Erməni mənbələrinin məlumatına görə, rəsmi Bakı ilə Yevlaxda aparılan danışıqlar nəticəsində bu gün Qarabağdakı separatçıların üç keçmiş "prezidenti" və "hökumət üzvləri" Laçın üzərindən Ermənistana keçiblər.
Ermənistan Müdafiə Nazirliyi iddia edir ki, Ermənistan Respublikasının döyüş mövqelərinin şəxsi heyəti üçün ərzaq daşıyan avtomobilinin Azərbaycan Ordusu tərəfindən atəşə tutulması nəticəsində erməni tərəfdə itkilər olub. Azərbaycan Müdafiə Nazirliyi isə bunu qəti surətdə təkzib edib.
Azərbaycan MN şərti sərhəddə, Kəlbəcər istiqamətində atəşkəsin pozulduğunu açıqlayıb. Ermənistan Ordusunun döyüş kvadrokopterləri vasitəsilə partlayıcı vasitələr atıldığını bildirib.
Ermənistan MN şərti sərhəddə atəşkəs pozulması nəticəsində iki erməni hərbçinin yaralandığını, birinin isə öldüyünü bildirir.
Ermənistan parlamenti rəsmi Kremlin narahat və narazı olduğu "Roma statutu"nu qəbul etdi. Bununla da Putin ölkəyə səfər edərsə, o dərhal həbs olunacaq.
SOCAR-ın birinci vitse-prezidenti Xoşbəxt Yusifzadə 93 yaşında vəfat edib.
Qarabağdakı ermənilərin prezidenti kimi səlahiyyətləri icra edən Samvel Şahramanyanın da saxlanılaraq Bakıya gətirildiyi bildirilir. "Milli qəhrəman" Vitali Balasanyan və "general" Kamo Vardanyanın taleyi isə sabah həll olunacaq.
Özünü “Milli Fədailər Hərəkatı”nın yaradıcı kimi təqdim edən Fuad Muradovun saxlanıldığı deyilir. Ona “hədə-qorxu ilə tələb etmə” (şantaj) maddəsi ilə cinayət işinin açıldığı və barəsində 4 aylıq həbs qətimkan tədbiri seçildiyi bildirilir. Onu 5 ildən 10 ilə qədər həbs cəzası gözləyir. Fuad Muradovun adı mütəmadi olaraq siyasi və ictimai fəalları təhdid, şantaj və qorxutmada hallanırdı.
ASALA terror təşkilatı dünən Yeravandakı "Ümumdünya Yəhudi Mərkəzi"ndə törədilən hücum aktını öz üzərinə götürüb və bildiriblər ki, onlar yəhudilərə və yəhudi dünyasına qarşı bu cür əməlləri davam etdirəcəklər.
Ermənistanda bəzi fəallar tərəfindən Rusiya kanallarının bağlanılması və Rusiyaya aid olan media orqanları və agentliklərə məhdudiyyət qoyulması tələb olunur.
Azərbaycan Dövlət Miqrasiya Xidmətinin Qarabağdakı ermənilərin reinteqrasiyası prosesi ilə bağlı yaydığı məlumatda bildirilir ki, artıq 98 nəfər erməni sakin reinteqrasiya ilə əlaqədar müraciət edib.
Media is too big
VIEW IN TELEGRAM
Arayikin Bakıya gətirilmə görüntüləri
Avropa Parlamenti Avropa İttifaqını Qarabağdakı son hadisələrə görə Azərbaycana qarşı sanksiyalar tətbiq etməyə çağıran qətnamə qəbul edib.
Rusiya Dumasının deputatı Konstantin Zatulin bildirib ki, Rusiya sülhməramlıları "Dağlıq Qarabağ"da son günlərini sayır. Bu arada bəzi rusiyameylli erməni mənbələri 1 noyabr 2023-cü il tarixinə qədər sülhməramlıların Qarabağı tamamilə tərk edəcəyini açıqlayıblar.
Şərti sərhədin Kəlbəcər rayonu istiqamətində atəşkəs pozulub. Hər iki tərəf atəşkəsin pozulmasına görə bir-birini ittiham edir. Bildirilir ki, canlı itki yoxdur.
Putin: "Rusiya 15 ildir ki, Ermənistana güzəştə getməyi və Qarabağın 5 rayonunu Azərbaycana qaytarmağı, 2-sini isə özündə saxlamağı təklif edirdi, lakin onlar bundan imtina ediblər. Qarabağ özünü "müstəqil" elan edəndə, onu heç Ermənistan tanımadı. Ermənistanın bu yöndə mübarizəsi qəribədir. Ermənistan özü daha sonra Qarabağı Azərbaycanın bir hissəsi kimi tanıyıb. Bunu da mən mətbuatdan öyrənmişəm. Bizə ayrıca məlumat verilməyib. 2020-ci ildən sonra Qarabağdakı rus sülhməramlılarının yalnız atəşkəs rejiminə əməl olunmasına nəzarət etmək hüququ var".