🔥
ﻭﺣﻔﻨﺔ ﺗﻘﺒﻘﺐ ﻓﻲ ﺧﻠﻖ ﺍﻟﻠﻪ
ﺃﻧﺎ ﻣﺘﻔﺎﺋﻞ ﺑﻴﻚ ﻭﻋﺎﺭﻑ
ﺇﻧﻚ ﻳﻮﻣﺎً ﻣﺎ ﺑﺘﺘﺨﻠﻰ
ﺗﺒﻘﻰ ﺣﺪﻳﺚ ﺍﻟﻌﺎﻟﻢ ﻛﻠﻮ
ﺇﺫﺍﻋﺔ .. ﺇﺫﺍﻋﺔ .… ﺟﺮﻳﺪﺓ ..ﺟﺮﻳﺪﺓ
ﻣﺠﻠﺔ .. ﻣﺠﻠﺔ
ﻳﻤﻼ ﺍﻟﺸﺎﺷﺔ ﺛﺒﺎﺗﻚ
ﻭﺿﻮ ﻋﺎﻓﻴﺘﻚ
ﻭﻋﻠﻤﻚ ﻭﻗﻠﻤﻚ ﻭﺟﻼﺑﻴﺘﻚ
ﻭﻗﺪﻟﺔ ﻭﻟﺪﻙ ﻭﺟﺪﻟﺔ ﺑﺘﻚ
ﻭﻧﻴﻼً ﻗﻠﺪﻙ ﺟﻨﺐ ﻃﺎﺑﻴﺘﻚ
ﻣﺎ ﻣﻦ ﺑﻴﺘﻚ ﻳﺎ ﺍﻟﺤﺒﻴﺘﻚ
ﻛﻞ ﻣﻦ ﻇﻠﻤﻚ ﻭﻻ ﺗﺮﺑﻴﺘﻚ
ﻗﺪﺭﺗﻚ ﺇﻧﺖ ﻭﺇﻣﻜﺎﻧﻴﺘﻚ
ﺷﺎﻣﺦ ﺗﺒﻨﻲ ﺩﻳﻤﻘﺮﺍﻃﻴﺘﻚ
ﻭﻋﺰﺓ ﺑﻠﺪﻙ ﻭﺭﻓﻌﺔ ﺷﺎﻧﻚ
ﻳﺎ ﻣﺘﻌﺪﺩ ﻭﻭﺍﺣﺪ ﺍﺑﺪﺍً
ﺗﺤﻴﺎ ﺍﻟﻌﺸﺮﺓ ﺍﻟﺒﻴﻦ ﺃﺩﻳﺎﻧﻚ
ﻭﺳﻠﻢ ﺣﻘﻴﻘﻲ ﻳﺰﻳﺪﻙ ﻋﺪﺩﺍ
ﻭﻳﺒﻘﻰ ﻋﻨﺎﻥ ﺍﻟﺴﻤﺎ ﻋﻨﻮﺍﻧﻚ

ولا مات الرفاق و قد حيينا فقد عاش الرفاق و نحن متنا
فالله قد وصف الشهيد بإنه حي سيبقى لا يموت
#المجد_للشهداء_في_علياهم 🇸🇩
#مليونية27ابريل
كل القوة القصر جوة ✌️🏽✊🏾 ابقوا كتار

ديل شافو صبح المعجزات
و لقونا في عز الثبات
حاربنا دوشكات بالبلاط
اعلى النفق يا تضحيات
شامخ تعيش واقف موت
زي الشجرة روحك تفوت
دمك صعب كتب الخلود
في حضن طوب ترس الصمود
✌️🏾✊🏾🔥
#مليونية30اكتوبر

يوم 30 جايينك جووة .. نحن الثورة و نحن القوة ✌️🏾🔥🔥🔥🔥🔥🔥🔥🔥🔥
#مليونية30اكتوبر

محجوب شريف
لا إنتو جند الله .. ولا جند الوطن .. بل إنتو حقاً جندهم .. وبعض من ما عندهم ..
سندة قفاهم وغمدهم .. لكنهم .. هم
ما ح تسكن حيّهم ..
ولا ح تاكل زيهم ..
ولا ح تلبس إنت زي زي زيهم
.. واذا عطشت بعيد بعيد .ما تقترب من ريهم ..
هل شفتهم ملأوا الشوارع في الصباح؟ .. عند الظهيرة مغبرين .. طالعين من الوردية ..والليل انتصف؟
باين على عيونهم تعب ؟ ..وزمن صعب ؟ القفة .. والدكان .. ودخان الفرن ..
ومرتبات حال الثبات .. لا تحل وظيفة ولا نبات .. هل شفتهم بين كر وفر ..
والدنيا حر .. بين صف وصف ..واحد وقف .. هل شفت يوماً هؤلاء ؟ هل تذكرهم ؟
زاروكا يوم أو زرتهم .. بس إلاّ في شارع ظلط .. ومظللاتهم مسرعة .. كلا ولن ولا بالغلط .. ما شفتهم ..
على إيه إذن ؟ لي مين إذن ؟
وانت بتشوف .. غرقانة كم ؟ في الدم .. مفاتيح الخزن ..
هم دربوك على الأذى .. تقتل تدوس .. تحرق ولا يهمك كذا ولا كذا ولا كذا ..
كم فر طاغية من بلد .. ما خلا غير كلب الحراسة ..يئن وحيداً في القفص ..
متلك مصيرو العزلة والخوف والجزع ..
إن متَ حتى ولا عزا ..
حكّم ضميرك يا ولد .. أمشي استحمى واعتذر ..
واغسل يديك .. من كل ما يخليك .. أمام روحك قذر ..
ألبس عراريق الحياة اليوماتي .. واقدل في الدرب ..
لا يدسو منك لو غشيت ..ولا إنت أقرب زول إليك ..
منك حذر ..
أو فانتظر
أو فانتظر .
#مليونية30اكتوبر
#انتهاكات_الشرطة
#الشعب_اقوى_والردة_مستحيلة

ﻳﺎ ﻭﺍﻟﺪﺓ ﺃﻋﻔﻴﻠﻲ ..
ﻭﻋﺪﻱ ﺍﻟﻘﻄﻌﺘﻮ ﻣﻌﺎﻙ ..
ﺇﻧﻮ ﺍﻟﻜﻼﻡ ﻣﻤﻨﻮﻉ .. ﻓﻲ ﺷﻠﺔ ﺍﻟﺤﻜﺎﻡ
ﻳﺎ ﻭﺍﻟﺪﺓ ﺩﻣﻲ ﺑﻔﻮﺭ .. ﻟﻤﺎ ﺍﻟﺒﻠﺪ ﺗﻐﻠﻲ ..
ﻟﻤﺎ ﺍﻟﻌﺴﺎﻛﺮ ﺩﻳﻞ .. ﺍﻟﺸﻮﻫﻮ ﺍﻹﺳﻼﻡ
ﺟﺎﻳﺒﻴﻦ ﺗﻔﺎﻫﺎﺗﻢ ..
ﺳﺠﻨﻮﻧﺎ ﺑﺎﺳﻢ ﺍﻟﺪﻳﻦ ..
ﺣﺮﻗﻮﻧﺎ ﺑﺎﺳﻢ ﺍﻟﺪﻳﻦ ..
ﺣﻘﺮﻭﻧﺎ ﺑﺎﺳﻢ ﺍﻟﺪﻳﻦ ..
ﻛﺘﻠﻮﻧﺎ ﺑﺈﺳﻢ ﺍﻟﺪﻳﻦ ..
ﺍﻟﺪﻳﻦ ﺑﺮﻱﺀ ﻳﻤﺔ ..
ﺍﻟﺪﻳﻦ ﺑﻘﻮﻝ ﺍﻟﺰﻭﻝ .. ﺇﻥ ﺧﻠﻰ ﺣﻘﻮ ﻳﻤﻮﺕ ..
ﺑﻴﺨﺎﻭﻱ ﻓﻲ ﺷﻴﻄﺎﻥ ..
ﺍﻟﺪﻳﻦ ﺑﻘﻮﻝ ﺗﻤﺮﻕ ..
ﺗﻤﺮﻕ ﺗﻘﻴﻒ ﻓﻲ ﺍﻟﻀﺪ .. ﻭﺗﻮﺍﺟﻪ ﺍﻟﺤﻜﺎﻡ ..
ﺍﻟﺪﻳﻦ ﺑﻘﻮﻝ ﺍﻟﺰﻭﻝ .. ﺇﻥ ﺷﺎﻑ ﻏﻠﻂ ﻣﻨﻜﺮ ..
ﻣﺎ ﻳﻨﻜﺘﻢ ﻳﺴﻜﺖ ..
ﺑﺒﻘﻰ ﺍﻟﻐﻠﻂ ﺳﺘﻴﻦ ..
ﻛﻮﺯ ﺍﻟﺴﺠﻢ ﺑﻴﻐﺮﻑ .. ﻓﻲ ﺧﻴﺮﻧﺎ ﻭﻳﺘﻤﺘﻊ ..
ﻧﺤﻦ ﺍﻟﺴﻘﻴﻨﺎ ﺍﻟﻨﻴﻞ .. ﻣﻦ ﺩﻣﻨﺎ ﺍﻟﻔﺎﻳﺮ ..
ﻣﺎ ﺑﻨﻨﻜﺘﻢ ﻧﺴﻜﺖ .. ﻓﻲ ﻭﺵ ﻋﻤﻴﻞ ﺟﺎﻳﺮ ..
ﺍﻟﺨﻮﻑ ﻋﺪﻳﻢ ﺍﻟﺴﺎﺱ .. ﻭﺃﻧﺎ ﺟﺪﻱ ﺗﺮﻫﺎﻗﺎ ....
ﺣﺒﻮﺑﺘﻲ ﻛﻨﺪﺍﻛﺔ .. ﻭﻋﺒﺪ ﺍﻟﻔﻀﻴﻞ ﺍﻟﻤﺎﻅ
ﻓﺮﺍﺱ ﺑﺸﻴﻠﻮ ﺍﻟﺮﺃﺱ ..
ﻳﻤﺔ ﺍﻟﺸﺒﺎﺏ ﺑﺤﻴﻮ .. ﻭﺃﻧﺎ ﺑﺎﻟﺴﻜﻮﺕ ﻣﻴﺖ ..
ﻫﺰﺍﻉ ... ﻭﺳﻨﻬﻮﺭﻱ .. ﺃﻳﻤﻦ ﻭﻟﻲ ﺍﻟﺪﻳﻦ ..
ﺣﺎﺯﻡ ﻭﻓﺎﺀ ﻭﺃﺣﻤﺪ .. ﺩﻳﻞ ﻛﻠﻬﻢ ﺣﻴﻴﻦ
ﺃﻛﺮﻡ ﺻﻬﻴﺐ ﺃﺣﻤﺪ .. ﻭﻣﺤﻤﺪ ﺍﻟﺨﺎﺗﻢ ..
ﻣﺎﺯﻥ ... ﻣﻨﻰ ... ﻭﻋﺎﺻﻢ .. ﻻﺑﺴﻴﻦ ﺣﺮﻳﺮ ﺃﺧﻀﺮ
ﺳﻨﺪﺱ ﻭﺇﺳﺘﺒﺮﻕ .. ﻭﺃﻧﺎ " ﺩﻣﻲ " ﺑﺘﻔﺮّﻕ
ﺳﺎﻛﺖ ﻭﺑﺘﻔﺮﺝ .. ﻭﺃﻡ ﺩﺭ ﻋﺮﻭﺱ ﺍﻟﻨﻴﻞ ..
ﻻﺑﺴﺔ ﺍﻟﺮﺣﻂ ﻭﺍﻟﺤﻖ .. ﻣﻠﻴﺎﻥ ﺑﺨﻮﺭ ﻭﻟﺒﺎﻥ ..
ﻭﻳﺰﻏﺮﺩﻥ ﻧﺴﻮﺍﻥ .. ﻟﻠﻜﻞ ﻳﻮﻡ ﻋﺮﺳﺎﻥ
ﻭﺍﻧﺎ ﻳﻤﺔ ﺩﻣﻲ ﺑﻔﻮﺭ ..
ﻣﺎ ﺑﻨﻜﺘﻢ ﻭﺃﺳﻜﺖ ..ﺇﻻ ﺍﻟﻌﺴﺲ ﺩﻩ ﻳﻐﻮﺭ ..
ﺇﻥ ﻛﺎﻥ ﺳﺠﻦ ﻳﻤﺔ .. ﺳﺠﻨﺎً ﻳﻜﻮﺳﻮ ﺭﺟﺎﻝ ..
ﺳﺠﻨﺎً ﻣﻼﻥ ﺛﻮﺍﺭ .. ﻣﺎ ﻗﺎﻟﻮﺍ ﻓﻴﻮ ﺳﺮّﺍﻕ ..
ﻣﺎ ﺃﻧﺪﺱ ﻓﻴﻮ ﺧﺎﺋﻦ .. ﻣﺎﻓﻴﻬﻮ ﻭﻟﺪﺍً ﻋﺎﻕ ..
ﻓﻴﻬﻮ ﺍﻟﺸﺮﻑ ﺫﻣﺔ .. ﻓﻴﻬﻮ ﺍﻟﻐﺒﺎﺵ ﺩﻓﺎﻕ ..
ﺍﻟﻀﺎﻕ ﻟﻬﻴﺐ ﺍﻟﺸﻤﺲ .. ﺭﺍﺡ ﻳﻘﻬﺮ ﺍﻟﺮﻗﺮﺍﻕ ..
ﻭﺇﻥ ﻛﻨﺘﻲ ﺧﺎﻳﻔﺔ ﺍﻟﻤﻮﺕ .. ﻳﻤﺔ ﺍﻟﺮﺟﺎﻝ ﺃﺣﺮﺍﺭ
ﺷﻦ ﻓﺎﻳﺪﺓ ﺍﻟﻌﻴﺸﺔ .. ﻭﺍﻟﺮﻭﺡ ﻣﻮﻟﻌﺔ ﻧﺎﺭ
ﺍﻟﻄﻠﻘﺔ ﻳﻤﺔ ﺟﻮﺍﺯ .. ﻟﻲ ﺣﻘﻨﺎ ﺍﻟﻤﻘﻠﻮﻉ
ﺍﻟﻄﻠﻘﺔ ﻳﻤﺔ ﺧﻼﺹ .. ﻟﻲ ﺯﻭﻝ ﺧﻼﺹ ﻣﻮﺟﻮﻉ
ﺍﻟﻄﻠﻘﺔ ﻳﻤﺔ ﻃﻠﻮﻉ .. ﻣﻦ ﺫﻝ ﻣﻬﺎﻧﺔ ﻭﺟﻮﻉ
ﺍﻟﻄﻠﻘﺔ ﻳﻤﺔ ﻏﺴﻮﻝ ..
ﺍﻟﻄﻠﻘﺔ ﻳﻤﺔ ﺛﻤﻦ .. ﻟﻲ ﻛﻠﻤﺔ ﺳﻤﺤﺔ ﻭﻗﻮﻝ
ﺍﻟﻄﻠﻘﺔ ﻳﻤﺔ ﺣﻴﺎﺓ .. ﻟﻲ ﺯﻭﻝ ﺟﺮﻳﺢ ﻣﻘﺘﻮﻝ
ﺯﻱ ﻭﺧﺰﺓ ﺍﻟﺸﻮﻛﺔ .. ﺃﻗﺼﺮ ﻛﻤﺎﻥ ﻓﻲ ﺍﻟﻄﻮﻝ
ﻗﺎﻝ ﺍﻟﻤﻨﺎﺿﻞ ﻳﻮﻡ ..
ﺍﻟﻄﻠﻘﺔ ﻣﺎ ﺑﺘﺤﺮﻕ ..
ﺑﻴﺤﺮﻕ ﺳﻜﺎﺕ .. ﺍﻟﺰﻭﻝ
ﺑﻴﺤﺮﻕ ﺳﻜﺎﺕ الزول

والطلقة ما بتقتل ...
بقتل سكات الزول...

‏المتاريس
ما متاريس ..
دي الطلاسم والتعاويز
الفلق والفاتحة والناس
الحِصن والليل اباليس

النهارات
الفوانيس
الصباحات
للضُلمّات المطاميس
دي الوصية القبلِما يموت
سابا في باب الفراديس
النذير،قال لينا فيها :
المتاريس
جمرتين والتالتة جنّة
خطوتين التالتة في الميس'💕

مَسـاوِيكگ ، أبارِيقك ، مشاويرك في دبـابة
تنوم وتحِس في دبابة
وعاد لمتين في دبابة؟

تظل معزول عن الدنيا ومقطع بينك أسبابه
ولا تاخد خبار أهلك ولا أخبارك في زول جابه

رُويدك لا يَغُرنّــك نعيم الفيها وأطيابه
حصارك كل ما طول موايدك جفت أكوابه
نهارك وإنت ماك فلاح سموم ، وهجير وورتابه
ومن النسمة التهب بالليل بقت عينيك هوَّابه

مصاقر حالك التَبدي وترائي عليهو جلابة
تمارض وضع ينساقط فروع ضبلاني من غابة
تعوِّم مركب التاريخ تعصلِج دفتو وتـأبى

صلاحو الطيبة ما هبت بلا حِبانه وأحبابه
ياعايق الشعب يا قافل ضياء عمرك في دبابه
بلاك يا سيدي الغافل عن الأيام ودولابه

منو الفي الدنيا ما فاكر شوراع الثورة جيابه
شنو البيتِش شمش باكر تظاهر ناسه وإضرابه
مجرد فرض يا قاصر وإرادة الشعب غلّابة
إذا سديت دروب الأرض وإنطامن علي أبوابه
فكيف تضمن سماء الخرطوم سماها الماها كضابة

مين اقوى من ثائر مسالم
حي قصاده جيوش بترجف
مات و نازل قبره بهتف صوته عالي
ترس الشارع بينزف ما مبالي
#مليونية13نوفمبر
#مليونية17نوفمبر

يا وليدي أرجع لي..
أشرب معاي الشاي..
الروح مشعتفة فيك..
خفف عليّ بكاي..
تسرح وتمشي بعيد..
تسمع غناي وصداي..
وتاني تتلفت، تتلفت وتبكي..
وتصرخ تعال يا جناي..
أمسح دميعاتي..
قول ليّ ما تبكي ...
أرجع كفاك يا هناي..
قاتلني ياخ مالك؟..
حارق حشا أمي..
قاتلني ياخ مالك ؟
مشيل أبوي همي..
قاتلني ياخ مالك؟
يا الهادر لي دمي..
أنا دمي غالي شديد..
أنا ما متّ، فوق شهيد..
يا يمة ما تبكي..
أنا دمي غالي شديد..
#مليونية22نوفمبر

غني عشقك يا صبية
نحن قدامك مدارك
غني للوطن المفارق
عشت يا وطني المبرق
بالندى و لون المشارق

#مليونية22نوفمبر✌️🏽

#شهداء_٨رمضان

#قصتي

#شبلي_المتارس
انا محمد عيسى كوكو عمري ١٦ سنه ساكن الردمية مربع ٥ وبنادوني شبلي او دودو امتحنت كم مره لمن م اتجازفت معاي اشتغلت سائق ركشة كنت بحلم 💭يسافر برا بس م اتسهلت😞💔
كنت عايش حياتي عادي بنفس الروتين اليومي بطلع الصباح ويرجع المساء البيت مباشر او اغشى امي نتونس وإنتظره تخلص بيع ونرجع سوء البيت ، امي كانت نقطة ضعفي حتى اخواني واخواتي في البيت يشتغلوها لي كتير وبقولو لي لمن اسأل عنها :(هو شنو امي امي انت مش بقيت راجل تاني امي شنو؟؟)😢💔 كان ردي واحد اي بقيت راجل بس م على امي.
كنت عايش في الروتين دا لحدي م قامت الثوره كنت واحد من بين الصفوف الاوله في كل المواكب ياما ترسنا الشوارع وحرقنا اللساتك وكل حاجه اتعرضنا ليه بتهون فدا الوطن ، لحدي يوم ٦ابريل كنا في حاله كر وفر من الجماعه ديل وبدا الاعتصام الظابط لمن مافي طريقه كنت صابيه هناك في الترس ولجان التفتيش بعد سقط البشير ودخل رمضان كنت برجع الساعه ١_٢ صباحا بغشى امي نرجع سوء في الحاله لحدي م جاء يوم ٨ رمضان العساكر ديل غدرو بينا في ترس شارع النيل وإتعرضت لاصابة مباشره ودوني مدينه المعلم واتعملت لي عمليه واول م امي جات كنت بقول ليه امي تعالي اقعدي جنبي؛ كنت عطشان بس كنت ممنوع من المويه امي كانت تصبرني بي اني راجل وطلعت عشان الوطن وكان كلامه بصبرني وبقوني لنو كل حاجه فدا الوطن بتهون.
رقدت في المستشفى لحدي يوم ١٠ رمضان الي فيه انتهت مسيرتي في تحقيق الكرامة والحريه والعداله الكنت بنادي بيه وقدمت روحي فدا الوطن واتحولت من #شبلي_ المتاريس لشهيد الوطن وعمرو الدم م بقى مويه ابقو حافظين للوصيه😭😢😞💔.
#ضد_التسويه

كسبة وضلاليين لي بنوكم الخربة
تحيو وحلاليين وللغير حرام وربا
السلطة للاحزاب الشعب ساقا غبا
ولحزبكم ده ثواب جاء من الله جابو هبة
بجيهة الله الجاب وبجيهة الله ابى
لي بيتو انتو قراب من بحرى بقببا
تنفرج امدرمان والمهدى في الكنبه
تنشايت ام ضبان ود الترابى وباء
فوق تربة السودان في ضرايحو كم غرباء
يا ملعبة كيزان دنيا وبلاش غلبة
وجيتاً ظهرتي بيان يا اتبرا التعبة
ما ضاقت الاديان والدنيا كم رحبة
وفي حضرتك فتيان ما بدلت جببا
الدروشة الغليان الهمهمات غضبا
وكم دوبت بمبان بمواقفا الصلبة
يا ملطشة فرعون
موسى الشوارع عاد

وعلى مين تحلقوا دقون كان اتخلقتو جداد
الشعب كلو عيون الأمة بالارصاد
اللي ضميمتو يخون ما امنوهو بلاد
وكان بيحكمونا بيوت لو بيحكمونا افراد
يا شعبنا الوقاد يا صاحب اعتى جهاد
يا ابن الغلابة الحر يا جيهة يا مشهاد
كتر السكات بيضر وقت المهادنة فات
بيك يا النضال المر تحلى البواكر هات
ايدك لعالم حر والتنهض الكلامات
طول ما الضلالة تضر زي ما هى جات بتمر
يا مفدر الظلمات يبقى اللقى بيسر
والمهدى حي ما مات
يا اتبرا الِبرة يا منجم الثورات
اتبرا ……. اتبرا

اتبرا الطيبة يا منجم الثورات
كيفك بعد غيبة وغربة ووطئ جمرات
رجالتك الهيبة … نسوانك الحارات
قالن لي قولا تسر … تنفع زمان الضر
كل البلاد أم در .. والمهدي حي ما مات
الخطوة في الشارع منبثة ثورية
بق الغضب طالع .. أبرول وطورية
شافع ورا النافع .. طلبة وأفندية
الجوعو كان دافع .. لي هبة شعبية
ما الصبر ما نافع في أيام كركية
ذات وضع همباتي .. وأحوال متل دية
كهان وجهدية .. وكابات هي ما هيّ
حموني اغرودة والدنيا عيدية
حرموني زغرودة في فرحة عادية
حظروني من عودة .. أو مرقة ليلية
منعوني من ذاتي .. واخواني جندية
للقمع يوماتي سدوبا وردية
شك في هوياتي .. فتيش وسخرية
لكناتي .. لهجاتي .. شلخاتي .. عينيا
أوكير وحمداتي .. باعوضة سل فيا
تحتاج معاناتي لبطاقة شخصية !
يا مسخ بعاتي .. وقام لجنة شعبية
لي حضرة الآتي .. شايل الفرح ليا
عبيت مساماتي .. من غيمة منفية
وعلى أرض مأساتي .. فرغت ما فيا
وضل الوطن شاطيء .. وشمسو المراكبية
النيل ديمقراطي .. والقيفة جمعية
بردت غنواتي .. بي نمة مغلية
بقت هتافاتي .. دوديتا بي إيديا
في دقن همباتي .. وعسكر حرامية
طارت حماماتي .. وركت سلامية
غدروها شماتي .. وكتل الرصاص فيا
لكن يا مواتي .. يا ذمة مشرية
يا عسكراً فاتي .. مافيا وطفيلية
من شرفة الآتي .. وبي كل حنية
أخدني أماتي .. بي طرحة و أمنية
ربطن لي جرحاتي .. وبي مرتق واغنية
سدن لي آهاتي .. فوق وقفة صخرية
سنن لي إيديا .. وصاحن بي صد صارع
يا عيش وحرية .. وانغير الواقع
يا ميتة دغرية

نار التكل ماتت .. نار فينا شن حية
و روحك إذا فاتت .. روح الوطن جية
أماتي يا أمات .. كل الغلابة الجات
من حلفا لي نمولي .. من بارا لي سنكات
غضب الخلا اليغلي .. صرصيرة الغابات
في عب ضلوع النيل .. جيب القلب غيمات
أشواقا تالا الأرض .. والأرض شوقا نبات
أماتي يا أمات .. ود الحياة الصنديد
قولاً لكل عنيد .. وصاحب دقن همبات
قولنلو نحنا حديد .. زي المرمة شداد
اللي ضميمتو يخون .. ما أمنوهو بلاد
يا مستبداً بات .. حارساهو دبابات
كضاب وكضابات .. هواب وهوابات
شن حزبك الويحيد .. وضرعاتك ام حجبات
طظ .. جبهتك وين سيد ... الإشتراكي الفات
لا البوت ولا النبوت .. لا التوت ولا الكهنوت
ونقل الفلاشا أفاد
وكان يحكمونا بيوت .. لو بحكمونا أفراد
حارين حديث الموت .. والبعث والميعاد
كل لحظة روح بتفوت .. وكل لحظة كم ميلاد
وعلتنا يا مسخوط .. مو اسم الله واحنا عباد
علتنا كيف القوت .. والجيهة والمشهاد
ما مر قطراً توت .. ما طال للبراد

بِسم الهوى الدغري الأمين
تبدأ العصـافير الغُنـا
يهتز غصن الأزمنة
علي راحة المطر الطراوة والأمنيات الممكنة
تنجم كل الأمكنـة
لا آهة لا دمعاً يسيل لا تباريح لا ضنى
لا ليل يليل بالجـراح
لا صباح يقيل بالعناء

#مليونية25ديسمبر
#مليونية30ديسمبر

كل البلاد امدر و الشعب حي ما مات 🔥✌️🏽

شن المعنى جيب غندور وشيلة نافع
وتغيير الملاية الفوق لحاف الشافع
لعبة صفرجت يخفض براهو الرافع
قلب المرتبات بعد البلل مو نافع
~و
وشن المعني جيب سجمان وشيل غندور
والمستقبل الجنب القبور محفور
الشعب المرق وقال العصابه تغور
مابرجع يسلم امرو لي طرطور
الفجر المرق مابتمنعو الدبابه
والصبح إن شرق ما اظن تعيقو ذبابه
الطاغية الطغت وفكت علينا كلابا
راجين النبيح يرعب اسود الغابه
البلد الفتح كل الازقه شبابا
والناس النيام صوت الحناجر جابا
حان زمن الحشود والنازحين وغلابه
حان زمن النشيد فلتصدح الربابه

🔥الثورة فينا و الثورة نحن
#تسقط_بس

انتم لنا علمٌ ..
في سجونهم تخيفونهم يرتجفون لصمودكم لشموخكم و لرفاقكم القامعون الممسكون بجمر ما تقاتلون لاجله ، الحالمون بيوم خروجكم✌️🏽🔥 ي عزة نحن وراك ورا روحك ورا الزغردوة ف الواحدة عز الضهر