آنه الغريبه وماتت اسنيني
ظليت  اعيشن انه ابونيني
جرح اليتم مابينك  وبيني
******************************
ابدي  قصة   احزاني
وانه ابجمرة اشجاني
وحدي بلايه خواني.........عذاب

احسب عمري لچماتي
بس    النايبه   آهاتي
اجري اهوايه دمعاتي......مصاب

منو المثلي يحسين تعيش المصيبه
صرت صرح الهموم   اويلاه غريبه
اسد باب الجروح يردلي ابنحيبه

هاي الليالي جرحي واحساسي
صعب اليتم  لو  يمسح ابراسي
كل ونه  صارت  تخنگ انفاسي

ناعي الحزن ابجروحه يلفيني
آنه الغريبه وماتت اسنيني
*******************************
انه  الما   طفت  ناري
يكتب دمعي وعباري
تدري وضعي وخباري......دموع

فدوه ارحمني ياليلي
اگعد يمي  واحچيلي
بعدك   ينهدم  حيلي .....ظلوع

يبو اليمه الآهات عذابي وجروحي
گلت خويه وياك اظن ميته روحي
بعد طبرة  الراس  تهدم  صروحي

ليل   المصايب   عشرة  احزاني
والشام اجاني وجايب اشجاني
يحسين  اسولف  غربة اوطاني

حزني من اسولف كلبي ياذيني
آنه الغريبه وماتت اسنيني
*******************************
باچر  غربة اظنوني
بيين شيبي بعيوني
بانت لوعة  امتوني.........ونوح

انه الما  شفت  راحه
يذبح تالي مصباحه
دهري يرمي برماحه......جروح

يبو  اليمه  الأفراك   يعذب    دليلي
تظل نار   الاشواك   حياتي  وعويلي
الكتب عني طاغوت حياتي ورحيلي

درب  المصايب   بيش  اوچنه
شابت اعيوني اشلون اشوفنه
يحسين   اخبرك  زادت  الونه

بالغربه صارت روحي تدريني
انه  الغريبه  وماتت  اسنيني
*******************************
لحظه  ما غفت عيني
تربي الجيت احسيني
ابنار  الغربه   تدريني ......اموت

وحدي ولاشفت ناصر
گالو    ما يصل   زاير
كلها  تنذبح   باچر......سكوت

يبو اليمه حسرات اعيش امنياتي
يظل دهري وياي   يعذب حياتي
متت شام الأحزان يرجع  وفاتي

ياحيف  اشوفن مرقدي خالي
بعد المصايب جرحي يصفالي
كون انت يمي حسين يالغالي

نار   المخيم لسه  تچويني
انه الغريبه وماتت اسنيني
*******************************
وحدي بغربه عفتوني
يحفر  دمعي بجفوني
دار  الحسره   تلگوني .....عتاب

ردت   كربله  اعليه
اركض وصفج يديه
ضعني واني مسبيه .......عذاب

منهو المثلي يحسين طفوفك شفتهه
عشت شامي  مرتين هضيمه عشتهه
عفت احلى وليان صعوبه عفتهه

ياخويه بعدك چم شمر جاني
وحشه  وغريبه ابلايه خواني
باب  النوايب يشرح  احزاني

كتر  الغري   وين  اليدليني
انه الغريبه وماتت اسنيني
*******************************
تمت بعون الله تعالى الشاعر_يوسف_الفتلاوي

(لحن خليجي)

حبيب اوصحبته ★★اجوه الخيمته
يصيحون الحرب ★★ يبوالاكبر مته
… .…………………… 
طبوأعله أحسين بخلاق اوصول
گالو أحنه أنصار ألك يبن البتول
رايدين انموت بيدك وشتكول
گال جيتكم يبن ظاهر قبول
جمع كل اخوته ★★ أجوه الخيمته
… .…………………… 
صاح يامييت هله ابهاي الرجال
كامت الگهوه تفوح امن الدلال
شافهم ناوين مابيهه مجال
صاحت الانصار حيَ اعلئ القتال
تحيير شامته ★★ اجوه الخيمته 
… .…………………… 
گام نافع گال مولاي اشتريد
اني اول واحد احسبني شهيد 
أحنه نبقئ اوياك حد گطع الوريد
لازم انذله المشه ابمنهج يزيد
تحقق غايته ★★أجوه الخيمته 
… .…………………… 
گالو احنه انصارك ابيوم الطفوف
وي صباح العاشر أنشهر السيوف
مثل أخوك الكمر نشمرها الچفوف
ماتهـمـنه أشما تـهـد هـاي الألـوف
ترفرف رايته★★اجوه الخيمته 
… .…………………… 
يوم عاشر حشمت شيب أوشباب
حين هَدّو گام بس عج التراب
خَلّو الدم صار فوگ امن الرگاب
صارت الحومه مثل يوم العذاب
برزخ شافته ★★اجوه الخيمته 
… .…………………… 
للشاعر فاخر علي الشبيبي

( السلام على اصحاب الحسين ع )
ـــــــــــــــــــــــــــــــــــــــــــ
رفـت شـواربهم غـضـب انـصـاره
صـارو درع لحسین وگـت الـغـاره
وبـچـف حبيب الرايه مـن يـدنـاهـا
ـــــــــــــــــــــــــــــــــــــــــــ

زلـم الكـلافه اتحزمو للغالي كـالـو چـلـمـه
وياك نبقه اخر نـفـس يـحـسين يابو اليمه
نفرح اذا حلت حرب والمـا فـرح موزلـمـه
هوه اليحبك من صدگ يرخص لجلك دمـه
الـدم شني لـو مـارخـص لعيـونـك
ما تـنــعــقـل عـدلين ويـــمسـونـك
وبچـف حبيب الرايه من يدناها
ـــــــــــــــــــــــــــــــــــــــــــ

يحسين لتـلـوحـك شمس اگعد اوأشـر بيـدك
شنهي التريده ايصير الك بس ابقه ناغي
اوليدك
عبدالله ليمسه الظمه اهـلال هـذا لـعـيـدك
لا تتعب علينه التعب سـالـم يغالي انـريـدك
الطف نريده ايصير من حصـتنه
يحـسـيـن امـر ونظر لـفـزعـتـنه
وبچـف حبيب الرايه من يدناهـا
ـــــــــــــــــــــــــــــــــــــــــــ
يثبت العاشگ موقفه لجل العشگ لوضحه
والمايجـيـبـه كل عشگ توگف بعينه الملحه
وليل الشدايد من يمـر بالتالي يـطـلع صبحه
وكل اليكول الدم رخص كون اليسولف جرحه

يالـوالـي فـدوه نــذبح لترابك
خلصت الدنيه اوماكو مثل اصحابك
وبچـف حبيب الرايه من يدناها
ـــــــــــــــــــــــــــــــــــــــــــ
احنه انخلقنه لنصرتك يالـنصرتك غايتـنه
ابشاره توصل للحرم ما نخلف احـجـايـتـنه
خل تطمئـن اخـت الگمر لا تفكر بصحبتنه
مـادامــه انـشـم الهوه مـا تنكسر رايـتـنه
بشروها زينب لا تضل مهمومه
نكلبها باجر من نطبها الحـومه
وبچـف حبيب الرايه من يدناها
ـــــــــــــــــــــــــــــــــــــــــــ
مـولانه ياأجمل الوطن والطف فرحنه اودارك
فرحـتـنه ابد ماتنوصف يحسين احنه أنصارك
بأجـر نـمـوت وهـم تـجـي يـم الـگــبر زوارك
نوكـف نـحي بكل فخر يابـو الشيم خـطـارك
ماينسه الـطف كلهم ايزورونه
شامخ يضل مثل الهوه ایشمونه
وبچـف حـبـيـب الرايه من يدناها
ـــــــــــــــــــــــــــــــــــــــــــ
الشاعر خالد جودي العارضي

نحنُ انصارُ الزكيهْ
نعتلي فوق الثُريه
........أن في الموتِ حياةًٌ
كيف لا نهوى المنيه
حسين.............حسين
●●●●●●●●●●●●●●●●●●●●●●
عابسًٌ اصلي وديني
راجياً صوت المنايا
وتعالى عشقُ قلبي
من محطاتِ الضحايا
راسمُاً فني وذوقي
في مجراتِ الرزايا
جاهراً في صرحُ حبي
هكذا في محتوايا

لوحتي من دمعِ عيني
أنني   فخري حسيني
..........وصواب الدهري يعلو
خادماً  اجمل هويه
●●●●●●●●●●●●●●●●●●●●●●
في فؤادي كان طفً
فتيةً تدُعى المنونِ
ينزفُ القلب جراحا
وارتدى ثوبُ الشجونِ
ان لي في العشق شغلاً
واهباً  روح الجنونِ
عارفاً حبُ الامامه
  بالأبا يانفس  هونِ

في ندائي وضمراري
ياجميل الحبُ داري
............في عليً كان  نطقي
قلتها  في الغاضريه
●●●●●●●●●●●●●●●●●●●●●●
سورةُ الإخلاصِ أنت
رتلت  طيبُ المعاني
نلطمُ الصدر حسيناه
أنت  مفتاحُ  الجنانِ
وقراك  اللوحِ  شعراً
في مجرات الزمانِ
وستضاءه الكونُ نوراً
ونحنى صرحُ البيانِ

كربلاء في لفظي طفلا
شاغلُ  الاعماقِ    فعلا
لعلي  من  يشتريني
خادمُ   آلِ قضيه
●●●●●●●●●●●●●●●●●●●●●●
طينُ خلقي كربلائي...
عُجنة  ماء  المعينِ
ونثنى  قلبي  أليكّ
انت قضبانُ اليقينِ
ايها  المفتونِ مهلاً
في العلا (حً)و(سينِ)
جنهُ اصحابْ المعالي
في النجا دمعُ الأنينِ

سرمدي نبضي تجلا
بحسيناً   قلبي حلا
في مسير الودِ جئتُ
جنةُ  اللُه الهنيه
●●●●●●●●●●●●●●●●●●●●●●
كلما  مر  الزمانُ
ذكروهُ حتما تخلد
وسواعي الدهر تحكي
حبكم يا آل  احمد
واجبًُ لا ليس مني
فالصلاه نورا تشهد
وعرفتُ الحق حقاً
كربلاء  بيتي توقد

انني   المملوك   حقا
في جنوني كان رزقاً
عشقنا حبُ الحسين ِ
ان روحي سرمديه
●●●●●●●●●●●●●●●●●●●●●●
تمت بعون الله تعالى
الشاعر••••• يوسف عباس الفتلاوي

اجمل انسان... ميت عطشان
حاچاني وگال.. ابصوته التعبان
        اودعك خلي ارتاح
      اخوي بأيدي بس راح
       ثكيل وعالنهر طاح
   

$$$$$$$$$$$$$$$$$$$$$

ضهري الچان الك مسند وسفه الكاع شابكته
وراسي الرافعه بااسمك هسه ارماح شايلته

    بحر الشمس شفته ... وبچفوفي گلبته
   خرب معانيه  ... ضهره انچوه وشلته
  
عيونه الحلوات.. هم مطفيات
حدب ضهري.. بصفه ساعات
     گلبه هوايه مشلوع
    نزل دمه وي الادموع
     اسمع طكت اضلوع

////////////////////////////////
الماله اخوان وكت الضيج تلگه اعيونه تتحسر
ياعباس عفتلي اخيام وسط الهيمه تتطشر
  
يمك واحس غربه  .. يا صعبة الصعبه
ماترجع ايامك .. دمعي كسر كلبه

  يمي الشمات.. تزرع نظرات
واسمع يا ناس .. عباسك مات

حجيهم زاد الونين
شيصير بنصهم احسين
احضنك حاير منين
////////////////////

كلشي يهون يا عباس بس صعبه اعله اخوك اتموت
اوسد راسك ابحضني ويشح منك عليه الصوت
بعينك شفت نظره.. عالخيمه متحسره
يمواعد اسكينه..كالتلي منتظره

ارجع ارجوك.. موينتضروك
بالخيمه اعيال ..كلهم يردوك
  يماي بعين الزغار
عطشهم يشعل النار
هضيمه اكبالي تحتار

////////////////
الحجي هوايه وذبح لاحك ركبتي وبالعطش يبدي
سره الخيل وسيوف تريد تاخذ حيف من عندي

متحضرين اهواي.. من العطش للماي
وتسولف الشمات.. طايحله الوفاي

هجمو يردون ـــ شي يتشفون
وسهام اتريد ـــ  من وجهي اعيون

رمل يجويها الجروح
وسهام اطلع الروح
حمل بالصحره مطروح

///////////////////////
ارجع للخيم خويه زينب تنتضر ملگاك
والاصعب كله من هذا تروح وماارد وياك
  للخيمه لورديت.. بيدك عذر وديت
  كلهم خذاه الماي.. وبحسرتي ظليت
  
 
هذا المكتوب . راح المحبوب
جسمه العريان . وثوبه المسلوب


سلامي اعله خيم حيل
 كمرهم يحرس الليل
يخيي بالك الخيل

//////////////////////
سيد محمد الهاشمي

عرضو الانصار يم حسينهم
چان بس الموت بینه وبینهم
^^^^^
حبيب اتكــــلم اول واحــــد ابشر
عالمكشوف نحچي وموش بالسر
نموت نعيش احنه وياك يحسين
حبيب بخدمتك ويخدمك الحر
مـــا خلـــــي الشــــــر يوصلك
بالگلب يحسين وبنص عینهم
چان بس الموت بینه وبینهم
^^^^
عابس گال هاي الحرب سهله
ويـــــاك القــــتال حسين يحله
مثل الفرض انت واجب يصير
عدنه حسين ثابت مثل قبله
خلينـــــا الجيش تحيــــر
حسين انت المهم انت ودينهم
چان بس الموت بینه وبینهم
^^^^
هوس جــــــون يــــم حسين رباط
يحسين احنه ذوله انصارك انشاط
مــــا نرجع لـــون نــــدگطع اوصال
منخلــــي الخيـــــــم بشرار تنحاط
طبيناه الطــــف لاگنـــــه
وينهم كلمن يجونك وينهم
چان بس الموت بینه وبینهم
^^^^
ما نرجع ابد حـــــد گطع الانفاس
تاج انت واكيد التاج عــــــالراس
وين الحار احنه انصارك وشوف
بينه حـــــروره من الگمر عباس
هـــــد بينه نبيض وجهــــك
موت الأحمر زلمك مسمينهم
چان بس الموت بینه وبینهم
^^^^
صحبتهم وفـــــــه وبلا مصالح
وين الفزعه بي والكــــــله مالح
الما مجروح الك لا ترضه ابد بي
كون الكل الك يحسين طايح
مـــــا بينه اليرجـــــع سالم
اشر ويحسين الك نمحيهم
چان بس الموت بینه وبینهم
^^^^
علي جبار الكعبي
الفاتحه لوالدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

اصعب خبر ** يحني الظهر
ابني علي ** صاير وذر
هذا البدي ربيته
جروح ورمل لميته
///////////////////////////
خبر مفجع عصر گلبي _ سمعته وتيهت دربي
ذبحنه ابنك يصيحولي _ وصلته وماتن اركبي
رجعت وكلشي ماظن..... راد مني
وردم خويه النوايب ..... راد مني
علي تدرين شنهو .... راد مني
ماي وضاع ماي الطف عليه

اميه ردت ** ماحصلت
من القهر ** بصفه متت
الهاضمني ما رويته
جروح ورمل لميته
///////////////////////////
ثگيل امن السهام ابني _ ورمح خاصرته شيبني
كل ما شلته يتطشر _ اجيبه اشلون تعبني
شوفي على الولد كل ساع... يرباي
احس فرگاه هرش الگلب..... يرباي
اگعدت يمه گلتله شبيك..... يرباي
سكته وبس يدير العين اليه

بصدره السهم ** وبيه الالم
شيوصله الي ** الحد الخيم
بذيچ الشمس خليته
جروح ورمل لميته
///////////////////////////
نفس يلحگ نفس يمه _ علي مااگدر اشتمه
بكثر ما صار جوه الخيل _ الحوافر شبعت ابدمه
بنيت احلام بس الطف...... رك بناي
وگوه على المهر جدمي..... رك بناي
الحافر شفته يازينب ........ رك بني
لحد ما ساوه صدره والوطيه

الحافر خشن ** ساحگلي أبن
بين الرمل ** دفنو دفن
المثل النفس حبيته
جروح ورمل لميته
///////////////////////////
وليدي نسخه من جده _ عفته اعله الرمل خده
يزينب ابني ظل هناك _ بس حسين شيرده
انگطع هرش الدليل وذبل..... عوده
مشى اوليدي وبعد مااشوف... عوده
هوى من فوگ مهره ونده.... عوده
وعكس ما صاح مهري اندار بيه

موقف صعب ** يرجف الگلب
لبني رحت ** عكس الدرب
ماصدگت لا گيته
جروح ورمل لميته
///////////////////////////
مو گتلج اذا يطلع _ علي لينه حلم يرجع
عرفته من صهيل الخيل _ كسر اظلوعه جاي اسمع
مشه وعينه عليه وعين.... لما
وعله ابني اشوف الخيل.... لما
تگطع جسمه بالطعنات .... لما
طبگ صدره وخرز ظهره سويه

فوگاه طحت ** يبني صحت
توك رحت ** واطشرت
للخيمه من وديته
جروح ورمل لميته
///////////////////////////
تمت ____ علاء الزيدي
والابوذيه ___شيخ رعد الزيدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

وكت المواقف بده  يمك حده ويبين الزين
شدينه راية گمر   گطعت نحر  گدام الحسين
اليوم يوم الانصار. اليوم يوم الانصار
$$$$
بدينه المواقف كلها گدامك واخيامك فنه الي يمر بيها
عابس شگگ اثيابه لحبابه واحچاية وفه گدامك احچيها
مثل السبحه ما ينفرد واحدهم
مو عن طمع چانت موت صحبتهم
سوالفهم قبل بس بصلاه وحسين
والتاريخ ما كفه لمواقفهم
فدوه والك ننذبح  من الصبح ونصبح قرابين
$$$$
حبيب بشيبته البيضه وخطب بيهم  يدعيهم گلهم هاي ليلتنه
گلهم جهزو انفسكم  موتتكم لحسين احنه فدوه تروح جمعتنه
گاللهم حسين يريد عوانه
كلهم صاحو وگالو نعم انه
سبعينك صبح سبعين عزرائيل
اليوصل للخيم نگطعله ذرعانه
گالوله الكم خدم  احنه نعم  ذوله احنه سبعين
$$$$
اتكلم برير وگال ساعتنه موعدنه كضها ورفت الرايه
مسلم گال رايدها موعدها  هذا اليوم وتسجله الوفايه
اجه العباس وانطاهم درس خوه
والسبعين انتم اهل المروه
احلى من العسل موتتنه بيد حسين
ومن انطيح بسم حسين نتگوه
فزعتنه لبن النبي  ضد اجنبي  ضد الملايين
$$$$
الصحبه صحبة الموقف  لا ترجف اوگف ثبت اجدامك
واحنه اليوم ما نرجع ندگطع  جثث يحسين گدامك
انت اول شخص ما ينشبع منه
يمنه وبيك نشتم ريحة الجنه
خل ننصلب خل ادگطع احنه بسيف
كون حسين لا ما نبتعد عنه
هوسنه يم خيمتك  واحچايتك  صارت بعد دين
$$$$
اجينه انموت من دونك وعيونك مخلوقين من اجلك
وينه الگال انه اگدر  يتوذر  يم اخيامك ويهلك
لتفكر عدد متفيد كميه
ما تنفع الكثره المهم نوعيه
النصر محسوم بيد لا تفكر بي
صار النصر بيدك ميه بالميه
انت المهم والاهم  غير وهم  خلينه ميتين
$$$$
علي جبار الكعبي
الفاتحه لوالدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

تاجر زهير ابن القين
عافاها من شاف حسين
خسران انه بكلشي بس بحسين ربحان
&&&&
تاجر ثري چان ويملك اموال
تعرفه اهل المدينه زين الاحوال
اول نظره لمن شاف الحسين
يم حسين كلش حمل وشال
يملك زهير المالات
عافاهن ويمك مات
ما عندي بس حسين لن سواني انسان
&&&&
تاجر يشتغل وي ناس تجار
ما يدري بالدنيا شصار ما صار
اول ما وصل لحسين مكتوب
قره المكتوب واصبح ضمن الانصار
شنهي اموال وارباح
الموته يمك ارباح
عاشگ حسين وحلوه لو انزل الميدان
&&&&
قبل ايامه چانت جمع الفلوس
ويكشخ بالحرير واحلى ملبوس
شاف القافله سارت بالحسين
اجه فارغ رغم ما چان متروس
مغرور چنت بدنياي
جيتك وفزت انه اهواي
يمك طحت سويت الي يحسين جنحان
&&&&
عفت كلشي وجيتك جيت الموت
انت اهواي ياهو الگال منعوت
اكبر نعمه ما تنعاد بالحسين
اذا بيدك الي ينشال تابوت
هاي الشهاده اكبر تاج
غيرك ابد ما احتاج
عنوان ظل طول الزمن يا احلى عنوان
&&&&
المهم راضي انته خليهم يولون
راضي انت بزهير حسين ممنون
ميفيد العدد خليهم الاف
نوعيه المهم ميفيد مليون
ما عوفك شما اصبح
العاداك لا ما يربح
كلمن يعوف حسين والله هواي خسران
&&&&
علي جبار الكعبي
الفاتحه لوالدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

ابـرؤيه بــدت قصة وهب
من شاف الحسين انرهب
وانطاه كلام النصرته
والباري حقق رغبتـه
ـــــــــــــــــــــــــــــــــــــــــ
قصة ايـمانـه ابـأمامـه والحـقيقه
بدت من رؤيه وعرف نهجه وطريقه
كحل اعيونه ونظر هيبة  عشيقه
وانتظر ياساعه يتلاگه  ابصديقه

واتلاكه ويـاه بــــالفعل 
ونار العشگ بي تشتعل
بالحلم شايف صورِتُه
والباري حــــقق رغبته
ـــــــــــــــــــــــــــــــــــــــــ
بالحلم شاهد وهب نور ايتلاله
وي محمد عيسى حامله رساله
حسين انصره غداً لو محد بقاله
خلي ظعنك يبره لضعونه وعياله

ومن حان يوم الملتقه
بدمه وجراحاته ارتقه
شاهد الطف عن قصته
والباري حـــــقق رغبته
ـــــــــــــــــــــــــــــــــــــــــ

من تعنه حسين لرض الغاضريه
وگّف اضعونه وگصد ذيچ الثنيه
ياوهب گله سفرتي للمنيه
لوردت خلي ايدك بين اديه

عريس هستوه وهـــــب
وبانوار الاحسين انجذب
وللضعن قدم مهجته
والباري حقق رغبته

_
عهد عنده والعهد وي روحه صانه
اموحد الله وكان نصراني الديانه 
كحل اعيـونـه ونـظر سيـــد زمانه
اسلم وقـدم لبـو اليــمه امتــننانه 

هوه وحـــــبيب ابنينوه
وي عابس اصطفو سوه
وجون الفداه برگبته
والباري حقف رغبته
ـــــــــــــــــــــــــــــــــــــــــ
قاتـــل ابـأخلاص وايـمان وعقيده
مثل منجل والرڰب يحصدها بيده
اخباره صارت عن ابو اليمه بعيده
وده ابو فاضل والاكبر گال اريده

جابوه امنگـــع بالدمه
وامه سمعهه اتحشمه
وبضهره شد اعمامته
والباري حقق رغبته
ـــــــــــــــــــــــــــــــــــــــــ
الساحة الحومه رجع  كله حميه
حاوطو جيش العده من كل نويه
راسه گطعو والجسد ضل عالوطيه
وانكسر گـلب الحـــــسين ابهالرزيه

قد نـــال اعظم مرتبه
وهنياله حسن العاقبه
الزهره اوي مريم حضرته
والباري حـــــــــقق رغبته
ـــــــــــــــــــــــــــــــــــــــــ
حيدر بشار الدراجي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

اليله مسلم فاگدينــــــــــه اليله
طايـــــح ومامش چفوف اشيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله الحسين نحنه وحيله نهدم
گابــــل العباس اخيه ويبچي دم
يگله مسلم طاح ياراعـــي العلم
واليطيـــــح اخوانـــــــه اتچيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مثل هــذا اليوم عـد الكوفه عيد
تكترت كلها وصبــح مسلم وحيد
بعيد درب حسين عن مسلم بعيد
والسيوف اعله الذبــــــح توميله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله گلب حسين تسري النار بيــه
الحرگه كاتلته وعلي ويصفگ بديه
يكابر بروحـــــه وهله تصبــر عليه
عله مسلم مــــــــــن مشه مخليله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله حالــــت مسلم اطـــر الگلب
بعيد عنــــــه حسين ونسد الدرب
منين مايتلفت الوادم غــــــــــرب
الكوفه خانت والعطش هــد حيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

،، مصطفئ الصالحي،،
شهادة مسلم بن عقيل
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

يامسلم دخيلك
،،،،،،،،،،،،،،،،،،،،،،،،،،،،،،،،،،،،،،،،،،
حارب،، يامسلم وضــــارب
صـــــار الحرب واجــــــــب
خـــل يكتـــــــب الكاتـــــب
ويدون الصار
،،
شارب،، اسحگ شكو شارب
حگـــــــــك عليـــــــه طالب
عمــــــك علي الغالــــــــــب
خــلاس الكبار
،،
ياصـــــــل يصنديد الحرب ياحلو العلوم
اگعد علئ نحـور الزلم ماريـــــــدك تگوم
بالكوفه خلي الــدم يطگ طوفان طوفان
يالهاشمي والمعركــــــــــه ماتخلص بيوم
،،
ادعي الله ينصرك
عالوادم يگــــدرك
يامسلم يهيبــــــه
يالمحـــــد يشبهك
،،،،،،،،،،،،،،،،،،،،،،،،،،،،،
يمهم،، دگ بيرغــــــــــك يمهم
دوم برعـــــــــــــــــــــب خلهم
ذل الزلـــــــــــم ذلهــــــــــــــم
مسلم يوفاي
،،
تتعب،، خـــــــــل الزلــم تتعب
مـــــن دمها خـــــــــــل تشرب
سيفـــــك جمـــــــــــــــر يلهب
مايبرد بماي
،،
حزمتــــك برايـــــــة علي مسلم علي وياك
ادعيلك انــــــــه بكل فرض والزهره بحماك
مسلم الك روس الزلــــــــــم وتخير الروس
مثل الذبايــــــــــــــح بالحرب خليها جواك
،،
يافخــــر الهواشـم
يمثلم الصـــــوارم
ياحــــــــر البوادي
يمشيم العوالـــــم
،،،،،،،،،،،،،،،،،،،،،،،،،،،،
طبها،، ونار الغضــــــــب صبــها
الغضبــــــــــت علي اغضـــــبها
وسحـــــــگ علئ رگبــــــــــــها
يازود الحسين
،،
عيدك،، هاي الحــــــــرب عيدك
حـــر وتحــــــب صيــــــــــــدك
كض الزلــــــــــــــــم بيــــــــدك
وگسمها نصين
،،
مسلم يرداد الزلــــــــم يازيــــــن الرجــال
بفعالك الكـــــل سولفـــــــت يالكلك افعال
اتنومس گبال الخلگ لــــو سولفو بيــــــك
يالتعدل الماينعـــــدل وتغيــــــــــــر الحال
،،
يالكاسر علمهم
يمخوف زلمهم
يالكلك شهامـه
ومضيع خبرهم
،،،،،،،،،،،،،،،،،،،،،،،،،،،
گلبي، مسلم يبــــــــن گلبــــي
ياضـــــــــــــي هلي ودربـــــي
هاي الحــــــــــــــــــرب حربي
وتنطر اخبار
،،
حيفك،، منهم اخــــــذ احيفك
خلــــي الحچـــــي بكيفــــــك
لف عالركــــــــــب سيفــــــــك
شب بألزلم نار
،،
من أيــــدك الأيـــدك ترئ وشسوي مسموح
خليها تحتار الزلـــــــــم وتكض السطــــوح
والمايجبه الخوف الك ســـــل سيفك اعليه
مرجعها اول تالــــــــــــي الك چاالمن تروح
،،
يلكل مراجـــــــل
يمخوف الجحافل
يالسيفك منيــــــه
ياأبسل مقاتـــــــل
،،،،،،،،،،،،،،،،،،،،،،،،،،،،،،
مصطفئ الصالحي
،،، شور وگفه،،
شجاعة مسلم بن عقيل
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

(الاصحاب)

باچر اتــطيح العمايم
نفدي دمنه الهواشم
فدوه الك بس كون سالم
يااباعبدالله

ــــــــــــــــــــــــــــــــــ
ابليلة العاشر من خطب بصحابه واتخيرهم
وعن كربله ويوم الفده وعن مقتله خبرهم
سمعو اوبصمو بالدمه أمن أولهم الآخرهم
وشعت ملامحهم ضوه بالجنه من بشرهم

واحد وسبعين غيـره
ابكربله صارو عشيره
ناده واحدهم ضميره
يااباعبدالله

ــــــــــــــــــــــــــــــــــ
اصحابه من طين الوفه رب العرش خالقهم
لبـيـك يـبـن المصطفى لهجـتهم و منطقهم
وحسين چان ابكربله مثل اخوِته صدقهم
وي الهواشم مختلط دمهم وعظّم حقهم

بالحرب عدهم تجارب
للـعـــهد لزمو شوارب
نادو اتهون المصاعب
يااباعبدالله


ــــــــــــــــــــــــــــــــــ
الحر وزهير وعوسجه للدين ضحـو دمـهم
استـئـنـاس عدهـم بالحرب والموت ابد ماهمهم
هذا حبيب بشيبته افنون الحــــرب علمـهم
وعابس وحبه السرمدي ابلا سيف من داهمهم

والنعم من عشگ عابس
اتجنن وشك الملابـــس
وجهه اول بالتنافس
يااباعبدالله

ــــــــــــــــــــــــــــــــــ
ألهم مواقف خالده ابكتب المقاتل نقره
كلمتهم ابشر يالولي اوداعت علي والزهره
لو نحترگ يابو علي ونموت الف مو مره
وداعت اعيـونك سيدي منـك فلا نتبره

مانعوفك ياولينه
نصعد وياك السفينه
ياشبل حيدر علينه
يااباعبدالله

ــــــــــــــــــــــــــــــــــ
نيتهم اصفى امن الذهب انصار ابو اليمه احسين
وي السيـوف اتـــعـانـقـوا وفـزعتـهم اتـگر العـيـن
نافع وأنـس والكاهلي وجـون المقــــاتل وجوين
واحـــــدهم ايــعادل ألف لا والله يـمـكـن الـفــين

كم فـئـه جـانت قليله
گطعت الروس الثگيله
الغايه حبك والوسيله
يااباعبدالله

ــــــــــــــــــــــــــــــــــ
حيدر بشار الدراجي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

محاوره بين ابو فاضل والعقيله. ع

ما ودعتني من رحت ارجعلي ياعباس
ماني اختك بگلبي اتعرف ياسيد الاحساس

+++++++++
صوتك سمعته من صحت ادركني خويه حسين
ظهره انحنه اگبالي وعثر چا گتله رايح وين
شيوصلك حد النهر وانته بدموع العين

هلبت جرح عنده ويجي ونضمده جرح الراس

++++++++
چلمة تعال اتكررت واعذرني عالتجريح
لو باقي بانفاسك نفس راجع يزينب صيح
اتوچه وانهض عالسهم واگبالي اوصل طيح

بحضاني يالغالي ردت تلفظ اخير انفاس

++++++++++
زينب سمعته للنهر صوته وصل مبچاچ
نفرض اجي ماعندي چف واتحاضن بملگاچ
ودعتچ الله انه رحت يازينب الله وياچ

خويه البگه براسچ وگع عالگاع ابو النوماس

+++++++++
يالغالي اعرف غيبتك ناتجها ليگدام
اسحبته ثوبك من قبل لاتحترگ لخيام
مديته واگباله اگعدت يشبگني ثوبك گام

حاچاني ثوبك عالخدر كلشي ولاينجاس

+++++++++
امسحها بيمن شيلتچ ماباقي عندي چفوف
وشلون اشوفچ والسهم من عيني ماخذ شوف
جودي تبده اعله الارض يمي العلم ملفوف

يرثى يخيتي الحالتي من هالخبر تنقاس

+++++++++++
لو حته عن اختك غبت چلمة بخت تنگال
لا مثلي تلگالك اخت لا مثلك الگه ارجال
عگبك اروح اميسره تنشد بديه احبال

لو ناشدو وين الكفل خدرچ شگل للناس


ثائر الربيعي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

لاتكله اشلونك الميت ضميره
اولاتعاتب ناس مامملوحه غيره
مايفيد إعتابك .. زين مَيز أصحابك
أولاتعاتب ناس ما ملوحه غيره
———
هاي دنيا وافتهم مامعنى أسمها
صح چبيره لكن أزغَيّر حجمها
الدليل اهنانه محد يبقى يمها
الناس ترحل بين فرحتها وألمها

أحچاية الطيبه تِضل عگب المنيه
شاهد اصحاب الولي بالغاضريه
منهم إخذ إجوابك .. زين مَيز أصحابك
اولا تعاتب ناس مامملوحه غيره
———
الكِله ملگه وبالهلا منثور خيره
هذا دوم أبشدتك روح أستشيره
ألصاحب اليوفي تحس چنه عشيره
اوعوف كلمن روحه للدينار أسيره


الكِله ملگه وبالهلا گلبك يترسه
مثل أبن ظاهر تِضل متغيب شمسه
حتى يوم إعجابك .. زين مَيز أصحابك
أولا تعاتب ناس ما مملوحه غيره
———-
خاوي كلمن يعتني البل شده ردته
وعوف كلمن مادره أبجاره ومحنته
شوف كل واحد تشوفه بيك أنته
من يٌمر طف كربله تنزل دمعته

التبچي عينه الزينبك خلي صديقك
واليضدها أبسرعه أبعده من طريقك
أبعبرتك ومصابك .. زين مَيّز أصحابك
أولا تعاتب ناس ما مملوحه غيره
———-
يامن أمرخص لبو اليمه وريدك
الما يحب حسين گله ماأريدك
وهذا اليضد دمعتك بيمن يفيدك
المالطم وياك لتخلي أيده بيدك

بيهم اليمشي سنه وچن ماشي خطوه
وبيهم الخطوه مشه وبدربه ضَوّه
أبجيّتك وأغيابك .. زين مَيّز أصحابك
أولا تعاتب ناس ما مملوحه غِيره
———-
أرسم العمرك درب بي كربلائك
وكل نَعم بيها ظُلم طلعلها لائك
ابثار ابو اليمه الينادون أبندائك
اي نعم بس ذوله هُمه أصدقائك

كلمن أبروحه تشوف الطف مناره
حتى لو يغلط إخذ منه إعتذاره
أبسالِبك وأيجابك .. زين مَيّز أصحابك
أولا تعاتب ناس ما مملوحه غيره
———-
صير صاحب من صدگ حتى النهايه
تطلع اويه المهدي بيدك اغله رايه
والحقد واليعمل بسؤ النوايه
هذا ميريده الامام إمن البدايه
أنته هَذب نفسك الحد المنيه

المهدي عنك يرضه والزهره الزچيه
بمبدئك وأطيابك .. زين مَيّز أصحابك
أولا تعاتب ناس مامملوحه غيره
———-
سيد مرتضى الموسوي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

خوش اصحاب عندي وفوا العِشره
عليهم كل وكت ماتنشف العَبره
ونيت يوم امصابي .. ونيت لجل أصحابي
———-
عاالأصحاب طاري اشما يجيبونه
حچيهم ينتهي وحدهم يخلصونه
واصحابي فظلهم من يذكرونه
الحچي الينراد كون العالِم ايصوره
———-
بيهم بيش اسولف حيرة الحيره
وآنه اصحابي كلهم مرجله وغيره
أبدي أبياهو منهم محنتي إچبيره
واحدهم ترك حدر الظلع جمره
———
إجتباهم ربي أليه وعالوعد حضروا
گلتلهم منيه ابتسموا وشكروا
مصابيح اعله ليل النايبه زهروا
وأجرهم ينحسب عد فاطمه الزهره
———-
هوّه اللي يودع بالعُمر صاحب
يضل لآخر نفس منه الفرح غايب
وانه الطف وداع إشگد إلي جايب
رحل وين الوفي والمابخل عُمره
————
كلما منهم آنه افتقد واحد
مايبقى الدمع وسط الجفن راكد
يقل صبري ويضل بيه الحزن زايد
دنيا ابلا حبايب ياخلگ مُره
———-
ياخذني التعب وبنوحي أنعيهم
ويوشلون الدمع من احچي اساميهم
ها يصحابي من طلبت أناديهم
كسر افراگگم ضل بيه شيجبره
————
بس الله ابمحنتي وحالتي يدري
وعلى المكتوب اليه سلمت أمري
راحوا عني راحوا وانكسر ظهري
ويوگف بيش كلمن منكسر ظهره
————
سيد مرتضى الموسوي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي