Forwarded from كرَّار حيدر الخفاجي
قُلْ أعُوذُ مِنْ طيفِ اِجَانِيْ
اِوْ حَيَّرْنِيْ اِبْزِمَانِيْ اِوْ عَاتَبْتَكْ تَرَانِيْ
تِمَنّيتْ حِلْمِيْ اِيْرِدَّكْ سَاعَه يَمِّيْ
وَ اگدَرْ أنْسَه هَمِّيْ
ــــــــــــــــــــــــــــــــــــــــــــــــــــــــــــــــــ
كِلْشِيْ مُؤلِمْ بيتِيْ مُظْلِمْ
اِوْ غُرْبَةِ الفَاگِدْ عِشِتْهَا
رِحْـت ادَوِّرْ عَنْ مُـفَـسِّـرْ
يِشْرَحِ الـرُّؤيَـا الشِّفِتْهَا
مُوْ عِجَافِ اِوْ لَا سَنَابُلْ رُؤيتِيْ اِوْ مَا فَسَّرِتْهَا
آنَه أُمِّ اِوْ گلْبِيْ خَايِفْ عَلَى احْبَابِ الفَارَگتْهَا
رَبِّيْ سِتْرَكْ دَعْوَةْ غَرِيبَه
هَالرُّؤيَا العَجِيبَه لَا تِطْلَعْ مُصِيبَه
يَالحْسينْ يَبْنِيْ شُوْ گلْبِيْ لِچَمْنِيْ
وَ آنَه اِعْليكْ هَضْمِيْ
ــــــــــــــــــــــــــــــــــــــــــــــــــــــــــــــــــ
يَـبُـوْ الأكْبَرْ شِفِتْ مَنْظَرْ
بِالحِلِمْ بَسْ مَا فِهَمْتَه
جَسَدْ شِفْتَه اِوْ مَا عِرَفْتَه
لِأنْ مَگطُوعَه رُگُبْتَه !
رِحِتْ يَمَّه اِوْ رِدْت اعُرْفَه اِوْ مَا حِچَه لَمَّنْ سِألْتَه
وِ اِگعَدِتْ مِنْ نومِيْ أرْجِفْ گِلِتْ بَسْ لَا هَذَا إنْتَه
يَاحَبِيبِيْ مِنْتَظْرَه رَدَّكْ
مُوْ ظَلْ بَالِيْ عِنْدَكْ كَاسِرْ جِنْحِيْ فَگدَكْ
أنَه اشْتَاگ وَجْهَكْ وِ اِبْكِلْ ليلَه انِدْهَكْ
بَلْكِيْ اِتْنَادِيْ بِـسْمِيْ
ــــــــــــــــــــــــــــــــــــــــــــــــــــــــــــــــــ
هَـذَا ليلِيْ الهَادْ حيلِيْ
اِطْيُوفَه احِسْ بِيْهِنْ رَسَايِلْ
بَعَدْ مَنْظَرْ عَالجِفِنْ مَرْ
سَهْمَه حَـدْرِ الـرِّيَّـه وَاصِـلْ
چَنِّيْ بِالصَّحْرَاء اشَـاهِـدْ اِچْفُوفْ طَاحَنْ يَمْ مُقَاتِلْ
اِوْ خَايِفَه اِيْگُولِ المُفَسِّرْ گِطْعَوا اِچْفُوف ابُوْ فَاضِلْ
مَا يِهِمْنِيْ خَلْ يِطْلَع اِبْنِيْ
لَاكِنْ هَذَا يَعْنِيْ ظَهْرِ اِحْسينْ مَحْنِيْ
وِ الاوْلَادْ فِدْوَه بَسِّ اِحْسينِيْ يِسْوَه
نِـذِرْ لِـعْيُونَه دَمِّـيْ
ــــــــــــــــــــــــــــــــــــــــــــــــــــــــــــــــــ
اِبْحِلِمْ ثَالِثْ شِفِتْ حَادِثْ
خَلَّه هَاي اِعْيُونِيْ تِنْحَبْ
طِفْلَه تِبْچِيْ گُوَّه تِحْچِيْ
تِرْكُضِ اِوْ خيْمَتْهَا تِلْهَبْ
شِفِتْ شَامِتْ سوطَه بِيدَه اِوْ حُرْمَه مِنْ شَامِتْهَا تِنْسَبْ
الله يَـاخِـذْ عُمْرِيْ بَـسْ لَا تِطْلَعِ المَقْصُودَه " زينَبْ "
يَاعَذَابِيْ چَمْ حَسْرَه بِيَّه
كُونِ الموتِ اِلِيَّه اِوْ لَا زينَبْ سِبِيَّه
وِ الاحْلَامْ خَطْرَه بينِ اِضْلُوعِيْ جَمْرَه
طِحْتِ اِوْ نِحَلْ جِسْمِيْ
ــــــــــــــــــــــــــــــــــــــــــــــــــــــــــــــــــ
چَفِّيْ يِرْجِفْ وَ آنَه أعْرِفْ
هَذَا حَـالِ العَافَه غَالِيْ
يُبْقَه خـوفَـه مِـنْ طِيُوفَه
بَالَه مَمْلِيْ اِوْ بيتَه خَالِيْ
وَ آنَه رَاحولِيْ عَشِيرَه صِرِتْ حَالِ الثَّكْلَه حَالِيْ
اِحْسينْ سَدَّرْ بِالقَوَافِلْ اِوْ مَا خَذَانِيْ اِوْ لَا إجَالِيْ
مَاكُوْ رَاحَه عُگبِ الأحِبَّه
عِشْتِ الدِّنْيَه غُرْبَه وَالله الفَرْگه صَعْبَه
وَلَا اشُوفْ دَرْبِيْ طَاحِ اِمْنِ اِيدِيْ گلْبِيْ
اِبْـسَهْمِ الفَرْگه مَرْمِيْ
ــــــــــــــــــــــــــــــــــــــــــــــــــــــــــــــــــ
يَـاحَـنِـيـنِيْ مِـنْ بَنِينِيْ
مَا رِدِتْ يِرْجَعْلِيْ وَاحِدْ
كِلْ سُؤالِيْ عَلَى الغَالِيْ
گلْبِيْ بَسِّ اِحْسينْ رَايِدْ
خَـلْ يِـمُـوتُـون ارْبَعَتْهُمْ أنَـه اِعْليهُمْ مَـا أنَـاشِدْ
خَدَمْ آنَه اِوْ وِلْدِيْ صِرْنَه وَ ابُوْ اليِمَّه اِعْلينَه قَائِدْ
يَاحَسِرْتِيْ لوْ مَاكُوْ رَجْعَه
تِوْگعْ مِنِّيْ دَمْعَه تِذْبَحْ بِيْهَا شَمْعَه
يَالدْمُوعْ هِلِّيْ رَاحِ اِمْنِ اِيدِيْ خِلِّيْ
رَاحِ اِوْ رَاحْ عَزْمِيْ
ــــــــــــــــــــــــــــــــــــــــــــــــــــــــــــــــــ
٨ / ٨ / ٢٠٢٠ السبت
كرَّار حيدر الخفاجي
https://www.tg-me.com/kraralkafagy
اِوْ حَيَّرْنِيْ اِبْزِمَانِيْ اِوْ عَاتَبْتَكْ تَرَانِيْ
تِمَنّيتْ حِلْمِيْ اِيْرِدَّكْ سَاعَه يَمِّيْ
وَ اگدَرْ أنْسَه هَمِّيْ
ــــــــــــــــــــــــــــــــــــــــــــــــــــــــــــــــــ
كِلْشِيْ مُؤلِمْ بيتِيْ مُظْلِمْ
اِوْ غُرْبَةِ الفَاگِدْ عِشِتْهَا
رِحْـت ادَوِّرْ عَنْ مُـفَـسِّـرْ
يِشْرَحِ الـرُّؤيَـا الشِّفِتْهَا
مُوْ عِجَافِ اِوْ لَا سَنَابُلْ رُؤيتِيْ اِوْ مَا فَسَّرِتْهَا
آنَه أُمِّ اِوْ گلْبِيْ خَايِفْ عَلَى احْبَابِ الفَارَگتْهَا
رَبِّيْ سِتْرَكْ دَعْوَةْ غَرِيبَه
هَالرُّؤيَا العَجِيبَه لَا تِطْلَعْ مُصِيبَه
يَالحْسينْ يَبْنِيْ شُوْ گلْبِيْ لِچَمْنِيْ
وَ آنَه اِعْليكْ هَضْمِيْ
ــــــــــــــــــــــــــــــــــــــــــــــــــــــــــــــــــ
يَـبُـوْ الأكْبَرْ شِفِتْ مَنْظَرْ
بِالحِلِمْ بَسْ مَا فِهَمْتَه
جَسَدْ شِفْتَه اِوْ مَا عِرَفْتَه
لِأنْ مَگطُوعَه رُگُبْتَه !
رِحِتْ يَمَّه اِوْ رِدْت اعُرْفَه اِوْ مَا حِچَه لَمَّنْ سِألْتَه
وِ اِگعَدِتْ مِنْ نومِيْ أرْجِفْ گِلِتْ بَسْ لَا هَذَا إنْتَه
يَاحَبِيبِيْ مِنْتَظْرَه رَدَّكْ
مُوْ ظَلْ بَالِيْ عِنْدَكْ كَاسِرْ جِنْحِيْ فَگدَكْ
أنَه اشْتَاگ وَجْهَكْ وِ اِبْكِلْ ليلَه انِدْهَكْ
بَلْكِيْ اِتْنَادِيْ بِـسْمِيْ
ــــــــــــــــــــــــــــــــــــــــــــــــــــــــــــــــــ
هَـذَا ليلِيْ الهَادْ حيلِيْ
اِطْيُوفَه احِسْ بِيْهِنْ رَسَايِلْ
بَعَدْ مَنْظَرْ عَالجِفِنْ مَرْ
سَهْمَه حَـدْرِ الـرِّيَّـه وَاصِـلْ
چَنِّيْ بِالصَّحْرَاء اشَـاهِـدْ اِچْفُوفْ طَاحَنْ يَمْ مُقَاتِلْ
اِوْ خَايِفَه اِيْگُولِ المُفَسِّرْ گِطْعَوا اِچْفُوف ابُوْ فَاضِلْ
مَا يِهِمْنِيْ خَلْ يِطْلَع اِبْنِيْ
لَاكِنْ هَذَا يَعْنِيْ ظَهْرِ اِحْسينْ مَحْنِيْ
وِ الاوْلَادْ فِدْوَه بَسِّ اِحْسينِيْ يِسْوَه
نِـذِرْ لِـعْيُونَه دَمِّـيْ
ــــــــــــــــــــــــــــــــــــــــــــــــــــــــــــــــــ
اِبْحِلِمْ ثَالِثْ شِفِتْ حَادِثْ
خَلَّه هَاي اِعْيُونِيْ تِنْحَبْ
طِفْلَه تِبْچِيْ گُوَّه تِحْچِيْ
تِرْكُضِ اِوْ خيْمَتْهَا تِلْهَبْ
شِفِتْ شَامِتْ سوطَه بِيدَه اِوْ حُرْمَه مِنْ شَامِتْهَا تِنْسَبْ
الله يَـاخِـذْ عُمْرِيْ بَـسْ لَا تِطْلَعِ المَقْصُودَه " زينَبْ "
يَاعَذَابِيْ چَمْ حَسْرَه بِيَّه
كُونِ الموتِ اِلِيَّه اِوْ لَا زينَبْ سِبِيَّه
وِ الاحْلَامْ خَطْرَه بينِ اِضْلُوعِيْ جَمْرَه
طِحْتِ اِوْ نِحَلْ جِسْمِيْ
ــــــــــــــــــــــــــــــــــــــــــــــــــــــــــــــــــ
چَفِّيْ يِرْجِفْ وَ آنَه أعْرِفْ
هَذَا حَـالِ العَافَه غَالِيْ
يُبْقَه خـوفَـه مِـنْ طِيُوفَه
بَالَه مَمْلِيْ اِوْ بيتَه خَالِيْ
وَ آنَه رَاحولِيْ عَشِيرَه صِرِتْ حَالِ الثَّكْلَه حَالِيْ
اِحْسينْ سَدَّرْ بِالقَوَافِلْ اِوْ مَا خَذَانِيْ اِوْ لَا إجَالِيْ
مَاكُوْ رَاحَه عُگبِ الأحِبَّه
عِشْتِ الدِّنْيَه غُرْبَه وَالله الفَرْگه صَعْبَه
وَلَا اشُوفْ دَرْبِيْ طَاحِ اِمْنِ اِيدِيْ گلْبِيْ
اِبْـسَهْمِ الفَرْگه مَرْمِيْ
ــــــــــــــــــــــــــــــــــــــــــــــــــــــــــــــــــ
يَـاحَـنِـيـنِيْ مِـنْ بَنِينِيْ
مَا رِدِتْ يِرْجَعْلِيْ وَاحِدْ
كِلْ سُؤالِيْ عَلَى الغَالِيْ
گلْبِيْ بَسِّ اِحْسينْ رَايِدْ
خَـلْ يِـمُـوتُـون ارْبَعَتْهُمْ أنَـه اِعْليهُمْ مَـا أنَـاشِدْ
خَدَمْ آنَه اِوْ وِلْدِيْ صِرْنَه وَ ابُوْ اليِمَّه اِعْلينَه قَائِدْ
يَاحَسِرْتِيْ لوْ مَاكُوْ رَجْعَه
تِوْگعْ مِنِّيْ دَمْعَه تِذْبَحْ بِيْهَا شَمْعَه
يَالدْمُوعْ هِلِّيْ رَاحِ اِمْنِ اِيدِيْ خِلِّيْ
رَاحِ اِوْ رَاحْ عَزْمِيْ
ــــــــــــــــــــــــــــــــــــــــــــــــــــــــــــــــــ
٨ / ٨ / ٢٠٢٠ السبت
كرَّار حيدر الخفاجي
https://www.tg-me.com/kraralkafagy
Telegram
كرَّار حيدر الخفاجي
هُنا نافذةٌ أخرى لخدمةِ محمَّدٍ وآلِ محمَّدٍ ، نافذةٌ لنشرِ ما أخدمُ بهِ ساداتي ، أضعُهُ بين أيديكم راجياً التوفيقَ لكُم ولنَا.
Forwarded from قناة نشر قصائد حسينيه مكتوبه
📜القصيدة التراث
أسأل من المعبود لاعذب امي
الرادود الحُسيني المرحوم
حمزه الزغير
🖋الشاعر الحُسيني المرحوم الأديب
كاظم منظور الكربلائي
أسأل من المعبود لا عذب أمي
رضعتني من حب الوصي
حب الوصي غذاني
💠💠💠💠💠💠
بشارع الإسلام والد يهوي حيدر چان إلي
وأمي من ثدي الموده رضعت بحب الولي
وصرت من أمي وبويه.. وصار ورثي حب علي
روحي بوداده تولعت... نور الولاية أزهرت
وهاي المحبة أثمرت
حب الولاية البيه ........... ثالث شهاده
ناغتني وانه بالمهد .....وانطلگ بيه الساني
💠💠💠💠💠💠
شعر جسمي بهالشهاده ومني كل مفصل شهد
ومن هلي تغذيت بيها وصارت بريجي شهد
گبل ما تولدني أمي وقبل ماصير بـمهد
شاءت الباري حكمته ... ينشر عليّ رحمته
وحظي يفوز بنعمته.....والنعمة صاحب هل أتى
بهالسعد والتوفيق.............. ولدتني أمي
ودبت محبة حيدره.... بجسمي ونشأ وجداني
💠💠💠💠💠💠
أحمد الباري الجعل لي بحب علي قسمة ونصيب
ولعد داعي الحگ دعاني وصرت أنا لصوته مجيب
گبل ما تنمزج روحي بجسمي واتغذى بحليب
من عالم الذر إنطبع....حب الوصي بگلبي و رتع
وبجبهتي نوره سطع
بمدرسة حامي الجار.........درسوا روحي
ونجحت بهاي المدرسة.... وبيها ختمت قرآني
💠💠💠💠💠💠
بجسمي من ثبتت قواي وبالحياة ترعرعت
إلزمت أصل وفرع ديني وبالكتاب توثقت
وعرفت حيدر أميري حين بالرب آمنت
بنور الولاية تنوّرت ... وبرحمة الباري فزت
بالله ورسوله تشاهدت... وبحيدر وحبه إنجحت
طبعوا بلب حشاي ........ صورة حبيبي
حيدر حبيبي وصورته... وبيها ثبت إيماني
💠💠💠💠💠💠
من ثبت إيمان قلبي وأرسخ بذهني اليقين
شهدت بالمعبود ربي وصدقت طه الأمين
سجلوا إسمي وصفاتي العلى متوني كاتبين
بنور الشفاعه تهيئت... برضوان معبودي أدخلت
وبمنهج الحق إنهجت.. بدفتر أميري تسجلت
اتشكر الكتاب................. واحمد الباري
چي كتبوا بدفتر علي سر... منهجي وعنواني
💠💠💠💠💠💠
من صفا العيش بحياتي بحب علي سالم عشت
ومن رماني الدهر مكسور وبالشدة طحت
صحت يا ابا الغوث أغثني يا علي أدركني إنجحت
وآنه بمخاليب الدهر... بحيدر لذت من كل خطر
وانتخن نخوايه حظر ....عندي ولعد كسري جبر
ومن صحت يا با الغوث...... وسمعت هاتف
من حب علي وهمة علي....عيناك يالتنخاني
💠💠💠💠💠💠
ومن تدانتني المنايا وللرحيل تهيئت
وچني ميت عالولاية وبالثلاثة تشاهدت
وعالمناكب چني محمول وبالحفره إنزلت
ومن نزلوني بحفرتي.... ومدوا بگبري جنازتي
وعاللحد وسدوا وجنتي.... وعني طلعوا دفانتي
هالوا علي تراب.............. قبري وجفوني
وبس ما جفوا جنازتي... عقد الولا تلگاني
💠💠💠💠💠💠
شاهدت ليلة الوحده ومن سنى الفكره ثقت
وصرت احسب بالمعاد وچني بالمحشر صرت
وچنـي بسلسلة سبعين ذراع تگيدت
ومحكمة كبرى تشكلت... ومني الشهود تحققت
وعضاي بذنوبي شهدت.. بسجن المحاكم قررت
والمحكمة بتأكيد....... ذنبي حكمتني
وميزت حكم المحكمة... وحب الوصي براني
💠💠💠💠💠💠
#الناشرالحسيني_حسين_جاسم_الطائي_الكربلائي
أسأل من المعبود لاعذب امي
الرادود الحُسيني المرحوم
حمزه الزغير
🖋الشاعر الحُسيني المرحوم الأديب
كاظم منظور الكربلائي
أسأل من المعبود لا عذب أمي
رضعتني من حب الوصي
حب الوصي غذاني
💠💠💠💠💠💠
بشارع الإسلام والد يهوي حيدر چان إلي
وأمي من ثدي الموده رضعت بحب الولي
وصرت من أمي وبويه.. وصار ورثي حب علي
روحي بوداده تولعت... نور الولاية أزهرت
وهاي المحبة أثمرت
حب الولاية البيه ........... ثالث شهاده
ناغتني وانه بالمهد .....وانطلگ بيه الساني
💠💠💠💠💠💠
شعر جسمي بهالشهاده ومني كل مفصل شهد
ومن هلي تغذيت بيها وصارت بريجي شهد
گبل ما تولدني أمي وقبل ماصير بـمهد
شاءت الباري حكمته ... ينشر عليّ رحمته
وحظي يفوز بنعمته.....والنعمة صاحب هل أتى
بهالسعد والتوفيق.............. ولدتني أمي
ودبت محبة حيدره.... بجسمي ونشأ وجداني
💠💠💠💠💠💠
أحمد الباري الجعل لي بحب علي قسمة ونصيب
ولعد داعي الحگ دعاني وصرت أنا لصوته مجيب
گبل ما تنمزج روحي بجسمي واتغذى بحليب
من عالم الذر إنطبع....حب الوصي بگلبي و رتع
وبجبهتي نوره سطع
بمدرسة حامي الجار.........درسوا روحي
ونجحت بهاي المدرسة.... وبيها ختمت قرآني
💠💠💠💠💠💠
بجسمي من ثبتت قواي وبالحياة ترعرعت
إلزمت أصل وفرع ديني وبالكتاب توثقت
وعرفت حيدر أميري حين بالرب آمنت
بنور الولاية تنوّرت ... وبرحمة الباري فزت
بالله ورسوله تشاهدت... وبحيدر وحبه إنجحت
طبعوا بلب حشاي ........ صورة حبيبي
حيدر حبيبي وصورته... وبيها ثبت إيماني
💠💠💠💠💠💠
من ثبت إيمان قلبي وأرسخ بذهني اليقين
شهدت بالمعبود ربي وصدقت طه الأمين
سجلوا إسمي وصفاتي العلى متوني كاتبين
بنور الشفاعه تهيئت... برضوان معبودي أدخلت
وبمنهج الحق إنهجت.. بدفتر أميري تسجلت
اتشكر الكتاب................. واحمد الباري
چي كتبوا بدفتر علي سر... منهجي وعنواني
💠💠💠💠💠💠
من صفا العيش بحياتي بحب علي سالم عشت
ومن رماني الدهر مكسور وبالشدة طحت
صحت يا ابا الغوث أغثني يا علي أدركني إنجحت
وآنه بمخاليب الدهر... بحيدر لذت من كل خطر
وانتخن نخوايه حظر ....عندي ولعد كسري جبر
ومن صحت يا با الغوث...... وسمعت هاتف
من حب علي وهمة علي....عيناك يالتنخاني
💠💠💠💠💠💠
ومن تدانتني المنايا وللرحيل تهيئت
وچني ميت عالولاية وبالثلاثة تشاهدت
وعالمناكب چني محمول وبالحفره إنزلت
ومن نزلوني بحفرتي.... ومدوا بگبري جنازتي
وعاللحد وسدوا وجنتي.... وعني طلعوا دفانتي
هالوا علي تراب.............. قبري وجفوني
وبس ما جفوا جنازتي... عقد الولا تلگاني
💠💠💠💠💠💠
شاهدت ليلة الوحده ومن سنى الفكره ثقت
وصرت احسب بالمعاد وچني بالمحشر صرت
وچنـي بسلسلة سبعين ذراع تگيدت
ومحكمة كبرى تشكلت... ومني الشهود تحققت
وعضاي بذنوبي شهدت.. بسجن المحاكم قررت
والمحكمة بتأكيد....... ذنبي حكمتني
وميزت حكم المحكمة... وحب الوصي براني
💠💠💠💠💠💠
#الناشرالحسيني_حسين_جاسم_الطائي_الكربلائي
Forwarded from قناة نشر قصائد حسينيه مكتوبه
يالتوصل هلي وتزور حيهم
بني هاشم بدمع العين حيهم
ولمحمد بوجهه تصيح حيهم
اختك واجفه بديوان اميه
مُعين السباك
بني هاشم بدمع العين حيهم
ولمحمد بوجهه تصيح حيهم
اختك واجفه بديوان اميه
مُعين السباك
Forwarded from قناة نشر قصائد حسينيه مكتوبه
چثير اعزاز ماخذ .. طف الحسين
حنين المهر خيمة .. طفه لحسين
عله العباس گالوا .. طاف الحسين
7 مرات بس ما گام اخية
ــــــــــــــــــــــــــــــــــــــ
چثير اجروح شافت .. عين الحسين
وگع والمهر وحدة .. عان الحسين
قبل ميموت شنهو .. عايَن إحسين
إمن المْخَيّم زحف طلعت رقية
حيدر الحلفي
اللهم عجل لوليك الفرج
حنين المهر خيمة .. طفه لحسين
عله العباس گالوا .. طاف الحسين
7 مرات بس ما گام اخية
ــــــــــــــــــــــــــــــــــــــ
چثير اجروح شافت .. عين الحسين
وگع والمهر وحدة .. عان الحسين
قبل ميموت شنهو .. عايَن إحسين
إمن المْخَيّم زحف طلعت رقية
حيدر الحلفي
اللهم عجل لوليك الفرج
Forwarded from قناة نشر قصائد حسينيه مكتوبه
شافو حبيب ابحلم سألوه عله امنيته
گلهم اطـب مجلسه وابچي أعله مسبيته
وخادم اظل للأبد ابقــــه بحسينيته
حسين اباعبدالله
ــــــــــــــــــــــــــــــــــــــ
بالرؤيه شافوه البعض .. گلوله ياشيخ الهله
يالهايم ابسيرة علي .. وحافض سوالف كربله
اشتتـمنه وانته بجنّتك .. گلهم فقط هالمسأله
فلاّح أصير بخدمته .. وازرع دمعـتي بس اله
لو ارجع الدنيتي اتحزم ابأسمه
واكتب على موكبي خادم لابو اليمه
چا حته باب العزه بدموعي حنّيته
حسين ابا عبدالله
ــــــــــــــــــــــــــــــــــــــ
ياجنه تشبه خدمته .. والله الـــحسين امقـدّسه
الجنه بالنسبه الـي .. اصغر بعد من محبسه
نزلوني خانگني الحـزن .. خلّوني بس اتنفسه
آنه النصرته ابكربله .. بس ماخدمت ابمجلسه
ياليتني اوي الخدم انزل واشاركهم
احذو حذوهم شرط واسلك مسالكهم
ويمكن اهـز السمه لـو صدري دگيته
حسين ابا عبدالله
ــــــــــــــــــــــــــــــــــــــ
شيخ الانصار ابكربله .. اخذوهه وانه احچي الصدگ
سموني لوشيخ اللطم .. بالخدمه لو شيخ العشگ
خلوني وي جدر الطبخ .. دخان اصيرن واحترگ
بالجنه ادري اشگد هوه .. بس آنه كلش مختنگ
سامع دعـائه الي وشرفني بالرايه
بس ماجرت دمعتي ولا سامع اقرايه
گلبي أعله باب الفرج ياناس شديته
حسين ابا عبدالله
ــــــــــــــــــــــــــــــــــــــ
آنه اوي ابن العوسجه .. مسلم تلاگينه سوه
گـلالي خضّب لحيّتك .. بالحنه خل اتشع ضوه
اتصير احله كتله ابكربله .. لمن نشم ذاك الهوه
الموعد قريباً نلتقي .. نحر ابنحر في نينوه
شاء الله في كربله ايخلد اسامينه
عالظلمه مثل الصبح بالطف تبدينه
ولله بعنه العمر والزهره شاريته
حسين ابا عبدالله
ــــــــــــــــــــــــــــــــــــــ
شايب چبير اومنحني .. واچفوفي فطّرهه التعب
بس الذهب كلما عتگ .. ما ينگلب لون الذهب
المايهز جذع العشگ .. مايوگع ابحضنه الرطب
والهايم ابطف الحزن .. ميثم التمّـار انحسب
والخدمه أكبر شرف يامــن تسألوني
برموشي راسم خيم واحسين بعيوني
واعله الكلب يالخدم مطبوعه لطميته
حسين ابا عبدالله
ــــــــــــــــــــــــــــــــــــــ
ربي ارجعوني كل بشر .. هذا ندائه ابموتته
وآنه ندائي بالسمه .. ربي ارجعوني الخدمته
يارب نصرته ابرگبتي .. بس مالطمت الغـربته
خل ناعي يقرالي واظل .. أشبع بچـي لمصيبته
هنياله كلمن گضه ايامه بالخدمه
لآخر حياته يظل غرگان بالنعمه
احسين اشكبر موكبه واشكبر حنّيته
حسين ابا عبدالله
العبدالحسيني محمدالجماسي
گلهم اطـب مجلسه وابچي أعله مسبيته
وخادم اظل للأبد ابقــــه بحسينيته
حسين اباعبدالله
ــــــــــــــــــــــــــــــــــــــ
بالرؤيه شافوه البعض .. گلوله ياشيخ الهله
يالهايم ابسيرة علي .. وحافض سوالف كربله
اشتتـمنه وانته بجنّتك .. گلهم فقط هالمسأله
فلاّح أصير بخدمته .. وازرع دمعـتي بس اله
لو ارجع الدنيتي اتحزم ابأسمه
واكتب على موكبي خادم لابو اليمه
چا حته باب العزه بدموعي حنّيته
حسين ابا عبدالله
ــــــــــــــــــــــــــــــــــــــ
ياجنه تشبه خدمته .. والله الـــحسين امقـدّسه
الجنه بالنسبه الـي .. اصغر بعد من محبسه
نزلوني خانگني الحـزن .. خلّوني بس اتنفسه
آنه النصرته ابكربله .. بس ماخدمت ابمجلسه
ياليتني اوي الخدم انزل واشاركهم
احذو حذوهم شرط واسلك مسالكهم
ويمكن اهـز السمه لـو صدري دگيته
حسين ابا عبدالله
ــــــــــــــــــــــــــــــــــــــ
شيخ الانصار ابكربله .. اخذوهه وانه احچي الصدگ
سموني لوشيخ اللطم .. بالخدمه لو شيخ العشگ
خلوني وي جدر الطبخ .. دخان اصيرن واحترگ
بالجنه ادري اشگد هوه .. بس آنه كلش مختنگ
سامع دعـائه الي وشرفني بالرايه
بس ماجرت دمعتي ولا سامع اقرايه
گلبي أعله باب الفرج ياناس شديته
حسين ابا عبدالله
ــــــــــــــــــــــــــــــــــــــ
آنه اوي ابن العوسجه .. مسلم تلاگينه سوه
گـلالي خضّب لحيّتك .. بالحنه خل اتشع ضوه
اتصير احله كتله ابكربله .. لمن نشم ذاك الهوه
الموعد قريباً نلتقي .. نحر ابنحر في نينوه
شاء الله في كربله ايخلد اسامينه
عالظلمه مثل الصبح بالطف تبدينه
ولله بعنه العمر والزهره شاريته
حسين ابا عبدالله
ــــــــــــــــــــــــــــــــــــــ
شايب چبير اومنحني .. واچفوفي فطّرهه التعب
بس الذهب كلما عتگ .. ما ينگلب لون الذهب
المايهز جذع العشگ .. مايوگع ابحضنه الرطب
والهايم ابطف الحزن .. ميثم التمّـار انحسب
والخدمه أكبر شرف يامــن تسألوني
برموشي راسم خيم واحسين بعيوني
واعله الكلب يالخدم مطبوعه لطميته
حسين ابا عبدالله
ــــــــــــــــــــــــــــــــــــــ
ربي ارجعوني كل بشر .. هذا ندائه ابموتته
وآنه ندائي بالسمه .. ربي ارجعوني الخدمته
يارب نصرته ابرگبتي .. بس مالطمت الغـربته
خل ناعي يقرالي واظل .. أشبع بچـي لمصيبته
هنياله كلمن گضه ايامه بالخدمه
لآخر حياته يظل غرگان بالنعمه
احسين اشكبر موكبه واشكبر حنّيته
حسين ابا عبدالله
العبدالحسيني محمدالجماسي
Forwarded from قناة نشر قصائد حسينيه مكتوبه
سفينه للنجاة احسين سوّاهه
بسم الله مجــراهه ومرساهه
ــــــــــــــــــــــــــــــــــــــ
على لوح السفينه كتبو العبره
يااهل العقول استوعبو الفكره
مايصعد المالاطم على الزهره
وبيمن بالقيامه اهناك يتباهه
ــــــــــــــــــــــــــــــــــــــ
قائدهه الحسين وحيدر السلطان
وابو فاضل ابچفه لازم السكّان
بيهه الباب والسطره يظل نيشان
وتفتر عالمجالس الله خلاهه
ــــــــــــــــــــــــــــــــــــــ
احجز مقعدك يـاصاح من هسه
وليفوتك عزاء وللضلع تنسه
اترك في مجالس فاطمه لمسه
ومأجور التعب والنفسه زكـاهه
ــــــــــــــــــــــــــــــــــــــ
سفينه وما تغرگهه بحار الكون
الركبو بيهه من كل الفتن ينجون
رواد السفينه الچانو يخدمون
وقصايدهم الهذا اليوم نقراهه
ــــــــــــــــــــــــــــــــــــــ
سفينتنه الحسين وفاطمه المنجه
ويصعدهه بامان الواضح بنهجه
اللهمَّ كُن للغايب الحجه
ولياً لو خرج والرايه علاهه
ــــــــــــــــــــــــــــــــــــــ
فتش عالصعدهه واعرف اسراره
تلگه بالمجالس اسمه وآثاره
لو شاعر ومالي الدنيه بأشعاره
لو رادود وام الحسن ينعاهه
ــــــــــــــــــــــــــــــــــــــ
باچر تنطلق واحبـالهه ترخه
وصمٌ بكمٌ المايسمع الصرخه
المالبّه باسم فــاطمه اوماينخه
باچــــر ياشفيعه اهناك ينخاهه
محمد الجماسي
بسم الله مجــراهه ومرساهه
ــــــــــــــــــــــــــــــــــــــ
على لوح السفينه كتبو العبره
يااهل العقول استوعبو الفكره
مايصعد المالاطم على الزهره
وبيمن بالقيامه اهناك يتباهه
ــــــــــــــــــــــــــــــــــــــ
قائدهه الحسين وحيدر السلطان
وابو فاضل ابچفه لازم السكّان
بيهه الباب والسطره يظل نيشان
وتفتر عالمجالس الله خلاهه
ــــــــــــــــــــــــــــــــــــــ
احجز مقعدك يـاصاح من هسه
وليفوتك عزاء وللضلع تنسه
اترك في مجالس فاطمه لمسه
ومأجور التعب والنفسه زكـاهه
ــــــــــــــــــــــــــــــــــــــ
سفينه وما تغرگهه بحار الكون
الركبو بيهه من كل الفتن ينجون
رواد السفينه الچانو يخدمون
وقصايدهم الهذا اليوم نقراهه
ــــــــــــــــــــــــــــــــــــــ
سفينتنه الحسين وفاطمه المنجه
ويصعدهه بامان الواضح بنهجه
اللهمَّ كُن للغايب الحجه
ولياً لو خرج والرايه علاهه
ــــــــــــــــــــــــــــــــــــــ
فتش عالصعدهه واعرف اسراره
تلگه بالمجالس اسمه وآثاره
لو شاعر ومالي الدنيه بأشعاره
لو رادود وام الحسن ينعاهه
ــــــــــــــــــــــــــــــــــــــ
باچر تنطلق واحبـالهه ترخه
وصمٌ بكمٌ المايسمع الصرخه
المالبّه باسم فــاطمه اوماينخه
باچــــر ياشفيعه اهناك ينخاهه
محمد الجماسي
Forwarded from قناة نشر قصائد حسينيه مكتوبه
الغيره عشر اجزاء خالقهه الجليل
تسعه منهن للگمر عباسچ
اذن حقچ ما تهابين الوجود
ولا تهبطين ابمجالس راسچ
%%%%%%%%%%%%%%%%
حارس الزينب صبح بدر البدور
حقهه تفخر بالگمر هنيالهه
غير بچه العسكر بيوم الطفوف
وسجدت السبعين الف لخيالهه
سيطر اعله المشرعه بوكت النزال
وگال لعيون العقيله وشالهه
طلعت امن الخيمه زينب عالصهيل
عاينت شافت شريعه اگبالهه
اتبسم ابوجه العقيله وهز لواه
گال اعرف هيه مو مقياسج
اذن حقج ما تهابين الوجود
ولا تهبطين بمجالس راسج
%%%%%%%%%%%%%%%%%%
راح اصعد للسمه حسبت صلاه
حته اجيب الكوثر الصيوانچ
هذا ماي المشرعه بس للوظوء
وخلهه تسبح بالعذب رظعانچ
گولي زينب بعد تردين السماء
بس اجرهه وتوگع بذرعانچ
لا تهمين البشر وانه الكفيل
خله يامر لا يچل السانچ
امي وصتني بشهر قبل الرحيل
وگالت الدنيه فده الانفاسچ
اذن حقچ ما تهابين الوجود
ولا تهبطين بمجالس راسچ
%%%%%%%%%%%%%%%%%
انته كعبه للصبر لازم اطفوف
حولچ واسعه الچ خليني
انه مخلوق ابامر رب العباد
خادم الخدرچ عبد لحسيني
البشر يعطش للعذب ساعه ظماه
وانه شوفچ بالعطش،يرويني
انتي زينة حيدره فحل الفحول
وزينة الكرار احطهه ابعيني
لا تخافين السهم يطفي اليسار
وباليمين اتربعي وي احساسچ
اذن حقچ ما تهابين الوجود
ولا تهبطين بمجالس راسچ
%%%%%%%%%%%%%%%%%
شنهو همچ يالعقيله وانه اخوچ
اعصر العسكر الچ بيساري
انه لو طب الهوه الدارچ اظوج
تشتعل نار الجحيم وناري
بردي گلبچ لا تخافين السراب
انه يامن بيه سابع جاري
انتي اخيتي ارويحتي ارويحه حلال
فوگ كل هذا وتلمچ داري
انه من اغتاظ اگلبهم رماد
اخنگ الريح بعجل لو جاسچ
اذن حقچ ما تهابين الوجود
ولا تهبطين ابمجالس راسچ
&&&&&&&&&&&&&&&&&&&
خاف اموتن غيرتي اظل ماتموت
تمشي وياچ العمر للتالي
لا تهمين البشر وانتي بحماي
الزلمه يثبت من يشوف خيالي
وداعت العلگت شمع يوم الطفوف
وعجنت الحنه بدمع للغالي
تظل زينب مفخره اليوم النشور
حته لو باچر اشد ارحالي
المنعتچ ماي العذب هذا الزمان
باچر اشوف العذب من طاسچ
اذن حقچ ما تهابين الوجود
ولا تهبطين بمجالس راسچ
%%%%%%%'''%'%%%%%%%%
فاضل الغريباوي🚩🚩🚩🚩🚩🚩
تسعه منهن للگمر عباسچ
اذن حقچ ما تهابين الوجود
ولا تهبطين ابمجالس راسچ
%%%%%%%%%%%%%%%%
حارس الزينب صبح بدر البدور
حقهه تفخر بالگمر هنيالهه
غير بچه العسكر بيوم الطفوف
وسجدت السبعين الف لخيالهه
سيطر اعله المشرعه بوكت النزال
وگال لعيون العقيله وشالهه
طلعت امن الخيمه زينب عالصهيل
عاينت شافت شريعه اگبالهه
اتبسم ابوجه العقيله وهز لواه
گال اعرف هيه مو مقياسج
اذن حقج ما تهابين الوجود
ولا تهبطين بمجالس راسج
%%%%%%%%%%%%%%%%%%
راح اصعد للسمه حسبت صلاه
حته اجيب الكوثر الصيوانچ
هذا ماي المشرعه بس للوظوء
وخلهه تسبح بالعذب رظعانچ
گولي زينب بعد تردين السماء
بس اجرهه وتوگع بذرعانچ
لا تهمين البشر وانه الكفيل
خله يامر لا يچل السانچ
امي وصتني بشهر قبل الرحيل
وگالت الدنيه فده الانفاسچ
اذن حقچ ما تهابين الوجود
ولا تهبطين بمجالس راسچ
%%%%%%%%%%%%%%%%%
انته كعبه للصبر لازم اطفوف
حولچ واسعه الچ خليني
انه مخلوق ابامر رب العباد
خادم الخدرچ عبد لحسيني
البشر يعطش للعذب ساعه ظماه
وانه شوفچ بالعطش،يرويني
انتي زينة حيدره فحل الفحول
وزينة الكرار احطهه ابعيني
لا تخافين السهم يطفي اليسار
وباليمين اتربعي وي احساسچ
اذن حقچ ما تهابين الوجود
ولا تهبطين بمجالس راسچ
%%%%%%%%%%%%%%%%%
شنهو همچ يالعقيله وانه اخوچ
اعصر العسكر الچ بيساري
انه لو طب الهوه الدارچ اظوج
تشتعل نار الجحيم وناري
بردي گلبچ لا تخافين السراب
انه يامن بيه سابع جاري
انتي اخيتي ارويحتي ارويحه حلال
فوگ كل هذا وتلمچ داري
انه من اغتاظ اگلبهم رماد
اخنگ الريح بعجل لو جاسچ
اذن حقچ ما تهابين الوجود
ولا تهبطين ابمجالس راسچ
&&&&&&&&&&&&&&&&&&&
خاف اموتن غيرتي اظل ماتموت
تمشي وياچ العمر للتالي
لا تهمين البشر وانتي بحماي
الزلمه يثبت من يشوف خيالي
وداعت العلگت شمع يوم الطفوف
وعجنت الحنه بدمع للغالي
تظل زينب مفخره اليوم النشور
حته لو باچر اشد ارحالي
المنعتچ ماي العذب هذا الزمان
باچر اشوف العذب من طاسچ
اذن حقچ ما تهابين الوجود
ولا تهبطين بمجالس راسچ
%%%%%%%'''%'%%%%%%%%
فاضل الغريباوي🚩🚩🚩🚩🚩🚩
Forwarded from قناة نشر قصائد حسينيه مكتوبه
نعي مفجع
عباس ياخويه اعله بختك
أتنام أشعجب ونشتمت أختك
طگني الشمر واليوم ردتك
أباب الخيم وأتني الفزعتك
أجيت وجيّتي وياي جبتك
وعرف شهم توفي بكلمتك
هجمت زلم ما جيت شفتك
وهمت علي الكرار همتك
اطفال وحرم تنطر رجعتك
گوم بعزم فدوه الجربتك
*-----------------*----------------*
✍بقلم خادم الحسين ع
الشاعر رعد الجريخي
عباس ياخويه اعله بختك
أتنام أشعجب ونشتمت أختك
طگني الشمر واليوم ردتك
أباب الخيم وأتني الفزعتك
أجيت وجيّتي وياي جبتك
وعرف شهم توفي بكلمتك
هجمت زلم ما جيت شفتك
وهمت علي الكرار همتك
اطفال وحرم تنطر رجعتك
گوم بعزم فدوه الجربتك
*-----------------*----------------*
✍بقلم خادم الحسين ع
الشاعر رعد الجريخي
Forwarded from Big Bang🧨
نعي للهلال ( مع رباطات هوسة )
**** **** *
اشوفن بيك آه ودمعه وحسره وأشوف لخاطري يهلال الف كسره
عليك انظر وأحسّن توجع النظره احس ضلع الزجيه يعود الي كسره
ومثل حيدر زماني راسي يطبره بعيد الماي اشوفه ونار مستعره
نـــيـران خـيـامي موجريها ... ولـهـبـة دلاّلي اشـيـطـفـيـها
ـــــــــــــــــــــــــــــــــــــــــ
اشوفك قوس ترمي سهام جتاله اشوفن بيك حيرة ودمعه هماله
اشوف حسين ظامي هوّه وعياله ومصايب تنرسم واحزان تتواله
اصير ليا وضع يا ظيم يا حاله وتطيح اعله الشريعه جفوف كفّاله
لا جود اليرجع لا مايه ... ولا صوت اليفزع لا رايه
ــــــــــــــــــــــــــــــــ
شهر مابيك بس مصايب واحزان وأجناب التحاوطني وبلا وليان
لا اولاد يمي تبقه لا خوّان بس صوت اليتامه وحسرة النسوان
بين الخايف ومرعوب والعطشان وبنات زغار بيهن جوية النيران
هاي الشافت سوط وخافت ... هاي التركض ذيج الطاحت
ــــــــــــــــــــــــــــــــــــ
الظَـهَـر مـثـلـك يـظـل يَـهـلال يَـنْـحــان ( ينحني )
وتظل عـيـوني عالـخــــــوّان يَـنْـحـــان ( ينوحن )
اطـيـحـن طـيـر جن مكـسـور يَـنْـحـــان ( جنحان )
مِـتِـت بس ظـلّـت الانـفـــــــــــــاس بيّه
***********( خادم الحسين ع / حسام الناصري )
**** **** *
اشوفن بيك آه ودمعه وحسره وأشوف لخاطري يهلال الف كسره
عليك انظر وأحسّن توجع النظره احس ضلع الزجيه يعود الي كسره
ومثل حيدر زماني راسي يطبره بعيد الماي اشوفه ونار مستعره
نـــيـران خـيـامي موجريها ... ولـهـبـة دلاّلي اشـيـطـفـيـها
ـــــــــــــــــــــــــــــــــــــــــ
اشوفك قوس ترمي سهام جتاله اشوفن بيك حيرة ودمعه هماله
اشوف حسين ظامي هوّه وعياله ومصايب تنرسم واحزان تتواله
اصير ليا وضع يا ظيم يا حاله وتطيح اعله الشريعه جفوف كفّاله
لا جود اليرجع لا مايه ... ولا صوت اليفزع لا رايه
ــــــــــــــــــــــــــــــــ
شهر مابيك بس مصايب واحزان وأجناب التحاوطني وبلا وليان
لا اولاد يمي تبقه لا خوّان بس صوت اليتامه وحسرة النسوان
بين الخايف ومرعوب والعطشان وبنات زغار بيهن جوية النيران
هاي الشافت سوط وخافت ... هاي التركض ذيج الطاحت
ــــــــــــــــــــــــــــــــــــ
الظَـهَـر مـثـلـك يـظـل يَـهـلال يَـنْـحــان ( ينحني )
وتظل عـيـوني عالـخــــــوّان يَـنْـحـــان ( ينوحن )
اطـيـحـن طـيـر جن مكـسـور يَـنْـحـــان ( جنحان )
مِـتِـت بس ظـلّـت الانـفـــــــــــــاس بيّه
***********( خادم الحسين ع / حسام الناصري )
Forwarded from Big Bang🧨
نعي للراية
ــــــــــــــــــ
رفعنه الرايه الك ويّاها الف دمعه
نريد نواسي زينب وأمك البضعه
مصابك بالكَلب ما ينتهي وجعه
كل نبضة ويخلّي بي اثر صدعه
وكلما تخفكَـ الصوت الذي نسمعه
ألا من منتظِر للثار والطلعه
* * *
على كل بيت علـكَـنه وحسينيه
الك راية حزن خفاكَه يوميه
الك جمرات مستعره بوسط رِيّـه
الك كلشي نعه وتسمع نعاويّه
شمقدمين الك ودموعنه شويه
وانته من الجروح الف وتسعميه
* *
اجه عاشور والخدام متحزمه
خل يشبع صدرنه الماشبع لطمه
الف حسره الك بينه والف هظمه
ناس اللي تظن ننساك متوهمه
اليرزقه الله خدمتك عايش بنعمه والحظه ردي ما ينرزق خدمه
* * *
عـهـد كل عام نرفع هاذي رايه ( راية )
ولا نـقـبـل بـكـلـمـن هاذي رايه ( يهذي بالرأي )
ها نـتـكَـطّـع أوُصَل هـــا ذرايه ( يوذرونه )
ولا نـتـرك شـعـايـرنه الأبــــيّه
خادم خدام الحسين (ع)
حسام الناصري
ــــــــــــــــــ
رفعنه الرايه الك ويّاها الف دمعه
نريد نواسي زينب وأمك البضعه
مصابك بالكَلب ما ينتهي وجعه
كل نبضة ويخلّي بي اثر صدعه
وكلما تخفكَـ الصوت الذي نسمعه
ألا من منتظِر للثار والطلعه
* * *
على كل بيت علـكَـنه وحسينيه
الك راية حزن خفاكَه يوميه
الك جمرات مستعره بوسط رِيّـه
الك كلشي نعه وتسمع نعاويّه
شمقدمين الك ودموعنه شويه
وانته من الجروح الف وتسعميه
* *
اجه عاشور والخدام متحزمه
خل يشبع صدرنه الماشبع لطمه
الف حسره الك بينه والف هظمه
ناس اللي تظن ننساك متوهمه
اليرزقه الله خدمتك عايش بنعمه والحظه ردي ما ينرزق خدمه
* * *
عـهـد كل عام نرفع هاذي رايه ( راية )
ولا نـقـبـل بـكـلـمـن هاذي رايه ( يهذي بالرأي )
ها نـتـكَـطّـع أوُصَل هـــا ذرايه ( يوذرونه )
ولا نـتـرك شـعـايـرنه الأبــــيّه
خادم خدام الحسين (ع)
حسام الناصري
Forwarded from Big Bang🧨
شهر الأحـزان والهـم طل علينه
وغياب المهدي ياذي طل علينه
بجـاه حـسـين يارب طلعه لينه
يشافي اللي انسحگ بالأعوجيه
وغياب المهدي ياذي طل علينه
بجـاه حـسـين يارب طلعه لينه
يشافي اللي انسحگ بالأعوجيه
Forwarded from Big Bang🧨
للـعليلة
~.~.~.~.~.
ويهلي
حزينه ودمعي يتجاره ويهلي
بكَيت وما رِحِت وسفه ويهلي
يريت اترابي يلمني ويهلي
لأن صارت كَبر دنياي إليّـه
* * ***
راحمـنّـي
عليله والدهر مـــــا راحمنّي
ولا مرّة الكَلب حس راحه منّي
أبوي حسين هاجر راح منّي
وخذه الروح التحبّه ويا سبيّـه
&&&&&&&&&
~.~.~.~.~.
ويهلي
حزينه ودمعي يتجاره ويهلي
بكَيت وما رِحِت وسفه ويهلي
يريت اترابي يلمني ويهلي
لأن صارت كَبر دنياي إليّـه
* * ***
راحمـنّـي
عليله والدهر مـــــا راحمنّي
ولا مرّة الكَلب حس راحه منّي
أبوي حسين هاجر راح منّي
وخذه الروح التحبّه ويا سبيّـه
&&&&&&&&&
Forwarded from Big Bang🧨
أم البنين(ع)
~.~.~.~.~.~.
يَـمّـي
يـزينب وشّـل من النوح يمّي ( بحري)
إكَعدي وطشّي الدمعات يمّي
صِدِكَـ ما صاح إبني احسين يمّي ( يا أمّي)
و أروح وأنـذبـِح يَـمّـه سـويّه
* * *
مرضعنهه
ألـوم أولادي وأحـلـف مَــرْضَه عَـنْـهه ( ما أرضه عنها )
وأحــرّم للـقـيــــــــامـة مَـرْضَعَـنْـــــهه ( مرضعها)
عـجـيـبـه شـلـــون شـافَـوْ مَـرْ ضَـعَـنْهه (مر الضعن )
و رِضَـوْ زيـنـب مِـشَـت عـنـهم سـبـيّــه
&&&&&&&&&
أبو ذيات لأم البنين ع
* * *
نياط حشاي متكطعه وصلها
أحس سهم المثلث جن وصلها
حرت أكصد لرض غاضر وصلها
لَوَن اكصد لعد كَبر الزجيه
* * *
جمر كَلبي يبو الاكبر وجرلك
أون وأتنهّد بحسرة وجرلك
لَوَن للمصرع أكصدلك وجرلك
سهم جبدك يبن سيد البريه
* * *
المثلث من ارمالك ورّمالي
صوّب كَلبي مثلك ورّمالي
وبكَه بين الظمه وحَرْ ورّمالي
وخيول البين أحس سحكت عليه
&&&&&&&&&
نعي (أم البنين )
~.~.~.~.~.~.~.~.~
بعيد وطوّلت شو غيبتك يبني
وأنا بهدب الجفن فركَاك شيّبني
حزينة ومالي غيرك والحزن ذبني
وانا وروحي أعاتبها وتعاتبني
~~~~~~~~~~~~~~
على دروب اليجون أكَعد وأناشدهم
اريد اللي يروح وياي وأكصدهم
إلي اربع بنين احيود أفكَدهم
بس حسين سالم ردته من عدهم
.~.~.~.~
اروح لكربله وأكعد على كبره
صدك مذبوح ابني ومنكطع نحره
وصدك سهْم المثلث نابت بصدره
وصدك ظامي بكه والعلكمي بكتره
~.~~~.~~.
اريد اكعد وأسَمْعه آهاتي وونيني
ترد انفاسه ادري وراسه بحضيني
اريد أسكيه ماي ويروه من عيني
وأكَلّه اكعد وانا للموت خليني
&&&&&&&&&&
نعي لأم البنين (ع)
* * ***
إجت أمّ البنين لزينب اتنــــــــوح
صاحت صوت خنكَت بيه الانفاس
آيــــــــحسين يبني بلوعة مصاب
وبجّتْ كل صخر ماعنده احساس
تلكّتها بحزنها اتكَوم واتطيـــــــح
زينب والحزن بالصبر ينــــــداس
ماقصّروحكَـ ارباج ويّـــــــــــاي
وتلطم عالخدود اتصيح عبــــــاس
يمّ البــــــــــاب كَعدن والعَزَه صار
وحده اتكَلــــــــــها ونّي وآنه أنعي
وجنّ الـــــزهره رجعت من الغياب
لطمت عالصدر واتصـــــيح ضلعي
لحسين ابجي وألطم وأصرخ بصوت
مَدْري اجري على العبــــاس دمعي
آنه أصل الحزن وآنـــه أمّ المصاب
وإنتي يلعقيله صــرتي فـــــــرعي
&&&&&&&&&
~.~.~.~.~.~.
يَـمّـي
يـزينب وشّـل من النوح يمّي ( بحري)
إكَعدي وطشّي الدمعات يمّي
صِدِكَـ ما صاح إبني احسين يمّي ( يا أمّي)
و أروح وأنـذبـِح يَـمّـه سـويّه
* * *
مرضعنهه
ألـوم أولادي وأحـلـف مَــرْضَه عَـنْـهه ( ما أرضه عنها )
وأحــرّم للـقـيــــــــامـة مَـرْضَعَـنْـــــهه ( مرضعها)
عـجـيـبـه شـلـــون شـافَـوْ مَـرْ ضَـعَـنْهه (مر الضعن )
و رِضَـوْ زيـنـب مِـشَـت عـنـهم سـبـيّــه
&&&&&&&&&
أبو ذيات لأم البنين ع
* * *
نياط حشاي متكطعه وصلها
أحس سهم المثلث جن وصلها
حرت أكصد لرض غاضر وصلها
لَوَن اكصد لعد كَبر الزجيه
* * *
جمر كَلبي يبو الاكبر وجرلك
أون وأتنهّد بحسرة وجرلك
لَوَن للمصرع أكصدلك وجرلك
سهم جبدك يبن سيد البريه
* * *
المثلث من ارمالك ورّمالي
صوّب كَلبي مثلك ورّمالي
وبكَه بين الظمه وحَرْ ورّمالي
وخيول البين أحس سحكت عليه
&&&&&&&&&
نعي (أم البنين )
~.~.~.~.~.~.~.~.~
بعيد وطوّلت شو غيبتك يبني
وأنا بهدب الجفن فركَاك شيّبني
حزينة ومالي غيرك والحزن ذبني
وانا وروحي أعاتبها وتعاتبني
على دروب اليجون أكَعد وأناشدهم
اريد اللي يروح وياي وأكصدهم
إلي اربع بنين احيود أفكَدهم
بس حسين سالم ردته من عدهم
اروح لكربله وأكعد على كبره
صدك مذبوح ابني ومنكطع نحره
وصدك سهْم المثلث نابت بصدره
وصدك ظامي بكه والعلكمي بكتره
~
اريد اكعد وأسَمْعه آهاتي وونيني
ترد انفاسه ادري وراسه بحضيني
اريد أسكيه ماي ويروه من عيني
وأكَلّه اكعد وانا للموت خليني
&&&&&&&&&&
نعي لأم البنين (ع)
* * ***
إجت أمّ البنين لزينب اتنــــــــوح
صاحت صوت خنكَت بيه الانفاس
آيــــــــحسين يبني بلوعة مصاب
وبجّتْ كل صخر ماعنده احساس
تلكّتها بحزنها اتكَوم واتطيـــــــح
زينب والحزن بالصبر ينــــــداس
ماقصّروحكَـ ارباج ويّـــــــــــاي
وتلطم عالخدود اتصيح عبــــــاس
يمّ البــــــــــاب كَعدن والعَزَه صار
وحده اتكَلــــــــــها ونّي وآنه أنعي
وجنّ الـــــزهره رجعت من الغياب
لطمت عالصدر واتصـــــيح ضلعي
لحسين ابجي وألطم وأصرخ بصوت
مَدْري اجري على العبــــاس دمعي
آنه أصل الحزن وآنـــه أمّ المصاب
وإنتي يلعقيله صــرتي فـــــــرعي
&&&&&&&&&
Forwarded from Big Bang🧨
بعازة ماي ( ام البنين ع )
~.~.~.~.~.~.
لخادم اهل البيت(ع)
حســام الناصري
ما تعطش يا كَلبي هواي ... إلا حسين بعازة ماي
ما تلزمني ,,, وما تلجمني إلا حسين بعازة ماي
* * *
يكَلبي شبيك من تعطش تِـوِن ويكثر ونينك
أدري ما تِـحِـن عالماي تِـحِـن لشوفة احسينك
كَلب أمّ البنين انته وكَضيت بخدمته اسنينك
وأدري وياه تـتـألـم نبض ما بينه وبينك
لاجن عطشان من الروح ... وتحس بنبضك مذبوح
بس ارحمني ,,, وما تلجمني إلا حسين بعازة ماي
* * *
ذبل حته الورد ويّاه ظامي ومنخطف لونه
وبِـجَـه حته الفَرَاش اعليه حزين وتجري عيونه
كلشي بي عطش مثله ومثلي يناشد شلونه
الروح اشتاكَت لروحه بحنين ولهفه مدفونه
مثلك كلشي ايْـحِـن وإشتاكَـ ... وما يتحمّل طول فراكَـ
فراكَه سَـمْـني ,,, وما تلجمني إلا حسين بعازة ماي
* * *
انا الودّيت إخو ويّاه راضع مرجله ونخوه
وأنا موصّيته ما يشرب وكَبل حسين يتروّه
أبد يا كَلبي ما تعطش ولا بالنار تـتـجوّه
إلا الكَـمـر غاب هناك وإلا انذبحت الخوّه
معقوله يعطش الاحساس ... وآنه مودْيَه ويــا عباس
وما يهظمني ,,, وما تلجمني إلا حسين بعازة ماي
* * *
اليعيش بـلـبّـة الوجدان صعبة فركَته صعبه
أحسّ انفاسه من تـثـكَـل وأحسّن لو عطش كَلبه
شَـكَـلّ لأم الحسن شـحجي وعزيز الروح بالغربه
شيله وجف دعاء يظل وهديه الفاتحة وقربه
صرت بحيره و هم وأحزان ... وهوّه المـبـعِـد عن الاوطان
جن يـتّـمني ,,, وما تلجمني إلا حسين بعازة ماي
* * *
عجيبه الماي يعطش ماي الفرات وجان مهر أمّه
عجيبه اللّي يروّي كَلوب يعطش والنهر يمّه
النَـقَـش بلساني حروفه اموت وألهج بإسمه
بعدها لجمة اغيابه وجايـبـلي بعد لجمه
لا تقنعني ظامي حسين وما تعمه من الشوف العين
بعينه يلمني ... وما تلجمني إلا حسين بعازة ماي
* * *
شما يـبـعِـد طبع بالماي يِـحِـن ويعود لجروفه
إخذ كل كَـطرة من عندي وروح لكربله وشوفه
كَـلّه ام البنين اعليك بكَت والروح ملهوفه
عليها إلـتـمّـت الاحزان مثل ظماك وسيوفه
إطلع مني و فـكّ اضلوع ... وإخذ شماكو بعيني دموع
وكَـلّـه ضمني ,,, وما تلجمني إلا حسين بعازة ماي
* *
~.~.~.~.~.~.
لخادم اهل البيت(ع)
حســام الناصري
ما تعطش يا كَلبي هواي ... إلا حسين بعازة ماي
ما تلزمني ,,, وما تلجمني إلا حسين بعازة ماي
* * *
يكَلبي شبيك من تعطش تِـوِن ويكثر ونينك
أدري ما تِـحِـن عالماي تِـحِـن لشوفة احسينك
كَلب أمّ البنين انته وكَضيت بخدمته اسنينك
وأدري وياه تـتـألـم نبض ما بينه وبينك
لاجن عطشان من الروح ... وتحس بنبضك مذبوح
بس ارحمني ,,, وما تلجمني إلا حسين بعازة ماي
* * *
ذبل حته الورد ويّاه ظامي ومنخطف لونه
وبِـجَـه حته الفَرَاش اعليه حزين وتجري عيونه
كلشي بي عطش مثله ومثلي يناشد شلونه
الروح اشتاكَت لروحه بحنين ولهفه مدفونه
مثلك كلشي ايْـحِـن وإشتاكَـ ... وما يتحمّل طول فراكَـ
فراكَه سَـمْـني ,,, وما تلجمني إلا حسين بعازة ماي
* * *
انا الودّيت إخو ويّاه راضع مرجله ونخوه
وأنا موصّيته ما يشرب وكَبل حسين يتروّه
أبد يا كَلبي ما تعطش ولا بالنار تـتـجوّه
إلا الكَـمـر غاب هناك وإلا انذبحت الخوّه
معقوله يعطش الاحساس ... وآنه مودْيَه ويــا عباس
وما يهظمني ,,, وما تلجمني إلا حسين بعازة ماي
* * *
اليعيش بـلـبّـة الوجدان صعبة فركَته صعبه
أحسّ انفاسه من تـثـكَـل وأحسّن لو عطش كَلبه
شَـكَـلّ لأم الحسن شـحجي وعزيز الروح بالغربه
شيله وجف دعاء يظل وهديه الفاتحة وقربه
صرت بحيره و هم وأحزان ... وهوّه المـبـعِـد عن الاوطان
جن يـتّـمني ,,, وما تلجمني إلا حسين بعازة ماي
* * *
عجيبه الماي يعطش ماي الفرات وجان مهر أمّه
عجيبه اللّي يروّي كَلوب يعطش والنهر يمّه
النَـقَـش بلساني حروفه اموت وألهج بإسمه
بعدها لجمة اغيابه وجايـبـلي بعد لجمه
لا تقنعني ظامي حسين وما تعمه من الشوف العين
بعينه يلمني ... وما تلجمني إلا حسين بعازة ماي
* * *
شما يـبـعِـد طبع بالماي يِـحِـن ويعود لجروفه
إخذ كل كَـطرة من عندي وروح لكربله وشوفه
كَـلّه ام البنين اعليك بكَت والروح ملهوفه
عليها إلـتـمّـت الاحزان مثل ظماك وسيوفه
إطلع مني و فـكّ اضلوع ... وإخذ شماكو بعيني دموع
وكَـلّـه ضمني ,,, وما تلجمني إلا حسين بعازة ماي
* *
Forwarded from Big Bang🧨
انشيل رايه ( نزلة للانصار)
~.~.~.~.~.
لخادم اهل البيت(ع)
حسام الناصري
انـشـيـل رايـه .. انـشـيـل رايـه .. انـشـيـل رايـه
عـالـمـنـــايـه .. عـالـمـنــايـه .. عـالـمـنــايــه
* * *
كل فــرد عازم خل يظل سالم
حسين ابو اليمّه وي كَمر هاشم
يللّه يـنـصاره جـرّدو الصارم
بالشهادة هنا هـالـنـصر حاسم
بـالـدمــايـه .. بـالـدمــايـه .. بـالـدمــايـه
عـالـمـنـــايـه .. عـالـمـنــايـه .. عـالـمـنــايــه
* * *
صــاح ابن ظاهر يـللّه يا عابس
جـرّد هـدومـك لـغـيـرتـك لابـس
طـلّـع جـنـونـك وإكَــصد بـواهـس
خـل يـشـوفـونـك مِـيِـت ألف فارس
عــالـولايــه .. عــالـولايــه .. عـالـولايــه
عـالـمـنـــايـه .. عـالـمـنــايـه .. عـالـمـنــايــه
* * *
يـلله يبْـن القين كَـوم إخـذ دورَك
وإنـزل بـهــوسه ونعرف بطورَك
بالـحـرب احنه نـاخـذ بـشــورَك
يا زمن كافي صيح من جــورَك
عـن درايــــه .. عـن درايــــه .. عـن درايــــه
عـالـمـنـــايـه .. عـالـمـنــايـه .. عـالـمـنــايــه
* * *
يـا بـريـر اهـنا يـا كَـلـب صافي
خبطت الحومة وسـيـفـك الـشـافي
هذا ابن حـيـدر دمـنه مـو كــافي
ولــو ألف مـوته والله مَـنْـوافـي
مـو كـفـايـه .. مـو كـفـايـه .. مـو كـفـايـه
عـالـمـنـــايـه .. عـالـمـنــايـه .. عـالـمـنــايــه
* * *
وصاحت الغيرة يا وهَـب يللّه
وبالسِـمَـه عيسى سـلّـم وصلّـه
جـون من تـبـرز هـيـبـتـك تِـعْـلَه
ودمّــك الأسـود لـكـربلـه كِـحْـلـه
صورة هايه .. صورة هايه .. صورة هايه
عـالـمـنـــايـه .. عـالـمـنــايـه .. عـالـمـنــايــه
* * *
حـسـيـن يـنـصاره ما إلـه نـاصر
بـيـن خـيـمـاتـه والحـرب حـايـر
ظــامي وصامد فـاكّـد وصابــر
الـناصره رابـح اليـخـذلــه خـاسـر
بـالنـهـــايـه .. بـالنـهــايـه .. بـالنـهــايـه
عـالـمـنـــايـه .. عـالـمـنــايـه .. عـالـمـنــايــه
* * ***
ونسألكم الدعاء
~.~.~.~.~.
لخادم اهل البيت(ع)
حسام الناصري
انـشـيـل رايـه .. انـشـيـل رايـه .. انـشـيـل رايـه
عـالـمـنـــايـه .. عـالـمـنــايـه .. عـالـمـنــايــه
* * *
كل فــرد عازم خل يظل سالم
حسين ابو اليمّه وي كَمر هاشم
يللّه يـنـصاره جـرّدو الصارم
بالشهادة هنا هـالـنـصر حاسم
بـالـدمــايـه .. بـالـدمــايـه .. بـالـدمــايـه
عـالـمـنـــايـه .. عـالـمـنــايـه .. عـالـمـنــايــه
* * *
صــاح ابن ظاهر يـللّه يا عابس
جـرّد هـدومـك لـغـيـرتـك لابـس
طـلّـع جـنـونـك وإكَــصد بـواهـس
خـل يـشـوفـونـك مِـيِـت ألف فارس
عــالـولايــه .. عــالـولايــه .. عـالـولايــه
عـالـمـنـــايـه .. عـالـمـنــايـه .. عـالـمـنــايــه
* * *
يـلله يبْـن القين كَـوم إخـذ دورَك
وإنـزل بـهــوسه ونعرف بطورَك
بالـحـرب احنه نـاخـذ بـشــورَك
يا زمن كافي صيح من جــورَك
عـن درايــــه .. عـن درايــــه .. عـن درايــــه
عـالـمـنـــايـه .. عـالـمـنــايـه .. عـالـمـنــايــه
* * *
يـا بـريـر اهـنا يـا كَـلـب صافي
خبطت الحومة وسـيـفـك الـشـافي
هذا ابن حـيـدر دمـنه مـو كــافي
ولــو ألف مـوته والله مَـنْـوافـي
مـو كـفـايـه .. مـو كـفـايـه .. مـو كـفـايـه
عـالـمـنـــايـه .. عـالـمـنــايـه .. عـالـمـنــايــه
* * *
وصاحت الغيرة يا وهَـب يللّه
وبالسِـمَـه عيسى سـلّـم وصلّـه
جـون من تـبـرز هـيـبـتـك تِـعْـلَه
ودمّــك الأسـود لـكـربلـه كِـحْـلـه
صورة هايه .. صورة هايه .. صورة هايه
عـالـمـنـــايـه .. عـالـمـنــايـه .. عـالـمـنــايــه
* * *
حـسـيـن يـنـصاره ما إلـه نـاصر
بـيـن خـيـمـاتـه والحـرب حـايـر
ظــامي وصامد فـاكّـد وصابــر
الـناصره رابـح اليـخـذلــه خـاسـر
بـالنـهـــايـه .. بـالنـهــايـه .. بـالنـهــايـه
عـالـمـنـــايـه .. عـالـمـنــايـه .. عـالـمـنــايــه
* * ***
ونسألكم الدعاء
Forwarded from Big Bang🧨
بوذيه/مسلم
ــــــــــــــــــ
نحسباك
زمان الشـوم من مَـرّك نَـحِـسْـبـاك .. ( من النحاسة والشؤم)
وحـيـد وما إلـك صاحب نِـحِـسْـباك .. ( احساسنا بك )
مـثـل عـبـاس يـا مـسـلـم نِـحْـسْـباك .. ( نحسبك كالعباس )
وفـيـت بـمـهـجـتـك لإبـن الـزجـيّــه
**** **** **** ****
قراباك
سـفـيـر و نـاظـر حـسـيـنـك قـرابـاك .. ( قر ناظره بك)
و غـريـب ومـا بـكَـه نـاصر قـرابـاك .. ( قريب منك)
الـشــــــافـك بالأجـل حَـتـماً قـرابـاك .. ( يقرأ بك )
وفـاء ومـرجـلـه وغـيـرة وحـمـــــــيّه
&&&&&&&&&&
ــــــــــــــــــ
نحسباك
زمان الشـوم من مَـرّك نَـحِـسْـبـاك .. ( من النحاسة والشؤم)
وحـيـد وما إلـك صاحب نِـحِـسْـباك .. ( احساسنا بك )
مـثـل عـبـاس يـا مـسـلـم نِـحْـسْـباك .. ( نحسبك كالعباس )
وفـيـت بـمـهـجـتـك لإبـن الـزجـيّــه
**** **** **** ****
قراباك
سـفـيـر و نـاظـر حـسـيـنـك قـرابـاك .. ( قر ناظره بك)
و غـريـب ومـا بـكَـه نـاصر قـرابـاك .. ( قريب منك)
الـشــــــافـك بالأجـل حَـتـماً قـرابـاك .. ( يقرأ بك )
وفـاء ومـرجـلـه وغـيـرة وحـمـــــــيّه
&&&&&&&&&&
Forwarded from Big Bang🧨
الى مسلم بن عقيل (ع)
ويلهاب
دلـيلـك بالظـمه يسـعـر ويلهاب ( يلتهب )
وســلام تودّي لحسينك ويلهاب ( وي الهاب الهوه )
غدر بيك النكر شخصك ويلهاب (حتى اليهابك )
وبكَيت وحيد يــــــا مسلم رميّـه
ــــــــــــــــــــــــــــــــــــــــــــــــ
وكَلباك
يبس منّ العطش جبدك وكَلباك ( قلبك )
ويسيل ويه الدمه حيلك وكَلباك ( قل بيك)
الرماك من القصر ويله وكَلباك ( طيّحك )
بجهنم ينرمي وخصمه الزجيّـه
ـــــــــــــــــــــــــــــــــــــــــــ
حميدة بنت مسلم
يــمسلم رايــــده أشكـيـلـك عله الحال ( حالي )
حِـرِت يــابــويه باصرني عله الحال ( الحل ؟ )
عله الهاظمني شرْدَ ادعي عله الحال ( الحائل والمانع )
بـيـنـي وبـيـنـك وأمـشي ســــبـــــيّـه
ـــــــــــــــــــــــــــــــــــــــ
لخادم اهل البيت(ع)
حسام الناصري
ويلهاب
دلـيلـك بالظـمه يسـعـر ويلهاب ( يلتهب )
وســلام تودّي لحسينك ويلهاب ( وي الهاب الهوه )
غدر بيك النكر شخصك ويلهاب (حتى اليهابك )
وبكَيت وحيد يــــــا مسلم رميّـه
ــــــــــــــــــــــــــــــــــــــــــــــــ
وكَلباك
يبس منّ العطش جبدك وكَلباك ( قلبك )
ويسيل ويه الدمه حيلك وكَلباك ( قل بيك)
الرماك من القصر ويله وكَلباك ( طيّحك )
بجهنم ينرمي وخصمه الزجيّـه
ـــــــــــــــــــــــــــــــــــــــــــ
حميدة بنت مسلم
يــمسلم رايــــده أشكـيـلـك عله الحال ( حالي )
حِـرِت يــابــويه باصرني عله الحال ( الحل ؟ )
عله الهاظمني شرْدَ ادعي عله الحال ( الحائل والمانع )
بـيـنـي وبـيـنـك وأمـشي ســــبـــــيّـه
ـــــــــــــــــــــــــــــــــــــــ
لخادم اهل البيت(ع)
حسام الناصري
Forwarded from Big Bang🧨
رملة والقاسم (ع)
~.~.~.~.~.~.~.
عرّاس
الطفوف اشكثُـر صبّـت ظيم عَــرّاس ( الراس )
لَـحَـد ما وصل منّي الصوت عَــرّاس ( الرس , الاصل )
يَـــجاسم منـهـو بالـمـيــــدان عَــرّاس (عرّس)
وصــــارت زَفّــته اسـهـــــــام المنيّه
* * ***
كَـصـيـرة اسـنـيـنه لاجن مـالَـحَـنّـه ( تمالحن وياه )
حَجي ونـظـرات خصمه مـالَـحَـنّـه ( لاحن )
لـيـش ولـيـدي جــــــاسم مـالَحَـنّـه ( ماله حِنّة)
و أهو عـرّيس يـــــــوم الغاضريّه
_----_----_----------_----_----_------
خادم اهل البيت حسام الناصري
~.~.~.~.~.~.~.
عرّاس
الطفوف اشكثُـر صبّـت ظيم عَــرّاس ( الراس )
لَـحَـد ما وصل منّي الصوت عَــرّاس ( الرس , الاصل )
يَـــجاسم منـهـو بالـمـيــــدان عَــرّاس (عرّس)
وصــــارت زَفّــته اسـهـــــــام المنيّه
* * ***
كَـصـيـرة اسـنـيـنه لاجن مـالَـحَـنّـه ( تمالحن وياه )
حَجي ونـظـرات خصمه مـالَـحَـنّـه ( لاحن )
لـيـش ولـيـدي جــــــاسم مـالَحَـنّـه ( ماله حِنّة)
و أهو عـرّيس يـــــــوم الغاضريّه
_----_----_----------_----_----_------
خادم اهل البيت حسام الناصري
Forwarded from Big Bang🧨
رملة والقاسم (ع)
~.~.~.~.~.~.~.
عرّاس
الطفوف اشكثُـر صبّـت ظيم عَــرّاس ( الراس )
لَـحَـد ما وصل منّي الصوت عَــرّاس ( الرس , الاصل )
يَـــجاسم منـهـو بالـمـيــــدان عَــرّاس (عرّس)
وصــــارت زَفّــته اسـهـــــــام المنيّه
* * ***
كَـصـيـرة اسـنـيـنه لاجن مـالَـحَـنّـه ( تمالحن وياه )
حَجي ونـظـرات خصمه مـالَـحَـنّـه ( لاحن )
لـيـش ولـيـدي جــــــاسم مـالَحَـنّـه ( ماله حِنّة)
و أهو عـرّيس يـــــــوم الغاضريّه
_----_----_----------_----_----_------
خادم اهل البيت حسام الناصري
~.~.~.~.~.~.~.
عرّاس
الطفوف اشكثُـر صبّـت ظيم عَــرّاس ( الراس )
لَـحَـد ما وصل منّي الصوت عَــرّاس ( الرس , الاصل )
يَـــجاسم منـهـو بالـمـيــــدان عَــرّاس (عرّس)
وصــــارت زَفّــته اسـهـــــــام المنيّه
* * ***
كَـصـيـرة اسـنـيـنه لاجن مـالَـحَـنّـه ( تمالحن وياه )
حَجي ونـظـرات خصمه مـالَـحَـنّـه ( لاحن )
لـيـش ولـيـدي جــــــاسم مـالَحَـنّـه ( ماله حِنّة)
و أهو عـرّيس يـــــــوم الغاضريّه
_----_----_----------_----_----_------
خادم اهل البيت حسام الناصري
Forwarded from Big Bang🧨
وعـد عـبـاس وعـده مـــــا يخونه ( خيانة)
وگصد يسگي العطاشه ماي خونه
بــطـه ومن الشريعه مـــايه خونه ( ما اجه)
وإجـه صـوته العـذر يالهــــاشميه
***********************
إخــوي وحــامل الرايــه تركفاه ( كفو)
وشـال المــــاي بس ذبه تركفاه. ( ترك فمه)
اليگصد للــــنـهـر يـلـگـه تركفاه ( كفين)
انگطعن وانگطع بإخته وأخيـه
**********************
وگصد يسگي العطاشه ماي خونه
بــطـه ومن الشريعه مـــايه خونه ( ما اجه)
وإجـه صـوته العـذر يالهــــاشميه
***********************
إخــوي وحــامل الرايــه تركفاه ( كفو)
وشـال المــــاي بس ذبه تركفاه. ( ترك فمه)
اليگصد للــــنـهـر يـلـگـه تركفاه ( كفين)
انگطعن وانگطع بإخته وأخيـه
**********************