باچـر من انطر ســوگ
ياخويه وعرجه النوگ
من يحمينه ......... يا واليـنه
ــ⊱☆☆☆☆❀☆☆☆☆⊰ــ

صعـبه باچر      من نســـافر
ابرفجت الذبحو زلمنه
وآني وحدي    ونسوه عندي
ولا كفـــيل ولا علمنه

بنص الســـوگ لو طبينه
خويه اعداك تشمت بينه
هاي اشــــــلون يا والينه
مهضومــــــــين ونسبينه

اتمنيت الموت اوياك
ولا تفتـر بيـه اعـداك
وتأذينه ………… يا والينه
ــ⊱☆☆☆☆❀☆☆☆☆⊰ــ

لو دخـــــــلنه    ابدون اهلنه
ابديرة اجـــــناب وســــــبايه
والله هضمه    شلون اكضمه
دمعــي ينـزل عالعــــــــــبايه

محتــفلين خويه اعدانه
وبينه الناس هل شمتانه
ريتــك كون هسه اويانه
وبيـنه اتعود يا رجــوانه

اخ اشگد شلنه اجروح
وممنـوعين امن النوح
شگد عانينه ……… يا والينه
ــ⊱☆☆☆☆❀☆☆☆☆⊰ــ

ياكفيلي      ماتجيلي
ابعازتك والله اليتامه
عذبوهم     روعوهم
فارگو طعم السلامه

يتمـــنون جيـتك ليهم
يالرواي گـــوم ارويهم
رحمه اعداك لا مابيهم
حيل ازغار ومچتفيهم

عازتهــم بس ملگاك
تحظر سيف ابيمناك
وتنجينه ……… ياولينه
ــ⊱☆☆☆☆❀☆☆☆☆⊰ــ

ياعمدنه        ياسندنه
الحگ ايحشمن خواتك
چتفوهن       سلبوهن
انهض ابداعت غـلاتك

يالدگيـت صــــــدرك ليهن
شوف اشـصار بعدك بيهن
يـا عبـــاس ما تلفيــــــهن
السان اعداك طال اعليهن

ويجروهن بحــبال
ماضل الهــن كفال
اشسوو بينه .…… يا وليــنه
ــ⊱☆☆☆☆❀☆☆☆☆⊰ــ

الناگه بالبر    خوفي تعثر
خويه وتطيــــــح رقـــيه
والله حيره    وآنه اسيره
حرمه ميصـــح شي بديه

ريتـــك كون حاظر يمي
ومني تزيل كربي وهمي
يا عبــــاس يا بعد امــي
ترضه اعداك تلفض اسمي

اوصوتي اخلافك سمعوه
وطــول الخـــــدر شافوه
افزع لينه …… يا والينه
ــ⊱☆☆☆☆❀☆☆☆☆⊰ــ

        الخادم
✍كامل السعيدي

الليلة وداع ويه حسين
باچر زينب ابلياه
____
ياعاشر عسن لاجيت زينب بيك مهضومه
لاناصر ولاله امعين ويلي حسين بالحومه
اومن المهر من ايطيح مايگدر على الگومه
ويلي والرمل يچويه احاه يبو اسكينه احاه
_
باچر عل رمال ايلوج يحسين اويجر ونه
الف اوتسمع ميه اجروح وسهام اليصيبنه
اوزينب من تصيح ابصوت طاح حسين اشوفنه
اومن العطش ها يحسين ويلي امفطرات اشفاه
__
ها  يم عون اخيهه حسين باچر مايضل يمهه
باچر من تجول الخيل هالموقف يألمهه
ابصدر حسين من ادوس واضلوعه تهشمهه
وصله من قميص حسين حافرهن يشيل وياه
__
باچر لو شمر يدناه ياموقف عليهه ايهون
اويگضب شيب اخوها احسين وايحز رگبته الملعون
دم تبچي السماء اعليه اويهتز العرش بالكون
اوزينب تلطم اعله راس ايحسين واويلاه
_____
باچر لو لفاها اليل منهو اليحرس اخيمهه
لاكو حسين لاعباس ماواحد يضل يمهه
باچر چم جرح عدهه اجروح اهواي تلچمهه
مچتوفهه بحبل يم عون واعدها الضعن يبراه
_____
مچتوفه ابحبل ياحيف تمشي ابلايه واليهه
اوضلت صرعه ياهالناس فوگ الغبره اهاليهه
وامخدرت هاشم هاي شو مسبيه تاليهه
تصد للرض النجف واتصيح بويه ياعلي اوتنخاه

للشاعر
ابو عبدالله الشمري

سكينه في لحظات مصرع الحسين عليه السلام
*********

عمه الخيل داست صدره لحگيله

********

زينب هالوصل ذباحه يــــــا عمه
ظل يطبر بنحره وعلرمل دمـــــه
لو ذبحو ابونه منين نشتــــــــمه
عطشان انذبح يا مصعب الچلمه

ماي منين اجيب شلون اوديـــله
عمه الخيل داست صدره لحگيله

*******

عمه اثنعش طبره وعلگفه مخليه
ما عنده رحم يا عمه يذبح بيـــــه
بويه الله واكبر شنهي المسويـــه
هذا الحجر ليش الفوگه ومأذيـــه

اريد امسح أدمومه بطارف الشيله
عمه الخيل داست صدره لحگيـــله

******

شالو راس ابونه وچثته مدميــــــه
عمه جروح جسمه الف وتسعميـه
راسه اعله الرمح بس باوع اعليه
ها بويه صرت يحسين مسبيـــه ؟

خل نمشي لابونه هناك نحچيـــله
عمه الخيل داست صدره لحگيله

******


سحگو بالحوافر جثة الهيــــبه
دم فوگ التراب وتارس الشيبه
خنصر منگطع ياهوه اليجــيبه
برماح وسيوف الوادم اتصيبه

ها يم عون عمه فياي سويــــــله
عمه الخيل داست صدره لحگيله

******

عشر خيول سحگت صدره وعظامه
هاي اعله الارض مدميه العمــــامه
خلينه انتگابل لطم علهــــــــــــــامه
على المحد فزعله وصار گــــــدامه

توزع عل ترب يا چف اليشيــله
عمه الخيل داست صدره لحگيله

********

يا حافر الخيل اسحگني يلحـــافر
اترك صدر ابوي أچم ضلع كاسر
أموت وياه خلني بشدة العـــــاشر
خايب هذا ابوي شبيك يلــــــكافر

تدري بفاطمه هل يمه تبــــــچيله
عمه الخيل داست صدره لحگيله


رعد الفريـــــجي
محرم الحرام

ليلة الوداع…… لحن يخيمات

يالجروح باچر حيل تلچمن يالجروح
بس هل ليله يمنه حسين ويروح
باچر عل تراب انشوفه مذبوح

………………………….....……..
يجروحي اصبرن عل ألم لو حلت المصيبه
لمــن اودع كل هلـي وبوحدي اضل غريبه
باچــر جثثــــهم عل تـرب امطعنه وسليبه
باچر يحرگون الخيم وگلبي الهظم يصيبه

على الگاع باچر كل اهل بيتي على الگاع
تعمه اعيونه لو صار الوداع
وسفه اشلون اودعكم يالسباع

…………………………………..…
ابن امي چان الچن ضمد بيه ينگطع نزفچن
يجروحـــي اذا غــاب الولــي اتحملن ألمچن
من زغري عانيت الألم وسط الگلب شلتچن
مـا جربت طـــعم الفـرح يهمومي اشكثرچن

بالاحزان خلصت العمر كله بالاحزان
لسهام النوايب صرت نيشان
گلبي امن الهظم والنوح مليان

………………………………………
آخر مسه اليله يمر بيه اگعد اويه اخـــوتي
مـا ضــن اشوفنـهم بعــد آه اشكـــبر بلوتي
ريته يجي گبل الصبح اتمنيته هسه موتي
لو حشمت باچــر منـو يحـظر يلبي صوتي

بالطفوف آ يالوعة الوعه بالطفوف
لو شفت العليل ابحبل مچتوف
وخيول العده عل خدر اطوف

………………………………………
التوديع اشد وصعب امر ماينحمل عذابه
لمن تودعلك اخــو وتـــدرك الــم غيـــابه
باچر نضل بس الحرم لا اخوه لا صحابه
ولو حشمت يهل الشيم محد يرد جوابه

مطاعين كلهم عل ترب وسفه مطاعين
لا عباس يفزعلي وله حسين
ابقه امحيره ودم تهمل العين

………………………………………
باچـــر اضـل متحـيره بالنســوه واليتــــامه
وسوط الشمر فوگ المتن يتركله چم علامه
تنشدني خــــوله اشعطله والــدنه وشعلامه
محتـــــاره اگللهه انچتل لو يرجع بســـلامه

ينشدون كلهم عنك اطفالك ينشدون
سود امن الظرب ومرمه المتون
مـــن كثر الألم گامو يونون

……………………………………...

الخادم
كامل السعيدي

١٢٠- عبد الله الرضيع (ع)
الليلة العاشرة 👇👇👇

مهدك خالي مهدك خالي
يـــاعبد الله اشسوّه بــحالي

امـك يازهــــــرة دنيـــاها
ماهوّد يوليدي ابــچـــاها
بالــمدمع ذابت عينـــــاها
وسأصعب من فگد الغالي

ست اشهــر يوحيّد عـمرك
ضامي وظل يتلاهب جمرك
صابـــوك العدوان بنحــــرك
وبصوابك صابـــــــــو دلالي

ماچانت بـحسابي وفـكري
ايذبــحونك ياسلــوة عمري
ياعبد الله ودمــك يـــجري
للخيــمه ايــرد بيك الــوالي

لـو ادري النبله امتـــــانيتك
للـــوالد ماچـــــــــان انطيك
چـابدموع اعيوني اسگيتك
بس يــوليدي اتكون اگبالي

يــــــهلال وعمـــــرك ماكمّل
چنت بشوفك يبني اتكحل
شذنبك وبدمـــــك تتغسل
هالـمنظر مافـــــــارگ بالي

انظر سكنه اتـــــهز بـمهدك
وتنــوح بدمعتــــها الفگدك
متعوده اتشمك من خــــدك
مابـطّل مدمعهــــا الهـــالي


فراس المحمداوي

من الارشيف

يمه مهدك خالي      يالـــولد يالغــالي
ابــونتي هـــزيته .....الموت انه اتمنيته
               يمه مهدك خالي
              .......................

بـس دللـول الولد سكنت شفـافي
ميت وبكَليبي احسك يبني غافي
نور عينـي ابغيبتك يايمــه طـافي
امن البعد مل الگلب يوليدي كافي

اشكَد تعذب حالي       مــــردت دلالــــي
  والكَلب جـــويته....الموت انه اتمنيته
               يمه مهدك خالي
            ............................

بذني اسمع صــــوتك واركض ونادي
اسملله يمــــه اشفــززك هـا يـافؤادي
ثاري يطلـع بالحلـــم وبقــه ابحدادي
وتنزل ادموعي ابحزن ولبس سوادي

بيك انه فجعوني       ياســــواد اعيوني
عمري هم كَضيته....الموت انه اتمنيته
                يمه مهدك خالي
             …………………………

يمـــه گبلك ريت ابن كاهل ضربني
ابسهمه يوليدي فطر گلبي ولچمني
امنين اجتـني كربله وبيهه اتركتني
ابحسـره اونن والمصايب هاجمتني

يمه غيرك مالي        البين وشخــلالي
  ماخـذ الربيته ... الموت انه اتمنيته
             يمه مهدك خالي
          ……………………………

بالســـــــــــهم صابـوك ماعـدهـم حميه
ابحضن ابوك حسين ابن حامي الحميه
حسبت رووك مـــن رد بيـــــــــــك اليه
ثــاري دمـك يجــري مــن شلتك بــديه

يمه بعدك ضامي       وهيجـــت آلامــــي
  دمعي الك هليته ... الموت انه اتمنيته
                 يمه مهدك خالي
           .................................

خيــم ابروحــي الحـزن وشتــد لهيبه
چم حبيـــب ابكـربلــه فــــارگ حبيبه
شاهــدة يمه صــــــور بالطـف عجيبه
ونحرك المصيوب اشد وعظم مصيبه

يمه شيب راسي       من زماني القاسي
والهظــم مـــريته...المـوت انه اتمنيته
               يمه مهدك خالي
        ...................................

        الخادم
    كامل السعيدي

كل ما اصدن للمهد تلچمني الجروح
اذكـــر امناغــاك الي يا سلوة الروح
وسفه المهد خالي
عبــدالله يالغــالي
ياسلوة الروح
ـ"""""""""""""""""""""""

غارگــه بهمي ونطـرت اتمرني شهگه
لهفت المشتــــاك للمحــــــبوب ملگه
عمري شجــره ويبساه اجفـاك حرگه
اثناثرت عل گــاع بعـدك ورگه ورگه

سير علّي نسمة هـوه وخليني اشمك
يوليدي مر لو بالحلم مشتاگه اضمك
يمه ارحم ابحالي
عبـــدالله يالغـالي
ياسلوة الروح
ـ"""""""""""""""""""""

اهواي اموتن يمـــك واحـــــيه ابنضرتك
چنت احس الدنيه تضحك وي ضحكتك
ابهـل سهـوله اتروح منـــي ما حسبـــتك
ســــابح ابــدم النحـــر ياوسفه شفـــتك

لو ادري ترجع منـــذبح ما ارضه اوديك
يمه وبدل ماي النهر من دمعتي اسكيك
فگدك شده بالي
عبـدالله يالغالي
ياسلوة الروح
ـ""""""""""""""""""""""

حلـمي تكــبر يل ولـد وتگلـــــي يمه
حلـم حـــدر الگــاع ما حسبت اطمه
كلشي بعــدك يمه صار بعيني ضلمه
وكبر جرحي والالــــم ما بيه اكضمه

