بەیانەی من تەنیا ڕووداوی چاوەکانی تۆیە!
کاتێ بەڕووی منا هەڵدێن


#شەیدا_مەحموودی_شنۆ

ژیانتان باش🌸


@hanasyaven

🎥بینەر بن//

🔴 کۆڕی ڕێزلێنان لە مامۆستا هەڵۆ لە شاری شنۆ

➖به‌شی یەکەم

١۴٠٣٫٠۶٫٢۲
🆔 @HajeMedia
🆔 @HajeNews

🎥بینەر بن//

🔴 کۆڕی ڕێزلێنان لە مامۆستا هەڵۆ لە شاری شنۆ

➖به‌شی دووەم و کۆتایی

١۴٠٣٫٠۶٫٢٣
🆔 @HajeMedia
🆔 @HajeNews

لەوێ دەمرم
بە مەرگمەوە گرم گرم گەرمەی ژیان
لە دەروازەی شار دەدا ...
میوانێ بۆ دارەمەیتی پڕ لە پرچی غەریبانەی
شەقام دێنێ
شەوارەی سام لەسەر بستووی بسکی ڕەشی
گرفنچک دەخوا و سەمای نوورێکی ڕووت ڕێژە دەڕوا لەنێو چاوەگەی چاوانی لاوانی لا...
شێعرێکی سارد دەنووسمەوە لەسەر ڕیتمی گۆرانیی ژین! 
دە هەستــــەوە
دە پرچەکانت بەردەوه
وەڕێ کەوە
گشت پەردەکانیش هەڵدەوە
تاریکایی پڕی شەوە
لە غوربەتی مێترۆییدا
مەقسەدەکانی هەر دەوە
بەرخۆڵە بێخەبەرە ترساوەکەم
تۆ گورگەکان بناسەوە،
بنووسەوە
فۆنتی فێڵی سەفحەی مێژوو ...
تایپ دەکەن دوا هەواڵ و
لە برژانی جەرگی و سینە ...
چەند لە برینن ڕۆحی خاوی بن دەستڕێژی گلێرەکان!
چەند چەختینه ڕێبوارانی ژێر چەترەکان!
تەخت تەخت چیڕەی خەوە
جەختی خوێن و سەر و ژووری ڕۆح و 
دڵۆپ دڵۆپ سێڕۆم بە ساتی چاوەڕوانی بنمیچەکان
مەچەک بە چەک نا مە   چەک نینه! ڕۆندکی ڕوون لە گۆمیلکەی چاوی دایک خلوور دەبن
دەکولێنەوە کۆنەشینی شینتر لە پار،
ئیی لەمێژتریش هاتوونە سۆ
خاتوونەکەی کپی بەهار
تۆش هەورەکانت بێنەوە
یارەی باران، سوارچاکی با
وەرزی ڕەشباو دەخوڵقێنن
داربییەکان دەلەرزێنن
چناری پیر ڕادەچڵەکێنن
قامچی قەوچە دەکرتێنن
یەکپشوو بەڵێن دەدەن مەرگ لە کارەسات بوەرێنن
کاروانییەکان غەم لەسەر غەم هەڵدەچنن و
پڕ لە غوربەت دەیئاخنن
تا ترووکەی دوا ئەستێرە
ئەستەمترین ئەزموون لە ئارەزووی دڵ دەستێنن.

شەیدا مەحموودی شنۆ
https://www.tg-me.com/xatunakaniktebishno

لە وەسفی خۆشەویستی خوا

موحەمدی مووستەفا (ص) بە بۆنەی جێژنی مەولوود

شکۆی شانت ڕستە و پەخشان بە هێز دەکەن وەگڕ دەخەن هەستێکی پاک
قەڵەم وەک ئەسپێکی چالاک دەپێوێ خەتی لاپەڕ
گەرچی منی ڕووتەڵ بوومە ڕاوگەی ڕاوی شەیتان
بی هەدادان هەڵمەت دەبەم بۆ پەنایەک وەکوو سەنگەر لە بۆ ئینسان
وەک هەژاری بێ دەرەتان وەک هەتیوی بن نساران
دەستی شەرمساری بە داوێنی ڕوحم و بەزەیی تۆ وە دەگرم و
دەگریم تا کوو بالۆرەی نزام ڕۆچکی ڕەشم بتەنێ و
هەنسکم تێکەڵ بە ئەسرین
پەنگاوی بڕژێتە ژێر پێت و
تۆش پەنام بدەی
منیش پەیمان نەشکێنم و
ڕکێفی نەفسی ڕەوەکم بە سکڵی سووری تۆبە بسوتێنم و
گریمانەی دڵی گڕەزۆکم چەشنی گرکان گڕ بگرێ و
هەرچی تامی تاڵی تاوانە لە هەناوم بتارێ و
ترووسکەی سووکنایی لە سەر ساباتی کوێستانی دڵم سەقام بگرێ و
ڕیشەی ئیمان لە دڵم بهاڵێ و چرۆ بدا و
هەڵچێ بە سەر چوار دانگی باوەڕم و
چێژی چاوەڕوانی لە چاوانم بچێنێ و
هەرچی ڕووگە و ڕچە و رەوشتە ڕەها بکەم و
سەرم بخەمە سەر سوژدەی ئەوین و سوێگەی ساماڵی سۆزم، سۆفی ئاسا لە سۆنگەی سەنا خوانیت، بێنمە گۆڕەپانی کێبڕکێ و
چەلاخی وشەم بە قامچی قۆچاغی ئەنگووستی ئاڵ و واڵ ئۆخژن بگرێ و
بە ئاونگی نێوت بخەملێ و
دیمانەی دیمەنی دڵڕفێنی دڵنیاییم لە سەرووی هەموو سنوورەکان بێ و
ژوانگەی هەتاییم لە دووندی دڵۆڤانی تۆ دا ڕابرێ،
ئەو کاتەیە کانی هیوام لە سەر کەژی کامەڕانی دەژێتەوە
هاوکات دەبمە هەوێنی هێمنی هەورەکان و ڕۆندکی گشتیان دەکەم بە کەلەستوون و لە چوار حەدی وڵاتی  دڵ ئاوەڵایان دەیڕەنگێنم و گۆیەکانم کپ دەکەم لە ولینگەی دەنگۆکی دەهۆڵی دەرەبەگ و
هێندە به هەیبەت و هەڵکەوتەییت هەڵ بڵێم و هاوار بکەم تا گشت مێشک هوڕان هوشیار بنەوە و قەبارەی قۆمرغانەی قەرەباڵغی قەرەوڵ قەڵاچۆ بێ و بەیداخی  باوەڕمەندی و بەختەوەری بە بارستایی و بڵیندایی ناوت بڕازێنمەوە و شەڕانخێو لە شەوگاری شەوینی شەڕەف شۆڕە سوارێکی شوێن کەوتووی ئامانجت بم و
ئاواتم ئاوێتەی ئەوینی ئایەتی ئیلاهی بکەم و ئاوێزانی ئامێزی ئاشنای اللە بم.

شەیدا مەحموودی (شنۆ)  97 /7/ 15


@hanasyaven

ساڵوەگەڕی لە دایک بوونی سەروەری مرۆڤایەتی لە گشت لایەکتان پیرۆز🌹

لێت پیرۆزە کوردەواری جەژنی مەولوودی نەبی
پڕ لە خێر و خۆشەویستی و ئاشتەوایی یاڕەبی

بەرزە پیاوێ هاتە دوونیا و مەردی ئەخلاق و عەمەل
نوێنەری ڕێبازی خوایە نابێ هاوتای تا ئەزەل

مەکتەبی بۆ ژینی دونیا پڕ لە یاسا و سەروەری
هەر کە فامی پێگەیشت و بووبە یار و پەیڕەوی

ئەوپەڕی  بڕوا لە ناخ و خۆشەویستی بێسنوور
پڕئومێد و دیدەڕوون پڕ لە عەشق و بێ غروور

زیارەتی ڕەوزەی دەبێتە حەسڕەت و دڵ ناسرەوێ
ڕۆح لە لووتکەی هەڵفڕین و ئەوپەڕی مەستی دەوێ

من بە کۆڵێ شەرمساری دێمە خزمەت بارەگات
گیانی گیانان ڕۆحی شەیدا هەر لەوێ دەرچێ لەپات

چاکە قوربان دەرک و بانت ئاوەدان و ئاوەڵا
گەر بە پێی پاکی کرابا هەی لەمن وا سەد سەڵا



شەیدا مەحموودی

@hanasyaven

چ مۆسیـقایە ئەمڕۆ ئاسمانی
سەمای باران و بەزمی هەورەکانی
قەتارەی بەست لەسەر بستووی خەیاڵم
هەزار ئەفسوونی تێدا قەترەکانی

#شەیدا_مەحموودی_شنۆ

@hanasyaven

پاییز کە دێ هەر باس باسی هەڵوەرینە
من پێی دەڵێم
ئەو دەسپێکی شێعری سەوزی ڕاپەڕینە
خەزان خەزنەی زێڕینی خەیاڵی
لە خەو ڕابوون و
بەرەنگاری گەرمەمەرگی بێ برینە

شەیدا مەحموودی شنۆ

@hanasyaven

پاییزەپەخشان


تۆ لە زکری ئەم دارستانە زێڕینە قژ هەڵۆەریۆە چت زانیوە
وەرە با لە ژێر سەمای زریوەڕێژی ئاسمانی پاییز
دەروێش ئاسا مەستانە شۆڕشێک هەڵایسێنین بەتینی ئەوین
مەلیچکەی دەستی زەوی مەگرە، ئێستا سەرقاڵی داڕنینی قاپۆڕی شەکەتیە
وەرە و پێکەنینێک ڕاوەشێنەو باوەشێنی ئەم ئاگرە بکا
ئەم نسارەی لە هەواری هەڵبەستی هەتاوی هاویندا سەرت وێدەکرد لە هەڵفڕینەو ڕۆحی زووخم گرتووی بە سۆندی سووتانەوە لە شەقامی بۆخاوی چاوەکانمدا پیاسە دەکا و کەزی شلک و کەسکی کەژینی ژینی بە تاڵان برد
وەرە بلاوێنەوە کاتژمێرە خەواڵۆکەم ئەو بە کاتی خەو کۆک کراوە و من بە کاتی پێوانی کاوان
چ وەسوەسەێک لە پێڵاوەکانی نیشتوە نۆرەی بزووتنەی من نادا؟
من لەخورێنی دەچمە شەڕی شەقامەکان و هەر کە هاتی قوومێ ئارەزوو ئەنۆشم و تۆش لاشەی شەرمی ئەو شەڕابەت کۆ بکەوە با مەستی لە بڕەو نەخا و سنووری نێوانمان نەشکێ
لەو دیاردە دوورەدەستە دوێنێ لاپەڕێکی ڕێ لێگووم بوو لە لاپاجەی پەیجێکی نەهێنی هانای بۆ هێنابووم
دەیکووت هاواڵەکانی لە ژێر دەستاڕی چەکمەکاندا هەڵوەریون و هێنامەوە سەر چڵەپۆپەی بەرزترین
بەهار و هەرچی زەردی بوو لێم داڕنی
وەرە بنواڕە ڕاپەڕینی ئەم ڕۆژ ژمێرە چ مێرانە نەوەد نامەی نەنووسراو دەنێرێ و نەهێنی نەکووتراوەکان
چاپ دەکا و چیرۆکی چارەنووسی چەتە چەلاخەکان دەنووسێتەوە
نا ئەو نامەحڕەمە نامۆ نیە و هەموو ساڵێ قەڵەمەکان مارە دەکا و مێژوی مردن بە مەرەکەبی مەراق تۆمار دەکا و منیش بە قۆشەنی
قۆشمەی وشەی شێتەوە هەر وا دێم و دێم تا دەگەمەوە ئەو هەڵبەستەی لە مستیدا بەستوویەتەوە

شەیدا مەحموودی شنۆ

@hanasyaven

‍ ‍ ‍ #چوارپارە پاییز

سۆزەناز و  فێنکەوازی پاییزان
دڵ لە هەستی زەردەباوی تێ دەگا
هەلهەلەی زریان و هەمبازی تەزوو
سوور لە سەردی کۆتەیە وا پێ دەگا


ڕۆژی نمداری چەتوون و چەتری سەر
هەڵدەچۆڕێ  چاوەکانی هەورەتاڵ
من دڵێک ژوانی ژیانم گرتە بەر
وەک خەزانێ وا خزیبێتە خەیاڵ

پێ لە پەرگاری گەڕیدەی سەرسەری
دادەنێم، سووتان و سووڕان ساختەچین
سازی سۆدرەی ساڵ و مانگی سەرگوزەشت
دێت و دەڕوا دەرکەیه و پێیدا دەچین

داوی ژین دابی لەسەر سوێندی ئەوین
عاقڵە هەر دەستبەتاڵ و دەستبەسەر
کێ هەوای ئەوگاری جوانی پێ کەوت
ناژێ  ژین هەر دوو دەراوی دەربەدەر

ئەو دەمی دونیا دەواری داکوتا
هێڵی دوو چاوی بەغیلان زارە زار
چاوچنۆکن چەند بڵێی بۆ شاییی دڵ
بل لەوی وا خۆی کەوێتە دارەدار

چاو زرینگا زڕشەوی زامی بەزاند
زۆرەبانی نێت و تایپ و قامکەکان
حەزفڕین و هەڵبڕین و ئەبتەری
وا دەکەن واجب ببن وا وادەکان



شەیدا مەحموودی شنۆ

@hanasyaven

جانا به خرابات آ، تا لذّتِ جان بینی
جان را چه خوشی باشد، بی صحبتِ جانانه؟

🪶 مولانا

@hanasyaven

بیانیت باش هەموو بێنووی ژیانم
بتاوێنــە لە شـەوگاران، نەبانم
مچوڕکی دا نسارستانی ڕۆحـم
بەخێر هاتی کە وا خێرە بەیانم

شەیدا مەحموودی شنۆ

@hanasyaven

نێردراوێک لەوبەری سێبەرکان

دڵم کوشرا
چەند دڵۆپێ خەمی ڕژایە کاسەی چاوم
لە جەمی شەوا لە برسێتی نێو خەوا
یەکترمان دەخواردەوە
گەلۆی زەمان هێشتا لە پشت دیواری
کارەساتی داهاتوو
زاری داپچڕیبوو
تەمای داهێنانی منی دەگرت
من لە قەڕەپەستەی زەینیدا
لەوبەری سێبەری کەلەکەی
لەتێک مرۆڤ بووم
بە خەونی سیاقەڵەمێک
بووم بە تابڵۆی دەستەمۆی پێشانگای ئیشاڕەی
نێردراو
شەوەی شێعر دامرکابوو
تازییەباری پەلکە هاوریشم و
دەنکی وەریوی مژۆڵ
و هەنارە ژێر چەپۆکەکان...
مەجلیس گیرا
  سێبەرەکان
بڕیاریان دا دابەش کرێ مێشک و
بە مردووی بچێندرێین
سارا سارا گوڵەحەسڕەتەی لاڵ بڕوێننەوە!
هیچ وەرزێک وەرزێرەکانی گومڕای ڕانەگرت
من لەو سیڕاتەموستەقیمەدا
لە گەرووی بارانەدا دەستخەتی
مانگ و گوڵ و گەنمم دەکردنه ستران.....


شەیدا مەحموودی شنۆ

@hanasyaven

✍22 ڕەزبەری 1403

‍ ‍ غەزەل پاییز


دڵبەری  پاییزی هەستم ژوانی دڵتەنگی دەوێ
زەبر و زەنگی ئەو خەیاڵە موشتەری مەنگی دەوێ

ئەو دەمەو ئێوارەکانی بێسوبات و سەرسەری
هەستی باران تێکەڵی با کێشی هاوسەنگی دەوێ

واقی وڕما ئەو گەڵایەی بێ گلەیی کەوتە خوار
ئێستە وا بۆ سووکەساتێ خەونی ئاستەنگی دەوێ

با دەڕەخسێ سامی دەشکێ بادەدا داوێنی گوڵ
بۆ دەلیلی هەڵوەراندن شەرح و فەرهەنگی دەوێ

دڵبەرانەی شک دەخاتە تەشک و داوێنی چیا
ڕووتوقووتی بەژنی داران دادی یەکدەنگی دەوێ

سوورهەناری هەندەروونی هەڵدەپڕژێ گەرم و سوور
ئەو لە ڕێزمانی خەزانە و زەردەئاهەنگی دەوێ

ڕۆژمێری وەرزی شەیدای چوارهەواری ئەو دڵەم
پەڕپەڕی شێعری شەکاوە و پڕ لە ئاوەنگی دەوێ

شەیدا مەحموودی شنۆ

@hanasyaven

‍ ‍ غەزەل پاییز


دڵبەری  پاییزی هەستم ژوانی دڵتەنگی دەوێ
زەبر و زەنگی ئەو خەیاڵە موشتەری مەنگی دەوێ

ئەو دەمەو ئێوارەکانی بێسوبات و سەرسەری
هەستی باران تێکەڵی با کێشی هاوسەنگی دەوێ

واقی وڕما ئەو گەڵایەی بێ گلەیی کەوتە خوار
ئێستە وا بۆ سووکەساتێ خەونی ئاستەنگی دەوێ

با دەڕەخسێ سامی دەشکێ بادەدا داوێنی گوڵ
بۆ دەلیلی هەڵوەراندن شەرح و فەرهەنگی دەوێ

دڵبەرانەی شک دەخاتە تەشک و داوێنی چیا
ڕووتوقووتی بەژنی داران دادی یەکدەنگی دەوێ

سوورهەناری هەندەروونی هەڵدەپڕژێ گەرم و سوور
ئەو لە ڕێزمانی خەزانە و زەردەئاهەنگی دەوێ

ڕۆژمێری وەرزی شەیدای چوارهەواری ئەو دڵەم
پەڕپەڕی شێعری شەکاوە و پڕ لە ئاوەنگی دەوێ

شەیدا مەحموودی شنۆ

@hanasyaven

دەنگی سێحراوی
مامۆستا: عومەر ڕەسووڵی

دلا نزد کسی بنشین
که او از دل خبر دارد...

شهرام ناظری

@hanasyaven

پێی کوتم مردن شکۆیە گەر لە ڕێی ئەشقا ببێ
گیانەکەم مردن لە کۆیە بێت و گیانی من بەرێ
ڕێگەکەی ڕیـشاڵی جەرگ و دڵمی وا بڕبڕ دەکرد
ئاخری پەیمانی بەست و عەهدەکەی بردە سەرێ

#شەیدا_مەحموودی_شنۆ


@hanasyaven

در این دیر پر از محنت بسی سختی پذیرفتم
به این اندیشه تا روزی شراب معرفت نوشم
در این عالم تو را دارم تو را دارم به تنهایی
وصالت غایت عمرم در این ره همچنان کوشم

@hanasyaven

مرگ گریبان درد را می درد
و من درد را در گلو می گریم
چە شکوهی در اشک
چە عیشی در یاد
و من سرآغازی از هیچ...

شیدا محمودی

@hanasyaven