قصيدة بحق الانصار جديد


يبو اليمة انصارك    بالحرب فقارك
هية بس الليلة     هية بس الليلة
======================
شما تصير العسكر   تترس الماي و بر
خل عددهم يكثر    روسهم تتكسر
اليدنة الك يا ويلة   هية بس الليلة
=====================
بالحرب ما نركع   لو وذر نتگطع
يبو اليمة وتسمع   ما نهاب ونرجع
سارجين كحيلة   هية بس الليلة
=====================
يبو اليمة انعاهد   نحچي والله الشاهد
نموت واحد واحد  تحت امر القائد
النفس نفديلة   هية بس الليلة
=====================
سيوفنا ابشر بيها   بالرگب نثنيها
يا هو يوصل ليها   امصيتة ابطاريها
من تلاگي العيلة   هية بس الليلة
=====================
شاب بينا وشايب   من غرامك ذايب
روحة بالچف جايب  حاضر ومو غايب
انت بس توميلة    هية بس الليلة
=====================
كلة جيشك قادة   اعلن استعدادة
ايروح بأمر اسيادة  فدوة لجل السادة
چلمة بس احچيلة   هية بس الليلة
=======================
بالنفس منبالي    انت عدنا الغالي
اول انت وتالي    راسك ايضل عالي
ما نضنها اطويلة   هية بس الليلة
======================
عدنا بالطف موعد   او يالشهادة انجدد
بصوت كلنا نردد    دين الك ونسدد
وبالوعد نوفيلة    هية بس الليلة
======================
أسالكم الدعاء رائد الاسدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

#عابس_مجنون_الحسين



طب غاضب ويصيح ابصوت
لجل حســــين املاوي الموت
طوه الجيش ابسهوله
هلا ابشــــيخ البطوله
©©©©©©

نزل يرعــد وخذ يمطـــر زلازل بالمعـــاره
وگف وگفت علي ابخيــبر ولايعرف خساره
طوه جيوش العدو بسيفه بعزم وبكل جساره
ابد محــــد گرب يمه اوگف مثل المنــــاره

لجل حسين ايهز الكون
فنهم لخــيامه ايكربون
الفخر بالطف ينوله
هلا ابشيخ البطوله
©©©©©©

برز راجل وليچهبه گرب موعد مصـــيره
اســد ضل يرتجز بيهم مِلَه الحــومه بزئيره
ولا همه العــــــــدد همه يقاتل لجل اميره
شهم عابس ترس گلبه العشگ وبراسه غيره

بس حســـــين اباله ايدور
عاشـــگ والعاشگ معذور
لعب بخصومه جوله
هلا ابشــيخ البطوله
©©©©©©©

زعل شايل زعل من طب بطل ولكل تهابه
برز چـــنه ملك مــوت ونزل بيـــهم عذابه
سحگ روس الزلم كلها وتهوسله الصحابه
الكفر سئلو منو الطبنه وتعال اسمع جوابه

آنه الترجف حدره الگاع
ماخذ من حسين اطباع
يموتون اليجــــوله
هلا ابشيخ البطوله
©©©©©©©

شِمَر درعه ومزق ثوبه وبقه ايصول ابقتاله
العشگ جنه وحمل چنه اسد يشبه خصاله
فلا منـــــهم مثل عابس رجل يحمل بساله
شهد يومه وطوى الحومه منو اليگرب خياله

محــــــد يگـــدر يدناه
ما دام الســيف ابيمناه
وفه وغيره ورجوله
هلا ابشيـخ البطوله
©©©©©©

صعب وصفه وشهد طفه يدوس اعله الشوارب
ذبح منهم عدد هائل الف او مايقارب
لجل دينه ولبواسكينه وگف بالطف يحارب
الخصم سبعين الف لكن صبح گدامه هارب

مســـتلهم قوه امن حســـين
يطوي الجيش ابرمشت عين
هتف تكفيني صوله
هلا ابشيــخ البطوله
©©©©©©©

        الخادم
✍كامل السعيدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

للانصار

بالخيم يهتف صوت لنصاركم
گالو اليـوم انطيــح جدامــكم
ـــــــــــــــــ ❁ ❁ ❁ ــــــــــــــــــ

حسين ياشيخ العشيره .. انصارك البطف جثيره
وكسبو اعظم منزله
الف واحــــدهم يساوي .. الجفه ما واحـد يلاوي
وكله غيـره ومرجله
اليعشگ ايضحي الخليله .. وقسمو ابستر العقيله
انوافي ابن عقد الوله

سيدي ابهل انصار هنيالكم
گالو اليـوم انطيح جدامكم
ـــــــــــــــــ ❁ ❁ ❁ ــــــــــــــــــ

ابد ما نتــخله عنـــكم .. ناذرين ارواحنه الكم
مـن نطب الكربله
خل تأمــن بت محــمد .. للخـــيم مايدنه احد
احنه سور العايله
ندخل الحومه ونشبهه .. وزينـب نفرح گلبهه
وتبقه دوم امدللـه

بينه ابد لا متخيـب آمالكم
گالو اليوم انطيح جدامكم
ـــــــــــــــــ ❁ ❁ ❁ ــــــــــــــــــ

شيخ النصار ابن ظاهر .. سيف بين اجفوفه شاهر
فرت اگباله الجـــيم
كلهم ايهابون ســـــيفه .. وزود ظرباته المخــــيفه
كسب من حيدر همم
واعــد الحــره الابــــيه .. اليوم نحصد روس اميه
وهوس اباب الخــيم

احنه يازينب صاح خدامكم
گالو اليوم انطيــح جدامكم
ـــــــــــــــــ ❁ ❁ ❁ ــــــــــــــــــ

شـــدو احـــزام المنايه .. وعلگو بالحـــومه رايه
وسيـــفهم بالدم روه
حســين مانتخله عنه .. لجله للمـــــوت انتــعنه
ابصوتهم صاحو سوه
ارواح ضحو للعقــيده .. وكتبو ابدمهم قصيده
احنه فتيت نينوه

يخسه اي واحد راد يدنالكم
گالو اليوم انطيــح جدامكم
ـــــــــــــــــ ❁ ❁ ❁ ــــــــــــــــــ

صحبتك يحسين ذوله .. ابزودهم صـنعو بطوله
والله واحدهم شرس
ثورتك همه البــــدوهه .. وللوفه الرايه اعگدوهه
خرسو العكسر خرس
الجيش سبعين الف فارس.. لچن ماألهــم منافس
روســــهم ما تنتكس

ونعـم صارو سور لخيامكم
گالو اليوم انطيح جدامكم
ـــــــــــــــــ ❁ ❁ ❁ ــــــــــــــــــ

    الخادم
كامل السعيدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

قصيدة الانصار

لوكملت من صـــــلاتك
هد بينه ولقِي بعصاتك
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°°°

لبيك ياضــــــنوة علي وسيد شباب الساده
هد بينه وكت الموزمه وهاي الرگب سداده

نصبح الك ســـــور اوطن
ونحـــــــارب اوياك الفتن
لجلك ندوس اعله المحن ـ يحسين تدرينه

وكت العسر نصبح يسر
وياك بالطف نفتخر
بسيوفنه انجيب النصر ـ ونبث عناوينه

نقسم ابضلع الزچيه
قبلك نطب للمنيه
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°°

الليل نتخـــذه جَمَل وتريــــــــد منه نعوفك
انضيع من دونك ترى وانته النجاة انشوفك

ماجينه حتى انرد ترى
ونعوفــك انته ابنينوى
انموت كل احنه ســـوه ـ هالشرف شارينه

نحمي خيام العايله
نفديك يابو المرجله
ضعن العقيله اندللـه ـ وندلل اسكينه

گــــدامك ايرف علمنه
بالطف نشوفك هممنه
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°

يحسين تامرنه امر والكلمه هاي اسمعها
گدام رجلك سيــدي روس الزلم نگطعها

خصمك وحقك بس عدد
محد يظاهيــــــــــنه ابد
كل جيشهم يصــبح بدد ـ ونزلزل اصفوفه

نسحگ على الموت ابعزم
نهــــزم وبـــــد ماننــــهزم
ونكس اركــاب الزلــــــــم ـ صولتنه معروفه

يحسين حگك علينه
انجيب نصرك بدينه
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°


عمرين لوعدنه الك يحسين رخصناهن
وراياتنه ابعلو النجم بالحومه عليناهن

هبّت صـــــــورامنه عصف
چن ريح صرصر من نصف
برواحــــهم نخطف خطف ـ كل العزم بينه

بالجيـــش حَلّت ضغبره
مدهوش بالصـار اوجره
خيــول ورجال امطشره ـ بالحومه خلينه

واحدنه روح البساله
وتحـــيْر اميه ابنزاله
لبيك اباعبدالله
لبيك اباعبدالله
°°°°°°°°°°°°°°°°°°°°°°°

اصدورنه ادروع الخيم ونرد سهام العسكر
ويـاك حـد آخــر نفس وفـايه يابو الاكــــبر

بصدورنه نلاگي السهم
نطلع علم يســـبگ علم
لجل الشرف نهتف نعم ـ صرختنه ثوريه

كل طاغي لجلك ينسحگ
نرســــم الك لوحة عشگ
مثل الهوه انته وتنشــهگ ـ يحسين بالريه

متحزمين الغــياره
ننتـضر منك اشاره
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°°

✍الخادم
كامل السعيدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

قصيدة بحق الانصار


عاهـدنا الله وعاهدناك    نعـيش انموت انظل وياك
نتاني الموت ومتحظرين   شتفيد الدنيا ابلا حسين
------------------------------------------------------------
انصارك  يحسين وتدري    كَـول وافعـال
من ننزل باچــر للحومة   مـــثل الزلـزال
نتسابكَ عالموت مسابكَ   تعـرفنا ارجال
باچر نوفي وياك ونصبح  مظرب الامثال
للميدان ابيـوم نفـوت      نتونس بملاگة الموت
من نطي الروح مقصرين   شتفيد الدنيا ابلا حسين
--------------------------------------------------
بحبك لو متنا ونتكَــطع    مرة ومـــــرات
ما نتنازل ما نتراجــــع     للذل هيــــهات
الميت يحــسين بحبك   عايـــش ما مات
التاريخ انريدة ايسجل   يكتب صفحات
وياك لكَطع الانفـــاس    انصـارك مرفوعة الراس
نموت وياكم متمنين     شتفيد الدنيا ابلا حسين
----------------------------------------------------
لجل الموت الكل متلـــهفة     رخصة ايريدون
يحسين انــــصارك تتمنة      وياك يمـــــوتون
الله اختار ليـومك صفوة      ما منها يــــكون
عابس هام بحبك واصبح    بالطف مجـــنون
ذب السيف ودرعة وياه   اطـــبر ما صــاح احاه
حبك خلانة امجانين     شتفيد الدنيا ابلا حسين
------------------------------------------------
طلكَنة الدنيا ومانهتم   اوفاية اعهود
بالدم وقعنا وعاهدنا    رب المعبود
يحسين ولجلك قررنا   بالروح انجود
انت آمر وعلينا انفذ    كل احنا جنود
الحر نافع مسلم جون    يفدون الروح ايريدون
وعد الحر من يوعد دين  شتفيد الدنيا ابلا حسين
----------------------------------------------
يحسين وحبك علمنا    بالحب انذوب
نفدي الروح ومانتندم    لجل المحبوب
عايش بالروح انتة ويانه   بالدم مكتوب
لجلك فوكَ دروع العدنا   حطينة كَلوب
انصارك وبعينك شوف   ما نعرف شنهوة الخوف
لهذا اليوم انتاني سنين   شتفيد الدنيا ابلا حسين
-----------------------------------------------
انريد انسجل بالطف موقف    نتفاخر بيه
اليوهب للخالق كل عمرة     الله ايجازيه
لوجه الله وحبك ظحينا    والدم نفديه
يارب اتقبل من عــــدنا    وذخر اتخليه
بالمحشر يوم النلكَاك   يارب اتنجينا هناك
قربان الروح مقدمين   شتفيد الدنيا ابلا حسين
-----------------------------------------------
أسألكم الدعاء رائد الاسدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

قصيدة بحق الانصار جديد


يبو اليمة انصارك    بالحرب فقارك
هية بس الليلة     هية بس الليلة
======================
شما تصير العسكر   تترس الماي و بر
خل عددهم يكثر    روسهم تتكسر
اليدنة الك يا ويلة   هية بس الليلة
=====================
بالحرب ما نركع   لو وذر نتگطع
يبو اليمة وتسمع   ما نهاب ونرجع
سارجين كحيلة   هية بس الليلة
=====================
يبو اليمة انعاهد   نحچي والله الشاهد
نموت واحد واحد  تحت امر القائد
النفس نفديلة   هية بس الليلة
=====================
سيوفنا ابشر بيها   بالرگب نثنيها
يا هو يوصل ليها   امصيتة ابطاريها
من تلاگي العيلة   هية بس الليلة
=====================
شاب بينا وشايب   من غرامك ذايب
روحة بالچف جايب  حاضر ومو غايب
انت بس توميلة    هية بس الليلة
=====================
كلة جيشك قادة   اعلن استعدادة
ايروح بأمر اسيادة  فدوة لجل السادة
چلمة بس احچيلة   هية بس الليلة
=======================
بالنفس منبالي    انت عدنا الغالي
اول انت وتالي    راسك ايضل عالي
ما نضنها اطويلة   هية بس الليلة
======================
عدنا بالطف موعد   او يالشهادة انجدد
بصوت كلنا نردد    دين الك ونسدد
وبالوعد نوفيلة    هية بس الليلة
======================
أسالكم الدعاء رائد الاسدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

#_قصيدة_للانصار


شدوا الحزم  شدوا الحيل   نطلع مثل نجم سهيل
انصارك وتحت الامر    انراويهم نجوم الظهر
شدوا الحزم شدوا الحيل
----------------------------------------------
كل فرد منهم سل حسامة ونادة
مـــــو مــــرة نُقتل لو الف وزيادة
كل احنه فدوة انروح لجل السادة
شان العبد مخلص يظل لسيادة
فدوة العمر لجل حسين   امرك على الراس وعين
انشمر سواعدنا السمر    انراويهم نجوم الظهر
--------------------------------------------------
اتحزم حبيــب وللحرب شال لواه
مـــــيدانه هذا وماكو زلمه اللاكاه
الاســـــدي چنه الاسد طب عداه
والجيش ما يعرف يمنته ويسراه
ما سامع ابطاري الخوف   صف الزلم بيدة صفوف
ماينفع وياهم صبر    انراويهم نجوم الظهر
----------------------------------------------------
كل الانصار اتحاشمـــوا اهل الزود
غيرة وشهامة وبالوفة ماكو حدود
نافع برير وعابس ابروحة ايجــود
ذب الدرع والطاس ما هاب حشود
مجنون اظل حد الموت   خل تسمع عداي الصوت
شوگي الك يچوي الجمر   انراويهم نجوم الظهر
----------------------------------------------
مسلم حمل واتوادع وي الخــوان
جون وزهير اتحاشموا للمـــــيدان
ما يملك اعصابة وهب طب غظبان
وامه وراه اتحمشة اعله العــدوان
لا ترجع وافدي الروح   لبن النبي فدوة اتروح
يا يمه ابشري ابهالامر   انراويهم نجوم الظهر
---------------------------------------------
الحر الرياحي بگومة فارس مقدام
واسلم التركي بيدة شال الصمصام
اتحزم زهـــير وظربتة اتطير الهام
شوذب تحظر للحـــرب شد احزام
ابدربك يبو اليمه انسير  اعذرنا عن اي تقصير
يحسين الك فدوة العمر    انراويهم نجوم الظهر
-------------------------------------------
گطعوا عهد ويه الحُسين الانصار
ما نـــــرضى بالذل لا ابد لا بالعار
ظربوا مثل باعـــظم صور للايثار
لا عن طمع بالجـنة لا خوف النار
نطي النفس لجل الله   ودين النبي ايرف لواه
ما نرجع بغير النصر    انراويهم نجوم الظهر
**
اسالكم الدعاء رائد الاسدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

قصيدة بحق الانصار


بالطف شمسنا اشرقت ماتغيب
نَــصرٌ مـــــنَ ﷲِ وفـتحٌ قـريب
راية نصر بيدينه فدوة العمر وسنينه
نَصــــرٌ مــــنَ ﷲِ وفتــــحٌ قَــــريب
------------------------------------------------
انــصارك وساعــد يشــــــد الساعد
مفتوحة ابواب الجنان انشــاهد
بالدنيا بس مرة يعــيش الواحــــد
لكَطع النحر وي الحُسين انجاهد
وصلنا حبك حد نصاب بجنون
لا يــــــستوي من فيك لا يعلمون
بس ترضى ياوالينه فدوة العمر وسنينه
------------------------------------------------
عفــــــــنا الديار ونــــــــسوة طــــلكَناها
والدنــــيا لــــــجلك ســــيدي عــــفناها
موتت شرف وي المحب محلاها
ردنا المــــنــــــية الدنــــــــــيا ما ردناها
مو مرة وحدة ننذبح لو الف
ثابت يظل موقفنا مايختلف
الغالي الك هادينه فدوة العمر وسنينه
------------------------------------------------
الغالي يــــــرخصلة العــــــزيز الغــالــي
كون انــــته ســالم بالعــــــمر منــــبالــي
رايــــــتنه منــــصورة تــــــظل بالعــــالي
احــــــــنا جــــنودك اطــــمــئن يالــــوالي
عابس حبيب وهذا جون وبرير
لجل المنية اتــــحظروا وي زهير
بدم النحر شارينه فدوة العمر وسنينه
------------------------------------------------
چــــنهم بحــــر والروجة تلــــحكَ روجة
خــيول ال مية للــــحرب مــــــسروجة
عـــــدك زلم بــحر المـــناية اتــــفوجة
يبــــن النـــــبي زلمــــك تعدل العــوجة
وي الشهادة عدنه قــــصة عــشكَ
نسحكَها كل هاي العساكر سحكَ
الكلفة خلها علينه فدوة العمر وسنينه
------------------------------------------------
شيــــب وشباب اتحاشمت بالحومة
وكَفوا وهــــب والحــــر چبـير ابكَومة
عابــــــس تسودن ظل يشكَ بهدومة
هذا انة يــومي الدنيا كلمــــــن يومة
حلوة المــــــنية ما تهمــــنا الحياة
يــــوم الشهادة ننــــولد مو ممات
كلمن يموت بحينه فدوة العمر وسنينه
------------------------------------------------
انــــــصارك وهــــاي العقــــــيدة العــــدنا
احنا الخــــــدم وانــتة تــــظل سيــــدنا
ما يســـــوة شــي يبن النبي واحدنا
بس خدمــــــتك هية التي اتخــــلدنا
ما نهتم بظلم الزمان وجــورة
انصــــارك وكلـمن يقوم بدورة
ونفس العزيمة البينه فدوة العمر وسنينه
-------------------------------------
أسالكم الدعاء رائد الاسدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

قصيدة بحق الانصار وتتضمن موعضة للصداقة في ابياتها


طبع الورد حساس   وطبع الاسد فراس
والناس هواي اجناس  قلة الوفي منهم
=======================
ابوكت النفاهة اشتلگة وادم گربك
وساعة الضيج ايقل عددهم صحبك
ايضل الوفي وياك والي ايحبك
او واحد صبح بالعشكَ گلبة وگلبك
يحسين الك انصار    انجنت ازغار اكبار
تعوف الاهل والدار   ينطون الك دمهم
========================
ابوكت الشدد تطلع معادن ناسك
واصحابك اتبين ابضيم الجاسك
اتخير الزين وخلة بارد راسك
هيچ يصير او يالبشر مقــــياسك
اصحاب الحسين اصحاب  وكت الشدد تنهاب
قســــموا بداحي الـــباب  او وفاية تعـــرفهم
=========================
مرة اختبرهم لو صحبتك كثرة
وشوف اليخونك واليصون العشرة
جرب انصارة حسين مرة ابعسرة
وكل واحد الگاهم يقدم عمرة
نعيش ونموت وياك   حطنة حدر يمناك
نطي الارواح افداك   نفس الحچي كلهم
=======================
الصاحب الي يدور مصالح عوفة
يفشل باول تجربة انتَ تشوفة
صاحب گصيرة ولعبتة مكشوفة
ويحسين وگفوا رغم صعبة ظروفة
صاحوا يبو اليمة   كلهم فرد كلمة
كل احنا بالخدمة   ابواحد جسم چنهم
========================
طينتهم ابحب الحسين انعجنت
ومن ابو فاضل بالوفاء اتروت
منهم وتگطع ماكو صحبة انعرفت
بس للامام المهدي صحبة انذخرت
يملي الارض عدلة   وانصارة توگفلة
من هــــالبشر قلة   اينصرونة قائدهم
=========================
أسالكم الدعاء رائد الاسدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

#_قصيدة_للانصار

____
خيرةُ اللهِ اســـــــيرُ الكُربِ
كُلُنا اليومَ فداءٌ للحُسين
__
هبت الانــــــصارُ فُرسانُ الوغىٰ
فأزالوا الجيشَ في طرفةِ عين
____
انهم قــــــومٌ لدُنيا طلقــــوا
رغبةً في أُخرى دار المتـقين
--------------------------
كالليوثِ اقــــبلوا في منظرٍ
يرهبُ القومَ يسرُ الطاهرين
_
ننصرُ الحقَ واصحابَ التُقىٰ
اننا الــيومَ اتيـــــــنا ثائـرين
____
اشوسٌ اقعسُ كان صامداً
هكذا كانوا جميعَ الناصرين
___
جاءَ للطفِ حبـــــيبٌ مُـــسرعاً
شاهراً سيف المنونِ لا يلــــين
__
ثم عابسْ وبــريرٌ اقـــــبلوا
مَلكُ الموتِ لهم جاء قرين
____
نضربُ الاعناقَ لانخشى الردىٰ
نادىٰ جونٌ ثم نادوا اجمعــــين
_
جاءَ هفهافٌ وحُــرٌ و وهــــــــب
مُسلمٌ بالموتِ اوصىٰ بالحسين
_
دارت الحــــــربُ رحا مُعلــنةً
نصرُ دمٍ ضد سيف الظالمين
__
كانــــوا نيفاً معَ سبعــــين اتـوا
ينصرونَ الدينَ جاءوا معلنين
___
آخرُ القومِ ســـــويدُ الخثعمي
خرَ مَلقياً على الارضِ طعين
__
واعتلىٰ صــــوتُ المُنادي قائلاً
قد قتلنا الليثَ فلنسبي العرين
__
وسويدٌ كان حــــياً لم يزل
قاتلَ ثم قُتلْ يامؤمنـــــــين
___
أسالكم الدعاء رائد الاسدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

اليوم بالطف صحبته امودعينه

اوحده ابين العده مخلينه
.........................
اليوم ماشين النشامه والحزن بعيون
وسفه ابو اليمه صحبته وحده ايخلونه
جان يرخص كلشي لجله وهوه ماينطونه
شالو الكلفه بديهم وفو يوم العونه
والعهد لحسين الاموفينه
..............................
والله من طبو عليهه تعبت الخياله
اليطبهه ويعتنيهه ايموت حتى اخياله
چلمة الكواهم الله للنزل تبراله
ياهو يوصل لو سطرهم سطرته جتاله
الجيش يرجف منهم امخلينه
.........................
گضو حگهم بالمعاره وگوه رفت رايه
وفنه الاتعنه ويجيهم لو وصل للثايه
ذاب حيل الغاضريه وتعبت الرمايه
خلو اجيش ال ميه للزمان احجايه
بالدمه عسكر غرگ صوبينه
.........................
حسين بالخيمه تحير من جفوه ازلامه
حگه لو تنزل دمعته مشت سور اخيامه
ما ايحصل مثل ربعه الما ادنگ الهامه
بينت عنده علايم هاي اخير ايامه
ومشو عنه اصحابه وامجافينه
..............................
الله الايعنك تگله زينب المهظومه
سورنه العالي تهدم من هوو بالحومه
كلمن اتشيم افعاله
بين ناسه وگومه
ذخر باجر من نسولف للتوده اعلومه
چنهم اصحاب ابو اليمه حيدر ابصفينه



خادم اهل البيت علي الزرگاني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

#محرم_١٤٤٧_هــ

#للأنصار

رعدت أصفاح الشگر برض الوغه
والأنصار أتحزمو كلهم سوه
مو زلم تعبرهم بطف كربله
ماعبرهم للخيم حته الهوه

جندي علجندي .. كوروهه النيبه
كالوله مولاي .. اليطير نجيبه
مايخطه نيشان .. البالنوايه نصيبه

جون وعابس أسباع المراجل .. طلابت الحگ
مكورهم أندگ .. خيرها دنگ
رجفت من أجو روس القبايل .. زلم الغيارى
.. غيره وصدارى .. الضلت حيارى
شيوخ الماتمل ولاتجامل .. گلبوهه الطفوف .. ماتثني السيوف .. ماتعرف الخوف
@@@@@@@@@@@@@@@@@@
تولمو والريح مايعبر بعد
لبو الأكبر من أجو انطو وعد
لانمل ولانجل ولانفر حته بحلم
كل أسد واكف يشد ضهره بأسد

منتضره الشبول .. من تصير الغاره
خاطر يهدون .. صگور المعاره
واحدهم أشراع .. ماتتطفه ناره

كل كلفه انتهت وتولم الراي .. بيكم يالأنصار .. يكبار الأكبار .. ماألهه معبار
مسلم لو عطش بيه يرتوي الماي .. مايضمه ويرد .. عالطاير يصد .. بالضلت يعد
يبو فاضل أتخير ونه شراي .. اليرهاله گلبك ..
من فدوه لسمك .. محد يغلبك
@@@@@@@@@@@@@@@@@@
أشتدت وللمعركه لزمو سره
اليوم نگلب كربله عللأخره
مايفر من الزلم حته اليطير
اله يلبس من يفر شيلة مره

ركبوهن وغار .. للحرب شرايه
سيل العرمرم .. وهل المنايه
ماترتد أتغير .. دگت ثوايه

حبيب أبن مضاهر شيخ الأنصار .. خلاهه تجفل .. بالعركه تختل .. مايثني ويمل
مسلم من وصلهم ضغبرت نار .. راصع حسامه .. شيم أمامه .. صارت قيامه
جبير المعركه يم الحر حتار .. وقع مماته .. سيفه بلهاته .. مات برضاته
@@@@@@@@@@@@@@@@@@
يم گمر عدنان مشتد الزعل
وبرد عرچ الهاشمي بگصت الفحل
من نزل للمعركه عازم زهير
ويادخيله للصدر من طب وصل

فدوه للحسين .. أرگابنه نبديهه
نموت ونكابر .. وزينب نحاميهه
بيهه الأرض هاي .. نلتم ونجفيهه

ذوله أحسين گال أهل القياده .. حزامي وتجوتي .. زلمي ونخوتي .. عفيه يخوتي
شتروها بالرگب لجله الشهاده .. گالوله مولاي
.. فدوه الرگب هاي .. نوگفلك أفياي
عند العرب هاي الشغله عاده .. تكسر غمدهه ..
سيوف التمدهه .. تغير وتحدهه

رسول رياض
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

حبيب اتعـــــنه لخيامچ.     ينادي كلنه خدامچ
يزينب والخدم باچـــر.     تنادي كلنه خدامچ
@@@
حبيب وواضح وشوذب.   يحـــره استعـــرضوا يمچ
ينــــــادون العـــــدو فنه.   يمـــس طارف من اخيمچ
واخــــوچ ابچفه عصابه    يشـــدلــــــنه ولا ايهـــمچ
لذالك مــــــانـــــدنگ لا    ابگصصنه ريحة ابن امچ
زهــير وجندب واسلم.    اسود احسينچ الضيغم
يزينب والخدم باچــر.    اسود احسينچ الضيغم
@@@
اذا عدڪــــم زلم چــــانوا.     ينصــرونه الأبو اليمه
رجال ابهل الزمن عدڪم      الطفل عدهم بلف زلمه
عگد روحه اعله شاجوره.     وعله الساتر يطش دمه
اذا يستـــشــهد الخادم      تهلهل عالجــــنازه امه
سويد وعـامر ونافع.    درس من عدهم انطالع
يزينب والخدم باچر.    درس من عدهم انطالع
@@@
اذا هنـــــدامه شگ عابس.     وينادي ابحبكم اجنوني
يصيح الخادم اينادي      لجل حسين موتوني
عله الســـــاتر اوزعـــــها.     ثواب ابحبڪـم اعيوني
وقف من الصغــــر ليڪم.     ابويه وامـــــــي خلوني
برير وحـارث وزاهر.    فدوچ ابدمهم الطاهر
يزينب والخدم باچر.    فدوچ ابدمهم الطاهر
@@@
اذا ابـن الرياحي الحُر.     اخوچ ايگله ويطمنه
تره حُــــر جابتك امك.     مصيرك تندفن يمنه
فلا احـــرار اذن احنه.     عبيده مـن بطن امنه
أيا محــله العبـــــوديه.     ابخدامتڪــم تهيمنه
جناده وحنظله وحارث.    للحْسْين اصبحوا غائث
يزينب والخدم باچــــر.    للحْسْين اصبحوا غائث
@@@
 
 
 
وهب نصراني واتجنن.      ترك دينه واجه يمكم
عله الفطره ومشفناڪم.      وتجننه ابمحــــبتڪم
وتمنينه نصير احــــــنه.      ولو خيــط ابمخيمكم
ترانه ابكــل شي مانملك      يمـــولاتي نواسيڪم
ابوالشعـثاءِ والادهم      ابعشگهم احنه نتعلم
يزينب والخدم باچر      ابعشگهم احنه نتعلم
@@@
حبيب ابروحه وابشيبه.     يضحي ابكل شي ماعنده
ابوكتنه هسه چم شايب.     الحبيب ايتبــــــعه وايقلده
اذا زي عسكري يلبس.     يرد شـــــاب ابعمر ورده
يلبي فتـــــــوت المرجع     اخذ للمعـــــــــرڪه ولده
كنانه وقاسم  الازدي.     عليهم بالحرب شهدي
يزينب والخدم باچـر.     عليهم بالحرب شهدي
🔴🔴🔴🔴🔴🔴🔴🔴🔴🔴🔴🔴🔴🔴🔴
وليد المندلاوي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

اشهد الــعباس جان بيومه
كسر خشوم الكفر بلحومه
مگمط گماط البدو
هيج وحزام الخو.
كسر خشــوم الكفر بلحومه

دخل للحومه وگلبها وتيهت مشرادهه
هيج عباس فزعته وامه هذا مرادهه
مگمط بجف بدويه ونعم يگماطهه
حارت الفرسان منه شلون ذيب وغاطهه

وفه بلــــطف خوته
هيج وامه الوصته
منه ظلت والزلم ملــجومه

تعنه للحومه وگلبها وسولفت صولاته
المايموت بطرف سيفه يموت من خزراته
ماكو بيهم زلمه زامط بلحرايب فاته
نار ذاك اليوم يلهب يذبح بريشاته

بجفه ويلوگ النصر
گباله لا محــد يمر
وصلت وللشام هيج علومه

طوقاها عله الشريعه وعلن عليها حصار
ظلمه خلاها وعجاجه مايصح منفذ فرار
هيج كال اگظيها كلها وقرر بهذا القرار
اليوصل خيام العقيله وهذا بعده وماهو صار

ياهو يوصل خيمتج
اله مــــــيتين خوتج
شلون زينب كلهم ومهظومه

تنخه بحسين وتعنه بجربته يمليهه
طبگ كترين العساكر كام يحصد بيهه
منه رجفت خوف كلها وتيهت تاليهه
بسيفه مشاهه عله رايه وراحه مايطيهه

راهي وبزوده حصد
بروسهم ظاع العدد
بزوده ظلت حايره ومظلومه

كسر خشوم التضده وكال ماشوفن زلم
من يهز سيفه بيمينه وجيشهم ظل ينهدم
صار كل الشور عده هوه اليطش ويلم
صاحو العباس هذا الزين منه الينهزم

الزين يشرد وينه
وهوه تذبح عينه
بزود عباس الكمر مثلومه


ابو سلام الجابري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

هـــلا بــالانصــار يـــاحيــاهــم
أهـــل نخوه بغيــر  ماينخـاهم
======@@@=======
ذوله انصار الحسين امو انصار
اخوانه
الگالو احنه انموت دونك مانرد مولانه
ننصر الدين ابعزمنه اوغيرة الله ويانه
يخسه ابن ازياد صاحو يخسه ابن مرجانه
بالحميه اتسـابگو برضـاهـم
اهل نخوه بغيــر ماينخـاهم
=======@@@=======
للحُســــين انصار ذوله ولجل نصرة دينهم
هبو السبعين لجله اودوخو سبعينهم
بچلمة الهيهات نادو والجليل ايعينهم
رايت البيك رفت واعتلت بيمينهم
والــــــولاء لكربــــله وداهـــم
أهـــل نخوه بغيــر ماينخـاهم
========@@@======
عن حبيب اشنحچي عنه هوه شيخ انصاره
چنه بالعشرين عمره من يهب عالغاره
گال اموت حسين دونك حين شد اوزاره
اويستحق اليوم نحچي ابفعلته اوتذكاره
اتوسط الانصـار شال الواهــم
أهـــل نخوه بغيــر ماينخـاهم
========@@@======
عابس اوحبه اوجنونه اوغيرته المملوحه
ماتفانه ابزود عزمه والحُسين ابروحه
صعبه للعالي شموخه الناصيات اتلوحه
واضح لدينه اولائه  كلشمس بوضوحه
اترادمو بالـروس من طباهــم
أهـــل نخوه بغيــر ماينخـاهم
======@@@=========
جون وي نافع  بُرير اوبعد كل اصحابه
گصدو لخيمة وِليهم  ووگفو يم بابه
گالو احنه ويال اميه اليوم عدنه اطلابه
نحرگ الحومه ابغضبنه اونارنه الهابه
اوشردت العدوان من ملگاهم
أهـــل نخوه بغيــر ماينخـاهم
=======@@@=======
واحنه جينه انادي كلنه انصاره اوخدامه
ياحُسين  اومانسينه ذكرته اويامه
تاج فوگ ابيوت اهلنه من ترف اعلامه
اوحنه بحسين اوخدمته رافعين الهامه
مانزل انصــاره عــن مسراهم
أهـــل نخوه بغيــر ماينخـاهم

الشاعر
ابو عبدالله الشمري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

‏ياحبيبي ياحبيب
‏اني لجروحك طبيب
‏من الطفولة للمشيب
‏ياحبيبي ياحبيب
‏
‏.
‏.
‏.
‏
‏احتاجك ظهر الي
‏يا شيبة الشافت علي
‏محسوب انت من هلي
‏يا عم يا حبيب
‏
‏ايدي اليمنه وساعدي
‏ياذخري من والدي
‏حبيتك من مولدي
‏يالحبك عجيب
‏
‏انت من زغرك جبير
‏نمعه عم نعمه نصير
‏گبرك بصفي يصير
‏ياحبيبي ياحبيب
‏
‏.
‏.
‏.
‏
‏شكلك لا بشر ملك
‏شايب بس ما اجملك
‏تشتاگلي واشتاگ الك
‏ماهذا الغرام
‏
‏ماتبرح عني ابد
‏ياسيد بني اسد
‏يم گلبي حبك سجد
‏والحبك سلام
‏
‏ياحبيبي يا لطيف
‏انت شيخ انت شريف
‏فاتح بگلبك مضيف
‏ياحبيبي ياحبيب
‏
‏.
‏.
‏.
‏
‏يمضوي كل الفله
‏ياشمعه بنص كربله
‏شيبك در ما اجمله
‏نورس بالطفوف
‏
‏شهالقوه شهالملحمه
‏اقسم بمي فاطمه
‏سيفك طر بالموزمه
‏كسرها السيوف
‏
‏ياحبيب انت حديد
‏صاعد الصهوة وتصيد
‏شاب راجع من جديد
‏ياحبيبي ياحبيب
‏
‏.
‏.
‏.
‏
‏مس طارف اصابعي
‏وهمسلي بمسامعي
‏يلمضجعك مضجعي
‏بس اني ذبيح
‏
‏شديت ظهرك للحرب
‏وشديت گلبي من طب
‏مايحمل هذا الگلب
‏خايف لا تطيح
‏
‏يا وزيري يا  جليس
‏يا عضيدي  يا انيس
‏انت كالؤلؤء نفس
‏ياحبيبي ياحبيب
‏
‏.
‏.
‏.
‏
‏اصحابي نار وعلم
‏نستشهد گالو نعم
‏نتخالط دم  ويدم
‏ونصعد للسماء
‏
‏ماهزهم شفره ونبل
‏اصاحبي اصل وفصل
‏ولا همهم ذبح وقتل
‏ابطال كربلاء
‏
‏ذوله خُلاصي اكيد
‏مارخو من الحديد
‏وانت اولهم شهيد
‏ياحبيبي ياحبيب
‏
‏
‏.
‏.
‏
‏يا أصحاب الصفا
‏يا فرسان الوغا
‏هل حالَ عنه القضا
‏هل انتم نيام
‏
‏عفتوني بوضعي الصعب
‏عطشان مكسور الگلب
‏غربه وعيوني تصب
‏وحدي بالخيام
‏
‏
‏رجعو ليه يا ضواي
‏رجعو ليه يا هواي
‏ياحبيب انطيني ماي
‏ياحبيبي ياحبيب
‏
‏


‏
‏للشاعر محمد الظالمي
‏#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي