Ўзбекистон тарихчилар жамиятининг Хоразм бўлими фаолияти давлат бюджетидан таъминланиши белгиланди.

Мутасаддиларга чет элдан тажрибали археологларни жалб қилиб, тарихий обидаларни аниқлаш ва тиклаш бўйича амалий ишларни бошлаш топширилди.

Хоразм ва Қорақалпоғистон ҳудудидаги 8 та қадимий қалъаларни ўзаро боғловчи тўрт кунлик “Қалъа тур” маршрути ишлаб чиқилади. Ушбу қалъалар атрофида мастер-режа асосида хизмат кўрсатиш объектлари ишга туширилади.

https://www.tg-me.com/hudud_inform

Миллий таомларни хорижда танитаётган рестораторлар қўллаб-қувватланади

Мутасаддиларга хорижда ўзбек ресторанларини ташкил қилишда рўйхатдан ўтиш, рухсатнома ва фаолиятини йўлга қўйиш билан боғлиқ харажатларнинг бир қисмини қоплаб беришни йўлга қўйиш топширилди.

Хоразмда 40 дан ортиқ ҳунармандчилик йўналишлари ривожланган бўлиб, сайёҳлар маҳсулот тайёрлаш жараёнига ҳам қизиқади.

Шу муносабат билан Мевастон маҳалласида 6 гектар ерда Ҳунармандчилик маркази ташкил этилади.

Ҳар йили ҳунарманд шогирдларни тайёрлашга 1 миллиард сўм ажратиб борилади.

https://www.tg-me.com/hudud_inform

Боғотдаги кўчалардан бирига ва ўзи асос солган бадиий гимнастика мактабига Шакаржон Хўжаниёзова номи берилади.

Президент шу йил 12 июнь куни Ш.Хўжаниёзованинг 70 йиллик юбилейини Хоразм вилоятида кенг нишонлашни таклиф этди.

Эслатиб ўтамиз, Шакаржон Хўжаниёзова Хоразм вилояти ҳокимининг биринчи ўринбосари, вилоят Хотин-қизлар қўмитаси раиси, шунингдек, Боғот туман ҳокими лавозимларида меҳнат қилган.

https://www.tg-me.com/hudud_inform

⚠️Қонунчиликка кўра, Маданият вазирлиги ва Маданият ва санъатни ривожлантириш жамғармаси томонидан шакллантириладиган рўйхатлар бўйича хориждан олиб келинадиган, театрлар учун зарур мусиқа асбоб-ускуналари, техник жиҳозлар, декорациялар, чироқлар, грим маҳсулотлари ва бошқа ашёлар 2030 йил 1 январгача божхона божидан озод этилади.

https://www.tg-me.com/hudud_inform

#Наманган_вилояти

Ёш асаларичининг катта орзулари!

Учқўрғон туманидаги "Ҳалфатўпи" маҳалласида яшовчи 18 ёшли Азизбек Абдусаломов — меҳнатсевар, изланувчан ёшларимиздан бири. У 10 ёшидан буён асаларичилик билан шуғулланиб келади. Бу касбни оила аъзоларидан ўрганиб, бунга нафақат ҳавас, балки пухта билим ва маҳоратини ҳам қўшди.

Азизбек “Ёшлар тадбиркорлигини ривожлантириш ва бандлигини таъминлашга доир чора-тадбирлар тўғрисида”ги ПҚ-62-сон қарор доирасида маҳалла ёшлар етакчисининг тавсияси билан 80 миллион сўм имтиёзли кредитга эга бўлди.

https://www.tg-me.com/hudud_inform

Дам олиш кунлари ҳаво ҳарорати +39 даражагача кўтарилади

Дам олиш кунлари республиканинг барча ҳудудлари бўйича ёғингарчиликсиз об-ҳаво кузатилади. Ҳаво ҳарорати кўтарилиши давом этади, кундуз кунлари ҳаво +35 даражагача, жанубда ва чўл ҳудудларда +39 даражагача исийди.

Ҳарорат фони ойнинг биринчи ўн кунликнинг охирида бироз пасаяди, айрим жойларда қисқа муддатли ёмғир ёғиши, момақалдироқ кузатилиши мумкин. Кейинчалик ҳарорат кечалари 17-22 даражадан 10-15 даражагача, кундуз кунлари 32-37 даражадан 25-30 даражагача ўзгариб туради.

Умуман олганда, жорий май ойида ўртача ойлик ҳарорат иқлимий меъёр атрофида, баъзи жойларда ундан 1-2 даражага юқори бўлиши кутилмоқда.

https://www.tg-me.com/hudud_inform

Президент ёрдамчиси Саида Мирзиёева ва бош вазир Абдулла Арипов АҚШ Мустақиллиги куни муносабати билан ташкил этилган тантанали қабул маросимида иштирок этишди.

https://www.tg-me.com/hudud_inform

🔰 Ҳозирги кунда Ўзбекистон ҳудудида:

🔹меҳнатга ҳақ тўлашнинг энг кам миқдори – 1 155 000 сўм;

🔹базавий ҳисоблаш миқдори – 375 000 сўм;

🔹пенсияни ҳисоблашнинг базавий миқдори – 428 000 сўм;

🔹ёшга доир энг кам пенсия – 834 000 сўм;

🔹ногиронлик пенсиялари, жумладан иш стажи тўлиқ бўлмаган чоғдаги ногиронлик пенсиясининг энг кам миқдори – 920 000 сўм;

🔹меҳнатга лаёқатсиз фуқароларга бериладиган ногиронлик нафақаси ва болаликдан ногиронлиги бўлган шахсларга бериладиган нафақа – 920 000 сўм;

🔹белгиланган ёшга доир энг кам пенсия миқдоридан (834 000 сўмдан) 920 000 сўмгача пенсия олувчиларнинг ёшга доир пенсиялари – 920 000 сўм;

🔹зарур иш стажига эга бўлмаган кекса ёшдаги фуқароларга бериладиган нафақа – 745 000 сўм;

🔹иш стажи тўлиқ бўлмаган чоғдаги ёшга доир пенсиянинг энг кам миқдори қўшимча тўловни ҳисобга олган ҳолда – 745 000 сўм.

https://www.tg-me.com/hudud_inform

Хотира ва қадрлаш куни муносабати билан қуйидаги кунлари дам олинади:

🔹9 май (жума) — Хотира ва қадрлаш куни;
🔹10 май (шанба) — 5 кунлик иш ҳафтасида ишловчилар учун дам олиш куни, 6 кунлик иш ҳафтасида ишловчилар учун иш куни;
🔹11 май (якшанба) — дам олиш куни.

https://www.tg-me.com/hudud_inform

#Навоий_вилояти

Навоий шаҳридаги "Ёшлик" стадиони 10 мингдан ортиқ футбол мухлисларини ўз бағрига олди.

"Қизилқум" — "Навбаҳор" футбол жамоалари ўртасида кечган қизғин учрашувда вилоятимиз жамоаси 3:2 ҳисобида ғалаба қозонди. Кеча чин маънода Навоийга катта футбол қайтди!

Барча “Қизилқум” мухлисларини ғалаба билан табриклаймиз! "Қизилқум" футбол жамоасидан яна йирик ғалабаларни кутиб қоламиз!

https://www.tg-me.com/hudud_inform

Болаларни хавф остига қўйманг!

Сўнгги кунларда мамлакатимизнинг турли ҳудудларида Дамас автомобилларида 25–32 нафаргача болалар ташилаётгани ҳолатлари аниқланмоқда (1, 2, 3, 4). Бу – фақат қонунбузарлик эмас, балки фарзандларимиз ҳаётига бефарқликдир.

Боғчалар раҳбарлари ва ҳайдовчилардан ҳеч қандай шароитда болаларни хавфсиз бўлмаган транспортда олиб ўтишга рухсат бермасликни сўраб қоламиз. Сизга ишониб топширилган болаларнинг ҳаёти – бу сизнинг масъулиятингиздир!

Ҳурматли ота-оналар, фарзандингиз қаерга ва қандай шароитда олиб кетилаётганига бефарқ бўлманг. “Фақат бугун”, “ҳеч нарса бўлмайди” деган фикрлар катта фожиаларга олиб келиши мумкин.

Бу такрорланаётган ҳолатлар – тизимдаги жиддий бўшлиқларни кўрсатмоқда. Масъуллардан бунга эътибор қаратишларини сўраб қоламиз.

https://www.tg-me.com/hudud_inform

“Click” АЖ устун мавқега эга рақамли платформа оператори сифатида эътироф этилди.

➡️ Рақобат қўмитасининг тегишли буйруғи билан онлайн тўлов тизимлари бозорида “Click” АЖни устун мавқега эга рақамли платформа оператори деб эътироф этилди.

⬆️ Шунингдек, Қўмита томонидан устун мавқега эга рақамли платформа оператори фаолиятини рақобат тўғрисидаги қонун ҳужжатларига мувофиқ, устун мавқеини суиистеъмол қилиш ҳолатларини олдини олиш мақсадида мажбурий тартибда Монополияга қарши комплаенс тизими жорий этилади ва тегишли тартибда мониторинг ўтказиб борилиши маълум қилинди.

https://www.tg-me.com/hudud_inform

Энергетика вазирлиги “Мустақиллик-25” конидаги 202-қудуқда юз берган ҳолат ҳақида маълумот берди

2025 йил 5 май куни соат тонгги 6:10 да “Мустақиллик-25” конидаги 202-қудуқда таркибида водород сулфиди юқори бўлган газнинг катта босим билан отилиши ва натижада фонтанланиш ҳолатининг қайталаниши кузатилди.

Таркибида водород сульфиди юқори бўлган газнинг тарқалишини олдини олиш мақсадида газ оқими назорат остида ёқиб юборилди. Айни пайтда барча зарур тадбирлар хавфсизлик чораларига тўлиқ риоя қилинган ҳолда амалга оширилмоқда. Ҳодиса содир бўлган ҳудуд тегишли хизматлар томонидан ўраб қўйилган ва ҳозирги вақтда ушбу ҳудуд Ўзбекистон Республикаси Фавқулодда вазиятлар вазирлиги, “Саноатконтехназорат” давлат инспекцияси ҳамда Очиқ нефт ва газ фаввораларининг олдини олиш ҳамда уларни бартараф этиш бўйича Ўзбекистон ҳарбийлаштирилган қисми мутахассислари томонидан доимий назорат қилинмоқда.

Юзага келган ҳодиса яқин атрофдаги аҳоли пунктлари учун хавф туғдирмайди.

Эслатиб ўтамиз, 2025 йил 27 март куни мазкур қудуқда таркибида водород сулфиди юқори бўлган газнинг чиқиши қайд этилганди. Экологик хавфсизликни таъминлаш мақсадида қудуқ назорат остида ёқиб қўйилган. 22-апрел куни қудуқ ўқининг ғовланиб тушгани ва колонна чиқиб кетиши натижасида фонтанланиш тўхтаган, ҳодиса жойида газнинг суст оқими (грифон) кузатилган эди.

Аварияни бартараф этиш мақсадида ҳодиса жойида хориждан жалб этилган мутахассислар ҳам фаолият олиб бормоқда.

Ҳар бир ҳолат бўйича қўшимча маълумотлар бериб борилади, дейилади вазирлик хабарида.

https://www.tg-me.com/hudud_inform

"Work and travel" дастурларида иштирок этувчи талабалар учун ссуда ажратилади

Ҳукумат қарори билан 2025 йил 15 майдан "Work and travel" халқаро дастурлари доирасида ишлаш ва саёҳат қилиш учун хорижий давлатларга бориш ва келиш ҳамда бошқа харажатларни қоплаш мақсадида талаба ёшларга ссуда ажратиш тартиби жорий этилади.

Мазкур давлатларга Европа Иттифоқи давлатлари, Жанубий Корея, Япония, Буюк Британия, АҚШ, Канада, Австралия, Янги Зеландия киритилган.

Ҳар йили 2 000 нафаргача талаба ёшларга БҲМнинг 40 баравари (15 млн) миқдорида ссуда ажратилади.

Ссуда ажратиш ҳақидаги аризалар давлат хизматлари маркази ёки ЯИДХП (my.gov.uz) орқали қабул қилинади.

Талаба ажратилган ссудани хорижий давлатдан келганидан сўнг 1 ой муддатда қайтариш мажбуриятини олади.

https://www.tg-me.com/hudud_inform