Türkiyədəki seçkilərdə yaşanan maraqlı məqamlar:

1. Seçici aktivliyinin rekord həddə olduğu deyilir.
2. Səsvermə zamanı 3 nəfər səs verərkən infaktdan keçinib.
3. Bəzi məntəqələrdə seçki möhürü bərk vurulmaqdan qırılıb.
4. Edirnədə bir seçici möhürü vurarkən öz əlini qırıb.
5. Bir vatandaş səs verərkən dövlətin masası qırılmasın deyə özü ilə masa gətirib.
6. Bir gənc atası Ərdoğana səs verməsin deyə qapını üzünə bağlayıb, kişi qalıb evdə.
7. Urfa-Akçakale seçki məntəqəsində bülletenlərə toplu şəkildə Ərdoğanın xeyrinə möhür vurulması videosu yayılıb.
8. Vətəndaşlardan biri "hörümçək adam" geyimində səs verib.

Türkiyə tarixində seçkilərdə rekord sayda seçici aktivliyi qeydə alınıb - 93,6%.

İlkin nəticələr:

Ərdoğan: %49.8
Kılıçdaroğlu: %45.7
Sinan Oğan: %3.9

Vacib qeyd: Sandıqların 1.5% açılışına görə.

Anadolu Ajansına görə açılan sandıq: %9,1

Erdoğan: %59,47
Kılıçdaroğlu: %34,8

CHP dəstəkli "ANKA"ya görə açılan sandıq: %11

Erdoğan: %50
Kılıçdaroğlu: %44
Sinan Oğan: 5%

TRT və Anadolu Ajansına görə açılan sandıq: %38
Erdoğan: %52
Kılıçdaroğlu: %41
Sinan Oğan: 5%

Kemal Kılıçdaroğlu "Öndeyiz" deyə tvit atdı, digər namizəd Sinan Oğan isə "Payız is coming" deyə mesaj yazıb.

Halk TV istinadən imzalı olan bülletenlərə görə:

Kılıçdaroğlu 47.71%
Erdoğan 46.51%

CHP: "Kılıçdaroğlu Türkiyə üzrə 50%-ə yaxınlaşır".

Sandıqlar açıldıqca Kılıçdaroğlunun səsləri yüksəlir, Ərdoğanda isə azalır. 20 milyon səs sayılacaq hələ. Deyəsən ikinci tura gedilir:

AKP mediası AA - açılan sandıq 72%

Erdoğan: %50
Kılıçdaroğlu: %44
Sinan Oğan: 5%

CHP mediası ANKA - açılan sandıq 65%

Erdoğan: %48
Kılıçdaroğlu: %46
Sinan Oğan: 5%

AKP: "Həm prezident, həm də millət vəkili seçimlərində açıq-aşkar öndəyik".

Ərdoğan Sinan Oğan üçün seçkidən əvvəl "Onu saymağa belə dəyməz" demişdi. Sinan da cavabında "Cücəni payızda sayarlar" kimi cavab vermişdi. İndi onun "Payız yaxınlaşır" tviti Ərdoğana söz soxmaq və Millət İttifaqına "göz qırpmaq" kimi dəyərləndirilir. İkinci tura qalınarsa ki, belə görünür qalınacaq, Sinan Oğan bu turda önəmli rol oynayacaq.

Yüksek Seçim Kurulu: “Hazırda yerli səslərin 47,08%, xarici səslərin isə 12,60% faizi hesablanıb”.

AA nəticələrinə görə açılan sandıq 88%

Erdoğan: %49.94
Kılıçdaroğlu: %44.30
Sinan Oğan: 5.30%

Bu nəticələrlə seçkinin ikinci turuna gedilir. Amma müxaliflərin nəticələrinə görə isə ilk turda Kılıçdaroğlu qazanacaq. YSK isə deyir ki, səslərin 47% sistemə qeyd olunub.

AA-nın məlumatına görə Kılıçdaroğlu Ankarada səs çoxluğu ilə önə keçdi. Ərdoğan paytaxtı da uduzur.

YSK: "Rəsmi olaraq sandıqların 69,12 %-i açılıb".

YSK-nın rəsmi məlumatı:

Açılan sandıq: 84,86%

Erdoğan: 49,85%
Kılıçdaroğlu: 44,41%
Sinan Oğan: 5.31%

Belə qənaətə gəlmək olur ki, digər agentlik və kanallarla demək olar ki, eynilik təşkil edir.

Ərdoğan ənənəvi balkon çıxışıdı edir: “Dəqiq nəticələr hələ bəlli olmasa da, səslərdə böyük fərqlə öndəyik".

YSK-nın son məlumatı - Açılan sandıq: 94,26%

Erdoğan: 49,48%
Kılıçdaroğlu: 44,79%
Sinan Oğan: 5.30%

Bu arada az sonra "Altılı Masa" liderlərinin xalqa müraciəti olacaq.

İlham Əliyev Ərdoğana zəng edərək onu seçkilərdə səs çoxluğu qazanması münasibətilə təbrik edib. Qeyd edim ki, seçkilərin nəticələri son qərar olaraq rəsmi açıqlanmayıb və YSK hələ də səslərin sayıldığını bildirib.