بالكـوه الوكت فات - شبعني نتضارات - يابدر العـشيره
غيابك يشبه الموت - بس بدون تابــوت - ياعــباس حيره
----------------------------------------------------------
1= عـرفت الفـركه ماتكضي سلامات
مــــن ضلت خيمنه بــلايه رايات
بضهر أختك غـيابك عاف كسرات
غـــيابك ريح وأنه حلامي شمعات
---------------------------------------------------------
يا كـفــال الضعــون -- ماضل بالحرم لون -- ذبلها عطشها
غيبت طولك جروح -- أرجع ونـذر الروح -- كدامك أطشها
***********
2= بجــفاك العــمر عــباس عـمريش
تريد تموت زينب بيمن تعـــيش
صوابك بالضلع ماهــــوه بالريش
يرب الماي بعــــدك أرتوي أبيش
------------------------------------------------------------
يالجنك عطر هيل -- الدنيا بروحتك ليل -- ماتطلع شمسها
أختك من الغـياب -- ماتشتم هوه الهاب -- كوه تجر نفسها

3= يـهل عـطرك ضباب وحاط عالجام
بــــرحيلك صايره مو حلوه الخيام
ضروره وللضوره تعــــرف أحكام
تره غــــياب العزيز أيموت الأحلام
----------------------------------------------------------
مو مشكلتي بالماي - أريدك ترجع وياي - وتــــحامي خيامي
الـوادم حضرت نار - وأحنه عيالنه زغار - وين الجبده ضامي
************
4= من تـــنعي الزغــيره تسكت الناي
عـــزيــــزة كلبك ومحبوتك هاي
رقــــيه تصـيح خل نمشيله حفاي
ولا سويها لـــو رد وطلب الماي
---------------------------------------------------------
غـير عـيونه ماريد -- عمري بغيره شيفيد -- عباس الأحبه
طيب وبـــن أجاويد -- عمي ورايح بعــيد -- يافركاه صعبه




5= ماترضه الخيام تضل بلا حجاب
وشمرهم موش أنت يلــزم الباب
عوف الـماي ثاري الماي جذاب
مــاجه وياك يروي كلوب الحباب
-------------------------------------------------------
مــاذب روحه بالجود -- ومن تطيح الزنود - مايـبجي عليها
قصده يغـثـني بجفاك -- وتوكف رفت لواك - وأختك ماتجيها
***********
الخادم عبد الجليل المالكي

عطشناك وخيمنا صارت عيون
وبچيناك بدمع متغير اللون
تلوج اگلوبنه اعليك
مدري شبيك ما بيك
عطشناك وخيمنا صارت عيون
…..……..
عطشناك وعطشنا مو على الماي
عله الخوه الحنينه وذيچ الفياي
عله الچلمه الگلتها وظلت وياي
عله دگت صدر دگاها وفاي
عله امك من توصيك
خواتك لله وليك
علي وياك وعليك المعضله تهون
عطشناك وخيمنا صارت عيون
………١…….
نطرناك وعليك ارواحنا تلوب
ووجوه الزغار شموع واذوب
يا باب الفرج لا تغلگ البوب
بطى العباس چنه اصيح الگلوب
لا نگدر نتانيك
لا يمنا ونحاچيك
نطرناك وحسبنا شلون وشلون
عطشناك وخيمنا صارت عيون
……..٢………
عتبناك بعتب ما يشبه عتاب
يشبه حال ثكله ولزمت الباب
ما ندري يخويه امن الهوى الهاب؟
هاج اتراب خيمتنه، امن العتاب ؟
مدري اتراب رجليك
اجانه وبيه طاريك
مشه وياك واجانه يصيح يم عون
عطشناك وخيمنا صارت عيون
…….٣…….
سمعناك من اجتنا بصوتك الريح
وصار الحال كون تريد توضيح
بيدر ذرته چفوف المراويح
مثل حوم الفراش اعله المصابيح
حامت روح اهاليك
توافيها وتوافيك
سمعناك وعلينه اتغير الكون
عطشناك وخيمنا صارت اعيون
……٤……
گصدناك ونهونه بچعب الرماح
وبنص المعسكر گبّر اصياح
طلعن من خيمهن والعلم طاح
ها لاح الخيال الما گبل لاح
هذا الحال ياذيك
والچلمات تشجيك
گصدناك وغصب گالو تردون
عطشناك وخيمنا صارت عيون
…….٥………
نخيناك بنخاوي لشخصك تلوگ
من هدت علينه الوادم تبوگ
نخيناك بوكت صعدونه عالنوگ
ومن طبن خواتك زحمة السوگ
بس عيون تربيك
بس گلوب تبچيك
نخيناك وغدو كلهم يشتمون
عطشناك وخيمنا صارت عيون
……..٦……..
ذكرناك بخرابه بغير بيبان
وبظهور اليتامه السوط نيشان
لسان الحال گال بطولت السان
ما مش عوز يشبه عوز الاخوان
لو يمنا ونراويك
إدينا، ونلزم ايديك
وكت ذاك اوكت هذا ويعيلون
عطشناك وخيمنه صارت عيون
……..٧……….
#سيد نعيم آل مسافر

الله أيعينها الفكدت ضناها
ملك الموت جم مره أجاها
عـــــدله مدري ميته     عمرها أنباك سكته   
الوفيه.       الوفيه
...........................................
يا ناس البشر كــــــل واحد وصبره
وهاي  أم البنين  الطاهرة  الحره
شجرة بيت لاكن ماتت  الشجره
لحد آخر نفس رادت رضه الزهره
ليل   أنهار ما ينشف  دمعها
وملك الموت محتار بوضعها
على أخدوده دمعته     عدلــــــه مدري ميته
الوفيه          الوفيه
.......................................................
هي  أم البنين شجــــم  جرح  بيها
شيــب  راسها  وشابت  معانيــــها
مثل أهلال تمشي الهضم حانيها
الضحت   أربعة  بيـــــمن   تجازيها
العاشت كل حزنها وشاركتها
شالت   والجنازة   شيعتـــــــــها
الهضم تكتل صفنته      عـــــدله مدري ميته
الوفيه         الوفيه
............................................
آخر خيمة طاحت وانكسر ضلها
وطاحت طيـــحت العباس كافلها
رادت  من  ولدها  جف  يغسلها
ويشيعها   الكبرها  وهم   ينزلها
صاحت ياخلك لو تسمعوني
ولدي  ألأربعة  خلهم  يجوني
نعشي انشال سكته     عدله مدري ميته
الوفيه         الوفيه
...............................................
مثلها  يا مره  الحملت  مثل  همها
عاشت كل عمرها الموت هاضمها
شنذكر    يا  جرح   والحيل    ألمها
صور من كربله بكل  يبني ترسمها
عاشت ويه زينب كل حزنها
وتسأل  خاف  ما وفه  ابنها
وصيته أعله أخيته    عدله مدري ميته
الوفيه      الوفيه
................................................
حارت   تتجه   لاويــــــــــــن   محتاره
ما ضل عدها والي التكصد الداره
بير   أحزانها  وما يكشف  أسراره
حتى  وهيه  ميته  الدمع  يتجاره
تدعي  أيعجل  الباري  أجلها
تموت وتلتقي بزينـب واهلها
  حلم واتاني جيته     عدله مدري ميته
الوفيه        الوفيه
.....................................
خادم خدمة الحسين
الشاعر
محمد الموالي

منهاج محرم الحرام
1445 هـ
مولاتي حميدة بنت مسلم ( عليهما السلام )


بين ازغار أگعد بالخيمة ... واحسـبلك سـاعات
يامسلم ياراعي الشيمَـة ... دمعي بعـيني يبات
يمتـى اترد ليّه
يا ابو الحـنيّـة
دمعي بعيني يبات

أبنيتك آنه وحيلي ذايب ... وعالدرب عيني تراقب
بـــيـّه حـسـره
هـلـبت اتـرد واشــوفـك ... وتلزم چفوفي چفوفك
وتطفى جمره

الينـتظر محبـوبه نيـران بـدمعـته
تطيح عينه وي دمعها بويه سكته
وابـد مايـهـدأ ونيـنـه تعـرف انـته

يالشـاغل گلـبي وافـكاري ... أصـبر صعبه هواي
يـبـرد گلـبـي وتبـرد نـاري ... مـن انـظـرلك جاي
جروح شگد بيّه
يـا ابو الـحـنـيّـة
دمعي بعيني يبات
____1____

اگعدت وحدي وگمت ابچي ... وي دمعتي عنك احچي
وروحي ذابت
چنـت يـمّـي وهـسه ويـنـك ... بـويـه ذابحـني حنـيـنك
عيــني شابت

الـهـجـر مايـنـحـمـل يــاطيـب الـذات
ابگلبي انت لچـن تذبحــني المسافات
گلبي من بعدك صبح مسكن جراحات

اتنفس تجرحـني النـسمـه ... وحـالـي اخـلافك حـال
محتاجه الصـدرك اشتـمّه ... ظــهــري بــدونـك مـال
أزغيره ومحنيّة
يا ابــو الحـنيّـة
دمعي بعيني يبات
____2____

أجـت زينب يمّـي گعدت ... لزمت أيدي الحيلي سنْدت
هالعظيمـة
وأسـألـتـهــا وانـظــرتـها ... دمــوعـهـا عـنّــي خـِـفـتــهـا
ياهـظـيمة

مـن شـفـتهـا حـيلي شـلال وتـبدّه
الـحيـل من يطـيح ياچـف اليـردّه
ودمـع زينب بـويـه دلالــي يـمـرده

شـبگتني بدمعات الحُرگة ... گـلبـي اصبْره علـيـك
أتنــفّس واعـثـر بالشهـگة ... وارتـــاح بـطـــاريــك
بعـدك يـوميـّه
يا ابو الحـنيّـة
دمعي بعيني يبات
____3____

مسح راسي حسـين شفـته ... وحزن يهمل وي دمعته
وظهـره مايل
وروحي طاحت چنها دمعه ... گـاعـده بالخـيمـة انعـه
وچفني ذابل

حـسين گـلّالي حميده الفرگة مُـرّه
وگتــله اريد انظـر أبـوية ولو مـرّه
راحتي نـظرة عيـونـه وانـت ادره

سـولـفـلـي حـسـين بـعـبـراتـه ... مسـلـم عـنّـچ راح
بــالـگـوفــة أيـــــرتّــل آيــاتـه ... مرسـول الاصلاح
لا ما بـي جيّـة
يا ابو الحـنيّـة
دمعي بعيني يبات
____4____

حسين گلّي الثورة هايـه ... الـهــا مـسـلــم صـار رايـة
بكل اراده
طـاح منّ الـقصـر مســلم ... فده روحه ونحـره يرسم
للــشـهادة

والِــدچ ما يـلفـي صـوب الـغاضـريه
امن القصر طـاح بثبـاتـه اعـالـوطية
اويـه الـهوه دزلـي سـلامه والتـحية

يحچي حسين ودمعه ايهلّه ... والحـسـره بعـيناه
مسـلـم من طـاح اعله العلّـه ... من عاشـت يـمناه
وعيونه اعليـّه
يا ابو الحـنيّـة
دمعي بعيني يبات
____5____



#رزقهم_سلام_الله_عليهم
#احمد_رزاق_الاعرجي

سولفلي ياماي النهر ... يم جرفك اتعنة الكمر...
شمسولف اوياه
احجيلي قصة مقتلة… ونهي العتب م̷ـــِْن اولة… عذبني فركاه

ــــــــــــ ــــــــــــ
ياماي وينك لاتظم… اني اختة كاتلني الهظم
مكسور منة جم عظم… وشجم جرح بيه
هم صاح أخ وهم بݘة… م̷ـــِْن طاح عالراية انتݘة
سولفلي ياماي شحݘة… م̷ـــِْن دارو اعليه

كعد يمي ونعة
وجفوفة امكطعة
يعاين عالخيم… أواخر مصرعة

بعيونة سلم عالخيم… وينازع بروحة الالم
وتحاوطة اعداه
ــــــــــــ ــــــــــــ
گاللهة م̷ـــِْن كد مانزف… واحد گطع م̷ـــِْن عندة ݘف
ماظل وريد وما نشف… م̷ـــِْن كد الجروح
أحجيلي لٱ تسكت ابد… حد ما تحس كلبي انمرد
سولفلي شمسوي العمد ... شو راسة مفتوح

بعواميد وحجر
عظم راسة انكسر
يلوج اعلة الترب… معانات الكمر

ياماي كايدني النزف… لْـۆ ماشي من يمك زحف
متيبسة شفاه
ــــــــــــ ــــــــــــ
تبعت يمك ماشفت… وياه كلي شسولفت
هم كالك عِنـ.̷̷̸̷̐ـديّ أخت… تتنطرة ايعود
من مزكو جودة انكسر…كام وعلة وجهة انهطر
وسهام اجت مثل المطر… ويحامي عالجود

اجة بعينة السهم
وكع منة العلم
اويلي وثاني عين… تجمد بيهة دم

ويلاه عباس انعمة… طاح ومرد جبدة الضمة
وشتنفع ال أه
ــــــــــ.. ــــ.. ــــ
شفت السهام بجربتة… مكسورة بالنص خوذتة
من الماي اطلع دمعتة… دمعاتة نجمات
ادري بجفوفة مبترة… والرمح شگ الخاصرة
رجلينة مكطوعة ترة… وبنحرة طبرات

ضوة الكافل طفة
على الرملة غفة
بسهم من صوبوه… طلع م̷ـــِْن الكفة

واحد اجة برمحة ودفع… من الظهر كلبة طلع
يازينب احاه
ــــــــــــ ــــــــــــ
بالسيف طبرو حاجبة… وشفاف اخوج امتربة
وحسين اجا ويخاطبة… ظل ظهري مكسور
يشيلة ويطيح اعلة الترب… متوذر وحالة صعب
ويكطع انياط الكلب… دلالة مجمور

نسة الطف والعطش
وعلة الكاع انفرش
يفكر بالحرم… ولفة ليل اهدعش

مافكر بروحة الشهم… نساونة يسبوهة الزلم
والحرة تنخاه
ــــــــــــ ــــــــــــ
ياماي عنك رايحة… عالناڰة واقرة الفاتحة
اكبالي الرؤوس املولحة… فوك اعلة الرماح
جم جثة تبقة بلا دفن… الة بحوافر تنسحن
وعظام اخوتي تنطحن… بنواع السلاح

بعصيهم والحجر
رماح امن الظهر
حوافر عالصدر… وسيوف تحز نحر

فرقة بخناجر هاجمو… وبـُ أل هـﮩًـآٍشـمٌ مٌثَـلـٍـًو
واصرخ حسيناه
ــــــــــــ ــــــــــــ
تمت بنظرة مولاتي زينب ع

✍️… حسين حمدان الدلفي