوفك ياعذب تعرض اكبالي الخوه
ياكبر ذنبك من ضمو اهل الشرف والنخوه
الله فده الذبح ابكبش وحسين عمرك يسوه
ماشلت روحك للخيم من گمنه نشتم گوه

      ما شفت ياماي شصار
      تلگه الگلب شبه النار
     لو بحر من گلبي انجوه
    حارم انفاسي من الهوه
..........................................
تدري امن ابو فاضل هوت يم الجرف جفينه
ظل ابو الاكبر منحني وبينة كسره اعلينه
خالي من اخيه من رجع يم الولي اشسوينه
دورة الحاجب بالجفن بحسينه اندارينه

          گناله سولف يحسين
          حامي الخدر مارد وين
        الموت وافراگه سوه
       حارم انفاسي من الهوه
..........................................
گالالي ودالج خبر ابينه الوداع وبيني
هذا آنه حدي ويالعمر يازينب اتعذريني
ما گصرت يابت علي ماكل سهمهم عيني
لعيونج اگبال الخدر بديت كل سنيني

          شنهي الخدر شنه عيون
          المهم خدرج يم عون
       عذري الجسم بالطف هوه
       حارم انفاسي من الهوه
   .........................................
يانهر ماظل الطفل لاظل علي لاجاسم
وحسين ظل الوحده ظالم يوصي ابظالم
أتگول تطلبنه ابذنب مدري شجاهه الوادم
لا انته توصل للحرم لا عدنه ظلو هاشم

           وحسين ظل بالميدان
            طايح وينده عطشان
           من الطعن جسمه سوه
           حارم انفاسي من الهوه
..........................................
ماظل عتب ويه النهر صار الي ابد ماصاير
أحسين عينه الخيمته وبروحه لاج وحاير
ما تدري الاصعب من وگع منتضر صدره الحافر
الف وتسع مية جرح ياعذر عندك باجر

       لو راوي لحسين اشفاه
        ما ننسه هالوگفه وياه
         يا وسفه منك ما روه
        حارم انفاسي من الهوه

خادم اهل البيت علي الزرگاني
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

طب ليهه الكفل     بعيونه الزعل
ضنوه رد علي      صاب الطف شلل
١
چن حيدر    طب هزبر    بالحومه وگف
من حول   جيش اختل   جن ريح وسعف
عج طفهه   وشوفهه    حيدر من عصف
من خزره    جف نهره   من شافه نشف

وصاحت  كربله        ببوفاضل هله
شبعهم ذبح            ضنوه رد علي
٢
من زغره    ايسمونه   سگاي الهله
من اگبل   بي شمو    عطر المرجله
طب ليهه    وحي الله   صاحت كربله
من زعله   يتراجف  بس زعله حله

ذاخرني علي      احامي عن هلي
يحجي ويالزلم      صاب الطف شلل
٣
من حيدر    نتعلم    معنه المفخره
وكل واحد    ينخانه    نجبر خاطره
من يقنع    بت حيدر    زينب حايره
وما تنذل   من عدهه  سبع الگنطره

الما يعرف دره.        وصلهم حيدره
احجي وتنخرس    صاب الطف شلل
٤
لو احجي    كل تسمع    ماجرو نفس
نهر الطف    خليته   بالروس انترس
من دمهم   وصلته     لعيون الفرس
الشايف   فارسهم    چن احمر لبس

اشبعهم سطر       ولايسلم نحر
سطرة حيدره      صاب الطف شلل
٥
ماتسلم   خياله     ولايمشي سلم
السلمت   من سيفي    يكتلهه العلم
الفارس    بالفارس   والخيل انردم
ايوصي   بعياله     اليم چفي قدم

الوصلني ماعبر       يطب جثه بنهر
متروسه الجرف     صاب الطف شلل
٦
عدواني   تتراجف   ريح وبالسعف
تتراكض   واگبالي    يافگره الوكف
عسكرهم   وصلته    لحدود النجف
افني الطف   ناويهه   بس ربك عطف

ناداني الفخر         ريض يالگمر
احسيني هتف     صاب الطف شلل
٧

تتراجف   وامخالف   سواهه الزلم
سل سيفه   وبكيفه    وعيشهه بحلم
لو يحصل   من اشيل   لبسهه الشهم
من صدره   من ضهره   يردمهم ردم

گضت كلهه گضت.    عساكر خلصت
محتاره الزلم     ضنوه رد علي

شاعر اهل البيت
علي الزركاني
13/6/2025
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

ياخويه يعباس ياخويه

...

دگات گلبي تنسمع نوح
عفت العضيد تحيطه الجروح
للخيم راجع واني مذبوح
نوح .. نوح .. جبت الدرب نوح

ياخويه كل حيلي نهدم .. صوب للخيم
لامايرد راعي العلم
بعيني الوجود اصبح عدم .. تنوح الحرم
بوداعه دلالي إنثلم
تمنيته افراگك وهم .. يهل الشيم
حزني على عيوني نرسم

رايح يكاشف كربتي
بعدك اضيع ابغربتي
ياخويه حيره حيرتي
اوگف وطيح بعبرتي

ياخويه يعباس ياخويه

*

ظهري نكسر والدمعه تنشاف
فگدك چبير أيهدل الجتاف
وحدي غريب شلون انعاف
طاف .. طاف بروحي الحزن طاف

مثل الهلال بغيبتك .. يافرگتك
هدتلي حيلي طيحتك
يابعد أخوك وشيمتك .. يم رايتك
چانت دمعتي لنخوتك
بالدنيا ماكو بغيرتك .. ياخوتك
أنته الامان بخيمتك

زينب شگلها لو أرد
يموتها ياخويه الفگد
يم الخيم مات الورد
ضاع الهوه وطاح الزند

ياخويه يعباس ياخويه

*

من الدمع ثگلانه الاردان
بعدك حسين هواي حيران
يم النهر چا ليش ذبلان
إخوان .. إخوان ماضلت اخوان

رايحلي أخو كله بخت .. يمه انتخت
الغيره أو بچت
زينب لخوها حشمت .. وروحي أطلعت
زينب أحسها تحيرت
بالخيمه بختك مالگت .. من نحنت
مثل النجم لمن هوت


الماعدها بالغربه سند
فگدت اخو أو فگدت ولد
كافلها عباس نفگد
عالمشرعه ضل بس جسد

ياخويه يعباس ياخويه

*

منين اجيبه المثلك منين
حامل لواي ودرع الحسين
ضحيت لجلي خويه جفين
وين .. وين يا اخوتي وين

بجروحي حرورة جمر .. ضاع العمر
ومنين اجيبلي صبر
لحدودي ادنه الشمر .. يهل الخدر
زينب گلبها منكسر
يم خيمة الكافل أمر .. بظهري الكسر
ودموعي عالخد تنحدر

لو فزعت خيول العده
موتي وسبي زينب بده
جروح العقيله الصامده
رمل الصحاري اتوسده

ياخويه يعباس ياخويه

*
سهم الطفوف مخلي نيشان
من عده راح تموت رضعان
خويه العطش بچبدي نيران
حان .. حان خويه الذبح حان

من ينسل السيف بذبح .. وجه الصبح
عالمنحر يسير جرح
يل حچيك ينكط ملح .. ماي وتشح
وحچاية اليكره رمح
ياخويه يل گلبك سمح .. يل منطرح
جرحي عليه يتضح


محتاجك اتسند الظهر
رد للخيم عوف النهر
دمعي ترك يمك أثر
حاجيني مو گلبي نكسر

ياخويه يعباس ياخويه

*

علي محسن الفرطوسي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

صاح جرح ام البنين
ياحبيبي يا حسين

ــــــــــــــــــ

من گبل ما اموت خليني اشوفك
ياحبيب القلب وبدمعي اطوفك
هذا جرحي يصيح من فدوه لحروفك
انذرتلك ولدي يا يمه بطفوفك

وناذره كل السنين
ياحبيبي يا حسين

ــــــــــــــــــ

يا ضواي وبيك اتنفس يغالي
اني صح يا يمه ما واحد بقالي
خل اشوفك ياحبيبي رد سؤالي
يطول عمري وقلبي يمه و يصفه بالي

يصفه بقليبي الحنين
ياحبيبي يا حسين

ــــــــــــــــــ

والله احن لشوفتك بس مو بديه
ارجع وشوف المصيبه الي عليه
انعمت عيني ييمه شصار بيه
الك مشتاگه حبيبي ولرقيه

وما سكت بيه الأنين
ياحبيبي يا حسين

ــــــــــــــــــ

بالگبر ونـي عليك وللحبايب
دنيتي ماتسوع عندي وانته غايب
عندي والله تهون كل هاي المصايب
والله بس لذبحك انته قلبي شايب

ينذبح بيك الوتين
ياحبيبي يا حسين

ــــــــــــــــــ

ابقى يا ييمه بوداعي وبرحيلي
وبحياتـي وبمماتـي لو تجيلي
انطي كم عباس منذور بسبيلي
امنية قلبي حسين وتعتنيلي

قلبي بيك ويستعين
ياحبيبي يا حسين

ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4