نيتك فجر لمن رحـت بس وسفه غدروك
يوليدي گلي بيا ذنب من حضني حرموك
صـابولي دلالي
عبدالله يالغالي
ياسلوة الروح
ـ""""""""""""""""""""

اعيوني يمه الشوفتك كل لحظه تشتاگ
وتدري گلب الوالــده مـا يحمـــل افـراگ
چـنت واهـس دنيتـــي وبكربله انبــــاگ
امصيبتك والطف عليه انطبگن اطبـــاگ

بعــدك ييمه اتعــذبت والمــر جرعته
نجـم الظهر بمصيبتك يوليدي شفته
عشت بهضم تالي
عبــــدالله يالغالي
ياسلوة الروح
ـ""""""""""""""""""""""

انشـدت مهـــــدك عنك وگتله الطفل وين
جــاوب وگلــي انذبح بحضـان الحســـين
بخدي اثر چم چويه ضل من دمعة العين
دمــــوع فگـــدك يالولد چنهن سچاچيين

عفت امك وعيـنك غفت يا وردة الياس
يا مهجتي امصابك ثگيل وشيب الراس
بس الحزن فالي
عبـدالله يالغالي
ياسلوة الروح
ـ""""""""""""""""""""""""

الخادم
كامل السعيدي

ليلة الوداع .
....................


حسره وآهات ودمعه.
ليل اوداع ابلا رجعه

باجر يا روح.
ياخذهه النوح.

ليل اوداع ابلا رجعه
......................

ليل توديع ومصيبه .دموع نزلت بالخيم .
زينب مكابله اخوتها .وبينهم طف انرسم.
اعيونهم تحجي سوالف ها كثر بيها الم.
حايره اتشم نحر اخوها لو زند راعي العلم.

بين الكافل والوالي.
حيره تودع ياغالي.

ياصوب تروح.
ياخذهه النوح

ليل اداع ابلا رجعه

........................................

اكَلوبهم سولفت كلشي ونزلت الدمعه جمر.
حسين ينعى امصاب اخيه اليكسر اسنين العمر.
وعين عباس بنظرهه كلمه ممزوجه بعذر.
وفاضت ادموع العقيله .وانزرع تل الصبر.

لا كافل باجر يمهه.
لا بو اليمه يكلمهه

ضامي ومذبوح
ياخذهه النوح.

ليل اوداع ابلا رجعه

...........................................

ياجرح ليل الموادع مايصح .بي كل شفه.
لوطلع مصباح باجر زينب تون عاطفه.
تشوف عالغبره العمايم والمناحر نازفه.
ويترس الصوت المسامع يبني علدنيه العفه.

معناهه يطيح الاكبر .
باجر بالحومه مطّبر

والدم مسفوح.
ياخذهه النوح.

ليل اداع ابلا رجعه

..........................................

باجر دموع اليتامه تترس الحومه حزن.
والحرم شوك بجدمها كاصده الهيمه وتون.
طفله مجروحه أذنها الدمع والدم علوجن.
وحرمه وسياط ال اميه انطبعت بذاك المتن.

واطفال تهج مختنكَه.
بين اخيام المحتركه

وتفيض جروح.
ياخذهه النوح

ليل اوداع ابلا رجعه

...........................................

ليل حركَه وشمس باجر ينطفي بيها الضوه.
وبسبب نار المخيم يختنك حتى الهوى.
باجر تصيح العقيله .ياهلي .كلبي انجوه.
وتوكف اعله التل .غريبه . زينب بطف نينوى.

باجر صعبه وموسهله.
من تصعد فوك التله.

بناظر مشبوح
ياخذهه النوح

ليل اوداع ابلا رجعه

......................................

✍ ابو منتظر الحجامي . 2025

ارَســـمٔ نهــــر يـم المـهـد بلكي ينــام اوليدي
وايدي امدها اعلى الرسم يطلع اتراب بأيدي
ياريت كل المَر حلمْ وبأيـدي امسحنه الرسمْ
بلكي ينــام اوليدي
****
عبدالله ضامـي وينتحـب ونــار العطش بي تسـري
لا ماي عندي ولا دمــع بـالَونّه خلّــص عمـــري
ارسم نهر من لوعتــي بي مــاي ارسمه ويجري
بس بالرسم يطلع نبــل واتخيلــه يحــز نحـــري
مرعوبه افـز من صفنتي وانظر لمهد الغالي
احتــار والله بعبــرتــــي وتنذبـح كل آمـالي
وخيول أصد كثره وزلم ياريت كل المَر حلمْ
بلكي ينــام اوليدي
****

العنده طفل ضـامي الگلــب خبـروني بيــمن يــروه
يتسلــه بــس وي الدمــع مــا ظل دمــع بي سلوه
كل ساعه أصد رسمه الحلو ذبلت ارسومه الحلوه
كــل طفل يضحــك بالمهــد مــــو بـالمهــد يتلـــوه
عبــدالله والضحكــه بعـــد مـــا يلتقــون ابيتي
بنيران احس چبده انمرد بمهده واخذ عافيتي
وحيلي من اصدله ينهدم ياريت كل المَر حلمْ
بلكي ينــام اوليدي
****
يــاذيني يــا بچـي العطش يرهـــب دليلي وليلي
كل نشغه اشـد مــنْ النبل بالليــل يهــدم حيلــي
صعبه أصبره من الضمه وبچفه اصـد يوميــلي
اعيونه الي ذبلها الضمه عــن يا نهـر تحچـيلي
نهــر الفـرات ومنبعـه فرهد يوسفه احلامي
بيمن تطلبه المشرعه ذبحت دليله الضامي
والماي تنطيه للخصم يـاريت كــل المَر حلمْ
بلكي ينــام اوليدي

****

من شاله ابو اليمه وگصد عبدالله صــوب العســكر
شــايل بـــراءة فــاطمــه السمــاها ربــها الكــوثر
ضنـي يــرد عــوده الذبـل ويرجعلي لونه الاخضر
نحـره اخــذ عطـر الــورد دامــي يــردلــي المنحـر
چنت آنه اشم نحـــر الولد يلّه تنـــام عيوني
وي الدمـــع اغفـــه بعـــد وبنبلته ذبحــونــي
والمهد خالي وبيه اشمْ ياريت كل المَر حلمْ
بلكي ينــام اوليدي
****



باليل اهـز مهـدي الطفل بلكي تنــام اجــروحي
يــا جــرح انومــه ينلچم وآلام يتــرس روحي
وي كــل دللول انــذبـــح من اذكر نحر مذوحي
بس نوحي اليسلي الگلب مـا ابطل ابدن نوحي
تجايه ردته لشيبتي راح وتركلي الحسره
بمهده اصبر لوعتي يذكـرني مهده بنحره
وكل لحظه حيلي ينهدم يــاريت كــل المَر حلم
بلكي ينــام اوليدي
*

الشاعر
موسى البديري

وداع الحسين ع يوم العاشر


يالليل الوادع ارجوك طول خل  اودعنه
اخر مره اخوي حسين هاي الليله اشوفنه


دگات الگلب يالليل گامت تعد لحضاتك
شو من الثواني اسرع وي حسين ساعاتك
لـوتبقه عمـر يالليـل چـا سهـرت نجـماتك
باچـر فجرك امـن يطر بيه تعيل مأساتك
طول رايده اشبع شوف يالليل الحزن منه


مـابيـه على فـرگاك خـويه حسيـن مابـيه
بوجهك گمت اشوفن موت شومومثل ليليه
اباب الخيمه اجنك گوم ودع اسكينه ورقيه
يـدرن باچر امـن تـروح مـامنك بعـد جـيه
ابنياتك يـبو السجـاد حيلي عليك هدمنه


حالي شلون اوصفنه طير ومنذبح حالي
مره اصفن بوجه حسين مره بوجه كفالي
اشلون اثنين ملتمين غالي يودع الغالي
هاي الليله اودعهم ماچانت تجي ابالي
معـذور الگـلب معـذور من يكثر ابونه


كلمن يم وليها وكون تتمنه الفجر ماطر
رمـله تنوح يم جـسام ليله شابگه الاكبر
وباچر حنت الشبان يدرن من دمه المنحر
وانا ابيـن هاي وهاي مـابيـن الخيام اعثر
نحني چـفـوفهم بالدم باچـر بـدن الحنه


اسـمـع بالخيام تنـوح يم الـولد كل وحـده
بس عبدالله سكته امه تجري دموع يم مهده
اضـمن دمـعـتي بيدي خـاف تطيـح وتگعده
شفته امن العطش تعبان ذابل ذبلت الورده
مـاسولفت وي امـه خـفت عبدالله اگعدنه


شفت الفجر گرب حيل والليل انتهى امره
وانا محضره لبن امي وصية فاطمه الزهره
جـبتها وجـيت للغالي گبـل لايـنگطـع نحره
وگبل لاخيلهم تسحگ فوگه وينهشم صدره
گبل الخيل اخوي حسين ردت بصدره اشمنه



         هـاني ناصـر السعيدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

((((شور ))))

مادام ابوجن عالرمل نام
من صدره خلي نجر السهام
خلي نلمه ===حته نشمه
////////////////////////
متعوب وايده فوك الصفاح
مخيطات ضهرة خياط الرماح
شوج وحجر جواه من طاح
نص كلب ابوجن بالسحك راح

طاح اعله وجهه وبعد ماكام
وظل رافع ايده لصوب الخيام
خلي نلمه ===حته نشمه
////////////////////////
نيشان صاير صدره نيشان
وينلاح كام امنين ماجان
والصعبه حيل انذبح عطشان
يولونه وليه الفاكد اخوان

بهيده ويه نحره توه مذبوح
اموتات حيله اهواي الجروح
خلي نلمه ===حته نشمه
////////////////////////
الله واكبر جسمه بالكاع
من الحوافر نازل اذراع
مابي مجان الشمة اوداع
سلبو قميصه منه شبساع

عمله ومصيبه تنحجي شلون
مشلعه الحوافر جلد المتون
خلي نلمه ===حته نشمه
////////////////////////
خل اعله جسم احسين نندار
ونشيل عنه كل الحجار
فوكاه تل امن الحجر صار
عريان ابووجن والرمل حار

ويلاه ابوجن مات ويلاه
مامش حصيره نمدهه جواه
خلي نلمه ===حته نشمه
////////////////////////
عالكاع دوسن عمه بهداي
توني لكيته اظلوعه جواي
خلي نلمه كومن اوياي
يعطلنه خاف اسهامه الهواي

من غبشه عنه الليله ماشين
فرصتنه هاي انلم الحسين
خلي نلمه ===حته نشمه
////////////////////////
أسم الله محد كله من مال
من ظهره طالع رمح جتال
موذرين جسمه صعبه ينشال
ظلت تشم بنحره الاطفال

الباجر يضل بعازت افياي
كلله نركض جنه حفاي
خلي نلمه ===حته نشمه
////////////////////////
تمت ____ علاء الزيدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

والله ياليل أهدعش
جرحك بگلبي أنفرش
وروحي لو ترهم نعش
بيهه ألــم جسم حسين

ــــــــ ❁ ❁ ❁ ــــــــ

جسم روح الله وحبيبه اعله الرمل والرمل حار
وانته ياليل الهظمي تگصر وطال النهار
حسين سومر دمه شفته وعطش بروحي الخظار
وانه متعوبة وغريبة ولا أمر عندي وقرار

هسه لـو تاخــذنـي يمه
حتى جسمه بروحي ألمه
لئــن مخـنوگه أرد اشمه

شيبت حـتى الرمش
والله ياليل أهدعش

ــــــــ ❁ ❁ ❁ ــــــــ

من وصلت انه الجثثهم لنها جثه تكول هاي
زينب الكسرتلي گلبي شطلعج خويه تعاي
وانته ياليل ووحشتك جن رمح صوب گفاي
من أسمعت كلمة أجرحتني خويه زينب بلكي ماي

وگلبــي ياليل أنكسر
من سمع كلمة انقهر
من حجه وياي النحر

حيل كاتلني العطش

والله ياليـل أهدعش

ــــــــ ❁ ❁ ❁ ــــــــ

نفسي يعثر گبل جدمي لئن ماضلالي حيل
وانتجي اعله جروحي واعثر موقفك أذه الدليل
ماشلت حسرات مني اشلون أعذرنك يليل
ماخذتهه انفاسي غفله للجثث متروسه ويل

والله ياليل الرزية
بـيك مانامت رقية
ردنه موتتنه سوية

أنخه من رب العرش
والله ياليل أهدعش

ــــــــ ❁ ❁ ❁ ــــــــ

انه لمن شفت اخوتي حيلي يمهم كله باد
وجرح كسر امي وضلعها بلگلب حسيته عاد
لا تضن ياليل گلبي بعد اخوتي اتضنه هاد
گطعاني حسين جسمه اعله الرمل من شفته غاد

وانته ياليل أشدهتني
تـــعـبتني وعــذبتني
والـمـصـايب لو عتني

وحيلي ياليل أنهش

والله ياليل أهدعش

ــــــــ ❁ ❁ ❁ ــــــــ

نعش كون اصير كلك تنحني الجسم الحُسين
الرمل حار ويأذي شفته بجروح الحنين
وانه ياليل الهظمني بيك ممنوع الونين
طوول وراح انه اشوفك بل بجي ماخلي عين

شگد عتب عندي وحجي
وعالـجـفــن ضـل انتجي
والله مــامــــل الـــبجي

بيك يل گلبي انخمش
والله يالــيل أهدعش

ــــــــ ❁ ❁ ❁ ــــــــ


الشاعر محمد البنداوي

السيدة زينب عليها السلام ، وهي تخاطب صباح يوم العاشر بلسان الحال :


لا تهل.. مصباح عاشر لا تهل
إتگودني امن ايد الهواشم للحبل..


لا تهل يالبيك أودّع هيبتي
اوياها اودع الروح بوداع اخوتي
وحمرة يا مصباح تنزل دمعِتِي
بيك يالبيك الحمل ما ينحمل..


لا تهل ، يالتذبح أحلام الربه
ومن بني هاشم تغيّب كوكبه
وتُبگه بالخيمة اُمهات أمعذّبه
حالهن يا صبح حال المنچتل..


لا تهل يالرايد الأكبر علي
يرتحل وتروح روح آخر هلي
ويبگه أبيّه امن المصايب منولي
وميت أويه وليده ماهو الظل عدل..


لا تهل يالبالدمه تطفي الشمع
وتترك ام عالگاع محنية ضلع
بعرس ابنهه وعینهه اتگطر دمع
والعروس رماد صارلهه الكحل..


لا تهل يالحاد سيفك عالگمر
وتگطع چفوفه تريد إعلى النهر
وتعمي عيني ، وللأُخو تكسر ظهر
وبالردان ايكفكف الدمع اليهل


لا تهل يلي اسلبت نوم الولد
وحارت أمه بلايه در اتهز مهد
ابحسرة نادت، نام يا طير السعد
يناطر أمك باچر امثلث نبل..


لا تهل يالخال عينك عالخيم
تريد تحرگها او یشب بینه الألم
وتجبر الأيتام تطلع والحرم
وركضة المحترگه ماهي التنعدل..


لا تهل يالتكسر گلوب البنات
وتبگه عالخوان مكسوره الخوات
بس عبي بنص نار ، ما بيهن حياة..
وهم يشب هموم ، منهه اشتحتمل..


لا تهل يالشايل ابچفك رمح
وچفك الثاني ايتِحَضر للذبح
وتلچم إعلى الزان للباري الجرح
والشمس برماح للشام إتأفِل


لا تهل يالتدني من عدنه السبي
وتفشي بين الناس ، المن هالعبي..
واركب الهزله وفلاهي ابمركبي
ولاهي ترحم آااه مسبية الهزل..


الشيخ منير السعد

خل تعمه العيون هالليله عاشر
وحــدّها ام عون بالهيمه باجر

اويلاه يام الخدر
~~
الليله نعمه الخيم ما محترگه
حسين يم اهله ورقيه تشبگه
الاكبر وجسام ضاوين الخيام
هاي اخــــر ليله باجـــر فرگه

والكافل يضوي وجهْ الكافل
بدر چنه وكامل .. ياخويه

الخيمه شمحله ذيج الخيمه
بيها للحب قيمه .. ياخويه

اويلاه يام الخدر
~~
ليلة العــــاشر مصيبه الليله
حسين كاعد مجتمع بالعيله
گلهم توادعوا هذا اخـر لقاء
باجر الطف منه ياخذ حيله

والخاطر ينكسر چم خاطر
اخ منه العاشر .. ياخويه

هالگعده هاي اخر گعده
حسين باجر وحده .. ياخويه

اويلاه يام الخدر
~~
حسين طاح واخته بـس تباوع
لاهــــي زلمه حـــته عنه اتدافع
تشوف اخوها العده ملتمه عليه
مسلبينه وجسمه بالـــــدم ناگع

متعوبه حگها لو متعوبه
حسين سلبوا ثوبه .. ياخويه

عالتله ركضت اعله التله
تريد بس تندله .. ياخويه

اويلاه يام الخدر
~~
الرايه طاحت وين راعي الرايه
صـــــــدگ نايـم فوك المسنايه
طايــــــح بطـــول النهر وموذر
وانكــــــــسر ظهر العقيله بهايه

مهضومه زينبك مضهومه
طولتها النومه .. ياخويه

نادتك كافلي نادتك
گوم والحگ اختك … ياخويه

اويلاه يام الخدر
~~
بعــــــد ذاك الظهر ماظل زلمه
الجيــــوش اعله الخيم ملتمه
ماكو واحد بقه بس زلمه عليل
حيــره زينب ياهو بله تحشمه

تتعثر تمشي بس تتعثر
من الجمر ماتكدر .. ياخويه

محتاره بالخيم محتاره
الطف جبيره ناره .. ياخويه

اويلاه يام الخدر
~~
بقـــــت زينب لا حمه ولا والي
تشوف غالي طايح بصف غالي
تصيح لاخوتها اريدنكم تجون
ماكو واحــــد بلا يرحم حالي

مكسوره بلا اخو مكسوره
الحزن ماخذ دوره .. ياخويه

مابيها حيل ماضل بيها
من انذبح واليها .. ياخويه

اويلاه يام الخدر
~~
ليلة الحــــــــادي عشـــــــر غربتها
تبدي چـــــي محد بقه من اخوتها
من سجود تصلي ماظل بيها حيل
واثــــر دمعه باقي يــــم سجدتها

وين انته حسين چا وين انته
يالــ مدلل اخته .. ياخويه

مختنگه من الهضم مختنگه
چن خيم محترگه . ياخويه

اويلا يام الخدر
~~
خادم القصيده
عزيز المياحي

@HxzEU1

الله واكبر ياعلي، من هول هاي الحالة
ابظهري نيران الخيم ومگابُلَه الخَيّالة

****

يا علي وتاه الفكر ، من نارهم شبوها
وبنارهم هاي الخيم ، فوگ الحرم حرگوها
والحارت بنار الفگد ، بل عالخيم حيروها
ومحتارة طلعت يا علي ، وبخيلهم لاگوها

والعين وين العاينت ، لهلي لگت چَتاله!
الله واكبر ياعلي من هول هاي الحالة..

****

ضهريه والوادم غرب ، والهم نِشَب بذيالي
يحسبني خيمة امن الخيم ، بويه اليعاين حالي
تمنيت حاضر ياعلي ، وتشوف خدري العالي
بالنار الوذ وبالترب يابويه لاذ خيالي

الحمّايته عنه ابعِدو ، ياهو البعد يبراله
الله واكبر ياعلي من هول هاي الحالة..

****

وين التفت هم يلتفت لَيّه او يغيّر لوني
و دلاني لو ظن الجدم خيل التِخَيب ظنوني
خدرك يحماي الحمه عدوانك ايعرفوني
وعيون مشتول الدرب ماريدن يشوفوني..

الينشاف مثلي بهالوضع ، لو مات بويه اشواله..
الله واكبر ياعلي من هول هاي الحالة

****

فرينه كل آه ابكتر ، فوگ الجمر ممشانه
والنار عافتهه الخيم ، يا بويه تمشي ويانه
المحروگ وبذاك العطش ، بيمن يطش احزانه
لا ماي لا غيرة البُگت ، لا تبچي بويه إسمانه

المحتار والعشرة الشبچ ، محد يگول شماله!
الله واكبر ياعلي من هول هاي الحالة!

****

تيهنه بس ما تيّهوا ، غارة التسابج غارة
وما بين مِجبِل والبعد ، بنتك غدت محتارة
ما ترضا يا حامي الحمه خدرك تشيع أسراره
حاچيني گلي بهالوضع ، يا بويه شنهي الچاره؟

المثلك يجاوب ياعلي لو عالوا إعلى عياله!
الله واكبر ياعلي من هول هاي الحالة..


شيخ منير السعد

يا خيل كافي من الاخو عوفنه
ما ظل عظم بي سالم تسحگنه
عوفنه  عوفنه
::::::
ما عافته خيول العده      ظلت تروح وترجع
بالخيمه اختك جالسه   كسرة عظم گمت اسمع
عوفن حسين شگد صحت  بس صيحتي ما تنفع
حسين روحه من السحگ   من جسمه ظلت تطلع
شلون نسحگ بالخیل باب الجنه
::::::
مو بس تره جسمه انسحن   داسن عليه بعيونه
اثكال حذوات الفرس   كسرن حتى سنونه
ما يگدر يشيل الچتف   منسحن عظم متونه
حسين مطشر وذر      وين اهله ويلمونه
الزهره خلها تزيد حيل الونه
::::::
ما اعرف شگد الزلم       كلهم عليه من هدت
حسين من كثر الضرب       عافيته كلها تبدت
شلون اعله سبط المصطفى   هالزلم كلها تعدت
والشمس وياهم صفت   عن جسمه لا ما ردت
ما شرب ماي حسين بي يتهنه
::::::
شفت الشمر يم الاخو    من الخيمه عيني تلمحه
فوك الصدر جالس شفت  وبسيفه ظل يذبحه
الليل لا يطلع بعد         ما دام ذبحو صبحه
بيده ورفع راس الاخو   وانوب شاله برمحه
الشمر يم حسين ظل يدنه
::::::
سبعين الف كلها اركضت    مطروح ظل فوگ الگاع
حسين من كثر الدبچ        ما ظلت بجسمه اضلاع
جيت اركض انه ودورت   ما ادري من جسمه شضاع
من كل كتر ظل يلجم       الجسم متروس اوجاع
شفت السيوف اعليه صارت حنه
::::::
تسعه الاصابع شاهدت    بس خنصره ما شفته
ضليت ادور بالارض        ما شفته من دورته
جبت الحصيره وگمت الم   وذره بوذر جمعته
  ضيعني بسنين الغرب    بهالحاله هم ضيعته
لو بيدي ما ابتعد ابدن منه
::::::
علي جبار الكعبي
الفاتحه لوالدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي