‏مقطع صوتي من سيد علي الموسوي

يالگضيت اسنين..بين دمعه ودمه
مره يم حسين..مره يم فاطمه
كسر گلبك ينجبر من ياألم
حرگ باب الدار لو نار الخيم
يابو صالح..يابوصالح

العمره گاضيه ابمصايب.اشتلگه گلبه امن النوايب
يوسف الزهره الجروحه..تنحني السبعه العجائب
همه متحمله الرواسي..واحنه فوگ الهم نعاتب
اويانه حتى الدنيه صاحت..راسي شيب وانت غايب
ياصبر ينقاس..ويه صبرك بعد
ياعزم عباس..صحنه يمته الوعد
بيمن انواسيك ياراعي الشيم
حرگ باب الدار لو نار الخيم
يابوصالح..يابوصالح

مافهم شي من غيابك..الگلبه ماحس ابمصابك
من كسر ضلع الزچيه..ماتهنيت ابشبابك
امنين ياجبر الخواطر..تبتدي رحلة عذابك
عن گبر أمك نسألك..خاف تتأذه ابغيابك
هنه كثره البيك..هالمحن يالولي
ياجرح ياذيك..فاطمه لو علي
حيلك اليافاجعه ونوح انهدم
حرگ باب الدار لو نار الخيم
يابوصالح..يابوصالح

منهظم يبن الزچيه..مانعوفك بالرزيه
للحزن ننذر عمرنه..وننصب اوياك العزيه
مره تسعر نار بينه..لليالي الفاطميه
ومره يالمهدي گلبنه..يحترگ للغاظريه
بالحزن وياك..كل عمرنه نذر
للمحب فرگاك..صار مثل الجمر
واسأل الخلص حياته وعمره هم
حرگ باب الدار لو نار الخيم
يابوصالح..يابوصالح

لوعمرنه انخلصه ننحب.والگلب نيرانه تلهب
يابو صالح ماتعادل..ونه من ونات زينب
الله كان ابعون عمتك.ياگلبهه اشگد تعذب
عاشت ابحسرة حبايب.وماتت ابلوعتهه تنحب
تلطم اعله العين..والمدامع تهل
مره آ يحسين..مره ياابا الفضل
حيره محتاره إخت راعي العلم
حرگ باب الدار لو نار الخيم
يابوصالح..يابوصالح

ننتظر جيتك علينه..يابوصالح من تجينه
يالثارات الاطايب..من تطالب ياولينه
يا أمل حين النشوفك..كل مصاب ايهون بينه
صحنه أللهم عجل..بالفرج واشگد دعينه
ندعي ليل انهار..ياحبيب الحسن
عجل وبالثار..إحرگ اهل الفتن
چم محب من غيبتك گلبه انجسم
حرگ باب الدار لو نار الخيم
يابوصالح..يابوصالح

سيد علي الموسوي

‏مقطع صوتي من سيد علي الموسوي

ياروح العاشت هجرانچ ضليت ابلا روح
من اشتاگ اتعنه الگبرچ بالدمعه وبالنوح
واقرالچ قرآن...يم بيت الاحزان
بالدمعه وبالنوح

خلص بالفرگه دمعي وما خلص ليلي
أحن والليل كلشي ما يخلِّيلي
أخذتي الحيل كله يابعد حيلي
أصبر عالحزن يافاطمه ادعيلي
يامضلومه ادعيلي ابجاهچ يم جسم المنحول
فگدچ لا يوم ولا ليله فگدچ راح ايطول
يخلص عمري اشجان...يم بيت الاحزان
بالدمعه وبالنوح

أجيچ وگلبي يوصَلِّچ گبل جدمي
واردّ امشي اعله كيفي من ثگل هَمِّي
أطب للدار وحشه وانتي مو يَمِّي
مو انتي المشيتي چن مشت أمي
ليلي وجرحي اعليه اتگاون يالزهره اتأذيت
أقره المقتل ويصب دمعي ابعتبة باب البيت
ابگلبي اتشب نيران...يم بيت الأحزان
بالدمعه وبالنوح

أسمع من حِجِرتِچ صوت مال اونين
أسرِع والگه زينب والحسن وحسين
أحظنهم ثلاثتهم يماي العين
وكل احنه نون ابچلمة الياوين
ياحيلي وعافيتي افراگچ والله ايهد الحيل
ياصبحيت الدنيه وبعدچ صارت دنيه الليل
واكتبت العنوان...يم بيت الأحزان
بالدمعه وبالنوح

يالرحتي امن اديَّه وروحتچ صعبه
عَلَيّ جيش الحزن والنوح شَن حَربه
تره اليدفن عزيزه چَن دِفَن گلبه
وتجرحه الذكريات العايش الغربه
عشت الغربه ابكل ايامي ومجروح ابفرگاچ
يازهرة عمري وأحلامي ماتت كلهه اوياچ
ضل جسمي النحلان...يم بيت الأحزان
بالدمعه وبالنوح

أهل لمصيبتچ عَبرَه ابأثر عَبرَه
واتحسر عليچ اشما بقت حسره
وداعاً في (أمانِ الله) يالزهره
ودعائي ابدَمعِتِي عالفرهد العِشرَه
أدعي اعله الناس الظلمونه وخلِّيت اسم الله
حرمونه وذبحو فرحتنه الميخافون الله
عَيْشُونه الحرمان....يم بيت الأحزان
بالدمعه وبالنوح

سيد علي الموسوي

بمناسبة حلول عيد الفطر السعيد ...

كل عام وانتم جميعا بألف خير تقبل الله منا ومنكم صالح الأعمال و نسأل الله أن يثبتنا جميعا على طاعته ورضاه، أسأل الله أن يـسعدكم و يرزقكم من كل خير و يحفظكم من كل سوء ومكروه ، إعاده الله علينا وعليكم باليمن والخير ، وإن تنالوا نظرة من عند سيدي ومولاي صاحب العصر والزمان عجل الله فرجه الشريف...♥️

أخوكم حسين العميدي

هذا محرم يل تحب بين علينه هلاله
الطم بحركه إعله الصدر ودموعك الهماله
======================
بَين يعالم بالسمه هلال المصايب والنوح
بِين جرح من الطم يستاهل الضل مذبوح
والمايحبك سيدي يعيش بحياته مجروح
واليخدم بهذا الشهر ميت الف هنياله
======================
واذرف دمع مو للأجر مولاك صدك مظلوم
كل ليله الطم وانتحب مانصحك تضيع يوم
مالك علاقه بكل حجي والي يلومك خيلوم
مولاك قدملك نفس ولا ماتعد افضاله
======================
من تلطم انت إعله الصدر خل ايدك تدك بحيل
مولاك طايح عل رمل وعليه بقت تركض خيل
واليل لتنامه ابد والي يحب يسهر ليل
من تسهر بالك تجي من هجمو الخياله
=======================
خلونه نجزع ياخلك عادي الجزع لهل البيت
جن عابس بحب السبط يامحله كون نجنيت
رايد اموت بخدمتي وكلها تصيح ياريت
والموته بالمجلس فخر بلكي انعد من ارجاله
=======================
هذا الشهر بس للحزن والماقبل شنهي يصير
خيزيد حبك للطم ولا تنسه حب التطبير
نافس بلطمك والبجي ولايبقى حبك للغير
بيوم القيامة الي لطم والخير بس يجراله
=====================
خادمكم باقر رشيد

بين اهلال الحزن هل ليله
والدمع ياناس خل نسيله
________________
هاي اول ليله من شهر المصاب
واجب عله الراس خ نهيل التراب
حسين جاي ومستعد ليهة العذاب
والفرح ياانس خل نشيله
_________________
واجب عله اليحب خل يلبس سواد
والكره الارضيه الارضيه خل تعلن حداد
هذا شهر حسين واصحابه المجاد
فدوه كلنه نروح اله وللعيله
_________________
لمايهل دمعه عله ابو الاكبر شجاه
وهوه كل مايوكع بشده نخاه
كبل ابوه حسين بالشده لكاه
مايقصر لا وحك الشيله
___________________
ابجي فص عينك اذا مامش دمع
حسين مو ياهو الجان من الربع
والطم عليه واكسر بجسمك ضلع
وامشي محني وخل تبين الميله
___________________
لون واحد يمنعك من العزاء
لاتوافق هذا سيد الشهداء
حسين من طاح ونسف منه دماء
لجلك الحره عله ضهر هزيله
__________________
خادمكم باقر رشيد الشغانبي

ضيف وجاج مارحبتي بالضيف
يوسفه عليج رحب عنج السيف
ضيف ومثل الحسين
بيت تصيرله العين
يوسفه عليج بحب عنج السيف
____
ابن حيدر علي هليله خطار
لازم يستريح وامأمن بدار
بس كلشي ختلف والصار ماصار
لا راحه وامان وحاطته النار
جانت كربله ماتسوه تنباس
هسه نبوسها ونحطها ع الراس
وليها نروح ماشين
بيت تصيرله العين
يوسفه عليج رحب عنج السيف
_____
اياكربله وشكاعد يصير
ابن الزهره ضيفج وسفه ويحير
وكفتي ويه الخيول الكامت تدير
عله خيام الحسين وهنه كل خير
هذا الصار مامحسوبله حساب
الي يحضنه الرسول تحضنه التراب
وحضرتج بس تنضرين
بيت تصيرله العين
يوسفه عليج رحب عنج السيف
________
واجب تستعد كل كاع البلاد
من تسمع خبر جيه هل امجاد
واذا عارض بشر ختعاند عناد
مو توكف وياه بسيفها الحاد
تضحي الدنيه كلها لخاطر حسين
لان هوه الاصل مو فرع بالدين
بس الصار مزين
بيت تصيرله العين
يوسفه عليج رحب عنج السيف
_________
شلون انطاج كلبج انتي والماي
والشمس التي ماسوت فياي
وي الكفر صرتن واحد الراي
تدورن عله حسين وموش بهداي
ياهضمه عله زينب دارت خيول
وخوها حسين فوك الكاع مجتول
ومحتاره النساوين
بيت تصيرله العين
يوسفه عليج رحب عنج السيف
_____________
كل هذا الطلع منج حرامات
غدر منج منو الكايل سلامات
حسين يطيح وتحضنه السماوات
ولا رملج الحار يحضنه ويبات
ماحركتي ساكن من اجت نوك
وتفرجتي مثل تفرج السوك
لزينب مامش معين
بيت تصيرله العين
يوسفه عليج رحب عنج السيف
_____________
خادمكم باقر رشيد الشغانبي

شقدمت احس ماقدمت
لو بيدي اموتن جا متت
يستاهل حسين
اربع بنين بكربله
يرحون لجل العايله
يستاهل حسين
_________________

قدمت اربع بنيني واجب ومو مستحب
عادي نتعب كلنه بس حسين ميمره التعب
يمه كلها تطيع واجب زغير وجبير ورتب
الماي خل نعفه كلنه حسين منه ماشرب
هذا النهر ماضل نهر
من البشر لنه نهجر
خنوفي هل دين
اربع بنين بكربله
يرحون لجل العايله
يستاهل حسين

_________________

كون وي حسين انه واجب عليه الجهاد
اله اطلع بيدي سيف ولابسه هدوم السواد
لان حزنانه عل فاطم وعالنه عليها الحداد
بصوت اصيح حسين فدوه تروحله كل العباد
نار العشك ماتنطفى
لبني وحبيب المصطفى
خل يحضر البين
اربع بنين بكربله
يرحون لجل العايله
يستاهل حسين
_________________

اربعه وكلش قليل وكونه اقدمله النفس
هذا ابن طه الامين واسمه ياوادم قَدس
الدنيه منكلبت شجاها بيوم الحسين نرفس
صدره بيه بوسه محمد صار بيه حافر فرس
صدره نطبك وي الضهر
من جفه خنصرها نبتر
تبجي النساوين
اربع بنين بكربله
يرحون لجل العايله
يستاهل حسين

_________________

حيره ياوادم تراها شلون اوفي بديني
والحسين انطاني عمره وكلشي هم يطيني
شلون اوفي الطم اطبر اصرخ ايه حسيني
لو اشك زيجي عله طوله لو اوذر عيني
ماوفي ياوادم تره
مناه ليوم الاخيره
بالدرب ماشين
اربع بنين بكربله
يرحون لجل العايله
يستاهل حسين

__________________

راح اضل عمر عله بابك اعتذر يبن البتول
لان موش بصفك انه وتسحك عليه الخيول
ولا مع النسوان اهيم ولا اون ون الثكول
اخر حجايه بلساني يعجز الساني شيكول
اعتذر منك ياشهم
من قدمت اربع زلم
ماضن كافين
اربع بنين بكربله
يرحون لجل العايله
يستاهل حسين

_____________________
خامكم باقر رشيد الشغانبي

ثارو ع الضلم من ثار ابو الاكبر
الجيش برمته منعدهم تحير
____________
ثارو والكفر بالشرده متحيرين
واحد كل للاخر مانضل عدلين
نركض نبقه لحضه وداعتك ميتين
لو مشلول بيهم ع الركض يكدر
______________
واحدهم كلف شد عزمه بالعباس
بهمتهم ابد لا مايصح مقياس
اليفكر يهد شالاها من الراس
والواكف جمد والوجه صار اصفر
_____________
صح سبعين بس همتهم بالاف
من تراب الخيول الجيش ماينشاف
فتكو جيش اميه وابد ماينراف
صارت كربله جن ساعه المحشر
_____________
من كد القتل صاير بحر للدم
واخو خيته لتكرب يم المخيم
اليشرد منهم يسبكله المطهم
فوكاه راكبه وياحيره اذا سمهر
_____________
جن ريح وعليهم هبو الانصار
يستر الله لو صاحو علي الكرار
من اسمك ياعلي جم راس منهم طار
والماطار راسه بلحضته يطبر
______________
لو هيج الزلم لو فشله يتسمون
زلم مشهوره الهم ابد ميخونون
كلهم طاحو لخاطر عيون ام عون
ليزغر لجل امامه والعرش يكبر
____________
خادمكم باقر رشيد الشغانبي

عجز عزرائيل من كد ماحسب
وابو فاضل بعده يكتل ماتعب
@@@@@@@@@@@@
عجز ملك الموت من كد الحساب
بس ابن حيدر يكطع بل ركاب
الجيش حسباله برز داحي الباب
وهوه هذا الكافل بساعة غضب
@@@@@@@@@@@@
محد يصد يمه في ارض النزال
كال ماريدن نسه رايد رجال
والي مايكدر فلا يدخل قتال
هاي عركه وبيها بس كطع الركب
@@@@@@@@@@@@
والي يكرب خلي يحسبها عدل
الكافل الي يصد يمه ينكتل
راسه عن الجسد لحضه وينفصل
هذا ابنك ياعرلي يموت غصب
@@@@@@@@@@@
شلون بيها الجيش مائلها مفر
الكافل بوسط الحرب صار القدر
ظل يصول وخلفه مهدي المنتظر
ياخذ دروس ابو صالح بل حرب
@@@@@@@@@@@@
صوله العباس صوله زلمه حوك
يصوب العسكر بسيفه وضل يروك
هاي تربيه علي وتربيه اخوك
ولد حيدر ترهب وماتنرهب
@@@@@@@@@@@@
#خادمكم_باقر_الشغانبي

كلها احتارت وراس اليطك بل راس
من شافو عليهم مجبل العباس
#############
اجبل بيده سيفه وصاح ياحيدر
انه العباس والله بكيفي واتبختر
خلي اليكرب الخيمتنه يتحدر
انه الحارس عليها واكطع الانفاس
#############
يازلمه الوكف كدامه مايحتار
دخل للخومه بس بهيئة الكرار
يحجي بقول ابوه وبيده ذو الفقار
سيفه يلوج ضل بروس هاي الناس
################
كلها اتطايرت من شافت خياله
عباس الشهم منهو الي يدناله
حلف بل حره اخلي الكاع زلزاله
وكل واحد يصد كباله ضل ينداس
###############
ماخاف ولا فكر يجيه الخوف
مثل الصوت مر وماتهمه سيوف
كال اليوم اموتكم وانه اسمي احتوف
وانه الكافل وسموني ابو النوماس
###############
صفاها الكمر وارتاحت الحره
ترك بكلوبهم خوفه وبجي وحسره
وماضل نسل الهم حته لو كطره
عباس الكلف بلغيره ماينقاس
################
#خادمكم_باقر_الشغانبي

هذا النهر كله كبالك وشيله
يابو الفضل بس خل نرد للعيله
__________________
صاحو جيش اميه للكمر عباس
اخذ الماي بس لا تكطعلنه الراس
نترجاك بس خل نأخذ الانفاس
ودمع العين كلنه كبالك نهيله
___________________
بيمن نقسم عليك وتخلينه
نحلفك بلعقيله ودمعه سكينه
نبجي تعوفنه وانضر بواجينه
غلطه نواجهك يمعدل الميله
__________________
رد الكمر لا وصاح ياحيدر
انه ابن الذي فاتح حصن خيبر
طب عليهم وجن ساعه المحشر
قائدهم بقه يدور عبي وشيله
___________________
لا متساوم انه وزينب الحره
لخلي الروس من اجسادكم تبره
لكلبها كلاب وفاطمه الزهره
جيش الكفر يخلص قبل هل ليله
__________________
خل الكل توصي مابقه هوايه
بس تطلبني زينب اكصد المايه
والكدامي يعرض هذا مو رايه
وانه بصوت اصيح الوكف ياويله
________________
خادمكم باقر رشيد الشغانبي

محضرتلك ثياب وحنه وبخور
وماترهم ابدله بجفن وبكافور
يايمه ضل هل ليله
ودمع الفرح خنهيله
وماترهم ابدله بجفن وبكافور
________
يمه حضرت الصواني وكل ثيابك والمه
من كبل ايام يمه كل عمامك عازمه
وكل نساء الديره اجني ساعه تحضر فاطمه
وافتخر انه بوحيدي من الفرح مانايمه
وكل الي نعزهم حضرو اليوم
وادعي الله بصلاتي الجَمعه ختدوم
والزاد ساعه نشيله
دمع الفرح خنهيله
وماترهم ابدله بجفن وبكافور
_________________
يمه لاكتلك البسه تروح لو غطاها دم
لو شفتها انه عله طولك ناكعه يموتني هم
حن عليه وابقه يمي وخل اشمك يمه شم
لو رحت عني ييمه راح اموت من الندم
ساعه نزفك عله سكينه فرحان
مو حلوه اشوفك يبني عطشان
عرسك صعب تأجيله
دمع الفرح خنهيله
وماترهم ابدله بجفن وبكافور
________________
هيه ساعه وكلشي يخلص اخ شيخلصه الوكت
انتضر زفتك ياابني واحمد الله مامتت
حلوه بزرك حولي داير وافرح انه وهلهلت
يمه شكرا راح اكلك لان حبوبه صرت
ياريت الحلم مو حلم واقع
وحُب اولادك ومن الكلب نابع
واليحتر نهفيله
دمع الفرح خنهيله
وماترهم ابدله بجفن وبكافور
_________________
يمه جهزنه العروس وانتضر منك حضور
ولمت كلشي تريده ومن تجي اشعل بخور
والفرح عايفها كلها بغرفتك كاعد يدور
سكينه هاي اليله صامت بيدك اخذلها الفطور
بنت حسين اريدك حطها بلعين
وتحبها مثل ماتحب الحسين
ابوها معدل الميله
ودمع الفرح خنهيله
وماترهم ابدله بجفن وبكافور
_________________
يمه ياطولي وعباتي ماخذت منك جواب
جنك عله الحرب ناوي حالك وحال الشباب
اي ييمه زحمه افرح وكل ربعنه عله التراب
انه رايح للحقيقه ومااباوع للسراب
خليني اودعج يمه يلروح
ساعه وبيد عمي وانه مذبوح
وعمي من يتجيله
ودمع الفرح خنهيله
وماترهم ابدله بجفن وبكافور
________________

خادمكم باقر رشيد الشغانبي

ياحرامات راحت مني جنه
زفت الموت راح انزف ابنه
لون الورد فدوه يروح اللونك
يغيب الكمر لو شاف سحر عيونك
زفت الموت راح انزف ابنه
##############################
يايمه كصدتني المحن صرت انه مدري بيا زمن بغيابك
حالي مثل حال المهد من يبقه خالي بلا ولد بمصابك
ساعه ويكف عرك النبض حضني تبديه عل ارض بحسابك
كل لحضه انه اشتاك الك رد انته يل تسوه الفلك لحبابك
والنضر راح يمه ما بقالي
وجسمي نحلان بين جن خيالي
ارجع الي ضعت انه يمه بدونك
يغيب الكمر لو شاف سحر عيونك
زفت الموت راح انزف ابنه
##############################
يوليدي صدك من رحت يمكن الف موته متت مو وحده
اندب يسبع الكنطره بل كومه مكدر حايره وبل كعده
من بعدك يهزني الهوه لو شفتك يردلي الكوه يلورده
من اشم عطرك انه احس شمحلاته يدخلني النفس وآنه اهده
جسمك شلون داست فوكه الخيول
زاد المصاب راسك شفته مفصول
ضهري انكسر من العسكر الي جونك
يغيب الكمر لو شاف سحر عيونك
زفت الموت راح انزف ابنه
##############################
صفيها نيتك يمه رد واتلكه وجهك بل ورد والحنه
انه امك وحن الكلب خلصني من دمعي اليصب والونه
ربك وضعلي منزله خلاني جنة عايله اي جنه
جا عايف الجنه شعجب تحاجيني وتكلي السبب اتمنه
رايح هناك شنهي بالك تشوف
تنضر املاك لوجعفر بلا جفوف
وتنقل خبر للكافل يهنونك
يغيب الكمر لو شاف سحر عيونك
زفت الموت راح انزف ابنه
##############################
يمه شكثر كلبي نعصر بين على خدي نهر من الدمعه
بكل مغربيه انه الم عواد البخور وبيها اشم والشمعه
لمن اوجن شمعتك وبصفها احطن صورتك بكل جمعه
وبدي بصلاتي الواجبه وارفع اديه وطالبه بكل ركعه
ياالاهي الهمني الصبر زين
اصبر شلون فكد ابني والحسين
يبني وعلي ودي اعرف انته شلونك
يغيب الكمر لو شاف سحر عيونك
زفت الموت راح انزف ابنه
##############################
يبن الحسن ردتك ذخر بس هسه داساك المهر وي عمك
اه يبني ياكل العشك هسه المهر يسحك سحك ابجسمك
الطبره يمه من شفت عل خيل جم ركضه اركضت لتلجمك
ومصابك يبجي السمه سابح تشوفك فاطمه من دمك
ارفع الراس بيك وليدي جسام
روحك فديت من اجل البل خيام
لحضه وملائكه الله يمه يجونك
يغيب الكمر لو شاف سحر عيونك
زفت الموت راح انزف ابنه
##############################
رحت وتركت امك تون وعليها يفتر الحزن وي عمتك
وليله ورباب تكفلن يستر كل بنيه بضعن
لا تهتك
ورقيه راحت للبو وتكله طكاني العدو مو بتك
وسكينه راحت للكمر من ادموعها تغسل النحر ياريتك
يابو فاضل اسمع زينب تصيح
راحت احذاه بس تكوم وتطيح
بهذا الوكت تمنيت منك عونك
يغيب الكمر لو شاف سحر عيونك
زفت الموت راح انزف ابنه
##############################
#خادمكم_باقر_الشغانبي

ياليله الله يعينج بهل اليله
وبنج يطيح منين مااشيله
_______________
ياليله ابنجج حالته بياحاله
سحكت عليه الخيل والخياله
وعن الشمس ياهو الذي فياله
ياليله هاي اليله انتِ عليله
_________________
ابنج حلو كلش يليله مرتب
بس هسه متغير وثوبه مسلب
ومن الكلاب ابنج يليله مترب
وي النسه كومي يليله انعيله
________________
جم سهم نابت بيه ماينعدن
وذاك الوجه ياهضمه شفته مطين
كل المصايب ليش يمي التمن
شفته انه هيج بضهري صارت ميله
________________
للخيمه اجيبه شلون محتار بهاي
كل ماشيله يطيع عبالك ماي
يمه كعدت وكمت ازيد مبجاي
واهمسله ابيك ياهو الي تجيله
________________
يوليدي يل تشبه ابوك وجدك
رايد اسئلك عن نقص من جسمك
يوليدي كلي وين رايح جلدك
بس لا بقه مجلب برجل الخيله
________________
يوليدي كوم يباوعون العدوان
ماي بجربتي وانت جنك عطشان
كوم الخيام احسلك امن التربان
تراب الارض ع الراس راح انهيله
_________________

خادمكم باقر رشيد الشغانبي

خل اودعج قبل لتودعيني
بوجهي لا تبجين وتبجيني
____
يختي زينب خل اودعج قبل ليطر الصبح
بست راسج بوسي راسي قبل ليبوسه الرمح
يختي مو هين اعوفج لجن صاحاني الذبح
هذا طولي وبعد ماتلكيني
بوجهي لا تبجين لتبجيني
====================
ينتي يا امي وابوي وانتي اخوي وكل اهل
ارد اوصيج بوصيه راسي لو شفتيه حَمل
لا يهزج حجي الشامت اوكفي شلون الجبل
انه طحت وحته اوكف ديني
بوجهي لا تبجين لتبجيني
=======================
يختي باجر اخ باجر وانه وحدي بلا معين
لو شخص ضاكت عليه ويبقه يصرخ ياحسين
وانه اندبن يخيتي وكل صحابي مجتلين
ماكو غير الله يخيتي يعيني
بوجهي لا تبجين لتبجيني
======================
يالعقيه وهاي صعبه لو طحت من المهر
وعله خيامج نار وجت دايره عليج الكفر
وانه احاول انهض وكل مااحاول ارجع وانهطر
الموقف الماردت اشوفه بعيني
بوجهي لا تبجين لتبجيني
======================
يختي اوصيج بعيالي لو يجلجل هلضلام
وانتم عله الكاع كعده ومابقت ليكم خيام
خويه ماقاصد ائلمج من اكلج هل كلام
من الصبح زينب تره مسلبيني
بوجهي لا تبجين لتبجيني
=====================

خادمكم باقر رشيد الشغانبي

اتشرف بكل خدمه الحسين