📣ЎЗБЕКИСТОН ТАРИХДА ИЛК БОР ЖАҲОН БОЖХОНА ТАШКИЛОТИНИНГ АУДИТ ҚЎМИТАСИ АЪЗОЛИГИГА САЙЛАНДИ

🟣Жаҳон божхона ташкилоти йиллик сессиясининг бугунги куни унда кўрилган ташкилий масалалар ва имзоланган ҳужжатлардан келиб чиқилса, энг муҳим кун деб ҳисоблаш мумкин.

🟣Бугун делегатлар ташкилотнинг 2025-2026 йилларга мўлжалланган Режасини амалга ошириш механизмлари ҳамда Кенгаш фаолияти форматини янгилаш масалаларини кўриб чиқишди.

🟣Сессия иштирокчилари электрон овоз бериш тизимини ҳам синаб кўрдилар. Янги тизим ташкилотнинг бир вақтнинг ўзида ҳам оффлайн, ҳам онлайн ўтадиган йиғилишларида овоз беришнинг шаффофлиги ва тезкорлигини таъминлашга хизмат қилади.

🟣Ташкилот Молиявий қўмитасининг буджет ва молия масалалари ҳам сессия ишида кўриб чиқилди. Хусусан, буджет ижроси, аудит ҳисоботлари ва келгуси харажатлар муҳокама қилинди.

🟣Куннинг иккинчи ярмида сессияда Кенгаш Раиси ва ўринбосари, Сиёсий қўмита аъзолари, Молия ва Аудит қўмиталари раислари, ўринбосарлари ва аъзолари сайланди.

🟣Аҳамиятли томони шундаки, мустақил Ўзбекистон тарихида илк бор Ўзбекистон Жаҳон божхона ташкилотининг Аудит қўмитаси аъзолигига сайланди!

🟣Таркибига дунёнинг 12 та давлатидан аъзолар сайланадиган мазкур қўмита ЖБТнинг молиявий ва ички бошқарувини самарали назорат қилиш билан шуғулланади.

🟣Божхона қўмитаси Раиси А.Мавлонов Ўзбекистоннинг Жаҳон божхона ташкилоти Аудит қўмитаси аъзолигига қабул қилингани учун миннатдорчилик изҳор қилди ва Ўзбекистон томонидан ташкилот доирасида молиявий ошкоралик, самарали бошқарув ва ҳисобдорликни таъминлашга янада кўпроқ ҳисса қўшишга ишонч билдирди.

🟣Дарҳақиқат, Ўзбекистоннинг Аудит қўмитаси доирасидаги фаолияти ЖБТнинг салоҳиятини мустаҳкамлашга ҳамда барча аъзо давлатлар манфаатларига бирдек хизмат қилади.

🟣Сессия доирасида Ўзбекистон делегацияси бугун АҚШ, Германия божхона хизмати раҳбарлари ҳамда Ўмоннинг нуфузли "Nafith" компанияси вакиллари билан икки томонлама учрашувлар ўтказишди.

https://www.tg-me.com/hudud_inform

💬Жондор туманида туризмни ривожлантиришга қаратилган учрашув бўлиб ўтди

Учрашув давомида ҳудудда туризм инфратузилмасини ривожлантириш, янги туристик маршрутлар яратиш ҳамда маҳаллий аҳолининг бу соҳадаги иштирокини кучайтириш масалалари муҳокама қилинди. Тадбиркорлар ўз фаолиятида дуч келаётган муаммолар ва таклифлар билан ўртоқлашди.

Туризм қўмитаси раиси ҳудуддаги мавжуд имкониятлардан самарали фойдаланиш зарурлигини таъкидлаб, Жондор туманида туризмни ривожлантириш учун катта салоҳият мавжудлигини қайд этди. Шунингдек, давлат ва хусусий сектор ўртасидаги ҳамкорликни кучайтириш, инвесторлар учун қулай муҳит яратиш бўйича аниқ таклифлар берилди.

Ташриф давомида Туризм қўмитаси раиси Жондор туманидаги “Ушот” МФЙ, Ушот қишлоғини “туризм қишлоғи”га айлантириш борасида ҳудудда амалга оширилаётган ишлар билан танишди.

Бундан ташқари, туман ҳокимлиги билан ҳамкорликда туманнинг “Варахша” археологик ёдгорлиги, Қизбиби зиёратгоҳи, “Зарафшон” соҳилбўйи дам олиш маскани ва “Ушот туризм қишлоғи”ни ўз ичига олган “туристик ҳалқа” ва 1-2 кунлик туристик дастур ишлаб чиқишга келишиб олинди.

https://www.tg-me.com/hudud_inform

👍 Коррупцияга қарши курашиш бўйича ОКМК фаолияти ижобий баҳоланди

Давлатимиз раҳбарининг ташаббуслари  билан мамлакатимизда коррупцияга қарши курашиш борасида амалга оширилаётган кенг қамровли ислоҳотлар янги босқичга кирди.
Хусусан, давлат сиёсатида шаффофлик, холислик, ҳисобдорлик, рақамлаштириш ҳамда масъулиятли бошқарувни таъминлаш мақсадида, давлат  бошқаруви  ҳамда иқтисодиёт барча тармоқларида ва соҳаларида халқаро стандартларга мувофиқ тизимлар жорий этилмоқда.
Жумладан, “Олмалиқ кон-металлургия комбинати” акциядорлик жамияти“ Management  Certification” сертификация идораси томонидан муваффақиятли аудитдан ўтказилиб, ижобий хулоса берилди.
Бугун ОКМК раҳбариятига ISO 37001:2016 Коррупцияга қарши курашиш менежмент тизими халқаро  сертификати  шунингдек, O’z DSt ISO 37001:2019/ ISO 37001:2016 маҳаллий сертификатлари топширилди.
Маълумот учун ISO 37001:2016 халқаро стандарти - коррупцияга қарши бошқарув тизимини жорий этиш, ишлатиш, кузатиш, таҳлил қилиш ва такомиллаштириш бўйича халқаро кўрсатмалар ва талабларни белгиловчи энг нуфузли  халқаро стандарт ҳисобланади.
У ташкилотларга ички ва ташқи коррупциявийхавф ва хатарларни аниқлаш, уларнинголдини олиш ва самарали бошқаришга кўмак беради.

Мазкур сертификатлар “Олмалиқ КМК” АЖнинг фаолияти коррупцияга қарши кураш менежменти тизимининг халқаро ва маҳаллий стандартлар талабларига мувофиқлигини билдиради ҳамда Комбинатнинг барча даражадаги бошқарув аппаратига ва раҳбарлари  зиммасига шаффофлик, очиқлик ва ҳисобдорликни мунтазам таъминлаш юзасидан улкан  масъулият юклайди.

ISO 37001:2016 халқаро стандарти бўйича  Мувофиқлик  сертификатини қўлга киритиш нафақат ташкилотда шаффоф бошқарувни йўлга қўйиш, балки унинг инвестициявий жозибадорлигини ошириш, халқаро майдонда  ҳамкорлар ишончини мустаҳкамлаш, Комбинат  нуфузини оширишга ва глобал бозорда Комбинатнинг рақобатбардошлигини таъминлашга хизмат қилади.

ISO 37001:2016 халқаро стандарти халқаро бизнесда иштирок этаётган барча  компаниялар учун халқаро  фонд бозорларига  кириш  учун  энг  муҳим шартлардан бирига айланишга  улгурди.

Ўтган 2021-2024 йиллар ҳамда 2025 йилнинг биринчи ярми  мобайнида “Олмалиқ КМК”АЖ фаолиятида коррупциявий хавф-хатарларнинг олдини олиш бўйича Коррупцияга қарши курашиш агентлиги ҳамда Тоғ-кон саноати  ва геология вазирлиги билан биргаликда бир қатор амалий чора-тадбирлар амалга оширилди.
Жумладан, халқаро стандартлар талаби бўйича Комбинатда 20дан зиёд ички идоравий ҳужжатлар ишлаб чиқилиб, амалиётга жорий этилди, Комбинатнинг 100дан зиёд  функция ва вазифалари коррупциявий  хатарларга  мойиллиги баҳолашдан ўтказилиб, коррупция хавфи юқори бўлган вазифа ва функциялардаги коррупция хавфи даражасини минималлаштириш бўйича  таъсирчан ва изчил  чоралар кўрилмоқда. Комбинатда қабул қилинган ички идоравий ҳужжатлар коррупцияга қарши экспертизадан ўтказилиб, 50 дан зиёд камчилик ёки номувофиқликлар қонунчилик талабларига мувофиқлаштирилди.

Натижада 2024 йилнинг  якуни  билан, “Олмалиқ КМК”АЖ Самарадорлик  рейтингида 102та  давлат органлари ва ташкилотлари ўртасида коррупцияга қарши курашиш ишлари самарадорлиги рейтингида фахрли 11-ўринни (85 балл тўплаган ҳолда, АЖлар ўртасида – 8ўринни эгаллади), “Очиқлик индекси”да натижаларига кўра, республика давлат 98та давлат фахрли 1-ўринни (91,2 балл тўплаган), Рақамлаштириш  рейтингида 2024 йил якуни билан фахрли 4-ўринни  (99,9 балл тўплаган ҳолда) эгаллади.
 
“Олмалиқ  КМК”АЖ Раҳбарияти  ва  меҳнаткаш  жамоаси  Коррупцияга қарши курашиш агентлиги ҳамда  Геология вазирлиги билан  узвий  ҳамкорликда  келгусида ҳам Комбинатда коррупцияга қарши курашиш ишлари самарадорлигини янада  ошириш,  эгалланган  марраларни  мустаҳкамлаш  ҳамда  янги мақсад ва марраларни  забт  этиш  йўлида  ўз  саъйи ҳаракатларини  изчил  давом  эттиради.

https://www.tg-me.com/hudud_inform

🇺🇿Ўзбекистон МДҲ мамлакатлари орасида телеком бозори ривожланиш суръатлари бўйича пешқадамга айланди

2020–2024 йиллар оралиғида алоқа хизматлари ҳажми икки баробар ошиб, 20,9 трлн сўмга етди. Фақат ўтган 2023 йилда ўсиш 18,6% ни ташкил этди — бу кўрсаткич бўйича Ўзбекистон Қирғизистон, Қозоғистон ва Россиядан ўзиб кетди.

📈Nexign ва TelecomDaily таҳлилларига кўра, бозорнинг тўйинишига қарамай, яқин йилларда Ўзбекистонда телеком соҳасидаги ўсиш суръатлари ҳали ҳам минтақадаги ўртача даражадан юқори бўлиб қолиши кутилмоқда.

https://www.tg-me.com/hudud_inform

⚫️“Ахборот хизматлари фаолияти: очиқлик, тезкорлик ва холислик бош мезон” мавзусида V миллий конференция ва унинг доирасидаги тадбирлар ниҳоясига етди.

⚫️Миллий конференция доирасида ўтказилган “Media Quiz”да 9 та жамоа 5 та раундда турли соҳага оид йўналишларда билимларини синашди.

⚫️Билим-ринг натижаларига кўра учта жамоа ғолиб деб топилди ва қимматбаҳо совғалар билан тақдирланди.

https://www.tg-me.com/hudud_inform

❗️Бухоро футзали етакчилик мавқеини сақлаб қолади!

Ўзбекистон футзал федерацияси президенти Бекзод Маматқулов Бухоро мамлакатимиз футзалида етакчи ўринларда бораётганлигини қайд этаркан, футзал бўйича 2024 йилда ўтказилган жаҳон чемпионати муносабати билан Бухоро шаҳрида жаҳон андозаларига жавоб берувчи муҳташам спорт зали қуриб фойдаланишга топширилгани, футзал бўйича вилоят бош жамоаси “Оил Стар” эса сўнгги йилларда мамлакат миллий чемпионати – Олий лига мусобақасида чемпионлик учун курашиб келаётганлиги, кетма-кет икки мавсум Ўзбекистон кубоги финалига чиққанлиги хусусида тўхталди.

Шу билан бирга, Бухорода мазкур спорт турини янада ривожлантириш юзасидан қатор таклифлар билдирилди. Жумладан, Бухоро шаҳрида мамлакат чемпионатл ҳамда Ўзбекистон кубоги баҳсларини қабул қилувчи иншоотлар мавжудлиги, аммо уларни регламент талаблари асосида жиҳозлаш, мухлисларга зарур шарт-шароитлар яратиш, телетранцляциялар учун қўшимча қулайликлар ҳозирлаш каби масалаларни ҳал этиш кераклиги таъкидланди. Шунингдек, Олий лига ҳамда Ўзбекистон кубоги тур ўйинларини “Универсал” спорт мажмуасида ташкил қилиш, "Оил Стар" футзал академиясини қуриш, клуб қошида аёллар футзали жамоасини ташкил этиш бўйича ҳам фикр алмашилди.

https://www.tg-me.com/hudud_inform

💬 “Дезинформация”: Ахборот иғвоси ортидаги таҳдидлар ва жамият масъулияти

⚫️Мамлакатимизда охирги йилларда турли ижтимоий масалаларда “дезинформация” ҳолатлари кузатилди. Масалан, аксарият ҳудудларда электр энергияси ёки коммунал хизматлар тўғрисидаги нотўғри маълумотлар одамларни норозиликка ундаган. Баъзан эса янги қонунлар ҳақидаги хато талқинлар аҳолида хавотир уйғотган.

⚫️“Дезинформация” - бу замонавий жамият учун "инфоэпидемия" ҳисобланади. Унга қарши кураш - бу фақат давлат ва ОАВнинг эмас, балки ҳар бир фуқаронинг ҳам масъулиятидир. Ҳақиқатни англаш учун маълумот манбаларини текшириш, расмий ахборотни кузатиб бориш ва ахборотни танқидий таҳлил қилиш кўникмалари асосий қуролларимиз бўлиши керак.

⚫️Бугунги кунда ҳар бир давлат ва тижорат ташкилоти жамоатчилик билан очиқ мулоқотни таъминлаш, ишончни сақлаш ва дезинформация тарқалишининг олдини олиш учун профессионал Ахборот хизматига эга бўлиши талаб этилади. Чунки сукут ахборот бўшлиғини юзага келтиради, ахборот бўшлиги эса “дезинформация” учун қулай муҳитдир.

⚫️...Ахборотни текширишни ўргатувчи медиа саводхонлик дарслари, махсус фактчекинг платформаларини ривожлантириш (Factcheck.uz, Stopfake.org ва ҳ.к.) ва ОАВ ва блогерлар учун журналистик масъулиятни ошириш орқали бу иллатга қарши курашиш мумкин.

👉 Мақола билан батафсил танишинг
〰️〰️〰️〰️〰️

🖋 Гулчеҳра Бердиёрова, АОКА Навоий вилоят бошқармаси етакчи мутахассиси

https://www.tg-me.com/hudud_inform

⚠️ ФВВ фуқароларни хавфсиз чўмилишга чақиради!

Тақиқланган жойларда чўмилиш аянчли оқибатларга олиб келиши мумкин.

Айниқса, сув ҳавзалари яқинида ёш болаларни назоратсиз қолдирманг!

https://www.tg-me.com/hudud_inform