‏مقطع صوتي من خالد العارضي

(( السلام عليك يا أبا الشهداء ))
       =================
اخــــر اوداع اوگــصــد للـــــحـومـه
والــعــيــال مــن الابــو مــحـرومـه
       ــــــــــــــــــــ ١ ــــــــــــــــــــــ
وحــده صـار حسين مـن راح الگمر
صــاح ليـــنـه الــتـمن وحــان السفر
شـدي ازرج يالعـقـيـلـه عله الــقـدر
هــاي دنـــيـا وكـلـمــن وحـد يـومـه
   ــــــــــــــــــــ ٢ ــــــــــــــــــــــــ
گـمـــنـه نــتــوادع وداع الـــمــايــــرد
واحـــنــه يـــم حسـيــن كثرنه النشـد
ويــــن نـمـشـي اخـلافك الوادم تـضد
وتــعــرف انــت گـلوبـنه الـملجـومــه
   ـــــــــــــــــــــ ٣ ــــــــــــــــــــــ
كثرن اجروح ابو اليمه وضل يـمـيـل
ونـبــله من ابعيد طــاحــــت بالدليـل
طـاح من فــوگ المـهـر ما عنده حيل
والــدمـه غـطـه يــوسفه ارســومــــه
   ــــــــــــــــــــ ٤ ــــــــــــــــــــــــ
فوك صدر حسين من شفـت الشـمر
گـــاعـد  وياحيف گـــــــاعـــد مـفـتخـر
بخنجره المسموم ضـل يطــبر طـبــر
والـــخــيم  من نـــارهــم مـهـدومـــه
   ــــــــــــــــــــــ ٥ ـــــــــــــــــــــ
بكل مجان حسين صار من  السيوف
اتــوذر عله الكاع والحـــــــره  تشـوف
والحوافر سحــگـته بأرض  الطـفـــوف
وسلبـــوا مـن طــــاح حتـــه اهـدومـه
    ـــــــــــــــــــــــــــــــــــــــــــ
الشاعر : خالد جودي العارضي

اشلون اشبگك وانه اديه مگطعات
كـتبـن اعله الـماي أجمل ذكريات
دم اخـوك أتـبده وي مـاي الفرات

-----------

اجـفـوفــي مـن تگطعن ماهمني
الهمني لو شوفك تجي وتشبگني
بـمــلگه بارد مــن تحس تقهرني
ويا للأســف اتــگـطـعن وعذرني

طاحن راحن ذني البيهن أنگل ماي
حسره وجمره بنص انفاسي وشوگ هواي

وانته يانـفس النـفس مالي الحياة
اشلون اشبگك وانه اديه مگطعات

------------------

مـو دمــع عــمري لعيـون اسيله
والگــلب ياخـــو الگــلب اشكيله
وگلت فـارگــني الهـوى بهل ليله
انه اخــو ذاك الأجــه بـــلا حيله

ضنونه عيونه بكل خطواته أشيب احساس
لمن شفته وكض خاصرته وهز الراس

وگـال راح الجـان تـــسبيح الصلاة
اشلون اشبگك وانه اديه مگطعات

-------------------

أبـزنــدي أشـرلك گمت واتنطر
مــو خـويه يابويه گلتلك احضر
مرمــي التحبه ولون وجه تغير
وگلــبي نـصــيــن انثلم وتكسر

حار ونار شگد حسيت بسهم العين
بيهه تكسر هم ماينجر خويه حسين

ونمــرد حــته الجــفن گل للبنات
اشلون اشبگك واني اديه مگطعات

-------------------


يامــنية شـــويه بس مهليني
بحضن اموت وخل يغمض عيني
انه رايــح والگــلب يـحـسينــي
ايـحــن علــيك ولـوعانـي ونيني

نظرة العشرة صارت هسه واويلاه
حاير فاير دم حسيني وگتله
احاه

فارگاني الغالي ابـو حلوه الصفات
اشلون اشبگك وانه اديه مگطعات

-------------------

خلـيهـه زيـنـب بلگلب خليهه
هم تـــنذبح راح انته ويأذيهه
الشـمــر يهـظمهه وي بجيهه
وراح تسحگ عالجـمر رجليهه

زينب تتعب راح اخلافي وتشبع ويلل
تبجي وتحجي بحيره اسمعهه راح الحيل

وصـعبة لو اسمعهه حنت للممات
اشلون اشبگك وانه اديه مگطعات

------------------

الشاعر محمد البنداوي

الامام العباس عندما قدمّ عليه أخيه الحسين قائلاً 👆
لحن قناة الشاعر محمد البنداوي

تم النشر
(شور)
(مولاتي الزهراء مع الحسين)


ابجيلك ومحـني الظهر
ماهمني ضلعي والكسر
مو سهلة مگطوع النحر

حسين يمه حسين يمه
ـــــــــ ❁ ❁ ❁ ــــــــــ


شحال گلبــي من اجيتك
انته عــــود ابنـي سألتك
يـــــــمك انه وماعرفتك
موتتني
ونكسر مرتين ضلعي من
وصلتك

جبت ماي بسد عباتي
تشــرب وتشرب بناتي
حسين ياشمعة حياتي

وياتعـــب كل العمر
بيك شمسوي الشمر
حتـــى شيباتك حمر
عذبتني عذبتني

ارد امد طولي ويطولك هاك اديه اوسادتك
ريت گبلك ذبحوا امك ريتهه وماجابتك

ومايرفس بصدره الشمر
مو سهلة مگــطوع النحر

حسين يمه حسين يمه

ـــــــــ ❁ ❁ ❁ ــــــــــ

ريت انه بگلــــــبي اضمك
وياهوى بكل خنگه اشمك
ريـــــــــت ماجايبتك امك
حيرتني
ريت عمية ومن شفت صعبة
ألمك

مصيبتك موس بلهاتي
حسين يالشايل صفاتي
وياك مــذبوحه منياتي

وانعي وبجي اعله النحر
راس اشــــوف بلا صدر
بية عــــفت شجم كسر
لوعتني لوعتني

أنياط گلبي گطعتهن يبـــني لملم ؤنتك
والرمح عالي اشوفه وعيني تبجي لرگبتك

وأطفالك بحــــر الظهر
مو سهلة مگطوع النحر
حسين يمه حسين يمه

ـــــــــ ❁ ❁ ❁ ــــــــــ

تدري يايمه من أجيتك
عدل حسبالي ونخيتك
لجن مــن ميت لگيتك
شيبتني
ونكسر جـــم مرة گلبي
وحشميتك

يبني حسبالي من شوفك
تمسح دموعي بجفوفك
يالمثل نحـــرك طيوفك

وعالجـــــرح راح أنتجي
وابــد ماعــــوف البجي
لحــد ما زينـــــب تجي
هدمتني هدمتني

ياعزيز أمك ترى أمك أنحنت يم خيمتك
ونمرد گلــبي وتكسر يوم خيل الداستك

وبجي جاباني القدر
مو سهلة مگطوع النحر
حسين يمه حسين يمه

ـــــــــ ❁ ❁ ❁ ــــــــــ

أبد ماتنــــــعد جروحك
منهن اسمع عالي نوحك
منطلعت يوليـدي روحك
گطعتني
وعالرمح رأسك ييمه اشلون
الوحك

وعالي متلــوحــك أدية
ياعــزيٰـــــز انته الزجية
بحالي ماتـدري المسية

يوم جــسمك بالشمس
وغــــير السهام الرفس
وياعــزيـــز انته النفس
موتتني موتتني

وحمره من الدم يويلي من شفتها شيبتك
والشمر بالسيف يمه هواي جارح وجنتك

ضل گلبي يجوي بالجمر
مو سهلة مگـطوع النحر
حسين يمه حسين يمه

ـــــــــ ❁ ❁ ❁ ــــــــــ

الشاعر محمد البنداوي

ميمر كربلائي للخدمه
خليني خادم يحسين طول العمر خليني
****
ناس اشكثر تتحسر اعله النعمه
ومو كل بشر يتوفق الهل خدمه
هنياله البسجلك يسجل اسمه
خادم الك وين تريد يابو علي وديني
******
ملاجي انته وافخر بملاجي
المن بعد يبجي الالك ما باجي
الغيرك شعر يحسين ابد ما حاجي
رافعني ما بين الناس جاه اوجه منطيني
******
بالخدمه تخلص كون كل ايامي
وبالموكب اتعبلك وشد احزامي
يحسين انته بكل وكت كدامي
ماعوفك وابقه وياك لاخر نفس تدريني
********









هاي المجالس بيها شفنه الرفعه
وعد فاطمه كلش جبيره الدمعه
كلمن يريد اعليك يكسر ضلعه
وام الحسن غالي تصيح اعله ابني الذي يواسيني
*****
يحسين عبدك انه لا تعتقني
والخدمتك طول السنه وفقني
صك الشفاعه من اموت ارزقني
رايد فزعتك مولاي بالمحشر اتبنيني
******
بكل مجلس احضر من تصير اقرايه
ومولاي متفضل عليه اهوايه
مو عن طمع حبيتك ولا غايه
شفتك صرح شامخ دوم بدمك تثبت ديني
******
تمت
تحسين الخفاجي

انكسرنه وابد ماصح يابرلنــه
واشهد عن ركضنه يابر النه
وتـمنـيـنـه ايـتـعنـــه يابر النه
وينصب خيمته اويانه سويه
~
حيدر بشار الدراجي

سيدي يمتى الفرج يابوصالح
              ـ--------ـ

بالدعاء يبن الزچيه اچفــــــوفنه شلناها
ننـدب اللهم عجل فزعتـــــــــــك ردناها
جارت اعلينه النواصب گوم گص يمناها
ابشـــع انواع الجرائم ســيدي شفـــناها

    سيدي يمتى الفرج يابوصالح
            ـ--------ـ

رد ابن سـفيان يحكم وانته تعرف جـــوره
صــحن زينب گال ينسد منــع عنه انزوره
يمتى برض الشام اشـوفن رايتك منشوره
وتفشل الثوره الخبيثه وثورتك منصـــوره

    سيدي يمتى الفرج يابوصالح
              ـ--------ـ

يم مقام الحــــره زينب رد ابن مرجانه
وهيه وحــدها وغريبه العجل يا مولانه
اگلوبهم مابيها رحمه ابلا ضمير اعدانه
ولي گال اهدم گبرها گوم گص السانه

   سيدي يمتى الفرج يابوصالح
            ـ--------ـ

حاير بأاهل السـقيفه ذوله مــــن ياطيـــنه
بالدنانير وطمعهم دينـــــــــهم شــــــــارينه
حكم قتل الشيعي جائزه عدهم مشرعينه
ودينــه بدعه وخــرافه سيــــدي امسـمينه

سيدي يمتى الفرج يابوصالح
              ـ-------ـ

يابوصالح شنهي ذنب الشيعي اليذبحونه
الان ماضي ابنهج حيــدر ضلو يبغضـــونه
لچن رغــــم الظلم نبـــقه اجبال ميهزونه
بحب علي نحيه ونمـــــوت وابد ميهمونه

    سيدي يمتى الفرج يابوصالح
ـ-------ـ

✍الخادم
كامل السعيدي

(شوط كربلائي)"بين العباس وزينب ع
__________________________

زينب شافت العباس
.................وبعينه الدمع يهمل
تگله ياضوه اعيوني
...............بيدك جايب المحمل
*******************************
ها يخت الگمر تدرين
................شفتهه عالنهر حراس
يمنعوني اجيب الماي
...............لخليها تموج الناس
وحگج اگلب الشاطي
..............وعّرفهم انه العباس

مثل حيدر يشوفوني
صگرت الجيش بعيوني
زينب شوفي مضموني

جودي ورايتي ابمتناي
............وصلت وللخيم مجبل
*******************************
زينب گعدت اگبالي
...........صارت تحچي بالايتام
عطاشه وانت ساگي الجود
...............ترويها يبدر التام
تشوف اخيولهم تصهل
.............يمنه وجارت الظلام

يخويه بروحي محتاره
حرم والدمعه تتجاره
بعد ماعدنه كل جاره

گلبي انخمش وتحير
............يبو الغيره الگلب يعول
*******************************
زينب يختي عذريني
...........بالدمعه العذر مقبول
ادري بالطفوف وياي
........... اوفي بالعهد مسؤؤل
ماهم طحيت ازنودي
.........بالماي اصبحت مرسول

يزينب بالطفوف اعهود
شرط جبت النهر بالجود
حرز من امي ظل معگود

تقره الفاتحه وتگول
.........گمر من السمه ينزل
*******************************
آنه بس جرح ظليت
................نار اتوجرت بيه
ألمن ألتفت احتار
............شوف الي سده اعليه
عبدالله أسكته اشلون
............. سكنه اتعاين ارقيه

گالت عمي جاب الماي
انه ادري الگمر وفاي
حسره والعليل وياي

عمي تأخر اعلينه
.........عبدالله الطفل يسئل
*****************************
طايح عمري عالشاطي ....
...............روحي چنهه مختنگه
ابعينك شاهد اخيامك
.............يخويه الخيمه محترگه
ما شوفن تره الدخان
.............عالي وما بقت شهگه

شلعته اسهم من عينك
خايف تنظر احسينك
الحسره بيني وبينك

ما ريد العمر فرگاك
.............شفت العلگمي اتوجل
*******************************
رجعت بلا أمل دنياي
.............. وانه بلا گمر حيره
كلها اتشمتت ابحسين......
.............لمن طاح ابو الغيره
هذا آخر لقاء وياه
.............والحسره بتعابيره

صعبه....أيست عباس
تفارگنه يبو النوماس
بعدك تدري بالارجاس

صعب الفرگه بعيونه..
...........دهري بعدك اشيعمل
*******************************
تمت بعون الله
خادمكم...... يوسف الفتلاوي

أنصار ونعم          يا أشجع زلم      
...................................
الچلمه من گالها           ابد ماثناها
من الجرح نساها      هوس وداواها

ضهضب وهوس حبيبي وصاح وين الحومه
العمر لجل أم عون فدوه من يخلص يومه
أحنه أنصار الحسين ومانثني الچلمه
الماعرف ينصر الدين أبدمنه راح أنعلمه

أنصار ونعم          يا أشجع زلم  
...............................
اليوصل الكم فنه           روحه ناخذ منه
حسين هوه الجنه         أبدمنه اله نتحنه

أنعوف كل الدنيه گلها ومانعوف أحسينه
أرواحنا ننطيهه فدوه ومانوفي أبدينه
أنحبك وحبنا الاهي ياحبيب الزهره
شله بل دنيه اليحصل من أعيونك نضره

أنصار ونعم          يا أشجع زلم  

حلوه كل چلماتك           كثر أبنضراتك
ياحسين الرادك          ينحني ابملگاتك

أنته أول ياحسين وكلشي صار الآخر
وأنته عالمنه الحقيقي اليوم تبقه وباچر
وزعت كلشي التحبه مابخلت أعلينه
شي بسيط الي يحبك الك يهدي أسنينه

أنصار ونعم          يا أشجع زلم  
....................................
أنطيت كلشي يهمك          ومابخلت أبدمك
هوه أنته أنشمك           وبل دموع أنرسمك

الف هنياله الگاك وچلب أبمرضاتك
ياحسين أقبلني عبدك  أبداعت أبنياتك
آنه عبدك وبن عبدك هذا  كل العندي
حلوه من أگعد أبابك ياحبيبي أمجدي

أنصار ونعم          يا أشجع زلم  


الينصرك مايخسر      أبعينك اشگد يكبر
وخاطره يتجبر        أنصرنه يابو الأكبر

أمنيتي أصيرن ياحبيبي خادم الأنصارك
وكون هم تحسبني خادم كل سنه الزوارك
عني ماتتخله شفتك بيوم من أحتاجك
يلعطائك بحر صافي أرزقني من أمواجك

أنصار ونعم          يا أشجع زلم  


سلام  البهادلي

اليله مسلم نوه اعليهه  اليله
گام وبحيدر تحزم حيله
......................................
طبهم وما درو  من يا  جيهه  طب
صگر متوچي على الصيده وگرب
هذا ابن فقارهه وشيخ العرب
لو حچه الوادم غصب تصغيله
.....................................
ياعلي صاح وعليهم طب ركض
وحدر جدمه چنهه تتطوه الارض
يا طلابه وموش بالهين تفض
وعين طوعه بالفخر تربيله
.......................................
اتگله ها يربات حيدر ما اريد
تمل لو تجزع يبو گلب الحديد
كون اريد امجاد حيدركم تعيد
وعن مراجل حيدره التحجيله
..................................
انته ابن الما ايثني ابضربته
تفر مرعوبه الزلم لو لاگته
وانته ياغصن الفخر من شجرته
ومن طلع غيرت علي اتباريله
...................................
وهگ بيهم سيف مسلم ماوگف
يطب صف ويطلع ايخلصله صف
چنه ملچ الموت مو شايله چف
ايطيح فارسهم اذا يوميله
.................................
طبهم اتنخه ببو فاضل واخوه
كون يمه اشلون گدرو حاوطوه
هله يمه اشحدهم الچف گيدوه
وال هاشم ما رضت بالعيله
................................ 
وحده مسلم لچن ماهمه جيش
گال هاشم على الذله ماتعيش
كثره جيش اعداي بس خفتهه ريش
خلصتهم من يمنته الحيله
........................
خادم اهل البيت علي الزرگاني

سريعه

الليله الوداع لاخير
وي الحسين لامير
٠٠٠٠ ٠٠ ٠٠٠٠
ايليل شلون اخلصك
عسه لايطلع فجر
باجر موادع يصير
منين اجيبك ياصبر
من اشوف احسين واحده
والحوافر عالصدر
والخيم تصبح غريبه
وركضت الخايف نفر

باجر القران مذبوح بنهاره
وتجري اياته عله الكاع بغزاره

والسمه حمره تصير
وي الحسين لامير
------------------------------------------------------
باجر اياته بحوافــــــــر
خيل اميه تنسحك
باجر حروفه وجملهه
بالصحاري تفترك
باجر اخيام العقيلـــــه
باليتامه تحتــــــرك
باجر اجفوفي بحبلهم
وي رقيه تنشبـــــك
يامصيبه نشوف بيك ويارزيه
باجر اسياط العده تشفه بيه

والله عالم بالمصير وي الحسين لامير

٠٠٠٠ ٠٠ ٠٠٠٠
باجر اتصير الفواجع
ريت صبحك لايشع
يرجع يعيد القظيـــه
من علي الكسر الظلع
ليش كل هاي لمصايب
وعله زينب تنجمــــــع
من الطفوله جفون عيني
ما نشف منهه الدمع

اه لوعت كربله يحير وضعهه
ياكواكب ظاويه وطفت شمعهه
والكمر جان المنير وي الحسين لامير
٠٠٠٠ ٠٠ ٠٠٠٠

اه يعاشر وبنهـــــارك
يامصايب تنرســـم
لويمرني طيف لحظه
اشوف بيه دمعه ويتم
كل جرح شلته بزماني
وي محرم يلجـــــــــم
روس أصحاب الحميــــه
و بعمدهم تنهشــــــــم

بين من صابه العمد بين الحجاره
هذا حال اهل الوفه اخواني الغياره
ابقيت وحدي بلا نصير وي الحسين لامير
٠٠٠٠ ٠٠ ٠٠٠٠
باجر بهل هيمه اطشن
مثل حرمل عالجمر
باجر تنادي الكتايب
طلعينه ام الخدر
باجـر وياضيم باجر
وين اروح الياكتر
باجر علينه تعاين
هاي العيون شكثر

باجر يشدون احبال باديه
باجر الحسرات تتحسر عليه
وللسبي ضعني يسير
وي الحسين الأمير

-------------------------------------
فلاح طالب الماجدي \\\\\\\\\\
خادم اهل البيت ع

دليلي احتار #يحامي الجار
      المحامل من يباريه
##############
غريبه يا علي وتدري الهظم ما ينحمل يكتل
اصد للحومه وتنحب وعيني تنظر على البل
علايم لليسر بانت سواد العين ظل يهمل
ضحايا مطشره ظلت اخوتي والولي مجندل
اخوتي من يضل يمهم #الارض متخضبه بدمهم
دمع مدرار #يحامي الجار
         المحامل من يباريه
#####################
اصد مذهوله لرض الطف اصد وتسورب اعيوني
كواكب ياعلي ظلت ضحايا وانخطف لوني
اصيح ومحد يجاوب هظيمه اخواني عافوني
وحيده بكربله واندب ولرض الشام يردوني
دليلي مشابچه اهمومه#اصد بعيني للحومه
العكل محتار #يحامي الجار
         المحامل من يباريه
####################
مناحر يجري منها الدم يحيدر روت ارض الطف
جثثهه مفصله ظلت صعب منضرهه يتوصف
تلالي ويالهوى الذاري ودمع عيني فلا ينشف
واصيحن يا علي احضرني وكوم لشدتي اتكلف
بگيت بحيره يالوالي #انصدع من همه دلالي
دريت شصار #يحامي الجار
          المحامل من يباريه
###################
يحيدر مادريت الصار لمن طوح الحادي
يتامي عندي يالوالي وندبهم مرد افادي
ندبهم مرد الكلبي ويعذب صوت المنادي
الحزن خيم على الدنيا وسمعنه يعول الوادي
السمه للفاجعه مهتم #غدت تمطر تراب ودم
يسيل اعبار# يحامي الجار
           المحامل من يباريه
###################
يسيره وحالتي صعبه وشمر اليحدي وارهبني
ولاني بسوطه ياحيدر يبويه اوسمه لمتني
وحيده ومالي والي اليسر يابويه عذبني
المدمع تجري بخدودي مصاب اخواني فاجعني
اصيح ولاولي اليسمع #اليسر هالجمرته تلسع
بدليلي النار #يحامي الجار.                   
       المحامل من يباريه
##################
اصد من محملي وانحب وروس اخواني تبرالي
تلوح بسمهريته شموس وساطعه اكبالي
فلا غير ملامحها الهجير ولا هوى العالي
سليت النايبه بعمري وتمرمر والله دلالي
اصد من محملي وابجي #ولعد رووس اخواني اشجي
ولتنه اشرار #يحامي الجار
         المحامل من يباريه
################
المحامل من يداريها يبوي لو مشت بالبر
وسف عكب الضياغم ذيج يكود بمحملي العسكر
انوح وبالكلب حصره عكب عباس المشكر
ظليمه وي العدى امشي الفواطم وسفه تتسير
انوحن وحدي وانحب #يبوي وسفه نتسلب
يبو الاطهار #يحامي الجار
.        المحامل من يباريه
###################
الشاعر / احمد الحسيني

#ربّاطات
#رباطات_لغيرة_العباس




• رية الگاع اختنگت   مـن حَـط ايــده بصدر الماي

                           *---------------*---------------*

• سيفه براس الباطل   فــوگ الصبخه انهَد حالوب

                           *---------------*---------------*

• الرايه البلطف بيضه   بطيحة چفه انترست شيب

                           *---------------*---------------*

• الشاطي لهسه ايطوفه   حَــج الماي بگبره انشاف

                           *---------------*---------------*

• يجيب الماي ابّاله   وجربه لهسه ابصَحنه انشوف

                           *---------------*---------------*

• انبَـسمِـل وانگول اسمه  الكافل غــيــر ابن الـقـرآن

                           *---------------*---------------*

• امساوي ارگــاب العسكر  سـيـف البلچف لـو ميزان

                           *---------------*---------------*

• ابشاطي الماي امثنّي  وجـربه ابچفه وظل عطشان

                           *---------------*---------------*

• هــز السيف ابغِيره   وگــامــت خــيـل اتطگ ابخيل

                           *---------------*---------------*

  ✍️خادم الحسين ع
الشاعر سعد هادي الشمري

فائزي


حان الدمع يم الخدر هاي المسيه
باچر إخوتچ تنذبح وانتي سبيه
****
ادري الوداع إيألمچ يُم المصايب
خيط الفجر بيّن تره ودعي الحبايب
كلهم وحگ عينچ غداً فوگ الترايب

أسمعها ونة كربله بصوت المنيه
****
اول وداعچ يبتدي لازم بالحسين
حيل اويه اخوچ اتعانگي شمي الصدر زين
باچر خيول اتهشمه بعينچ تشوفين

وضلوعه كلها تنكسر يالهاشميه
****
من يعتني دور الگمر قبْلي چفوفه
بچفوفه من يحمل نهر تغدره طفوفه
الكافل سهم عالمشرعه يعميله شوفه

ويصيبه عباس العمد اشعظم الرزيه
****
للقاسم ام قاسم عجل خلها تودعه
من هسه لبن المجتبى عِلگوله شمعه
ماكو هلاهل لا عرس هالليله دمعه

يتحنه من دمه الولد فوگ الوطيه
****
لوليه عبدالله الطفل هزيله مهده
گومي رباب اويه الحرم بوسيله خده
باچر عليه يلتف سهم والشده شده

دامي يرد بيه الابو دمومه جريه
****
لكبر تره دون الاهل تايه مچانه
يا ليلى من هسه علي يابس لسانه
يتصوب وتالي المهر يلتف عِنانه

بالحومه يتگطع وصل بسيوف اميه
****
لا خيمه باچر لا اهل آ يالعقيله
وصي البنات اعله الدمع خفيه تسيله
نومتچن بليل اهدعش فوگ الهزيله

ذيچ الخرابه تنتظر سكنه ورقيه
****

الشاعر اياد الديراوي

‏نزال -شدة مجلس
ثكيل او شور


‏ماقصرو وكت الحرب انصاره
‏شدو حزمهم هوسوله ابداره
‏~~
‏گالوله يحسين الهوه رايدله رايه اسنده
‏سبعينك اتريدلها حل والرايه بيها العگده
‏والعكده بيدك لو ردت حلنه هاي  الشده
‏
‏عاكدها بيده العباس
‏لو فلها تتنفس ناس
‏
‏ازلامك محرّبه كلمن ابّتاره
‏شدو حزمهم هوسوله ابداره
‏•••••••••••••••••••••••
‏اتلكاهم احسين ابتسم  والدنيا ما شالتهم
‏زاد العزم  جفه ارتفع اهلا يصيح  يگلهم
‏يا   أهلا  اابذوله  الابد  ما  فشلو  قائدهم
‏
‏يا اهلا يصيح احسين
‏حي الله هاي السبعين
‏
‏شدو هذيج الساعه كل اكتاره
‏شدو حزمهم هوسوله ابداره
‏••••••••••••••••••••••
‏سولف حبيب ابكل فخر رغم اعله كلبه اجروحه
‏واحدنه ما يبخل نِفَس لا ضم عليكم روحه
‏خل بت علي تنام ابرغد شنهي البعيد انلوحه
‏
‏نجيبلها قاده من الجيش
‏زلم احنا ما عدنه ال ليش
‏
‏احنا المضيف اليركض ال خطاره
‏شدو حزمهم هوسوله ابداره
‏••••••••••••••••••••
‏صار الصبح وتنفسوا من صله بيهم قائم
‏ومن خلصو شوف الحرص خادم يوصي ابخادم
‏كون الظهر لمن يجي ..مايبقه بينه السالم
‏
‏وقعنه عالموت وياه
‏الموت اليجي يا حياه
‏
‏وزع عليهم كلمن و ادواره
‏شدو حزمهم هوسوله ابداره
‏••••••••••••••••••
‏حطو ركبهم للخيم ستر الله ياهو يعبره
‏والناوي يعبر لا يهم خلوه يحضر كبره
‏يافگره گاصد للحرم  ياويله والله وفكره
‏
‏يرجع رگبته اعله الايد
‏ذني الخيم لِ جاويد
‏
‏الرايد نذل نوصل نطب افكاره
‏شدو حزمهم هوسوله ابداره
‏
‏
ليث كريم جحالي

حلم الرباب
(عليها السلام)


يايمه يا مذبوحي

‏
‏ياريتَ يطلعلي حلم ........عبد الله ما ميت عدل
‏بس روحو اسألو الضيعت ...شتسوي من تفكد طفل
‏ما لحكت اسهر اله . . . ما لايگ اعليه الكتل

‏عبدالله ما لحك غفه . . . ردت اسهر بنوره وطفه
‏كلب امك ابهيمه صفه. . . من شافتك فوك الرمح
‏يايمه يا مذبوحي
••••••••••••••••••
‏فراشك فرشته من العصر . . يبرد اريده لا تهم
‏تاليها نايم عالترب . . . تعبانه حتى بالحلم
‏لاتكسر ابهذا الكلب . . . هيه امك اشعدها رسم

‏وينه الله واحلامي صدك ....والخيمه مابيها حرك
‏نحرك زغير اعله الشهك . . . بلكت حلم هذا الذبح
‏يايمه يا مذبوحي
••••••••••••••••••
‏ست اشهر اشاف الكلب . . . مالحكت يمه استمع
‏خلك الفلح صاير الي  . ...وحسبلك احساب الزرع
‏ماحسبو ليلي اليجي . . . ماعندي بالخيمه شمع

‏وجهك ضواي بخيمتي . . . عبد الله يمه سلوتي
‏احسبلك؟ احسب لجمتي. . . . من تبتعد تترك جرح
يايمه يا مذبوحي
•••••••••••••••••••
‏كاروكك ايهزه الهوه . . . يخنگني من فارغ يرد
‏لو ادري تعطش من وكت. . . جا جمعتلك بالبرد
‏فرحان اجه اعليك السهم. . . مايدري بيك من الورد

‏وين انطي وجهي بكربله . . . تعرض ملامح حرمله
‏ياروحي ضلي معلعله . . . مالج وجه وكت الصبح
‏يايمه يا مذبوحي
•••••••••••••••••••
‏بظهر الخيم دفنوك الي . . . وكلت الولد صحله كبر
‏تاليها نبشوك برمح. . . . جا هيجي كبرك ينحفر،
‏شيسوي بيك الطلعك . . . مايدري نحرك منفطر

‏تاليها كطعت منحره. .. . . خلتلي دربي مگبره
‏خلتني اظل امحيره. . . . عطرك بعيد اعله الفلح
يايمه يامذبوحي
••••••••••••••••••••••
‏ماضاحك ابوجهي ابد . . . متمنيه اشوفن ضحكتك
‏ماحافظ ارسومي ورحل. . . معزة ابوك امعزتك
لو تدري بالدم من تجي...شبعني عاد اشمتك

‏تاليها بس هدمك شفت...وي طيحتك يمه طحت
من الحلم كمت وصحت ...ارجعلي ياوجه السمح
‏يا يمه يامذبوحي
•••••••••••••••••
ليث كريم جحالي
‏