خويه راح امشي يسيره وطال بعيوني الدرب
عنك انويت الرحيل وصار الملاكه صعب
_____
انه زينب ياكفيلي كوم عاين للحرم
رحمه ماعدهم اعداكم نار شبت بالخيم
جلبت نار بعبينه كوم رد عنه الزلم
ندري بجفوفك كطيعه ونابت بعينك سهم
شلون نيران بخيمنه عداك ترضاهه تشب
_____
ماكلتلك خويه بينه اسوت ازلام بخيول
داست بصدر الحسين وضلت علينه تجول
انتخي بيكم بقيت وحايره اعليكم شكول
كوم رد الخيل خويه ياابن فحل الفحول
محيره ترضاهه خويه ودمعت عيوني تصب
_____
كوم انهض يبوفاضل نومتك موعالنهر
شهم ندريبك يكافل مانضنك تعتذر
كون ماعدك جفوف جفوف ذني والنضر
خذهن اوافزع يخويه وزيح عنه كل خطر
اسد جنك يبو فاضل بالمعارك من تطب
_____
خويه متحمل فراكك يبو فاضل يالكفيل
راح اودعك خويه وانه من عله ضهر الهزيل
عله نومتكم يخوتي دمعت عيوني تسيل
ونتم ابهل وضع وانه حملي اعليه الثجيل
ولو افاركم يخوتي يسأل يضل الكلب
_____
يخوتي نومه بقيتوا  موسدين عله الثره
مودعين باالله الكلكم راح اروح ميسره
بنوك هزله رجبونه وحنه عيلت حيدره
وصعب درب اليسر وانه بالعيال محير
وماكفاهم بس سبينه بسوط جابونه ضرب
_____
#محمد_هادي_المشرفاوي

حساب يحسب للمعسكر الله لا كالاها
بدون ما يحسب كفيلي شالها وطكاها
@@@@@@@@@@@@@@@
من طلعنا من المدينه ع الطك ناوي الكمر
حاره شكد يا جهنم لاجن العباس أحر
ليها متحزم وناوي على الكر ولا يفر
ولون يحسب مايخلي ذره مايدناها
@@@@@@@@@@@@@@@
اخذ من حسين أذنه وكاله ياسيدي
عدي واهس للمكاون ارد كيد المعتدي
هاي عود ازلام ضدك أله اللبسهم عبي
وخل يكولون ابوفاضل هوه بس سواها
@@@@@@@@@@@@@@@
حسين كله الزود فارض ألك وفهم مطلبك
ودري خويه عل معسكر تكدر انته الوحدك
لجن يمك ألي مطلب ودري اكسر خاطرك
من المعسكر ألك حصه وألي لاتنساها
@@@@@@@@@@@@@@@
موش جنك زاودتني سيدي ولله الأمر
حصتك بالحفظ يمي رياجها تلكاها مر
راح اتعبهم اركاض وغايتي تعبك يضر
عليه مو بالهون تعبك سيدي ألكاها
@@@@@@@@@@@@@@@
تشجل ولفلف الصايه وجر بيها المايلين
باهته وحد ليها يوضع لابد أبن ام البنين
ترجف تبريدت حدره الزلم ذيج وراكعين
العمر رد القاده مامش روس من رداها
@@@@@@@@@@@@@@@
#محمد_هادي_المشرفاوي

عتها عباس الثكيل ابن الثكيل
نجفت حدره وروسهم ردتها خيل
_
نجفت حدره ومالت وعجت تراب
علي جن بكربله ملاكيله باب
نفس رادت ياعلي بيوم العذاب
ضاكت وشح النفس نجمه اسهيل
___
انحور مكبل ويه سيفه المايلين
رعد وشتد واليهوسله الحسين
غاص بيهم سالم الترمشله عين
طوله وي الكاع ممتد دنيه ليل
___
الشام هزها وصولته البيهم فخر
علن حربه اعليهم وساعت صفر
عت نسلهم داسه وتوالت كبر
فزع ميتهم عله اصوات ادخيل
___
الحال يرثاله الخلك متحاوطين
اشلون منهم يفك ياخه وسالمين
خزر نهر العلكمي وداراله عين
يحل دورك وانه عباس الكحيل
___
الموت داير حوله وبروس العباد
بات واليركض يحسبوله الجهاد
ياحصن خيبر يصفين الشداد
دموم تنزف كربله ورب الجليل
___
#محمد_هادي_المشرفاوي

رفرف بيرغه العباس وهتزت عواليها
شد ونجفت حدره الكاع ونخسفت بهاليها
@@@@@@@@@@@@@@@
فرع واليجهبة يموت والكاع نجفت حدرة
شد والخيل طكها بخيل وتراب عتله الغبرة
صال وهوس عله الكوم والزركه كلبت حمرة
جرد صارمه وشجعان ضاعت عن تواليها
@@@@@@@@@@@@@@@
زمجر وارتعد والجيش شافه وتاهت صفوفة
ضكت فرد ضكه وكام يصفر كلمن يشوفة
ركضو مادرو لاوين حد ما وصلو الكوفة
شايل قارعه بجفه كتايبهم وهك بيها
@@@@@@@@@@@@@@
دارت والجهبهم حيد شد وحمرت عيونة
دخن ورتعد وختاض وضاك الدرع بمتونة
طبها وزوم طك بزوم والعسكر شبح لونة
فرت ما توجد وين ركضت عكس رجليها
@@@@@@@@@@@@@@@
صال وخيل داست خيل عثرها بجماجمها
سبعين الف راس براس طكها وطفحت بسمها
ركضت ماتوجد وين ركضت سابحه بدمها
وخيره كومهم من صال ذبت هدم العليها
@@@@@@@@@@@@@@@
ضاكت والصفوف الغوث صاحت من وصل حدها
كامت ناس تردم ناس تاه الدرب من عدها
غيم واغضب وصوبين بضهور الشكر شدها
سجرها ورعد والكاع زلزلها برواسيها
@@@@@@@@@@@@@@@@@
#الخادم

#علي_جاسب_الموسوي

حل دوره علي الأكبر حيد وشعت أرسومه
 ليله بتشرت وصاحت طب وليدي للحومه
___
ستأذن من ابوه حسين وحسين نكسر كلبه
 كله حلت الفركه بيني وبينك وصعبه
 كله بويه هذه اليوم يومي أأذلي لتشطبه
 مودع كله صاح حسين يومك جدي جن يومه
___
صوت حسين بالميدان طر وبالخيم يفتر
ياجدي شبيهك صال وعله أذن امه من سير
 ليله انتهضت وصاحت صال وليدي الأكبر
طلعت شافته غظبان لامت حربه محسومه
___
 برفعت راسي حي الله صاحت شدته العزمه
دار الوجه ليها ودار للحومه ثبت جدمه
كلها ابنج يراوي اعداه فنون اليشبهه وعمه
وحيره بفن ابوي حسين كون تحير منظومه
___
 توجه ابن ابو السجاد للحومه شلعب بيها
 خياله اعله ظهر الخيل اصبح سيفه تاليها
ولي ملحكه شردت ليه ردت يحش رجليها
واليفطن يذب اهدوم ميت يبقى بهدومه
___
حتارو شرده لا نفعت لا نفعتهم العاده
صكت ميمنه ويسار وجنود اصبحت قاده
سيوف الملت وجه الكاع روس بحكم ابن ساده
والسيد لون يختاض موت أدون اعلومه
___
#محمد_هادي_المشرفاوي

قمر ليلئ ( علي الاكبر )

طبها الاكبر وختنك واديها
علي صاحو هذه لو داحيها
@@@@@@@@@@@@@@@
غيم وطرها ودوت واعلنها موت
اختاض وتخيم عله الحومه السكوت
تخورست شجعانها وماضلها صوت
ندارت وحول صكرها عليها
@@@@@@@@@@@@@@@
غار وارعبها وسحكها وطكها حيل
تمايلت حدره وطبك خيل عله خيل
جفلت وصاح وكلب حمرتها ليل
هتزت وركضت عكس رجليها
@@@@@@@@@@@@@@@@
لاكته الخيل وهوت وعليها مال
وطر كتايبها ورعبها وبيها صال
ك الغنم خلاها شجعان الرجال
وضيعت سافلها من عاليها
@@@@@@@@@@@@@@@
شح هواها ودخنت والطبها حيد
تراجفت ونعاد خيبر من جديد
كردساها ولوه عله ركبها الحديد
وسلمت ل ابن الهلا وراعيها
@@@@@@@@@@@@@@@@ن
زلزلاها وطبك يسرتها ب يمين
ابتسم ومن الخيمه هوسله الحسين
هلا بخيال الوغئ ودرع المتين
الشايخ عله الزلم ومبجيها
@@@@@@@@@@@@@@@@

#الخادم

#علي_جاسب_الموسوي

لا يومَ كيومك يا أبا عبد الله!

(لا) نافية للجنس، يعني ليس في الدنيا يوم ومصاب كيوم ومصاب أبي عبد الله الحسين (ع).
وليس كلام المعصوم ككلام غيره، ولا قول فوق قوله، وصاحب هذا الشّعار الذي تتوسم وتتشرف به مجالس العزاء هو إمامنا المظلوم الحسن المجتبى (ع)، وقد قالَ هذا الكلامَ وهو ينازع السُمَّ والألمَ لسيد الشهداء (ع).

بكى عليك يا أبا عبدالله ما يُرى وما لايُرى، وكيف لا يكون كذلك وأنت حبيب الله وحبيب رسوله؟
"ولا يقاس بآل محمد (ص) من هذه الأمة أحد، ولا يسوَّى بهم من جرت نعمتهم عليه أبداً، فهم أساس الدين، وعماد اليقين، إليهم يفئُ الغالي، وبهم يلحق التالي". [نهج البلاغة ص47]

ويوم عاشوراء هو يوم حُفظ فيه الدين، وهو الهدف الأسمى لنهضة الإمام الحسين (ع)، وبالنظر إلى أنّ مَن جرت عليه المصيبة هو شخص الإمام الحسين (ع)، حينها ستكون مصيبة كربلاء هي الأعظم، ويوم عاشوراء لا يشبهه يوم إلى قيام الساعة. 

فلا ينبغي للمؤمنين أن تأخذهم الآراء والعواطف الجياشة والأهواء، ويغفلون عن عظم المصاب وعظيم حق صاحب المصيبة، رحمة الله الواسعة وسفينة نجاة هذه الأمة


اعظم الله لكم العزاء 💔

جنها طالت حسبتك مهدينه
احنه وانته الثار ما ناسينه

ما نسينه الثار والدم بينه حار
نار خيمت عمتك تجوي الزغار
يلا شد حيلك ونار اردها نار
والخيم نطفيها ياوالينه

نسكت الميمون لورد بلصهيل
وناخذه لحسين ويبطل يميل
نحلف الميمون بالرب الجليل
مايرد وحسين أله ابينه

 نطفي الخيام ونلهما العايله
والحسين نكوي حيله بكربله
وسهم عبد الله نرده الحرمله
والتراجي تصير بين ادينه

ذو لفقار بأيدك ونصرخ علي
ايد الحسين عله ظهره ومنحني
ندفع الجيش ويرد الهاشمي
للخيام وايده بيد حسينه

عله ظهر الكافل ترف رايته
نخلها وجفوفه نردها العافته
ونهر من عنده نترس جربته
تشبع من الماي كون سكينه
 
بردت الكافل نرد جسامكم
وعلي الأكبر والأنصار بجالكم
ننتصر ويرف يضل ألواكم
وانته قائدنه تضل اعلينه

#محمد_هادي_المشرفاوي

مابقه مننصار ابو اليمه ... بس عليل الغارك بهمه
 من عنده ماخوذ الحيل
من المرض جسمه نحيل
 ونهظم رد للخيم عزمه
___
رايدله ناصر والدي من طاحت انصاره احتار
 بالحومه صوته الكل سمع لاضل جبير ولزغار
وانه سمعت صوته مثل ماسمعته الناس ودار
سليت سيفي من الخيم صحت انه ناصر وثار

 صحت انه ناصر يحسين
لاجنه من دار العين
 ردي زينب للخيم جدمه
___
 نسلك محمد ينكطع العمتي الوالد كال
 تمنيت باقر مو زغير بالحومه كونه ريال
 حتى احارب ما ارد للخيمه يستاء الحال
 والكوم عني بهل خبر ماضنتي تكول اشكال

 رايد ضميري يرتاح
خلاني اصفجها الراح
ابقى حارس للخيم زحمه
___
 ياجدي يرضيك السبط بالحومه يبقى وحده
 بعباس شديتو الضهر لاجن اخيه ايفكده
 حامل لوائه اعله الأرض مطروح رايح زنده
عباس لحسين الكسر ضهره العدد والعده

بالحومه ضل وحده حسين
ارض وسمه بنص لثنين
 شحت ومجتوله كل زلمه
___
 للحومه من هد والدي جدامه عدوانه اهواي
 ونصاره كلهم عل ثره تشاهد ملامحهم ماي
حشمهم اشكد البخت وثنى على الكومو وياي
 ترضوها ابقه الوحدي لا من يسرتي ويمناي

صاح وعليه رد الصوت
وحدك يل حسين تموت
لله سلم امره وبهمه
___
 قاتل قتال الهاشمي يشبه علي بكل مقياس
هدم صفوف الطاغيه شردها الحسين الناس
 لاجنه الحسين انغدر وسفتها عازت عباس
 لا ينخدش لا ينطعن وبخيل عدوانه انداس

 راسه بديهم من صار
وهدو شفتهم بالنار
 كوني ميت ياخلك رحمه
___
 #محمد_هادي_المشرفاوي

ناصر حتى لاتحتاج للدين
خلك لاتجي الكربله يحسين

وصلتلك رسايل ابد ما تنعد ولا معقول
من الكوفه لحسين الرسايل ألحكنه تكول
الخليفه انته اتصير وبينه صول وجول
يلحسين اقبل علينه
الأمر بيدك مو بدينه
خلك لاتجي الكربله يحسين

لبيت الرسايل وعتنيت ونكرو المرسال
ردهم جان ألك يحسين مابينه الحجه والكال
تكلف نصرتك فرصه ثمينه وجائزه واموال
يلحسين ولو نصرناك
شنهي نحصله وياك
خلك لاتجي الكربله يحسين

دارت معركه يحسين مابينك وبين الكوم
والسبعين ضد سبعين لاجن الأمر محسوم
حتى الماي ضدك يلحسين وكلشي ذاك اليوم
ينهي هذه الحرب امرك
يملي كل الكاع دمك
خلك لاتجي الكربله يحسين

هجمو عل خيم مابيك من حسو ولا هده
وتتراكض غدت لطفال أيا شدت الشده
وحده نسلبت وجمرات جلبت ابرجل وحده
لو هضم درب السبايه
الكوه خله ألهن عبايه
خلك لاتجي الكربله يحسين

رسايلهم جذب يحسين لصدك بعد بيها
عدهم محبره والورق ماتخلص سواجيها
ألهم لاتجي يحسين جيتك هايه تاليها
واضح كلشي اصبح
موتك ألهم اطمح
خلك لاتجي الكربله يحسين

 وصلت جيتك فكرتها من تلاكه دم وسيف
 دمك النتصر يحسين والينشد اشلون وكيف
 للذل من كلت هيهات ترسم للحياه اطيف
بالأخير ادنيه همك
حتى نعيش يمك
خلك لاتجي الكربله يحسين

#محمد_هادي المشرفاوي

يامولانا ...حسين ابن علي

بدمك ضحيت ابروحك
تنزف لليوم اجروحك
ابكل امجان طعناتهم والسحك بضلوعك
تناشغ روحك ...صريع ودامي
تصد لعيالك ...خفت ياضامي

عيالك تريد تحميها
وينك تصيح واليها
كونك عدل وتشوفها اعيالك اشبيها
بعدكم حارت ... ركض تاليها
دوت خيماتك ... ألحكو عليها

طفال ونسه بحاجتكم
منكم يردون فزعتكم
لا تبقون عل غبره ما لاكت نومتكم
ولو لو واحد ... سمعهم ينهض
خسرتو اهوايه ... فزعته تعوض

موش انتم جبتوها
كل ادرب تحموها
صار العكس بعيالك لعداكم عفتوها
طغت عدوانكم ... اديهم طالت
اذنها ابنيتك ... دمه هل سالت

عكب الدلال بجوها
وعله الجمر مشوها
بنوك الهزل صعدوهن وبسياطهم ضربوها
خذوهن وسفه ... عليكم عبرآ
ويصيحآ كلهآ ... يلاهي صبرآ

