من الحجاز بدمعتك رسمها
             تعرفهه بس تسأل عله اسمها
               مو طبعك تضيع الجرح 
               وتدريها هاي ارض الذبح
                 بس تسأل اعله اسمها
                       __
       وقف مسير القافله  وانصب خيام العايله
                  سالم وصلت لكربله
                        يبن الزجيه
      تعرف شكلها والاسم  وهنا تضل ابلا زلم
              كل ساعه يذبحلك حلم
                     سيف ال اميه
         ابهاي الارض شمات  طايح تريدك
         كربت يخو العباس  كطعة وريدك
        
           حدد مكان مخيمك دخيلك
            والحر يريد بتوبته يجيلك
             للحرب باقي شجم صبح
             وتدريها هاي ارض الذبح
               بس تسأل اعله اسمها
                       __
     يالجاي للصحره مطر   ومخلي ايدك عالضهر
                 كدامك يموت الكمر
                      يم الشريعه
    هاي الارض ارض الضمه  والرمل يتحول دمه
                باجر ضلوع مهشمه
                    تشوف الوديعه
       وتتذكر العصرات اليذبح وجعها
      وكلما تشوف الخيل تلزم ضلعها
           جسمك تغطي فاطمه بحزنها
           وتغمض بوكت الذبح جفنها
           راسك تشوفه اعله الرمح
            وتدريها هاي ارض الذبح
              بس تسأل اعله اسمها
                       __
    بعيونك تراب ودمع   وطفه الهوه كل الشمع
               حبل الله باجر ينكطع
                  بكطع المناحر
   لاحنه تبقه ولاعرس  وحته الكمر ينسه الشمس
                  ومدللة حيدر امس
                    مسبيه باجر
 
   
           خيل العده مولاي يسكوها صعبه
            ياويلي وانت الماي تحلم تشربه
              باجر عله جرف النهر مصيبه
            يطيح الكمر واخته تضل غريبه
                 يم النهر تفكد صرح
                وتدريها هاي ارض الذبح
                 بس تسأل اعله اسمها
                       __
      كربت مسافات العطش  والصحره مابيها نعش
                 ياويلي من ليل هدعش
                        ليل الهضميه
    عمر الخيم اكصر عمر  جم يوم وخيامك جمر
                   لابد يرد خالي المهر
                      يصيح الضليمه
          يرد السرج مكلوب  للهاشميه
         ودمك تشوفه اعليه بنتك رقيه
         تحضر رسول الله وبده ونينه
          باجر جبينك ينرمي وجبينه
               صدر النبي ماينشرح
             وتدريها هاي ارض الذبح
                 بس تسأل اعله اسمها
                       __
      من هسه وصي وصيتك  عد زينب امن عيلتك
                 اشبكها حيل بنيتك
                       كبل المنيه
   ماضل عله العاشر وكت  وشلون باجر لو متت
                المن اخيتك تلتفت
                     تمشي سبيه
           باقي تسع ايام  وتبدي النهايه
         واهلك يبو السجاد تمشي سبايه
          دمعك تضمه من تجي العقيله
            المن بقت تنتضرك العليله
     وحته الأثر خل ينمسح  وتدريها هاي ارض الذبح
                 بس تسأل اعله اسمها
                       __
سيد معتز الحسيني

                   ابهاي الارض تبجي الزجيه
                     انه انذبح وانتي سبيه
              هنا ينكسر ضهري  هنا ينسحك صدري
                            وانتي سبيه
                              _____
          بعدنه بأول المشوار تعبنه وهم بعد نتعب
         اشتمي اثيابي من اليوم لان ثيابي تتسلب
            شلون اكول الحمدلله اعله السلامه
             وانه ادري تضل يتامه المو يتامه
             امن المهر باجر يطيحون العمامه

                 فوك النحر لو صارت ايدي
                  الكه الشمر كاطع وريدي
           دمي يضل يجري   هنا ينسحك صدري
                              وانتي سبيه
                              _____
          وصلنه لكربله والموت كبلنه لكربله واصل
       احس بضهري ضل مكسور كلما اشبك الكافل
      
         
           ابجي لو عبدلله اشوفه ويه امه هايم
             بركبته من هسه اشوف السهم نايم
             والعرس ماله مجان بكلب جاسم
                      فاكد ابن يشعر حناني
                 وفوكاه طحت من هسه اني
               وابني علي يدري هنا ينسحك صدري
                              وانتي سبيه
                              _____
           عله كصتي من اخلي الايد العطش يازينب يبين
           السبي مو هين اعليه وذبحي اعليج مو هين
                 ابرهه ابناره يوج الكعبه باجر
              وماكو طير اليوكف بوجه الحوافر
               غمضي عينج من يكطعون المناحر
                 كلبي انكسر والحيره حيره
                  باجر علي يلمني بحصيره
            اصعب كسر كسري  هنا ينسحك صدري
                           وانتي سبيه
                              _____
         باجر من ترضني الخيل اصيحن يمه الحكيني
          والله يساعدج يختي ابلا اصبع تشوفيني
          
               اسمج بكلبي وسهم خايف يصيبه
                  هنانه كل خطوه اليه يعني شيبه
                 والله مو انتي اليكلولج غريبه
                     بنتي تضل يمج امانه
                     وبيدج يرف باجر لوانه
             من ينفكد صبري  هنا ينسحك صدري
                             وانتي سبيه
                              _____
          وحليب امي الزجيه اعليج اموت ومنشغل بالي
            وابد مو سهله يازينب تمشين ويا جتالي
                كدها وكدود انه اعرفج يالحنينه
                 والمفيد المختصر هذا بحجينه
                 وحدج تكملين درب البي مشينه
               
                  بين الضرب بين المصايب
                 ضعنج يطب وسط الخرايب
               ماينمحي ذكري  هنا ينسحك صدري
                            وانتي سبيه
                              _____
سيد معتز الحسيني

                بين الخيم محتار ويحاجي ليله
                يمكن ابوي اشتاك لختي العليله
                            _____
                 مادري هوه يطيح لو هذا دمعه
             خط رجعه يرسم صار بس ماكو رجعه
              شلونج يبنتي يصيح ضليت اسمعه
                شلون المرض وياج يصرخ دليله
                           _____
              يحجي وعله الخدين دمعاته وايده
               بعدي يبويه شلون عشتي وحيده
                 كلما سكينه تفوت هيه وحميده
                  اتخيل تكعدين يم العقيله
                           ____
               لو ادري جان وياي جبتج يكلبي
              بس احسبت لبعيد والباري حسبي
                عندج دوه والماي لازم تشربي
                وهنانه عني الماي اعلن رحيله
                         ____
               لمن شفتها بساع طاحت دمعته
                 بهدومه شاف آثار الها عرفته
              رحت ومثلها مشيت يمه وشبكته
             ودمعي جره من شاف دمعه يسيله
                        ___
               كتله الصبر مريود كلي شبديه
                فراك البنت جتال بويه رقيه
               خايف عليها هناك من المنيه
                سفرتنه بويه هنا سفره طويله
                          ___
               مادري بيها بخير لو هسه ماتت
              واذكرها بالتوديع جم مره طاحت
            بالزهره اخذني وياك يابويه صاحت
             والخل صعب بالبيت يترك خليله
                        ____
سيد معتز الحسيني

                       اسال عليكم والدمع بعيوني
                    ناسيني لو كل مغرب تذكروني
               ضلمه ضلت داركم  وماعرفت اخباركم
                    ناسيني لو كل مغرب تذكروني
                            ___
                 بشوكي وحنيني  بدمعي وونيني
             اسال عليكم والمرض يركض وره جروحي
                   شلون انتضركم  وانه بسفركم
              مشلول وبيته حرك واكثر حزن روحي
     
           طمنوني عنكم ياهلي شلون الحياة خلافي
         هم من تكعدون بشمس تذكرون حضني الدافي ؟
          يل جان اسمكم كل وكت مثل الذكر بشفافي
                 لو شفتو طفله والمرض ماذيها
                 تذكروني لو بتكم صدك ناسيها
                بيه تلهب ناركم  وماعرفت اخباركم
                  ناسيني لو كل مغرب تذكروني
                            ___
                   عشرتنه عشرة  والفركه مره
              توكع سنيني الباقيه من توكع الدمعه
                  حنيت اشمكم  وبكد اسمكم
             مشتاكه لسوالف امس بس وكتي شيرجعه
            هنا جنه نلتم كل مسه والغاليه تسموني
            وهنا تنسوني المرض وبصفكم تكعدوني
            جا لان اسمي فاطمه تغيبون وتكسروني
                 ايد اعله خدي وايد فوك ضلوعي
                   وبيا دوه اكدر ابطل دموعي
                
             ابضلعي ضل بسماركم  وماعرفت اخباركم
                  ناسيني لو كل مغرب تذكروني
                          ___
                 التمت دمعتي  التمت وحشتي
             جا يمته يلتم الشمل كمت اعثر بصوتي
                   صعبه عليه  راحت رقيه
               وضليت اتاني ياهلي جيتكم وموتي
           كواكم الله اعله التعب شلون السفر كلولي
           وشلونه ابوي بفركتي مشتاك ادري لطولي
         يهلي الدوه العندي خلص وياكم دوه جيبولي
                  ممدود كلبي مثل المصلايه
                 والباب يهلي بدمعتي محنايه
             شكد سأل خطاركم  وماعرفت اخباركم
                ناسيني لو كل مغرب تذكروني
                          ___
                مودعه عشيره  وانه زغيره
            صح مامشيت لكربله بس كربله بيه
               الماي امن اشوفه  ابجي واعوفه
            عطشانه من اول امس وبداري محنيه
            ابثالث محرم ياهلي من صدك عشت الفركه
             كل لحظه بموتني اصد اثار سوده وزركه
         اسم الله اعله عمتي من السبي ناديت بس مختنكه
                  مختنك صدري وكلبي مامتفائل
                   بس لاحوافر تسحك اعله الكافل
             ويهل دمع انضاركم  وماعرفت اخباركم
                  ناسيني لو كل مغرب تذكروني
                             _____
                 اتمنه اجيكم  واسمع حجيكم
               واتوسل بطف كربله ليله اضل يمكم
                   بيه حزنكم  وانه بوطنكم
            صح مامشيت ويه الضعن بس ماشية بدمكم
             شخباركم يهلي صحت والدنيا صارت هيمه
               وهوه التحبه بغيبته كلبك يحس بضيمه
                ماناسيه منكم احد من المهد للخيمه
            
