كلشي بالدنيا خسارة سيدي وحبك ربح
بالنحور الدم يغالي بفضل راسك عل الرمح
١ـــــــــــــــــ
بفضلك تحررنا من سوق العبيد
وبفضل دمك بقى الدم البوريد
والله لولاك الظلم بينه يزيد
ولسة يحكم بينة بالدنيا يزيد

ماكو رحمة ولاكو رأفة من بعد عينك جرح
بالنحور الدم يغالي بفضل راسك عل الرمح
٢ـــــــــــــــــ
انت خيمتنة التلمنة من الضياع
بعد عينك كلشي بالدنيا وداع
سيدي انته الذي توجه الشراع
ودونك نظل بالبحر ما نلگه كاع


بالبحر نبقى بعمرنا والوضع ما ينشرح
بالنحور الدم يغالي بفضل راسك عل الرمح
٣ـــــــــــــــــ
سيدي ودربك ضوانة من الضلام
لجلك ومانمشي بدورب الحرام
دربك يودينة للحب والسلام
وغيرة اليودينة نحركلك خيام

درب غيرك ظلمة هندس سيدي ودربك صبح
بالنحور الدم يغالي بفضل راسك عل الرمح

٤ــــــــــــــــــ
دونك أسنين الخدم تصبح عجاف
الماترويه دمعته يعيش بجفاف
خدمتك أكبر نهر ما بي ضفاف
حبك الجنة أمر دون اختلاف

الما يعرفك هذا جاهل حبك شكد متضح
بالنحور الدم يغالي بفضل راسك عل الرمح

٥ــــــــــــــــــ
يبقى حبك يا ابو الاكبر بالفؤاد
لاخر الانفاس ويظل الحداد
يالحزن لجك يبو اليمة الجماد
القلبة مابي جمرة ما بي بس رماد


اسمك بقلب اليحبك للأبد ما ينمسح
بالنحور الدم يغالي بفضل راسك عل الرمح
٦ــــــــــــــــــ
اختصارا للسوالف يا عظيم
فاز كلمن حبك وقلبه يهيم
ما تعوف الخادم انت شگد كريم
يا امان انته غدا من الجحيم

بفضلك احنه نعيش هسه يا ابو القلب السمح
بالنحور الدم يغالي بفضل راسك عل الرمح
ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

ضايع ابلا خدمتك
لولا نظرة رحمتك
يا حسين
ــــــــــــــــــ
بين الدروب البعيدة بلا عزاء تشتت
واجمع بأفكاري لكن جم الف مرة متت
حاولت ابحر بدونك بالبحر دمعه ضعت
ضايع بصحرة وادور عن نهر بس ماشفت

ما رويت محبتَك
لولا نظرة رحمتك
يا حسين
ــــــــــــــــــ
منك الدنيا خذتني وجردتني من الدمع
والسواد بقلبي واصل بالذنب حد الضلع
بقلبي ما خليت ذنبي يأثر وبي ينطبع
صرت تحت اخيام فضلك من بشر مابي نفع


انحرم من نعمتك
لولا نظرة رحمتك
يا حسين
ــــــــــــــــــ
كمت احس نعمة عطائك تنسلب مني بعجب
دورت عن الحقيقة واعرفت شنهو السبب
ناري خمدت من اذكرك جانت بروحي لهب
صرت واحد ما اهمك جنت احس اني وهب


دمعتي ما همتك
لولا نظرة رحمتك
يا حسين
ــــــــــــــــــ
رغم كل أخطائي لكن رققت قلبي الك
اني عبدك وانت تعرف عبدك بدونك هلك
سيدي نادم اجيتك جدمي يم بابك سلك
امي ما عدها محنة بگد حنينك ونملك


انحرم من رأفتك
لولا نظرة رحمتك
يا حسين
ــــــــــــــــــ
مستحيل أكدر بدونك لحضه اعيش ابلا هوه
علتي علة وصعبة كلش فقط بس ذكرك دوه
تروي جبدي وانت ضامي وجبدك بنار انجوة
الكون ما يحتوي إحساسك قلبك الكون احتوة


كون تنهي دعوتك
لولا نظرة رحمتك
يا حسين
ــــــــــــــــــ
نضرة منك عندي تسوة عمري هذا بأكملة
انت باب الله الوسيعة ما اليرد كل مسئلة
سيدي اجعلني خادم قلبي انته تكفلة
ذنبي أقسى أشعر يألمك من سهم من حرملة


ذنبي بخيامك فتك
لولا نظرة رحمتك
يا حسين
ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

قصيدة ﴿هلا بعباس﴾

هلا بعباس...****

هلا بخيال الزلم يطي الدروس

كربله بيد ابو فاضل ما تحوس

هذا رواي الخيم يروي النفوس

إسمه ساقي بكربله يعرفونه

****

و نزل بطف شد بيده الثام

صار مهرب بيهم وحل القيام

هذا عباس الگلف معروف عام

و إبن قالع بابها من عيونه

****
سطرت معنى الملاحم بطفوف

أنته سيف لوحدگ تسوه سيوف

وهذا عباس العجب من تشوف

وقصب عالتاريخ يذكرونه

****
أنته ضهر حسين ونعمه المجيب

و بالگفالة لزينب و احلى حبيب

يا ابو فاضل بالشدد توگف طبيب

وهذا شبل القسوره يسمونه

****
بني هاشم شدو أبناء البتول

وأبو رايه أبو فاضل ويقول

أضرب الگفارا فيهم واجول

إبن حيود العرب بفنونه

****

أنته منگ القمر زداده الجمال

ذو فقارگ بالحرب سوا المحال

يشد عزمه شما كثر بيه بالرجال

ليلة السابع عبر اجنونه

****

كلمات
عضيد هادي الصالحي
﴿ﺎللھُمۘ ؏َـجۚل لِوليۧڪَ ﺎلفَرجۚ﴾
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

يالرباب اوداعة الله.
       يمه عينج لعبد الله
باجر   باجر غصب من ينفطم
باجر   باجر يشك نحره السهم
........................................
يالحنينه امسافره وعينج عليه
يالحنينه جنج اتكولين اليه
كون بيدي وياي رحتي وي رقيه
وبالطفوف اتصير لمتنه سويه

       ويمج احسينج الصله
        يمه عينج لعبد الله
بالطف   بالطف حلم يرسم حلم
باجر     باجر يشگ نحره السهم

............................. ........
دورتكم داري تنشدني عليكم
دورتكم وانه روحي بين اديكم
شلون تقتنعون اضل و احمل بجيكم
موتي من اوداعكم لو من حديكم

     والجفاني وين احصله
       يمه عينج لعبد الله
  اصرخ   اصرخ واصيحن يا الم
   باجر    باجر يشگ نحره السهم

..................................
ريضي هونج خلي عبدالله اشمه
ريضي هونج دنيتي مابيهه رحمه
تاخذ الساكن دليلي وما تسلمه
خاف باجر ياهلي تبطون واعمه

       الدللاني اشينسه فضله
         يمه عينج لعبد الله
      بعده   بعده اشد من كل هظم
      باجر   باجر يشگ نحره السهم

.................................
روحي يمه اشلون من ايجف حليبه
روحي يمه  لو يموت  منين اجيبه
ينفطر كلبي اذا طول  مغيبه
والبواجي  لاترده  ولا تجيبه

      لو يفز كولي اسم الله
         يمه عينج لعبد الله
    عمري    عمري فده هذا الاسم
    باجر     باجر يشگ نحره السهم

................................
  خاف يمه  امس مايشبه الباجر
  خاف يمه تسحك اعليه الحوافر
  يمه كونه ايموت مانكدر نكابر
  دار عينه وانه كلبي اعليه داير

      ياضعنهم ريت اعطله
       يمه عينج لعبد الله
انسه   انسه المرض من يبتسم
باجر    باجر يشگ نحره السهم

...............................
خلي اكلج چلمه وحسينج اكله
بويه هذا افراكم لا مو محله
بيه  عله  والبعد  ربالي  عله
حيهم اليوصل ضعنهم واليدله

       ما اظن عودي تخله
         يمه عينج لعبد الله
   حيهم حيهم اهلنه اهل الرحم
    باجر باجر يشگ نحره السهم

خادم اهل البيت علي الزرگاني

كلشي بالدنيا خسارة سيدي وحبك ربح
بالنحور الدم يغالي بفضل راسك عل الرمح
١ـــــــــــــــــ
بفضلك تحررنا من سوق العبيد
وبفضل دمك بقى الدم البوريد
والله لولاك الظلم بينه يزيد
ولسة يحكم بينة بالدنيا يزيد

ماكو رحمة ولاكو رأفة من بعد عينك جرح
بالنحور الدم يغالي بفضل راسك عل الرمح
٢ـــــــــــــــــ
انت خيمتنة التلمنة من الضياع
بعد عينك كلشي بالدنيا وداع
سيدي انته الذي توجه الشراع
ودونك نظل بالبحر ما نلگه كاع


بالبحر نبقى بعمرنا والوضع ما ينشرح
بالنحور الدم يغالي بفضل راسك عل الرمح
٣ـــــــــــــــــ
سيدي ودربك ضوانة من الضلام
لجلك ومانمشي بدورب الحرام
دربك يودينة للحب والسلام
وغيرة اليودينة نحركلك خيام

درب غيرك ظلمة هندس سيدي ودربك صبح
بالنحور الدم يغالي بفضل راسك عل الرمح

٤ــــــــــــــــــ
دونك أسنين الخدم تصبح عجاف
الماترويه دمعته يعيش بجفاف
خدمتك أكبر نهر ما بي ضفاف
حبك الجنة أمر دون اختلاف

الما يعرفك هذا جاهل حبك شكد متضح
بالنحور الدم يغالي بفضل راسك عل الرمح

٥ــــــــــــــــــ
يبقى حبك يا ابو الاكبر بالفؤاد
لاخر الانفاس ويظل الحداد
يالحزن لجك يبو اليمة الجماد
القلبة مابي جمرة ما بي بس رماد


اسمك بقلب اليحبك للأبد ما ينمسح
بالنحور الدم يغالي بفضل راسك عل الرمح
٦ــــــــــــــــــ
اختصارا للسوالف يا عظيم
فاز كلمن حبك وقلبه يهيم
ما تعوف الخادم انت شگد كريم
يا امان انته غدا من الجحيم

بفضلك احنه نعيش هسه يا ابو القلب السمح
بالنحور الدم يغالي بفضل راسك عل الرمح
ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

وصية بعد الموت

باجر لو متت أوصيكم احبابي
جمعولي القصايد كلها بترابي
ــــــــــــــــــ
لو حان الأجل أوصيكم بجانب
جمعولي القصايد بالقبر راغب
باجر انسئل لآل النبي شكاتب
وبـ أبياتي باجر يصبح اجوابي
ــــــــــــــــــ
من انزل حفرتي وتعتبر بيتي
خلولي قلم واوراقي بوصيتي
باجر من اموت والگة حريتي
بالبرزخ اكمل لوحة اكتابي
ــــــــــــــــــ
باجر من يجيني حسين ابو اليمة
اقرالة شعر عن حنصره ودمه
واقرالة اشتياقي لعالم الخدمة
لدموعي ولطمتي وحزني وثيابي
ــــــــــــــــــ
كتبوا اعله القبر خادم وابن خادم
كل عمري گضيتة اعله النحر هايم
مأتم ع القبر أوصيكم والازم
تنعون لمصابة مو على مصابي
ــــــــــــــــــ
لو رشيتو ماي بقبري والحفرة
ذكرو المات ضامي ودامي بالصحرة
جبدة تگطعت وشفافة متفطرة
واني استحي الماي يبلل اعتابي
ــــــــــــــــــ
خلو اعله قبر من جانبي الراية
لو رفت بصفي واعلم بهاية
يعني الاربعين وتمشي مشاية
ويحن قلبي بية واني بغيابي
ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

ضايع ابلا خدمتك
لولا نظرة رحمتك
يا حسين
ــــــــــــــــــ
بين الدروب البعيدة بلا عزاء تشتت
واجمع بأفكاري لكن جم الف مرة متت
حاولت ابحر بدونك بالبحر دمعه ضعت
ضايع بصحرة وادور عن نهر بس ماشفت

ما رويت محبتَك
لولا نظرة رحمتك
يا حسين
ــــــــــــــــــ
منك الدنيا خذتني وجردتني من الدمع
والسواد بقلبي واصل بالذنب حد الضلع
بقلبي ما خليت ذنبي يأثر وبي ينطبع
صرت تحت اخيام فضلك من بشر مابي نفع


انحرم من نعمتك
لولا نظرة رحمتك
يا حسين
ــــــــــــــــــ
كمت احس نعمة عطائك تنسلب مني بعجب
دورت عن الحقيقة واعرفت شنهو السبب
ناري خمدت من اذكرك جانت بروحي لهب
صرت واحد ما اهمك جنت احس اني وهب


دمعتي ما همتك
لولا نظرة رحمتك
يا حسين
ــــــــــــــــــ
رغم كل أخطائي لكن رققت قلبي الك
اني عبدك وانت تعرف عبدك بدونك هلك
سيدي نادم اجيتك جدمي يم بابك سلك
امي ما عدها محنة بگد حنينك ونملك


انحرم من رأفتك
لولا نظرة رحمتك
يا حسين
ــــــــــــــــــ
مستحيل أكدر بدونك لحضه اعيش ابلا هوه
علتي علة وصعبة كلش فقط بس ذكرك دوه
تروي جبدي وانت ضامي وجبدك بنار انجوة
الكون ما يحتوي إحساسك قلبك الكون احتوة


تنهي كون بدعوتك
لولا نظرة رحمتك
يا حسين
ــــــــــــــــــ
نضرة منك عندي تسوة عمري هذا بأكملة
انت باب الله الوسيعة ما اليرد كل مسئلة
سيدي اجعلني خادم قلبي انته تكفلة
ذنبي أقسى أشعر يألمك من سهم من حرملة


ذنبي بخيامك فتك
لولا نظرة رحمتك
يا حسين
ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

دلوني اعله جاسم صحت دلوني

...................
عيني اعله الدرب والدمعه سچابه
اموتن كون جاسم طول اغيابه
حنين ومو اطباعه ايفارك احبابه
حيهم يا هله وين اليبشروني
..................
اليبشرني ويگلي ابهاي الابشاره
يبردلي  الدليل وتنخمد ناره
آ يانار جاسم بيه وجاره
بوليدي الوفي خافن يفجعوني
..................
مو طبعه يطول لو طلع عنه
كلبي ايلوج خافن ما يرد النه
دلوني اعله دربه وانه اگصدنه
اروحن ليه خافن ما يخلوني
..................
كلبي يلوج بيه وضاگت الوسعه
تعطل وانه ادري ابهذا موطبعه
بعد ماشوف طوله وصوته ماسمعه
وگمت ما اوچد اليمي ويحاجوني
...................
ماشالتني جدمي وبعد ما اگدر
حالت بينه ومابينه العسكر
بعد ساعه وعلينه اخيولهم تفتر

وبصياح وشتايمهم يسمعوني
.................
ماحنيت چفه  الحنه  من دمه
صدك مذبوح لاجن بالگلب رسمه
ياعطر الورد بوليدي واشتمه
ياذنب الجنيته ومنه حرموني
...................
خلاني زماني الوحدي خلاني
وبموتك يجاسم كسر ذرعاني
صرت ام الوحيد وهذا عنواني
ام الما يرد بجفاك سموني

خادم اهل البيت علي الزرگاني
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

قصيدة .
﴿سيد الجيش﴾

طب بيها عباس يجدح غضب
يطك بيها بسيف نار برگب
بيمينه بتار حيدر علي
هيج الزلم دوم ما تنغلب

گمر كشخت حيدر... يرهب بسطراتة
الموت ينزل بيهم... من يسل ضرباته

يا سيد الجيش أبو فاضل.
****

راح وعله الماي شد عالگفر
ندريبه عباس لمن يطر
بهاي الوسيعه ضاگ الهوه
تارس جربته غبشه الفجر

شهم ساقي الكوثر... والعذب من جوده
الصحره ضاگت مايه ... والفخر بزنوده

يا سيد الجيش أبو فاضل
.****

هاي الصفه بيه حار وشهم
يصيّد اكبار صيد زلم
ندري يالضرغام رمز الوفه
هذا طبع بيه راعي العزم

صعب حيد معتبر... يرعب العياله
هيج طبعه الصارم... تشرد الخياله

يا سيد الجيش أبو فاضل
.****

هذا البطل دوم ما ينحزر
شد بيها عباس صوب الكفر
رعدت والسيوف هب بالجمع
ما ثنه بالموت راعي الشگر

چفه شمرت حيدر... من يطگ بيمينه
حگه اخوه اتبختر … يافخر سبعينه
ياسيد الجيش ابو فاضل
****
كلمات
عضيد هادي الصالحي
﴿ﺎللھُمۘ ؏َـجۚل لِوليۧڪَ ﺎلفَرجۚ﴾
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#قصائد_محرم_
#محرم_الليلة_الاولى_

يرجع شهر محرم على مولاتنا العقيلة زينب (صلوات الله عليها) وتَعيد الذكريات
والجروح بعد سنه ونص من اللألم الغربة…


ماكو لحضه بلاية دمعة
وماكو ساعة؟ بلا مناحة…
سنه ونص وااانة غريبة
گلبي ما تهدة جراحة…

ذكرياتي كلها تجرح
وهل محرم ذكره بية…
شنسة منة ومن عذابة
العاشر شگد بي اذية…


أبدي__منين
واكضي__لوين
من ذَبح اهلي لوّن حرگت خيامي

لو؟__للماي
الشح__إوياي
وزيّد جروحي العطش موتلي ضامي

گلبي__احتار
منْ__النار
ياهو يِطفيلي جمر يسمع كلامي


اااه محرم ياجرح روحي
اااه منك كبرت جروحي

___________

جايب جروحة محرم
راح اعيدن ذكرياتي…
العطش! والخيمة! والبر
هذن؟ ذبحّن امنياتي…

ياهو؟ تتحمل عيونة
گبالة مذبوحة خوتة…
وما تضل عندة عشيرة
العشيرة؟ كلها موتة…


كلهم__موت
شح__الصوت
شما أصيحن يهلي ما يرجع جوابي

هدت__خيل
تريد__الحيل
عمري خمسين وكبر بية عذابي

كلشي__اندار
بضهرّ__الحار
إطلعت اركض بدة بية اغترابي


اااه محرم ياجرح روحي
اااه منك كبرت جروحي

_______

منين ما ديرن الاگي
خيل وجيوش وعساكر…
چم طفل مات باثرها
أطفالي ما سلمت يعاشر..

لو رقية الوردة ذبلت
تحيرت ضايع امرها…
گصيرة خطوّاتي تگلي؟
الهيمة ياعمة شكبرها…


وين__نروح
عمه__جروح
كلشي ضاع بكربلة وضاعت غلاتي

عمه__ام عون
هاي__شلون
عمه؟ اخاف امن الحرگ يوصل عباتي

ثلاث__سنين
وعفت__حسين
عفتة مذبوح وگضت يمة أمنياتي


اااه محرم ياجرح روحي
اااه منك كبرت جروحي

_______

حتى ما خلوني أوّدع
من گضت ذيچ المسية…
جابو النوگ الهزيلة
يعني راح امشي سبية…

أستغربت مو هيچ شاني
بلسبي مو انة؟ روحن…
كمت احچي وية روحي
كون باول خطوة اموتن…


رحله__وشام
امشي__ايام
لا اخوتي! ولا دلال! امشي اسيرة

بيدي__احبال
وبان__اخيال
الطلعه كسرت هيبتي وانة الاميرة

الشام__عيون
شلون__يهون
وطولي ماشاف الشمس ياخدري حيرة


اااه محرم ياجرح روحي
اااه منك كبرت جروحي

_______
#محرم_١٤٤٧هـ_

✍️محسن الباوي

اللهم عجل لوليك الفرج
_______

لحن القصيدة 👇👇
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

هل محرم يالله حضرودموعكم
وبل تعازي حيل دكو صدوركم

هلت وبانت علامات الحزن
وام الحسين ابدامعهه وتون
وحنت النوگ اعله ابنهه من تحن
وما يصح يبني اليشابه يومكم
...............

اليوم ياشيعة علي لبسو السواد
اليوم حي اعله العزاء بهل بلاد
عالثره طايح ابن خير العباد
وصيحو شيعتكم فلا ينسونكم
..............
اليوم اليواليه ايحضر القامه
وخلهه تتلگه السيوفه الهامه
مات الحسين وصبحنه ايتامه
وعالصدر خلهه تلح اجفوفكم
.............

اليوم خل ننعاه ونقيم العزاء
وكل ارض عدنه تشابه كربلاء
حسين ناحتله ارصنه وي السماء
وهل شهر يختلف عن اشهوركم
............

هل محرم يامحب هل الدمع
وحيل دگ صدرك المهشوم الضلع
باجر الزهره اعله ابنهه تنفجع
وعينهه تبجي وتواسي اعيونكم
.............

الحمدلله بينه تندار السنين
وكل سنه نبجي المصابك ياحسين
ياحبيب اگلوب ناسك يالحنين
ويهنياله الي يكمل دوركم

خادم اهل البيت علي الزرگاني
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

لا أنـته ترجع للــروح ** لا جرحك الــمــنها يروح
وحيده -- حمـــيده --- يامــسلـم أتــعاني
ــــــــــــــــــــــــــــــــــــــ
ماخلت الفـركه عـيون -- ما أدري تالــــيهه شلون -- شيبته راسي
عمر الورد يطلب ماي -- لا هايه حصلــــت لا هاي -- ضليت أقاسي
لا جــيه بيك وأرتاح -- لا يمتلك كلـــــــبي جناح -- لا هــوه ناسي
والله ذبحني التفكــير -- يايوسفــــي فراكك بــــير – خانــك أنفاسي

أتذكرك تالي الليل ** يالهجرك يهد الحـــــيل
حــزيـــــنه -- حمــــــــــيده -- يامسلم أتعاني
ــــــــــــــــــــــــــــــــــــــ
لا جاني مـــنك مرسال -- لا جلمه التريح الــــبال -- حيرته بالي
أسأل علـــيك يسكتون -- عـــنك خبر ما يدرون -- عذبته حالي
أتوسل أنطـوني أخـــبار-- محد يخــــبرني شصار -- وينك يغالي
بالكوفـــه مايحصل طير-- أكــــتبلي بويه أنه بخير -- سود الليالي

بنفاسي يخنك فـــركاك ** أتمــنه ما خـــذني وياك
غـــريــــــبه -- حمــــــــيده -- يامسلـــــــم أتعاني
ــــــــــــــــــــــــــــــــــــــ
جرح الكلـب ما ينشاف – والغالي صعـــبه يـــنعاف -- وأنـته عـفـتني
ريشه وتلاعـبني الريح – ما يرجع أسمعهه تصيح -- شكد عـــذبتني
أركض لعد عمي حسين— طمـــــني أبن عمك زين -- ريتك شفـــتني
من يمسح الراس شلون-- يتغـــــــير بساع اللون -- يا لفاركـــــــتني

الحضانك هواي أشتاك ** شيرجعك وأنته هــــناك
تريـــــــــدك -- حمــــــــــــــــيده -- يامسلم تعاني
ــــــــــــــــــــــــــــــــــــــ
بالخيمه أسمع يحجون -- قصر الأماره يذكرون -- يوجعني كلبي
يابويه يعني متعـــــود -- ألبسهن أثـياب السود -- ضيعــته دربي
بس طوعه كــالو وياك -- والدز رسايــل خاناك -- دخــــلك يربي
ماضاكت شفافــك ماي -- تشرب سلاما مـولاي -- الحسين نحبي

ياماي ماتشرب ماي ** مصعبهه يامسلم هاي
تــــدورك -- حمــــــــيده -- يامسلـــــم أتعاني
ــــــــــــــــــــــــــــــــــــــ
جادر دمعتي مـنصوب -- والصفنه صفنة منكوب -- موتـني هجرك
بكليبي أهلي يصبرون -- وكـــبالي بويه يدنـكون -- لمــــــن أذكرك
ياموت أخذنـــي ناديت – ميـــته بــوداعك ضليت -- ماأدري أخسرك
عــــمر اليتم ما ينراد – يالمـــــيت وأحنه أبعاد -- عــالباري أجرك

موتني هجرناك موت ** سكته يبويه بلا صوت
يتــــــــــيمه -- حمــــــــيده -- يامسلــم أتعاني


خادم العتره عبد الجليل المالكي

قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4