الحبر أغلى من الذهب!

لم يكن الحبر مجرّد سائل يُستعمل للكتابة، بل كان عبر التاريخ رمزًا للعلم والسلطة والمعرفة. وقد مرّت عصور كان فيها الحبر بالفعل أغلى من الذهب، سواء من حيث ثمنه المادي أو قيمته المعنوية.

▪️الحبر الملوكي النادر

من أبرز الأمثلة الحبر الأرجواني الذي استُخرج من أصداف بحرية نادرة على سواحل صور في لبنان القديم. هذا اللون ارتبط بالملوك والأباطرة، وكان غاليًا إلى حد أن استعماله حُصر في المراسلات الإمبراطورية، كذلك الحبر الأزرق المصنوع من حجر اللازورد الأفغاني، الذي استُخدم في المخطوطات المزخرفة، كان يُباع بوزنه ذهبًا أو أكثر.

مرض Progeria أو Hutchinson-Gilford Progeria Syndrome (HGPS) هو مرض نادر جدا يصيب الأطفال ويتسبب بتقدم العمر بسرعة. الطفل يولد طبيعي وما يبين عليه شي، بس بعد السنة الأولى يبدى جسمه يتغير ويصير يشبه كبار السن. السبب الرئيسي هو طفرة في جين LMNA اللي يكوّن بروتين Lamin A، وهذا البروتين مهم لصحة نواة الخلية، والطفرة تسبب تلف بالخلايا وتسريع عملية الشيخوخة. أعراض المرض تشمل بطء النمو وصغر حجم الجسم عن العمر الطبيعي، تساقط الشعر حتى الحواجب والرموش، وترقق الجلد وظهور تجاعيد مبكرة، بالإضافة إلى تشوهات بالعظام والمفاصل. أكثر خطورة من كلشي هو مشاكل القلب والأوعية الدموية اللي غالبا تسبب الوفاة عند الأطفال المصابين. التشخيص يعتمد على الفحص السريري والتحليل الجيني لتأكيد وجود طفرة LMNA. حاليا ماكو علاج شاف للبروجيريا، بس التركيز يكون على تخفيف الأعراض ومتابعة القلب، وبعض الأدوية التجريبية مثل Lonafarnib ممكن تساعد تبطئ بعض مظاهر المرض وتحسن عمر الطفل شوي. المرض نادر جدا، ويقدر عدد المصابين بأقل من 200 حالة حول العالم، وغالبا يعيش الطفل المصاب لحد المراهقة أو أوائل العشرينات

the course case of benjamin button
الي عجبه هذا الموضوع اكيد راح يعجبه هذا الفلم والي هو واحد من اعظم الافلام بالنسبة الي .

الجهازُ المناعيُّ في الإنسان مُصمَّمٌ لمهاجمةِ الأجسامِ الغريبةِ، مثلَ الفيروساتِ والبكتيريا، لكنّه أحيانًا يفقدُ القدرةَ على التمييز، فيهاجمُ خلايا الجسم السليمةَ. وهنا جاءَ دورُ هؤلاءِ العلماءِ، الذين اكتشفوا خلايا معيّنةً والجينَ المسؤولَ عنها، تعمل كحُرّاسٍ للجهازِ، تضبطُ عملَه عند اختلالِ توازنه. والثلاثة، أمريكيّان و يابانيّ. وقد كُرّموا يوم أمس بجائزة نوبل في الطبّ.

مرض الـ Epidermolysis bullosa هو واحد من الأمراض الوراثية النادرة اللي تصيب الجلد وتخليه جداً هش وضعيف، يعني حتى لو صار احتكاك بسيط أو ضربة خفيفة، الجلد يتجرّح ويطلع بيه فقاعات وتقرحات مؤلمة. هذا المرض يطلع لأن الجينات المسؤولة عن ربط طبقات الجلد ببعضها يصير بيها خلل، فبالتالي الجلد ما يثبت على اللحم مضبوط، فينفصل بسرعة. الأطفال اللي ينولدون بهذا المرض يسموهم أحياناً أطفال الفراشة لأن جلدهم ناعم وضعيف مثل جناح الفراشة. الحالات تختلف، أكو ناس يصير عدهم النوع الخفيف اللي تطلع بيه الفقاعات فقط بالجلد الخارجي وتختفي مع الوقت، وأكو أنواع أشد تسبب فقاعات عميقة وتترك ندبات وتشوهات، خصوصاً إذا صار الخلل ببروتين الكولاجين. المرض ممكن يأثر حتى على داخل الفم والمريء، فيصير من الصعب على المصاب ياكل أو يشرب براحة. حالياً ماكو علاج نهائي له، لأن السبب وراثي، بس العلاج يتركز على العناية بالجلد، تنظيف الجروح، وتبديل الضمادات باستمرار حتى ما تدخل جراثيم. بعض الحالات تحتاج مضادات حيوية أو أدوية لتخفيف الألم. العلماء كاعد يشتغلون على علاجات جينية جديدة ممكن بالمستقبل تساعد على تصحيح الخلل بالجينات.

‏"Fatal Familial Insomnia" هو واحد من أندر وأخطر الأمراض العصبية اللي تصيب الإنسان. السبب مالته مو فايروس ولا بكتيريا، وإنما يجي من طفرة بجين اسمه PRNP هذا الجين مسؤول عن تكوين بروتين يسموه Prion Protein.
من يصير بيه خلل البروتين يتحول لصيغة غريبة وتبدأ تأذي خلايا الدماغ، خصوصاً بمنطقة مهمة اسمها thalamus هاي المنطقة تنظم النوم والمشاعر والحالة الذهنية.

المرض وراثي، يعني ينتقل بالعوائل، وغالباً يبين بعمر الأربعينات أو الخمسينات. الشخص أول ما ينصاب يبلّش يحس بصعوبة بالنوم، بالبداية يتصورها مجرد أرق بسيط، بس مع الوقت ما يكدر ينام نهائياً، وجسمه يبدأ ينهار شوي شوي لأن الدماغ ما يحصل راحة. وياه الأرق تجي هلوسات، قلق، رعشة، فقدان وزن، وضعف بالذاكرة والتركيز، وبمرور الأشهر ممكن يوصل لمرحلة خرف وغيبوبة، وبعدها للأسف تنتهي الحالة بالوفاة.

المرض جداً نادر، وعدد العوائل المصابة بيه بالعالم معدودات. ينتقل بنمط يسموه autosomal dominant، يعني إذا الأب أو الأم مصابين، الطفل عنده احتمال 50% ينصاب بيه. ولأن السبب جيني فالتشخيص يعتمد على فحص الجينات بالإضافة لفحوص مثل دراسة النوم (polysomnography) اللي تبين إنه ماكو مراحل نوم طبيعية، وتصوير MRI أو PET اللي يوضح تلف بالـthalamus.

لحد الآن ماكو علاج شافي، وكل الأدوية اللي تُعطى هي بس لتخفيف الأعراض، مثل المهدئات أو أدوية تساعد المريض يرتاح شوي، بس ما توقف المرض ولا تبطئه . أغلب الحالات تموت خلال سنة إلى سنتين من بداية الأعراض ولهذا يسموه “قاتل”. أكو نوع مشابه يسموه sporadic fatal insomnia يصير بدون وراثة بنفس الطريقة تقريب بس مو بسبب طفرة موروثة

شكد نسبة اهتمامكم بهيج مواضيع ؟

▪️من أندر أنواع القطط على الأرض


قط جبال الأنديز
يعيش في أعالي جبال الأنديز بأمريكا الجنوبية، ويُعتبر من أقل القطط البرية شهرة في العالم.

يمتلك فروًا كثيفًا فضّي اللون وذيلًا طويلًا كثيفًا يساعده على البقاء دافئًا في البرد القارس.

يُعتقد أن أقل من 2,500 فقط تبقوا في البرية… كل مشاهدة له تُعتبر حدثًا نادرًا جدًا!