مسلم السفير .... وكت الشدايد مو جزوع
مسلم السفير ... أدى الزيارة أبكل خشوع
يا سلام الله عليه ... يا سلام الله عليه .... مسلم السفير
......
الحمد لله رب العالمين
اللهم صل على محمد وال محمد
موسى الخادم
… ..

هذا عنواني ؟؟ ثابت أيماني ...
أنــــه مسلم والنعم
......
أنة مسلم والعدة أيهابوني لــــو لا كيهـم
أخطف الارواح أنة الموت أسيرعليـهــم
ماتهمني أعداي كثرة العندي أهم أكظيهم
أتحزم السيف بيميني جنة نـاوي أعليهـم

لو نوه القاهر ؟؟ يمحي كل كافر
أنة مسلم والنعم
.......
من نسل عدنان أنة الكل نســــل يغنيـني
عمي قالع باب خيبر هل الشرف يكفيني
مثل حمزة بالحرب مــا واحد أيلاويــني
طوعة تشهد عل الشجاعة أرض وسمة تحيني

ياهلة بزودك ؟؟؟ ياوفي وعودك
أنة مسلم والنعم
.........
من سطح قصر الامارة مايـهم يرموني
الاهم عندي رضات حسين نور عيوني
من زغر سني سفيـــرة خلهم يسمعوني
وأبقى حــد أخر حياتي وفنهم يمنعـوني

صاحب الغيرة ؟؟ صعبة تغيرة
أنة مسلم والنعم
........

من حسين أتعلمت ما أنحني العدواني
راسي مرفوع وأبد كل ذلة ما تدناني
بيدي رايات النصر رفت فقد تهواني
غيري ما تهوة أبد يشهد علي الرباني

أرفض الذلة ؟؟؟ تسمع الملة
أنة مسلم والنعم
..........
أنة غيرة وابقى غيرة ما أدنــك راسي
لأخر سنين العمر شامخ يظل نوماسي
خصمي يعرفني وأظن صولاتي لا ما ناسي
عزمي عزم الوالي حيدر والنفس عباسي

تشهد الكوفة ؟؟؟؟ حسيني ما عوفة ...
أنة مسلم والنعم
..........
........
؟؟؟؟؟؟؟؟؟؟؟

الحمد الله رب العالمين
اللهم صل على محمد وال محمد
موسى الخادم…

عمي يحسين ...
وين ابوي الغالي وينة .. عنه هــم سامع خبر
عمي يحسين ...
تمسح اعلى الراس اشوفك .. شنهي يتمني الدهر
كلبي ما يحمل نحيب
وينة مسلم يل حبيب """
عنه هم سامع خبر
"""
ليش جفك عمي خليته أعلى راسي
لا تكلي اتيـــتمت تبـــدي المــأســي
انه مـن بعـــد الابــو افـــكد حواسي
مسلم أعظم شي أملكه واغلى ناسي

عمي يحسين ...وحشة دنياتي بغيابة ... بعدة يكسرلي الظهر
""""
خبر موتة بعينك انظر يا بو الاكــبر
وينة مسلم كـــلبي ما يتحــمل أكـــثر
عيني محتامه اعلى شوفة شــو تأخر
كلي يا بو سكينة كلي شوكت يحضر
0
عمي يحسين ... هم افز من نومي واسمع ... مسلم البنته حضر
"""
انه كل هل فـــترة ما كــتلك اريـــده
كمت احسن روحي بفراكه وحيــدة
هم يرد حاجيني لــــو جيته بعيــــدة
عمي يحسين البعــد شيـب حميـــدة

عمي يحسين ... كلة يرجع ليه سالم ... جفني ما يحمل سهر
"""
طفـــلة ما احمل مسافات الطــويلة
جا رحت يم والـدي بهمي اشتكيلة
يا حلات الكعدة وي محبوبي ليـلة
هم يجيني وحزني من كلبي يشـــيلة

عمي يحسين ... تدري باليفكد حبيبة ... عمرة يخلص بالقهر
""""
والله مشتاكه احضن الوالــد بدية
وعيني اغمضهة اعلى صدرة ابهل مسية
ما يحس بالامي بس بنتك رقــية
هيه من عمري وتعرف البيهة بيه

عمي يحسين ... قصتي وقصت رقية ... ما يترجمهه القدر
"""
لونك اتغــــير اشوفك مـن سألتك
عن ابوي ودمعتك سالت نظرتك
ميت الزينب تكلهه من وصلــتك
عني لا تخفي الخبر مو انه بنتك

عمي يحسين ... منذبح محبوبي كلي ... مو احس كلبي انعصر
…… ..
الحمد لله رب العالمين
اللهم صل على محمد وال محمد
موسى الخادم…

ها هوه مسلم اتى ارعب جيش الطلقاء
֍֍֍֍
طب مسلم للڪوفه
رعب طبلهم الجيش اختلف حاله
عــرّفــهم عن نفسه
ابن العم الحســين وبيدي مرساله
تأمــر وگـــالوا نبـــــايع وابدمــانه نختم
ماكو رمشة عين هيه وكلها عافت مسلم
أنهُ رغم الاسى ارعب جيش الطلقاء
֍֍֍֍
بي غدروا واختلفوا
بلا كلمه وشرف معروفه غايتهم
حاچــــاهم گــاللهم
يأشباه الزلم چــا ويـن غيرتڪم
مايهمني كـل عددكم آنه عمي حيدر
والله ميلحگ عليڪم لا نكير ومنكر
سيفي للموتِ ارتقى ارعب جيش الطلقاء
֍֍֍֍


ابلا ناصر ضل وحده
الامير الهــاشمي فزعتله بس طوعه
سـل سيفه قــــــاتلهم
وبقت ارجــوزته بالڪوفه مسموعه
أنَّني أَقســـمْتُ حقَّــاً ســــأَمُوتُ حُرَّا
أضرِب الْكُفْرَ بِسَيْفِي لا أَخَافُ ضَرَّا
علويٌ قد أتى ارعب جيش الطلقاء
֍֍֍֍


صح ريجه متيـــــبس
نحل ويقـــاتل ابهـــــل المعرڪه گوّه
وينـــــادي شنهو المي
العطش لجلك يبو الاكبر صدگ يسوه
صاح بيهم مو مثلكم كل وعدكم وهمي
والوعد مــو من لساني آنه يحچي دمي
جسمي للحتفِ ارتمى ارعب جيش الطلقاء
֍֍֍֍

والتمــوا هالعسكر
ذبل من العطش گدروا يأسرونه
واچفوفه شـــدوهن
ولبـــن مرجـــانه ياوسفه يودونه
والعُبـيد الله مســلم گلّه تـــدري الخالق
راح يرزقني الشهاده واعله ايد الفاسق
أنّهُ هذا الفتى ارعب جيش الطلقاء
֍֍֍֍

امر الله واستشهد
على الكوفه اگصدوا وشوفوا منزلته
قارنـها هاذ وهاذ
انمحه قصر الامـــاره واعتلت گبته
الكوفه عن بڪرة أبيها المسلم الله انطاها
بسمه وجه وگفه اتسجلت عاصمه سوّاها
كيف ننسى حينما ارعب جيش الطلقاء
✿✿✿✿✿✿✿✿✿✿✿✿✿✿✿✿
وليد المندلاوي

هذا عنواني ؟؟ ثابت أيماني ...
أنــــه مسلم والنعم
......
أنة مسلم والعدة أيهابوني لــــو لا كيهـم
أخطف الارواح أنة الموت أسيرعليـهــم
ماتهمني أعداي كثرة العندي أهم أكظيهم
أتحزم السيف بيميني جنة نـاوي أعليهـم

لو نوه القاهر ؟؟ يمحي كل كافر
أنة مسلم والنعم
.......
من نسل عدنان أنة الكل نســــل يغنيـني
عمي قالع باب خيبر هل الشرف يكفيني
مثل حمزة بالحرب مــا واحد أيلاويــني
طوعة تشهد عل الشجاعة أرض وسمة تحيني

ياهلة بزودك ؟؟؟ ياوفي وعودك
أنة مسلم والنعم
.........
من سطح قصر الامارة مايـهم يرموني
الاهم عندي رضات حسين نور عيوني
من زغر سني سفيـــرة خلهم يسمعوني
وأبقى حــد أخر حياتي وفنهم يمنعـوني

صاحب الغيرة ؟؟ صعبة تغيرة
أنة مسلم والنعم
........

من حسين أتعلمت ما أنحني العدواني
راسي مرفوع وأبد كل ذلة ما تدناني
بيدي رايات النصر رفت فقد تهواني
غيري ما تهوة أبد يشهد علي الرباني

أرفض الذلة ؟؟؟ تسمع الملة
أنة مسلم والنعم
..........
أنة غيرة وابقى غيرة ما أدنــك راسي
لأخر سنين العمر شامخ يظل نوماسي
خصمي يعرفني وأظن صولاتي لا ما ناسي
عزمي عزم الوالي حيدر والنفس عباسي

تشهد الكوفة ؟؟؟؟ حسيني ما عوفة ...
أنة مسلم والنعم
..........
........
؟؟؟؟؟؟؟؟؟؟؟

الحمد الله رب العالمين
اللهم صل على محمد وال محمد
موسى الخادم…

ليلة مسلم ... هاي الليلة
واجب مو مدمع نبجيله .... نبجي العين

....1....

مسلم حبيب الله وحبيب الزهرة
ليلة مصـــابه فاجعتنه الكبرة
اعليه الظلع هالليلة كون انكسرة

لطمت صدرك ... ترفع قدرك
ام حسين اتعظم اجرك ... اويه الباجين

....2 ...

شما نبجي اله منوافي تشهد طوعه
خلص حياته للحسين ادمــــوعه
سمعاً وطاعــه صيحته مسموعه

وافه بوعده ... وكلشي العنده
وروحه اليملك لحسين ابده .... وهذا الدين
....3....

مسلم عظيم ابخلقه وابحسانه
محد وصلها مرتبت ايمانه
ارض وسمه اعليه المسه حزانه

دمع الناظر .... عالخدر حافر
بوجه السماء اصبح ظاهر.... هذا الحين
.....4 ....

دين الله وأياتة وكتابه وشرعه
علنو حداد اعله السفير بدمعه
كلشي الوداعه الليله يبجي وينعى

ماتت روحه ... بنزف اجروحه
غاب وظل للعالم نوحه .... بسم حسين

.....5.....
باب الله مسلم ما يرد من زارة
يقضي الحوائج هاية من اسرارة
يشهد مضيفه العامر بخطارة

فاتح بابه ... الكل احبابه
ميرد محتاج اعله اعتابه .... يمحبين

........
الحمدالله رب العالمين
اللهم صل على محمد وال محمد
موسى الخادم

امير اهل العزم .... تفر منه الزلم
ابو فاضل ... ابو فاضل
1........
بي تحجي المراجل ... مرجع كل مقاتل
كفو منه .... اخو زينب
ماكو مثله غيره ... هيبت كل عشيره
كفو منه .... اخو زينب

جنة الأسد من يدخل الحومه
بقبضت يمنه الدنية ملزمومه

عباس .... يا حلات اسمه
عباس .... جنه ابو اليمه
عباس ... حاير برسمه .... كل رسام

شجاعه ومرجله وغيره وبساله
تفر منه الزلم ساعة نزاله
فلا واحد يكَرب من خياله
مثل حيدر علي حيد بقتاله

اختلف بس الاسم .... تفر منه الزلم
....2....
مدرسة الرجوله .... ومصدر للبطوله
كفو منه ... ابو غيره
تاريخه ايتكلم .... في عاشر محرم
كفو منه .... ابو غيره

ظل يحصد بروس العده بكيفه
والركب خلصت من طبر سيفه

عباس .... بيهه الاكفايه
عباس .... سيد الرايه
عباس .... ما خلف رايه .... راعي الماي

زلم ما خله طشرهه الكتايب
ملك موت ونزل سوح الحرايب
سواتر سوه منهم عالترايب
وظل صاحب يطك ابراس صاحب

شهم والله شهم .... تفر منه الزلم
...3...
عنوان الإراده .... والعز والشهاده
كَمر هاشم .... منو المثله
بركان الملاحم ... محبوب الهواشم
كفو منه .... منو المثله

فقاره شاهد ساعت ايقاتل
سبعين الف ينعد ابو فاضل

عباس .... قائد القاده
عباس .... هيبت امجاده
عباس .... املوحت الساده .... بدر الليل

من نوره اخذ نورة الكمر واتكحل
ماخذ على الكل بالجمال الاول
الله جعل بي كلشي كامل واكمل
حتى اويه طوله الطول جان مفصل

وصل صيته النجم ..... تفر منه الزلم
4............
سلطان الشريعه ... ابو عين الوسيعه
كفو منه .... كافل اخته
معروف ابوفائه ... شهدت كربلائه
كفو منه... كافل اخته

ظل بالعطش والشاطي بيمينه
ما قبل يشرب كبل ابو اسكينه

عباس .... عالنهر ترجم
عباس ... قصته واتبسم
عباس ... والوفه اتكلم .... عن الجود

تسولف عنه ظلت معجزاته
فلا واحد وصلهه تضحياته
نطه العين ونطه اجفوفه الخواته
ولجل معنى الاخوه ارخص حياته

الوفه راسم رسم .....تفر منه الزلم
......
✍️ كلمات موسى الخادم

سفير اهل المناقب ..... رسم لوحت عجايب
وكف وحده .... ابوسط كثره ... يرف بيده العلم

.....1...
اخذ دور البطوله والشهامة
شجاعه ومرجله وغيره وكرامة
وكف وكفت علي ابتاج الزعامه
يلوح ابرايته الخضره وحسامه

ماهم بكثرت عدوانه
تاريخه ايسولف برهانه

فلا هم ابعددهم .... مثل حنطه وحصدهم
شمر عشره ... على عشره .... امير اهل الشيم




...2...
وحيد وحاطته بكثره العساجر
جبل شامخ وكف والكل يناظر
وراه طوعه اوكفت بسمه تفاخر
اجاكم زلمه مترده السواتر

من حيدر ماخذ كل شمره
وينه البيكم بايع عمره

يبارز هل مقاتل .... ابن عمه ابو فاضل
منو المثله .... منو ابكده ... الحرب بيد حسم

....3...
نزل مثل الغضب مسلم رعبهم
جيوش الميمنه ويسره كلبهم
وعليهم بجه كل عين التحبهم
غلبهم رد غلبهم رد غلبهم

بركان وفار اعله الكوفه
المو من سيفه ايموت ابخوفه

صبح ميت يسامع .... تصب عينه المدامع
فلا واحد ...بقى منهم ... يعيش ابلا ندم

4...........
عليهم زغَّر الكوفه بكبرهه
ومقرات العده ابزوده عبرهه
جثثهم عالأرض كلهه نشرهه
وبقى بس الدمه يسولف خبرهه

كاشف وجهه وما متلثم
روه الكاع بدمهم مسلم

عزم غيره ورجوله ..... سفير اهل البطوله
جعل كلشي ... تحت امره ... سبع منه السلم

...5...
بديه صار الامر وبكلشي كيفه
لعب بيهم لعب بالحومه سيفه
ملك موت ونزل ينشاف طيفه
أخذ منهم عمرهم واخذ حيفه

ما خله البيهم يتنفس
حتى الزلمه البيهم خنفس

الكلف بيهم تخربط .... اديه ورجله ربط
قسه اعليهم ... اخذ حيفه ... بطولاته رسم

6..........

