📌📌📌📌📌📌

YASHNOBOD TUMANIDAGI “BOYQO‘RG‘ON” MAHALLASIDA YANGI KABEL TARMOG‘I TORTILMOQDA

“Toshkent shahar elektr tarmoqlari” MCHJ tomonidan aholiga barqaror elektr energiyasi yetkazib berish maqsadida past kuchlanishli elektr uzatish tarmoqlarida reja asosida mukammal ta’mirlash ishlari olib borilmoqda.

Jumladan, Yashnobod tuman elektr ta’minoti korxonasi tomonidan tumanning “Boyqo‘rg‘on” mahallasi hududidagi aholi xonadonlarini elektr energiyasi bilan uzluksiz va ishonchli ta’minlash maqsadida TP-521 transformator punkti orqali quvvatlanadigan 0,4 kV kuchlanishdagi havo elektr uzatish tarmoqlarida ta’mirlash ishlari amalga oshirildi.

Mazkur ishlar doirasida tarmoqdagi eskirgan alyumin simlar demontaj qilinib, ularning o‘rniga zamonaviy, izolyatsiyalangan SIP rusumidagi 2 kilometr uzunlikdagi kabel tarmog‘i tortildi.

Shuningdek, mutaxassislar tomonidan eskirgan izolyatorlar yangisiga almashtirildi, elektr simlari yangilandi, salqi simlar tarangligi meyoriga keltirildi hamda tarmoq atrofidagi daraxt shoxlari tozalanib, xavfsizlik choralari kuchaytirildi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

NUKUS SHAHRIDA TADBIRKORLAR BILAN UCHRASHUV BO‘LIB O‘TDI

“Hududiy elektr tarmoqlari” AJ tomonidan xizmat ko‘rsatayotgan tadbirkorlik subektlarida uchrayotgan tizimli muammolarni aniqlash, ularni har tomonlama qo‘llab-quvvatlash, mavjud muammolarni hal etish, bildirilgan takliflarni ko‘rib chiqish maqsadida Respublikamiz bo‘ylab tadbirkorlar bilan uchrashuvlar tashkil etilmoqda.

“Hududiy elektr tarmoqlari” AJ Boshqaruv raisi topshirig‘iga asosan o‘tkazilayotgan bunday uchrashuvlarning navbatdagisi Qoraqalpog‘iston hududiy filialida tashkil etildi.

Jamiyat Boshqaruv raisining o‘rinbosari D. Nosirov, filial rahbariyati hamda mahalliy tadbirkorlar ishtirok etgan uchrashuvda tadbirkor, hunarmand va fermerlarga elektr energiyasi sohasidagi so‘nggi o‘zgarishlar, xususiy sektorni qo‘llab-quvvatlashga qaratilgan chora-tadbirlar, joriy etilayotgan yangiliklar va qulayliklar xususida batafsil tushunchalar berildi.

Shuningdek, mahalliy ishlab chiqaruvchilar o‘z faoliyatlarida uchrayotgan muammolar haqida o‘rtoqlashib, mavjud muammodan chiqish uchun qo‘llab-quvvatlash mexanizmlarni kuchaytirish va eksport imkoniyatlarni kengaytirish bo‘yicha takliflarni ilgari surdi.

Uchrashuvda bildirilgan taklif va tashabbuslar, murojaatlar umumlashtirilib, hududda tadbirkorlikni yanada rivojlantirishga qaratilgan amaliy chora-tadbirlar belgilab olindi.

Samimiy va do‘stona muloqot ruhida o‘tgan uchrashuv yakunida “Hududiy elektr tarmoqlari” AJ amaliy yordam berish maqsadida tegishli mutaxassislarni jalb qilgan holda korxonalarga tashriflar tashkil etilishini ma’lum qildi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

BUGUN, 30 IYUN – “YOSHLAR KUNI”DA PREZIDENT SHAVKAT MIRZIYOYEVNING YOSHLAR BILAN UCHRASHUVI BО‘LIB О‘TDI

O‘qishga kira olmagan maktab bitiruvchilari hamda texnikum va oliygohlarni tugatayotgan talabalarni band etish bo‘yicha 2 ta alohida dastur qabul qilindi.

So‘nggi yetti yilda boshqaruv kadrlari tarkibi ancha yosharib, 40 yoshgacha bo‘lgan rahbarlar ulushi 37 foizdan 65 foizga oshdi.

Yoshlarimizni kitob o‘qishga qiziqishini oshirishda tanlovlar muhim rol o‘ynamoqda.

“Yosh avlodni turli zararli ta’sirlardan asrash, ularga axborot makonida foydali, mazmunli ma’lumotlarni yetkazish va targ‘ib qilish doim e’tiborimiz markazida bo‘lishi zarur”,
- dedi Prezident.

Yoshlarga oid islohotlarni xalqaro hamjamiyat ham keng e’tirof etayotgani ta’kidlandi.

Prezidentimiz bugun “Kreativ iqtisodiyot”, “Raqamli yashil tashabbuslar”, “Yoshlar tadbirkorligi va startaplar” va “Yosh innovatorlar” maydonchalaridagi o‘g‘il-qizlarimiz bilan muloqot qilib, hozirgi yoshlarimiz – Yangi O‘zbekistonning haqiqiy bunyodkorlari ekaniga yana bir bor amin bo‘lganini ta’kidladi.

Davlatimiz rahbari o‘z sohasida ilg‘or, tashabbuskor yoshlar bilan muloqot qildi, ularning taklif va g‘oyalarini tingladi.

Tadbir yakunida davlatimiz rahbari yana bir bor yoshlarga murojaat qildi:

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz