بين اخيامي ومصرع جاسم شفت الويل
الحگلي اسمع وينك عمي وماظل حيل
هضمني يعمي مصابك
مظلمه خيمنه بغيابك
.............................
والله ياجاسم مصيبه
المحب عايف حبيبه
مثل ابوك الكله طيبه
جنت اشوفك

عودك الضماك اليه
ابمحنتي بالغاضريه
انته من عنده هديه
جنت اشوفك

يالضماك ابوك وهاي الاطفوف
ويالمثل الحسن ماتعرف الخوف
يالامخضب دمه مو حنة اچفوف
مو زفة عرس للموت مزفوف

ضهر افراگك صار بعيني چنه الموت

تشبه طيحت ماي ابموتك وبلا صوت

دمعتي وحسرتي الشبابك
مظلمه خيمنه ابغيابك
..................................

من صحتلي واعتنيتك
عالثره يبني لگيتك
ريتهه اندارت منيتك
كون اليه

اسيوفهم طبرت جسمك
يالامطشر ردت المك
ياجرح بويه اليألمك
كون اليه

لو تنشال اشيلنك بالاعيون
شلمك وانته من السحگ مطحون
المصيبه الشبيت گلبي والاضنون
امك شرد اگلهه وارجع شلون

هاي الباگت حيلي وشوف العين
شتعذر لمك تنشدني جاسم وين
وتگلي اناطر جوابك
مظلمه خيمنه بغيابك
.....................................
خلصن دموع النواظر
لا بعد مابيه اكابر
ابردتي شفت التناطر
شرد أگلهه

الربتك تدري حنينه
روحهه الدربك رهينه
لوتگلي الولد وينه
شرد أگلهه

تگول الحاسبه حسابي ازفنه

راح الحومته ومارد بعد النه
يرجع لو يعمه اگطع الضنه
مايرجع دلالي ايگلي ظل مطروح
يابو اليمه شوف وليدي يرد الروح
سألتك واريدن جوابك
مظلمه خيمنه بغيابك
.......................................
شلتك ودمعاتي تجري
وحسرتي تحرگ بصدري
ابحالتي بس الله يدري
من الافراگ

ياخسارتنه الچبيره
بالطف امفارگ عشيره
خيره يا جسام حيره
من الافراگ

شسولف والعتب مارجع الموته
يصيح الينولي ومحد سمع صوته
اشموع اتنازع وبالحسره مزتوته
وشيعنه الدمع والعين تابوته
جمرات افراك امصيبتكم يلهب نار
ياجاسم والحل بالفرگه ماظن صار
دمعنه نوزعه بثوابك
مظلمه خيمنه بغيابك
........................................
احجي وي روحي بسؤالي
گضو غالي بعده غالي
موتي احسنه دنالي
ابگاع الاطفوف

للحسن يابويه گله
افراگكم ربالي عله
بينت بالفرگه خله
ابگاع الاطفوف

يا جاسم وحيد وجيشهم لمه
وگل للمجتبى ظل وحده ابو اليمه
اونات العلاوي اتهضمه وتألمه
اعداه اتسابگت گلمت طلب دمه
وصلو يم الخيمه وصاحو شفت الگوم
وين الچنت اتزامط بيهم هذا اليوم
الضحايا اشنفعهم عتابك
مظلمه خيمنه ابغيابك

خادم اهل البيت علي الزرگاني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

قمَرٌ    ظهَرَ بهَيْبَتِهِ
قمَرٌ    بزَغَ بلامـتهِ
                      قمَرٌ    رفَّ برَايَــتِهِ        هذا العبَّاس
֍֍֍֍
حيدر لو عبــاس الواگف     بالطـــف نشـوفه
رايه وسيف ودعوت أُمه     ابصدره وچفوفه
هذا الچان اگمـاطه الرايه     وحيــــدر يطـوفه
وايلوليــله ويسـهر يـــمه     ولا مـــــــايعوفه
قمَرٌ   يعلو بخيْمَتِهِ
قمَرٌ    بزَغَ بلامـتهِ
                       قمَرٌ    رفَّ برَايَــتِهِ        هذا العبَّاس
֍֍֍֍
حيدر چان ايهز ڪاروكه     ويهــمس بذانه
عن الطف يحچيله وزينب     والخــــيــزرانه
لجل حســــــين ايگله يبني     خلفــــــتك آنـه
ابروحك وابچفينك ڪــونـ ... اتصون الامانه
 
قمَرٌ    كــــانت كُنيتهِ
قمَرٌ    بزَغَ بلامــــتهِ
                    قمَرٌ    رفَّ برَايَـــــتِهِ     هذا العبَّاس
֍֍֍֍
حيدر ماضـــــاعات تربيته     من ربه ڪـافل
بالطـــف العـــباس اشسوّه     والله مقـــــــاتل
زينب من صاحت عطشانه     ضل دمعه هامل
ڪـل اجروف الشاط ومايه     بالجـــربه شايل
قمَرٌ   هبَّ لِنُصْرَتِهِ
قمَرٌ    بزَغَ بلامـتهِ
                      قمَرٌ   رفَّ برَايَــتِهِ        هذا العبَّاس
֍֍֍֍
من طب اعله العسكر صاحوا     طبـــلنه حــيدر
المــاي ابجــوده لمــــن شاله     چــن بيده خيبر
يبس ريج الشـــــــاط الڪافل    اللهُ اڪــــــــــبر
شمــــــرات الڪـرار ابروحه    ابكل هيبه زمجر
 
قمَرٌ    مُنْــــذُ نُعُومَتِهِ
قمَرٌ    بزَغَ بلامـــــتهِ
                     قمَرٌ    رفَّ برَايَـــــتِهِ      هذا العبَّاس
֍֍֍֍
    هذا ابن الي چــــــاتل مرحب     وابرايـــته ايرف
لحســين انطه روحــه وچفه     وايگــله آســـف
ياهو اليگدر يووصف خوته     وتاريخه يوصف
چــــان ايبدله ابڪل اخوانه     يتمــنى يوســــف
قمَرٌ    عُرفَ بِشِيمَتِهِ
قمَرٌ    بزَغَ بلامـــــتهِ
                    قمَرٌ     رفَّ برَايَـــــتِهِ     هذا العبَّاس
֍֍֍֍
عباس الماهمه الطاغي       وما همه جوره
الف واربع مية عـــام و .... وليهـــسه نوره
والتشـــهد زوراه لمـــن      اتروح وتــــزوه
يستقبلهم وابــــلا چـــفه      ينــطي النذوره
قمَرٌ     في شخْصَّيتِهِ
قمَرٌ     بزَغَ بلامـــــتهِ
                    قمَرٌ      رفَّ برَايَـــــتِهِ     هذا العبَّاس
🔴🔴🔴🔴🔴🔴🔴🔴🔴🔴🔴🔴🔴🔴🔴
وليد المندلاوي
 

#فزاعيات

عرضو الانصار يم حسينهم
چان بس الموت بینه وبینهم
^^^^^
حبيب اتكــــلم اول واحــــد ابشر
عالمكشوف نحچي وموش بالسر
نموت نعيش احنه وياك يحسين
حبيب بخدمتك ويخدمك الحر

مـــا خلـــــي الشــــــر يوصلك

بالگلب يحسين وبنص عینهم
چان بس الموت بینه وبینهم
^^^^
عابس گال هاي الحرب سهله
ويـــــاك القــــتال حسين يحله
مثل الفرض انت واجب يصير
عدنه حسين ثابت مثل قبله

خلينـــــا الجيش تحيــــر

حسين انت المهم انت ودينهم
چان بس الموت بینه وبینهم
^^^^

هوس جــــــون يــــم حسين رباط
يحسين احنه ذوله انصارك انشاط
مــــا نرجع لـــون نــــدگطع اوصال
منخلــــي الخيـــــــم بشرار تنحاط

طبيناه الطــــف لاگنـــــه

وينهم كلمن يجونك وينهم
چان بس الموت بینه وبینهم
^^^^
ما نرجع ابد حـــــد گطع الانفاس
تاج انت واكيد التاج عــــــالراس
وين الحار احنه انصارك وشوف
بينه حـــــروره من الگمر عباس

هـــــد بينه نبيض وجهــــك

موت الأحمر زلمك مسمينهم
چان بس الموت بینه وبینهم
^^^^
صحبتهم وفـــــــه وبلا مصالح
وين الفزعه بي والكــــــله مالح
الما مجروح الك لا ترضه ابد بي
كون الكل الك يحسين طايح

مـــــا بينه اليرجـــــع سالم

اشر ويحسين الك نمحيهم
چان بس الموت بینه وبینهم
^^^^
علي جبار الكعبي
الفاتحه لوالدي

حكاية الشام

باب الساعات
اطبول وشمات
من صاحوو مات

راسه العل رمح دخن
وعيونه يريدن يبجن
من صاحوو مات


****
مــــرت ايام وضعنه بالشمس واگف
بلحبال مجــــتفينه وبل وضع عارف
صياط وحجار انظربنه وحيرة شنشاگف
ونومي ع الراس بدمعنه وكلهه تتراجف

والرمح عالي علينه وصعبة شلوحه
حسين مو بس مرة وحدة من طلعت روحه

ومــن صاحوو كلهم وين
بدمعة وهز راسه حسين

ضل يقره ايات
من صاحوو مات

***

النواظر من وصلنه محملة بغيمة
الشام آآخ الشام يوجع وشكبر ظيمة
احنه بونه الحامي دنيا انبات بل هيمة
وهسة لا عباس عدنا ولابعد خيمة

اولوو بجينه گبال راسه الكل يضربونه
اولوو سكتنه بأمنا فاطم شو يسبونه

من گلهم جرحوو بهاي
يـم راسه اوبدوو الماي

ونكـبة وحسرات
من صاحوو مات

***

موقف الگطع دليلي وماطفت نارة
مرة گبال عيوني ضربت راسه بحجارة
ودمى ضل ويل مدامع سوه يتجارة
ومن هذيج ألحظه شفته الباب بسمارة

وگلبي ضل مخنوگ گلبي وخنگته الحسرة
حسين راسك ذكراني بلوعت الزهرة

وذبحك جنه البسمار
الخله بصدر امك نار

بذيـج الحظات
من صاحوو مات

***

الشام خله بگلبي غصة وروع اعياله
ونهدم كل حيل عمري وحالي جن حاله
وبن ننس كلش هظمني الراس من شاله
بخنجرة يطعن بشفته ويقهر أطفاله

گبال عيني من يطعنة ويقهر بناسة
وياهظيمة بسلة اشوفن راس عباسة

ويضحك بطبول الناس
وبلســـيف ايطگ الراس

ومدمي الشيبات
مـــن صاحو مات

***


ماي حار اعلينا شمرو والضحك عالي
لجن ضل الراس عندي اغله كل غالي
وااااخ يلشام وصفاته المارحم حالي
بلحبل مشدودة ادية وللگمر بالي

وموقف اليوجعني كلش طبتي للسوگ
نوخن يم الشمات وعذبني النوگ

وخلوني اهناك احتار
وبگلــــــبي اخيام النار
بذيج الخطوات
من صاحو مات

***


الشاعر محمد البنداوي

——————-
لحن بقناة الشاعر محمد البنداوي

((سبعين))

وگفــو والعـــــشگ متعدي العيــون
وّيَــــمّ حســـين محنـيه الگـــوايــم

سبعين وعليـــــهم خَـــضر الليــــــل
فرســــان الـــــوغى الضهرك حزايم

دمعهم يسبگ الچلـــــــمات بالشوگـ
هايـــــــم ايده فوگ اچـــتاف هـايم

سجـــــدو عالتراب وصاحـــوّ اخيام
ونتـــــوذر وذر دون الحـــــــــرايــــم

اجينـــــالك عــليـــنه اغــــبار السنين
يـــالمطلعنه مــــن كــــــومةّ ذمــــايم

اشترينه احنه العبيد العدنه بس روح
اخـــذها .. اتنفــــس اعلــيها النـسايم

وگعـــدو والـــزمن ظــــل يدفع الليل
وظــــــل حســـين يحـــسب بالغنايم

باچــــــر عــــالمناحر يـــــوگف الكون
باچــــــر بــــــس عمايمكم عمــــــايم

باچــــــر والچفـــــوف اتذل السيوف
وحبــيب يصيــــــــح اجينالك غلايم

باچــــــــر يــــــوگف الماعنده رجلين
حــــــــرام الگعــده يا بيض الشـمايل

باچـــــــــر كــــــربله نترسها طيحات
مـــــــــــن شيب الرمش حد الجدايل

لا يحسين باچـــــــر نفــــــزع جروح
ونوگف منحر الكـــل سيــــف عــايل

ونشگ السكته . باچر . نرفع الصوت
باچـــر مـــــــــايظل الـــــــدين مايل

باچر تنــــــذكر جيــــل وبعـــد جيل
الخــــــــرايب تنبني باچــــر مواكب

باچر واليـــخدمك راســــــه مرفوع
ويقــــــدسون بجـــــــدامه الترايب

كله الخـــــاطرك لعيــــــونك اتـصير
بس امصــــايبك هـــــــيه المصايب

عبد زينب
محمد الابراهيمي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

بفضل الله ومنه وصل اليوم الجزء الأول من ديواني ( وحي الدموع ) قصائد في واقعة الطف
بعد تأخره بسبب الاعتداء الصهيوني على الجمهوريه الاسلاميه
شكرا للاخ الشاعر أبو ياسر الكعبي الذي كان له الفضل في تشجيعي ومتابعة التنضيد والإخراج والطبع
وشكرا لجمعية المنبر الحسيني لتكفلها بطباعة الديون على نفقتها الخاصه
كتب الله لهم الأجر وجعلها في ميزان حسناتهم شكرا للاخ مصطفى الركابي لسعيه الحثيث في طباعة الديوان

في حق انصار الحسين (ع)

ذكرهم بالعزيه ٠٠ رضا الزهره الزچیه
ــــــــــــــــــــــــــــــــــــــــــــ
نقـــي النيه ولا رايد مظاهر
طلع يم خيمة الحره مظاهر
سلامــاً ياحبيب ابن مظاهر
اخـــــت عباس ودتله تحيه
ــــــــــــــــــــــــــــــــــــــــــــ
بشر الحضرمي وأسلم وجابر
بلسم للكســـــر صارو  وجابر
امن ازورنكم اجي خادم وجابر ( البر)
بِركــــم شفته بر الوالديه
ــــــــــــــــــــــــــــــــــــــــــــ
سليمان او انس واسلم وجبله
دمـع العين مــو منخي وجبله
صارو للخـــــــدم كعبه وجبله
وي حسين مدفـــــنهم  سويه
ــــــــــــــــــــــــــــــــــــــــــــ
يگلبي غيرهم بالكــــون مالك
عابس ، جون ، والمغوار مالك
واحـدهم وسـام الشرف مالك
وشّرفهم رضا الزهـــره الزچیه
ــــــــــــــــــــــــــــــــــــــــــــ
زاهــــــر ويه عبد الله وحيان
موش اموات عد ربهم وحيان
هالاسمــــاء بيهم نزل وحيان
وعليهم وقّــع الهادي ووصيه
ــــــــــــــــــــــــــــــــــــــــــــ
وي ريــح اليهب ودّه سلامه
ويعلم ماتصح بالطف سلامه
هو الهـمداني ابن ابي سلامه
رخـــص دمّه لبو اليمه هديه
ــــــــــــــــــــــــــــــــــــــــــــ

حيدر بشار الدراجي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

كــربلائي  وثائــر      دارس من العاشـر
مـا اطـخ الهامــه      مـا اطــخ الهامــــه

*-----*-----*-----*

كربلائــي     طبــع دم الثــائــر اليجـــري بـوريده
كربرئــي      كل مـن يضحي أبدماه لجل العقيده
كربلائــي     المـا خضــع للظالم ولا مدلـــه أيـده
كربلائــي    ألابــس اگـلاده الشهاده فــوگ جيده
كربـــلائي المنهـج       ثوره ظـــل يتأجـــج
مــــا اطـخ الهامـه       مـا اطــــخ الهامــــه

*-----*-----*-----*

دارس اني      ســر بقاء  العاشر الثـوره الكبيــره
دارس اني      الموت مو للروح لا موتت ضميره
دارس اني     حسين ثائـر عالظلم مو للعشيــره
دارس اني     زينب ابخطبتها ثـوره ومو أسيـره
زينـب  الثـوريــه         خطـت   الحــريه
مــــا اطـخ الهامـه     مـا اطــــخ الهامــــه

*-----*-----*-----*

عالي راسه      حسين ثـــار وصـــار للثــوار كعبــه
عالي راسه     اليتخذ منهــج أبــو الأحـرار دربـــه
عالي راسه     الماخذل ناسـه طبيعي الكــل يحبـه
عالي راسه     الضحه مـن اجل المبادئ مو لحزبـه
عالي راسه أبموته      يدوي ثـوره أبصوته
مـــا اطـخ الهامـه       مـا اطــــخ الهامــــه

*-----*-----*-----*

عالسواتـر     زلــم علمهــا الحسين أعلـى البسالـه
عالسواتـر     ثــورة العاشر جديده أعلى الظلاله
عالسواتـر    زلــم ضحت دمها مـن اجل الرساله
عالسواتـر    دم الحـسين انتصر والله أبـرجالــه
عالسواتــر زودي      دمي خــط أعهـودي
مــا اطـخ الهامـه       مـا اطــــخ الهامــــه

*-----*-----*-----*

طبعه ثائر     دم الحسين النزف من فيض  نحره
طبعه ثائر     دمــه لمـن سـال أعلن دمــه نصـره
طبعه ثائر     كلمـن بعاشــر محــرم صـاغ فكـره
طبعه ثائر     كل حسيني وكل غيور يصير ثوره
ثـوره دمه و أيه        للحگ أعظـم رايـــه
مــا اطـخ الهامـه       مـا اطــــخ الهامــــه

*-----*-----*-----*

من وريده      حسين لا للذله خـط دمـــه شعــاره
من وريده      صـــار نبراس وعقيده وشـع منـاره
من وريده      رســـم للاجيـــال منهــاج انتصــاره
من وريده     عكس فكره الموت للحگ مو خساره
من وريـده القانــي       عالنصـر   ربانــي
مــــا اطـخ الهامـه       مـا اطــخ الهامــــه

*-----*-----*-----*

الشاعر
موسى البديري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

نار وزلم سلبت خدركم
وبالبر ركض طلعن حرمكم
چا غير خويه ام عون اختكم
فزعو عليهه حشتمكم

أحير بيا هظم يحسين ونه حيل مابيه
الحوافر فرهدت خدرك علويه علعلويه
بعد مو زينب يصيحون صاحولي يمسبيه
الحگو يخوتي الغربه عالو ياهلي عليه

وطلعت .. بين الزلم وخيول وعساكر
وركضت .. محتاره خويه ودلالي حاير
صيحت .. أسمي يخوتي بحلگ العشاير

——————————————————

التوگع زلم ترگض عليهه
بسياطهم يرحون ليهه
الراحه كمنه نحجي بيهه
لو تصح خويه نشتريهه

افا وچنه بخيم عدنان وعلاويهم يسمونه
وكل شويه راس حسين يبچي من يطگونه
كلما نلتم يشوفون يركضون ويطشرونه
وبراسك يبعد الروح مذبوح ويلجمونه

منذبح .. يلجمونه كل ماصاحن بناتك
منجرح .. ومن كد ضماك أمغير حلاتك
ياصبح .. مت عيني خويه يصيحن خواتك

——————————————————

شلون بينه وحنه نسوان
وزلمه عليل وحيل تعبان
يالذابحينه وبينه حيران
وسمع يخويه تگلي عطشان

الماي الماله أبد كل صيت جان رخيص مايسوه
شغلاته أخلاف أبو فاضل صار وينطلب گوه
منين أميه اجيبلك وشربك ونته ماتروه
موذر طولك ومسلوب شفته گبالي يتلوه

ع رمل .. يتلوه شفته فوگ الترابه
يانفل .. والهضمه رگضو باگو ثيابه
مو سهل .. العاشر ذبحني بيكم عذابه

——————————————————

شضال منك بالطف شضال
وكلساعه أشوف عليك خيال
من ضلوعك مترسين الرمال
كلسا يجي ويروح رجال

تفرهد فرهدوك الگوم ومنك كلشي ماخلو
بس جثه وجوك الگوم يمك كلهم ألتمو
أثاري خنصرك گطعوه الخاطر محبسك گعدو
عمت عيني وذر خلوك وبعدهم خويه ماشبعو

بكل كتر .. طولي يخويه بطف المصيبه
منكسر .. گلبي يخويه وماكف نحيبه
والشمر .. زينب يگلهم صارت غريبه

رسول رياض

#_قصيدة_للانصار


شدوا الحزم  شدوا الحيل   نطلع مثل نجم سهيل
انصارك وتحت الامر    انراويهم نجوم الظهر
شدوا الحزم شدوا الحيل
----------------------------------------------
كل فرد منهم سل حسامة ونادة
مـــــو مــــرة نُقتل لو الف وزيادة
كل احنه فدوة انروح لجل السادة
شان العبد مخلص يظل لسيادة
فدوة العمر لجل حسين   امرك على الراس وعين
انشمر سواعدنا السمر    انراويهم نجوم الظهر
--------------------------------------------------
اتحزم حبيــب وللحرب شال لواه
مـــــيدانه هذا وماكو زلمه اللاكاه
الاســـــدي چنه الاسد طب عداه
والجيش ما يعرف يمنته ويسراه
ما سامع ابطاري الخوف   صف الزلم بيدة صفوف
ماينفع وياهم صبر    انراويهم نجوم الظهر
----------------------------------------------------
كل الانصار اتحاشمـــوا اهل الزود
غيرة وشهامة وبالوفة ماكو حدود
نافع برير وعابس ابروحة ايجــود
ذب الدرع والطاس ما هاب حشود
مجنون اظل حد الموت   خل تسمع عداي الصوت
شوگي الك يچوي الجمر   انراويهم نجوم الظهر
----------------------------------------------
مسلم حمل واتوادع وي الخــوان
جون وزهير اتحاشموا للمـــــيدان
ما يملك اعصابة وهب طب غظبان
وامه وراه اتحمشة اعله العــدوان
لا ترجع وافدي الروح   لبن النبي فدوة اتروح
يا يمه ابشري ابهالامر   انراويهم نجوم الظهر
---------------------------------------------
الحر الرياحي بگومة فارس مقدام
واسلم التركي بيدة شال الصمصام
اتحزم زهـــير وظربتة اتطير الهام
شوذب تحظر للحـــرب شد احزام
ابدربك يبو اليمه انسير  اعذرنا عن اي تقصير
يحسين الك فدوة العمر    انراويهم نجوم الظهر
-------------------------------------------
گطعوا عهد ويه الحُسين الانصار
ما نـــــرضى بالذل لا ابد لا بالعار
ظربوا مثل باعـــظم صور للايثار
لا عن طمع بالجـنة لا خوف النار
نطي النفس لجل الله   ودين النبي ايرف لواه
ما نرجع بغير النصر    انراويهم نجوم الظهر
**
اسالكم الدعاء رائد الاسدي

نزله للانصار……

الوعد دين   يالحسين   مـا تطيـح الرايــه
الانصـــــار   الابـــــرار   دوم الك وفــــايه

ذولـه سبعينك بواسـل لوردت تنخــاهم
مـا يهابون المنايه ومـا يطــــيح الـواهم
ابن سعد ايگوم يرجف من يمر طرواهم
علي امن ايفزعون يفزع بالحرب وياهم

يبيعـــــون   هل ارواح    بس الك شرايه
الوعد دين   يالحسـين    ما تطيح الرايه


بـايعــــــوك وعـاهـــــدوك ورخصـــو دم الوريد
ابوكت بيــــــه النـاس كلهه اتجهد اتبــايع يزيد
ما نعـــوفك قســم قسمو تخسـه ظــلام العبيد
سيدي احروف اسمك آيه نترتل احروفك نريد

حفظنـــاك   يقـــــرأن   يلي اسمك آيــه
الوعد دين  يالحسين   ما تتطيح الرايه

*

طفحـت ابدمـهم الغيـره ونارهـم تلهب لهب
ابن ظاهـر وي زهيـر وعابس وجـون اوهب
كل جيوش الغاظريه النـارهم صارت حطب
بالـوغه ايزودون واهس ما يحسون ابتعـب

على الموت   يركضــون   ركضت المشايه
الوعــد دين   يالحسين    ما تطيـح الرايه
*

قـدمو حـگ العليــهم دونك ودون الخـيم
وگفت اجبال اوگفوهه ورجعو كل الجيم
للمخــيم منو يدنه وحارسينه اهل الشيم
دافعو عـن الشريعه وعـل مبــادء والقـيم

للاطــــفال   يجيبــون   الفــرات اومايه
الوعد دين   يالحسـين   ما تطيح الرايه
*

فرعو بالحـومه لجلك گبل لا تنخــــاهم
كربله من بعيد صاحت ياهله وحيــاهم
يابو الاكبر همه درع بالحـرب تلگــــاهم
ابـن جوشن بالمعــاره اتحير ابملگــاهم

يهوســـون   يهتفــون   فـوگ المسنايه
الوعد دين   يالحسين   ماتطيح الرايه
*

الخادم
كامل السعيدي
      
    #جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

قصيدة الانصار ع ــ محرم1447 هـ

فِتيَةٌ آمَنوا بِالحُسَينْ
ــ⊱☆☆❀☆☆⊰ــ

زلـم كلفه ودوم شيالت حمـل
لاتچل مــــــن القتال ولاتمــل
ترقب الصعبات تتعده السهل
زلم حيدر ذوله واحــدهم نفل

جاؤُوا بالنّصرِ والفَتحِ المُبِينْ
فِتْـيَةٌ آمَنوا بالحُسينْ
ــ⊱☆☆❀☆☆⊰ــ

طب حبيـب وشــــايل ابجفه الوه
چنــه ملك الموت يمحـــيهم نوه
اوياه برير ومســـــلم وفزعو سوه
ابزودهم چم قائد وجيشه انطوه

أشِدَّاءٌ بِوَجْـهِ الكَافِرينْ
فِتْـيَةٌ آمَنوا بالحُسينْ
ــ⊱☆☆❀☆☆⊰ــ

حســــــين ما ينباع گالو بالرخص
خبصـو الطف من مراجلهم خبص
خلو الميــــدان بالقتــــــــله يقص
عنهم التاريــــخ ضل يحجي وينص

قَاْلُوا كَلَّا لِدِيْنِ النّاصِبينْ
فِتْـيَةٌ آمَنوا بالحُسينْ
ــ⊱☆☆❀☆☆⊰ــ

تحجي عن صولاتهم كل الصحف
بالمواقف حيــــــرو معنى الوصف
ســـيوفهم زلزال بالحومه وعصف
منهم اوجوه المعســـكر تنخطف

أصْبَحوا قُدْوَةً لِلثَائِرينْ
فِتْـيَةٌ آمَنوا بالحُسينْ
ــ⊱☆☆❀☆☆⊰ــ

تحزمـو كلهم قبل طرة الفجـــــر
أكبال الحســـين ويتانون الامـــر
صاح عابس فدوه لحسين العمر
ابدمنه نكتب كل عناوين النصــر

كَانُوا سُورَاً لابنِ الطَّيبين
فِتْـيَةٌ آمَنوا بالحُسينْ
ــ⊱☆☆❀☆☆⊰ــ

اذنو بالحومه حي اعله الجـــــهاد
عالنصر قسمو ســـوه برب العباد
الكل فتوحــات النبي همه امتداد
سند لحسين اصبح وكت الشداد

يَا لَهُمْ مِنْ رِجَالٍ صَادِقِين
فِتْـيَةٌ آمَنوا بالحُسينْ
ــ⊱☆☆❀☆☆⊰ــ

✍الخادم
كامل السعيدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

#عابس

طب مدرع ابزوده ... ماوصلو احدوده
              مجنون الحسين
                    ..........
بجفه مــوت احمر نزل غاضب عليهم
الخوف حاوطهم اوضل يسمع بجيهم
اليـــوم عابس زلــزل الميـــــدان بيهم
ابسيفه وي الروس گطــع حتى اديهم

يتفنن ابكرهم  ... شتت عساكرهم
             مجنون الحسين
                *
من نزل عابس خلس صوت الجحافل
چنه عزرائــــــــيل وبهيئة مقــــــــاتل
مــــن يطب ميـدان مايعـــرف تنــازل
قائـــد العشــــاگ رتبـه اعليهه حاصل

ماواحد ايلومه... من شگگ اهدومه
             مجنون الحسين
                *
حين ضهضب حير الجـيش ابنـزاله
مــن علي الكرار دارس هل بســـاله
ضلت العــدوان ترجف من خيـــاله
غير ضرب السيف اي شي ماحلاله

تشهدله حملاته ... يامحلى صولاته
            مجنون الحسين
                 ****
سيفـه يلهب نـار ويكــــر ابرگبـــــهم
مايعـرف الخـوف ميهـــم ابعـــددهم
مو رجـــــال اشباه بنضـــاره حسبهم
عنـــده لاشي عابس ايشتت جمعهم

راية علي وطه ... بجفوفه علاهه
              مجنون الحسين
                 ****
صاح عابس صوت من وصلت منيته
حســـــــين من أول نفس آني هويته
غالي عندي أهـــواي وبدمي اشتريته
فدوه عمـري ايروح أله ولعيــال بيته

كل عمري وسنيني... اهديهه لحسيني
             مجنون الحسين
                    ****
                الخادم
           كامل السعيدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

#الانصار


ثله مـن خير الرجال
عيدهم سوح القتال
اتحـزمو لجل النزال … أنصار الحسين
©©©©©©©©©

ونعــم مــن زودهـــــم
ياهوه يدنه احدودهم
اتحزمو لجل المنايه وما يخافون
زلزلو ميـــدانهم
والنصر عنوانهم
ابراية حسين بفخر گامو يهوسون
هـوه راية دينهم
قدموله اسنينهم
حسين غالي ولجله يرخص ماي العيون

ثوره صنعو بالدماء
وخلــدتهم كـــربلاء
همه عنــوان الوفاء ... أنصار الحسين
©©©©©©©©©

حسين هوه اختارهم
عنده كل اســــرارهم
احزام صاروله وتجيه وسيف وزنود
ابطفه رفعو راسه
وشـــيمو عبـــاسه
وكسـرو اقماد السيوف وهدو ابزود
ناصـرو محبوبهم
ما تلين اگلــوبهم
گلوب چن زبر الحديد وكلهم احيود

اصدورهم سور الخيام
هـدف صــــارن للسهام
جابو الزينب ســـــــلام ... أنصار الحسين
©©©©©©©©©

وهـب جون وعابس
اهواي عدهم واهس
اتحـــزمو بالغيــــره بالطف ويگولون
احنه نبــــدي الغاره
حسين كلنه انصاره
انمــــوت دونه وما نخليــهم يگربون
وهد حبيب الهيبه
رغم ســنه وشيبه
لجل زينب ضحه روحه وگالها اتهون

خضب اللحيه ابدماء
اويقسم ابرب السماء
مضــو كلهم ســـعداء… أنصار الحسين
©©©©©©©©©©

يا صــفات اگلوبهم
وفو حق محبوبهم
والله لو هيج الوفه لوينگطع دوم
الطف عليهم شاهد
مضو واحـد واحـد
ناذرين ارواحــهم لحسين هاليوم
عاگـدين الرايـه
البالشدد وفـايه
وگفو الوگفه التشرف ردو الگوم

ناصرو روح البتول
نطو شــبان وكهول
بيهم اتباها الرسول… أنصار الحسين
©©©©©©©©

ذوله اهل الشاره
اســيوفهم بتاره
أشــــــدا وبالحـــرايب كلهم اثگال
حسين حظرو يومه
ابســـــاعة الملزومه
وثلث تنعام وگفـو وگفـت اجــبال
من دماء انحورهم
خضــبو عاشورهم
شرفو طف كربلاء ابدمهم السال

واللـــه منهم ونعم
غيره وصرار وعزم
نكسو روس الزلم… أنصار الحسين
©©©©©©©

        الخادم
✍كامل السعيدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي