💬 “Дезинформация”: Ахборот иғвоси ортидаги таҳдидлар ва жамият масъулияти

⚫️Мамлакатимизда охирги йилларда турли ижтимоий масалаларда “дезинформация” ҳолатлари кузатилди. Масалан, аксарият ҳудудларда электр энергияси ёки коммунал хизматлар тўғрисидаги нотўғри маълумотлар одамларни норозиликка ундаган. Баъзан эса янги қонунлар ҳақидаги хато талқинлар аҳолида хавотир уйғотган.

⚫️“Дезинформация” - бу замонавий жамият учун "инфоэпидемия" ҳисобланади. Унга қарши кураш - бу фақат давлат ва ОАВнинг эмас, балки ҳар бир фуқаронинг ҳам масъулиятидир. Ҳақиқатни англаш учун маълумот манбаларини текшириш, расмий ахборотни кузатиб бориш ва ахборотни танқидий таҳлил қилиш кўникмалари асосий қуролларимиз бўлиши керак.

⚫️Бугунги кунда ҳар бир давлат ва тижорат ташкилоти жамоатчилик билан очиқ мулоқотни таъминлаш, ишончни сақлаш ва дезинформация тарқалишининг олдини олиш учун профессионал Ахборот хизматига эга бўлиши талаб этилади. Чунки сукут ахборот бўшлиғини юзага келтиради, ахборот бўшлиги эса “дезинформация” учун қулай муҳитдир.

⚫️...Ахборотни текширишни ўргатувчи медиа саводхонлик дарслари, махсус фактчекинг платформаларини ривожлантириш (Factcheck.uz, Stopfake.org ва ҳ.к.) ва ОАВ ва блогерлар учун журналистик масъулиятни ошириш орқали бу иллатга қарши курашиш мумкин.

👉 Мақола билан батафсил танишинг
〰️〰️〰️〰️〰️

🖋 Гулчеҳра Бердиёрова, АОКА Навоий вилоят бошқармаси етакчи мутахассиси

https://www.tg-me.com/hudud_inform

⚠️ ФВВ фуқароларни хавфсиз чўмилишга чақиради!

Тақиқланган жойларда чўмилиш аянчли оқибатларга олиб келиши мумкин.

Айниқса, сув ҳавзалари яқинида ёш болаларни назоратсиз қолдирманг!

https://www.tg-me.com/hudud_inform

👍 Жорий йилнинг январь-июнь ойларида иқтисодиёт ва тармоқларида эришилган ва кутилаётган натижалардан ялпи ички маҳсулот ҳажми (ЯИМ) 6,7-6,8 фоиз атрофида шаклланиши кутилмоқда.

👍Хусусан:

🟢саноат маҳсулотлари ишлаб чиқариш ҳажми - 6,3 %;
🟢бозор хизматлари – 13,5 %;
🟢қишлоқ хўжалиги – 4 %;
🟢қурилиш ишлари – 9,7 %га ўсиши кутилмоқда.
🟢Инфляция даражаси йил бошига нисбатан 4,2 %ни (2024 й. мос даврида – 5,2%) ёки йиллик ҳисобда 8,7 %ни (2024 й. мос даврида –10,6 %) ташкил қилди.

https://www.tg-me.com/hudud_inform

⚠️ Чорвоқ сув омборига оқова сувлар ташланиши ҳолати аниқланмади

Ижтимоий тармоқларда Тошкент вилояти Бўстонлиқ туманининг Чорвоқ сув омборига оқова сув қуйилаётганлиги ҳақида хабар тарқалди.

Ҳолат Экология вазирлиги, Қурилиш ва уй-жой коммунал хўжалиги соҳасида назорат қилиш инспекцияси ҳамда манфаатдор идоралар мутасаддилари иштирокида жойига чиқиб ўрганилди.

Ўрганиш натижасида Бўстонлиқ тумани, Навобод МФЙ ҳудудида жойлашган Чорвоқ сув омборининг (умумий ҳажми – 2006.0 млн.м³) “томоша қилиш майдончаси”дан кўриниб турган 600 мм диаметрли чўян қувурдан боғдорчилик фермер хўжалигининг суғориш мақсадида ишлатадиган сувлари оқаётганлиги ҳамда унинг ёнида ичида электр кабеллари ўтган полипропилен қувурлар (д-76 мм ва д-100 мм) экани аниқланди.

Ўрганишга вилоят экология бошқармасининг ҳамда Санэпидқўмитанинг туман лабораториялари жалб қилиниб, 600мм диаметрли қувурдан оқаётган сувлардан таҳлил намуналари олинди. Дастлабки сув намуналари асосида олинган кимёвий таҳлиллар натижасида сув таркибида ифлослантирувчи моддалар аниқланмади. Олинган сув намуналари San’QvaM 0083-24 талабларига мос келиши маълум бўлди.

Ушбу ҳудудда марказлашган оқова сувларни қабул қилиб олиш учун “Чимган Чорбоғ магистраль сув тармоғи” АЖга қарашли д-800 мм бўлган «Бақачол» оқова сув коллектор мавжуд бўлиб, ушбу коллектор Чирчиқ оқова сув тозалаш иншоотига бориб қуйилади.

Сув омбори сатҳи периметр бўйлаб чиқилганда, сув омборига оқова сувлар оқизилмаётганлиги, шунингдек, сув омборига қуйиладиган барча сув йўлларига оқова сувлар ташланиш ҳолати аниқланмади.

Сув омборидаги гидротехника иншоотлари хавфсизлигига ва техник ҳолатига таъсир этувчи омиллар мавжуд эмас. Яъни Тошкент вилояти Бўстонлиқ туманининг Чорвоқ сув омборига оқова сувлар қуйилаётгани тўғрисидаги хабар ўз тасдиғини топмади.

https://www.tg-me.com/hudud_inform