علي يبني علي يبني

علي راح أو اخذ صبري .. وهدم حيلي
يبني گوم اغفه اعله صدري .. وحشه ليلي
روحتك كسرتلي ظهري .. ياخليلي

العمر بيه اهتز يبويه أعثر امن الخيمه أجيت
نجمه طاحت من سمانه هذا لو أنته الهويت
علي بويه نهدم حيلي وغير جرحي مالگيت
حزني بيني بيش استره يم اليذبحك بچيت

انهظ يبويه ورجع عليه
للحومه رايح من بين اديه
للخيمه نرجع يبني سويه .. علي
ضهري كسرته ودمعاتي تجري
أنته عفتني وعايفني صبري
بعدك اسلم للغربه نحري. ... علي

جرحك عني غطيه
مابي حيل اصد ليه

علي يبني علي يبني

**

ضماك إلي يفت چبدك .. وجرحي جرحين
[على الدنيا العفا بعدك ] .. ياضوه العين
أمن الذبح بويه شيردك .. للصواوين

انتچي اعلى اركان صبري أو امشي خطواتي بألم
مختنگ ويدي اعلى ضهري رجعتك صارت عدم
راح إلاكبر من اديه شلون ارد بيه للخيم
اسنديني يختي زينب وضجت بونها الحرم

بالخميه عمتك زينب غريبه
رايح يغالي وعشت المصيبه
عايفني وحدي يبني عجيبه ... علي
اوكف وطيح وأمسح دمعتي
بعيوني يبني تبين غربتي
خليني اشمك بويه بحسرتي .. علي

أحسب والدك ضاع
بين سيوف ووداع

علي يبني علي يبني

**

ياخذك مهرك يالأكبر .. مايرجعك
نار مستعره اعله صدرك .. يبني اودعك
للذبح مقسوم نحرك .. واني اتبعك

ضوه مطشر يبني اشوفك جرحك يلچمه الثره
التعب والعطش ماخذ حيلك ودمعي جره
بروحتك روحي خذتها والگلب شيصبره
الموت ياخذ أهل بيتي گبال عيني بالسره

ياعيني سيلي بدمعة حسافه
الأكبر اعوفه بعمر الترافه
شفت المنيه بهاي المسافه .. علي
من خيمة أمك جيتك يغالي
اصفك بديه بويه شبقالي
عالخد دمعتي نزلت تلالي .. علي

بدمك ترتوي الگاع
من تروح شبساع ‏

علي يبني علي يبني

**

[مدداه مابين إخوته] .. وسال دمعه
الهواشم كلها موته .. محني ضلعه
واضحه الفرگه اعله صوته .. حسين ينعه


بصدري چم حسره اعله الأكبر والدمع ماينحبس
يبني شوف شسوه فگدك گوه اجرن بالنفس
تعبوك أو تعبوني بخيلهم شابع رفس
خدي خليه اعله خدك باچر تلمحه الشمس

رايدله حيل افراگك يالأكبر
كل لحضه موتي يتقرب أكثر
راسك أشوفه يبني تطبر .. علي
عشت الهظيمه وتعرف غلاتك
بالخيمه گعدن يبجن خواتك
رايح علي وين الگه بصفاتك .. علي

فگدك رايد عيون
وإني لذبحي يردون

علي يبني علي يبني

**

وحدي عفتوني بغربتي .. وماكو ناصر
ياهو يفزعلي لنصرتي .. گلبي حاير
يغفه السيف برگبتي .. بويه باچر

لوصحت هل من مُناصر ياهو عد عينك يگول
تفزع سيوف وسنابك خيل البصدري تجول
ياعلي اوداعة الله القسمه صارت للخيول
نلتقي روس برماح شموس متعلگه بنصول

راسي اويه راسك فوق الرمح
روحي اويه روحه تلاگن جرح
بدور الهواشم كلهم ذبح .. علي
زينب غريبه تروح بيسر
تدخل أميره بذاك القصر
مربيها حيدر ام الخدر ... علي


موتك يكسر ضهور
حگي أمن ابچي معذور

علي يبني علي يبني

**
علي محسن الفرطوسي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

قصيدة مولاي علي الأكبر عليه السلام.

﴿يبني يا الأكبر يا علي﴾..****

شد عليها وكوم شد احزامك
هذا يوم الحرب هاي ايامك
على وجهك يبني دير الثامك

هذا يوم الحرب يوم الموزمة

ــــــــــــــــــــــــ****

شدّ عليها من الجهات الأربعة
و انزل عليهم نزول الواقعة
يبني درب الشردة كون تضيعة

منهم وتبقى الزلم محتارة
ــــــــــــــــــــــ****

تبقى محتارة الزلم يوم الطفوف
وتشرد العدوان بملاگة ليسيوف
طب عليهم يبن حيدر خل تشوف

علي الأكبر يرهب بسطراتة

ـــــــــــــــــــــ****
يرهب بسطراتة يوم الموزمة
اربات حيدر على شجاعة معلمه
يطلب الجيمات لازم صارمة

وين شجعان لحرب بالحومة
ـــــــــــــــــــ****
بكر بن غانم برزله بالفله
شطر راسة ورجعه يگطر دمه
عاد خيبر بيهم بنص كربله

وعاد صولات الولي الجيدومة

كلمات
#الشاعر_عضيد_هادي_الصالحي

﴿ﺎللھُمۘ ؏َـجۚل لِوليۧڪَ ﺎلفَرجۚ﴾
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

أهوازيه ( #بت_الشيخ )    #محرم_1447
……………………………………………………………

بت الشيخ و العم شيخ . واخوتي اعگال عالوادم
شالوا وانسد الديوان  .  هيمه اصبح سلف هاشم

