هوّس حبيب وگال ذبّو العمايم
وصيحو بعلاة الصوت يم الهواشم
أنصار أنصار
ــــــــــــــــــــــــــــــــــــــ
صح احنه قله القليله
لاكن نعادل قبيله
كل زلمه واگف علم

الگابلنه نهجمله بيته
انجر الشمر من لحيته
وانذبحه ذبح الغنم

راس ابـراس .. والعباس .. نردمهم سويه
بشرو احسين .. يالسبعين .. متردنه الـمنيه

عمر ابن سعد اليوم خل شيله يلبس
لو اعمه لاهله ايروح لو يرجع اخرس
أنصار أنصار
ــــــــــــــــــــــــــــــــــــــ
امشونه نسعي بخيمهم
وانفرح الزهره امهم
احنه زلم كربله

موچف حسين النبوسه
انبوس التراب اليدوسه
خدامه واجنود إله

انهب اعصار .. عالكفار.. وانرجف الشوارب
حَر السيف .. يچوي الصيف .. وايسوي العجايب

بالغيره نگعناه سيف البدينه
باعوا اميه احسين واحنه اشترينه
أنصار انصار
ــــــــــــــــــــــــــــــــــــــ
عبدالله كلمن يمسه
شيله وعبايه نلبسه
وانرجعه لهله مره

رغم الذبول اعله شفته
هذا الطفل يم ضحكته
الورد لازم سره

ابهذا الليل .. يطلع هيل .. من كاروكه فايح
واشمحلاه .. جل الله .. السواله الملامح

من يرمش الگيعان تنگلب خضره
ابوجهه صلاة العيد والضحكه فطره
أنصار أنصار
ــــــــــــــــــــــــــــــــــــــ
لازم نطمن الاميره
انگللهه انتي الچبيره
يابت علي وفاطمه

شوفينه شنسوي باچر
باچر نثوّب مناحر
باچر نضحي الدمه

اتطيح ارگاب .. فوگ ارگاب .. لو مسّو عبايه
العلويات .. ذن آيات .. مايمشن سبايه

من رخصة العباس نعتذر منّه
حسبينه يالحوراء خوانچ احنه
أنصار أنصار
ــــــــــــــــــــــــــــــــــــــ
باچر نسوي العلينه
القاسم نزفه بدينه
وانسوي اكبر عرس

انهوسله هوسة شجاعه
هذا اللي يوصل شعاعه
من الأرض للشمس

ماكو ادموع .. بس اشموع .. باچر بس سعاده
يفتخرون .. زلم ام عون .. لو نال الشهاده

شيخ الكرم جسّام والطف مضيفه
عنده الحرب ديوان والدله سيفه
أنصار أنصار
ــــــــــــــــــــــــــــــــــــــ
للحومه طبو الاشاوس
جون وحبيب اوي عابس
عجبو حتى العجب

عالدرع لبسو گلبهم
ومن گد صلابة رگبهم
السيف منهم تعب

واليوفون .. يتعلگون .. رايات بمواكب
ربع احسين .. بالرجلين .. داسو عالشوارب

صاحو حلاة الموت لو عالعقيده
واليمس ثوب احسين نگطعله ايده
أنصار أنصار

محمد الجماسي

#اللهم_عجل_لوليك_الفرج
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

انصارك يبواليمه
كل واحد بالف زلمه
صارو عالخيم لمه..

والعباس حياهم
ــــــــــــــــــــــــــــــــــــــ
شجعان فرسان.. كلهم حميه
سبعين يحسين.. صاحو سويه
وياك ..للموت. يبن الزجيه

يم المخيم هوسو
والغيره شبت بيهم
خارج حدود الطف وصل
يمكن دبچ رجليهم
جاسم يكلهم ياهله
والأكبر ايهنيهم

كالولك يبوالسجاد
نكلبهه الطفوف ارماد
وكفولك بالاستعداد..

والعباس حياهم
ــــــــــــــــــــــــــــــــــــــ
انصار..وارجال.. عدهم بصيره
واوجوه..بالخير..تزهي ومنيره
صاحو..وياك..احنه العشيره

ترباتك احنه ومن تهد
مولاي زامط بينه
لونزلت يمنه الشته
يبقه العشك يجوينه
واحدنه ينعد بالف
شارب الك كضينه

بالضاهر هذن كلمات
لكن بالحقيقه آيات
صالو أعظم الصولات..

والعباس حياهم
ــــــــــــــــــــــــــــــــــــــ
جيناك وانكون..زلم العقيده
نرضي الزهراء..هذا النريده
اليدناك..مولاي..نكطعلك ايده

هاذي عبارات الزلم
فوك الصخر منقوشه
الباوعلك احسين بكره
نكلبهه بيض ارموشه
والحومه صارت بالركب
طول بعرض مفروشه

مثل البسط بالديوان
فرشوهن ركب وابدان
والهم صفك الميدان

..والعباس حياهم
ــــــــــــــــــــــــــــــــــــــ
لخيام..ام عون ..زحفو ضمائر
لن شيخ..الانصار..ابن مضاهر
ناده..تفداج..كل المناحر

اليوم إطمأني وأمني
وارتاحي يالعلويه
حراس احنه اعله الخدر
واحنه زلم حربيه
مادام نشتم الهوه
ماتنوخذ مسبيه

زينب سمعت الانصار
صاحت ياضوه الانضار
بيكم غيرة الفقار..

والعباس حياهم
ــــــــــــــــــــــــــــــــــــــ
بالليل..عالكاع..فرشو عبيهم
تهليل..ترتيل..نسمع دويهم
آيات..نفحات..يطلع حجيهم

هذا اليحد إبصارمه
وذاكه اليجهز اثيابه
وواحد يخظب شيبته
حته الالوف اتهابه
خوان الإحسين ونعم
وانعجنو أمن اترابه

ومن صار الصبح ياناس
واحدهم عله الذل داس
ماتو رافعين الراس..

والعباس حياهم
ــــــــــــــــــــــــــــــــــــــ
كل عام خدام..احنه بعزاهم
فرسان..عاشور..الله اصطفاهم
من فوك..للكاع..نازل ضواهم

ذكراهم ايسر الكلب
نصرو حبيب الزهره
ولوعاشو الهذا الوكت
هم جان نفس الفكره
جا لبسو اجفانه واجو
والمهدي لزمو ضهره

ذوله أمن اطيب الارواح
للمهدي درع واسلاح
صارو للشجاعه اجناح..

والعباس حياهم

محمد الجماسي

#اللهم_عجل_لوليك_الفرج
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

.      بـاچـر تـحـتـرك روحـي وعـبـاتـي
       بـاچـر عـالـتـرب تـوگـع حِـمـاتـي

            يـلـيـلـة فـجـرچ اشـلـون
            ارحـمـي حـالـت ام عون

                                *---------------*---------------*

ياليلة العاشر صـعـب   هـذا الفجـر مـا ريده
خـافـن اودع كافـلـي   الجاباني ايدي ابأيده
ابهيده ساعاتـج تـمـر   خلـيـهـه بـيـه ابهيده
تدرينه مكسور الگلب   بـاچـر صـبـر ميفيده

         فـجـرچ ينتهي وتبدي العجايب
         فـجـرچ لو طلع احمل مصايب

             اهـلـي ونـاسي يرحـون

                                 *---------------*---------------*

ابفجرچ عليّه اتأخري   عوفي الگمر ونجومه
عاشـر محـرم والدمع   مابـيـه حيـل اهمومه
ما اگدر انضر بخوتي   متروسه گاع الحومه
يطشرون ابكل كـتـر   ويـن الجميله ارسومه

         صـعـبـه هالوضع بعيونه اشاهد
         صـعـبـه ابدمعتي للموت اعاهد

               اغلـه احبابي يمشون

                                 *---------------*---------------*

عبـاس امـوت ابغيبتـه   بـاچـر اذا مـا شـوفـه
ابروحي حسيت الالـم   والوادي خيّـم خوفـه
لـو بعدت الـرايـه علي   تـبعـد عـلـيـه اچفوفـه
ماعوفه لو بيدي الامر   يمشي الاخو ما عوفه

         يـمـشـي  أوتنّظره اعيوني واكابر
         يـمـشـي الكسرتي مـا الـگـه جابر

               كـسـره ما اضـن اتـهـون

                                *---------------*---------------*

لا يطلـع ابليلچ فـجـر   الـمـن يـجـي يـا لـيـلـه
تتسلب اطفال وحرم   وبالبـر تـضـيـع الـعـيلـه
يـاهو الـيـقـدّر حالتي   وزحمه الغريب اشكيله
آنـه ربـيـبـت فـاطمـه   اوعَودي حامي ادخيله

            ابـعـيـنـي للسبي بانت علايـم
            ابـعـيـنـي للگمر انضرله نايـم
  
                عـلـيـه يظلـم الـكـون

                                *---------------*---------------*

ضلي ابضلامچ عالشمل   وآنـه وهـلي خلينه
كل واحد ايروح ابدرب   مـن يفترگ حـادينه
البعيوني خـليـتـه ضوه   بـاچـر افـارگ عينـه
وما ادري اليشيل العـلم   ياهو عگب چفـينـه

          ادري ابـغـيـبـتـه ايـغـيّـب دلالي
          ادري ايـشـاهـد الشامت خيالي

                 يـنـزل دمـع الـعيـون

                                *---------------*---------------*

مـا تبزغ وتطلع شـمـس   لـيـلـچ يـضـل يا ريتـه
ونـتـوادع ونشبـع دمـع   وكـلـمـن يـروح ابنيتـه
ادري يــروح ومــا يــرد   راعـي الـعـلـم تـاليـتـه
وتتمرجل اجيوش العده  الخالسهه چان ابصيته

            اعـرف مـا يـضـل واحد يويَلي
            اعـرف بالـسبـي بـاچـر رحيلي
  
                اسـمـع بسمي يحچون

                                *---------------*---------------*

✍خادم الحسين (ع)
الشاعر رعد الجريخي

وفايه إجينه .. وفايه إجينه
أنصارك وللموت .. وفايه إجينه
———
ماتنحسب يهواي وإنحسبك إشلون
إمن الذره ذره إيصير من دونك الكون
ما نحچي عالعافوك والما ينصرون
همه الي ما خدموك حتماً يخسرون

وداعت نبينه .. وداعت نبينه
أنصارك وللموت .. وفايه إجينه
———-
چان إنتهينه إبساع لو ما ردتنه
وبديرة النسيان يخلص وكتنه
يالما مثلنه أصحاب من وصَفتنه
هوه أحنه عشنه إبهاي ماچَنه متنه

بيك إحتيينه .. بيك أحتيينه
أنصارك وللموت .. وفايه جينه
———-
گول التريده إيصير أأمر يمولاي
ويستأذن إنخليه حتى الهوه الجاي
وإنجيب إلك هالغيم وبكيفك أبهاي
يمطر عليك الماي لو يوگف إفياي

إبنهجك مشينه .. أبنهجك مشينه
أنصارك وللموت .. وفايه أجينه
————-
بذرة عشگنه إبگاع حُبك وطنها
وشجرتنه للموعود يثمر غصنها
اتلاگينه ويه الموت ملگه أُم لإِبنها
وهيه المنيه إوياك ماكو أحلى منها

ها يا ولينه .. ها يا ولينه
أنصارك وللموت .. وفايه جينه
———-
يمطَيب إلنه الروح مــو بس جرحنه
أو لو ما وجودك چان بالذله طحنه
وإعله الوعد مولاي لبيكَ صحنه
لآخر نفس والله خدامك إحنه

إشهد علينه .. إشهد علينه
أنصارك وللموت .. وفايه جينه
———-
مــن البدايه أوياك حد النهايه
وميهمنه شنهي إتكون ثگل الرزايا
يالرايتك بالكون هيه أهدى رايه
إجنودك وأبد منهاب درب المنايا

يالتدري بينه .. يالتدري بينه
أنصارك وللموت .. وفايه إجينه
———
سيد مرتضى الموسوي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

ربح كلمن عطائه .. لأبو اليمه أبولائه
واليوفي أبدمائه .. ويه انصاره محسوب
———
هذا حسين سوره إعله الحياره
وابد ما يعثر اليمشي أبمساره
تجاره مٌربحه أبحبه التجاره
واليعوفه يٌمر باأعظم خساره
باب الجنه بابه .. الشفه كله أبترابه
واليلبي نِدائه .. ويه انصاره محسوب
———-
مَيضيع الذي يمشي إعله دربه
الأمل من يبتعد يمك يقربه
إهواي حسين مو واحد نحسبه
اليحبه من صدگ الله يحبه
طريق الله طريقه .. أبو اليمه الحقيقه
العلى الاعداء لائه .. ويه أنصاره محسوب
———-
حبيب بهل عِشگ أعلن كلامه
اليريد الجاه والعِز والكرامه
يحصلهن نعم من هالخِدامه
جون أبصدرك أيشكل وسامه
وسام الحٌب يجيبه .. حبيب انطه الحبيبه
واليواسي أبٌكائه .. ويه أنصاره محسوب
———
اليطيح أبشِده ويصد محد إوياه
يشوف حسين يمه أبيوم ينخاه
أبد والله ما ننسه حٌسيناه
كلمن گالها شتظنه ينساه
كلمن بيها ردد .. علي ايحضره ومحمد
على الزهره جزائه .. ويه أنصاره محسوب
———
طريق حسين تعرف مِنّه شيريد
أول شي نحارب مبداء أيزيد
وثاني شي كريمه أتصير كل أيد
ونفَرّح كل يتيم أبليلة العيد
واليفرح اليتامه .. يِعَلّي الله مقامه
ويضويه أبضيائه .. ويه أنصاره محسوب
———
أسعه أبكل عمل بي طيبه أسعه
عهد أنطيك دربه ما تِضيعه
أبنهج أنصاره من تبقى وتتبعه
المهدي أكتابك أبجنته يوقعه
گِله هذا عهدي .. أبجيش المهدي جندي
الرفع بيده لوائه .. وي أنصاره محسوب
———
سيد مرتضى الموسوي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

معلمه ومدرسه وشويه طلاب
عددهم اربعه والخامسة هيه
معلمه بلاشهاده ودرست اجيال
مادرست نهائي المرأه اميه
شرط عدها النجاح يكون مظمون
معدل كل درس مليون بلميه
امتحان اخر سنه ماعندها تلغيه
لئن طلابها بكل سنه معفيه
ماعندها استراحه ابين الدروس
الفرصه والجرص فد شغله ملغيه
دراسه من الصبح حد الصبح للموت
وتاخذهم اظافي هيه ليليه
جان اول درس موضوع الآداب
ممنوع باسمها تكتبو البنيه

انطتهم مثال الكل الأسماء
ونطت كل اسم شغلات رمزيه
اذا نكتب سكينه نرسم الجود
اذا نكتب رقيه نسوي ترجيه
وذا ردنه يزينب نكتب شلون
نرسم بس خيال وفوكه بوشيه

وبدرس الأدب موضوع حساس
لفظ جلمة يخويه هنانه منهيه
فقط ياسيدي ومولاي يحسين
عدا هذا الفظ اي كلمه ملغيه

وبدرس الزراعه وزعت ادوار
ابو فاضل الساقي الشغله مكظيه
سقاية من النهرحد الخيم للموت
امانه من العطش لتموت جوريه

وبدرس الغه كافلها مرفوع
وعلامة رفعه جانت رايه بدويه
الفاعل والفعل علشاطي مظوم
علامة ظمه جربه بزنده محميه

بعلم الفيزيا كدرو يقيسون
الضوء وسرعته وكتله نسبيه
وكتلة نور وجه وسرعة السيف
عن شخص ابو فاضل بقة سريه
بس ام البنين العدها مقياس
وتعرف سرعته جم سنه ظوئيه

وازينباه ( ملمع )
نسخة معدلة
🍂🍂🍂🍂.

أنّا التي يوماً رَأت
شِمْراً يَحِزُ المنحَرا

والرأسُ في صَمتٍ تَلَّى — وزينباً وازينباه
———————
لا عن سِمِع لا عن خبر
بعيني شفت فيض الدمة
شفت الفواطم والخيم
وابني يلوج من الظمه
والخيل من بعد الذبح
بعيني شفتها اتهشمه
ربّي الكواكب ما تطيح
المن بعد تضوي السمه

أبكي على عارٍ ذَبيح
أبكي على ذاكَ الجرى

والرأسُ في صَمتٍ تلى — وزينباً وازينباه
———————
بالحومة من شفت الابن
جره الشمر من لحيته
من الخيمة طلعتله مره
چنها يويلي حشمته
زورگ جسمنه من الضرب
كوم لخواتك نادته
الحگ رقية اتسلبت
وماظل نبي ما ندبته

تشكو اليهِ ما رأت
من هَولِ ذاكَ المَنْظَرَا

والرأسُ في صَمتٍ تلى — وزينباً وازينباه
———————
من نادته ام الخدر
كام وعلى وجه وكع
جبده طلع ويه السهم
وفتت دليلي من طلع
ومن شاف يم زينب شمر
چن كلبه من صدره انشلع
يا ربي هاذي زينبك
تنادي ولا واحد فزع

جَارُوا عَليها في السِّبَا
سَبُوا أبِيها حيدرا

والرأسُ في صَمتٍ تلى — وزينباً وازينباه
———————
من مهره جدامي وكع
خده على الرمضه انفرش
صاب المثلث جبدته
كل جسمه من عنده رعش
طاحت شفتها عمامته
وعالهامة طبروه اثنعش
شفته حچه باخر نفس
ايعالي وينادي العطش

شِمْراً دنى من جَنَتِّي
لا لَنْ أُطِيقُ ما أرى

والرأسُ في صَمتٍ تلى — وزينباً وازينباه
———————
من صاحت الحره ودعت
واوليدي دارلها النظر
يا ربّي خليني انسحگ
ولا زينب يمسها الخطر
سوط الشمر من يلتوي
يشلع لحم من الظهر
شاهد خيامه التحترگ
ونسوان تركض و اتعثر

يا ربِّي رِفْقَاً بالنِسا
أنْظُرْ إليها في العرا

والرأسُ في صَمتٍ تلى — وزينباً وازينباه
———————
بوادي الطفوف تحيرت
امشي اروح بيا درب
امشي اروحن عالنهر
ما يترك حسين الكلب
حيرة ادور خنصره
لو جف ادور عالترب
المن ادير والتفت
كلساع وحده تنضرب

عبَّاسُ أنْتَ مُهجَتِي
إنْهَضْ ليَّا إنْ تَقدرا

والرأسُ في صَمتٍ تلى — وزينباً وازينباه



عبد زينب
ابو علي
عبد الحسن القريشي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

.

