كل شي حيكمل مهما كان صعب واخخي فا ما تفرقش كم حياخد وقت هلبا ولا شوية، الفكرة في كيف تحافظ على روحك وانت اللي ما تكملش، كيف انت اللي ما توليش شخص صعب واخخي.
في يوم حتحس روحك كبرت على هلبا حاجات، الا موضوع إنك محتاج وجود بوك معاك هاذي حاجة حتقعد ديما صغير قدامها.
"اللهم ارحم والدي وأذقه من النعيم ماوعدت المؤمنين، اللهم اجعله في نعيم دائم غير منقطع، ربي عطر قبر ابي برائحة الجنة، اللهم اجعل الجنة داره، اللهم رحمة واسعة لأبي ولجميع موتى المسلمين يارب العالمين."
ما نحبش جو المراعاة فوق اللازم، لأن كل حد بيعيش وقته وبيفرح باللي عنده لأن حتى هو في يوم بيفقده لو حي أو يعني ماعاش حيبدا وقته باش يحسه لو حاجة تانية
لكن ديما قرب رمضان في شعور اخخي يضربني، يخليني مانبيش نشوف الناس برا والأجواء باش حتى نستمتع بيها، رغم إنه ليه 15 السنة يتكرر الشعور هذا لكن مش بنفس القوة
لأنه كل ما نكبر كل ما نحسها اكتر ونفهمها اكتر
نفهم إنه هلبا وقت بيفوت وانت مهناش، وإن هلبا وقت مضطرة فيه نساير الحياة والتمثيل إن الوضع طبيعي وتحت السيطرة عندي
وإن في هلبا حاجات كانت حتكون اسهل وتهون لو انت موجود
هلبا صبر واضعافه رحمة ومغفرة ليك ونور لقبرك يارب.
لكن ديما قرب رمضان في شعور اخخي يضربني، يخليني مانبيش نشوف الناس برا والأجواء باش حتى نستمتع بيها، رغم إنه ليه 15 السنة يتكرر الشعور هذا لكن مش بنفس القوة
لأنه كل ما نكبر كل ما نحسها اكتر ونفهمها اكتر
نفهم إنه هلبا وقت بيفوت وانت مهناش، وإن هلبا وقت مضطرة فيه نساير الحياة والتمثيل إن الوضع طبيعي وتحت السيطرة عندي
وإن في هلبا حاجات كانت حتكون اسهل وتهون لو انت موجود
هلبا صبر واضعافه رحمة ومغفرة ليك ونور لقبرك يارب.
في كل شي قدرت نقدم افضل ما عندي حتى وانا في اسوء حالاتي، والشي هذا مخليني راضي على النتيجة قبل ما نعرفها.
لما تكبر ماعاش حتدوي على البرود واللامبالاة كإنجاز، ولو إنهم حاجة مطلوبة وضرورية في مواقف معينة، لكن تقعد صبيانية حتى لو شاريتلك دماغك
وفي نفس الوقت مش هذا الطبيعي، الطبيعي إن يكون عندك رد فعل بنفس حجم الموقف بالضبط.
وفي نفس الوقت مش هذا الطبيعي، الطبيعي إن يكون عندك رد فعل بنفس حجم الموقف بالضبط.
لما تتعود على الضغط وتفصل دماغك شوية، اول حاجة تفكر فيها إن الحمد لله توا بدي عندي وقت نفكر كيف نتصرف لما بننحط تحت ضغط مرة تانية
وهاذي اكتر حاجة تخوف قاعد نمر بيها.
وهاذي اكتر حاجة تخوف قاعد نمر بيها.
اكتر معلومة قريتها ونستحضر فيها شبه يوميا وفي مواقف هلبا هي معلومة تخص عملية anabolic و catabolic عمليات الهدم والبناء في جسمنا
واللي أهم نقطة فيهم في إن عملية الهدم ساهلة ما تحتاجش طاقة ولا وقت هلبا باش تتم، بينما عملية البناء تحتاج طاقة ووقت هلبا، وتقريبا هاذي اكتر حاجة منطقية سواء وظيفيا ولا واقعيا.
واللي أهم نقطة فيهم في إن عملية الهدم ساهلة ما تحتاجش طاقة ولا وقت هلبا باش تتم، بينما عملية البناء تحتاج طاقة ووقت هلبا، وتقريبا هاذي اكتر حاجة منطقية سواء وظيفيا ولا واقعيا.
Forwarded from إنما الانسان أثر ᥫ᭡
نسأل الله أن تكون ثلاثين ليلة من الجبر والغفران والستر والطمأنينة والسعادة ، وتحقيق كل تلك الأدعية التي ستخرج من قلوبنا إلى السماء
﴿رَبِّ اغْفِرْ لِي وَ لِوالِدَيَّ وَ لِمَنْ دَخَلَ بَيْتِيَ مُؤْمِناً وَ لِلْمُؤْمِنِينَ وَ الْمُؤْمِناتِ وَ لا تَزِدِ الظَّالِمِينَ إِلاَّ تَباراً﴾.