#محمد_هادي_المشرفاوي

الخاتم ضل بصبع حسين والخنجر لعب دوره
 الكاطع خنصرك مولاي ماحس بيك الحروره
___
 تمت حجتك علكوم لاجنهم بلايه احساس
طه وفاطمه وحيدر كلت اصلي ايا هل ناس
كطعو راسك وضلت بس جثه بلايه راس
ذبحوك ابغض هلكوم ضاحك سنها مسروره
___
بس جثه ع اتربان حافرها الفرس يسحك
تنداس ويسلبونك ميزان العده بياحك
ماضل كلشي ماسلبوه غير الثوب المشكك
تدريهم يسلبونك عانك الله مستوره
___
من جسمك وصل بجدل شافك منسلب مصروع
بس بخنصرك خاتم حاول ياخذه ومذروع
حزه بخنجره وسلبا كومك تشتري المبيوع
بيك احروره لاجن راس ماكو يبين الفوره
___
لاسيف البقة ولرماح منك نالت ولسهام
منك حصته كلمآ خذها وجرحه مايلام
لا انته سلمت يحسين ونار الكلت لخيام
جسمك ياعزيز الله كل اجزائه منثوره
___
حكمت ربك بهل حال خلاك بدمه مخضب
خلاك اعله وجه كاع خيل ادوسك وتسلب
راسك بالرمح ينشال ليك اشتاك نعمه الرب
باب الجنه ألك يحسين كلك ربنه وي حوره
___
#محمد_هادي_المشرفاوي

سلام عليك

محتاج شخص من الحله او طويريج

الي يكدر يجيني خاص اكون مننون منه

@qadkr

شحالكم يهل الحميه وانتو جوه ترابكم
مجانكم ضيك يهلنه لو وسيع امجانكم

للمدينه ماوصلنه بالدرب نمشي ونريد
نعرف اخبار الأجساد وروسكم تمشي بعيد
ياهو منكم عل سؤال يجاوب ولايرفع ايد
اليسمع يجاوب نريد ويانه ندري بحالكم

وحنه بالكوفه وفكدنه وينه زين العابدين
خفنه ننشد واللعليل يعود عودت راحلين
لجن تالي اليل عاود والخبر ويا حزين
اجسادكم كلها دفنها والبقى من اوصالكم

شحالكم نعرف نريد وانتو جو هذا التراب
بيوتكم هاي الجديده اليعتنيها يلكه باب
يكدر ايدكها المقابل يلكه من ايدك جواب
 تلبو حاجت العتناكم مثل مالبالكم

حاجتي يمكم يهلنه للزياره لو اجيت
بطولكم تملوها عيني كاملين اتأمليت
للمدينه دهري والله وصلانه وهل نويت
جايه ليكم يهلنه وعرف استقبالكم

شلون يتلكوني طاري ماجبت وتذكريت
حسين يتلكاني اول لا كفيلي توهدنيت
كول حطاني الزمان كبالهم بس حدبيت
ماشفت ملكه من اخوتي لسمعت حياكم

#محمد_هادي_المشرفاوي

فاطمه تعنت ردايه الباب لتفتحينه
ينكسرضلعج بهاي ومحسن توكعينه
____
بعده بالمغتسل طه وعل خلافه عيونهم
تجمعو كلهم عليها وبال سقيفه علومهم
طلعو بناتج هجومي و حادين سنونهم
تلهب النار البديهم والسيوف تقودهم
وصلو البيتج يفاطم شرهم امولمينه
___
بابج تفتحينه جنتي للي نيته سالمه
لنبي ينفتح بابج والعلي وهل السمه
والحسن وحسين بابج ينفتح وزينبه
لجن هل مره يفاطم اجت امه ضالمه
درو خلف الباب انتي وبيتج مطوقينه
___
بيتج مطوق يفاطم والأنذال بكل مجان
صعب حالج يزجيه وين هسه وين جان
معززه مكرمه جنتي منين تلتفتي حنان
موت طه كشف ورقه صحبه ماألهم امان
وحين بالمغتسل طه هجمو امودعينه
___
يقودهم واحد خسيس وللنذاله مفخره
البابج ادنه بصلافه وصاح وينه حيدره
انتي خلف الباب لذتي وللفتح متباشره
موش حيدر ألي يفتح جنها التفتح مره
بيج حس واحد يفاطم انتي لتفتحينه
___
عمر يفتر وبمجانه يراوح ومايستريح
حيدره بابك افتحه تنازل وخلك صريح
ياعمر بالدار فاطم بالوأن جاوب يصيح
دفع بابج وبرفسته خله المحسن يطيح
الحايط وبسماره جنه عليج اموصينه
___
نكسر ضلعج يزجيه بنارهم بابج يشيط
وصبح بلحظته دمج ينزف بهمه ونشيط
وحيدر مقيد يفاطم بالوصيه وبي تحيط
لجن ماقصر علينه كظ عمر داسه السليط
حكمت اعليه الوصيه بموتج اتفجعينه
___
#محمد_هادي_المشرفاوي

فاطمه بالباب من عصروهه تندب المختار ويشتموهه
طاح من عدهه الطفل طلع ميت موعدل
بدخلت البسمار حيل اذوهه

رحمه ماعده العصر ام الحسن
الحايط اعليه الظلوع امننتجن
رحمه ماعده النذل وتكسرن
بدفعت الملعون حيل اتالمن
تالمت بسمار طب بالكلب نيران شب
ظلوعهه تنزف دمه خلوهه

ليش يالبسمار صوبت الظلع
وليش خليت الزجيه بهل وضع
لوردت انته بظلعهه تنشلع
ليش ماتانيت حيدر للقلع
تعرف زين ام الحسن عاشت اهموم ومحن
عله خدهه بياذنب سطروهه

صار احمر خدهه ولمحسن وكع
وكلب امه الزهره من طاح انشلع
من مجانه تالم وحيل انفجع
بطيحته من طاح ازداد الوجع
حيل مابيهه بعد فاطمه حتاجت سند
فظه ركضت عله المارحموهه

سندتهه فظه والمدمع يهل
تحملت كسرت ظلع طيحت طفل
لنبي هايه جزاتك يانذل
انت وعوانك سويتوا الفعل
رحمه ماعدكم اودين بيش مطلوبه ام حُسين
وبطفلهه ام الحسن فجعوهه

طفلي طايح حمره صارت عيني
عشت مهظومه كل اسنيني
الداري فظه رايده توديني
وعله كيفج موش اتلجميني
قرأن تقره الطاهره من الله تطلب مغفره
وسلمت لله امرهه بيومهه

محمد هادي المشرفاوي

مكسور ضلعج والنعش يتشيع بليل
مصابج كلف يم الحسن ويهدم الحيل
آه وويلاه ... آه وويلاه ... آه وويلاه
_____
يالزهرة يا ام  الحسن يا ام الحسين
صعبه اعله زينب فركتج والليله تمشين
عكبج على الدنيا العفى ولاريد السنين
وعفتي المدامع من دمه اعلى فراكج اتسيل
مصابج كلف يم الحسن ويهدم الحيل
آه وويلاه ... آه وويلاه ... آه وويلاه
_____
مو وكته موتج يم حسن ريضي اعلى هونج
حسين وحسن صعبه ييمه ايفاركونج
خليهم ايلحكون بلكي ايوادعونج
نار الموادع تالتهب بالحسره والويل
مصابج كلف يم الحسن ويهدم الحيل
آه وويلاه ... آه وويلاه ... آه وويلاه
_____
تمنيت موتي بموتتج يايمه ياريت
موحشه الدنيا بلاوجودج وضلم البيت
بموتج فكدت انه العمر وبغربه حسيت
وقررت روحي بموتتج وينعشج اتشيل
مصابج كلف يم الحسن ويهدم الحيل
آه وويلاه ... آه وويلاه ... آه وويلاه
_____
وي زينب اشعده الزمن يلجم بالجروح
من زغري رافكت الحزن والونه والنوح
عباس عفته اعله النهر وحسين مذبوح
وضلوع صدره هشمتها وداسته الخيل
مصابج كلف يم الحسن ويهدم الحيل
آه وويلاه ... آه وويلاه ... آه وويلاه
_____
غاب الفرح يم الحسن يومنً فكَدناج
وايامنه الكلهن محنه راحن اوياج
كل مغربيه ننلجم ويهزنه ذكراج
ونشوفه مخنوك بعبرته حامي الدخيل
مصابج كلف يم الحسن ويهدم الحيل
آه وويلاه ... آه وويلاه ... آه وويلاه
_____
#الشهيد_الشاعر_سعد_هادي_المشرفاوي

هاليله ماتنشف بعد عيني بدمعهه
حزنانه ليش أم الحسن كسرو ضلعهه
_____
حزنانه ماتقبل تنام اتريد الأسباب
وعله الزمان اشلون صدت نظرت اعتاب
وتكَله بالله بيا ذنب تلجمها بالباب
هاي الوديعه الطاهره وتعرف وضعهه
_____
يازمن هاي أم الحسن تعرف اصلهه
عد الله أكبر منزله ومحد حصلهه
لو جان عد حيدر خبر فنه الوصلهه
لجنه غدار الكَصد حاول صفعهه
_____
الله يعينك ياعلي ويجبر مصابك
يامن بصدرك تحتبس دمعت عتابك
صوبك حال الطاهرة وزيد عذابك
ومن شاهدت حال الضلع روحك فجعهه
_____
ماتت وغسلها علي من دمعت العين
ونكسر كلبه اعله الضلع من شاف الحسين
يايمه شو جنج نويتي عنه ترحين
وي امه أماله انتهت والضن كطعهه
_____
يالشيعي ون بحركَتك خل دمعك ايسل
وحمول عن الطاهره خل كلبك ايشيل
يانعش بالحوفه انحمل وتشيع ابليل
ويلي بجنازت فاطمه محد تبعهه
_____
عاده الوادم تستثاب اوي اليشيعون
لومات واحد بالسلف كلهم يحضرون
وادم اتشيل اجنازته اوادم يدفنون
لجن اجنازت فاطمه ياجف رفعهه
_____
موتتهه صارت ياخلك كلش عجيبه
والأشد والاصعب بعد وكبر مصيبه
حال الموادع واليحب ودع حبيبه
وداع الزجيه فاطمه الطاهر نبعهه
_____
#الشهيد_الشاعر_سعد_هادي_المشرفاوي

            ليله بأثر ليله  ... أتنطر مراسيله
               وهلبت يعود ... هلبت يعود
__
من مشى الحادي بضعنكم عيني تربي عل ضعن
محير بأمري ألحكنكم لو أرد للدار اون
العنده محنه على الحايط ينتجي يسولف محن
من دخلت الدار اشوف أعليه حيطان أنتجن
كالن افراكك صعب ... تجوه صرتلهن غصب
                   بالهدم تبجيله

هم مريضه وهم عليله وحملي أعليه ثجيل
وذكر اللحظه الي بيها من نويت أعله الرحيل
وياك كتلك بويه اخذني عيالك اخدم والعليل
هم مريض ومني اصعب حالته البي مو قليل
توسلت بيك شكثر ... بويه اخذني شتنتضر
                ودموعي ترتيله

أون ترضاها يبويه وبجي انه الوحدي
دموعي خاطر مكسرتلك كتلك اتحمل سبي
خذني بس وياك أخذني محضره كلشي الروحتي
وبالمرض لا ما يهمك عني تلهي معصبي
حالي ما حال البنات ... لا تخلني بلا حمات
                   وعبد الله اناغيله

منين ماجيلك تردني وتركتني بلايه راي
وحدي بالدار ويعكبك عيشه هم تسمه هاي
بيه ضاكت الوسيعه دنيا هم عكست وياي
والدرب ملته عيني وشوفي رفعه مل سماي
ما أضن طارش يجي ... بعود صبري انتجي
                 ويحمولي ال لثجيله

مناطره ومحتاره بمري الدار اطلع منها اطب
ومني الحيطان صفحه ماخذه وشلعت كلب
هناك صوب الدار اسمع ضعن والموقف صعب
وسمع ونين وبواجي عليه ذوله مو غرب
عمتي هاي وسكنه هاي  ... اجن صوبي بلايه راي
                   بلايه ولي العيله

#محمد_هادي_المشرفاوي

بيوم طب حيدر وحول بيها
غيمت وتراكضت رجليها
…………………………………………………
علي طود المعركه وسياسها
لو نزل تسمع طكيك اضراسها
علي عادل ميلها وفراسها
وعلي منكس ابطالها وعاميها
……………………………………………………
علي الاول لو قطب محورها دار
علي منكس ابطالها وحامي الجوار
عار ع اليشرد لجن مابيها عار
ع الشرد من ضربته وتاليها
…………………………………………………
علي سر حروفها وحامي الدخيل
علي ب الحومه يطك بس الثكيل
علي سلطان المحاجي شما تميل
شيخها وملح الهلا وراعيها
……………………………………………
علي دهدار الحرب واسرارها
بصارمه يذلها ويهز اكتارها
علي قالع بابها وكرارها
علي مرجف كلوبها وداحيها
………………………………………………
علي قتال العرب والاولين
علي لو ما علي جا ما ثبت دين
علي سيف الله وامام المتقين
علي ب اولها وعلي بتاليها
……………………………………………
علي افلاك الكون بجفوفه تدير
علي ايه ومصحف وخبزت فقير
علي من خيره شبع وارتوه الطير
علي سيدها وعلي واليها
……………………………………………

الخادم … علي جاسب الموسوي