يضل متصل / حبل الوصل
بين الخدم / واهل العقل
اكضي العمر وي حسين لاتنغلب يالخادم
.
.
قرصه العمر بالك تضيع امن ايدك
لا مـال بـاجـر لا ولـد الي فيدك
حملك ثكيل وحيل راح ايجيدك
.
اسمع هاك / ما ينساك
بالكبر يحضر / وياك
يزلم جفوفك بالضيج ويحضر وياك القائم
.
.
حك الخدم تفدي العمر والمنحر
نعمه الحسين شما جنت تتصور
فوك الخيال وخلي اكلك اكثر
.
حيل اهواي / بكثر الماي
لا تكعد / اتكوم وياي
نصب عزيه الطم زين تحضر مجالس لازم
.
.
باجر حساب وحيدره اعله المعبر
رايح يكلب شنهي الك بالدفتر
شتكول باجر مــن يجيلك منكر
.
حب حسين / ودمع العين
بهذا الامر / متمسكين
فدوه التعب فدوه المال ميهمنه لومم اللائم
.
.
سهله علينه الموت كون بدربك
الاخر عمر يحسين صحنه نحبك
سيد شباب الجنه خـصـك ربـك
.
احنه وياك / من نهواك
الاخر نفس / رغم اعداك
فوك العمر لو عمرين تشهد علينه الوادم
.
.
الدنيه كلها يا بشر خلصانه
بس خدمة ال النبي الربحانه
غير العمل كـلـي شيروح ويانه
.
رايه وعلم / بيد الخدم
دربك ربح / مابي ندم
صيح بضمايرنه حسين وانته الابد ما نادم
.
.
حسن صالح العيساوي

مو عليله شلون بويه تعوفني
هاي كدامك يغالي وشوفني
بالضعن رجبوني
راح تعمه عيوني
بويه يحسين بويه يحسين
.
كلشي مابيه يبويه حيلي اقوه من الحديد
حتى لو ممشه اروحن بعد جا شنهي تريد
بيه حيل امشي بضعنكم حتى لو دربك بعيد
من اضل بالغربه اموتن امشي وياكم اريد
بويه لتخلوني
راح تعمه عيوني
بويه يحسين بويه يحسين
.
مالي حيل افراك اخوتي والسفر ادري طويل
لو حده الحادي بضعنكم ماكو رده مستحيل
الدنيه راح اتضيج بيه الوسعه احسنها تميل
عاد خليلي خواتي يمي وخلي ويانه العليل
خاف ما تردوني
راح تعمه عيوني
بويه يحسين بويه يحسين
.
افراك عبدالله عليه حسين يا بويه عذاب
راح ياخذ كلشي مني حتى ريعان الشباب
خلي اموتن وانه يمك خلي يدفني التراب
مالي حيل ابقه وحيده ردلي يابويه الجواب
عاد بس ذكروني
راح تعمه عيوني
بويه يحسين بويه يحسين
.
وياك تاخذهن خواتي وانه هم اوياك اروح
مالي حيل اعله المصايب انه مكدر عالجروح
وين اكعد وين انامن و انته بنفاسي تفوح
من اضلن عمري يخلص كله بس ابجي ونوح
بالحلم مروني
راح تعمه عيوني
بويه يحسين بويه يحسين
.
محد مسويها غيرك يلي منطي الدنيا راي
ليش عندك مو عزيزه يا عزيزي ويا ضواي
اخذ وياك العليله كليبي صحره وانته ماي
ذبل عودي الجان اخضر عكب عينك يارجاي
لا تكلي اشلوني
راح تعمه عيوني
بويه يحسين بويه يحسين
.
.
حسن صالح العيساوي

‏مقطع صوتي من حسن صالح العيساوي

يزأر ، هزبر . مايتحير . طشهم بالبر
حي الله عباس
.
.
حنطه وذبهم برحه . فرهم فرت السبحه
راعي الغانمه .
خيل اعله الزلم تصعد . حارو مالكو مشرد
من جر صارمه .
خدر كهوته المره . كام واسرج الشكره
بن حامي الحمه
.
فرهم . كرهم . مايعذرهم . رد طشرهم
حي الله عباس
+++++++
+++++++
وينه المندعي القوه . نداس بحافر المهره
طيح هيبته
هاوي للحرب هاوي . ويه الموت متلاوي
تكتل خزرته
عاشك من زغر سنه . وتونس ولا جنه
العليه مهرته
.
مغضب . يطرب . جفه معزب .ريح من يهب
حي الله عباس
+++++++
+++++++
دخيل الله يبو فاضل . لمن يسطر العايل
يشرك هامته
دخن لو زعل راسه . مو بالزلم مقياسه
ترهب هيبته
تشبه حيدر افعاله . ياهو الي يتدناله
وعينه شافته
.
يشطر . يطبر . محد يعبر . حده ويكدر
حي الله عباس
+++++++
+++++++
نفس الصوت الصوره . حيدر ثاني بدوره
مايفرق ابد
شنهي قوة زنوده . مات وما ترك جوده
ما مثله احد
رمز للخوه والغيره . مامن بالبشر غيره
طبعه امن المهد
.
صدهم . ردهم . من يطردهم . مايعذرهم
حي الله عباس
+++++++
+++++++
يطرب لو غدت كونه . اليفر من سيفه خيعونه
مات امن الرعب
يعني ما يضل سالم . لا شارد ولا قادم
متعني الحرب
كزكز وحترك دمه . ياهو اليوصل ابن امه
لا هايه جذب
.
صايل . عايل . وينه الكايل . عل حد مايل
حي الله عباس
+++++++
+++++++
حسن صالح العيساوي

يبو فاضل يبو فاضل
.
.
ما ادري شوصفنك
انته حيدره جنك
الشارد ماسلم منك
لمن سولفو عنك
يدرونك ابو فاضل انته الغيره راعيها
هجت شردت الفرسان كافي تطرد اعليها
كلف يمعدل الميلات ومعدل سوانيها
عباس الطف نشف مايه
عباس الطف نشف مايه
.
.
طالع من بطن لبوه
تسري بدمك الخوه
تنزل عل خصم بلوه
جنه مرورت الكهوه
سيفك مايرد ضميان لمن يورد بقاده
سويها الحرب نصين ونعمين ابن ساده
تفرح بالعدد عباس تطرب لو اكو ازياده
من راد يطب ما وكفوله
من راد يطب ما وكفوله
.
.
صول وجول بالميدان
لبسهم شيل نسوان
خلي الكابلك حيران
صول ودوخ العدوان
بيس بالزلم صوبين انته الكل يهابونك
يعرفونك ابو الكلفات ما كدرو يكحمونك
موبس سيفك الصكار تكتل نظرت عيونك
لو راد الشط بيده يجيبه
لو راد الشط بيده يجيبه
.
.
شطهم ماكفه الجودك
تحود و محد يحودك
يل تشبه علي عودك
سهله طيحت زنودك
كفيت وبعد وفيت والشاهد نظر عينك
ما قصرت يالعباس من ضحيت بسنينك
انته طبعك الوكفات اهلك ما موصينك
من طبعه معلم عل نيبه
من طبعه معلم عل نيبه
.
.
صكر متوسط البيده
يفتر فره عل صيده
جفه يلوح البعيده
محد يخلص امن ايده
الشارد خبر الشارد هاي الشغله محسومه
من الرعب من الخوف ضل يشمر هدومه
كلي بيا طريقه اخلص والكافل كلف يومه
مانخلص لا هاي ابعيده
مانخلص لا هاي ابعيده
.
.

حسن صالح العيساوي

.
ياخذها طرد كام و يرد بيها
يشمر كام اولها اعله تاليها
.
.
فر الجيش مسلم فرت السبحه
يطحنهم مثل حنطه بوسط رحه
ذاك اليوم سوه بالزلم شحه
زلم لبست شيل ذبت جفافيها
.
.
ما يلحك الشارد راح بالشارد
الاف العدد و يشوفهم واحد
محد بالشجاعه وياك متوارد
يا ملاجها العركه و يراعيها
،
.
ياصل الحماده اليكتل بسمه
متوارث شجاعه من علي عمه
ياهو الما يمر الطير يم خشمه
كسر روسها وصل يلعب اعليها
.
.
بس دخان بالكوفه صليل سيوف
العدوان مرعبها القلق والخوف
عيت بالترابه ومـا تجد الشوف
خلي الخيل تسحك فوك راعيها
.
.
كوم وشد عليهم جيش والقاده
ونعمين منك خلفت الساده
حـال الكوم بالميدان يتراده
مـا تندل دربها منين خليها
.
.
عندك ما يشح الماي بالكصه
بالك لاتضيع امن ايدك الفرصه
كل شارب عنيد بسيفك تكصه
الكوفه اليوم عدل كل سوانيها
.
.
خدر كهوتك والسيف فنجانك
شربهم المر احلوك عدوانك
يامسلم تصيح اعداك سبحانك
جلت قدرتك ما نكدر اعليها
.
.
حسن صالح العيساوي

الشاعر حسن صالح العيساوي


بصوت حسين عدنان الگوبعي

حيل دكوا على اسرائيل
يموت كلمن علينه يعيل
يا شيعة الكرار
لازم نعيد الثار . علي وياكم علي
.
+:::::-----:::::+
.

شيخ الزلم معروف .بعين البصيره نشوف
احجي عله المكشوف .والله اليضدكم عار
والله اليضدكم عار
ارض وسمه بنيران . مشتعله يا فرسان
هدو على العدوان . دم الهواشم فار
دم الهواشم فار
السيد زعل يا ناس . طكاها راس براس
بي غيرة العباس . دخلت الدنيا انذار
دخلت الدنيا انذار
.
سويتو شي عجيب . يا حضرة المهيب
احمي الارض والجار . لازم نعيد الثار
علي وياكم علي
.
+:::::-----:::::+
.

حياكم ونعمين . انصار ابو الحسنين
حار بطريقه منين . هله بيكم هله
هله بيكم هله
علي وياكم حضر . دكو عله الكفر
بعد شنهي العذر . الحرب يا مسهله
الحرب يا مسهله
هذا العمر محسوب . نصبر بعد جندوب
يا قالعين البوب . نسيتو حرمله
نسيتو حرمله
.
خيبر وصل للباب . سوه اليرده تراب
وجت سماها بنار . لازم نعيد الثار
علي وياكم علي
.
+:::::-----:::::+
.
الصهيوني حار منين ، المن يدير العين
نار وتوج صوبين . راووهم الياويل
راووهم الياويل
من ينطلق من راح . صارخك الفتاح
فيت بهدفهم طاح . من حيدره بي حيل
من حيدره بي حيل
امريكا حارت بيك . مــا تكدر تعاديك
ودت الفاشل ليك . ودتلك اسرائيل
ودتلك اسرائيل
.
حركوها تل ابيب . خلي الجرح يطيب
دكو على الكفار . لازم نعيد الثار
علي وياكم علي
.
+:::::-----:::::+
.
.
.
حسن صالح العيساوي

للعليله

كلبي امن المصايب
بالحسرات ذايب
ماخافو عليه . ماكالو خطيه
حكي من اعاتب . حكي من اعاتب
.++++++++
++++++++
عافوني الاهل ليش . والحسبات جن جيش
حيل الحال تعبان
بديار الغرب ضاع . عمري بلحضه وبساع
عودي اليوم ذبلان
شكلي تغير اهواي . عمن بالفركه عيناي
انوح شلون ماجان
.
هلي جاشنهي سويت . من دنياي مليت
اموت اليوم ياريت
محد كال عني . من اهلي وذكرني
لو بالحلم مرني
اكولن هذا واجب . حكي من اعاتب
+++++++++
+++++++++
اصبر مادري شلون . عنيانات العيوني
اهلي وفاركوني
الفركه تهدم الحيل . خصوصأ من يجي اليل
ما تغمض عيوني
ضلمه بعيني دنياي . همومي صارن هواي
الراحو ما يجوني
.
ارحن وين منواي . اسأل رايح وجاي
تهل دموع عيناي
بديار الغريبه . ودمعات المصيبه
الراح منين اجيبه
يا اغلى الحبايب . حكي من اعاتب
++++++++
++++++++
جرحي يطيب هيهات . ولا تنشف الدمعات
لمن ودعتهم
بعد ماشوفن ارتاح . عمري خلص اجراح
يوم الفاركتهم
عليله صح عليله . وبهمومي الثجيله
من راحو صحتهم
.
هلي ماريدن العيش . مطلوبه بذنب ليش
الوزن ويعادل الريش
ماخذ منكم امجان . امشي اشلون ماجان
بس انطوني عنوان
انا برباي اطالب . حكي من اعاتب
++++++++
++++++++
الهجر يا بويه جتال . حيل يتعب الحال
بويه رحمو حالي
تضل عيني الدربكم . تتراقب صوركم
مـا مرتاح بالي
والله انـه الخطيه . بحلم مرو عليه
ليله امـن اليالي
.
حيل اعليه غالين . عمي والدي حسين
ما ادري مشو وين
امي وعمتي زينب . اشلون بهزله تركب
هايه حيل تصعب
ما اعرف شجاوب . حكي من اعاتب
+++++++
+++++++
شبيها الدنياي شتريد . راحو اعزازي بعيد
دنيا احزان بحزان
مـن طوح عضنهم . جني موش منهم
دليلي بهمه غركان
ذنبي شنهي يا ناس ، اريدن عمي عباس
ابن قالع البيبان
.
من راحو خذوها . روحي و مرمروها
ولا يوم اذكروها
بس انظر على الباب . اكولن بلكي لحباب
طلعو جوه لتراب
يا روحي الحبايب . حكي من اعاتب
.
.
.
حسن صالح العيساوي

ليلة الوداع
.
حسين والعباس اخيه كعدو ودار الحوار
خطو الخطه سويه شوف وسمع هل قرار
ذوله للخوه ملح
قط مثلهم مايصح
اولاد هاشم والنعم اولاد هاشم
.
+-----:::::-----+
.
اجتماع القاده كلهم صدرو خطة حرب
منظده ورسمو عليها يموت كلمن يقترب
رسمو الخطه سويه و الدروع اعله الكلب
باجر تغص الوسيعه كربله تشوف العجب
باجر يطيب الجرح
قط مثلهم مايصح
اولاد هاشم والنعم اولاد هاشم
.
+-----:::::-----+
.
اجتماع الجان مغلق حجو عن كلشي مهم
اصحابنه راح اتقدم و الكمر بيده العلم
اعترض كام ابن مظاهر ابو الاكبر مبتسم
كله يا عمي اعرفك دردم الحومه ردم
باجر اكظيهم ذبح
قط مثلهم مايصح
اولاد هاشم والنعم اولاد هاشم
.
+-----:::::-----+
.
هيه لو هيج الشجاعه لو ولا تحجي بعد
زلم عشاكت منايه مــا تهم كثرت وعدد
اصحاب كلمه اهل غيره بصمو بدهم عهد
مـا يجي واحد مثلهم مستحيل و للابد
وين ابو وجه السمح
قط مثلهم مايصح
اولاد هاشم والنعم اولاد هاشم
.
+-----:::::-----+
.
خطه بصرار وعقيده الراي واحد للحسين
حسين بس اشر اشاره نكلب اشمال بيمين
الراي كله راجع الكم و احنه بيكم نستعين
عهد منطين ابو الاكبر بالصعايب ما نلين
وين ابو كلب الوكح
قط مثلهم مايصح
اولاد هاشم والنعم اولاد هاشم
٠
+-----:::::-----+
.
هيه مو ياهو التجيبه تكول هم عندي ولد
الزلم مــو كلهم سويه بيهم اعليه تعتمد
بيهم تفشل فزعته يموت كون امن المهد
السبع والما دار وجهه اول الفزعه كعد
هذا واضح جن صبح
قط مثلهم مايصح
اولاد هاشم والنعم اولاد هاشم
.
+-----:::::-----+
.
حسن صالح العيساوي