                   مو يمكم ، ويمكم نسيت ضنوني
                    مثل الهوه تشموني متشوفوني
              اعرفت كل افكاركم  وماعرفت اخباركم
                  ناسيني لو كل مغرب تذكروني
                             _____
سيد معتز الحسيني

                 راحت يم عمتها  من حانت سفرتها
                          شمتها وحضتها
                                بدمعتها
                  انتي امي تكللها  والفركه شيحملها
                          شكد شبكت محملها
                                وجرحتها
                          _____
          اليحس غربه  بوطن كلبه  يشد جروحه بدموعه
          المرض حاير  الدوه يسافر  يريد وطفله مفجوعه
             ركضت شمت الوالد من جدمه لحد نحره
              وراحت تعثر لزينب مثل المنكسر ضهره
               تكلها لكربله اخذيني يعمه بداعه الزهره
             عمه انتي تحبيني  مثل امي اداريني
                        صاحت لتعوفيني
                             بحسرتها
                تصعد وتنزلها  والفركه شيحملها
                         شكد شبكت محملها
                                وجرحتها
                         ______
          بدت تحجي  وحجي اليبجي تلزمه الخنكه من ايده
             بقت تكبر   وابو الاكبر تحس بسفرته بعيده
               يعمه بيه مابيه تصيح لكربله اخذيني
               شلون اعليه قلقانه وبفراكج تموتيني !
          تعملت اصعد اعله النوك محسبه الدنيا تسبيني
             متحضرات متوني  ومحسبه يضربوني
                         تالي انتم تسبوني !
                               نادتها
               دمعتها تردلها  والفركه شيحملها
                         شكد شبكت محملها
                                وجرحتها
                          ____
           امس يمج   وضلع امج  شكد سولفتي سالفته
            العمر انتي  واذا رحتي  يعني عمري ودعته
          اطيب من المرض كل يوم متعوده انتي تدعيلي
            اذا صار الهجر صِدكي يَمن ينكضي ليلي
           وعَله طبره علي جدي بعد ياهوه يحجيلي
         
              شو جنج عافيتي هم عالفركه نويتي
                     صاحت يهلي وبيتي
                             وبجتها
               بكل دمعه تبللها  والفركه شيحملها
                         شكد شبكت محملها
                                وجرحتها
                          ___
           بده يلهب  كلب زينب  وصاحت دمعت عيونه
           اذا ترحين  تره تشوفين  عبدالله يذبحونه
         يعمه اعله الركض مابيج وكاع الطف تره هيمه
         وانه كل خوفي تحتركين لو ضليتي بالخيمه
            نهار العاشر بعاشور محد يحتمل ضيمه
    
              اتمنه تفهميني  وبسرعه تودعيني
                       ارجعلج تانيني
                             وفجتعها
              باجر ترحل كلها  والفركه شيحملها
                        شكد شبكت محملها
                             وجرحتها
                        ___
       خلص كلشي  وبده يمشي الضعن والموت بي يحدي
        بقت تعتب    بقت تكتب  رسايل والهوه يودي
            بعدها تشوف اثاره الضعن وتصيح مشتاكه
            وبدت تكتب رسايل شوك يعمه يمته نتلاكه
           يعمه شلون ابوي حسين يمكن موتي بفراكه
            شكد عذبني وداعه  راح وشوكي متاعه
                      عاشت اصعب ساعه
                             وحملتها
                جم ليله  تكملها  والفركه شيحملها
                         شكد شبكت محملها
                                وجرحتها
                          _____
سيد معتز الحسيني

         رايه حمره ورايه سوده يلتقن كبل الشهر
        ويحجن اعله الخدمه يبقن والهن يرد النحر
                      __
       الحمره تحجي تكول اني ثار معناي وجرح
          اني كل رفه اليه  شوكه بعيون الذبح
        انه دمع المهدي امسحه اليجري دم بكل صبح
       وصرت من دموعه حمره وصيتي بالخدمه كبر
                      ____
          تجاوب  السوده عليها تكلها انه ام الالم
          رفتي معناها اسود ينكلب ثوب الخدم
         الشافني وماتبجي عينه باجر يضل بندم
          والف هنيالي ارفرف بشهر عاشور وصفر
                           ____
          بدمعتي كل سنه انزل وكوه افارك كبته
        حمره واكلب لوني اسود من تكرب ذبحته
          بيج يالسوده احسن كل مدامع شيعته
         ياشهر عاشور انتي البيها يبجي المنتضر
                         ____
        السوده خاطرها تجبره وتحجي وياها بدمع
           ابد ماقصرتي انتي ومنج اخجل ارتفع
         من اشوفن لونج اذكر نحر دامي ومنكطع
         ياله ثار حسين اشوفج كلمه وبطول الدهر
                       ____
        تشابكن والسوده رسمت للخدم لوحه عشك
        وصوت دمام المواكب خلته وياها يدك
        سيدت الالوان هيه وبخت وحجايه صدك
         تحلف الخدام بيها تضل تبجي اعله الكمر
                        ____
          حيهم السوده تنادي يله شدوها الحزم
           مستحب لمن ارفرف تنزل دموع الزلم
        الحمره من سمعت حجيها الها كالت والنعم
         ماتقصر بالخدامه الخدم للخدمه ضهر
                     ____
سيد معتز الحسيني

        نشرت امك فاطمه  ثوبك الينزف الدمه
                 وصاحت املاك السمه
                           حداد
                     __
       الليله دمع الزهره امك يشبه هلال الدمع
       الليله تنزل رايه حمره ورايه سوده ترتفع
     الزهره هاي الليله اصعب عدها من كسر الضلع
       شافت هلال المصيبة البي وريدك ينكطع
        ثوب حزنك شمته  وبجت لمن نشرته
                وكلشي كتبت دمعته
                           حداد
                     __
     فاتحه امن الليله تبدي بكل كلب وبكل جرح
      باقي ايام وتشوفك زينب اختك منذبح
       الليله حيره والمدامع ضيعت وجه الصبح
     مدري هذا هلال شَهرك مدري راسك عالرمح
        هلال هذا مو كمر  ليش يكسرلك ضهر
                 علنت جروف النهر
                        حداد
                  ____
       هلال شهرك بي عليله هواي ضلت تنتضر
      بي تضل زينب وحيده وخالي يلفيها المهر
     ونحرك البي عطر جدك ثنعش طبره ينطبر
    وتسحك بنيتك رقيه اعله الرمل واعلة الجمر
        بين هلال الالم  البي تضل ابلا علم
                 اشعر بكل الخيم
                      حداد
                 ___
     الليله جم حزام ينشد والعكل ماتنلبس
   والفياي دموعه تجري من تضل جوه الشمس
     انت باجر دوم تبقه والخلك كلهم امس
    بكل زمن ثورة وريدك ينطي للعالم درس
      متت لكن مامتت  درس للعالم صرت
             طحت ولزينب صحت
                       حداد
                  __
       بكلب لهفان الزجيه الليله دمعتها تصب
     من عزة تطلع حزينه ولعزة ثاني تطب
     المابجه كلبه لمصابك هذا ماعنده كلب
    باقي جم ليله ويا زينب وتاخذك منها الحرب
       خلافك الدمعه تهل  تركب اختك عالهزل
                 والسبي ماينحمل
                        حداد
                    ____
سيد معتز الحسيني

ياهلا بضعن النبي من العليله للمنيه
وانذبح نحر الدمع كبل يوم الغاضريه
________
لملكه يوسف تحضر دمع يعكوبنه
وبضعن اهله كرب يصل محبوبنه
ماوصل بعده واسود تبدل ثوبنه
وكمنه نشعر حوافر تدوس كلوبنه
مستعد حت الضلع للخيول الاعوجيه
وانذبح نحر الدمع كبل يوم الغاضريه
_______
الحمدلله طالت عمرنه ايامه
وبمحرم عشكنه نعيش الالامه
كبل لايبدي ينصب لخيته خيامه
عالوعد دمها حاضر لكينه الهامه

الهامه لمن تنطبر تصيح اني رافضيه
وانذبح نحر الدمع كبل يوم الغاضريه
_____
بعده كلب الحنين السهم مالاحه
واعله صدرة انتخيل كعد ذباحه
يوم عاشر محرم كرب مصباحه
ونحس من هسة مسرع مشي الرمَاحه
بروس اهلها نحس مشت زينب الحره سبيه
وانذبح نحر الدمع كبل يوم الغاضريه
________
كلشي عابر سبيل ومحرم عَبره
اقره للزهره مَقتل (يعبد الزهره )
اقل من ساعه تكدر تعيش الجمره
اله جمره محرم تضل مستعره

الف عام وماطفت تبقه ثورة عالميه
وانذبح نحر الدمع كبل يوم الغاضريه
______
عشنه حال العليه البقت مصدومه
وبينه رمله تحني الضنه بدمومه
بعده ابو سكينه يَمه اخوته وكومه
واحنه من هسة نشعر سليبه هدومه
بي نحس ابلا دفن وعدت الثالث مسيه
وانذبح نحر الدمع كبل يوم الغاضريه
______
سيد معتز الحسيني

                  بالدمع شبكيني يالحبيبه
                   باجر تفكديني يالحبيبه
          باجر ابقه مكسور    باجر عشره عاشور
                             يالحبيبه
                          __    
         بعد ماضل وكت والموت يلفيني
        وانه البيه بوداعج يختي كافيني
         تعالي من النحر ياعمري شميني
           باجر منكطع نحري تشوفيني
           من الكفه يذبحوني يالحبيبه
             كبالج يسلبوني  يالحبيبه
         باجر ذبح النحور  باجر عشره عاشور
                        يالحبيبه
                          __      
         خلص عمر الخيم والدنيا خلصانه
            باجر عالشريعه يوكع لوانه
          باجر يختي اشوف الخيل ديانه
            وكلبي بالحوافر تدك بيبانه
           سدي عينج باجر يالحبيبه
          لو سحكني الحافر يالحبيبه
     باجر سحك الصدور  باجر عشره عاشور
                             يالحبيبه
                          __
            خلينه نتوادع دمعه وي دمعه   
              باجر لاكمر يبقه ولاشمعه
           باجر حته طفلي ينسحك ضلعه
         اصابع ايدي باجر تنحسب تسعه
      
           
            تموت كل احبابي  يالحبيبه
             ويسلبج سلابي  يالحبيبه
     باجر سلب الخدور  باجر عشره عاشور
                          يالحبيبه
                       __    
         الطف كله علينه واحنه مابينه
         نجيب الطاح للخيمه ابواجينه
         باجر كل طفل يقراها بونينه
          جيب الماي ياعباس لسكينه
         ويمشي حته يجيبه يالحبيبه
            والعمود يصيبه يالحبيبه
     باجر مايضل نور  باجر عشره عاشور
                        يالحبيبه
                      __    
           باجر وحدج تضلين مكتوبه
         مارضه اشوفج وانتي مرعوبه
       الحبيب يموت ادري بموت محبوبه
        يزينب دمنه عندالله اله حوبه
          شدي باجر حيلج يالحبيبه
          ادري موحش ليلج يالحبيبه
       باجر يوكع السور  باجر عشره عاشور
                             يالحبيبه
                          __    
سيد معتز الحسيني

#_استهلالية
#_أعظم_الله_لنا_ولكم_الأجر
::::::::::::::::::::::::::::::::::::::::::::::::::::::::::::::::::

رحلة عشك خـلي الك بيـها اثر
رحلة عشك من المحرم والصفر

أصعب أثـر باجر
لمن يجي العاشر
من المحرم والصفر
::::::::::::::::::::::::::::::::::::::::::::::::::::::::
رحله هالعمر خل يخلص ابخدمه
نعمـت هالمـجالس اكـبر النعمه
شكبرها عندي لو خادم أَنَه اتسمه
وآنه وكل هلي نرحل فده الإسمه

فدوه يرحون كل الأهل لجل المحب
فدوه يرحون نبضه يدك ويّه الكلب
حتى الكلب حاضر
لمن يجي العاشر
من المحرم والصفر
:::::::::::::::::::::::::::::::::::::::::::::::::::::::::::::::
لو رايد عشك وبـهالعشك تعله
فقط واحد اله كل العشك يحله
كـلبك مـن بعيد ايحـبـه يـندله
ابو كلب الحنين الما حصل مثله

نحصل امنين كلبه حنين اوما يرد
نحصل امنين انخاه من قرب وبُعد

بعده الضوه امسافر
لمن يجي العاشر
من المحرم والصفر
:::::::::::::::::::::::::::::::::::::::::::::::::::::::::::::::
تاجر بالمـجالس واربـح الرحله
التجاره أوياه أبد لا ما أظن سهله
ذل نـفسك إلـه اتـعليـك هالذله
نقداً ربحك امن الكافل اتحصله

تحصل الفوز من الكفل تاخذ نقد
تحصل الفوز بهالمعتقد هذا اعتقِد

يا حسرته الخاسر
لمن يجي العاشر
من المحرم والصفر
:::::::::::::::::::::::::::::::::::::::::::::::::::::::::::::::
نهـل ارواح لمّـن يـطلـع اهـلاله
وتظل الـعين بالدمعـات همـاله
والفاكـد حـبيـبه ادمـوعه تحلاله
صعب جبر الحبيب وكسرة احواله

حالته شلون كسر الكلب أصعب وضع
حالته شلون چن من دمه يجري الدمع

يـا دمعـة الـناظر
لمن يـجي العاشر
من المحرم والصفر
::::::::::::::::::::::::::::::::::::::::::::::::::::::::::::
آخـر كـلمة عنـدي ورايـد احـچيها
التجاره اويه الحسين ابحرگه خليها
ابـد ما تـخسـر وربـحك يظـل بيها
ظلمه الدنيا عـاشور الـلي ضاويها

ظلمه الاشهور شهر الحزن بيه الضوه
ظلمه الاشهور الخدمه احلى امن الهوه

دم اودمـع نـاذر
لمن يجي العاشر
من المحرم والصفر
:::::::::::::::::::::::::::::::::::::::::::::::::::::
لخادم اهل البيت (ع) علي فائز الخفاجي
#_محرم_الحرام
#_١٤٤٦
ياحسين
احنه غير حسين ماعدنه وسيله
https://www.tg-me.com/AliAlkafaj للاشتراك

#_ليلة_الخدام
#_أعظم_الله_لنا_ولكم_الأجر
#_ميمر
::::::::::::::::::::::::::::::::::::::::::::::::::::::

اسم الخدم اشرف تاج .. هذا الشرف عنوانك
::::::::::::::::::::::::::::::::::::::::::::::::::::::::::::
محلاها اسمك خادم او لو تقره
دارس چنت لو تخدم وعالفطره
تتسجل انـتَ وابسِـجِـل الزهره
والزهره هيه ادليك هيه التعلي شانك

::::::::::::::::::::::::::::::::::::::::::::::::::::::::::::::
هاي البداية والختمه ويّـه الـنَص
أهوايه بـس ابـهالشطـر تـتلـخص
مثل النفس عالخدمه لا بل احَرص
مثل الهوه مثل الماي عزها اعله اعز اخوانك

::::::::::::::::::::::::::::::::::::::::::::::::::::::::::
عزها اوابد لترخصها لـو فـد يوم
تـنجه لو جنت غارك ابحر اهموم
حسين اليخدمه يبقه بيده وملزوم
ميعوفه لو طاح ابضيج يجليهن الاحزانك

:::::::::::::::::::::::::::::::::::::::::::::::::::::::::::
عدنه الدلائل عالخدم والخاد
لا تتعب وليغرك حچي الوادم
اكبر دليل اعليها سيد جاسم
يم الحسين أو اوياه احسبها وبحسبانك

:::::::::::::::::::::::::::::::::::::::::::::::::::::::::::
دوله الخدم والينـخدم قـائدها
غير الحسين او خدمته ما عدها
شيخ الخدم وبكـل فخر سيدها
كل الذكر لجل حسين ما ينقطع ديوانك

:::::::::::::::::::::::::::::::::::::::::::::::::::::::::
لخادم اهل البيت (ع) علي فائز الخفاجي
#_محرم_الحرام
#_1446
ياحسين
احنه غير حسين ماعدنه وسيله
https://www.tg-me.com/AliAlkafaj للاشتراك

#_ليلة_العليلة
#_أعظم_الله_لنا_ولكم_الأجر
:::::::::::::::::::::::::::::::::::::::::::::::::::::::::::::::

السلام على فاطمه العليله
السلام على فاطمه العليله
:::::::::::::::::::::::::::::::::::::::::::::::::::::::::::::::

يا سـلام الله عـلى الـكتلـتهـا نـظـرات
وخلن ابدرب العشك مـو لچمه لچمات
ماتـت الروح ابسفرهـم والـكـلـب مات
ابجـاهچ الليله ومقامچ عـدنـه حاجات ...
:::::::::::::::::::::::::::::::::::::::::::::::::::::::::::::::::::

عدنه وهوايه حوائج وانـتِ تـقـظين
حـتـمـاً وأبـداً عـليـنـه مـا تـبـخـلـيـن
والله لـو مـا حبكم احنه ابحسره ميتين
نموت بس يرجع يردنه مجلس حسين ..
::::::::::::::::::::::::::::::::::::::::::::::::::::::::::::::::::

يا كريمه بت كريم امن اهل الاكرام
أول الحـاجـات عـدنـه نبقـه خـدام
كون هالخدمه تدوم ابكل سنه وعام
رافعين الراس عالي ومـا نطـخ هـام ..
::::::::::::::::::::::::::::::::::::::::::::::::::::::::::::::::::::

ابجاهچ العند الله ندعي ثاني الاشياء
كـون عالفطره انـتوفـق مـو عالاهواء
ولا نكول افلان صاعد خاطف اضواء
من سلفنه الماضي ناخذ منهم انباء ..
::::::::::::::::::::::::::::::::::::::::::::::::::::::::::::::::::::

هوايه حاجات اللي منها هالكلب ذاب
مـا نـعـدد بـالـحـوائـج انـتـم ابـواب
كـلـمـن ابهـمّـه يجيكـم أبـد مـا خـاب
سـر إلـهـي ويّـه ربـنه صـرتو احـبـاب ..
:::::::::::::::::::::::::::::::::::::::::::::::::::::::::::::::::
لخادم اهل البيت(ع) علي فائز الخفاجي
#_محرم_الحرام
#_1446
ياحسين
احنه غير حسين ماعدنه وسيله
https://www.tg-me.com/AliAlkafaj للاشتراك

#_ليلة_أم_البنين(ع)
#_أعظم_الله_لنا_ولكم_الأجر
:::::::::::::::::::::::::::::::::::::::::::::::::::::::::

أمُّ الكافل امُّ الطفِ
أمُّ الطفِ أمُّ الكافل

::::::::::::::::::::::::::::::::::::::::::::::::::::::::::::

بابٌ للفدا في الطفِ قـد صارت
حيـنَ البأسِ ضـدَ الباطِـلِ دارت
أقـمـارٌ لأهـلِ البـيـتِ واخـتـارت
اناروا الكونَ وقتَ الظُلمةِ جارت

هذا الحاصِل أمُّ الطف
أمُّ الطف امُّ الكافل

:::::::::::::::::::::::::::::::::::::::::::::::::::::::::::

صوتٌ للعُلا والصـوتُ قـد رَدد
فـداءٌ للحُسـينِ والـمَـلا يشـهد
يـبقـى للـزمـانِ حُـبُـنا الأوحـد
نارٌ في الحشى للحشرِ لن تَبرد

دمعٌ هامِل. أمُّ الطف
أمُّ الطف أمُّ الكافل

:::::::::::::::::::::::::::::::::::::::::::::::::::::::::

روحٌ للحبيبِ تُعطي لن تَبخل
وصارت للفدا في صفهِ الأول
وقـرآنُ الـغـرامِ سـورةً أَنـزَل
إنًـا للحُسينِ نُـعطيَ الأفضل

نجمٌ آفِل امُّ الطفِ
امُّ الطفِ أمُّ الكافل

:::::::::::::::::::::::::::::::::::::::::::::::::::::::::::

بكمْ قلبٍ اجيبينا بكـمْ كُنتِ
بـأقـمـارٍ وشُـبـانٍ تَـكَـرَمـتِ
فأنتِ للوفا مقياسُ أصبحتِ
وامُّ التضحياتِ حينها صرتِ

صوتٌ نازل امُّ الطفِ
أمُّ الطف أمُّ الكافل

:::::::::::::::::::::::::::::::::::::::::::::::::::::::::

أيا تاريخَنا في طـيّكَ سجِّـل
وبالتسجيلِ للأقمار أَنْ فَصِّل
فإيّـاكَ بما افـدَوا فـلا تُـجمل
بإنصافٍ وتفصيلٍ لـهُم عَجّل

قلبٌ آمل أمُّ الطف
أمُّ الطف أمُّ الكافل

::::::::::::::::::::::::::::::::::::::::::::::::::::::::::::
لخادم اهل البيت(ع) علي فائز الخفاجي
#_محرم_الحرام
#_1446
ياحسين
احنه غير حسين ماعدنه وسيله
https://www.tg-me.com/AliAlkafaj للاشتراك

#_ليلة_مسلم_بن_عقيل(ع)
#_أعظم_الله_لنا_ولكم_الأجر
#_عكيلي
:::::::::::::::::::::::::::::::::::::::::::::::::::

ليلة مسلم هاي الليلة
ليلة مسلم هاي الليلة
::::::::::::::::::::::::::::::::::::::::::::::::::

ليلة خامس بسمه اتسمت
حتى ادموعي لجله توضت
للتوديع ابحسره اوصلت
مو بس دمعه دم نبچيله ...
:::::::::::::::::::::::::::::::::::::::::::::::::

يبقه اوحيد ابلايه ناصر
بروحه وأمره ظل اوحاير
يكسر خاطـر حاله صاير
صعبه اعليه اتقل الحيله..
::::::::::::::::::::::::::::::::::::::::::::::::

ابن ازياد وجوره اوظلمه
أبـداً ما زحزح كـل عزمه
بذكر حسين ويلهج اسمه
واسـم العاذل ما يدنيله ..
::::::::::::::::::::::::::::::::::::::::::::::::

وصّل مرساله امن الغالي
لجل احسين تهون احوالي
بصوتـه وردد يـا مـرسالي
عندي الغالي وروحي افديله...
::::::::::::::::::::::::::::::::::::::::::::::::::

بوجه الظالم صاح وناده
وين الجيش اوين القاده
ما يدرون ابـعـم الساده
كلمن يـوصله ويا ويله …
:::::::::::::::::::::::::::::::::::::::::::::::

كلمـة حـق ابوجه الجائر
ابهمه وغيره جان وحاضر
ضحه ابروحه لجل العاشر
حتى حسين ايظل اوسيله..
::::::::::::::::::::::::::::::::::::::::::::::::::
لخادم اهل البيت(ع) علي فائز الخفاجي
#_محرم_الحرام
#_١٤٤٦
ياحسين
احنه غير حسين ماعدنه وسيله
https://www.tg-me.com/AliAlkafaj للاشتراك

#_ليلة_الأنصار(ع)
#_أعظم_الله_لنا_ولكم_الأجر
#_أهوازي لسان حال السيده زينب (ع)
:::::::::::::::::::::::::::::::::::::::::::::::::::::::::::::::::

احشّـم ويـن يالانـصار حسـين يريـد عوانه
وحده بالطفوف وهاي هجمت كلها عدوانه

::::::::::::::::::::::.:::::::::::::::::::::::::::::::::::::::::

احشم واندب الخوه هذا اليوم يالانصار
لتخلون اخيي حسين لو حان الأمر لو صار
وادري هـذا موعدكم وكت العازه والايثار
لـو شـح الاخو لحسين انـتم صرتو خوانه
::::::::::::::::::::::::::::::::::::::::::::::::::::::::::::::::::::

صحت حسين ياخويه وكت الفزعه انصارك
لـو حـان العزم ياخوي بـيهـم جرده بتارك
انته سيـد الاحرار وهـمـه خـويـه احـرارك
لو حل الفرض والموت ذيج الساعة منوانه
:::::::::::::::::::::::::::::::::::::::::::::::::::::::::::::::::::

لحظه لن حبيب اهنا لمهم كلهم ابخيمه
كللهم يخوتي اليوم يوم الغيره والشيمه
لجل احسين وفايه ندعي الباري ويديمه
نوقعلهم عهد للموت دوم وعالي الوانه.
::::::::::::::::::::::::::::::::::::::::::::::::::::::::::

وگفو عالخيم حراس صارو كد الاحچايه
كلمن يقـترب ليـنه حــار اوتـيـهـو رايه
دكـت ساعـة الانـذار والله اونعم وفايه
صارو للوفه عنوان همّه اوصدك عنوانه
:::::::::::::::::::::::::::::::::::::::::::::::::::::::::::::

حراس ودرع صـارو حين الدخلو الحومه
متهمهم منايا الموت كلمن ساعته ويومه
لو حان الفرض يمهم تلكه الغيره ملزومه
صارو للخيـام السـور منـبع للوفه اويانه
:::::::::::::::::::::::::::::::::::::::::::::::::::::::::::::
لخادم اهل البيت (ع) علي فائز الخفاجي
#_محرم_الحرام
#_١٤٤٦
ياحسين
احنه غير حسين ماعدنه وسيله
https://www.tg-me.com/AliAlkafaj للاشتراك

#_ليلة_أبا_الفضل(عليه السلام)
#_أعظم_الله_لنا_ولكم_الأجر
#_لحن_دهري_ذبني
:::::::::::::::::::::::::::::::::::::::::::::::::::::::::::::::

يا خويه تـاه الـراي بـعـدك يا عباس
وانت الهوه البلكون واتشمه الانفاس
روحي .. نوحي
كافلنه يا مصدر ضوه اسنيني
:::::::::::::::::::::::::::::::::::::::::::::::::::::::::::::::::

رايـح يـبعد الروح يـا روح الحسين
وانـتـه إلـه مـنـذور مـن ام الابنين
بعدك اخوك اوحيد وامصوّبه البين
صارت ذهـيلت راي حتى الميادين

روحي .. نوحي
كافلنه يا مصدر ضوه اسنيني
::::::::::::::::::::::::::::::::::::::::::::::::::::::::::::::::::::

يختي العمد بالراس وابـلايه چفين
والجربه بيها اسهام ومصوبه العين
لـو ردلي يخـتي الحيل اكلبها طفين
حتى الشريعه هناك اقسمها نصين

روحي . نوحي
كافلنه يا مصدر ضوه اسنيني

:::::::::::::::::::::::::::::::::::::::::::::::::::::::::::::::::::

عكبك عمود البيت طايـح أملنه
وانته الضوه والنور عزنه وسندنه
هاي الحرم والنوك ياهو اليردنه
وعـد اليواعد دين معروفه عدنه

روحي . نوحي
كافلنه يا مصدر ضوه اسنيني

:::::::::::::::::::::::::::::::::::::::::::::::::::::::::::::::::::::

يختي الدهر خوّان ما بيدي حِيله
ماخطرت اعله البال فوك الهزيله
سبـّـاح الـكـلب ذاب ذايب دليله
ولا أسمعها شمات تسبي العقليه

روحي . نوحي
كافلنه يا مصدر ضوه اسنيني
::::::::::::::::::::::::::::::::::::::::::::::::::::::::::::::::::::

يا خويه فوك النـوك بـعدك تراني
صوبني دهري اعليك وسفه ورماني
أقسى وأشد لحظات شامت خذاني
عـكبك يـضي العيـن مـوتي لفـاني

روحي . نوحي
كافلنه يا مصدر ضوه اسنيني
:::::::::::::::::::::::::::::::::::::::::::::::::::::::::::::::::::
لخادم اهل البيت(ع) علي فائز الخفاجي
#_محرم_الحرام
#_١٤٤٦
ياحسين
احنه غير حسين ماعدنه وسيله
https://www.tg-me.com/AliAlkafaj للاشتراك

مسلم ياسفير حسين ناس الحاطتك موناس
 اشباه الرجال البيك غدرت لا ضمير احساس

راعي الثقه من دزاك يعرف بيك مطمن
توصل الرساله وبيك شاف الزود ومأمن
اعلنت الرساله الناس لو شسوي ماتأمن
ابدمها الغدر يجري ماينرفع بيها الراس

للمسجد خذيت الكوم حتى تأدي الفريضة
بيهم ياسفير حسين ناسك تاكل أأريضة
 المنادس خذه منك حتى تنصحه تعيضة
 ونتابك ضميرك ليش بيك وياكل الوهواس

 لعيون الوراك ادير طافر لاحضت فصه
توقعته يعوفك هيج لوصحله كلفرصه
بنص الدرب جن عافوك لا والله مو نصه
ماينشد ضهر بيهم اشتتوقع من ارجاس

 بالكوفه صفه الوحده لا من اهل لا كربه
بين ابيوت غدارين ماشي مكمل بدربه
 صح الوحده لاخاف ثابت لا رجف كلبه
بس داهم سواد الليل مسلم داهما لنعاس

مسلم حالته ياحال دكله باب وبلوعه
الباب انفتح والبيت هذه السيده طوعه
 صاحت ياهله بضيف يلي حاني اضلوعه
 نور بيتي يامسلم ادخل ياضوه النبراس

 تمم حجته ويريد يرجع للحسين امره
 فجأه محاصرين الدار صوت يسمعه ويطره
 سل سيفه وبده مسلم ألي يواجها يطبره
وعد الجذب خله السيف امره لله ما ينجاس

 محمد هادي المشرفاوي