عليهم عجل الموت واجاهم
مثل ركضت اسد يركض وراهم
سكَوه كاس العطش والمر سكَاهم
وعلى اعتاب المدينه صطراهم

سواهم فرجه ابصولاته
ما واحد ردهن سطراته

جبل شامخ توصف .... رسم بالكوفه جم طف
ابو الحمله .. نعم منه .... شبه حامي الخيم
........
✍️ كلمات موسى الخادم

شفته بمنامي مذبوح…
نازف دمة وكلة جروح
مسلم ابوي الغالي
… ..
يابو رقية انه بت مسلم حميدة
امسح على راسي ابجفوفك يالصميدة
يتمني يا عمي الدهر
شفت الابو نازف نحر
بحلامي ما جذب خبر
ميت ابوي الكيته نازف دم وريدة

من سطح قصر الظلام…
مرمي ابوي الضرغام
عالهامة عمي الوالي

… .
ياعمي شاهدت الابو بحلامي مذبوح
ذبلانه ثغرة امن العطش عالغبرة مطروح
ليه اعتنيت ابلا وعي
سايل على الخد مدمعي
والصوت اجاني المسمعي
مايرد سالم ليج ابوج امفارك الروح

فزيت مرعوبه اوجيت
يمك منامي انه احجيت
فسرلي ريّح بالي

… ..
عاينتة. مشبوح النظر للغاضرية
يمكن الك وجّه سلامة يالحمية
جفينة ليك امسلمة
كاتب وصيتة بالدمة
اعذرني يابن فاطمة
هذا انه عهدي وياك وافتني المنية

اعذرني يازين الناس
كاتبلك ابدم الراس
ألفاتحه أقرالي


… ..
يمة اعتنيت ابلهفتي وشلتة اعلى صدري
قبلتة بجفوفة الحنينة ودمعي يجري
بحضاني نيمتة ونمت
وكلساعة ابوسنة كمت
هذا الحلم انه احلمت
ميت ابوي الغالي شفته وكسر ظهري

بسيوف اميه اتولوه
ليّة عدل ما خلوه
ميت نظرته اكبالي
… ..
يا عمي يحسين اليتم قصة الليمة
ما اكدر اتخيلهة اتسمة اليتيمة
الماعدهة ابو اتثوب دمع
يلجمها كل ساعة الظلع
ما يسر خاطرهه الوضع
تكظي العمر بالحسرة والعبرة وهضيمة

الميت ابوهه للموت
تتمنى كل ساعه تفوت
وهاي اصبحت امالي


……
الحمدالله رب العالمين
اللهم صل على محمد وال محمد
موسى الخادم…

صولت محمد صولتة
حي الله مسلم ..حي الله مسلم
بالكـوفة رفـت رايتة
حي الله مسلم ..حي الله مسلم
… ..
طب عليهم عازم … كالاسود ايهاجم .. موت الاحمر راسم
جفة ما يتلاوة
يا جمال افعالة… والحرب تحلالة… رجفّ الخيالة
جفة ما يتلاوة

كل الملايك حيتة…
حي الله مسلم ..حي الله مسلم
بالكوفة رفت رايتة…
حي الله مسلم … حي الله مسلم
… ..…
زلزل ارض الكوفة… ابصولته المعروفة… خلة خصمة بخوفة
… مسلم اصل الغيرة
سيفة كص أركّبهم ... كاس مر شربهم ... ألوحــدة أوعــذبهم
… مسلم اصل الغيرة

والنعم مـن الجابتة…
حي الله مسلم ..حي الله مسلم
بالكوفة رفت رايتة...
حي الله مسلم… حي الله مسلم
…… ..
عالي رف اشراعة… من علي اطباعة ... بالحرب طركاعة…
والنعم من زودة
عـــاد بيهم خـــيبر … يمة ماظل عكسر ... صوته بالحق كبّر…
والنعم من زودة

بالغيرة عركت كصتة …
حي الله مسلم … حي الله مسلم
بالكوفة رفت رايتة…
حي الله مسلم ..حي الله مسلم
… ..
للمراجـل قـائـد …طوعة اعظم شاهد... مثلة ما صح واحد
راهب الخيالة
اعليهم امطر صيفة… دم تكاطر سيفة... بيدة اخذ كل حفية
راهب الخيالة

شال الالوف ابيمنتة…
حي الله مسلم… حي الله مسلم
بالكوفة رفت رايتة…
حي الله مسلم ..حي الله مسلم
… .

مسلم امـن يقاتل … نسخة من الكافل... عزمة محد شايل
ما ركع للباطل
خوفة طش أبنصهم …عركاهة أكصصهم... بصولته خلصهم
… ما ركع للباطل

محد وصلهة شيمتة…
حي الله مسلم … حي الله مسلم ..
بالكوفة رفت رايتة…
حي الله مسلم ..حي الله مسلم
… ..
عامرات اصروحة … ما قنع بجروحة... لدينة ضحة بروحة
اي وحك حسينة
مسلم ابلا ناصر ... جيش امية امحاصر... وحدة كظ الساتر
اي وحك حسينة

طلك ثلاثة دنيتة… ..
حي الله مسلم ..حي الله مسلم
بالكوفة رفت رايتة…
حي الله مسلم ..حي الله مسلم
...........
الحمدلله رب العالمين
اللهم صل على محمد وال محمد
موسى الخادم

يمهدي … خامس ليلة هاية
يمهدي … دموع امن البداية
يمهدي … علن مسلم غيابة
……
ليلة الخامس بسم والـــد حمـــيدة
نقـــرأ هــــذا البيت مو مرة نعيدة
روحة فاضت في سبيل الله شهيدة
مات متخضب ابدم هامة اوريــدة

يمهدي … من سطح الامارة
يمهدي … تقــــدم بعـــتذارة
يمهدي … لبـن بيت النجابه
********
نحي هـــذه ليلـــته بالــــونه والاه
راح مسلم من ادينه صيحو ويلاه
يتمـــوهة ابنيّته الماخـــذهة وياه
ياهو اليعوضهة ابوهة غير ملكاه

يمهدي … اليتم صوب حميدة
يمهدي … كتـــبناهة بقصيدة
يمهدي … ترك مسلم احبابه
………
اشما عليه نجري المدامع ما نرده
المات ما يرجع ومسلم سكن لحدة
الكوفة غدرت بيه وأتامرت ضدة
طوعة تشهد محد الناصرة الوحدة

يمهدي … بقى مسلم يكـــابر
يمهدي … وحيد ابلاية ناصر
يمهدي … كتب قصة عذابة
… ..
بيك نعلم يابو صالح وبجروحك
عالسفير المنغدر مبهوته روحك
نوحك ابهل يوم ابد مايهدة نوحك
موت مسلم سيدي هدلك اصروحك

يمهدي… شيّب راسك الهم
يمهدي… دخيلك بأمرك اهتم
يمهدي… نخاف اعليك يابة
************************************
الحمدالله رب العالمين
اللهم صل على محمد وال محمد
موسى الخادم

سلطان العزوبية ... يمه الحاجه مكضيه
باب الحاجه مسلم

...1...
كلمن خانكه الهم ... خل يكصد لبابه
باب الحاجه مسلم .. ميأخر الاجابه
تشهدله الملايين ... خير الله أبثوابه
منة وثلث انعام .... بن سيد النجابه

مسلم للسفاره صار عنوان
حافظ للامانه وابد ما خان
يشهدله الحسين المات عطشان

( رفعت راس العالم بسره )


...2...
عامر ظل مضيفه ... حتى بموته عامر
اليدخل يمه محتاج ... يطلع منه تاجر
عنوان الكرم صار ... بي كلهه تفاخر
كلمه بحقه تنكال ... من فوك المنابر

مسلم بالكرم تشهدله الاسنين
مارد سائل اتعنه بدمع عين
ابدال الجف يمدله اجفوفه الاثنين

( والما كفاه ينطي العشره )


....3....
مسلم بابه مفتوح ... للحاجاته يسئل
يم شباجه الاثكال ... تسهل والله تسهل
مستشفى الشفه صار ... لليكصدله معتل
يرد يمشي اعله رجليه ... اليدخل يمه منشل

بصحنه المعجزات انذكرت اشكال
دكتور العلل مسلم بلا مال
جم واحد ابواحد شافه بالحال

( تشهدلة الآيات الكبرى )

....4....

هنياله الذهب صار ... متعلك اعله كبته
متشيم صبح حيل ... من صار بصحبته
مسلم باب الحسين ... كل خير بعتبته
كل زاير اجه ضيف ... رد ماخذ طلبته

املاك السمه اتزاحم الزوار
يم شباجه تفتر ليل وانهار
ومسلم سِفرته اتشرف الخطار

( امن الشام الحد كوفه السفره )

....5....

اشما تكتبله الأقلام ... ماتوفيله حقه
سيرة عمره تحتاج ... جم ورقه اعله ورقه
مسلم اسمه تسبيح ... واجب عالينطقه
يتوضه بصلاوات .... حتى بذكره ينقه

ابو ابراهيم طاهر من الانجاس
مسلم حجة الله البعد عباس
تشهد اعله تقواه سائر الناس

(يم حيدر دارس من زغره )
....
تمت


كلمات
موسى الخادم

#قصائد_السيده_زينب_الحوراء_ع_نزال_ثگيل_شور




اخت الـگـمر هيبه وفخــر ثوره وعــزم طـول الدهر

__*

هايه الابيــه الطاهـــره المرضيـه
بت حيــدره ام الوفه القدسيـــــه
ياهو الحچه وگال الشرف مسبيه
اسرت جــــيش بأكــــمله العلويه
بنت الوصـي هيبــــة علي ذلـــــــت زلم طول الدهر

_*

ذلت جيوش الطـــاغيه ابصولتها
اروع ملاحـــم للصــــبر صفـــتها
قادت عساكر من حجـت خلستها
بالمجلس اتگول الوصي خطـبتها
ثورة شـــرف ما تنوصـــف لوحـــــة قيم طول الدهر

__*

خطـبتها زلال وحچـــــتها ابهمـه
ما چنها زينـب بت علـي لا زلمهه
عباس هيــــه غيــــــرته وي دمه
حيدر علي جنها خذت من عزمه
مــا تنسبـي بــــنت النبـي ثـــوره وعلم طول الدهر

__*

زينب شرف ما نگــدر انوصفهه
حتــى السوالف تعجـز اسولفهه
هيبتها من حيدر عـــلي نعرفهه
موقف بطـــوله العالمه موقفهه
بـــت فاطــمه ثــــورة سمه بنت الشيــم طول الدهر

__*

مسبيه ياهو الگــال عنها انذلت
حيدر ابوها اتگول حيدر صلـت
ذلت يزيـد القائده مـــن خطبت
هيبة بهاء المرتــظى من وكفت
رغم الــجـره اعظــــم مره منـــها ونعم طول الدهر

__*

تمت بحمدالله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_عبدالله_الرضيع_عليه_السلام




لا لا تذبَــــــحوه عـبد الله عوفوه ازغيــر بعده اعله الذبح
شمسوي ويموت عبـد الله ياقوت وتضوي ضحكاته الصبح
خلو اوليدي ازغــــيرون
من عنده بلا اشـتردون؟
____***

عبد الله ورده امفتــحه ضحكاته گلبي تشرحه
لو راح اقــــــره الفاتحه وبحالي شيصير
ما شافن اعــــيونه هنه اشهور عــمره مو سنه
عوفولي يا ناس الضنه عبـــد الله ازغير
ضحكاته ضحكاته ما تنسي اوليدي
عوفولي عــبد الله ليروح من ايدي
لحد يجــــي يگـلي يم الولد هيدي
عبد الله ضحكاته ياناس انه عيدي
بالخيـــمه خــلوه روح امــه تدروه ما مر عله اعيونه الفرح
عبــد الله قــران ولروحــــي اذان وتضوي ضحكاته الصبح
بفراگه روحـي تلچـمون
من عنده بلا اشـتردون؟
____***

عبد الله لعـــيوني ضـــوه ليــش انــحرم من الهوه؟
عطشــــان واگليبه انچوه شمــسوي يا ناس
ضحــــكاته التزيل التعب انحرم من عنـده اشعجب
عبد الله يالروحـــك ذهب يــا وردة اليـــاس
يا يمه يا يــمه يا فتشــت اعـيـوني
يوليدي عـــبد الله يا يمه فجـعوني
لو اسكـــن ابهـــيمه لا لا تـلوموني
خلوني اشـــمنه لــو مــــره خلوني
شمسـوي ويـروح ضل دمعي مسفوح شيـهود ابفــگده الجرح
ضل يابـس اشفاه عـــــبد الله اويلاه وتضوي ضحكاته الصبح
ميته ابوداعه اتعرفـون
من عنده بلا اشـتردون؟
___***

ورده واشم منها عًًــــطر ما كبرن اسنـــين العًــمر
يا ويلي مگطوع النحًّــر يا ذنـــب الازغار؟
نحره ترف ليش انگطع؟ امه واحس گلبي انشلع
يا ناس حالّـــي منفــجع بفـــــراگه احًـــتار
يا ليلي يا ليلـــــي بعـّــده يعًـــذبني
وافراگه وافراگه يا ناس يلچــــمني
لحضاني اريدنه جيبولي هسه ابني
شيعوض اغــــــيابه والدنيا تطلبني
يلچـــمني فّـــــرگاه ما اگــــدر انساه مهدوم اله بروحي صرح
يتفايض احسـاس چان ويه الانفاس وتضوي ضحكاته الصبح
جر النفس بـيه مـرهون
من عنده بلا اشـتردون؟
__***

بعيـونــي ارســمله صـــور عـبــد الله مــــاي البلنضر
بفراگه امــــــوت من القهر وتسلـــــني الايــام
يا عــــودك ابـــسرعه ذبل يا حلمـــــي واتبده الامل
يهلالـــي هــم لـــــيه تهل وتــــضوي الاخيام
راح الحلم يـــمه واتــبدت احــلامي
من گالو اوليدج رد مــــنذبح ضامي
عبد الله من دونك ما تــسوه ايامي
يالمنذبح وردك حتــــى الحلم دامي
حتـى الهوه الهاب گالولـي چـــــذاب بايـگ وجــه كــله سمح
ميردلــــج اخبار ماضي الحلم صار وتضوي ضحكاته الصبح
حتى الهوه يخيب اضنون
من عــنده بلا اشــتردون؟
_____***

المن بعــــد انطـــر حلـــم؟ والمــــن بعد ريحـه اشم؟
نصين احس گلبي انجسم واتبـــــدت احــلام
راح الولـــــد اه يالولــــــد خالــي بقه يمـــــي المهد
چا المـــن اعيــوني تصد؟ نام الولـــــــــد نام
المن بعد ابــقه ؟ واوليـــدي عافــاني
مشـــتاگه لنفاســــه يالـــما الــه ثاني
يا گلبـــي متگلــي متــموت شمـتاني
عبد الله ما يرجع ضل وحـدك اتعاني
ما شــارب المـاي ميــــت يرجواي يالشــــــوفتك لا ما تصح
عايفنــي للنـــوح يمعـــذب الروح وتــضوي ضحكاته الصبح
لمك بعد ماضـــــــل لون
من عنده بلا اشــتردون؟

_____***

تمت بحمدالله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_الامام_العباس_عليه_السلام_نزال



نزل عـــباس هلا بعلــومه علي الكرار نزل بالحومه

_***
تچف لو صال دخيل اچفوفه
خزرت الــعين تـحد اسيوفه
نزل وتگول شمس مكسـوفه
زود عبـاس وصــــل للكـوفه
هاشم احيــــود بعد معروفه
يابو فاضل يابو فاضل
_***

عمر محـتار؟ يگـــــلهم جاكم
شــرده لاويــن بعـد مــنواكم
بعده مـا صــال غدد خــلاكم
نزل عــباس فريضـه وحــاكم
صدگ تحچـون شنو ونتوالم
يابو فاضل يابو فاضل
_***

زاح الجيوش سطرهم سـيفه
ســـيد المـاي يجــيبه ابكيفه
من ابو اتــراب علــي تكلـيفه
ترجف اعداه عـمر بيه خـيفه
امعزب ارگاب لـــون اتضيـفه
يابو فاضل يابو فاضل
__***

علي لو صــال تحـــس بفعاله
گمر مهـــيوب بُـعد عــن خاله
طيـــح اعــگول عــدم خياله
رجف الماي يشــل احََـــــواله
فگره ليــــــروح يحَــطه اباله
يابو فاضل يابو فاضل
___***

ادخيل لو صال دخيل اعيونه
عــــــلي الكــــّرار بدو يقرونه
قائد الجيـــــش تغـــًـــير لونه
گلهم اشلـّــــون اذه اتلاگونه؟
علي وصفـــين اجتنه افنونه
يابو فاضل يابو فاضل
___***


تمت بحمد الله وتوفيقه:الخادم المقصر ناجي ابو كيان الصالحي ونسألكم الدعاء لي ولوالدي

#قصائد_ام_البنين_عليها_السلام
*


يا ام البنين يا ام البنين يا ام البنين


__*

عن الاولاد اشأسولف والله يحتار الوصف
للوفه وللخوه هّــــمه بيهم الحـــق ينعرف
ولچ انعرفو نشـــامه سبـــع واحدهم كلف
ضحو ابدم المناحر ســطرو لوحـــة شرف
حب الحسين ابمهجهم صار يالحره شغـف
يا ام البنين يا ام البنين يا ام البنين

___***

للأخوه احـزام شدو سجـلو اجــمل صـور
اربعه طــاهر لبـــنهم للحسين انــطو عـمر
كربله تشـهـد علــيهم بيهم احـــزام الظـهر
بيهم العباس غيـــره جـــاب لسكينه نهــر
يحرگ الدنيا لجلهه من تحشمه ام الخــدر
يا ام البنين يا ام البنين يا ام البنين

___***

ولدچ احـتار ابوصفـــهم يالوفيـه الطاهره
منين ابدي واضـــل حاير عالوفه يمخدره
ياهو مثلچ هچي ضحت ياهو مثلچ يامره
ربت الها اولاد غــيره وللأخـــو لزمو سـره
يبقه ابو فاضل نجمهم وفي سبع الگنـطره
يا ام البنين يا ام البنين يا ام البنين

___***

للحمــيه ازلام كلفـه عزبــو بالــــدم صـدگ
راضعتهم غيره انتي وفايض بدمهم عشگ
حسين گلوله اعله ايــدك تامــر وما نفترگ
بالوغه كلهم نشامه و چــفهم اليحرگ حـرگ
وگالو لزينـــب اخــتنه للمـنيه انهـد طبـــگ
يا ام البنين يا ام البنين يا ام البنين

___***

يم البنـــين اوفيتي صــدگ ربيــتي زلـــم
كلف واحدهم نشوفه شــهم يالحـــره شهم
عالمراجل من نسولف والله من عدهم نعم
للوفه صــــارو منـاقب اربعـــه كلهــم قيـم
يا قلـــم يكــتب عليــهم يرد يــحتار القلـم
يا ام البنين يا ام البنين يا ام البنين

___***

تمت بحمد الله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

قصائد_الامام_الحسين_والامام_العباس_عليهما_السلام



يم النــهر طــــاح راح الگـــــمر راح مو وكته ويـــنام رد كاض الاصفاح

___***

رد للخيم وحـــسين رايح حيله
راح اليـــعـــينه قبـــل ويتچيله
يـــم الشــريعه مــــات اليفييله
عباس مات وصار مــــضلم ليله
رد ظهره مـكسور وبصفـنته ايدور
يتعّـــــثر حســين مو حگــه معذور

___***

لازم اصفاحه وصَـَــل يم الخيمه
ودع حياته ورجع محني الشيمه
فاگد اخييه وياهو يفًــهم ضيمه
وحده يون ضل الًـحسين بهيمه
مجروح وأنـصاب ويطـــًــــشره الهاب
مگطوعلـه احزام مو حــــگه لو شاب

___***

طيح عمود الخيمه من طب ليها
ويگل لخيته الخوه شــح راعيها
زيدي البواچـــي زينب يحاچيها
لم الفواطـــــــم بالخــــيم واليها
ويصيح عـــــباس يا بــعـد الانفاس
وين الگه ياخــوي للخــــوه مقياس

__***

معـــذور حـــــگه لو تغـــــير لونه
عباس شوفه وعمه شوف اعيونه
ما چـنه ذاك حسيــن التــــعرفونه
رجع والكافــــل حــــــناله امتونه
ويلاه يمـــظــلوم ما يگــــــدر يگوم
يالنايم اشـــلًًــون لو هـــجمت الگوم

_***

معذور حگه انذبح بدر احساسه
ودع اخيه وصـــــار ابيض راسه
متعيني بالگـــــوه يــــجر انفاسه
ميت عضيـــــده هـيبته ونوماسه
ذاك القبــل جــان للخــّـــوه عـنوان
يا عازة حســــين للمـــالــه ذرعــان

__***

تمت بحمد الله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

من رخصتك يبن العم
كبلك اريد اتقدم
....
من رخصتك خليني اطب
كبلك يلاكبر للحرب
خل اكلب الحومه كلب
وصبغ جثثهم بلدم
.....
خل اترس الحومه دمه
اطبك ارضها ويه السمه
اقسم وحق حامي الحمه
من سيفي اجرعهم سم
....
خليني اظوكهم طعم
سيفي اذا بيهم هجم
والله اسويهم غنم
اكبالي من اتقدم

اهنانه الأكبر ماقبل
وبين عله عيونه الزعل
هز رايته بغيض ونزل
والخضره بيها تعمم
.....
هز رايته وسيفه سوه
وصوت الغضب بيهم دوه
عنهم كطع حته الهوه
وحتهة سماهم غيم
....
وهنانه ابو فاضل حضر
وصدلهم بنظرة فخر
الهم امر منه صدر
الصوله خل تتقسم
٠٠٠٠
سمعو كلامي ومايلي
هجمه الك هجمه العلي
وخلو البقيه تظل آلي
وتركو البقيه للعم
... ..
كالوله ياعمي افه
علورق ونهب عاصفه
لو منهم شويه صفه
حصتك تظل لاتهتم
اتبسم وكلهم كفو
ولنعم من ولد الاخو
نعم الولد نعم الابو
دك علجتف وتبسم

فارس حساني العبودي
.

اليله المنازل خاليـــــــــه اليله
---------------------------------
اليله الحنيــــن محمل ضعونـه
دايــــــر گفاه ومفـرد متونــــه
رچــب بناتــه وسـرج ميمونــه
واهل المدينــه العـوده تدعيلـه
------------------------------------
اليله الحبيـــــب يودع احبابـه
وبوداعه چنــــه مطــول غيابه
عزل مضيفه وبيـده ســـد بابه
وگام المنيته والها شــــد حيله
-----------------------------------
اليله اليطــب الدور اهالينـــــه
يشبع بواچي اليطرش اعلينــه
شايــل بختها ومايــرد لينـــــه
والعنه تمشي احبابـــــه ياويله
-----------------------------------
طوح ضعنها وغـربــــت هاشم
ياربي رده مـــــــن السفر سالم
هواي الضعنهم عرضـت الوادم
ماعندي غيرك خاطـــر اشكيله
-----------------------------------
اليله العليلــه تفارگ اخوتـــــها
وتبطي اعله باب البيت وگفتها
دمعتها محــد مســـــح دمعتها
طـــول النهار حسيــــن تبچيله
-------------------------------------
مصطفئ الصالحي
،،، نزال،،،
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

مسلم

يا خـيالـها ويـمـبـچي السباع
يا شاهين صيدك تارس الگاع

كــوم وزلـزل الكـوفـه.
وخلي بكـل گلب خوفه
يا شاهين صيدك تارس الگاع
———————
كــرار ارد أشـوفـك نازل اللـيـله

سل سيفك يا مسلم جتك العيله

هد وعلن حرب يمونس الكحيلة

وأكلك يا هلا واعـگـدلك الشيله

حلـوه ابـچـفك الـرايه
ودگ ابكـل سطح ثـايه

عفيه ارجال هاشم حگها ما ضاع
يا شاهـيـن صـيـدك تارس الگـاع
——————
نازل للحرب چـن حيدر أتـشوفه

عـيّـت والزلم يلگطها بـچـفوفه

هاي افعال مسلم هيـج معروفة

عاف الروس والدم تارسه الكوفه

زلمه ومـن ضهـر زلمه
يـشبه بالـحـرب عـمه

يا حـــمـايـها ويا زيـن الـطــبـاع
يا شاهـيـن صـيـدك تارس الگـاع
——————
يالـدگـيـت صـيـتـك بالـقـصر ثايه

ياهو السوه مـثـلك هـاي السـوايه

يـمـفـحط الـزلم والـخـيـل والرايه

لا ثـنه ابـضـربـته ولا ثـنـا احـجايه

غيض امن الگمر جاسه
وصعدت غيرته ابراسه

عركه وبـيها مسلم تخلص ابساع
يا شاهـيـن صـيـدك تارس الگـاع
——————
زلمه امن الهـواشم هد واخذ حيفه

هد والروس كـلـها اتـدنگ السـيـفه

صـــياد الـزلــم يــتـخـيـر ابـكـيـفـة

الشارد من ضـربـتـك لاحگه ابطـيـفه

صيـتـك تارس الـديـره.
تـنـبع مـرجـله وغـيـره

وفـاي وضـمـريـك عـيـب يـنـباع
يا شاهـيـن صـيـدك تارس الگـاع
——————
يالـبلـطـول سيفك يگـطـع الشعره

عطشان وضـميـرك ما شرب گطره

والأجمل شموخك رافـض الفـكـرة

اتـعـينـك يا ابو طاهر امـك الزهـره

ما همـيـت للضـالم .
بـيـك احتارت الوادم

يا حيف وهضيمه اتموت السباع
يا شاهـيـن صـيـدك تارس الگـاع
——————
عقيل زيدان الفريجي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي