قصائد منبرية مكتوبة 2k 2374

ها يزينب
~.~.~.~.~.~.
لخادم أهل البيت (ع)
حســام الناصري
هـــا يـزينب دنيه لـيـل اشـجـابـج
وأشـم نــار خـيــام شـــو بـثـيـابـج
وهـذا بـذيـالج حرِكَـ ... ليش صوتج مخـتـنِكَـ
دنيه ليل اشجابج
* * *
ما تشوف عيوني يختي وما دريتج
والله جان جروح كَمْت وتلكَـّـيتج
شاورتني الكَاع من عرفت مشيتج
وآنه ما أبجي دمع من دم بجيتج
اتكَـلّي زينب هاي اجت يالكافِل ما تِـحِـس الكون بالطف مـايِل
وآنه أكَلها إي صِدِكَـ ... ليش صوتج مخـتـنِكَـ
دنيه ليل اشجابج
* * *
سهْـم البـعيني من اجـيـتـيـني علمني
وبـكثُر ما مـستحي مـنّج لـجـمـني
إتـفرّس بعيني بعد وأكثر هظمني
الله لايـنـطـيه من شـوفج حــرمني
انتي يمّي وما تشوف عيوني وجنْـت أمدْلج لو اجيتي جفوني
وشمعه لجلج أعتلِـكَـ ... ليش صوتج مخـتـنِكَـ
* * *
يختي شو أحجي ولا أسمع حجيتي
خاف شفتي اعله النهر حالي وبجيتي
بالله جـفـيّـن بطريـقـج هَـمْ لـكَـيـتي
و هَـمْ عثرتي بجود طايح من إجيتي
يختي هم شفتي بعد بي مايه وهَمْ لكَيتي بكتره تبجي الرايه
وتلطم الراس وتِدِكَـ ... ليش صوتج مخـتـنِكَـ
* * *
اشصار بحسين وإجيتي الدنيه ظلمه
اشكَال من كَلـتيله راح أتعنّه يمّه
شو أحس النحبة هاذي بيها هظمه
وهذا حركَـ خيام من ثوبج أشمّه
لا تكَولي الشمر حز له وريده يختي والسوط من إجاجن بيده
وخافن متونج زِرِكَـ ... ليش صوتج مخـتـنِكَـ
* * *
يختي عبد الله رِوَه وسجّن ونينه
لو ذِبَـح نحره السهم غمّـضله عينه
اسكينه همْ عتبت تكَـلّج عمّي وينه
الليل اجانه والضوه اتأخّر علينه
بلا خِـيَم جاوين يختي نامن كَعدن اعله رمادهن لو كَامن
غَـرُب راحن لو شَرِكَـ ... ليش صوتج مخـتـنِكَـ
* * *
كون ما ترحين من يمّي وأعوفج
وإنتي كل همّج رُقـيّه اعليها خوفج
ظنها نامت لا تـفـزّ وما تـشـوفج
والكَلب ينبض عطش بأربع حروفج

خاف أكَلّج يختي ظلّي هنانه اثـنـيـنّه بهالـلّيـل ما تـلكَانه
صعبه عنها نـفـتِـرِكَـ ... ليش صوتج مخـتـنِكَـ
دنيه ليل اشجابج
* * ***
ونسألكم الدعاء
ط

639 viewsحسين العميدي, 10:59