اخ ياخويه
،،،،،،،،،،،،،،،،،،،،،،،،،،،،،،،،،،،،،
عافني وراح ابـــو فاضل
عافنـــي وماگال اخـــوي
شكثر حلفتـه وندهتـــــه
ومارضئ يگوم ابن ابوي
نمت طـــــول بطول يمه
هوه يرفس وانــــه اهوي
گومــي خل نلطم يزينب
گومي خنصيــــــح يبوي
،،
راح التحبينــــــه  يختي الغالي راح
وگف من شافاني اجيت النوب طاح
رمح واحــــــــد اشوه من نگول بيه
منين ماكضنــــــــــــه تبزني الرماح
،،،،،،،،،،،،،،،،،،،،،،،،،،،،،،،،،،
بعد چلمة خويــــه ماكو
ولا اخـــــو اليسند گفاي
بعد كـل ماامشي وحدي
بس خيالي يضــل وراي
شمالنـي اعله الماي گتله
شبيه وديتــــه اعله ماي
شبيه مارحـــــت بمچانه
شلون راحـــت عني هاي
،،
گومي كضيني يزينــــــب حيلي باد
ترفه صارت روحي ترفه اوكتي حاد
هاضعفني ام عون صايــــر من وراه
الهوه لو جاساني يختي يذبني غـاد
،،،،،،،،،،،،،،،،،،،،،،،،،،،،،،
البارحــــــه التمينه كلنه
اليــــــوم كلنه مطشرين
البارحــه بعافيتي يختي
اليوم ابشرچ ماهــو زين
البارحه شزين ابو فاضل
گاعـــــــد بصف الحسين
وتارس الخيمه ضحكنــه
اليوم بس نـــــوح اونين
،،
اليوم مدري شماله گلبي يبزني حيل
الدنيا سوده بعيني صـارت چنها ليل
گمت ماشوفن اليمي وگــــــوه اگوم
وين مامالـــــت هدومي وياها اميل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راح ابو عيــــون الحنينه
الشوف ماشبعان منــــــه
وردت الخــساران لهلــــه
يختي من رديــــــت عنه
گمت بس من گمت گلبي
طاح يــــم عباس چنــــه
هوه يرفس وانــــه اونن
ونـــــه اليه والـــه ونـــه
،،
الهضمه من گتله ارد اروح وگلي وين
راد يشبگني وتذكـــــر مالــــــــه ادين
عـــــدل ماشفاني مغوش اخــــــــوي
عين نابـــــــت سهم بيها وعميه عين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،، شور گعده،،
،،وداع ابالفضل
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

اليوم طـــب البالشدد ينخونه
ابو فاضــــل ياحــلات  عيونه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حرب والعباس متوسط الحــرب
عركه مـــو عالبال وتوگف الگلب
ماكو واحــد يطلع بكيفه ويطب
الماشـــــرد خسران بيها وينغلب
ذبــح بيها وبيها دم
وذاك من ذاك السلم
الشرد مــن عباس الف خيعونه
،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليوم لارايه الترف لايعله صوت
الهوه يترخص اذا رايـــــد يفوت
صــار وادي كربله وادي السكوت
المايموت اليوم ينخه الله يموت
اليوم شيخ المرجله
تحزم وطــب كربله
علي الثانـــــــي الوادم يسمونــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
طـــــب المبچي الزلم وعليها غار
ضلمه صارت كربله وضاع السفار
تگــــول نص اليـــــل ماچنها نهار
وين ماتنگل جـــــــدم تلگه حمار
الگاع مــن كثر الدمه
حمره صارت والسمه
اعليها هـــد وبيرغه اعله متونه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هــــذا ابـوه البالحرب مايستراح
هذا البزغره ويحــب طگ الرماح
هذا هوه المنه نص الجيش طاح
هذا اليحب العرك موش الصياح
طــــب المبچيها طب
وسيفه يلتف عالرگب
گمر عالـــي وفنهم يلوحونـــــــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
گال ارجعها العلـــــــي والنهروان
گال اخلي الدم يسيل بكل مچان
مامعارك يابو الاكبر مــــــن زمان
هاي ساعتها ترئ وحــــان الاوان
وحگ زينب وانه اخوك
راح اسوي شسوه ابوك
راح اهـــــــــدن واطلب التردونه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،، نزال لبو فاضل،،،
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

وحــيداً بالمخــــيم واكــــف وحاير
بعد جم ساعه اصيراً عرضه للحافر

ضجيج الدنيا خافت يم صـفنتي
مره احـــتار بيه ومـــــره باختي
واكــــف وحاير

****

درت وجهي على المخيم .. الـ خالي من اخواني صار
يا غربتي بـلايه فزعــه .. وهذا جيـــش اعلــيه دارت


وحــيد بلا اخــو ومتــوني مــهدوله
ارد ذولــه واحــيرن باليــــرد ذولــــه
صحت عباس اخوك الغالي وصلوله
حوافـــر اعوجيــه لصــدره ضمــوله



حرت احمي المخيم ؟؟ الحگ عيالي
رقيـــة بكل كـــتر صــارت تـــــراولي

متـت ! شاركض لزينب لو لبنتي
مره احتار به ومره بختي

واكف وحاير

**

اتلفتت ماعـندي واحـد .. يـوگـف ابضــهري من اهد
ردت اودع زينب اختي .. أوصل الـــــــــخيمه وارد

اريد امشي وتصيح حسين اسمعها
أضـــنها تـــموت زيـــنب مـن أودعهــا
بــس انــي البــقيـت وبيـــش اقنـــعها
تلحگني وارد بدموعي أرجعها

اعوفن زينب اخــــتي ورجلي ردتني
شسوي بلايه اخوتي الحيره موتتني

خليه من الزلم مهجوره قافلتي
مره احتار به ومره بختي

واكف وحاي

*
وهاي وگفتنا الاخيره ..و شيــــبتني حيـــــرة اخـــتي
مــــودع الله هيه گالـــــت . و الحجــر طاح بجبهتي

تغيرت لمن عفتها وگلت اصبري
درت صدري و المثلث اجه بصدري
نِشَـغت ولن رمح طـشر خرز ضـهري
طحت و انه الوحيد المحد بكتري



خــيل وزلم ركــضت كلــها داســتني
خافت صوت زينب ( حسين صاحتني )

انداس وبقت بس هيه سالفتي
مره احتار به ومره بختي

واكف وحاي

*

حاولت ازحف لـ زينب .. بس رمح بضلوعي طاب
انتهيت وعيني لختي .. وســـــاده سويت التراب


گوه اشـوفن بس شفت نضـرتها إليه
من مـجاني وانـه طــايح شـلت اديه
وداعت الله اختي صاحت هاي هيه
اوصرت اسمع وادم اتـصييح سبية


بجيت وردت اكوم وصاحت بهيده
واجه واحد رفــــسني وحربته بأيده


گبال زينب خفت لا تحصل ذبحتي
مره احتار بيه ومره باختي

واكف وحاير

****

واعتنه السلاب يركض .. خنصــري من ايدي خذا
الخنصر الگايـــــد رقية .. ضلــت عيـــوني وراه

من بعيد اشعر اجه السلاب إليه
نهب چفي وما يحن گلبه عليه
تسع اصــابيع البقن بثنين اديه
كص اصبعي الجانت تلزمه رقيه


بجيت لكطع اصبعي وگتله درحمني
لان من عنده جان ابنيتي تلزمني


يروحي من القهر والضيم متي
مره احتار بيه ومره باختي

واكف وحاير
خالد عبد الساده البديري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

اتربعــــت يمه وندهته .. ندهته
وگوه يا زينب عرفتــه .. عرفـته

يختي زينب .. راح اخونا

:::::::::::::::::::::::::::::

گعدت ابصف عضـيدي و وبالحضن شلته
موذر شفته اخونااااااا وبيــــدي لملـمته
ع الوجه طـــــايح يزينب اگعدت عدلته
گوه يتنفس واســمعه يگـلي ياهو انتـــه


من گلبته انه عله ضهره .. عله ضهره
راسي خليته عله صدره .. عله صدرة

يختي زينب .. راح اخونا

::::::::::::::::::::::::::::::::::::


وضـل وحـده الحســــين الكلمــه اسمعها
الخــــــيمه بلا ابو فاضـــل كــون اوگــعها
الوادم هــــــاي فزعت وبيــــــــش ارجعها
تــــعالي افراگ اخوناااااا لروحــي طلعــها


ام عون ياخويه تعالي ... تعالي
راح اليحامي عيالي. ... عيالي

يختي زينب راح اخونا

:::::::::::::::::::::::::::::::::

و من سمعت الخويه الحگ رجفت ايديه
وحرت آني وبـــناتي اشيـــلحـــگ اعـليه
خلص. من السيوف وصااااااير شويه
اعرفت هسه اني ذبيح وانتي مسبيه

انزعت من راسي العمامه .. العمامه
صارو عيالي يتامه .. يتاااااامه

يختي زينب .. راح اخونا


::::::::::::::::::::::::::::::::::::

وكفت اكبالي جيش وجيشي ماهوه
وحدي بلا ابو فاضل محني واتلوه
خشب ريجي احسه وامشي بالگوه
ضعت بعد ابو فاضل بضيعت الخوه

بانت الكسره ابوگفتي .. وگفتي
واضحه الغربه ابصفنتي .. صفنتي

يخي زينب .. راح اخونا

:::::::::::::::::::::::::::::

المخيم هـــــسه صار من الگمر خاااالي
مره اعليه ابااااااوع و مره لطفــااااالي
واذا ارجع شگولن ياهو ضلالي
يزينب خالي ضهري أگبال جــــــتالي


اندلن اضلوعي الحوافر .. الحوافر
وركضن لنحري الخناجر .. الخناجر


:::::::::::::::::::::::::::::::::::::::::


الحمد لله
خالد عبد الساده البديري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

اخوك  آنه ،، متت عباس لو تسمع ؟
اخوك آنه ،، زينب   تنتظر  ترجع
يعباس ،،  تره  بظهري الخيم  نار 
يعباس ،، شگول  السكنه   محتار 
أخوك آنه

**


انكسر ظهري ،، خلص عمري ،
واريدك  تگعد وتسمع عذابي

الاخو انته     ،،   اذا افگدته
افگد عمري وسنيني وشبابي



من بعيد وطاح  الهيبه  وشفته  يصيح
يا خويه الما عنده اخوان بسرعه ايطيح
سلم  والصوت  الما    يطلع  ضمه الريح
يا منظر   چفه   المتعود        علتسبيح


رحت ميت  ،،  شفت   چفينه  علغبرى
رحت ميت  ،،  عيونه احتاجت النظره

يعباس ،،   عمت عيني الرمل حار
يعباس ،،   شگول  السكنه  محتار 

***


يبو الغيره    ،،،    آنه بحيره
يطايح   علنهر   عباس  اريدك

أظل وحدي   ،،  وحگ جدي
اذا سيف الغدر يوصل وريدك

جيتك يا   كل  حيل  البيه وراح  الحيل
تسمع عباس أگعد  خويه  دموعي تسيل
كافل زينب ليش  بصدره ادوس  الخيل
وين  چفوفك  هاي الوادم  بينه   تعيل

سهم عينك ،،   اريده    بعيني يعميهه
سهم  عينك ،،   عجيب وما سجد ليهه

يعباس ،،   صحت  بسكون   تندار 
يعباس ،،  شگول   السكنه   محتار  

***

على  بختك   ،،،   تعوف اختك
بعدهه  لهسه  بالخيمه   وتتاني
يهالكافل   ،،،      يبو فاضل
بعطش وسيوف مبيوگه  المعاني


وين  چفوفك  يابو  الغيره  أوين  الواك
خطار   احسبني   اتلگاني   ومد  يمناك
عباس  الخوه  اعله  الماي اتموت  وياك
تنتظرك چم دمعه وخيمه وطفله   هناك

تره سكينه ،،  بعدهه متانيه عيونك
تره سكينه ،،   تريد   تگلك  شلونك

يعباس ،،     انتهت  يبن أمي الاعذار
يعباس ،،     شگول    السكنه  محتار  
أخوك آنه

**


تشد حيلك ؟   ،،،،  واتچيلك
وترد    وياي  نرجع    لليتامى

العطش كلمه   ،،،، فگد   زلمه
بعد  ميموت  متعيش  بسلامه

طلعت روحك وانته بحظني وصرت أوحيد
ماخذ  حيلي  مصاب  عيونك  وين تريد
رديت ومحني من  فراگك   مات  العيد
زينب   عباسچ   علغبرى  چفوفه   بعيد

عمد بيتچ ،،،  وگع   والخوه  خلصانه
عمد بيتچ ،،،   يزينب  ما بقه   ويانه

يعباس ،،    اذا   تسألني     الزغار
يعباس ،،  شگول   السكنه  محتار 

**

  تلاگينه    ،،،   جرح بينه
انه وزينب غريب ويه  الغريبه
شصبرهه  ،،،  وأنه انظرهه
تهد  الحيل   دمعات  المصيبه

راح اليحمي ضعونچ خويه الكافل مات
ساعه   وتبقين  ويه  ايتام  بلا  خيمات
زينب  هذا  الطف  الجايبلج      لوعات
منا     للشام    بهالدمعه  وهل    ونات

يمسبيه  ،،،   يگلچ     ذابح  اخوانچ
يمسبيه  ،،،   بدت ما تنتهي  احزانچ 

يعباس ،،    على ارماح   الاخو  صار
يعباس ،،     شگول    السكنه  محتار 
اخوك آنه


     ✍️✍️    رعد الفريجي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

#قصيدة_للامام_العباس

لتگلهه مات  تموت اختنه
عدل  گفاك  الگوم  اجتنه
خليني   فوگ  الگاع  ممدود
رد اعله زينب  گلهه  موجود
لتگلهه مات تموت  اختنه

***

ياهو الوصل    يم راسي ويصيح
حسيته يمي    يگوم     ويطيح ؟
شلون    ابقى  نايم  هذا الحسين
يا عين    ذبي    السهم    يا  عين

ياهو     اليجيب    أچفوف   أديه
مولاي    ذب       روحه       عليه
أوگفله     اريد     امدنگ   الراس
ما     بيه    حيل      شلون   بيه


يا تاج راسي الوحدك    ظليت  مولاي
فدوه انه الك يابو علي والدنيا والماي
ظلن   خيام   بذمتك   والتانت  هواي


محتاره    منتظره    العقيله
گدامهه     اهموم    الثجيله
يصعب خبر  كافلهه   ميعود
رد اعله زينب  گلهه  موجود
لتگلهه مات  تموت  اختنه

***


مولاي     كاسر    ظهري     فرگاك
محتاج   لحظه    اتشابگ    وياك
چفيني  فدوه    وعيني   سهلات
بس   بالي  خويه  ويه  الغريبات

زينب    بعدهه    اباب    الخيام  ؟ 
بس  لا  درت  بمصاب   الاسهام
خايف  عليهه  تموت   يحسين
موت   الكفيل   ايودي     للشام


لتگلهه      طايح     علنهر   چفه   ابعيد
زينب   تريد    اخوان  مو  ماي    اتريد
يا خويه خلصت وانتهت صرت  أوحيد


بظهرك  خيام   گبالك الموت
تحشم المات ويرجع الصوت
ما ظل مناصر  من    الجنود
رد اعله زينب  گلهه  موجود
لتگلهه مات  تموت  اختنه

*

لتخلي   راسي   بحظنك   احتار
هسه  انته  يمي  شلون  لو  صار
وكت     الوداع    وتهجم   اعداك 
لو    طحت  ياهو  اليفزع    وياك


يترس    لحيتك   دم     والتراب
من  عمت  عيني  بولية   اجناب
تباوع     عليه    وانه     مطروح
ويفزعلك   من  الخيمه  الحجاب

خليني  خويه اعله الرمل  شامت ذاك
متانيك    رايد      تنكسر      يتعناك
رد  اعله  زينب   تنتظر   خويه هناك


امسح دموعك واعتنيهه
گللهه    بالجنه    يجيهه
يرجع  يشيل الرايه   والجود
رد اعله  زينب  گلهه  موجود
لتگلهه مات  تموت  اختنه 

***

ظلتلي    يم    سكينه     چلمات
اوموعد  عطش ودموع  خيمات
وحيرة   رقيه   وصرخة  اطفال
بس    بالنهاية    سياط   وحبال

يچفوفي   ليش    اطيحن   بساع
هاي    الخيام      تريد         فزاع
زينب   بقت   محتاره     يحسين
شيشيل  جسمي  المرمي   علگاع

گلبي اعله زينب خويه محتاجه اتشوف
جود  وعلم  مرفوع  واملاگه    اچفوف
بس هسه خلصت بالخيم  طب الخوف


حسيت     بالدمعات    والآه
وجروحي صاحن  وآحسيناه
يا حزن   بعد   الموت  ويزود
رد اعله  زينب  گلهه  موجود
لتگلهه  مات  تموت  اختنه

**

وصل   سلام  وشوگ   لام  عون
وگللهه    ذبحو    شوف   العيون
يم    النهر       متبدي    مذبوح
وذكراچ    حتى  بطلعت   الروح

بارد     الماي     وحار       ملگاچ
گلهه   انكسر حيل  اعله   فرگاچ
طب  للشريعه   وسكت     الماي
بس    چان  يم    الخيم    وياچ

صح مات گلهه  وطوله   فوگ  التربان
بس ما   تگضه   الگاع   لو  شم  دخان
عباس  يرجع   غيمه  شنهي     النيران


لو شامت  يمر بخيمكم
لو  بالگبر  ترجع زلمكم
لو  هالتراب  امخرب  الخدود
رد  اعله  زينب  گلهه  موجود
لتگلهه  مات  تموت  اختنه


كلمات الخادم /   رعد الفريجي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

كفيلچ  علتراب  ودم على اعيونه
المن بيه   والوادم       يطشرونه
يزينب  هسه    متنه
انذبح ويصيح اختنه  كفيلچ

------------------------------------------

 
عمت عيني اعله اخوچ أم عون لا چف بيده من شفته
زينب خويه سهم العين  ما ظل حيل
چا شلته  
حظنته  ومن  حظنته  احتار   احس بالجربه خانگته
گلي الماي خويه حسين  وسفه رمال شاربته

ما ظل ماي  لسكينه   وتشربه
سهم العين هين  هايه   صعبه
عزيزه هواي بنتك رادت الماي
حنينه  وما ارد  كل    التطلبه

كون بگلبي سهم الجربه  مو بيهه
ابدي عيوني   اريد   وما   ابديهه
بتنه   سكينه     بتنه
انذبح ويصيح اختنه  كفيلچ

--------------------------------------

گتله الخوه لا متموت بيني وبينك الزهره
يبعد عيوني  يا عباس  اخوك المنكسر ظهره
تعال وياي عوف الگاع متوسد  رمل صحره
راسك  بالحظن خليه  يلوجهك ضوى الگمره

وجهك   صار  كله   تراب  وسفه
دم  فوگ   العيون   وهاي   كلفه
گمر  هاشم  بدون چفوف  تاليه
وعلى ارمال المعارك هيچ يغفه ؟

شگلچ  خويه زينب  يحچي بالگوه
اسمعه يگول  حلوه  وياكم  الخوه
تره     الزهره   بختنه
انذبح ويصيح اختنه  كفيلچ

--------------------------------------

زينب  ماله چف محتار  احسه يريد يشبگني
ما يگدر  عمود  الراس  صابه وچنه صوبني
ذاك اليرهب  الفرسان  دم  عيونه موتني
صاح (حسين ) ( زينب آه )  خويه الموت ماخذني

همه  خيامچن     ما همته   عيون
وهمه شلون  اظل الوحدي   شلون
احط راسه اعله حظني ويرد للگاع
تظل  وحدك  يگلي  ومن  يهجمون


الف وسفه  يخويه والزلم   موتى
بعد عباس بالطف ما يصح صوته
الترب  والدم   تحتنه
انذبح ويصيح اختنه  كفيلچ

--------------------------------------

اختنگ بالعبره  حس بالموت  ساكت صوته وانفاسه
صحت يا خويه اخوك احتار والموت اقترب جاسه
وانتي  اتخيلي بهالحال  اخوچ  ومات عباسه
انذبحت بدون سيف هناك  من حظني وگع راسه

طحت وياه   ميت   فوگ    التراب
يا  طيحة  اخو  يا   طيحة  الشاب
لو  ما    بالخيم    زينب   والاطفال
چا  يكتلني    يم   عباس   المصاب

بعد  مامش  ظهر لحسين لا حامي
مات  الكله  غيره   وطيح  خيامي
اگله   اختك    نختنه
انذبح ويصيح اختنه  كفيلچ

-----------------------------------

مات وانه صرت وحيد  وحدي وما يصح كافل
الدموع النزلت الفرگاك  صاحتلك يبو فاضل
شگد وادم  تگطع  بيك  تطعن  بس تظل كامل
راسك  علترب   يا  حيد  بس مرتفع  ما نازل


ضعت  هسه بمماتك  والحچي  هواي
بدونك     يابو فاضل      محد   وياي
العطش  لچفوفك  الطاحن على الگاع
النهر   قطره  بجبينك    طولك   الماي

نام  وانه  اروح     هناك   لخيامك
نقيم اعليك  مجلس انه   وايتامك
بچينه   وما      سكتنه
انذبح  ويصيح اختنه  كفيلچ


رعد الفريجي -  محرم  1447
ثوابها الى روح والدتي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

عباااس عبااااااس ،، عباااس

*


طفين  بجربته  مو   نهر  خله
هذا  المن  فزع  هلبينت  خله
خله يا  حسين  بلا درع  خله

الدرع  لابد  وره  ضلوعه
گالو   شنهي     موضوعه
خله    بكل   كتر    لوعه  ابو فاضل


دخيل    عيونه    وذراعه
سواهه   الحرب     ساعه
بس    بيا    علي    متاعه  ابو فاضل


هلا بكفال زينب  والهلا  الطوله
گلوله العقيله  اشتاگت احچوله
سلام من الخيام  هناك   ودوله

يم عباس اشربتيه    وليدچ هز الدنيا

**

مر  اعله   الزلم   وكت  الحرب  مره
خلى   رياگهم    من   الرعب    مره
مره الغوث  صاحو  من برز   مره  آه

صدگ  ما  ينجرع  سيفه
تراهه     رگابنه     بكيفه
تروح  انحورنه   اتضيفه  ابو فاضل

رحى   وتطحن   چفوفه
يرهب   كلمن     يشوفه
كض    النهر      ميعوفه  ابو فاضل

يگله انته  انخلقت   الخاطر   عيونه
وكت  خلى   النهر  بالطف يعطشونه
الحسين   الماي  هو   وما    تعرفونه


وينه الگابل چف عباس ويرجع يمشي ابطوله

***

واگف  علنهر  كلمن   وصل    رده
بعد  مو  بالكلام   بسطرته     رده
رد     اعيونهم    علمشرعه    رده

تركض   خيل    والوادم
ما  صح  بيهم     السالم
حاكم   بالحرب    حاكم   ابو فاضل

ثنى   اعله  الجرف  كضه
ترضى  گله   ما   ترضى
گوم   بچفي    واتوضى   ابو فاضل

يماي  الما  تروي   حسين   لا  تجري
خاب ام عون عطشت تدري ما تدري
دگوم  وياي لا  خلي  الجرف حدري


صاحت دخيل يلعباس الماي وياهم شارد

****


رجع  والماي   بيده    وللخيم   رايه
ما شفنه  بحرب  رايه  وتكض   رايه
معسكرهم  رجف  غير  الگمر     رايه


وينه   الما  گطع  راسه
چبير    ازلامهم   داسه
أبوفاضل   بعد  جاسه    ابو فاضل

بخيت  الباقي    بهدومه
خلى  الحومه   علحومه
كفيل  ام عون   وعلومه  ابو فاضل


سبع   الگنطره   وجاب  النهر   بيده
ابو  الكلفات  غير   الموزمه   اتريده
يظهر   حسين  أهلا  والحرب  عيده


عطوه اطيهم  يلعباس الرحمه تصيح الوادم

***


شجاع  وكربله  اتسمت  بعد   بسمه
ساكن  علارض   وجه  الگمر   بسمه
شنو العباس چاب من النهر   بس ماء ؟

جاب   الدنيا   للخيمه
خله وجوههم    هيمه
الله  يحفظه   ويديمه   ابو فاضل


جاب   شوارب    القاده
عفيه   بكشخة   الساده
الموت  اليوم       رداده   ابو فاضل

أمير    بكربلاء   وساقي     لعياله
يحلاله  الگمر   بالوصف   يحلاله
أبد   ما   ينتهي العباس    هنياله


الشارد  منك بالطف  قائد جيش ايخلونه 


كلمات الخادم /  رعد الفريجي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

موشح .لشجاعة الامام العباس ع.
..........................................

صاحت الحومه نزل مغوارها.
والعساكر .. تيهت . معبارها.

...................................

نزل عباس الشهم صيت السباع.
دكت بجيمانها اجراس الضياع.
كفهم اكَباله هوى بحضن الشراع.

صال صوله النهر يحجي اخبارها.
.......................................

صال .. ماخلاله شي يعتب وراه
العبر من سيفه اختنك والموت اجاه.
رجف حتى الهوى وجدامه خذاه.

بجت خوف ازغارها واكبارها.
........................................

بجت خوف وعين ابوفاضل تدير.
يخطف ارواح بخزرته ابن الامير.
انحنت يم جدمه الفوارس تستجير.

بيهم اشسوه البطل صكًارها...
..........................................

صال بالحومه وعثر حتى النبض.
هدّ واخذ فرسانهم طول بعرض.
يسحك الحافر زلم مو عل ارض.

بقت جيل  الجيل يذكر عارها..
........................................

صاح .انه المعروف عند الزمجره .
والدي الكنّانّي .. سبع الكَنطره.
فرت اكَباله حمر من ...قسوره.

وال أميه  تعثر.. ابآثارها.
...........................................

ارتجت الحومه بعصف زلزالها .
والارض خوف اخرجت اثقالها.
بسيف ابن حيدر غدت آجالها

سقر والعباس أضرم نارها
............................................

سقر واشتعلت بوادي كربله.
من غضب وعناد رب المرجله.
بالزلم والخيل تارسها الفله.

هوس وشد هوسته بكرارها.
.......................................

✍ ابو منتظر الحجامي

قصيده في شجاعة العباس.
......................................

سورة زلزله .. في طف كربله.
بهيئة هاشمي ... غيره ومرجله.

سيف وتذبح خزراته
موت بمضمون اياته.

في طف كربله
............................................

نار وضوه .. راعي اللوه.... بصدر العده . . ضاكَ الهوه.

يمطر عزم... شيخ الزلم.. ريح بشبك .. ماينلزم.

هّد عله العسكر وسيفه من الركًب يمطر دمه.
اكبال عينه اوجوه صفره من يلاعب صارمه.
اختنكَت الحومه وعصرهه عصرت الميت ضمه..

غصت بالخطر.. من زود الكَمر.
طابع عالجثث... للحافر أثر.

ترجم افعال بذاته
موت بمضمون اياته .

في طف كربله
..............................................

صال الكلف ... رايه وترف . صولة زلم ... ماتنوصف.

الغايه النهر... بجرفه استقر.. . كوثر عذب. . جود الكًمر.

صال وانظمت ركَبهم علي بكل أوصافه
تملك الماي وحلات البسمله اعله شفافه
مطمئن مادار وجه . وجربته اعله اجتافه.

مامهتم أبد . . وفاي العهد.
يفرح صارمه .. .لو زاد العدد

يحصد روس بصولاته.
موت بمضمون آياته.

في طف كربله .
.............................................

كلشي رجف.. . من طب غرف.. حتى النهر.. . ريجه نشف.

يهمس همس .. . حاجه النفس. . هوني الى. . ضي الشمس.

كَام لّم النهر بيده وحمّلاه أبجربته.
رجفت كَلوب العساكر على الزود الشافته.
نهض ونكشفت أمامه صورت امه الوصته.

واستنشق وفه . . بصدر العاطفه.
رد الحومته . . . مثل العاصفه.

قسّور. قاسي . بضرباته.
موت. بمضمون . آياته.

في طف كربله .
. .........................................

جن حيدره. . عالكَنطره. يحجي الفرع . . عن مصدره.

مثل الشمع. ذاب الجمع. . كد ما ذبح . . مامقتنع.


صاح انه الميزني ربي وزرع بيه المرجله .
وانجلت عنه الكتايب .ترست اطراف الفله.
هو بس للكمر يحله الحرب جي بي بسمله .

بسمل همته... . حلل ضربته.
بركَاب العده . . .أشسوت يمنته.

لغز. البدوي . بخطواته .
موت. بمضمون إياته..

في طف كربله .
...........................................

حشره ابتده . . حل موعده. . وين المفر . . عالعانده.

اشوس حرب. ..لمن يطب. . غص النهر. . تاه الدرب

هذا يافارس اليوكف وحده كدام الكمر .
جيش جوه الكاع يلبد.والحرس عاف النهر.
حار وكت الغيظ كلش صوره بعيونه السقر.

طك عرج الزعل . . والجيش انذهل.
صاحوا معجزه . . رد خير العمل.

فر الجيش ب قاداته.
موت بمضموت اياته.

في طف كربله .
.........................................
✍ ابو منتظر الحجامي.

من سمع صوت العطاشه ناده عبـــاس الوفــي
وقف للجـود الشريعه وكربله تحب موقفي.

اخذ رخصه من الاخو
صاح الحسين وكفو.

هذا عباس…… هذا عباس
ـــــــــــــــــــــــــــــــــــــــــــ
لبس درعه وشال سيفه وطلع سبع الكنطره
شامر الجود اعله متنه وبيدة رايـــه حيدرة
رجّف الكون بطلعته السمه انطبكت عالثرة
فرت اكباله الاعادي اتزاحمت عــــالمعبرة

صاح وبصيحت غضب
لاتضمـــون الركـــب
نار مشتعله بحسامي من دماكم تنطفي.

ـــــــــــــــــــــــــــــــــــــــــ.

بالوفه ميزني ربي وزرع بيه المرجلـــه
حته اوفي اعهود اخيتي بجالي تبقه مدلله
وأفتح ابواب المنايه لجل اخوي بكربـــله
اليوم اكطع نسل اميه بصولته المتواصله.

ساحت الطف تزدحم
خيل تردم بالزلم
مااجامل وحك زينب وانه بيدي مرهفي.

ــــــــــــــــــــــــــــــــــــــــــ

وحك يبست ريج سكنه اله اوصل للنهر
والزلم لو زلم توكف ماتدور عــــــالمفر
انه من تنخاني زينب واسمع اتصيح الگمر
ماترد سيفي العساكر مايجي ابـــالي الحذر

لو نختني ام الخذر
تصبح الحومه شبر
بين قبضات الاصابع كل شبرهم يختفي
ـــــــــــــــــــــــــــــــــــــــــــ
انه من شفت المدامع جيت بس للعلكمي
كلت فد مره بطريقي خــل اروي صارمي
والله لو فارت الغيره اعداي بيمن تحتمي
اله اسد ماي الفرات بجثث وانه الهاشمي .

راح اردهم للعدم
اكبالي ماينفع ندم
حته لو بردت الغيره الوفه يكلها استأنفي.

ــــــــــــــــــــــــــــــــــــــــــ.

رحت رديت بجمعهــــم محد اكبــــالي وكـــــــف
الفارس الند بس اخزره جثه اعله اركبه وضعف
وينهـــم سبعين الفكـــم ويـــن خــل توكفلي صف
حته اميز ياهو زلمـــه الراس لــو يمه انخطــف .

جيتكــــم جيت اسد
صيحوا من هسه المدد
اشما اكص روس بجمعكم سيفي ماضن تكتفي.

ــــــ ــــــ ــــــ ــــــ ــــــ ــــــ

خيمت فوك الشريعه وزود رفـــــت رايتي
لان اشوف الماي خايف اجه ولاذ بجربتي
يـــانفس هوني نشيدي والعطـــاشه بذمتي
انه عبــــاس الهواشـــم سكنه تنطــر جيتي.

اسمع اتنادي الضمه
اعليك دمعه فاطمة
اعليك كلب ام البنين المملي شوك العاطفي.
ــــــــــــــــــــــــــــــــــــــ

✍ ابو منتظر الحجامي

ليلة القاسم عليه السلام



مهيوب وشهم جاسم والنعم
حلمه ومنيته يرفض زفته
هذا ابني الاعرفه
.................

مايرد الي يچهبه ومن ابو ماخذ درس
بصدره يتلكه المنايه وشال من باله العرس

هذا ابني ونبض كلبي بدمي يسري كله طيبه
مايردلي كلمه وحده ولو ندهلي يالحبيبه

يجثي بحضرتي يطلب دعوتي
صارت رادته يرفض زفته
هذا ابني الاعرفه
.................

ما اصد عالكمر وانضر هوه بي نور الكمر
احله شي جان بحياتي الليل ويا بالسهر

من اشوفه انسه كلشي وما املن من عشرته
والسعاده البيهه چنه ياحنانه وياضحكته

روحي والهوه صارن بي سوه
ابني بطيبته يرفض زفته
هذا ابني الاعرفه
.................

ابني مايرفعهه عينه بعيني من كد الخجل
هذا طبعه واحترامه وماعرف شنهي الزعل

گلبه صافي ماي زمزم يروي گلبي ياكلامه
در ينثره من اسمعه روحي تشعر بالسلامه

ياخذ كلمتي ويحب خدمتي
طيبه احجايته يرفض زفته
هذا ابني الاعرفه
.................

كل خصال الزينه عنده ومايحب اليستغيب
جاسم الي امفرح امه هذا من الله قريب

بالعباده يدعي ربه يااللهي احفظ امي
اليل انامه وهيه تسهر الدنيه حلوه وهيه يمي

يامحله السهر ربيته وكبر
ايدي الربته يرفض زفته
هذا ابني الاعرفه
................

صار كل الما حسبته وراح كل تعب العمر
واصفك ايميني بيساري وگلبي مايحمل هجر

ردت اشوفن حنه بيده وگلبي يفرح وي فرحته
حضرتله شمعه شمعه وعجنتله بيدي حنته

ونزلت دمعتي طفو شمعتي
بروحه ومهجته يرفض زفته
هذا ابني الاعرفه
.................

لجل دينه ولجل عمه عايف امه الربته
هذا الحسين اليعوفه شلون تصبح موتته

ماتخله بوكت شده وماتهمه هالمنايه
انطه روحه للشهاده وضل يرفرف اسمه رايه

من حان القدر كلبي ماصبر
شيحمل فركته يرفض زفته
هذا ابني الاعرفه


محمد هادي العقابي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

شظَل بيهه الطفوف .. كُون بلاچفوف
عباس الگمر
احتاريت امشي وين .. من شِفت الحسين
مكسور الظَهَر
واضَيعتناه .. واعَبّاساه
--- — --- — --- — --- —
حسين لخِيَمنه رجع حسره وظَهر مايِل
واعرَفت من مَشيِته ما ظَل الي كافل
ومن نظرته اقره حچي وبدمعه چَن گايل
شتِسوه بعد كربله وما بيهه ابو فاضل
اي گتله ما تسوه ،، خويه
اي ماتت الخوّه ،، خويه
اي حَگك اتلوّه ،، خويه

حَگك من تطيح .. وحَگك من تصيح
قَلّت حِيلتي
وحَگي آنه من احِير .. ومدري المَن ادِير
وجهي بحيرتي
أَي واويلاه .. واعَبّاساه
--- — --- — --- — --- —
كُون الچفوف انرِمَت فَوگ المسنّايه
بيمن بعد تنلزِم وترفرف الرايه
وبيمن نرد التهِد عالخِيَم عنايه
وبيمن ألِمّن ضعن مذبوح حدّايه
يا واهس اعيوني ،، ادخيلك
يا نبضي يا لوني ،، ادخيلك
وين امشي بضعوني ،، ادخيلك

احتاريت اعتنيك .. وبيدي اجمع اديك
واشكيلك واوِن
لو يم الحسين .. ابقه اِرشدني وين
امشي الياحزن
أنَه فِكري تاه .. واعَبّاساه
--- — --- — --- — --- —
شگد صعبه يا بالفضل هالجرح شِيجبره
من تشوف اخوهه الاخت يمشي ويكض ظَهره
وگُوّه يشيل الجِدَم عثره بأثر عثره
وشيوجعك نادته گلهه الاخو وكسره
شسوّيت بحسينك ،، وينك
ما يحچي بس وينك ،، وينك
بعينه ألم عينك ،، وينك

بماي عيونه جُود .. ورايه بصف عمود
وسيف ومشرعه
وبوجهه جراح .. عن كل غالي طاح
ينحَب واسمعه
ويصرخ ويلاه .. واعَبّاساه
--- — --- — --- — --- —
الاطفال صاحت نَدَم رِد النه يا عمنه
بالماي چنّه نِهِم والآن كل هَمنه
بس تِرد سالم بعد كل عطش ما يمنه
من كون متنه ضِمه ولا بيك حشمنه
يل شِلِت مو جِربه ،، بيدك
بَل كل طفل گلبه ،، بيدك
والوطن والغربه ،، بيدك

غيرك يا عميد .. كل شي ما نريد
بس بيك الأمل
خلافك يا غيور .. بالهَيمه ندور
مضيعين الكِفَنل
ضيعّنه اجفاه .. واعَبّاساه
--- — --- — --- — --- —
اعرفت الامان انعدم والظهر ما مسنود
الخيمة عضيده اعتنه حسين وحِنه العامود
واغبار منهه طلع چن روح راعي الجود
طلعت وشامت هِتَف بخيامنه فرهود
هسه انعبر حدنه ،، ويلي
من طحت يا سَدنه ،، ويلي
وعِزنه انگضه اتبدد ،، ويلي

شظل بينه بجفاك .. يا عازة حِماك
من اهل الرِده
حسين بلا مُعين .. بين الظالمين
ظل الوحّده
مطيحين الواه .. واعَبّاساه
--- — --- — --- — --- —


ياسر حسن
محرم الحرام ¹⁴⁴⁷

ماتجيني الخيل اذا عباس حي
ماتجيني الخيل اذا عباس حي

رايته فوگ الضعون اتصير في
            :::::::::::::::::1:::::::::::::::
كافلي اوحماي ضعني وهيبتي
مـا ينام اليـل يحـرس خيمتي
يختلف عباس عن كـل اخوتي
چفه قبل اجفوني يمسح دمعتي
من تظلم نور وجهه يصير ضي
              ::::::::::::::::2:::::::::::::::::;
من يشيل الجود عباس الشهم
مايهـاب المـوت يطلـع مبتسم
صيته عابر فوگ من روس الزلم
والنـعـم عباس مـنك والنـعـم
لو تهد صوب الفرات اتصير عي
          :::::::::::::::::::::3:::::::::::::::
من يشد ارچابهه اتميل الارض
يفرض اعليهم كمر هاشم فرض
يسحگ اعله ارگابهم طول وعرض
صارت الفرسان باللطف تنقرض
من يسئلونه يگلهم ماكو شي
             ::::::::::::::::::4:::::::::::::::
نزل يقره الزلزله وسورة ضحئ
گـامت الفـرسان تفتر چالرحئ
من أجاهم غيم الـجـو ماصحئ
ضلت أشباه الرجال امـطـرحه
گال أكَسر روسها المتروسه غي
             :::::::::::::::::5:::::::::::::::::
عفيه أخوي الحيد راعي المرجله
سجل اعظم ملحمه أبطف كربله
شـايل الجـربه ابيمينه امـحمـله
گـال ابـو السجاد ياميت هـلـه
جربتك هـايه تعـادل مـلـك ري
            :::::::::::::::::::::::::::::::::::::
       فاخر علي الشبيبي

(حكاية الكف)
وكأني بمولاتي زينب تتكلم مع كف العباس قائلة


گلبــي أنكسر يـم النهـر من
دنگيت اعله الجف
حيلي انهدم مثل الخيم بس ماي گصتك ماجف

والجف عصر روحه
وبدمى خط لوحه
خويه عباس
ــــــــ ❁ ❁ ❁ ــــــــ

لمن وصلته اعله النهر والجف كتبلي احساسه
يأشـــرلي رجعـــي للخــــيم بـعده ترى بنفاسه
ويگــلي بعده بالحرب مرفوع زينب راسه
زينــــب كفـيلج من وگع لأجـــــلج نخى بعباسه

هاي المره عندي تره ثق اغلى من عيوني
مــن الزغــــر عمري شهر كافلهه انه يسموني

خوتـــــنا مملوحه
والجف عصر روحه
ــــــــ ❁ ❁ ❁ ــــــــ

خايف على گلبج ترى خايف حجي يسمعونه
عــــــباس طاح من المهر والدم عماها عيونه
اتحــمل الأجلج طــعن مـاهــــم لليطعنونه
بـــــس أنهظم لمن سمع زينب خدرهه شلونه

هذه الخدر يحدي شكــثر عند الشمر بدروبه
باجر جرح يبدي الصبح عد اختك المحبوبه

وتـــــتأذه بالروحه
والجف عصر روحه

ــــــــ ❁ ❁ ❁ ــــــــ

مــــن صـارت الدنــيا ترى بعيوني حيل الزغيره
وجهي انخطف لونه شكثر والصوبه عيني اديره
ياجــف اخـــوي المـنگطع بـعدك تنگط غيره
بــدموعي بيك أتلـمســــــت يلبيه تدري بحيره

هسه الگلب همه صعب يجف اخوي الغالي
متحملت من فارگت الجان اخو وهم والي

ؤن گلبي وجروحه
والجف عصر روحه

ــــــــ ❁ ❁ ❁ ــــــــ

يازينــــب الفـاگــد تـــرى بلليل تبــدي اشواگه
تـذكــرينـــي بـذاك الــدرب ركبـــتج اعله الناگه
جف ايده واشتاگيت إلا ويوجعني حيل فراگه
تلـگينه متــــوذر بعـــد مــــن راسه ثقي الساگه

لمن طحت من يده صحت عشرة عمر موسهله
ياابا الفضل خلينــي اضل بيدك وبالسيف احله

وزيـــنبك مذبوحه
والجف عصر روحه

ــــــــ ❁ ❁ ❁ ــــــــ

لمن غرفت مـــــــــن النهر ماي وشفتهه جروفه
يبــست بـعد لجلج ترى والخوف زيد خوفه
مــــــن گله يامـاي النهر زينب عليه ملهوفه
العنده اخت مثلي سألك هم تغله لخته جفوفه

عالميسره يمخدره وعالميــــمنه ودعنه
بعينه السهم طاح العلم لجلج ترى تگطعنه

الـــكافل الج نوحه
والجف عصر روحه

ــــــــ ❁ ❁ ❁ ــــــــ

الشاعر محمد البنداوي

لحن بقناة الشاعر محمد البنداوي

گاعــد أيــحـز بـــوريده
وشفته شال الراس بيده

وطبــر راســه بالذبح
وجرح أكــبر من جرح

مــن بقــت جثــته الرميه والخيول تعنته
والشمر باوع عليه وگلي شوفي اشداسته
صــدر التحبــينه ابشرج الحوافر خسفته
وگلب اليحبج يـزينب شوف عيني مردته

اشصار بيه مـن الطعن
وانطحن جسمه طحن

گلي گلبـــي مو سمح
وطبــر راســه بالذبح
وجرح أكــبر من جرح

ــــــــ ❁ ❁ ❁ ــــــــ


عالــرمـل جـثــته اتــناثر بلبـــواتر والرمح
استعد الباقي عمرج ليل اترســه بلا صبح
ولاتضنين انتي گلبي يشفى بس من الذبح
الا بيدي اترس حياتج جرح اكبر من جرح

عالــــرمل جثته توذر
ياگمر تردينــه يحضر

راســه تلــگـينه برمح
وطبــر راســه بالذبح
وجرح أكــبر من جرح

ــــــــ ❁ ❁ ❁ ــــــــ

گبل ماذبحه يبــاوع عـــينه ضلت عالخيم
وصحت أسبــيهن بـــديه راح كل هاي الحرم
وغمض عيونه وفتحها وصد للخيام بهظم
وانهـظم لـمـــن گلتله گطـعوا راعـــي العلم

راسه من جسمه فصلته
وراح اعـــذب بــيه بنته

سكينه أفجعهه الصبح
وطبــر راســه بالذبح
وجرح أكــبر من جرح

ــــــــ ❁ ❁ ❁ ــــــــ

نار الخيام إلا تبــقى مثــل گلــبج مستعر
لحــد مابــيـدي أوصــــلج للأمير وللقصر
واني وصـيت العــــساكر ماترحمج بلأسر
ينضرب متنج أريده وعالرمح راس الگمر

راسه أقــدمـنه هـديه
وبشــرط تنـــظر رقيه

الاسوي المـايصح
وطبــر راســه بالذبح
وجرح أكــبر من جرح

ــــــــ ❁ ❁ ❁ ــــــــ

عمه فر بيه زمـاني وصـار شامت بالسبي
من عگب ذيج الليالي الــوادم اتصد للعبي
عمه لو عباس حاضر جان يخسه الانجبي
ومحد الينظر عليه وانـــي بت روح النبي

عمه يــسجاد اخبره
گله زينب تبقى حره

ابقى انه اكــــبر صرح
وطبــر راســه بالذبح
وجرح أكــبر من جرح

ــــــــ ❁ ❁ ❁ ــــــــ


الشاعر محمد البنداوي

لحن بقناة الشاعر محمد البنداوي

وكأني بمولاتي زينب مع قمر العشيرة

راس ومعميات عيونه
مــذبوح ومتغير لونه

تعجبت شفت الراس
عباس لو مـــو عباس

ــــــــ ❁ ❁ ❁ ــــــــ

أذكــــــــر أيلوح الثرية
وبي شبه لامي الزجية
        جان عباس
مـــــــيت اويفيا علية
يــنهظم من شيل أدية
هذا عباس

بسلة مشــدوده افرس من شفته
بكل خطوة رجل الفرس لن ضاربته
راس الحـــــنين المــازعلهه أخته
راس ابو الغيرة الگوم شو زاهدته

وجهك گبل ضي الناس
عــــباس لو مو عباس

ــــــــ ❁ ❁ ❁ ــــــــ

شنسى منا اومـــن حنينه
ألمن خيالي ايسدهه عينه
جان عباس
گــطرة شـــــايلني بجبينه
الــيبجي الي ويظهر ونينه
هذا عباس

أتعجبت مـــن امره أنه ومذهولة
ويــن اليــسد الكون جان بطولة
بسلة راسك مـــــن گلت معقولة
الشمر گلــــهم عالحرم دحجولة

وجــــــروح گد الانفاس
عباس لو مـــــــو عباس

ــــــــ ❁ ❁ ❁ ــــــــ

گبـــل متــمره المنايا
اعله العبايا إيخلي راية
جان عباس
بمصحف الغيرة انته اية
مــــــن البداية للنهاية
هذا عباس

أضلـم نهاري ومات بعدك ليلي
كلما اشـــوف الراس ينهد حيلي
محدبة مـــــــن الظيم متجيلي
خلـــيتني بديرة غـــــرب ياويلي

عطشانه الك يلنوماس
عباس لو مــــو عباس

ــــــــ ❁ ❁ ❁ ــــــــ

جنت أقرب من وريدة
واكل واشرب من ايدة
جان عباس
روحـي تبجيلة وتريدة
اشلون عايفني وبعيدة
هذا عباس

الليل مــــن بعدك صعب مانامة
اوجفن عــــيني مات وي احلامة
مـــن اخوك الخيل فوگ اعظامة
وصوبني الـــشمر حيل اسهامة

ودموعـي تنزل بحساس
عباس لو مــــــو عباس

ــــــــ ❁ ❁ ❁ ــــــــ

يل جنت شــمعة بحياتي
اوليل وحـــجاب العباتي
جان عباس
تبجـــــي دم كل امنياتي
مــن صحت اني وخواتي
هذا عباس

بلا جـسم والراس ضل حارسنه
والراس دخن عالقصر من
فتنه
وضل گلبي بلوعات يحجي بؤنته
من سمع راسه يكــول ويلا ختنه

محــــتاجتك يل نبراس
عباس لو مـــــو عباس

ــــــــ ❁ ❁ ❁ ــــــــ

الشاعر محمد البنداوي

لحن بقناة الشاعر محمد البنداوي

شِد الحيل * ردِ الخيل * يمشكر
  ياوفاي * جيب الماي * للخـَدَر
لف الجيش بالرايه
جيب العلگمي اومايه

شد الحيل * رد الخيل * يمشكر
             """"""""""""""""""""""""""""""""""""""""
شدها وگوم ،ياجيدوم ،خل اشيوخهم تندم
صفها اصفوف خوف الخوف  بلفرسان لاتهتم
حز ارگاب، خلها اتراب،  غرگها الجثث بالدم
طگ زلال ، هد جبال ، كون الگـوم يتندم
معروف الحرب عيدك
تـِل ارگابـهـم بيدك
صيتك بان ، بالعربان ، معلوم البدر يضهر
             """""""""""""""""""""""""""""""''''''''''''''''''''''''''
يومك حان * ياطعان*  خل اخيولهم تتعب
ياكفال *عودك گال * سيفك بالحرب يلهب
من وصاك * كض يمناك * گال بشاربك زينب
يعلم بيك ماناسيك ،وانته السيف المجرب
كلك مرجله اونخوه
صيتك بيهم اشسوه
راعي الزود * مثل العود *هذا الحيد من حيدر
       """"""""""""""""""""""""""""""'''''''''''''''''''"""
طب عباس * عالي الراس *خله اكبارهم تنذل
صاح ابصوت *شنهي الموت *بين الخيل يتوغل
طبها ابزود *شال الجود * خله الگوم ماتندل
طرها وراح * داس الطاح * سيفه عله الرگب هلهل

رد إمحقـق أحلامـه
جاب الماي لخيامـه
غيـَر حال- روه إعيال . ويه احسين ماقَـصر
            """""“"""""""""""""“""""""""""""""""'''''''''''
ردها وشاط * صار ازماط * گام السيف بيهه ايحز
ترجف خوف *من.تشوف * عباس الگمر يبرز
كلهه اتطيح * من ايصيح * لاساحر ولامخرز
هل كفار*صارت عار * ذلت ماتعيش ابعز
كثره اچفوف شلاها
روس الگوم ذلاها
شبها ابنار * جاب الثار* گال الضلع يتجبر
            """""""""""""""""""""""""""""""""""""""
دمهم فاض * من اغتاض* سوا الحيد يوم اسود
واگف سور *وجهه ينور * ماواحد وصل للحد
گام يدوس *فوگ الروس * والتاريخ ضل يشهد
من يصول * كلهه اتگول * طاحت ناس ماتنعد

جاب الماي لخيامي
خله الجـود گـدامي
هذا اليوم * يضل الحوم*  ياكل بالجثث بالبر
                   """""""""""""""'''''''''''''''''''''''''''''''''''''''''''''''''
✍️ فاخر علي الشبيبي