العباس عليه السلام

مامتعوده اصيح وابقى اتاني
چنت الگاك والخويه بلساني

    من صحتك وما جيت اليه
    منها اعرفت روحي سبيه
عباس عباس
****
من شفت مابيك جيه لملمت حيلي ومشيت
رغم كلشي الصار عگبك  مامتت عدله بقيت
جيت بس شلون جيه عفت الايتام واجيت
اچبير عمري وگوه امشي وعنك  اشكد دوريت

يمي انته واناشد خويه وينك
عطرك هذا شميته وحنينك

    من زحف كل جسمك عليه
منها اعرفت روحي سبيه
عباس عباس
   
**
امن التقينه صدمه چانت حالنه مو خوش حال
انته اخوي وانتي اختي؟اثنينه نفس السؤال
ابيتنه وما امشي دونك ووحدي هسه ويم رجال
ماگمتلي من اجيتك ضال نايم  عـالرمال

لو ماتدري خويه  بالجرالي
زينبكم وحيده ابغير والي
    
من اشبچت عالتل اديه
منها اعرفت روحي سبيه
عباس عباس
    

****
من رجعلي حسين منك عله اشفافه دم اديك
گتله وينه وگلي طايح .. ياكل بروحه عليك
الخيمه من طاحت سكينه للنهر رادت تجيك
والطفل بيمن تسكته جانت اتلوليله بيك

شيسكت رباب العالي ونها
لا انته البقيت اولا ابنها

     من انكسر خاطر رقيه
منها اعرفت روحي سبيه
عباس عباس
   
     +++++
مدوهنه وعيني تدورك وكلشي ضل حولي يدور
بس حرم ماعدنا والي وانه اعرفنك غيور
بچم اسم صحناك الحگ نار بخيمنه تدور
وحده عمي ووحده خويه وكل اسم صحناه بطور

لو تدري شگثر بالحومه صحنه
ميت ندري بس للنهر رحنه

     من اركضت بالغاضريه
منها اعرفت روحي سبيه
عباس عباس
     
**+++++++
هاك شوف اچفوف اديه سوده من اخيامي هاي
نار واللهبه ابوجهنه بيش تطفه وماكو ماي
اركضنه من خيمه لخيمه والحرم تركض وراي
اسمع اسمك يابو فاضل والتفت حسبالي جاي

الصاح اسمك شمر والضربه اجتني
اذّاني بكلامه قبل متني
   
من صاحني يالهاشميه
منها اعرفت روحي سبيه
عباس عباس
   
     ++++++++
هسه اجيت اگعد بفيك حرگ كلبي  هالضلام
الليل ماساترنه دونك وتدري ماعدنا خيام
يمك الچانت اميره هسه اميره  بالكلام
طلبه لو بس ساعه تگعد عيني خل ساعه تنام

باچر عالهزل سفره طويله
حيل ايريد وانه امنيلي حيله

     من گمت اتمنى المنيه
منها اعرفت روحي سبيه
عباس عباس

علي الربيعي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

بحق انصار الامام الحسين (ع)



يدرون  بي  دار  الوحي دارك  
وصدر النبي مستودع اسرارك

ما خلفوا الوعد     ***   عالبيعة والعهد           

يحسين اجتـــــــك تزحف انصـــــارك

        *  *  *         *  *  *        *  *  *
                  
واعدوك و وفوا  الكلمة برجوله
ما  يخلفون الوعد اهل  البطوله
والنعم يحسين اصحابك هذوله
گصدوا الموت و علي و ترجلوله

للموت طلعت صحبك تنادي
نروح  فدوة   لسلوة  الهادي

مولاهم انت وربك اختارك

        *  *  *         *  *  *        *  *  *
 
تنافسو عالموت ويرفرف علمهم
ما يهمون العده و منيطين دمهم
يشهد التاريخ و يسولف  بسمهم
ثبتولك  بالحرب  مصداق حبهم

كل واحد مضحي واجة يحارب
بسمك  نشيده  و ما  يرد  هارب

كلهه تصيح بطفنه نتشارك           

        *  *  *         *  *  *        *  *  *
                   
آمنوا   بالله   و الجنة   وِ اجولك 
بالشدد و الموت اصحابك وفولك
جيّة   الولهان   بالشوگ  اعتنولك
ضحوا بكلشي وعمرهم رخصولك

صاحوا يغالي كلنة فادينك
قائدنه  انته  و نتّبع دينك

عدهم درايه وعرفوا اخبارك

         *  *  *         *  *  *        *  *  *
                
وگفوا  اگبال المخيم بالهنادي
رهبوا الموت بعزمهم والاعادي
رفضوا  الذلة  تصافح   للأيادي
لبّوا  لداعي  الشهادة  و المنادي

غيرة  و مراجل  صفّت ارجالك
بسم الله امضي وصفوة تبرالك

خطوة وي خطوة اتبعوا اثارك

        *  *  *         *  *  *        *  *  *
               
أربات  الحجور   التقية  و النجيبه 
توگف اتخوض الملاحم مو عجيبه
اليحب  لازم   يضحي  وي  حبيبه 
بالرخاء   انصار   همه  و بالمصيبه

گالوا  اجينه  و يمك  انبايع 
تبقى الأمير وصيتك الشايع

احنة بقدومك والله نتبارك

        *  *  *         *  *  *        *  *  *

دگوا اصدور  و وفولك  بالقضيه 
تشهد الحومة وارضهة الغاضريه
زحفوا ازحوف و اجولك  للمنيه
ذوله  انصار  العقيدة   الاحمديه

كالولك امر شنهي التريده
بـدم الاعادي نغرك البيده

وجه الله انته التسطع انوارك

        *  *  *         *  *  *        *  *  *

✍ خادم الحسين ع
      الشاعر رعد الچريخي

درسنه أليوم عن أحيود سبعين
مواقفهم شريعه ومنهج وديـن
عقيدتهم حسين وحب الحسين
سلو مرآهف لحيود... حياهم
سبعين بس كلهم زود.. حياهم
رفت شواربهم غيظ... بالعاشر
بالصحبه خيمه وعامود ..حياهم
لبسو گلبهم عالدرع يا ستار
سبعين مستنگينهم وين الحار
معجونه أظن طينتهم بغيره ونار
.............................................................

اليصدهم مايميز الشيب والشاب
ولا همهم عشيره وجاه وأنساب
المهم وي الحسين انحسبو أصحاب
وگفو درع للخيام..... بالحومه
وعيونهم وسفه اتنام.. بالحومه
ماخلو الريح ايفوت... للخيمه
للعركه ماطخو هام... بالحومه
وياهم شويه الكفو وما تنقاس
حصلوا عفيه ورتبه من العباس
العنده مثلهم حگه يفخر ياناس
.....................................................

الغلام بصف حبيب وعابس وجون
البياض وي السمار أتخالط اللون
وغدو مثل الالماس هواي يزهون
عدهم حبيب المغوار.. وياهم
ايسمونه شيخ الأنصار.. وياهم
وعدهم زهير المهيوب.. وعلومه
وصارم برير البتار... وياهم
بالحومه من طبو غدت ماتنشاف
بالفزعه ما ننسى وگفته الهفهاف
سيافه كلهم ما يدگهم سياف

........................................................
أبد ما سائلوو من أي الأديان
وهب عاف الصليب وصار عنوان
أعتنق دين الحسين وصار سلطان
الرهبان بي يتباهون.. هنياله
عاف المسيحيه شلون.. هنياله
هوا العشگ هيچ يريد.. مو كلمه
والحر كسر جم قانون.. هنياله
منهم تعلمنه الوفه وي المحبوب
خلونه نعرف بالحب شلون أنذوب
كلهم نشامه وصيتهم ظل مهيوب
.......................................................
✍️ حسين حمدان الدلفي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

حياك حياك يمسلم يافحــل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
للكوفه طــــب ولاتشوف الكوفه
مابيها لون وجوهــــا من الخوفه
چنه ابوفاضل مـن يشيل چفوفه
دخيلك يمسلم صاح ياهو يشوفه
سويها لله وخلنـــــه نشـــرد مــنا
والتوبــــه اذا ردينــــه مسلم لهنا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مخبوصــه كلها وخايفه ومحتاره
اواحــد يگل للثاني شنهي الچاره
مسلم دخلها وشـــــــــادلها وزاره
چن ثار عده وجاي ياخـــــذ ثاره
لاخيـــل ضلــت لازلــــم لافرسان
حيلين بي وعالذبح طب عطشان
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بس رايه عوزه يصير مثل العباس
لو كضله زلمه يرده كـــون بلاراس
خلها مســــــلم ناس تعثر بالــناس
المالاحه سيف يموت من الوهواس
مشلوع گلب الجيش منه ومتعوب
هذا اليريــــد يموت ذاك المصيوب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كل هذا وحده شلون لو يمه حسين
يگولون تقبــــــه هناك وادم عدلين
دخيل الله مسلم ترس بيها الصوبين
عدلين گام اطيــــــح فوگ الميتين
خيال يذبــــــــــــح گام بيهم خيال
وجنازه فـــوگ جنازه ضلت تنشال
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

وين اصحـــابك  يابو الكـبر
كلـــــهم طاحو   وانت بغربه
اتلمس نحره  وذابل وجهه
لسهم مثلث   حضـــر كَلبه

==================

لحسين رد عله الخــيم     امبــــين بروحـه نياحه
ومن شاف زينب جايه اله   شال ايده كض صفاحه
عرفت كَرب حركَ الخيم    ولحسين اجا ذبــاحــــه


ام عاون صاحت يحـــسين   وحــــداني انته
الماعــنده بالـطف اصحاب     تنـــحز ركَبـتـه

طب لخيمة    زينب اخته
صافن بيها   وعينا تدمع
الحيرة الحيرة    يهمس بيها
ضلت ساعه   ورايح توكَع

=====================


شحال الغريب ابلا ربع    وبالكَوه لم اجدامه
الماعنده ناصر لا اخو    اتطب الزلم لـ خيامه
ميدان يصبح للسحك   وتنسلب منه اعمامه


يم عون ماضل أصحاب   تفزع اليه
من هسه اسمي المذبوح  واسمج سبيه


جانو يمي    مو محني اني
هسه مبينه   كسرت ضهري
نحري متاني   الرمح يشيله
لسحك الحافر   اتحضر صدري


=======================

بالليل اسمع سولفو   وانطو عهدهم ليه
لو باقي بينه بس نفس   خل تفرح العلويه
هسه المخيم منكشف   جا وين اضم ارقية


كد ما صحتهم حسيت   نشفت لهاتي
من رحتو والله احتاريت ياهو لـ بناتي



واحد واحد   صايحت الهم
محد منهم   جاوب كلمه
سبيي عيااالي  شاغل بالي
وهاي الحيره   تكسره الزلمه

===========================
مو مثل ما جنت الصبح    من جان يمي انصاري
جااااان الهواشم يمنتي   واصحابي جان ايساري
وهسااااا محد يمي بقه     وصارت مباحه اكتاري

ماضلو ابجيشي أصحاب  وحدي بغربتي
وبيمن   افكر واحتار    كبرت حسرتي


فارغ ضهري   بغير اصحابي
وخيل الجايه    تدوس بصدري
  اركض المن   والمن افزع
الطف حيره   وكسرت ضهري

==========

راح امشي يازينب بعد     للمـــذبح  عله اجدامي
عين انطي رايح للسهم   وعين التفت لخياااامي.
محتار  من خلفي الخيم   وجيش وزلم كــدامي


تضل عيني يا زينب ليج   لكطعت وريدي
من فوكَي يصعد ذباااح  ارفعلج ايدي



سهم بعيني        وابقه اتلفت
من اعله التل   صوتج اسمع
تصيحين اسمي   واجمع حيلي
رايد  اوكَف     بس اني اوكع

======================
خالد عبد الساده البديري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

هوسات
للأنصار


ألـهـم يـشـهـد الميدان انـصـار ونِـعـم انصار
حَشمّهم حبيب وگام اوسوّهه الجثث طشار
حتى اليشرد ابروحه مـا يـگـدر يظل محتار

          مـن يـمـهـم مـايـسلـم راسـه

                                *---------------*---------------*

واحدهم خذاه الشوگ وهايم بالعشگ مجنون
مناحرنـه فـده لحسين كلهم گـامـوا ايصيحون
حبيب اتحزم ابشيبه ومـا ادري شوّصّف جـون

            وبـدمـهـم معجونه الـغـيـره

                                *---------------*---------------*

وهب وآهبهن اسنينه وشيّد للشجاعه الساس
بهيچ اصحاب نتفاخر صحبتهم عگل عالراس
مواقف سجّلوا لليوم محتاره ابوصفهه الناس

           كل واحـد ابيض تـاريـخـه

                                *---------------*---------------*

سبعين الف والسبعين كل واحـد يُـعَـد سبعين
زهير اتحزملهه احزام اسمه ايخوّف ابن القَين
ماهمهم عدد والجيش أجوا وبدمهم امضحين

          يحسين اصـحـابـك مـعـروفـه

                                *---------------*---------------*

✍خادم الحسين (ع)
الشاعر رعد الجريخي

الانصار منهم ونعم ..هبجي جان زماطهم
وستمع رباطهم….
((نحكم بي الطف صار نه))

هوسو هل هوسه هايه ودجو گبال الخيم
تعاهدو  رايه عله رايه وكل شخص ياخذ سهم
وليطيح وما يوفي بعهده ما ينفع ندم
كون كل واحد بسيفه ولرجاب يخلي دم

هيج همه نصاره
طبو عله الغاره
وفاتو عله زماطهم
غيرو رباطهم

(((نحصد بي الجيش تبريد )))


طب حبيب ابن مظاهر بسم الحسين انتخه
ويومه بطف صار شاهد للزمان وارخه
شاهد وجيش ال اميه بسيفه هزه ودوخه
وكالهم واليوم يومي مو جذب لو فخ فخه

زوده من جنوده
وسرفناهه زنوده
هيج هيه افعالهم
وغيرو رباطهم

(((عمج حيد كلو الزينب )))

جون شاف الصار هذا وكال جنني العشك
اليوم كون بسيفي اخلي الجيش نصه ويحترك
طب عله الحومه ولواهه وكام يطبگهم طبك
يشرد السالم بروحه لاكه سيفه وينسحگ

بهل عشك هنياله
وشوف زود افعاله
حسين ظل يبرالهم
وغيرو رباطهم
((نبني بيوت من بجثثهم)))

فزعو اصحاب ابو اليمه صحاب للكلفه ونعم
صاحو بزود ابو سكينه اليوم نكسر كل خشم
الكال اوصل يم خيمهم وينه ويشوف العزم
اليوم وندك بيهه ثابه كربله ونحصد زلم

طبو وحصدوهه
والزلم ردوهه
حسين شيخ بجالهم
وغيرو رباطهم
((اليگرب وين ثابت حدنه))

ابو سلام الجابري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

على وزن يامحلى الوداع بهل مسيه..
للانصار.
...................................

بالطف احنه انصار الامامه..

نكَلبها قيامه...

نلبس عالدرع.. روح الشهامه .
..........................................


وحك ضلع الوديعه وطبرت الكرار.... مانخلف عهدنه

ندخل ساحةالحومه وندوس النار... يوم الطف وعدنه

نردم عسكر بعسكر يبو الاحرار.... حدّك يبقه حدنه.

بكل زود المراجل ..نفنيها الجحافل.

ناخذ بالدمه اوسام الكرامه ..
........................................

يبوالإكبر اجينه ابغيرت العباس ... مايبرد عزمنه.

اجيناك بكَلب ينبض وفه وأحساس... يل فّيّك يلمنه

الك انصار نبقى الاخر الانفاس...بيك انذل خصمنه.

صوت الحكَ ينادي. ياويل الأعادي
.
واليوم الخصم .يهجر منامه.
..................................

علينه الباري يشهد يشهد الميدان .. بجفوف الحميه

نسل سيف العزم ونواجه العدوان ..نخورس آل اميه

حدر جدمك تذل وتركع الفرسان ...ياروح الزجيه .

أجتهم غصت الموت.... جثث نفرشها ونفوت.

نكص روس العده ابلايه ندامه.
..........................................

مثل طي السجل هالحومه نطويها .... بالصوله الرهييه .

نكَلب عالعده عاليها واطيها...
زلم والحك نجيبه .

يملك الموت خلي اعدانه خليها...
السيف يصب لهيبه

هذا السيف كّبر ...جهنم هاي تسعر.

بركَاب العده يترك علامه .
.............................................

على أجتاف المجد نتربع بكل زود.... لان راهم علينه

نطب سوح الحرب عن المعالي انذود. عن منهج ولينه

عن زينب نحامي بكل عزم موجود. وشكَد همه بينه.

احنه الطف رجاله.... مشهوده البساله .

عن وجه السبط نجلي الضلامه .
......................................

✍ ابو منتظر الحجامي 2025

عكَيلي .للانصار
.......................

لا منعوفك . لا منعوفك . وحدك بالطف لا منعوفك.
..............................................

نعمه انت ولازم نشكرها.
والثوره انصارك تنصرها.
باجر يوم الطف يذكرها.

عن مبدء نحرم وانطوفك
.................................

تعرفنه انصارك يوم الدم.
يحسين انخانه ولا تهتم.
باجر جدامك نتحزم.

غالي ونركع بين اجفوفك.
..........................................

ما نتخاذل يابو الاكبر .
وفايه أنسر الخاطر سّر .
واحدنه الكافل لو زمجر..

بين احبابك حلوه انشوفك
.........................................

نقسملك بضلوع الزهره.
غالي وعنك ما نتبره.
وفايه ونبصم بالعشره..

خسران الينكر معروفك .
........................................

يبن اليحضر وكت الشده .
جدامك ماي ونتبده.
الماكو بكَلبه حسين شعنده..

يصبح محروم من اطيوفك
....................................

ياوجه الباري وميزانه.
ليش اخت زينب حزنانه.
باجر عد عينك تلكَانه.

بالحومه ونهتف بحروفك.
.......................................

باجر. ياعنوان الكوثر.
منذور النحرك جم منحر.
نرضيك الحد مانتوذر.

نتعفر من ذاري اطفوفك.
..........................................

✍ ابو منتظر الحجامي......2025

نزول ابا الفضل العباس .الى ساحة الحومه.
..............................................

شجاعة الكافل
ـــــــــــــــــــــــــ

موت .للحومه نزل..
موت. بيمين الكفل.

ساقي الضمايه... رفت له رايه.

.................................

عن زود اخذ جوده الكَمر ...مافكر بلحظة خطر ..ميبالي.

كرّ وبهتافه حيدره ... اعُّرف عند الزمجره ..بفعالي.

فرّق الجيش بصولته....حد ما ملاهه جربته..الكل غالي .

صار....يتعذر. همس.
صار ...للخوه. درس..

تفكيره غايه....رفت له رايه...
....................................

مارجف كَلبه من العدد... خلّ العده تصيح المدد...محتاره.

اشجعهم بضّله عثر...يرجف يدّور عالمفر ..بكتاره.

كوّر الحومه بكل عزم...والزلم طاحت عالزلم..بأثاره.

صاح .. وبسيفه هتف
صاح.. والعسكر .رجف

كهّف المنايه.... رفت له رايه..
...................................

شمرت علي راعي اللوه... من خزرته الماي انجوه...وتبخر..

صف الغنم صفهم عدل...ركعوا حدر جدمه النفل...واستغفر.

عافاهم وصد للسمه... واستشعر اهات الضمه..وتصبر.

راح..يرجع للخيم.
راح ..شيال العلم..

ايه اعله ايه.... رفت له رايه.
..............................................

للخيم صدّ بعاطفه.... وفاضت ينابيع الوفه ... من جوده.

ضحه بيساره ويمنته....وحصّن الجود بغيرته.... بزنوده

يسمع اصوت من الخيم..... صاحب وفه راعي العلم...بعهوده..

جان .. كل همه يرد..
جان .. للغيره مجد.

اعظم روايه... .رفت له رايه
...............................................

الكَطعت اجفوفه مايهم...عنده عطش سكنه المهم.. يرويها

من بعد جفينه انغدر ... والسهم لن عين الكَمر .. طافيها.

عالجربه لّم روحه الوفي ...ضّمها اعله صدره العاطفي..يحميها..

راد .. ايضاح الامر.
راد .. من سكنه العذر.

تصبح نهايه ... رفت له رايه..
.......................................
✍️ ابو منتظر الحجامي. 2025

ميمر....(عشاق الخدمه)
..................................

صحنه بجرح.. للمنذبح.
ياهيبة الطف . ياصرح.

دكَينه بابك .خدّام . وي الخدم خلينه.
..............................................

دكينه بابك .يل حنين اقبلنه
بدفتر الخدمه والخدم سجلنه .
نقسم عليك  ابفاطمه  وفقنه.

لمحبتك...والخدمتك.
خلينه حدر اعبايتك.

مدينه ادينه وندريك ماتبخل وتنطينه.
..........................................

ماتبخل اعله احبابك وخدامك.
يامن بصدرك عزبتها اسهامك
والله بضمايرنه تجول الامك.

تاه الكلب . .وانت الدرب .
دلينه ..من بابك نطب.

ماعدنه غيرك مولاي بس خدمتك تهدينه.
.............................................

نبقى اعله بابك عمر وتفيض العين
مانمشي اله بختم خدام حسين.
انته السفينه الاسرع الكَلب الدين .

انته الهوى . .وانت الضوه
يارحمة الله . ب نينوى.

اجبر خواطرنه بهاي.. يمك بشر سوينه.
............................................

نقسم عليك بدم نحر عبدالله.
بسرك المخفي البينك وبين الله.
بذاك الذي رد الشمس من صلّه

منبدلك. .  . ونمثلك
والذله حلوه . بس الك

يل تمنح الخادم تاج. وبكل كلافه تعينه.
.............................................

حطنه بأقل رتبة خدم بالخدمه.
يالغالي.. لا تحرمنه هاي النعمه.
هنياله  كلّمن من يمينه اتلزمه .

وتوجهه. .... من ياجهه.
يصبح بضلك..   واجهه.

يتعلم ادروس اهواي كلمن لزمت ايمينه.
...........................................

✍ ابو منتظر الحجامي.   2025

ريّض يحادي بممشاك
وعلى النهر مر بيّه
عمي وأريد انه انخاه
يرجّعلي هالترجيّــه
٠٠٠٠٠٠٠٠٠٠٠٠٠٠٠٠٠٠٠٠٠
الترجيّه اله فدوه تروح ... بس وعلي مهضومه
ودّعني ابوي ومن راح ... ضاعت عليّـه علومه
دوّرته أنـــه بذاك الليل ... متغيره شفت ارسومه
وضلوعه من سحك الخيل ... متطشره على الحومه

كل هذا واسمع شمّات ... خل نسلب العلويه
------------------------------------------
اليفكد هلــــــه يصير يتيم ... والوادم يواسونه
هذا اليقبّلّــــه الــــــراس ... ذاك المسحله عيونه
ليش أحنه من غير اسباب ... فوك الجمر مشّونه
راونه كل مـــــا مشيوف ... علـى البشر راونه

أعثر وأطيحن عالكاع ... ما جني ذيج ارقيه
--------------------------------------------
بس مرني يالحادي عليه ... واطلب سواد عيوني
خلّيني اسولــــــف ويّـاه ... وأشكيله من ضربوني
بلكت الروح تــرد بيــه ... وينظر زراك متوني
ولمّن صحت بويه حسين ... ستر الله ما ذبحوني

تاكل بكلبي النيران ... من حسرتي المخفيه
ءءءءءءءءءءءءءءءءءء

عمي وأريد انه انخاه ... ودمعاتي هل مذروفه
لو سمع من عندي عتاب ... إيردّن اكيد جفوفه
ولوشاف خدي المسطور ... يبجي النهر وجروفه
ومدلـلــــه جنت ويــــاه ... وهسه بحبل مجتوفه

لوجان حاضر عباس ... يا هو اليمر عليه
ــــــــــــــــــــــــــــــــــــــــــــــــــــــــــــــــــــــــ
عمري صدك بعده ازغير ... بس يا عتب شايلته
حامي الظعن لمن غاب ... يا ظيم مر على أخته
ظلّت جسد وبلا روح ... ومن مات كالوا ميته
بعده الظعن صار يتيم ... شمر الحده بعايلته

يرضاهه ابو الغيره ... شلون هذا لخدر تاليه
ــــــــــــــــــــــــــــــــــــــــــــــــــــــــــــــــــــــــــــــ
عمّي الحنين احجي وياه ... عندي عتب بيه حركه
شجرة علي زينب هاي ... لمّتنه من كل الفركه
من القهر أخت حسين ... كل لحظه تذبل وركه
ياليلة الوحشـــه شلون ... وأخيامهه المحتركه

وكفت حرس طول الليل ... خافن تضيع ابنيه

.........
خادم الحسين ع
الشاعر فلاح الماجدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

كامل المعرفه
بيمن انوصفه
بالحرب عاصفه  .   ابوفاضل

فارس ومقتدر
عالم ابكل أمر
كافل ام الخدر . ابوفاضل

سبحان وجها لو ضهر   رعاب الرعب
ريشات عنده ابالفضل  تمشي ويالسحب
ابن  ام  الكرم  كلف    تعرف كربله
العيون اخته بت علي   يگلبوها گلب

قاهر . اسمه والداحر  .   وارث الباتر
من أبو علي
شاطر . بالحرب شاطر  . عالزلم عابر
الشافه يبتلي

ثگيل الطگه   ...  ولا هد حگه
يفور ادخيله     اليصطره يحرگه
مولانا ابالفضل     مولانا ابالفضل
،،،،،،،،،،،،،،،،،،،،،،،،،،،،،،،،،،،،،،،
صاحب المنزله
كافل البسمله
مصنع المرجله   . ابوفاضل

نتضرته الثاقبه
لو يكض شاربه
تضهر المنقبه  . ابوفاضل

خزرت عينه عاصفه   وصطراته مطر
يطعن سيفه بالوجه    لا مو بالضهر
مايغدر يبشر ابد     خيال الحرب
حط نيشانه عالرگب   وستنگه النحر

راهب . طاعن وضارب  . كسرت الحاجب
تكسر الضهر
غاضب . بالحرب غاضب . هيبت الشارب
خلست النهر

يحب الهده .... جبل ميرده
صدگ بجفوفه    النهر يتبده
مولانا ابالفضل     مولانا ابالفضل
،،،،،،،،،،،،،،،،،،،،،،،،،،،،،،،،،،،،،،،
سيد المكرمه
صاحب الخاتمه
فارس الملحمه  .  ابوفاضل

واصل الشاهقه
صولته ساعقه
شاره بي حارقه  .  ابوفاضل

شريان خيمت الوفه   النهر العلگمي
لوبي صدت الشمس   لازم تنعمي
عباس  سيد  الزلم    تفرق غيرته
صاح ابصوته يا كفو   يدنه امخيمي

طالع . للحرب لامع . والنهر راكع
منه يرتجف
گاطع . بس رگب گاطع . شاطر وقالع
ونعم كلف

دخيل حساسه .... وزفير انفاسه
الخيم تتنومس     تره ابنوماسه
مولانا ابالفضل     مولانا ابالفضل
،،،،،،،،،،،،،،،،،،،،،،،،،،،،،،،،،،،،،،،
موقد الحاشره
قاهر القاهره
گاطع الگنطره  .  ابوفاضل

طالع ابهيبته
والضوه بوجنته
من نتخت خيمته  . ابوفاضل

الكافل عنده موهبه  من زغره بتدت
لوكض سيفه للحرب  تحسبها نگضت
عطشت اخته للعذب   طب الها العذب
شال اجفوفه للسمه    وگاع الله رتوت

ساقي . وبالحرب راقي . للذبح باقي
كاسر الرگب
قائد . حيله مابارد . والنهر شاهد
خله والحرب

تره من جفوفه .... العذب بي خوفه
وصل دم الطف    الضواحي الكوفه
مولانا ابالفضل     مولانا ابالفضل

العبد ابوفايز الرافضي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

القصيدة بلسان حال الإمام الحسين عليه السلام بعد استشهاده



آخر شهيد بكربله ، يا كربله جانه
لينه أعتنه وكل غايته، يتوسد اويانه

او وي دمنه ينزف دمه
هذا الصبح كل همه

لينه أعتنه وكل غايته، يتوسد اويانه

****

يا كربله لهذا الوكت ، ما خلصت لوعاتچ
وبگلبي حتى بموتتي ، ماهي انتهت لچماتچ
امن اصحابي هذا آخر نبض ، البي ما خلص ميقاتج
بالدم يتمم معتني ، فوگ التراب آیاتچ


جاي إعلى ظهر امطهمه ، لظهر الأرض نيته
گاصد لهل بيت النبي ، وعايف أهل بيته

وللموت نحره ايسَلْمه
هذا الصبح كل همه

لينه أعتنه وكل غايته ، يتوسد اويانه

****

لمن وصل تربچ وگف ، ویعاین لهالحالة
دخان شاف مخيمي ، وبس الحزن يبراله
وآنه اوهلي منه انتهت، غايتهم الخيالة
اترجل على الجيش اونزل ، وبإيده لاح إهلاله

وي دمعه دمهم ظل يصب ، ويصد على خيامي
وتعاين أرض المعركة ، بدمعاتهه أيتامي

شما عنده راد إيقدمه
هذا الصبح كل همه

لينه أعتنه وكل غايته، يتوسد اويانه
****

لن زينب اباب الخيم ، نادت على نساويني
گومن يربّات الخدر ، ايعاون نظرچن عيني
ياهو امنهل بيتي إعتنه ، ويا هاشمي اللافيني
بلكي وإجونه أهل البخت.. گومن یبعد سنيني

من الخيم ظل يعتلي ، لهالعايلة إبچاها
ومن سمع صوت امخيمي ،  دار او تعناها

لخيامي يوصل جدمه
هذا الصبح كل همه

لينه أعتنه وكل غايته، يتوسد اويانه
****

ما بينهم حال الفزع ، وتكاثرت عدوانه
وبرگاب كل ذيچ الكفر ، ما قصرت ذرعانه
الهفهاف بيهم صاح أنه ، وارتجز لجلي لسانه
بالروح أفددي ومنحري، ابنات النبي العطشانة

ومن بعد زوده وصولته ، لن الأجل جاله
وعيون أهل بيتي غدت ، بالدمعة تبراله

وصيواني ينزف يمه
هذا الصبح كل همه

لينه أعتنه وكل غايته، يتوسد اويانه
****

اتكدر گلب زينب بعد ، حين الشهم گال إسمه
لاهو امن أهلهه ولا بگه ، ايرد العساكر عزمه
وعالگاع طاحت والحرم ، من عالأرض صب دمه
وآخر أمل عدها إنذبح ، او أجر اليتامه تعظمه

مات الأمل يهل الخيم ، لكل الحرم گالت
وعالگاع من عين الشهم، دمعة هضم سالت

والحيل راد إيلمه
هذا الصبح كل همه

لينه أعتنه وكل غايته، يتوسد اويانه


https://www.tg-me.com/hxzeu1

الشيخ منير السعد

نعي للسيده زينب عليها السلام

انه الغريبه المالي ديره
من كربله للشام اسيره
محتاره والحيره چبيره
وين انطي وجهي وين اديره

اصفن وگول اتهون بلشام
وحچي الشماته اقوى من السهام
وسفه ابخرابه انبات ونام
انذبحت اگبالي كل الحلام

بلا خير حالي يل تنشدون
لاضل جدم لا ضلت امتون
بين الاعادي واليشمتون
صحتك يخويه ابدمع العيون

اگعد يبعد اختك سبوني
وعل سوگ هضمه مرروني
صاحو اسيره وشتموني
وبين الشماته وگفوني

العاشت غريبه اتضل غريبه
وموتتهه بل غربه مصيبه
جرحچ عله الشاطي طبيبه
وشماتچ ابكثره عجيبه

مالت وياچ الدنيه ميله
عباس من يروح حيله
فوگ القهر تحمين عيله
وضيم الخرايب صعب ليله


سلام البهادلي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

هوسات

جمعهم حبيب وگــــالهم نمشي
انه اليوم كلش ما طبگ رمشي
احب حسين انه واحب بي كلشي
بيد حسين اريد ينحمل نعشي
والموته بچفك محلاها
&&&&
اجو هوسو يـــم خيمة العلويه
ننكتهـــــم الك نكتت الخاچيه
سهله المعركه چن شربة اميه
النصر بيدك تحول ميه بالميه

بس اشر بيدك نگضيها
$$$
علي جبار الكعبي
الفاتحه لوالدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

سيف المولى يفتخر في بطولاته مع ابا الفضل عليه افضل الصلاة والسلام

سيف العباس
سيف العباس
أغـلـى او أجمل ألـقـابي سيف العباس

سيف العباس
سيف العباس
اوحاسب لطف أحسابي سيف العباس

صوره وصوت شاهد بالطف أفعالي
أوديّه لـلـعـدم كـلـمـن تــدنـــالـي
سيف العباس سيف العباس

*

من چف الولايه الچف كمر هاشم
سيف الكافل آنــه وبـالأمـر حاسم
بـنـحـور الـزلـم مـن الـزغــر هايم
اولون اگرابي يشبهه حـنـة القاسم

تشهدلي الناس
تشهدلي الناس
من صفين اليوم الطف تشهدلي الناس

تشهدلي الناس
تشهدلي الناس
بچف الكافـل أتـشـرف تشهدلي الناس

عـد يمناك خَلّني امـن أشهر أقـوالي
أوديّه لـلـعـدم كـلـمـن تــدنـــالـي
سيف العباس سيف العباس

*

خضت كل المعارك وي أبو الغيره
مـا نسـتـذوق إلا الــروس الچبيره
سيف الـكـافـل اوماريد أسم غيره
لـغـز ظليت مـن يـوصـل لتفسيره

كل الشجعان
كل الشجعان
لـو لاگـتـنـي تـتـورط كل الشجعان

كل الشجعان
كل الشجعان
أشجعهم بقه امحنط كل الشجعان

كـالـبـركـان تسّعر بالـطـف أهـوالي
أوديّه لـلـعـدم كـلـمـن تــدنـــالـي
سيف العباس سيف العباس

*

آنـه الموت الأحمر والحچي اهوايه
والرايـد دلـيـل أگـفـضـهـا بحچايه
خـل يـتـفـضـل ايـشـوف المسنايه
ذاك الجيش ظل لو صـاحـب الرايه

بزود الكفال
بزود الكفال
ضاع الجيش والقاده بزود الكفال

بزود الكفال
بزود الكفال
حگها اتباهت الساده بزود الكفال

سيف الـسـيـف بس الكلفه تحلالي
أوديّه لـلـعـدم كـلـمـن تــدنــالـي
سيف العباس سيف العباس

*

سيف الـكـافـل آنـه الـدوم متفائل
موت الـمـوت حيهم بيد أبو فاضل
جبت اسنيني عالحگ والله ماجامل
غضب مثل النيازك عالخصم نـازل

وين يفرون
وين يفرون
بـآخـر كـاع ألوحنهم وين يفرون

وين يفرون
وين يفرون
وبنار اللضى أطحنهم وين يفرون

بـألـف سبعين مـا أهتم ولا بـالي
أوديّه لـلـعـدم كـلـمـن تــدنـالي
سيف العباس سيف العباس

*

الغالي يلوك ومفصل على الغالي
سيف بچف كـمـر هاشم يهنيالي
من الصوت أسرع وأبشط أفعالي
ما أذكـر مُـحـارب طـول اگـبــالي

أشطر بالطول
أشطر بالطول
مني ضاگت الأنفاس أشطر بالطول

أشطر بالطول
أشطر بالطول
كلما دمـدم العباس أشطر بالطول

مـن كـل الجـهـات ايـخـوف اخيالي
أوديّه لـلـعـدم كـلـمـن تــدنـــالــي
سيف العباس سيف العباس

*

ألـف سبعين مــو تتراجـف احتارت
تشرد وين ؟ وبكيفي الحرب صارت
آيــة مـوت بـچـفـوف الكمر لاحـت
الـمـارتـلـهـا يـحسـب ركبته طارت

ماتت فرسان
ماتت فرسان
من خزرة كمر هاشم ماتت فرسان

ماتت فرسان
ماتت فرسان
ياهـو ايخمن الـقـادم ماتت فرسان

ضـمـت روسـهـا ومـحـد تـعـنـالي
أوديّه لـلـعـدم كـلـمـن تــدنـــالي
سيف العباس سيف العباس

*
سليم الغزالي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

لسان حال العليله ....(شنهوذنبي.)...
..............
شنهو ذنبي ....لوحدي عافوني الحبايب ..
شنهو ذنبي. ..حكي ياناس من اعاتب ...
ياخلك انه العليله ...هموم كلبي شكد ثجيله
شنهو ذنبي
............

بعيني شفت احبابي من حمل ظعنهم
واني من ابعيد ابجي وانظر الهم
هاجت جروحي واون واني بمحلهم
وعيني تنظر بالكي ابواليمه يكلهم

ياحبيبي... هيج وتكلي تعالي
ياحبيبي... وكضي من هم الليالي
لووو رحت ياهوه اشتكيله..... هموم قلبي شكد ثجيله
...........
طفح صبري وضلمت الدنيا عليه
وين اروحن صحت عمه بهل المسيه
عمتي زينب جاوبتني موو بديه
انه مثلج حايره ونيران بيه

مووو بديه..... هل سفر يبنيتي أمره
مووو بديه..... والخطار البي كثره
وصرت دمعي يمها اسيله....... هموم قلبي شكد ثجيله
..........
صحته سكنه شلون يختي تفاركيني
بداعه الحره الزجيه تكلميني
أنه من بعدج يضل عالي ونيني
انه يوم ال ماشوفج عميه عيني

فدوه ياختي ..... ضعني وياكم أريده
فدوه ياختي.... صعبه من ابقه وحيده
وجرحي واكفلي على حيله........ هموم قلبي شكد ثجيله
..........

رحت يم رقيه ابجي ونشفت دمعاتي
وجانت تكلي يخيتي تذكري حجايتي
باجر احنه لووو مشينه اخذي كل حاجاتي
يجوز كلشي وماردن وي ضعن عماتي

لا يكلبي..... انه كلها ودمعي جاري
لا يكلبي.... فدوه لتشبين ناري
هموم قلبي مووو قليله.......... هموم قلبي شكد ثجيله
...........
رحت للعباس ابجي وحلفيته برايته
كتله ياعمي ابونه شنهي جانت غايته
ليش مايقبل وياكم امشي وأنه ربايته
صداليه ودمعه يجري وكال هاي حجايته

كال عمي ..... درب ابواليمه عجيبه
كال عمي........ بكربله اهناك المصيبه
وكال رحلتنا طويله....... هموم قلبي شكد ثجيله
..............

رحت من خيمه الكافل كوه اجر خطواتي
شفت ابواليمه حبيبي يحجي وي خياتي
كتله يابويه احبك اقسم بمولاتي
صد اليه وعينه تبجي ونهرن دمعاتي

كضني بيده..... وكال امرج موو بديه
كظني بيده..... انتي موو منهن سبيه
وبالحرم عمتج كفيله...... هموم قلبي شكد ثجيله

... ابو زهراء الظالمي

يـوفـاي ــــ يـرواي ــــ يـمـولالي يـبو فـاضل
ـــــــــــــــــــــــــــــــــــــــــــ
كل مايمر طاري الوفه شخصك الأول حاظر
يا أخو زيــنب والنعم أسمك يطـيـب الخاطر
ياشبل حيدر بالحرب يتحول اسـمه الكـاسر
والله ونعم يابو الشـيـم ماقـصرت بالـعـاشـِر
بالجفوف ــــ والسيوف ـــ بالطفوف يـبو فاضل
ـــــــــــــــــــــــــــــــــــــــــــ
يالرايتـك رأيــت علي وزينب تـنـخـت بـيهـا
قـائد الجيش بكربله وجــف يمنـتـه محلـيها
من الخيم طالـع گــمر وعـمـامـتـه مخليــها
والجربه متوسطه المتـن راد بـعـذب يمليها
شبل غار ــــ غضب نار ــــ الهوه ندار يبو فاضل
ـــــــــــــــــــــــــــــــــــــــــــ
فوك المهر صاعد ضوه وحسين أخيه اينظره
ويـگـلــه ســبع الگنطره انت كـفيـل الـحـره
ارويــهـا عباس الــحرم ولجـيــتـك منــتـظره
لا تبقه خويه عالنهر نـــارالضــمايه امــؤجــره
ينظرون ــــ ينطرون ــــ يـندبــون يبو فاضل
ـــــــــــــــــــــــــــــــــــــــــــ
امودع الله ابروحتك صاحتله بالطــــف زيـنــب
يا كمر يمضوي الخيم لـمن تغــيب اتـعـــذب
يمفحط اخيول اوزلم وانت بعزم ماتـتـــعب
كل نــار تطفي بجيتك بس انت نــارك تلـهب
يحماي ــــ يالفـياي ــــ يالــهواي يــبــو فاضل
ـــــــــــــــــــــــــــــــــــــــــــ
صوب الشريعه من گصد حته المعسكر داره
صاحو اجه فارس مضر حيدر حظر بــالـغــاره
صـاح انـي عباس بـفــخــر ضل يحـصد ابتاره
المـالاحـه سيـفه بـالحرب يـنذبح من الشاره
علي صار ـــ يرد ثار ـــ من الاكبار يـبـو فاضل
ـــــــــــــــــــــــــــــــــــــــــــ
الشاعر : خالد جودي العارضي