🔸   علي بنبضات گلبه🔸
علي بنبضات. گلبه تلگه الايتام
     وعلي بريشلة حنانه يرسم افراح
علي انسان راقي ارقى انسان
         ميحب الدماء وغدر الأرماح
لكن للضروه حتمآ احكام
      اخذ فقاره بايده اعظم اسلاح
سوكه بعين كلمن يغدر. الناس
            وللمظلوم عزه و ورد قداح
اخذ سهمه التعب ومساهر الليل
       وجانت راحته من شعبه مرتاح
على المسحاه طبع اقدامه اشهود
       على اجفوفه تشاهد اثر الجراح
شايل گلب يوسع كل الأكوان
         ابو للكل حنون وكله. اصلاح
ينوم النجم صاحي عينه متنام
         يفتر عل فقاره ابخلگ ملاح
عالم وشتراكي وقاضي حاجات
          وامير المؤمنين وشغله فلاح
يداوي اجروح ناسه وگلبه ملجوم
         طبيبآ حيدره الكل عله جراح
لذلك يا علي بجنون نهواك
         لئن حبك علي للجنه. مفتاح
واليحبك علي انحبه لله
      واليضدك اكيد انشوفه. سفاح

▪️قصيده بحق الإمام علي ع ▪️
گلبك الينبض محنه
بويه بعدك ياهو النه
وداعة أمي فاطمه
الدنيا سوده ومعتمه
يل حنين
🔸🔸🔸🔸🔸🔸
وين ذيج أللمه والگعده الجميله
أنطي عمري كله بس ترجعلي ليله
سكته أنوح وعلى اخدود دمعي اسيله
المن أحجي اهمومي وياهو أشتكيله
أنت أقرب مني الي
ادگلي دوم ادللي
يل حنين
🔸🔸🔸🔸🔸🔸🔸🔸
يا خليل اليگدر ايفارگ خليله
اللحظه بغيابه عمر تصبح طويله
الشوگ يكتل والمحنه اتهدله حيله.
وأنه فارگت الأبو الماكوا مثيله
بويه يا اجمل ابو
ابد مثلك ما أكو
يل حنين
🔸🔸🔸🔸🔸🔸🔸🔸
من خذاك الموت ريته هم خذاني
أمنياتي اوياك  أگعد  لو ثواني
شوفتك صارت حلم طيفك أتاني
بس التفارگ ابو تعرف شعاني
مو جرح انزف جروح
الكون والوادم تنوح
يل حنين
🔸🔸🔸🔸🔸🔸🔸
هايه ايتامك تنادي بويه وينك
هسه حست باليتم فگدت حنينك
أمنيات العدهه ان اتقبله ادينك
أتريد من اسنينهه اتضيف السنينك
ايتامك الجنهم ورد
إيسوا لا ما ترد
يل حنين
🔸🔸🔸🔸🔸
أصعب من الموت افراگ الأحبه
اشحال ألتفارگ ابوهه هايه صعبه.
اعيونهه اترفرف تظل بس اعله دربه
حسبه بيهه اتروح وترد بيهه حسبه
لو جبل هم انهدم
يوم عن يوم انثلم
يل حنين
الشاعر،، هادي الساعدي

كلهن بيك يل مهيوب شنهو  انته
اليشوفك من جمالك ينسه سالفته
خصالك حيرتهم مالگو مثلك
بس انت الأسد تنرسم خارطته
هادي الساعدي

لك الحمدُ         لك الشكرُ.        إلهي يا الهي
في ليلي اناجيك       ياحي يا قيوم
في روحي اناديك     يا حي يا قيوم

      ،،،،،،،،،،،،،،،،،،،،،،،
من ذا يحفظ العبد.    ياالله يا الله
آله البرقِ  والرعد.       يا الله يا الله
بآمالي له   احدُ.         يا الله يا الله
في ليلي اناجيك.     ياحي يا قيوم
وفي صبحي اناديك. يا حي يا قيوم
         ،،،،،،،،،،،،،،،،،،،،،،،،،،،
يا أكرم من كل كريم       يارحمن يارحمن
بكل احوالي انت عليم.    يا رحمن يا رحمن
يا رؤوف يا. حليم.         يا رحمن يا رحمن
في ليلي اناجيك.     ياحي يا قيوم
وفي صبحي اناديك. يا حي يا قيوم
     ،،،،،،،،،،،،،،،،،،،،،،،،،،،،،،
إليه قريب يا ودود.        يارباه يا رباه
وما تحُدكَ اي حدود.      يا رباه يا رباه
.ارحم عبدُك يا معبود.  يا رباه يا رباه
في ليلي اناجيك.     ياحي يا قيوم
وفي صبحي اناديك. يا حي يا قيوم
       ،،،،،،،،،،،،،،،،،،،،،،،،،

ما ريدك شمر بعيوني اتصبر
اريدك عابس وعاشگ الحسين
وما ريدك يزيد وباغي عل ناس
اريد أفعال منك تتذكر زين
اريدك جون كون اتصبر مختار
تهد للثأر كون اتكحل العين
اريد انسان كون أموالي كرار
النذر عمره وحياته الخدمة الدين
اريدك للاخوه تصير عباس
الفدى لحسين عينه ونطه جفين
وريدك بالبلاء اتصير سجاد
عليل ورغم علته يصلي كل حين
ومثل زينب اريدك وكت الاهوال
جبل شامخ عزمهه وبجت البين
وريدك أنه اريدك شمس مو غيم
وسكتهه الشماتة والمبغضين
الشاعر ،،هادي الساعدي

شوط كربلائي زنجيل
عباس الشهم والحيد. ثلث تنعام من عنده
خلاهه إلزلم طشار كلهه ادور الشرده
*-------------------*----------------*
شسولف عن ابو فاضل. وعن أفعاله وزوده
يخافونه العدة وترحف. لو حركهن اكتونه
الجيش ابكبره يشرد. لا قاده ولجنوده
يرفرف مرجله وغيره. رغم عنهم ملى جوده
وجم فارس بقى محتار كلهه ادور الشرده

*-----------------*------------------*
اله جم موقف أبموقف يجلهن اله التاريخ
والافلاك. تشهدله. الارض تشهدله والمريخ
ينعاد ابألف فارس. ومتنصب عليهم شيخ
مواجهه عليه الأنظار. كلهه ادور الشرده
*----------------*------------------*
امامك جعفر الصادق اسمع ماذا عنه ايگول
صلب الايمان عمنه كان يعني ابزوده من ايصول
ونافذ البصيره جان بالميدان وحده ايجول
اعلاهه المراتب نال. يكفيه للشهاده اينول
شمرته جن علي الكرار. كلهه ادور الشرده
*--------------*-----------------*
يرفعة راسي أمه ادگول ابني وانا اعرفنه
وصيته ابوصايه اهواي. گتله مني ادنه
اخبرك عن اخوك حسين. لا تبعد ابد عنه
يبعد امك يروح الروح. حجتله ابدمعه وبونه
وريد بسيفك البتار. كلهه ادور الشرده
*-----------------*---------------*
هذا الما يشبهه أحد. للخوه صبح عنوان
مثل خوة علي وطاهه. قدوه همه للإخوان
وفي وحد الوفه للموت. وجفوفه أصبحن برهان
وهو الفارس المغوار. ترجف منه الفرسان
دخلهم رعب ونذار. كلهه ادور الشرده
الشاعر هادي الساعدي

الى الامام المهدي عج
يا آله الكون عجل في ظهور القائم
~~~~~~~~~~~~~
هو قائدنه وغيره ما حله
ولقدومه انادي يا مية. هله
هلا بالمنقذ ابن عقد الوله
ندعي ياخذ حقنه من كل ظالم
~~~~~~~~~~
في صلاة الصبح ندعي ويه الفجر
يا آلهي أتحفظه النه من الغدر
من طغاة الكفر ورباب المكر
ابو صالح يبقه النه سالم
~~~~~~~~~~~
وجوهنه من الظلم ذبلت تره
اتحملت ظيم والم كل الجره
هاي أحبابه حزينه وحايره
تضحي لجله تدري بيهه وعالم
~~~~~~~
يا لثارات الحسين اوياه نصيح
وثار قاسم وي الأكبر والذبيح
ونقر عين المصطفى وكلبه الجريح
وما يظل كل مبغض وكل حالم
~~~~~~~~
الفاتحه نقراهه اله تسهيل امر
گلوبنه من الحزن صارت كالجمر
الكون يترقب ظهوره وينتظر
لا محاله يظهر النه وقادم
،،،،،،،،،،،،،،،،،،،،،،،
طلگينه الدنيا شدينه العزم
اجنود حد الموت متحضره إلزلم
مو هوى هذا عطر حبه نشم
هو منقذنه اليضده نادم


الشاعر .... هادي الساعدي

قصائد محرم
فزاعيه عن زينب ع

مرفوع راسج للأبد. يازينب يازينب
يا لبوه من ذاك الاسد. يازينب يزينب
**٠٠٠٠٠٠٠٠٠٠٠٠٠٠٠٠٠**٠٠٠٠٠٠٠٠٠٠٠٠٠٠٠٠٠**
حياج يا اخت البطل يا زينب يزينب
معروف عباس الكفل. يا زينب يزينب
كسرة اعدائه من حمل. يا زينب يزينب
خله بمعسكرهم خلل. يازينب يزينب
ما همه كل ذاك العدد. يازينب يزينب
**٠٠٠٠٠٠٠٠٠٠٠٠٠٠٠٠**٠٠٠٠٠٠٠٠٠٠٠٠٠٠٠**
بيا كلمه اوصفج يا وصف. يا زينب يزينب
من إلزلم تسوين الف. يا زينب يزينب
جرحج نعم جدا كلف. يا زينب يزينب
بالشام ضيعتي العرف. يا زينب يزينب
ما كوا أنصار بهل البلد. يا زينب يزينب
**٠٠٠٠٠٠٠٠٠٠٠٠٠٠٠**٠٠٠٠٠٠٠٠٠٠٠٠٠٠٠**

بنت الجليله الطاهره. يا زينب يزينب
مثل امج انتي أعظم مره. يا زينب يزينب
عل عيله عينج ساهره. يا زينب يزينب
رغم الظروف القاهره. يا زينب يزينب
للعيله جنتي أعظم سند. يا زينب يزينب
**٠٠٠٠٠٠٠٠٠٠٠٠٠٠**٠٠٠٠٠٠٠٠٠٠٠٠٠٠**
شفتي الحسين ومنحره. يا زينب يزينب
والخيل ضلعه كاسره. يازينب يزينب
يا هو اللي يحمل ما جره. يا زينب يزينب
جم نار بيج اموجره. يازينب يزينب
وگلبج وناره ما حمد. يا زينب يزينب
**٠٠٠٠٠٠٠٠٠٠٠٠٠٠**٠٠٠٠٠٠٠٠٠٠٠**

إسهام جانت كلمتج. يازينب يزينب
التاريخ سجل خطبتج. يا زينب يزينب
جن سيف هيه ابيمنتج. يا زينب يزينب
مرفوعه تبقى رايتج. يا زينب يزينب
ويزيد وقصوره بدد. يا زينب يزينب
يا لبوه من ذاك الاسد
**٠٠٠٠٠٠٠٠٠٠٠٠٠٠**٠٠٠٠٠٠٠٠٠٠٠٠٠٠**
كيد كيدك افهم هل الامر. يازينب يزينب
والله ما تمحو الذكر. يازينب يزينب
اسمعني انت والشمر. يا زينب يزينب
لا مال ينفع لا قصر. يا زينب يزينب
گالتله ايامك عدد
يا لبوه من ذاك الاسد

خادم اهل البيت ع
الشاعر ،،هادي الساعدي

قصائد عن زينب ع

الله يعين گلبج يأم الاحزان
شفتي الما جرى ولا مر على انسان

*'''''''''''''''''''''''''*''''''''''''''''"''''''''*
مثل امج يهيبه بكل صفاتج
يل ما شفتي أي راحه بحياتك
من حزن الحزن والحد مماتج
خلص عمرج يزينب وسط الاحزان
'''''''''''''''''''''"'''''''''''''''''''''''''''''''**
انتي ام الحزن وانتي ام الأيتام
اسيره مگيده من رحتي للشام
وذبح اخوانج ويا حرگ الخيام
جمره وتستعر يفراگ الإخوان
'''''''''''''''''''""""'''''''''''''''''''''''''''''**
الله يعين گلبج يأخت الحسين
عطاشا اتصبح اطفال ونساوين
وين اليوث هاشم عنه جا وين
ذاك يصيح بويه وذاك عطشان
''''''''''''''''''''''''''''''''''''''''''"""""""""**
راحوا كل هلج محد بقه اوياج
ورضعان وحرم تتباجه بحماج
ولا عدهم رحم لا غيره اعداج
على طول الوكت يبقون عدوان
''''''''''''"''''''"""""""''''''''''''''""""""""**
اخوتج غيره كلهم رفعة الرأس
وجدج خير كله ورحمه للناس
وناس الحاربتكم ذوله مو ناس
واحدهم اكيد ابألف شيطان
'''''''''''''''"""""""'''''''''''''''''''''''''''''''''**
ذبحوهه البراءه اعيونج اتشوف
وابو فاضل وجوده وگطع الجفوف
وصهيا الخيل ذيجه وصوت السيوف
سليب حسين دامي وهو قرآن
خادم اهل البيت ع
الشاعر ،،،هادي الساعدي

موشح عن زينب يزينب ع

بالطفوف الحره الله يعينها
عل رمل عافت ذبيح حسيتها
٠٠٠٠٠٠٠٠٠٠٠٠٠٠٠٠٠٠٠٠٠٠٠**
هاي زينب بت علي ام الصبر
هيه والأحزان توأم بالعمر
من هوان الدنيا حاديها الشمر
شلون زينب بت علي اميسرينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠**
اطفال عطشانين ذبلوا كالورود
وٱل اميه اتجاوزو كل الحدود
يا گلبهم قاسي وكلهم جحود
ناس باعت كل قيمهه ودينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠**
اتلوذ بيعه الحرم من هول الحرب
ولو گطرة ماي رادت للشرب
المخيم هجمت اخيول الغرب
وين آل المرتضى جا وينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠**

اوف يا هول المصيبه يا بشر
عل رمال حسين محزوز النحر
والسهام الصوبت جسمه مطر
والضلع مكسور شافت عينها
٠٠٠٠٠٠٠٠٠٠٠٠٠٠٠٠٠٠٠٠٠٠٠**
قصة الطف مؤلمه ما توصف
بيهه عبدالله انذبح نحره الترف
موقف ايهز الرواسي اشگد كلف
اشحال زينب سكته جان ونينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠**
اصعب من الموت يا فگد الأهل
والمصاب أشأعظمه وجدآ جلل
والرضيع يشيب من هول الحصل
وبين اخوهه حالوا وما بينها
خادم اهل البيت ع
الشاعر ،،هادي الساعدي

آه منك يا زمن من محن انا المحن
انا زينب انا زينب
***********
انا صاحبت المصايب يا علي بويه صحت
فاركت اغلى الحبايب بلحظه امي ودعت
والكلب بحزانه ذايب ذبل غصني وماطحت
ودعت اهلي الاطايب واين عن بنتك رحت
زين واشتم الهوه الجرحي ما يرهم دوه
انا زينب انا زينب
***********
احسب أيام وليالي بلوعه خلصت العمر
ياهو يحمل ما جرالي احزان كل لحظه التمر
والوكت لا ما يبالي سلط اعلينه الكفر
بعد عزي وكل دلالي اميسر ه وعند الشمر
اللحظه احسنهه أبسنه ظهري احس بيه انحنه
انا زينب انا زينب
*************
انا والرضعان والهم صحت وينك يا اخي
النار تسعر بيه تلهم يوم للشام انسبي
وانت بألأيتام تعلم وتدري بالحاله انولي
برجعتك ياخويه تحلم تصيح وينه ما يجي
هذا صوت من الخيم وينه شيال العلم
انا زينب انا زينب
************
يا زمن مو كافي بسك خذت مني كل هلي
بعده أخضر جرح امسك حزني لا ما ينجلي
ليش ماتشرقلي شمسك اتعيد إ خواني الي
قاسي بكلشي احسك اهمومي بيه تعتلي
انظر اهلي مذبحين ولد امير المؤمنين
انا زينب انا زينب
************
هيه كل لحظه بحياتي من قسى بيه الوكت
اتبددت بيهه أمنياتي ياما ياما أتلوعت
قبل لاتدنى وفاتي صرعه إخواني شفت
ادعي الباري بصلاتي كون وياهم متت
ياحزن احمل بعد وراحو الجانو سند
انا زينب انا زينب

الشاعر//هادي الساعدي
07708700988

قصيده عن الخدمه
اطلب طلب منج. ومن حيدره وابنج
رايد فقط نظره مولاتي يل زهره
//////////////////////////////////////

عمري ما يسواله كلشي. اذا ما احظر مجالس
رحمة الله كلهه بيهه. وهيه للوادم مدارس
بالحسينيات روحي. ترسي جن طير النوارس
حب ابو اليمه جنوني. بكل وكت موجود عابس
واحظر الكل المواكب. والهدف واحد
وكل هوى نفسي احارب. وطرد المارد
ومن كيده وشره.
ما خذ الف عبره
رايد فقط نظره
مولاتي يل زهره
////////////////////////////////////////
بأبنج المحسن احلفج. وضلعج وذيج الظليمه
نظره منج يل حنينه. ادري بيج انتي كريمه
ما تكسرين الخواطر. مثل ابوج انتي عظيمه
يا طبيبه إبلا مقابل. يا هوى اعذيبي ونسيمه

ها يمن فدوه الترابج. كون اروح اني
يلي متي بعز شبابج. . موتج آذاني
تخنگني العبره
من ظلعج اذكره
رايد فقط نظره
مولاتي يل زهره
///////////////////////////////////
من يجي ويهل محرم. أعقد بروحي مئاتم
گلبي جن زنجبيل دكته. وذكر الطف والمظالم
وزينب الحره سبيه. ويه غربه وموش اوادم
امدللة حيدر اميره. اتغيرت بيهه المعالم
كلشي بيه يصيح زينب. حتى بأحلامي
ومن اجي للماي اشرب اذكر الضامي
وتجدد الحسره
بگلبي الف جمره
رائد فقط نظره
مولاتي يل زهره
////////////////////////////////////////
هيه اكبر امنياتي. إن ألج مرقد يحره
وكون يم شباجج إنه. الطم واشعاري اقره
وعاليه تكون المناره. كل محب الكم تسره
انتي يا درة محمد. ام ابيها وغلى دره
كل حرف انوار اسمج. فاطمه البضعه
ما أحب كلمن يظلمج اشما صعد وضعه
بنت الذي اسره
حد منتهى السدره
رايد فقط نظره
مولاتي يل زهره
///////////////////////////////////
من ابو الأيتام رايد. ساعة المحشر يجيني
بدنيتي بكل شده حاظر. يحظر هناك يقيني
ايوقع بصگ الولاية. شيعي مكتوب بجبيني
وأنه بالذر. بايعيته. ورخصتله كل سنيني
يا علي دوم بلساني. ياحلاة اسمه
تجتمع بيه. ألمعاني. نعمة النعمه
منه خذت عبره
ومشي بنهج فكره
رائد فقط نظره
مولاتي يل زهره
/////////////////////////////////////
اقضي حاجاتي المعسره. ضاگت بعيني الوسيعه
راح احلفج بالهواشم. وللمشه صوب الشريعه
كافل اضعون العقيله. . بذيجه جفينه الگطيعه
فدوه ألج يا أم أبيها. هناك كونيلي شفيعه
انتي منزلتج عظيمه. ماتعوفينه
وروحج الطيبه الرحيمه. شافعه لينه
والحاير ابأمره
ابحالته ادره
رايد فقط نظره
مولاتي يل زهره

خادم اهل البيت ع
الشاعر ،،،،،هادي الساعدي

العليله تسئل عمتها بعد رجوعهاإلى المدينه


عمه زينب وأين ابوي وسئل السجاد اخوي
بعد ما عندي صبر كوه بنفاسي أجر
هايعمه هايعمه
*************
أمنية كلبي الوحيدة هسه اشوفه
حتى اقبلنه أبجبينه وبجفوفه
هو كعبة روحي كل لحظه اطوفه
جرح بعده عالم ويا هو اليروفه
الكون حزنان وينوح وتنزف اجروح الجروح
هايعمه ها يعمه
***************
ها يعمه اخبار ابوي احجيهه ليه
ووينهه اختي ما اشوفنهه رقيه
جاوبيني عمه ها ردي عليه
نبضي أتغير واحس ماتت اديه
ما اشوفلهه أثر دققت زين النظر
هايعمه هايعمه.
***************
انا اعرف كلشي من نبرة حجيكم
ومن صفار وجوهكم ورجفة اديكم
انا بالي يمكم وخوفي عليكم
كلبي يخبرني ويكلي ما يجيكم
انتهت أجمل سنين كلشي اشوفنه حزين
ها يعمه ها يعمه
***************
عمي عباس الكمر كافل ضعنكم
ادري بيه ما يبتعد أي لحظه عنكم
هو خيمه وبيه يلتم كل شملكم
ادري بس الموت هو يبعده عنكم
عمي عباس الشهم بيه جان اشكد يهم
ها يعمه ها يعمه
***************
وين قاسم راح كولي وين الأكبر
وينه عبدالله الرضيع كلبي تفطر
بعد ما أحمل خبر من هذا اكثر
دنيا ما بيهه رحم بالعكس تفتر
اشكي للباري القدير ذبحوا ولد الامير
ها يعمه ها يعمه


الشاعر//هادي الساعدي

يا بنيني الاربعه

يا بنيني الاربعه كالنجوم الامعه
يمه كحلو العين وناصروه لحسين
يمه يمه
*********.
يمه اريدن كون واحدكم بطل
ايصول صولة حيدره ذاك الفحل
يقبض الأرواح ويحل الأجل
يرعب الكفار لو صال وحمل
وصلوا لجل الدين وناصروه لحسين
يمه يمه
****
اتناصرون حسين ضد المعتدي
وبيكم الأجيال تفخر تقتدي
وبنهجكم تمشي يمه وتهتدي
لبو اليمه اربعتكم افتدي
ومثلي امضحين ناصروه لحسين
يمه يمه
*****
يمه احلفكم يولدي بحيدره
وبحنيني وعيني يمه الساهره
ظهر صيروله وعينه الناضره
اله مو تدرون كلكم ناذره
ارد أوفي الدين ناصروه لحسين
يمه بمه
*****
والله أوفي الفاطمه وهذا نذر
المثل هذا اليوم افنيت العمر
ما اريدن منكم اسمع كل عذر
تقر عيني اخباركم كون وتسر
بجوا حتى البين وناصروه لحسين.
يمه يمه
*******
يمه عد عيناج قريهه العيون
رفعي راسج يمه ام كلب الحنون
و للعهد وفايه للخوه نصون
احنه ولدج ابد منخاف المنون
احنه اله شارين وناصروه لحسين
يمه يمه


الشاعر //هادي الساعدي
07708700988

قصيده عن الأمام العباس ع
مثل للخوه وصرت عنوانها
وفارس الحومه وبطل ميدانها
يبو فاضل ياكمر ياكمر
**********************
من تطب للمعركه اتصيح انا هاذ
ما أصافح للظلم جفي معاذ
حسين اخوك وقائدك خير ملاذ
للسفينه اشراعها وربانها
يبو فاضل يا كمر ياكمر
**********************
جسديت الخوه وانطيت الدليل
انطيت جفين وكلت هذا قليل
والسهم نص عينك ودمك يسيل
تضحياتك يا شهم برهانها
يبو فاضل ياكمر يا كمر
**********************
السيف بيدك منه يرجف حرمله
ضربه من يمناك موت وزلزله
جيشهم وحدك ابزود اتنازله
ومنك تعيش ابر عب فرسانها
يبو فاضل يا كمر ياكمر



2

كل صفات المرتضى شفناهه بيك
امنيتنه انقبل احنه اثنين اديك
نرثي اجفوف الوفه ونبجي عليك
لئن ذليت العدا واعوانها
يبو فاضل يا كمر يا كمر
**********************
حقهه هاي الروح شي تتبع هواك
يا بدر للحين بينه ايشع ضواك
ريت كل احنه يبو فاضل فداك
الشيعه لجلك ما تبطل احزانها
يبو فاضل يا كمر يا كمر



الشاعر // هادي الساعدي

بصوت. مسلم المطيري

نعي. 
تنام عيونهم وعيوني متنام
وجن عگلي عليك اتشتت وهام
مكسورة گلب جن كسرة الجام
تشضى وما يصح كل دوه ليه

مرت جم سنه وما بيه انساك
طير ومنذبح لو مرني طرواك
تمر كل لحظه وتجويني ذكراك
يبعد ارويحتي ما بيك جيه

حبيبي وسلوتي ساكنهه العيون
عليك الطم عمر وهدلهه المتون
وهيمن بالبراري حد الجنون
لو ما تعتب الوادم عليه

ابو گلب الحنين ألما قسه ابيوم
وجودك جان فرحه اتزيل الهموم
وهسه اهمومي انه محمله أغيوم
انت وفرحتي وراحت من أديه

يل كلك حميه وكلك احساس
عايش بالگلب للريه انفاس
فخر كلك عجيد و رفعة الراس
تظل  طول العمر عيني جريه

الشاعر 🔸هادي الساعدي

زينب تخاطب الأمام العباس ع
احجايتك حب ودفو
خيمتي ونعم الاخو
يا محنتك يل حنين
ثلث تنعام وكفو
!!!!!!!!!!!!!!!!!!!!!!!!
خوه غامرني ودلال. تجتمع بيك الخصال
يا صفاتك
هيبه وكلك جمال. صافي بلون الزلال
يا حلاتك
اهلال عيد أبطلتك
غيره مالي جربتك
ثلث تنعام وكفو
!!!!!!!!!!!!!؛؛
صلت اعليك السهام. عالي شانك والمقام
من تقاتل
خجلت احروف الكلام. توصفك وانت الأمام
يا بو فاضل
جن ابوي أبطلعتك
ما تثني بضربتك
ثلث تنعام وكفو
!!!!!!!!!!!!!!!!!!!!
من زغر سنك حنين. ومملي ايمان ويقين
يا ضنوتي
شامخ ولا ما تلين. اتفوح ايمان وأمين
يا مهجتي

ورضا الباري غايتك
طلگتهه دنيتك
ثلث تنعام وكفو
!!!!!!!!!!!!!!!!!
يفتخر بيك المكان. كلشي يشعر بالأمان.
رد عليه
يللي شابعني حنان. اتمنى لو رد الزمان
انرد سويه

خويه خويه وداعتك
تملي عيني شوفتك
ثلث تنعام وكفو

!!!!!!!!!!!!!!!!!!!!
روحي حل بيهه الدمار. ما طفت مشتعله نار
گوه اصابر
لما سألوني الزغار. ابو فاضل وين صار
انريده حاضر

سكنه تسأل رادتك
كلهه تنطر جربتك
ثلث تنعام وكفو
!!!!!!!!!!!!!!!!!!!
شابحه اعيوني عليك. مو بأديه ما اجيك
يا ضوايه
كون أشمنهن اديك. بكل حياتي اني اشتريك
يا هوايه
شنسه من امحنتك
مثل صارت خوتك
ثلث تنعام وكفو

الشاعر ،هادي الساعدي
8/6/2023

قصيده عن عبدالله الرضيع
لا تطول سفرتك. موتي يمه ابموتتك
اوليدي يل غالي
!!!!!!!!!!!!!!!!!!!!!!!!!!!
يا ضوه يا ضوه. ظلمه من بعدك حياتي
مظلمه حتى الشمس
يا هوى يا هوى. اختنك لو ما اشمك
انت للريه النفس

كالشمع كالشمع هيجي اذوبن وحدي
وانتهي وبلايا حس
ماترد ما ترد. و رد الأيام الجميله.
ردلي يا حلم الأمس

الجنه اشمهه ابشمتك. موتي يمه ابموتتك
اوليدي يل غالي
!!!!!!؛!!!!!!!!!!!!!!!!!!!
ما تجي ما تجي. كلشي يسألني ويريدك
يا نبض گلبي اليرف
والحجي والحجي احجي وي جرحي وسولف
يا جرح بعدك كلف
بس دمع. بس دمع حفر الوجنات دمعي
وحزني ما لحظه يكف
ودعت ودعت. كل فرح ودعته يمه
بالفرح مالي عرف

والمنايا رادتك. موتي يمه ابموتتك
اوليدي يل غالي
!!!!!!!!!!!!!!!!!!!!!!!!!!!!!!!!!!!
من يحن. من يحن. . گلبي ما يقنع اصبره
اشلون اصبر هل الگلب
فززن. فززن. اطيوفك احروحي الغميجه
الما نفع وياهه طب
يا ورد يا ورد. ذبلوا زهرة حياتك
يا ترف تحت الترب
لا رحم. لا رحم. لا سبب وبلا جريمه
تنذبح شنهو الذنب
ماتهزهم صرختك. موتي يمه ابموتتك
اوليدي يل غالي
!!!!!!!!!!!!!!!!!!!!!!!!!!!!!!!!!!!!!
فرحتي. فرحتي. تكبر وتمليلي عيني
اشما الولي يل ولد
دنيتي. دنيتي ما تهمني الدنيا كلها
ردتك انت يا سند
مولحت. مولحت. من كثر ما تبجي وتصب
عيني اصبيهه أنمرد
رفرفت رفرفت. روحي جن طير وترفرف
من تصد صوب المهد

ما امل من شوفتك. موتي يمه ابموتتك
اوليدي يل غالي
!!!!!!!!!!!!!!!!!!!!!!!!!!!!!!!!!
نضرتك نضرتك. تحجي وياي وتسولف
من تصدلي بنضرتك
يا حبيبي يا حبيبي. يل ملكت احساسي كله
يمه احن الشوفتك
ضنوتي ضنوتي. يا ذنب سويته أنته
الهسه بأذني صرختك
شوغتي شوغتي. اتهز جبال الكون كله
شوغتي وي شوغتك

نبلة الغل ذبحتك. موتي يمه ابموتتك
اوليدي يل غالي

خادم اهل البيت ع
الشاعر ،هادي الساعدي