……………………………………………………………


يوميه الصبح چن عيد . ابوي امضوّي كل بيته
اعمامه الخضره فوگه اتنور . وشمحلاة خاچيته
اتخضّر باللسان اورود . لو بس جلمه حاچبته
اشبع ما اريد الزاد . لو من ايده حبّيته

وهسه ابنيتك ابشده
ذبلت عگبك الورده
رفت عيني وي الروح . يمكن انت مو سالم

……………………………………………………………


من يطلع أصيح إعليه . اروح المشيتك فدوه
يطلع گلبي يمشي ازحوف . وياه خطوه بالخطوه
بعدها و موش بالچانون . تشوفه وتخدر الگهوه
الگهوه ابأيد ابوي حسين . مره وتنگلب حلوه

بويه و تنشد اضيوفك
مثلي و رايده اتشوفك
هل رد فارغ الخطار . متعود يرد غانم

……………………………………………………………


نطفي بالمسه الفانوس . ما نحتاجه بالمره
اعلينه ايسر العباس . عمي ابگصته الكمره
نشبع من حلاة البيه . لو گابلنه عالسفره
اهوايه ابأسمي عمي ايصيح . لان سموني عالزهره

هيج وألتقي ابحلمي
واشتمن عطر عمي
يگلي حضري الاهديمات . وبريشاتي الچ قادم

……………………………………………………………


چانوا عندي هيبه اخوان . بيهم ورد يتعطر
ابيثرب مثله للصحبان . جاسم وي علي الاكبر
اسمهم للطيور الحان . وجههم للشمس مصدر
نفس اللبسه و يطلعون . ابيض والچماغ اخضر

اعليكم دمعي حرگاني
كلت اسم الله يخواني
اسمع صوت بذني اصيح . مايرجع علي وجاسم

……………………………………………………………


فرحه ومن ابوي ايگول . گومن لبسن اعبيچن
انروح الريحة الزهراء . العمتچن اوديچن
تتلگانه ملگه افراگ . تنادي يا هله بيچن
بلساني العسل ينضاگ . لو صحت ابأسامبچن

اطيبن عمه واحياتچ
لو اتغطه بعباتچ
يتراوالي خدرج مات . مالج بالبشر راحم

……………………………………………………………


چان بساع يكظي اليوم . لان ساعاته ورديه
مكيفه و تضحك الحيطان . لمن تضحك ارقيه
امن افتح عيني بالمصباح . چني ابجنه مضويه
محنه و چنها صوت حسين . سكنه اصبّح اعليه

اعليهن ما بُطل وني
راحن وحدي خلّني
عطشانات جوعانت . الله بحالهن عالم

……………………………………………………………


أخوي النصّبه الجبار . امام و زينة اعباده
هيبه و چي خواله املوك . و ماخذ غيرة الساده
احسن مثلي هم اعليل . مطوي ابرگبته اگياده
لا بالگعده حدره بساط . لا صله اعل سجاده

يلاهي الدعوتي تسمع
اخوي الهل سلف يرجع
ظل يفتخر جبرائيل . من اصبح اله خادم

……………………………………………………………
✍️ ( سيد خضر الزاملي )
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

(#خلقت_من_الوفاء )        #محرم_1447
……………………………………………………………

للوفاءِ قالَ ربُ العالمين
كُن فكانَ الحرةُ أمُ البنين
خُلِقت للسبطِ  تنعى .. غيمةٌ تمطرُ دمعا

……………………………………………………………


انخلقت و چان اول عمل
منها الدمع يركض نزل . و أحمّرت العين
الرب أذن الها و حچت
اول عِباره اتكلمت . يحسين يحسين

گالتها و السابع سمه . چن صارت احسينيه
مريم و ساره اتجمعن . وانعقدت اللطميه
اصدر حكم رب السمه . تحضر شكو حوريه
كل وحده منهن تنحي . اتسلّم على البدويه

مِن يديّها خُذنَ يا حورُ المُراد
هذهِ بابُ الدعاءِ للعباد
لرِضا الزهراءِ تسعى .. غيمةً تمطرُ دمعا

……………………………………………………………


ناده الله يا فاطم تره
خلقيت الج هاي المره . بمچانج اتكون
اتخاف اعل ولدج تلچم
الخاطرهم اتعوف الاسم  . كلشي الهم يهون

خدامه لحسين و حسن . لا مو شريچة الـ أمهم
اتحس راسها ابعلو الجبل . لو صاحوا و تخدمهم
تركت اهلها الـ بالبدو . و لا ليله راحت يمهم
امن اتعوف دارج تختنگ . ولدج هوه وتشمهم 

سرعةٌ تأتي كبرقِ في السماء
حينَ يحتاجُ الحسينُ شربَ ماء
زمزمٌ يأتيها طوعا .. غيمةٌ تمطرُ دمعا

……………………………………………………………


طبع النسه اتربي الوِلد
ايحضرونها اجنازه ابلحد . ايهيلون التراب
بس هالمره ابخاطر سمح
ربّتهم اليوم الذبح .   ومنتظره المصاب

كل هذا و اتحس بالخجل . وتگول خاف امقصره
ما يوصل الاربع زلم . من ابن فاطم شعره
لو عندي من عباس الف . والكل اشوفن نحره
وما اكتفي الا انذبح . وانوي بثواب الزهره

ليتَ تطحنُ صدري آلافُ الخيول
و يظلُ سالماً أبنُ الرسول
و لهُ اصبحُ درعا .. غيمةٌ تمطرُ دمعا

……………………………………………………………


من سمعت ابزينب أجت
تركض و حافي اتوجهت . تشهگ بالانفاس
صاحت يالحسين الولي
اتلگتها تلطم بت علي . و صاحت يعباس

ياريت يازينب صرت . ابدالج أنه اليسبوني
اتسلمين أنتي وخل الف . سوط اليورم امتوني
يابعد طولي و مو حجر . ريت ابسهم ضربوني
وابدال امج فاطمه . انا وهلي ايشتموني

ليتَ حبلَ الشمرِ في كفّي حديد
يأكلُ العظمَ و يقطعُ بالوريد
دونكِ الأيتامَ أرعى . غيمةٌ تمطرُ دمعا

……………………………………………………………


واتوجهت و بكل فخر
واتگله يوليدي الگمر . عفيه يعباس
مشكور يابو الغانمه
باجر اطب يم فاطمه . مرفوعة الراس

چفوفك الطاحن عالأرض . رفعني يم النجمه
بيك اكشخ بيوم الحشر . وبجربتك متشيمه
ايهود ونصاره و مسلمه . اعليه ابغدن ملتمه
لو هيجي لو مامش ولد . هنيالج الـ هالنعمه

هل رضعتيهُ حليباً أم وفاء
هوَ درعٌ كانَ للجودِ فداء
فهوَ و الجودُ صرعى . غيمةٌ تمطرُ دمعا

……………………………………………………………


سوّت لبو اليمه گبر
انهار ومسه يمه اتحضر . و اسلم اعليه
رغم الگبر رمزي و رسم
اظل تلزم اترابه وتشم . واظل تحاچيه

مو ثلث تيام العزه . يل جثتك مگلوبه
يوليدي فاتحتك تظل . ليوم الحشر منصوبه
ارفع ابچادر هالعزه . قطعه ابدمع مكتوبه
هذا عزاء المنذبح . و ذباحه ماخذ ثوبه

عندي أولادٌ بأعدادِ الألوف
يلطمونَ الصدرَ حزناَ للطفوف
دولةُ الخدامِ تُدعى . غيمةٌ تمطرُ دمعا

……………………………………………………………
✍️ ( سيد خضر الزاملي )
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

هلا بعباس تقدم ليها
            شايل الراية يهوس بيها
اليوم اذب خيل اعلى خيل
وخل يصير الطك ثكيل
            انه هاليوم الحرب شاريها
           ................................    
نبض بيه عرج الهواشم والفواطم هلهلت         كام شد حيله اعلى سيفه والارواح اتسلبت  
سطر بيده الكاع سطره   متدت فترت وجت                        
بيده صارت كام كامت  لوكعد هي اكعدت

لزم طرف الكاع بيده وسيطر عليها
الجيش من يشرد يفرها وصوبه يلويها
يحلها ساعة الكاع بيهم ساعة يطويها

اليوم اشوفها سقر        اليوم احاسبها بعسر
         اليوم عن بكرة ابيها افنيها 

       
               .............................


انه من ادخل حرايب   بيدي اكض اعنانها                       
وانه ابن الي خسفها       وشلع البيبانها
اليوم يا جيش اليكضني   راح اطب اكوانها                       
اليوم اضيك الكاع بيها   اليوم اغير الوانها

اليوم انزل ريح حمره واشمر الراية
ومثل عصة موسى تبلع زلم ورواية
احنه اهلها الحرب دوم وموش وداية
وانه يبره السيفي موت وبيدي الامنايا

اليوم اجليها جلي      اليوم اسحلها وعلي

          اليوم افحطها واكر رجليها         
            ................................

طب عليها وصاح بيها   يالله يشباه الزلم هذا انه العباس واكف  خل يصير الكم علم
يصد وجوه صفرة   صارت  بلون  الهدم   تشوف عزرائيل طبها  وباد من عدها الجدم

واكف بنص المعارة علمتن جوده
ولايكه بعصابة اخته شدة زنوده
بخيط ثوب ام البنين الصاية معكودة
ولافها عمامة علي علطاس مشدودة

يضرب ايسار ويمين  بجتفه عوذة من الحسين
           وطبك اولها على تاليها
              .............................   

هجم واتخلبص غزلها   وغاص نص اصفوفها
وماتت الفرسان وكفة   اتجمدت من خوفها
تعاين اعلى الزلم عينه   كالرماد   يشوفها اكبالها صار ونفخها   وخفتت امن اطفوفها

حمل صوب الكلب يرعد تجدح  عيونه
شردو اعلى الميمنة لنهم يلاكونه
اتجهو اعلى الميسرة واكف يشوفونه
تحيرو عباس جم واحد يشوفونه

ملك كل الحومه     يا حلات ارسومه

      ضلمه صارت نوره اليضويها

                     .............................

مو فرد نازل عليهم   جيش كامل من نزل يبست وصوفر زلمها  الجيش من شافه ذبل
بيا علي يحمل عليهم يختم بخير العمل
ومن يصيح الله اكبر يرتجف حتى الجبل

صاح بيها وصفت سكته موت لاكاها
بعز ظهاري الكيض ترجف خوف خلاها
رمحه يطوي صفوفها وسيفه يتلكاها
حسين كله يا علي وعباس عاداها

حسين كله يا علي   وصاح يا حيل الولي
        ماكو راحه اليوم ما اطيها
             ...............................

كربله طوفان صارت  والعجاجة للسمه
صار يوم حساب بيها   والقيامه قائمه
ابضربة وحده تطيح كامت عشرة عشرة بصارمه
الكاع خسفها حدرهم خيل فاجت بالدمه

تاهت الفرسان كلمن حاير بروحه
يلزم الجثه وشمرها وفكره التلوحه
اركاب لو مر ريح سيفه تطيح مذبوحه
أبدرة البدويه راضع غيره وملوحه

موت وزع بالطفوف    اشتات سواها الالوف

              للحرب جلادها وراعيها
               ...........................

من كصد صوب الشريعة  والكتايب جالها
النهر كاماله اعلى طوله  يا هله بصكارها
مد اديه للكاع شلع  والشريعة شالها
كال اخذها اعلى زينب  ارد احطها اكبالها

حط اديه وسط الفرات وشلع اجروفه
اليوم اخذ هالنهر يم زينب تشوفه
هاي زينب بت علي البلخدر موصوفه
اشلون تعطش عالنهر عز الله ما اعوفه

اليوم اسحله الخيمتي    ومنه تشبع عيلتي

            والاطفال اليوم كلها ارويها
         ........... ...............                مذكور العلياوي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

مَعشراٌ من كل شيئاٍ في الطفوف
بعزائٍ قَد أتوا بين يَديك
وبأثناء البُكاءِ والعويل
طُراً الاملاكُ قَد صَلت عَليك
… .
بمجلس تشوفه البصيره الجن حضر رافع ادينه
ويلطم اعله الراس يصرخ هالله هالله احسين وينه
الناعي مالتهم ينادي المثلك انته مسلبينه!
وحيدر اتجله بوسطهم يصرخ ويلطم جبينه
موضعك فردوس اصبح كل رسل الله لكينه!
من محمد الى المهدي كل ضوه دم تجري عينه

كُل عَبداٍ صالحاً طوعاً أتى
كي يأُدي الفَرضَ مولايَ إليك
وأتت زَينبْ تنادي ياحُسينْ
طُراً الاملاكُ قَد صَلت عَليك
… ..
اتصدعت هام العوالي والمشيئه اعليك طافت
ومن مكامن حكمة الله سيدي ومولاي صاحت
والإرادة العُليا ضجت من سيوف اعليك جارت
بيا قَدر مولاي تبجي بيا قضاء اعليك ناحت
الصبر والتسليم جزعوا من عليك اخيول صارت!
والتأني اللطمه منه بلا تأني اليوم دارت

وأتى التَدبيرُ مولايَ وحار
عاجزاً عن فهم مانالت يديك
والتفكر قال اثناء الكلام
طُرا الأملاكُ قد صلت عليك
…
الضمير اصبح مواكب نزل من صدر المواقف!
وصار مفهوم ويه اسمك بلفضه يصبح شي مُرادف
والثبات وياك اثبت دمعه بس اعليك ذارف
حسين يادمعة محمد ياحزن كل المصاحف
الظواهر كلهه اجتك والبواطن والمشارف
والاشاره والعباره والحقائق واللطائف

واتى النسيانُ ينعى ياحسين
بِذهولا سَيدي مالَ عليك
حاولَ النسيانَ لم يقدر على
طُرا الأملاكُ قد صَلت عليك
… .
بصوت عالي الريح ضجت عاصفه سوه نعيهه
والغيوم إحمر وجهه من كثر لطمة اديها
ياتراب اعليك ساكن يبست الصحره إبجيهه
الدمعه لجلك بيهه دمعه وبيهه فرحه يخص بجيهه
جي تكونت من جروحك ولان اسمك صار بيهه

ياكريماً أنت في وقت الحروب
لم تَرد سهما أتى جَمعا إليك
صلت الأسيافُ فيكَ بعدما
طُراً الأملاكُ قد صلت عليك
…
يانتيجة الله انته وياسبب كل خير حاصل
وحده من ابرز صفاتك صرت حلال المسائل
اشلون ضامي اتموت بالطف وانته نفسك ابو فاضل؟؟
حسين اكبر من وصفنه ضلمتك هاي المقاتل
ياكليم التايب اسمك ومحور لكل الفضائل
حسين جسمك موش انته بين ذاتك هذا فاصل

لم يورى قطاٌ صَريعاً في العرى
تُرجعُ الجيشَ إذا أومت يَديك
مِثلُكَ مَنْ بعد ميدان الخيول
طُراً الأملاكُ قد صَلت عَليك
… .
ابين اسماء الكلتهه وقبل مادمعاتي تنكف
هم اجيت بكربلائك تبجي لجل احسين بالطف؟؟
منهو انته؟ أشلون أعرفك؟ وحدك انته بروحك اعرف!
من يلوح الهوه شعرك راية الحق تبدي تنرف
من عظمتك ياحبيبي لقبض روحك الله اشرف
أعله وصف احسين عدنه منه انته قطعا اشرف

يامُهمين في سَراديق الخلودْ
وإماما قائداً في حاضريك
وهناك وهنا ياسيدي
طُراً الأملاكُ قد صلت عَليك
…
ابين انواع المجالس وبين آهات الي نشأت
بلحضه كلهم لله سجدوا لان فاطم هذاِ حضرت
ويانعاوي اعليك كالت يادموع اعليك ذرفت
والحجاب المانعرفه من دمائك هيه خضبت
وصاحت لله امتنانا آه يبني هيه صرخت
حسين شحجي وياك اكثر يلي بيك القدره ضهرت

يامنار الزُهد عند المتقين
كل نوراٍ هوَ من صنع يديك
اعني فهم الخير يامن فيهِ صار
طُراٍ الأملاك قد صلت عليك
…
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

اخر ليله  بيهة حسينك سالم تلكاه
بين الحافر باجر يبقه ومحد وياه
وتوصل نار بين اصغار تدخل وسط الخيمات
ماكو الجاي حامل ماي تسمع بس كلمة مات
… ..
طول الحسين المهيوب المامثله بين الوادم
بكد فتحة الخاتم هاي مايبقه باجر سالم
وضلوعه هاي الترفات اعليهه الخيول اتزاحم
وكل هذة ماواصل شي وشصاير الله العالم

ماندري شنهو الصار من جتي الخيل
بيا حيل يتلكه وبعد ماضل حيل
من رجله سحكت لو بدت من الراس؟
بس ساعه ضلت لو بقت حد الليل

مانعرف شي. ونجزع احنه شحال الاطفال
الشافت وادم. بعد المذبح جابوا الحبال
ركضوا غاد علسجاد لو داسوا علجمرات؟
ماكو الجاي حامل ماي تسمع بس كلمة مات
… .
عباس ميظل لحسين يتفرهد بجم سلاب
بكثر الركض يمه الصار جرحه انترس كله اتراب
هذة اليهوس فرحان وذاك اليمزك بثياب
وعلمشرعه الملكه يروح وهناكه يحدث الغياب

لمن يطيح الكمر متروس اسهام
بهل ساعه يله حضروا عرس الشام
ماتبقه خيمه للعصر كلشي يروح
والضعن يبقه بلا اهل بين ازلام

كلشي ابفكده  ضامي وينحب ويدك علراس
مو اي واحد هذة الواكع الميت عباس
متظل عين لا جفين وشتوصفه بيا جلمات
ماكو الجاي حامل ماي تسمع بس كلمة مات
… .
بهليله تحدث اشياء مايمكن لعقلي اتفوت
ماشايف اني باي يوم موادع يصير اعله الموت
يحجون بكلوب وعين وماتسمع اصلا اي صوت
والرايد يودع حسين بيا حاله للخيمه يفوت

وماادري زينب نزلت جم دمعه
لمن درت بحسين راح تودعه
وشصار بيه ابكربله ابذاك اليوم
لمن درت بجفوفه ميظل صبعه

حته النسمة بهاي الليلة تردلك جم روح
بحرك الخيمة تفرق كلش تزيد الجروح
تحمل صوت تحمل موت تفتر علعلويات
ماكو الجاي حامل ماي تسمع بس كلمة مات
…
بلبال يافكرة ادور يساعدهة الله النسوان
وياخلك سالم تلكاه وشلون فكرة العطشان
هاية التسكت الاطفال وذيج الي تقرة القرآن
حالتهن اتهد الحيل الماشافن بيوم انسان

يساعدهن الله باجر بيا حاله
لمن يشوفن جايه الخياله
وهدت الخيل اتخوف ازلام اكبار
وشلون بلة بحال هاي اطفاله

شلون اتصور بعد المذبح تحضر الازلام
ذني بحفض الرب العالي بس آه الشام
هناك دفوف يحضر شوف توصل رمي حجارات
وماكو الجاي حامل ماي تسمع بس كلمة مات
… .
كلشي جمع هذة اليوم الله يليل العاشر
جامع دموع التوديع ودمعة الباقي يناطر
والجسمه يبقه اعله الكاع علرمح راسه يسافر
وهلجمعة بس اخر يوم يطشرهة باجر حافر

يتفرقون ويلتقون بيا حال
شي يلتقون اجسام شي وسط البال
بس روح زينب يم منو اتظل ابهاي
يم جسم اخوهة لو تظل للاطفال

لو للكافل  تروح ابراسه واطيب العين
الحيرة ابهاية جيب اليشبع بوداع احسين
احلة عيون وسط الكون شيملهن هلنظرات
ماكو الجاي حامل ماي تسمع بس كلمة مات
… .
مجتبى الدفاعي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

العليلة

ألم اشرح حلم افرح نفذ صبري بحياتي
انا وحزني وثقل متني وجرح كل أمنياتي

بقيت معلعله       ابوي بكربله
حلم عمري اشوفه
ــــــــــــــــــ
بقت دار الاحبهم خالية الدار
وبقيت اني انتظر محسوبه خطار
ع ياساعه اموت بجرحي الاقدار
من هجر الحبيب وبالقلب نار

العمر يقضي وانه بفرضي اصليله ودعائي
جمر روحي وانه بنوحي رحل عني دوائي

عزائي بأوله     ابوي بكربله
حلم عمري اشوفه

ــــــــــــــــــ
ولاظل اي اثر من روحه الروح
سفينه هالصحاري والضعن نوح
رحل وابقه ع بابه قلبي مذبوح
من تكثر علية هواي الاجروح

يدلالي مشى الغالي واحس سفره وطويله
يمكتوبي اعله محبوبي اخذ من العليله

بدايه البسمله     ابوي بكربله
حلم عمري اشوفه
ــــــــــــــــــ
احس دمعه الم ترجعلي مكتوب
من يحمل هجر وافراك القلوب
والله لا يجيبه حزن الغروب
بي وحشه العلية واثقل انوب

على وضعي غفل دمعي يهل مني بعبرتي
اعله اهاتي اعله وناتي ترد نار بجمرتي

لذا خدي امتله    ابوي بكربله
حلم عمري اشوفه
ــــــــــــــــــ
انا الليل اليمر بالدنيا ما انام
حلم عمري بحقيقه مو بالاحلام
أكون وياهم اني بنص الخيام
انا مثل اليتيمة ومو بالايتام

يمر بية اعله طارية اليتم بس بعذابي
واظل وحدي وأمل عندي تطرقون اعله ابابي

من اليخاذني اله    ابوي بكربله
حلم عمري اشوفه
ــــــــــــــــــ
ردت قبل الرحيل ودمع العيون
اعبر عن حزن بس بية مدفون
اريد امشي بدربكم يالي تمشون
ولكن هالمرض خيبلي الضنون


بعد غيبة ولا خيبة بعد طول انتظاري
اتانيكم ووأوصيكم تردون اعله داري

ترد القافلة ابوي بكربلة
حلم عمري اشوفه
ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

أنتي صح بدويه بس أم الهواشم
يا عـباه بس خلفت اربـع عـمايـم

ــــــــــــــــــ

لمن أتوجة بجروحي وتعصر أيامي السنين
الها تسهيل امر اقرأ الـفاتـحه لأم الـبنـيـن
والدموع بطرف عيني بية ما كف الونين
الله الاخـتارج لحـيدر ذاك امير المومنين


أنتي صرتي أم اليتامة بعد فاطم
يا عـباه بس خلفت اربـع عـمايـم


ــــــــــــــــــ

صرتي علويه واجيتي بيت بي أهل الرسول
كبر اسمج وي اسمه حيدره فحل الفحول
من أجـه عطـر الامامـه أم بـني هاشم نـكول
نذرتيهم اربــعـتـهـم نــذر لـعـيـون الــبـتـول


گلتي الحسين المهم يرجعلي سالم
يا عـباه بس خلفت اربـع عـمايـم


ــــــــــــــــــ

انتي باب الله اليقصده ما يرد خالي الادين
من يحلفج ببو فاضل لو يحلفج بالحسين
ماتقصرين بعطائج للخدم طول السنيين
تنقضي الحاجه الي يقره الحمدُ رب العالمين


حاجتة مگضيه يرجع منها لازم
يا عـباه بس خلفت اربـع عـمايـم

ــــــــــــــــــ

كل وصيتج جانت الهم عن الحسين الحبيب
يـمـه لـتـركـون اخيكم هم يتيم وهم غـريــب
يابو فاضل خـل اكلـفـك يـمـه كـللها مجـيـب
زينب اله ابطن عيني ومن اشوفنها اطيب

يمة عد عينج واخيتي الها خادم
يا عـباه بس خلفت اربـع عـمايـم

ــــــــــــــــــ

اقره عن سيرة عن حياتج نار بعيونج مـصاب
تنهضم حسرات واشعر من تنضرين اعله باب
من عمـت عيـني علـيـهـا لاذت لاجـل الحـجاب
بت رسول الله وذكرها بـي شفاعه وبـي ثـواب


أم حسن بنت الاجاويد الأكارم
يا عـباه بس خلفت اربـع عـمايـم

ــــــــــــــــــ

البقيع يفوح منه عطر بي ريحة وفاء
تنجفي نضرات عينج لو سمعتي كربلاء
مو ضناي اكسرو قلبي گلتي قربان وعطاء
من وكع روح الزجيه والسمة تبجي دماء


باجر لثارة نرد والمهدي قادم
يا عـباه بس خلفت اربـع عـمايـم

ــــــــــــــــــ

متي بس ما مات ذكره بالوفه اسمج صريح
بالبقيع الجسد وانتي روح بس عنذ الضريح
لو ذكرتي ابن الزجيه والله عطشان وذبيح
كربله نسمات منها قلبج تهيجة الجريح


بالبجي يمة وتنصبين المأتم
يا عباه بـس خلفت اربـع عـمايـم

ــــــــــــــــــ

الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

(( #تلميذ_الفقار))            #محرم_1447
…………………………………………………………

قائد من صنع الكرار
مسلم تلميذ الفقار
عنده الغيره احساس .. رابي اوي العباس
تلميذ الفقار

……………………………………………………………


عن مسلم تاريخ ايسولف . وما واصل بعده العشرين
من عمه الكرار اتعيّن  . قائد في عركة صفين

الكرار ميجامل ابد . شاف ابو طاهر كدها
فلاح لازم منجله . و روس الزلم حاصدها
احتاروا و منا گنطره . وعباس واگف سَدها
والخيل مسلم بالعكس . فوگ الزلم صعدها

ناداه من ابعيد حسين
يبن العم عاشت ليدين
اتحسدك خاف الناس .. رابي اويه العباس
تلميذ الفقار

……………………………………………………………


وابن العم الحسن استاذه . سوّاه شيخ وعالي الشان
لو سولف تتحله الگهوه . وايصيح الله الفنجان

امن حسين ماخذ هيبته . خضره وتشع چفيته
شمسين طلعن بالسلف . من يكشخ ابخاچيته
بالعِلم مرجع مجتهد . تكصد الناس البيته
يسألونه ويجاوب گبل . مثل البحر عِلميته

اتخرّج من بيت القرآن
يتصبب منه الايمان
قدسيه الانفاس . رابي اويه العباس
تلميذ الفقار

……………………………………………………………


حسين ايخاطب اهل الكوفه . هذا سفير الكم وديت
هذا أخوي وشايل دمي . مسلم ثقتي امن اهل البيت

مثل الملك طبها و خطب . والكوفه صارت صفره
والطير يمه اتجمعت . محد بقه اعل الشجره
شيّاب تنشد بالوِلِد . هالصوت زين انذكره
خافنه للمنبر رجع . حيدر طلع من گبره

صح انتم ما مشتبهين
هذا اليحجي استاذه حسين
من هاشم نبراس .. رابي اويه العباس
تلميذ الفقار

……………………………………………………………


خانوه الماعدهم نخوه . محد دلّاه دربك هاذ
ولهتزت من مسلم شعره . يمكن گلبه امن الفولاذ

بالفزعه مو دوم الزلم . اتصير احسن امن النسوه
طوعه الاميره الطاهره . مليون شارب تسوه
طاحت عگلهم بالوحل . و شيلتها بيرغ نخوه
طب يمه ياريحة علي . الطولك اروحن فدوه

بيتك وانا البي خطار
آخذ مـن وجهك أنوار
عطرك بالانفاس .. رابي اوي العباس
تلميذ الفقار

……………………………………………………………


اعليه هدّت جند و خياله . معضد عالبيت امحوطين
خافت طوعه و هو يگلها . مسلم انا و لتخافين

كل خمسه يذبحهم سوه . الواحد يهمله ايعوفه
شي شردت و شي سلّمت . وشي ماتت امن الخوفه
ودوا ال عبيدالله خبر . خليه يكثر اسيوفه
لو يبقه فد ساعه بعد . مسلم يخلص الكوفه

عدهم اصبح جمله الموت
فارغ ماكو ولا تابوت
وهو امعلي الراس .. رابي اوي العباس
تلميذ الفقار

……………………………………………………………


ذبّوه من فوگ اعل الغبره . بس صار الـ مسلم تكريم
قصر الظالم اصبح حفره . وگبة مسلم علو الغيم

الـ بالامس خلوه وحده . ومحد دعاه الداره
واليوم كوفان اصبحت . مزدحمه من زواره
الـ بالحبل جرّوه أبامس . و بالدرب دمه أتجاره
بأسمه المدينه اتحولت . وهاي البشر خطاره

باب الواسع للحاجات
و يحل الشده ابلحظات
يا راعي النوماس .. رابي اوي العباس
تلميذ الفقار

……………………………………………………………
✍️ ( سيد خضر الزاملي )
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

الٰ هاشم يا وريثة دارها
يمتى مهديكم يطالب ثارها
ــــــــــــــــــ
يمتى يا سادتنا موعود الفرج
يمتى اخر ما بقى بنسلل الحجج
الخابط وي الصافي بالدنيا انمزج
وبس ابو صالح يخمد نارها

ــــــــــــــــــ
طفح كيل الفوضى والجور اعتلى
والسلم من عدها بالناس ابتلى
القابض بدينة مثل قابض على
جمرة بيدة وضيعت فجارها

ــــــــــــــــــ
ظهر بالبر والبحر جور وظلم
والفساد بكلشي واصل للعظم
بعد ما بينة ابد عنك نظُم
وانت تعلم يا امين اسرارها
ــــــــــــــــــ
يا بشر يشرونة يصبح سامري
يبيع دينة وبالمقابل يشتري
جبة الكاهن علينة ويفتري
عجل هالدنيا ويقلد اخوارها
ــــــــــــــــــ
الناس قسمين بتوبيت الاجل
ناس عاشت للابد نص الوحل
وناس من الگد الغنى وصلت زحل
مو حلال وما تفيد اعذراها
ــــــــــــــــــ
وضحت وباطلها ذاك وهذا حق
والله بين حگها والباطل زهق
ياهلا بالفتش وتوة التحق
وجان مضموم بخيال اكتارها
ــــــــــــــــــ
ناس تعبد لسة بالات وهبل
وناس ماعدهم ضمير ولا خجل
بس لامركم سيدي الطاع ومثل
وما يهمه الدنيا كل اخبارها
ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

يحسين يبني اكعدلي يحسين
****
يحسين فدوه اكعدلي يمـــــــه
لكلبي اجيتك اشكي همـــــــه
يمــــــه شفتها عليك لمــــــه
حافر شفت بيه منك اثار........وانه بدليلي اشتعلت النار
جسمك ييمه صار طشار
ظليت يمه ابجي يحسين....واهمل العين.........يمه يحسيني
وحدك ودارت فوكك الخيل......تهدم الحيل........يمه يحسيني
يحسين يمه اكعدلي يحسين
**
يمه الظلع لــــــو حان كسره
لا دوه يمــــــــــــه وبيه يبره
ولا نوصلــــــــه ونكدر نجبره
يمه يألم كسر الظلوع..........لا ما يطيبه سيل الـــــدموع
لسه الكسر يا يمه موجوع
من الباب يمه بظلعي مسمار.......بطفك النار.........وانظر لحالي
وانت بظلوعك تلعب سيوف......اه يالطفوف .........وانظر لحالي
يحسين يمه اكعدلي يحسين
**
الجان جف جـــــــــده يوسده
هسه على التربان خــــــــــده
والكافـــــــــــــر بسيفه يكصده
اكعدلي يمه الكافر يريد.......... منك يروحي يحز الوريد
مني الدهــــــر يوليدي شيريد
ما كفه يمه عصرة الباب .......بجف الاجناب ........وليدي متوذر
زادوا جرحنا بنحرك اليوم.......وسيل الدموم.........وليدي متوذر
يحسين يمه اكعدلي يحسين
**
شفته طريح يجيد وضعــــــه
خيل الكفر رضتله ظلعـــــــه
صار بدليلي هناك صدعــــــه
من السحك ما تكدر تكوم.........بخيل ونبال تحوطك الكوم
من كل كتر تتسايل دمـــوم
جيش وعليك يدور يحسين........يا ضوه العين......كطعوا جسمك
فرقه بنبال وفرقه بالنار..........فــرقه بحجار.......كطعوا جسمك
يحسين يمه اكعدلي يحسين
****

اختك تنوح بنوح ثكلـــــــــه
يمه مصابك ماكو مثلـــــــــه
وتكابل المنحر تكلــــــــــــــه
انهض يريسان الصواووين............باجــــــــر اطبن للدواوين
باجـــر اروح بلايه الحسين
باجر يرجبونه على النوك.........طبة السوك.........كلش مجيده
وذيج السياط ومن يسبون.........مايرحمون...........كلش مجيده
يحسين يمه اكعدلي يحسين
**
ونسألكم الدعاء لتعجيل الفرج



لخادم ال محمد(ع)
الشاعر حيدر كاظم الساري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

تانينه شهرك
بل أحزان بل أحزان
حبيبي
@@@@@@#
انت يابو سكنيه
غالي وتعنينه
لهل شهر ّحنينه
حسين حسين
ياشهر عاشور مامثلك شهر
انت للخادم نبضات العمر
ينطر المشاي لو دربك جمر
والله بس وياك مولاي الفخر
كل مسه نذكرك يعطشان يعطشان حبيبي
@@@@@
هلالك من نشوفة
نباوع ومنعوفة
اسمك فده حروفة
حسين حسين
دمعه من تجري تنزل عل وجن
أطيب جراحي والالام الزمن
شكرا العوده لطف ام الحسن
نذكر مصابك والكلب نسحن
مايطفة جمرك عله البال عله البال حبيبي
@@@@@
عشت انا بخيرك
حاشه ادور غيرك
خادمك اجيرك
حسين حسين
اقبل الخدمه علمني العشك
خلني يامولاي ذايب محترك
أوياكم عرفتة هل درب الصدك
وكلبي بس بسمك خليته يدك
طوع انا أمرك يسلطان يسلطان حبيبي
@@@@@
العاشرك عاشرتة
العايفك اي عفتة
وخادمك صادقتة
حسين حسين
انا اي مغرم سموني الخدم
عندي بس احسين والباقي وهم
راسي مايخضع ماسك هل العلم
شكرا لمولاي سوانه زلم
مرادي من جدرك أخذته أخذته حبيبي
@@@@
طفك وايامك
بعين كل خدامك
عايشين الالامك
حسين حسين
صاحب الأوهام خليه بالوهم
هو بمجانه واحنه علل العلم
نركض نطبر ونعيش الألم
نذكر الأطفال وجروح الخيم
ونبجي عل نحرك يمولاي يمولاي
حبيبي

َمسلم ياسر المياحي
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

حيهم عالخدمه ازلام وفايه ودرة
تحرسكم لا متنام اعيون الزهرة
لبيك حسين .. لبيك حسين

=============

لو كالوا عوف الخدمه .. كلهم ياهو يذب امه
الخدمه امربيتنه هواي اكثر من ام

والمو زلمه اليتبره .. مغزر بينه ابن الزهره
ردد هاي الجلمات حيل اتغثهم


لبيك حسين .. لبيك حسين
لبيك حسين .. لبيك حسين

=============

ما ينفع حجي اللايم .. نحره امغزر بالوادم
ولو رايد تتاكد اسمع مني

صارت مرّه وماتنعاد .. الدم الغزر موش الزاد
وكل للينكر فضله اتكتر عني

لبيك حسين .. لبيك حسين
لبيك حسين .. لبيك حسين

=============

منساوم بابن الزهره .. شارينه بحب وبنحره
وشما يغله الشراي تغله السلعه

اتفاخر يا هنيالي .. والشاريني اكبر غالي
شما يغله الخادم كول طاحت دمعه

لبيك حسين .. لبيك حسين
لبيك حسين .. لبيك حسين

=============

نتعلم من ام عباس .. اليخدم لازم يرفع راس
وشما ضحه لمولاه ايكول امقصر

نتنافس كلنه اعليها .. الخدمه الله امبارك بيها
كله بزود ام عباس اليخدم يكبر

لبيك حسين .. لبيك حسين
لبيك حسين .. لبيك حسين

=============

كلمات
الخادم حسن الكريماوي ✍️🏻.
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

يحسين يبني اكعدلي يحسين
****
يحسين فدوه اكعدلي يمـــــــه
لكلبي اجيتك اشكي همـــــــه
يمــــــه شفتها عليك لمــــــه
حافر شفت بيه منك اثار........وانه بدليلي اشتعلت النار
جسمك ييمه صار طشار
ظليت يمه ابجي يحسين....واهمل العين.........يمه يحسيني
وحدك ودارت فوكك الخيل......تهدم الحيل........يمه يحسيني
يحسين يمه اكعدلي يحسين
**
يمه الظلع لــــــو حان كسره
لا دوه يمــــــــــــه وبيه يبره
ولا نوصلــــــــه ونكدر نجبره
يمه يألم كسر الظلوع..........لا ما يطيبه سيل الـــــدموع
لسه الكسر يا يمه موجوع
من الباب يمه بظلعي مسمار.......بطفك النار.........وانظر لحالي
وانت بظلوعك تلعب سيوف......اه يالطفوف .........وانظر لحالي
يحسين يمه اكعدلي يحسين
**
الجان جف جـــــــــده يوسده
هسه على التربان خــــــــــده
والكافـــــــــــــر بسيفه يكصده
اكعدلي يمه الكافر يريد.......... منك يروحي يحز الوريد
مني الدهــــــر يوليدي شيريد
ما كفه يمه عصرة الباب .......بجف الاجناب ........وليدي متوذر
زادوا جرحنا بنحرك اليوم.......وسيل الدموم.........وليدي متوذر
يحسين يمه اكعدلي يحسين
**
شفته طريح يجيد وضعــــــه
خيل الكفر رضتله ظلعـــــــه
صار بدليلي هناك صدعــــــه
من السحك ما تكدر تكوم.........بخيل ونبال تحوطك الكوم
من كل كتر تتسايل دمـــوم
جيش وعليك يدور يحسين........يا ضوه العين......كطعوا جسمك
فرقه بنبال وفرقه بالنار..........فــرقه بحجار.......كطعوا جسمك
يحسين يمه اكعدلي يحسين
****

اختك تنوح بنوح ثكلـــــــــه
يمه مصابك ماكو مثلـــــــــه
وتكابل المنحر تكلــــــــــــــه
انهض يريسان الصواووين............باجــــــــر اطبن للدواوين
باجـــر اروح بلايه الحسين
باجر يرجبونه على النوك.........طبة السوك.........كلش مجيده
وذيج السياط ومن يسبون.........مايرحمون...........كلش مجيده
يحسين يمه اكعدلي يحسين
**
ونسألكم الدعاء لتعجيل الفرج



لخادم ال محمد(ع)
الشاعر حيدر كاظم الساري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4