الـيـــصـــدلـــي مـــيـــعـــرفــنــي.. هــســه نــامــن
وأصـــــبّـــــر بــالــــحـــــرايــــــر .. هــســه نــامــن
يـــخـــويــــه بـلـيـل اجـــيـــتـــك.. هــســه نــامــن

رقـــــيـــــه وســـكـــنـــــه بــــتـــراب الــــوطــيــــه

                           *---------------*---------------*

اخـــوتـــي الـــنـــــوم بـالـــحـــــومـــــه.. طـبـلـهـم
واهـــــل الــــشــــام حـــــضـــــرولـــــي.. طـبـلـهـم
شــســـولـــــف ســــــاعـــــة الـــحـــادي.. طـبـلـهـم

أكــــبــــار أزغــــــــــار تــــتــــفــــرج عــــلــــيــــــه

                           *---------------*---------------*

✍خادم السيده زينب ع
الشاعر رعد الچريخي

يـا مــحــور الـنـور
إنظل عالخيم سور
ونقدم النحور
ونقدم النحور

*

من مضيف الخيام طلعت مدارس
مدرسـه اعله اديها اتبات النوارس
مدرسه بـوفــاهــا تــذل الفوارس
مـدرسـة الأنـصـار تمطر عـوابـس

ابــن ادم الـــزيـــن
يموت اعله الحسين
بطفك يعاشور
بطفك يعاشور

*

حيهم آنــه ( قعنب ) دمي غـديـري
بس محبتك احسين تحكم مصيري
دمي دون الـخـيـام او دونـك اميري 
لـــو لا انـــت والله مـيـت ضـمـيـري

دم النحر صاح
نگسرها الرماح
بظلوع الصدور
بظلوع الصدور

*

(شوذب) الموالي و(جون) و(مقسط)
داروا اعله الـخـيـام چـن دورت الخط
چـن نقاط الأصحاب و عالكلمه تنحط
صح عطشنه مولاي بس خدمتك شط

حراس الخيام
ما تعرف اتنام
اعله خيامك ادور
اعله خيامك ادور

*

بـن ثمامـه أليكول وابـنَ مظاهر
فِـدوه لل بالخيام إنطش المناحر
ومـالـك ابـنَ ذودان ذل الـبـواتر
بيا حُســين أحبك لاگـه العساكر

والـكـاهـلي أنــس
اباب الخيم حرس
من غيرته إيفور
من غيرته إيفور

*

عابس ابـنَ شبيب وجون وكنانه
وحــارث ابـنَ نبهان الأده الأمانه
ماكـو بينه الاهتم بـروحـه وكيانه
بس إلك يالحسين ترخص دمانه 

والعبدي الأدهم
والـتـركي أسـلـم
خدام الخدور
خدام الخدور

*

مـن عـرفـنـه حـبـك للجـنـه مفتاح
مـو طـمـع عـبـاده سجدتلك أرواح
ياحُسين الإحساس بس يمك أرتاح
إبـلا درع ولا سـيـف نشبگها الرماح

ما تـغـلـه الركـاب 
أصحابك أصحاب
يا أغله مذخور
يا أغله مذخور

*

سليم الغزالي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

حسين طبو للحرب صحبانه
الهلا والحياهـــم اعله السانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هـــلا يامـــن بالحرب مالك نضيـر
ياحبيب گلوبنه وشيــــــخ الچبير
هلا بهاي الشيبـــه الطفي السعيــر
يبن ضاهـــــــر تسلم ويسلم زهير
بيكــــــــــــم گلوب الحرم فرحانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هلا صاح بعابس وحي الله جــون
وضلو السبعيـــــن الف يتراعشون
اليوم طبهم عابس وطــب بجنون
الموت لجـل حسيــن گاللهم يهون
حسيــن راواني العشگ بالوانـــــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هلا بهاني ومسلم وعمرو وشبيب
الخلو جروح الگلـــب منهم تطيب
هلا بالحــر القريـــب المو غريــــب
هلا بيحيئ المازني وجبله الحبيب
الگلــــــــب بيكـــم مبتشر يخوانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هلا بسيـــــف البالحرب مايستراح
هلا بكردوس اليحـب طـگ الرماح
هلا بأسلم والسبط كل حيله صاح
هـــلا بكلمن بالحرب لعيوني طاح
هــــــــــلا ببطال الوغئ وشجعانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هلا يالبيكم اشــــــد عزمي وگفاي
هـــــــلا يالشوفتـــكم تعادل الماي
هـلا بسلمان اليسـد عوزي وضماي
وبرير المشتري المــــــوت الرضاي
الصحبه هاي الصحبــه ماخسرانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هلا بيكـــــــم والهلا اعليكـم قليل
هلا بالأدهم ابـــــو السيف الثجيل
هــــلا بربعي الدوم ماألهــم مثيـل
اليوم ضلـــــت كربله تموج وتميل
الزلــــــم منكم هاكثــــــر فحطانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هلا يالتمشــــون وي دم الوريــــد
بيكم الوي اليوم ابو ذراع الحديد
هلا برايــــة حنضله اوراية سويد
هلا بالنصراني والطائي وسعيــــد
بيكــــــــــــم الطف اسعرت نيرانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هــــــلا بالضحولي بالغالي ونفيس
وهـــــــــب ماقصـر ولاقصر انيس
هلا بعبد الله وهلا وحي الله قيس
هــــــــلا بكلمن عايش بوجـــــدانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،،فزعة الانصار،،،

حي الله الانصار
حي الله الانصار
،،،،،،،،،،،،،،،،،،،،،،،،،،،،،،،
هــــــلا بالأنصار صاحـــت كربله وحياهم
هلا بألدگــــــو ثوايــــــه وشيخهم وياهم
هــــــلا بزلام الكلافه وصاحبين الصاحب
طبــــــو السبعين زلمه وطبـــو شمحلاهم
،،
حسين بيكـــم فرحان،،، ينصاره
الزلـــــم منكم صوبين،،، محتاره
حسين رايــــح للموت،،، ينصاره
عالموت كضو الميدان،،، ينصاره
،،
خـــــل الزلم والخيل بيكم تحتار
جدامه طبو اعله الحرب يالأنصار
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راية الأنصار رفــــــــت ياهـــــلا بهل رايه
بيكـــــم العباس كيــف والحسين هوايـــه
احـــــر مـــن الجمر چانـــت زينب اتانيكم
والعقيله تريـــــــــد منكم للحسين احچايه
،،
هنيالـــــه اليموت وياه،،، هنياله
وام الحسن تتلگاه،،، هنيالـــــــه
كلمن وگـف وي حسين،،، هنياله
بعازة زلم ماخـــــــــلاه،،، هنياله
،،
ويـن اليحـــب حسين صاحت زينب
وسيف اعله سيف اگبال زينب چلب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حسين يالانصـار بيكـــم زامـــــط العيالــه
سمعت بطاري حبيــــــب وجفلت الخيالــه
شلون بالله اليوم بينه الزلم بالطف صاحت
الشرد منكم خوش زلمه چــي شرد هنيالــه
،،
اليـــوم منكم محتار ،،، عسكرها
ازغار شردت واكبـــار،،، عسكرها
اليــوم كلش مخبوص،،،عسكرها
شصار مايدري شصار،،، عسكرها
،،
اليوم العساكـــــر كلها ترجف خايفه
اواحـــــد يگل للثاني شنهي السالفه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هلا بربـــــع الغالي صاحــت بالخيــم علويه
هلا يالماعفتو اخوكـــــــم ياهــــلا بهل جيه
وشيخهم گاللها ابشري وداعتـــــــچ مگضيه
شويه يخت حسين هاي واحنه موش شويه
،،
جدامه يالحره نطيــح،،، جدامه
وسرع نصير من الريح،،، جدامه
نذبـــــح ومانتعب دوم،،، جدامه
حي الله بالموت نصيح،،، جدامه
،،
نگلبها يم عــــون اليــــــوم لعيونــــه
واليشرد مـــــــــن الانصار خيعونــــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،،، شور للأنصار،،،،

راح ورجع ليك الحُر
بس حلوه جانت رجعته
ردلك بديه روحه ايجر
وقدمهه إلك وي دمعته
/////////////////////////////////////////////

١=
القصه ابتدت من جعجع بخيله اعليك
وجازيته أنت الماي تسكَـيه بيديك
أهنا نفسه راجعهه وبدا يسولف بيك
حسينك تعادي اشلون روحك تنطيك

يم خيمتك افشه السر
ما ضم عليك امحبته
ردلك بديه روحه ايجر
وقدمهه الك وي دمعته
////////////////////////////////////////
٢==

وضعه اختلف يا سيدي من شافاك
والدنيه خلاهه وراه من حاجاك
من ايده ذب كلشي ابنظرته العيناك
وما همه موته يصير ما دامه اوياك

ما جانت أبنيته ايفر
بلعكس ناطر ذبحته
ردلك بديه روحه ايجر
وقدمهه إلك وي دمعته
//////////////////////

٣===
يمك أجه وشايل بديه دمع العين
طالب التوبه منك ايصيح حسين
وجهي اسود اكبالك يسلطان الدين
سامحني مولاي اعله فعلي الموزين

غيرك الي من يعذر
وينسه الجنيته ابعيلته
ردلك بديه روحه ايجر
وقدمهه الك وي دمعته
/////////////////////////////

٤====
خّيَّرهه نفسه أبينك وبين النار
وغيرك رفض ساعتهه واحد يختار 
عاف السياده والحُكم هذا الصار
ورادك تحسبه واحد امن الأنصار

يم خيمتك ظل ينطر
تقبلهه منه توبته
ردلك بديه روحه ايجر
وقدمهه إلك وي دمعته
/////////////////////////////

٥======

ألحُر رفض يبقى بجيوش الذبحوك
واختارك أنت وما اختار الخانوك
ومضرب مثل صار الجميع الحبوك
أولو رد زمانه هم يعادي العادوك

الشربوك من كاس المر
ترفض تبايع غيرته
ردلك بديه روحه ايجر
وقدمهه إلك وي دمعته
::::::::::::::::::::::
🤲🏻 ✍️🏻 كلمات موسى الخادم

يا بو علي .. بدربك مشينه
وللموت ابد .... ما حسبينه
سبعينك احنه وحقنه ما ضاع
هد بينه نترس بيهم الكَـاع
يابو علي ………يابو علي
..............//////........

١/
يابو علي اوداعت علي .... السبعين الف نمحيهم
بس انت أشر بيمنتك .... جم ساعه وانصفيهم

بسمك قرينه الفاتحه .... والبسنه الادروع
ياهو اليوكفنه بعد ... من هاي الاجموع
نكَـلبهه كاع الطف كَـلب ... ونصير موضوع
وبينه تسولف كربله ... اتضل طول الاسبوع

سبعين الف ...  ما وكَـفوهم
ابساعة زمن .. واتلاكفوهم
هيجي الحجي يوصل للاتباع
هد بينه نترس بيهم الكاع

.......................
٢//

وقعنه وياك  العهد ... لاخر نحر تدرينه
كل موت ما يمنعنه ابد ... عن نصرتك والينه

لو ميت الف مره الك... نرخصهه الارواح
ما نوفي حق واحد الك ... يا سيد الاصلاح
لبيكَ صيحتنه تضل ..  من فوك الارماح
يالعدنه اهم من كل مهم .... والجانه والراح


لو ننذبح .... كل ساعه مره
منعوف ابد ..  نهجك ننصره
لجلك عمرنه يرخص بساع
هد بينه نترس بيهم الكاع
  .................

٣///

اتحزمنه بحروف النصر .... وابيرغ العلويه
والبسنه لامات الحرب .... خل تسمع ال اميه

الفكر يكَـرب للخيم .... لا يحسب يعود
هيهات نشتم الهوه .... واتكَـرب اجنود
قائدنه عباس النفل .... المامثله صايود
منه تعلمنه الوفه .... والغيره والجود

ويله الوصل ... صوب المخيم
منه يضل ... بس سيفه والدم
من كافل اخته اورثنه الاطباع
هد بينه نترس بيهم الكاع
........................

٤////
باجر نسوي ابكربله .... الماصاير ولا داير
فوك الجثث نبني جثث ..  ونسوي بيهم ساتر

بيهم جهنم تنترس ... مو كلمه تنكال
وامطاير الروس وعلي ... توصل للاجبال
خيبر نعيد ابكربله ..   كول احنه وأفعال
كل واحد البينه يُعَد ..  جيش امن الارجال

ايسد الشمس ... واحدنه طوله
نحجي ابفخر ... كلنه الرجوله
ما بينه للذل واحد انصاع
هد بينه نترس بيهم الكاع
...... .........
٥/////

سبعين الفهم ما ترد ... صولت حبيب وعابس
واشحال اذا صال الكمر ..  ميخلي بيهم فارس

لا قائد البيهم يضل ...  لا من سرايات
كل واحد البينه يطب ... يترك وفيات
بطران كلمن يعتقد ... نركعله هيهات
ثورتنه تبقى خالده .... وبلا نهايات

ما تنتهي .... الثورة بقتلنه
طول الدهر ...  باقي نصرنه
كل ابثورة النه ايرفرف اشراع
هد بينه نترس بيهم الكاع
.......
٦//////
يحسين خلصنه الحجي ... وانتاني منك كلمه
انهوسهه هوستنه ونطب .... عالماكو بيهم زلمه

هد بينه يا شبل النبي ... وعاين عاليصير
بركان بيهم ننفجر ... لجلك يبو الخير
خيّرهم انشبعه ركض ... وبشردته يحير
احنه رجالك يل الأبي .... ومنصير للغير

يابن علي ... ربعك غياره
وكت الشدد ... رهن الإشاره
الغيرك ركَـبنه حاشه تنباع
هد بينه نترس بيهم الكاع
...............___.........

✍️🏻 كلمات موسى الخادم ٢٠٢٥

هذا شيخ الانصار… هوس الزينب عزم
… .
من سمع بالحره زينب…عدهه شك بالانصار
هرول الخيمتهة حافي … بيدة عزم الكرار
كلهة اطمنج يالعقيلة… مانعوفة اشما صار
احنة لحسين انخلقنة... وما نموت الا احرار

زينب انضحي الروح… خلي كلبج لا يهم
……
نادة يا زينب ابشري … ومسحي دمعات العين
باجر بصولتنة نسحك…جيش امية السبعين
هذا عابس هذا جون… امحزمين امن الحين
ننتظر بس الاشارة… من حبيب الله حسين

نكلب الطف اليوم … فوك اشباه الزلم
……
هوسلهة ابراية الحق …واعتلة الصوت اوياه
للحسين نروح فدوة … ما نخونة والـله
اشما عليه اسيوف تطلع…احنة سيف بيمناه
دمنة كبل ادماه يجري… هالعهد خطيناه

غالي عدنة الحسين… عالمناحر مرسم
……… .
لا تخافين اعلى بختج…صوتة دوة الاسماع
باجر اتشاهد عيونج … تضحيات الاسباع
جيش امية ما نخلي … بيهم انطم الكاع
غيرة العباس بينة… تنشرة وما تنباع

بينة غيرة عباس … صاحب الغيرة الشهم
……
ما نهاب امن المنية… يا عزيزة عباس
وي حسين الموت نعمة… خلهة تسمع الارجاس
ما نعوفة الوحدة حاشا… اوياه ﻻخير الانفاس
كبل ابو الاحرار واجب… ينكطع هذا الراس

كبل الحسين انموت… صوت نصرخ والنعم
… ..
يا علقيلة بني هاشم …احنه الكم خدام
ما نخالف اي اوامر … تصدر امن الضرغام
الكم الارواح ترخص … نادى هاي الازلام
لحضة ما نتخلة عنكم ... شاهد رب الاسلام

مانرد لا هيهات … نهجم الحومة هجم

…… .
الحمد الله رب العالمين .. اللهم صل على محمد وال محمد .. موسى الخادم
……

فتيةٌُ آمنوا ... كُلَ يومٍِ عاشوراء
.....1...
هبو مثل ريح دفاع اعله القضيه
ضحو بالارواح لأبن حامي الحميه
ماهمهم الموت ولا قلت عددهم
واحدهم يصيح فدا الوالد رقية

غيرتهم شافتهه الناس
ما طخو للظالم راس
تربات الكافل عباس
اخو زينب ... اخو زينب

انطو اجفوف ... بلا خوف ... لجل راعي الزمن
والشهود اهوايه
شايب وشاب ... الاركاب ... نطوهه ابلا ثمن
مثل راعي الرايه

فتيةٌ آمنوا .... موُتُهم يُحيَّ الأرجاء
.....2.....
أصحاب الحسين رجال بمعنى كلمه
منهم على الكَاع فلا صح زلمه زلمه
كول وفعل دوم لكتهم هالملاحم
تربات ابو حسين علي من فدوه لسمه

اصغرهم بركان انشاف
ما هاب الموت ولا خاف
مثل إعصار اعله الشر طاف
ابو الغيره ... ابو الغيره

حامه عالدين ... والحسين .... دعاله ابكربله
الله يرفع شانه
صيت الانصار ... بالاصرار ... على الكل اعتله
ذل شمر وأعوانه

فتيةٌ آمنوا .... مُنتَصِراً من والاه
فتيةٌ آمنوا ... كُلَ يومٍِ عاشوراء
.....3.....
ما خانو الزاد لحد كَطع المناحر
واحدهم الموته ظل يمشي ويفاخر
عابس نطه دروس تُدرس للعوابس
عاشكَ بلا سيف عبر كل السواتر

روحه انطاهه ابحب وشوك
عاشك ويضحي المعشوك
بصولاته امسكَّت الاحلوك
منو المثله .... منو المثله

زلزل الكاع .... والاسباع ... بجت من صولته
كل حرب تحلاله
طبهم بزود ... والاحدود ... عبرهه بخزرته
اوفرت الخياله

فتيةٌ آمنوا ... هُم أسودُ في الهيجاء
فتيةٌ آمنوا ... كُلَ يومٍِ عاشوراء
.....4.....
ألحر بالطفوف رسم لوحت رجوله
طلكَهه دنياه واخذ دور البطوله
عاف الملذات شره آخرته ابحياته
ولحسينه ندمان اجه بدمعه خجوله

خيَّر روحه ابن اثنين
بين النار وجنت حسين
واختار الأوله ابهل الدين
رضى الزهره .... رضى الزهره

قدم الروح ... بالجروح ... لبو اليمه ابفخر
بيده روحه انطاهه
قدم دروس ... للانفوس ... بعيدات النظر
والنفس ذلاهه

فتيةٌ آمنوا .... هذهِ الدُنيا غرَّاء
فتيةٌ آمنوا ... كُلَ يومٍِ عاشوراء
......5..
يم شيخ الأنصار نهاية هالقصيده
بشيباته لحسين اجه والرايه بيده
ما جنه تسعين وصل ذروت سنينه
رد ابعمر شاب لجل نصر العقيده

هوس يم خيمت مولاه
والرايه اترف ابيمناه
عشرين اسنينه الشافاه
صغر عمره ... صغر عمره

شايل السيف ... مثل طيف ... نزل سوح الحرب
ايهوس ابخاجيته
منة الألوف .... تفر خوف .... كَلب طفهم كَلب
طب بلا عوجيته

فتيةٌ آمنوا.... يكتبُ التأريخُ دِماء
فتيةٌ آمنوا ... كُلَ يومٍِ عاشوراء

......
كلمات / موسى الخادم

رِجَالٌ صَدَقُوا مَا عَاهَدُوا اللَّهَ
ذوله انصار الحسين
....1...
كلمة حظ بخت تنكال ... منهم ما يصح ارجال
عشاك المنية
ضحو بالركب لحسين .... وانطو حتى ماي العين
اكراماً للزجية
لو لفينه هذا الكون .... ما نلكه شبيه الجون
سبع الغاضرية

حياهم ...حياهم ... خالد يظل ذكراهم ...
حد يوم الحشر
لولاهم ... لولاهم ... معرفنه شي لولاهم ...
عن معنى النصر

رِجَالٌ صَدَقُوا مَا عَاهَدُوا اللَّهَ
.....2......

نيتهم صدك لله ... جانت في سبيل الله ...
مو جاه وسيادة
يدرون الامر محسوم .... موت امحتم وملزوم
ما تبقى قيادة
عابس للشهادة اختار .... والموته ابتسم بصرار
وتحقق مرادة

للذله ... للذله ... ما ركعو للذله .... تشهد كربله
بدماهم ... بدماهم ... خطوها بدماهم ... معنى المرجله

رِجَالٌ صَدَقُوا مَا عَاهَدُوا اللَّهَ
ذوله انصار الحسين


.......3 .....
من يحجي المضيف اشعار ...لازم يذكر الانصار
باول قافياته
عنوان الشجاعه نشوف ... خالي امن الرعب والخوف
تشهد معجزاته
يم راية حبيب انذاع .... كل صيت الزلم الاسباع
الله اشحلاته

ثورتهم ... ثورتهم ... قادوها ثورتهم ...
بأيمان وعلم
نتباها .... نتباها .... بسماهم نتباها ...
يا نعمه الزلم

رِجَالٌ صَدَقُوا مَا عَاهَدُوا اللَّهَ
ذوله انصار الحسين

....4....
بيهم تفتخر الاعراب .... وترجع الهم ابنساب ...
فخر الكل عشيرة
رفضو للظلم والجور ... ما قبلو ابذبح النور ....
عالدين اهل غيره
غيرة وهب تحجي اهناء ... للدين انتفظ واغناء
يا محله البصيرة

وياهم .... وياهم .... نتمنى كون اوياهم ...
جنه ابهل الحرب
ضحينه .... ضحينه .... كلشي انحب ضحينه
ونبقى ابهل الدرب

رِجَالٌ صَدَقُوا مَا عَاهَدُوا اللَّهَ
ذوله انصار الحسين

.....5.....
تاريخ المجد معروف .... ميخلد سهم وسيوف ...
تخليدة المناحر
وانصار الحسين بزود ... بيهم كل مجد محسود
بالماضي وبالحاضر
ابن الحر ثبت لّلناس ... بس لله يهبط الراس
حليبه الرضع طاهر

رايتهم ... رايتهم .... تحمل قيم رايتهم ....
ما طاحت ابد
من عدهم .... من عدهم .... يا سامع من عدهم
ما يحصل بعد

رِجَالٌ صَدَقُوا مَا عَاهَدُوا اللَّهَ
ذوله انصار الحسين

...........
الحمد الله رب العالمين
اللهم صل على محمد وال محمد
موسى الخادم

يم خيمة الحره اجمعَّو ليلة العاشر
كل واحد يسولف شنهو راح يسوي باجر
اتقدمهم حبيب وصاح يا زينب
باجر الا اخلي اخيولهم تتعب

...1...
من سمعو حجي الدار اجو مثل الفرض
حفاي اعله الاجدام ركض يتبع ركض

صاحو صوت واحد بشري يم عون
احنه انصار اخوج الما يخونون
فدوة انروح كلنه الخاطر حسين
لتهمين نامي وغمضي العيون

(لحسين انضحي وذريته )


....2....

وكفو وكفت الموت على مد البصر
يترأسهم بزود حبيب ابكل فخر

هوس هوسه تطرب يم الحسين
والانصار صاحوله اعد مرتين
ورباط القصيده جان موزون
يخت حسين امني ولا تخافين

(هوسه بسيفه وخاجيته )

...3...

نزلو نسمه من ريح على باب الخيم
واحدهم شبه ليل يرفرف بالعلم

جاين العرس ما جنهم الموت
يا هنيالنه يصيحون فد صوت
لحسين انتمينه وصرنه انصار
قصتنه شبيهه ابقصت الحوت

(نجانه حسين بحنيته )




....4...

صارالعاشر وبان الحجي كول وفعل
كَرو عين الحسين صحبته الما تجل

سرجوهه الخيول وشدو انكاب
هدوهه السواتر فوك الاركاب
سبعين اي نعم بس عادلو جيش
الشايب بيهم ابصولاته رد شاب

( بالتسعين وذب عوجيته )


....5....

صارو مضرب أمثال لكل صاحب وفي
حسين بعدد سبعين صحبته مكتفي

واحدهم جبل شامخ فلا يطيح
ثابت بالعزم متحركه كل ريح
شكوهه الدروع ابزحمت الخيل
تشهد كربله ما حاجه توضيح

(لليوم وعابس ظل صيته )
... .....
تمت



كلمات
موسى الخادم

يمهدي … سادس ليلة هاية
يمهدي … الأنصار الهـداية
يمهدي … ظل خالد ذكرهم
… ..
ليلة السادس علـــيهة كـــل الانظار
ليلة الحر الرياحي وباقي الانــصار
مستحب نحي ذكرهة اصغار واكبار
كل عزم بيه ورجولة وغيرة واصرار

يمهدي … لــيلتـــهم عظـــيمة
يمهدي … ما ضاكت هــزيمة
يمهدي … ختموهة بنصرهم
… … ...
ما تعــذر بيهم الواحـــد للحــــسين
ناذرين الروح اله من عمر يومين
اكبال سبعين الف جانو همة سبعين
لكــن التاريخ كــاتب نصرو الديـن

يمهدي … فوك اعلى السواتر
يمهدي … أتركو دم المـــناحر
يمهدي … ما هـــمهم أمــرهم
…………
الليلة نقرة الفاتحة ونهديهة الهم
ونلعن الزمرة الخبيثة القاتلـــتهم
علمونه احسين ثـــورة من فعلهم
واليحبة ايعيش امــير ويوصللهم

يمهدي … درس انطو نحفضة
يمهدي … اليحب حسين يرضة
يمهدي … رســـول الله شكرهم
*****
نسألك يل الحجة من تبجي عليهم
يا هـــو الي نشف دمعتك يانبيهم
من تــروح الكربلة تشكر سعيهم
الوحـــدّك لو وية حــزنك تعتنيهم

يمهدي … الك بكلوب حــرّه
يمهدي … دعاء الفرج نقرّه
يمهدي … يالغالي بنظرهـــم

الحمد الله رب العالمين
اللهم صل على محمد وال محمد
موسى الخادم

احنه انصارك حُسين ... ما ندنك الهـامة
نكلب الطف لو تريد ... شد عزمنه احزامه
؛؛؛؛
يا حسين أنصارك احنه الحومة نكلبهه كلب
انت بس امرنه وانظر مانسوي بالحرب
جيش امية الساعة نمحي بيهم انساوي الترب
الكاع نطــبك عالرؤس مـثل طيّات الكتب

احنه تربات الفحول ... والكفر علّامة
؛؛؛؛؛
يا ابو الاكبر لا يهـمك لجـلك انضحي النفـس
عدنهة الموت اعلى الدرب اشبه بزفت عرس
شوف هذا الجيش كله ساعت انطب ينخرس
احنه انصارك يغالي بزودنة انــغطي الشمس

ما نهاب امن الالوف ... والنكب بالثامة
…… ..
يا شبل حامي الحمية لا يهمك كـل عدد
تدري واحدنه بهجومة اشبه بهجمت اسد
بينه متفوق بجنونة بينة ما رد بالــشدد
يا حبيب الزهرة امـــن الك وقعــــنه العهد

ما نعوفك يا حسين ... ناصر الله اسلامة
؛؛؛؛
ما نعوفك الله شاهد سيدي الكطع النحر
منخلق واحدنة لجلك ما يهـم ابكل خطر
يا عـذر لو نمشي عنك ننطي باجر للكمر
تحت امرك ما نخالف رايك اعظم مستقر

اوياك نبقى ما نروح ... والركب فهامة
؛؛؛؛؛
يا حبيب الزهرة سامع هذي صيحة وترتفع
كلنـه اصرار وعــزيمة شجرة الغـل نقتلع
انت بـس اشر بيمينك ناخــذ بثــــار الظلع
وثار ابو الحسين ذاك الما نشف لجلة الدمع

صاحب النصر المبين ... رفرفت اعلامة
…… ..
الحمد لله رب العالمين
اللهم صل على محمد وال محمد
مـــــــوسى الخــــــــــــــــــادم

والنعم من عدهم انصار حسين
سبعين واحدهم يعادل سبعين
… ..
ما يصح واحد مثلهم… بين كــل هاي العرب
لو يصح ميتين منهم … جان كون الله انكلب
عابس ابلحظة هجومة... راوه عدوانه العجب
مو قميص الشك عليهم…شك عليهم درعة طب

مجنون بحسين ورخصلة الاسنين
… ..
صالو ابصولات حيدر … علي قالع خيبرة
نزلو الميدان نزلت ... رجل واحد مفخرة
برز جون وبيدة شايل ..عزم سبع الكنطرة
گلّب اجيوش الظلالة... الميمنة اعلى الميسرة

بيض الله وجهة ناصر الحسين
… ..
مثل انصار ابو اليمة .. انصار ما تحصل بعد
كل فرد بيهم يعادل ... جيش صاحب معتقد
وي برير السيف كبر ... صال صولات الاسد
خسف كاع الطف عليهم ..كل سراياهم مرد

انقض عليهم كالاسد من صوبين
… .

والنعم منهم تنادي … كل مواطن كربلة
ثورة العــز والاردة ... ناصروهة ابكل هلة
وهـب للاجيال فهـم … شنهو معنى المرجلة
قـارع الموت ابيمنة… تشهد اعليه الملة

وهب انصاري ونصر هذا الدين
… ..
حارت العدوان كلهة…بجيش الحسين الابي
الواحد ايعادل سرية… من جيوش الناصبي
على العسكر طب زهير ... وصار يحبيهم حبي
ما رجف سيفة وتعذر…حامة عن دين النبي

روحة ضحاهة لجل هل الطيبين
……
جسدو اعظم ملاحم… بالشجاعة والوفة
كتبت الاقلام بيهــم … شعر نابـع معرفة
موقف الحر الرياحي … كل وصف ما يوصفة
مثل بركان اعلى خصمة .. ثار محد وكفة

ربح دنية واخرة بسهم البين
… .
للحسين ارواح ضحو… والدماء الزاكية
ما رهبهم جيش امية ... همة بيهم عالية
بچف حبيب الراية رفت... كل بطولة حاوية
شايب وتسعين عمرة ... لجن بي كل عافية

ادكول مو تسعين عمرة عشرين

………
الحمدلله رب العالمين
اللهم صل على محمد وال محمد
موسى الخادم
… .