مو بالعدد والاموال
موقف يخلد اسمك
؛؛؛؛؛
ستين الف يرحون فــــــدوه لطوعه
واحد وفي افضل مــــــن المجموعه
مسلــــــم يخبل بالشعر مـــــوضوعه
تطلع قصــــــائد كلها مـــــا مسموعه
محلاها اذا لجل الدين
تستشهد انت بدمك
؛؛؛؛؛؛
انتي اسمــــِچ نسویله لازم ديوان
زلمه انتي ما محسوبه وي النسوان
غـــــم الشــِــوارب بالــدراهم تنهان
بابچ انفك يا طــــوعه گبل البيبان
حدد مصيرك وارتاح
شد حيلك انت بعزمك
؛؛؛؛؛؛
مــــــرقد الچ لازم یصیر وتمثال
صح مره بس تسوين مية رجال
كلمة الحــــق عالرگبه لازم تنگال
ينشال كلشي وموقفچ ما ینشال

لتخلي بالك ارباح
خلي لامامك همك 
؛؛؛؛؛؛
شنهي القصر بس  بيتچ افضل منه
مــــن گعد بـــــي مسلم تحول جنه
گلتيله مسلـــــم احنــــه بيك امنه
موقف الچ طوعه ونسولف عنه
گلتیله يا مسلم كون
عمري ويخلص يمك
؛؛؛؛؛؛
اول مـــــره بالكوفه هـــم تتصدر
مــــا نامــــت وظلت تناطر تسهر
ما خافت ويم بيتها شگد عسکر
واليمتلك مثلـــــچ ابد مـــــا یعثر 
موقفك وي اهل البيت
لازم يحقق حلمك
؛؛؛؛؛
علي جبار الكعبي
الفاتحه لوالدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

طب خبر عاجل مسلم اعله الكوفه
القصر واهــــل القصر بيهم خوفه
حي الله مسلم
&&&
يودون العدد ما يرد بس واحد
مسلم هذا خـــلاه الهم الشاهد
ماكــــو قائد وبس مسلم القائد
قائدهم وظل نص القصـــر لابد
جا وين قائدكم ابــــــــد ما شوفه
القصر واهــــل القصر بيهم خوفه
حي الله مسلم
&&&
متربع وشيخ ودخـــــــل ديوانــــه
نص الكوفه مسلم صاح هذا انـــــه
كلمن يحچي مسلم يگطع السانـــه
مثل الحمزه هم يسطر بذرعانــــه
ضربات مسلم توجع من اچفوفه
القصر واهــــل القصر بيهم خوفه
حي الله مسلم
&&&
طب إنذار مسلم ســـــــدو البيبان
مسلم چــــــان وضح يشبه الاذان
تحچي الكوفه لكن تشبه الخرسان
وادم باطــــــله بس تقــــره القرآن
وگفتك مسلم واضحه ومعروفه
القصر واهــــل القصر بيهم خوفه
حي الله مسلم
&&&
ما يحتاج مسلم جيش مـــــا راده
المو سيد ابد لا يوصــــــل الساده
هي القاده تهوه ســــــوالف القاده
خله الجيش مسلم مثل الگلاده
الجرح مسلم بيده هـــــــو يروفه
القصر واهــــل القصر بيهم خوفه
حي الله مسلم
&&&
ماكو زلم چانت طوعــــــــه الزلمه
انطو كلمه بس مـــــــا وفو الكلمه
صح طوعه مره بس تمتلك همه
بطاسة ماي طوعه وصلت القمه
معزبه طوعـــــه چانت ومضيوفه
القصر واهــــل القصر بيهم خوفه
حي الله مسلم
&&&
علي جبار الكعبي
الفاتحه لوالدي

لسان حال الامام السجاد ع

خيامي ٱتوجرت وسكنت ،،، بيداي
ٱعـثر والسـنـاسل تـگـص  ،،، بيداي
تعيرني الشماته اتصيح  ،،، بيه داي
الداي إهون ولاعمتي سبيه
،
،
،
،
فاخر الشبيبي

( حاير ... بالكوفه و حدي )
حاير ... لا أهـــل عــندي
تحضرني هل ساعه وتضمد اصوابي
بعيده المسافات شيجيب احبابي
حاير .... حاير
""""""
وي روحي اسولف... وين اخوتي الجانو سند الي
هسه انه وحدي ... حال الغريب ابعيد عن هلي
يا باب ادكه .... بالكوفه ما صح باب ينفتح
عباس وينك .... طايح بشـــده وانت ابن علي

سامع .... يا خوية صوتي
سامع .... كربت موتي
انت الاعز من بين كل اصحابي
بعيدة المسافات شيجيب احبابي
؛؛؛؛؛؛؛؛؛
بالكوفه موتي ... انه اعلم بهذا الامر يصح
مو موتي خايف ... خايف يجي محبوبي ينذبح
لحسين كلشي ... فدوه يروح وخوفي لا يجي
خانو عهدهم .... الجانو اويانه البارحه الصبح

بالي ... يم ابو اليمه
بالي .... مو يمي يمه
ياهو اليوصل للحسين اكتابي
؛؛؛؛؛؛؛؛؛؛؛
بقصر الامارة ... كتبو وثيقة موقعه بغدر
مسلم خصمهم ... من عالي سطح القصر ينشمر
وحسين بعده .... بحر الشمس يبقى بلا غسل
باعو ذممهم .... ليزيد وابن زياد والشمر

الكوفه ... خانت عهدها
الكوفه ... غدرت سندها
المن اوجه يا اللهي اعتابي
؛؛؛؛؛؛؛؛؛؛؛
ناري بدليلي .... مستعره ما يطفيها كل برد
جني أبزينب .... باجر سبيه ومالها اليهد
بين الاعادي ... محنية تمشي محدبه الظهر
تجري المدامع ... لحسين اخوها الما يرد بعد

جرحي .... ما همني بكثر
جرحي .... الزينب ينذكر
مكسورت الخاطر رسمها اخضابي
؛؛؛؛؛؛؛؛؛؛؛؛
لو بيدي ارجع .... وامنع حسين الكربله يطب
مابيدي حيله .... مو بالسهل هذا الامر صعب
أحسيني لازم ... بحافر الخيل العشرة ينسحك
تكسر ظلوعه ... وجسمه الترف يساوه عل الترب

ونحرة ... ينحز من كفه
ونحرة ... يا حال اوصفه
ريت الزمان يعودني اويه انسابي
؛؛؛؛؛؛؛؛؛؛
الحمد الله رب العالمين
اللهم صل على محمد وال محمد ...
. موسى الخادم

((السلام علئ مولاي مسلم ابن عقيل))
           ـــــــــــــــــــــــــــــــــــــــــــ
       ياأول شهــيد بــدرب الحسين
      عالتاريخ ظل اسمـــك نياشـين
مثلك ماكو ابن عم ــــ لـجل الحگ تحزم
         ياأول شهــيد بدرب الحسين
        ـــــــــــــــــــــــــ ١ ــــــــــــــــــــ
                      
بالمواقف ــــ  اتبين اطباع الزلم
لگلبه لجلك يلجم ــــ صاحب
بالشدايد ــــ سيف كون بيمنتك
ودرع وكت مصيبتك ــــ واجب 
تبين بالصعاب الناس
                   مــــــن تعرف مواقفها
اكو بيهم يضحي الروح
                   واكـــو كل خوه عايفها
     نعمه من يبين معدن الناس
    مسلم بالمواقف صار عباس
غيور ورخص الدم ــــ لجل الحگ تحزم
       ياأول شهــيد بــدرب الحسين
        ـــــــــــــــــــــ ٢ ــــــــــــــــــــــ
والكلافه ــــ تريد صاحبها الكلف
بوحده والينـــعد آلف ــــ زلــمه
والرساله ــــ اتصير بجفوف العرف
الگله غيره او مايجف ــــ اسمه
اختارك للسفارة حسين
                     وانت التعدل الميله
دين الهادي شافه ايميل
                     گال انـــــت التتجيله
يمسلم والسفارة لشخصك اتلوگ
يعرفــــك ابو اليمه اترد الحگـــوگ
حسين بشخصك اهتم ــــ لجل الحگ تحزم
        ياأول شهــيد بــدرب الحسين
        ـــــــــــــــــــــ ٣ ــــــــــــــــــــــــ
ما يهمك ــــ الكوفة لو كل الدول
انــت تربــات الفــحـل ــــ حـيـدر
انت قائد ــــ مثل حيدر بالحرب
الشافك  ايـتيه الدرب ــــ تزئــر
سيفك لو دخل ميدان
                  ذو الفقار من يدخل
القادة من تشوفك جاي
                  من حرورتك تجـــفل
ما گــــصر يمينك كص بالاركاب
الما لحته عدل من الحرب تاب
ثغرك من تبسم ــــ لجل الحگ تحزم
    ياأول شهــيد بــدرب الحسين
        ــــــــــــــــــــ ٤ ـــــــــــــــــــــــ
والسفارة ــــ اتريد من عندك نحر
وتبقه لدروب الدهــر ــــ گمرة
الشهامه ــــ اختارتك ليها فخر
خير والضدكم خـسر ــــ عمرة
كل الضدكم اهل البيت
               عيشها بحـزن روحـــــه
والحبكم يضـــل للــدوم
               بيكم تنشفي اجروحـــه
المايندل دربكم اعمه الـعيــون
باجر بالقيامه من اليـــــندمون
عليهم سيفه خيم  ــــ لجل الحگ تحزم
       ياأول شهــيد بــدرب الحسين
     ــــــــــــــــــــ ٥ ـــــــــــــــــــــــ
والبداية ــــ انكتبت بماي الذهب
لجل ابو اليمه التعب ــــ راحـــه
والنهايه ــــ طاح دمـك الأرض
جان كل همه الــفرض ــــ لاحـه
عاجز واكف التاريـخ
                 مــن ايمر عله أفعالك
من فوگ القصر ذبوك
                 وانـــت حســين البالك
خـــظر دمك عله الرادك اتموت
بيام السكوت انت الصرت صوت
بدرب الباري مهتم ــــ لجل الحگ تحزم
       ياأول شهــيد بــدرب الحسين

           ـــــــــــــــــــــــــــــــــــــــــــ
الشاعر : خالد جودي العارضي

طاست ماي  مغزره  اهواي بيه
موقف تاريخ  يسوه المريخ  هيه
ياهو انتي احچيلي
&&&
دگيت الباب اعله الحرمه  چانت ليل وكلش ضلمه بعيني ارماد
هاي الحرمه شگد اصليه  امبينه اهواي اعزوبيه بنت اجواد
ما گالتلي انت منين بس تفضل الداري
يا اهلا وسهلا بيك انت الليله خطاري
ما راح اطبخ انه الزاد اذبحلك من صغاري
ماكو اثنين  مثلچ وين ما شايف
بيتچ صار  ظل ينزار ما خايف
انه بكل حيلي
ياهو انتي احچيلي
&&&
مبين متعوب من السفره  واضح من عيونك حمره     وهم تعبان
من وجهك انت اكبر ثوره  هاك اشرب ماي واتروه    هم عطشان
هاك استمع معلومات خل احچيلك اهوايه
مثل الدرهم بوجهـين هيچ الكوفه حچايه
مرايه بوچهك ايصيرون بس بالظهر سلايه
امن زين  احچي منين      يا ديره
گلبي ايگول  ابن افحول  تفسيره
ردتك تدعيلي
&&&
جايب مرسال بچفيني  هذا المرسال من احسيني وكلش هام
مسلم انه الليله بدارچ  شكرآ عزبتي الخطارچ رفعة هام
ما تنحرز هاي الناس المن احچي سالفتي
مثلچ ما شفت نسوان بس گليلي ياهو انتي
اهل الكوفه خافت ليش وانتي ابدن ولا خفتي
ماكو باب  كلها اذياب  خوانه
من طبيت  ماكو بيت  گال انه
واضح تحليلي
$$$$
خل احچيلك ياهو انه  خادمتك هاي الانسانه اهلا بيك
طوعه اسمي وانت تشرفني  نعمه ويا مسلم تعرفني خفت اعليك
ما تنعد نعمتي اليوم ما تنعد ولا تحصه
فرصه وحده بالاعمار وانت الليله الفرصه
لو طاحت النگطه شلون بيش شتنفع الگصه
جندي وياك  عد يمناك  خليني
فدوه الروح  خل التروح  يم ديني
طول يا ليلي
$$$$
افرح لو يزداد العسكر   انه ومتعلم من حيدر  قرة عين
خل تزداد جيوش وقاده   من الروؤس مسوي گلاده لجل حسين
مثل الخيط اسوي الجيش بيدي ويدخل الابره
ما يكفيني واحد لا اكتل ميه لو عشره
توجع ضربة البتار لمن اندب الزهره
حار الراس  چن عباس  غاضب
وسط العين غير حسين ما حب
ادري يناديلي
$$$$
علي جبار الكعبي
الفاتحه لوالدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

بحق مولاتي حميدة عليها السلام 

ليش تروح اوابقه اوحيده
بـويـه افـراكـك مـر مـاريده

*

يــا أول او آخـــر حـنـيـن بـدنـيـاي
مـاعـودتني تـروح يالـدومـك جـاي
إفراك وجهك بويه عطشني اهواي
مشتاگـه بچفوفـك تشـربني الماي

ليش چفوفك عني بعيده
بـويـه افراكك مـر ماريده

*

يالسافرت ديــرة حــزن بحساسي
ومن الدمع مـا بيه أجــر انفاسي
يـا بــو حميده يـا أعــز كـل ناسي
فركاك خله الشيب يمشي براسي

غير المدمــع لا مــا جـيـده
بـويـه افراكـك مـر ماريده

*

للكوفـه عمي احسـين كـالـوا وداك
يمكن بـعـد مـا ضـوك ملحة ملكاك
لو أدري ماترجعلي جا رحت وياك
ثـوب الهجر مالايـگ اعله اليهواك

الفارك وجهك شنهو يفيده
بـويـه افراكـك مـر مـاريـده

*
مـن داروا اعليه وبــچـــوا أهـــل البيت
اعليك صــايــر شـــي يمسلم حـسـيـت
من مسحوا اعله راسي بويه احتاريت
مــو دمعي فـــوك الـرمــل آنــه اتبديت

كـالـوا يـنـزف دم اوريـده
بـويـه افراكك مـر ماريده

*

بعيونـي كـل الـدنـيـا صـارت عاشور
والـبـيـت أظــلـم چــن ظــلام الـكـبـور
يا ويلي مـن هــذا الـوكـت مـن إيدور
يشعل الظلمه ويطفي بچفوفه النور

ظلمه البيت اومـيـت عيده
بـويـه افراكك مـر ماريده

*
أدري البواچي مـا تـرجـع الرايح
بس اشيسگت گلبي من الصايح
مـن القصر كالولي نـحـرك طايح
كتلهم الـمـالـح يـســولــف مـالح

لا مـا تـتـرس عيني البيده
بـويـه افـراكـك مـر مـاريده

****

سليم الغزالي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

من حمل وشال الضعن .. اركض لحكته
عايز سبيه هالضعن .. خجلانه صحته

وين ماكو ادموع اخذني

****
زتيته وبآخر امل شلت انه اديه
وحسين كدام الضعن واندار اليه
صحت ضعنك بي نقص عايز سبيه
اب يمه ارجعي حسين صاح ورد عليه

من كال يمه اتعثرت .. والشيب اخذني
من الكاع وبكلبي صحت .. يحسين يبني

بكلبي ارحم لا تردني
وين ماكو ادموع اخذني

****

بدويه وام ل اربعه انت اغله منهم
واربع ولد كلهم خدم حاطو ضعنهم
بس هي تكمل لو خذو وياهم امهم
وخمستنه خدام الضعن يشرفوني كلهم

خمستنه نركض بالدرب .. كلنه بخدمتك
ولو صايحت يمه الي .. بالخدمه صحتك

الماي اشيلن فوك متني
وين ماكو دموع اخذني

***


وبعيونا صار الحجي وسالفتي طالت
مابينك وبيني بجي وجم دمعه حالت
وياك اخذني لكربله شكد روحي كالت
اسم الله اصيحن بالدرب لو ناكه مالت

خافن يمر بيكم عطش .. بميه اروحن
ملايه وبليل اهدعش .. اعليك انوحن

والدمعه تاخذني وتردني
وين ماكو ادموع اخذني
*

ورديت من عني مشه وعيوني تجري
اكثر من اولادي احبه حسين يدري
بأيد تدعيله يرد وايد عله ضهري
الليل شيخلصه بعد محتاره بامري

رديت محنيه واون .. وبروحي حيره
وياك اخذني لكربلا .. وأرجع اسيره

بدمعي انكع طرف ردني
وين ماكو ادموع اخذني

**


لاجمني كلبي بهالسفر ويرجعلي اقنعه
بس انه ادري بروحتك ما منها رجعه
ل يا اهل يثرب انتظر ولناعي ينعه
(ذبحو حُسين من القفا)بهالبيت اسمعه

ضليت اقره الفاتحه .. واخبار اتاني
من وصلت اخبارك الي .. مت ابمجاني

وكتله سولف حال ابني
وين ماكو دموع اخذني

الحمد لله
خالد عبد الساده البديري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

ما چان بالي نتفارگ انه ویاك
ما چان ابالي لا شوفك لا الگاك
مشتاگه هواي لمسلم واريده   راح تموت من فراگك حميده
:::::
اخر نضره بيني وبينك يم حسينك
حسبت شگد بيها احساب
اعرف ما راح ترد يمي يكثر همي
اگضيها مناطر بالباب
ماتت صباح الخير كلها
لمن عيونك فارگتها
خلصو حميده كل اهلها
چنت الصبح یومیه اشوفك
چا عاد سیرلي بطيوفك
بالگاع وارسمهن حروفك
مشتاگه احچیلك بس وين اندلك وين
مشتاگه احچیلك  حالي بنيتك مو زين
منتظره اخبارك مسلم جديده راح تموت من فراگك حميده
:::::
متعوده انظره وينظرلي ويصبحني
ونسولف چنه انه وياه
فرغت خيمتنه من عيونك بويه شلونك
لا ينساني ولا انساه
مرتاحه چا غير انت وياي
ورده انه بس محتاجتك ماي
هاي النهايه وما ردت هاي
وينه اليوصــل منك اخبار
ويشرحلي بيك شصار ما صار
شمعه انه لكن هجرك النار
ما املك هدهد  حتى ارسلك مكتوب
ما املك هدهد يشرح حال المتعوب
مني الماي تبده شلون اعيده     راح تموت من فراگك حميده
:::::
ادعيله هواي ويدعيلي ويناغيلي
لا تبعد ما بيه فراگ
تاليها يروح من عيوني خاب ضنوني
يعرف بيه شگد اشتاگ
حضرت سجادة صلاتك
ولدك اتانيك وبناتك
خلها حياتي ولا حياتك
العافيه تردلي بنضرتك
تعرف شگد بويه انتضرتك
ارجع وشوف بحال بنتك

تعبانه هوايه   مثل الورده بلا ماي
تعبانه هوايه  تذبحني الفرگه هواي
تشرح حالتي هاي القصيده   راح تموت من فراگك حميده
:::::
ما اعرف دربك يا ديره وشگد حیره
طفله وما اندل دروب
مشتاگه انه اسمع كلماتك لو نبراتك
بغيابك ظل گلبي يذوب
ساعي بريدك ما وصل دوم
من الدمع نگعت الهدوم
كم يوم هاي السفره كم يوم
مخلصتها من الباب للباب
اركض ركض لو هب هوه الهاب
ثاري الهوه والباب جذاب
ما طب الخيمه  شخصك ما بيها شلون
ما طب الخيمه   وفراگك لا ميهون
اعرف سفرتك كلش بعيده    راح تموت من فراگك حميده
:::::
حسين وظل يمسح يم راسي ومات احساسي
من عيونه اعرفت شبيك
يا عم احچیلي الي صاير شفتك حاير
يندارن بيه ولا بيك

گالو حميده يريدچ حسين
بس شفت دمعاته انه بالعين
ها عمي مسلم وين ما وين
سفرة الوالد كلش بعيد 
يمسح براسي وكاض الايد
شوفتك مسلم تشبه العيد 
يوم لما شوفك   ما احسب هذا اليوم   
يوم لما شوفك  گلبي يظل بويه يوم 
گالو والدچ گطعو وریده   راح تموت من فراگك حميده
:::::
علي جبار الكعبي
الفاتحه لوالدي

وحق رب الراقصات
والجبال الشاهقات
الگمر للميدان فات ... وحالف يصفيها

سبع ويريد السباع
هاشمي ومتشيله گاع
شايل البرزخ متاع ... ورايد ايذريها

كاسر اخشوم الزلم
اخو زينب والنعم
بالحرب يردم ردم
ابوفاضل ابوفاضل
،،،،،،،،،،،،،،،،،،،،،،،،،،،،،،،،،،،،،،،،،،
كافل اخيام الدلال
يدوي طالع للقتال
يهدم بخزره الجبال ... ويازلم يدنوله

صاحبَ القول الفصيح
لا يهم لا يَستريح
عالي طوله ومايطيح ... ويرعب الطف طوله

خالس حلوگ العرب
بالعرك يمطر غضب
الله يستر من يطب
ابوفاضل ابوفاضل
،،،،،،،،،،،،،،،،،،،،،،،،،،،،،،،،،،،،،،،،،،
جاءَ يغدو بالسقى
لا يهابُ الملتقى
وعلى الموتُ رتقى ... ومارجع بعناده

عنده غيره وكله غيض
من يطبها الطف يفيض
خله ماي الشط مريض ... بشاره من الساده

فارس وعشگه الدمه
شالع انجوم السمه
شاره عايف بالضمه
ابوفاضل ابوفاضل
،،،،،،،،،،،،،،،،،،،،،،،،،،،،،،،،،،،،،،،،،،
بجفه رايه بمتنه جود
اسد طالع من اسود
نازل وبيهم يگود ... وياهو يگرب صوبه

سيد وهاگد ثگيل
هم اصيل وهم اصيل
ابن حماي الدخيل ... ابجوده شايل حوبه

حامي خيمات الخدر
يگدر وما ينگدر
الله يستر من يكر
ابوفاضل ابوفاضل
العبد ابوفايز الرافضي

نزل مسلم للحرب وصار موقفهم صعب
شد عليهم شد عليهم
*****
كبرت بأسمه الكتايب هاشمي وجده ابو طالب
مسلم اتعناها
واقعه وقعت عليهم ورجها رج الارض بيهم
بس جثث خلاها
لعب بالفرسان جوله شورطاهم وعتنوله
ورايته علاها

نازل عليهم رعب وصار موقفهم صعب
شد عليهم شد عليهم
*****
صاعقه وعالزلم نازل هذا عنوان المراجل
هاشميه اطباعه
مالت الكوفه بهلها او وگفت الفرسان كلها
تگله سمع وطاعه
هيج صار بآل أميه خله كل عشره سويه
وكلمن واتباعه

صاح ملزوم الدرب وصار موقفهم صعب
شد عليهم شد عليهم
*****
هاشمي ومحد يگدره اوجوهم خلاها صفره
بيها صارت خوفه
الخيل صار امرادم الها تريد تخلص من حملها
وتفر من الكوفه
والزلم عالزلم طاحو استراح المات صاحو
والعدل ميعوفه

الزلم تسكت من يطب وصار موقفهم صعب
شد عليهم شد عليهم
*****
صاح طوعه شجعيني بعلي عمي ذكريني
اليوم اله اگضيهم
براسي غيرة علي وحمزه بسيفي اكبر راس احزه
ماكو فارس بيهم
صاح بيهم ماكو رحمه اله اشطرنه الألزمه
الموت انزله عليهم

والمثل بي ينضرب وصار موقفهم صعب
شد عليهم شد عليهم
*****
بسيفه يتخاطف عليهم منين مادارو يجيهم
واخذ منهم حيفه
واحد ايصيح عله واحد وين خايب منه شارد
ما يعوفك سيفه
ما تعب بس تعباهم الموت الاحمر شوفاهم
وكلشي صار بكيفه

عالصدر شد الگلب وصار موقفهم صعب
شد عليهم شد عليهم
*****
الكوفه صاحتله دخيلك ما يصح مسلم مثيلك
انت عمك حيدر
من تطش بيها وتلمها فحطت الخيل وزلمها
وتعبيت العسكر
ما نمت عل عيله اعرفك مثل عمك صلب جفك
انت ما تتكرر

تگلب الحومه گلب وصار موقفهم صعب
شد عليهم شد عليهم
*****
تمت
ميثم العمري

ياغريب ابلا اهل
وحدك باجر تظل
بايعوك وخانت الكوفه بوعدهه
هاي وادم تغدر الخطار عدهه
............................................
انخرست اصوات المدينه والكرم ضم راسه
والخجل فارگ گصصهه ومنهه شال احساسه
كلشي بالكوفه تغير ودگ خطرهه اجراسه
والشرف دورله گطره وما لگه ابمقياسه
الموعدهه ما صانت
اهل الغدر خانت
بالشده ما بانت
وكلمن اسيوفه على نحرك يحدهه
هاي وادم تغدر الخطار عدهه

ناس ماتعرف خجل
وحدك باجر تظل
............................................
ياغريب الكوفه وحدك يم بشر غداره
والاخذت البيعه منه ابسرعه باع اسراره
دم ابو الحسنين تدري منهه اصل فجاره
لو اله ثار اليضدك گلنه طالب ثاره
ميزه الغدر بيهه
بضيوف الاتجيهه
مو هله اتلاگيهه
دم علي الكرار يالثاره ابولدهه
هاي وادم تغدر الخطار عدهه
علي بالكوفه نكتل
وحدك باجر تظل
.........................................
مسلم وباجر الوحدك الخانو ايغدرونك
وهمه نفس البايعتلك باجر اليلفونك
ناس گالت احنه الكم لا چن الايضدونك
وحدك بين المصيبه وعسكر ايعوفونك
يامسلم وباجر
ماعندك اي ناصر
عدهم تظل حاير
اجيوشهه باجر على جتلك تعدهه
هاي وادم تغدر الخطار عدهه

باجر يخيب الامل
وحدك باجر تظل
..............................................
مسلم الخطار ندري الوادم ايكرمونه
وبين الاعيون ورمشهه اليگصد ايشيلونه
عكس صار الكوفه بيهه الزارهه ايجتفونه
موت مو زاد ابسفرته من الصبح ينطونه

ليش الكل اتخله
وكلمن طلب جتله
شنهي علي اتگله
والابواب ابوجه مسلم كل تسدهه
هاي وادم تغدر الخطار عدهه
وللغدر ماتلكه حل
وحدك باجر تظل
..............................................
ياعلي خطار عندك مسلم ابهل ليله
محد ايشد حيل مسلم والعطش هد حيله
انته سلمان وحضرته ابموته وابتغسيله
ياگربهه الكوفه يمك علي گوم امشيله
وينك يبو اليمه
هليله شد عزمه
گصد العدو دمه

علي يمخوف المنايه ويا اسدهه
هاي وادم تغدر الخطار عدهه
والصعب بيدك سهل
وحدك باجر تظل

خادم اهل البيت علي الزرگاني

#قصائد_محرم_
#محرم اليله الثامنه
#شجاعه مولاي القاسم

____

نور من الخيم طالع
بي فرحه عرس ومغازل الهادود
وسواده تهوس بضهره
وهلاهل سيف تصرج بين ادين حيود

شما جد ب المشي تنبت خضار الكاع
طوله مسير عله الطف غصن نعناع
ترافه بمشيته بس حيله حيل سباع

ولثامه الاخضر ماضم جماله
اولام ويطوله كاعد دلاله
يلمع ضواه من بين لعساكر
ولعمه طالع جل جلاله
___
معرس زفته بالحومه
وخذ شوباش روس. عله الخيم كطف
زغير بكد غصن ورده
وجبير بكد علي. وتكدراله الطف

زغير ولامته بوكت الحرب تفصال
بس زغير هاشم ب العرك عيال
اخذ زغير يعكر خيل ب الخيال

الجيش اليكبله هوه ورجاله
سواها كله بشسعة نعاله
دج سيفه حدره ولا باله يمهم
دنك يصلحه وعارك خياله
__
جاسم ياحلات اسمه
وهك ماخذ رگبهم. و طشها عل تله
زغير وعقله يهوه الموت
يموت الي يگبله. وجيش محتله

طبلهم فحل كل زوده من عدنان
طر جيش الكفر وعرگ الهواشم بأن
لازم صارمه وساحگ عله العدوان

مطشرها روس ولا باله بيهم
يندب يعمي وشدت عليهم
تبختر دخيله القاسم دخيله
خله العساكر ترجف اديهم
__
يرعد من يلاگونه
وكتايب دنكت حدره. دخيله يهرب بحيله
قاسم وامه تبراله
ردم طشرها روس. برفعت الشيله

خالسها العساكر وهك بيهم غار
يرهب صارمه وعيونه تجدح نار
طبلهم صواعق كل كتر وندار
ذابح روسهم ما خله بيها اكبار


دمدم عليهم يخنك هواها
هزبر دخيله العسكر طواها
كل قاده منهم محد دناله
حيد الحرايب طب واجاها
_____________

حيدر صلال ✍️

https://www.tg-me.com/hxzeu1

مر ضعن السبي ورحله بعيده وبالكوفه التقن طوعه وحميده
حچن عن مسلم اهواي بچن من ذكرن الماي
***
ضعن السبي تشوفه من مر عله الكوفه درب المنايه
راحت ركض طوعه اوسط الگلب لوعه شافت سبايه
مجتوفه اطفال وحرم بنفس الحبل شافتهم
ايطيحون كلما ينسحب وعله الوجه طيحتهم
متعبهم تگول العطش تگطع الگلب حالتهم
وبرماح روس ثمنطعش خضب الدم شيبتهم

اعاين بالوجوه ودمعي يجري وشبهت عله طفله حنت ظهري
يمشن شفت بهداي بچن من ذكرن الماي
***
من التعب طاحت وبچتني من صاحت مسلم أريده
ظليت اصد ليها وگلبي علم بيها هايه حميده
لزمتني من ايدي وبچت تگلي شكثر عطشانه
تعذبت من درب السبي ومن الحبل تعبانه
سوط وعطش حر وشمس شيظل بعد بيه آنه
من وصل للكوفه الضعن گلولي ابوج اهنانه

دليني ارد اخبره شصار بيه واگله من الحبل راحن اديه
اريده يحچي وياي بچن من ذكرن الماي
***
راح واخذ روحي ومن فرگته اجروحي ضيعني بعده
بغيابه هد حيلي ومانمته ابد ليلي كل ساع افگده
عذبني ابوي بروحته وحسيت بعده بغربه
ما ادري ما يرجع بعد وفگد حنانه وحبه
خيمتي وطاحت خيمتي وسنيني صارت صعبه
تدرين المفارگ ابو من ايذكره يلزم گلبه

ما يتعوض وماكو بحنانه ويظل دوم الابو خالي مكانه
يطوعه حيرتي هاي بچن من ذكرن الماي
***
عالباب من شفته منين انته ناشدته حيرني وضعه
جان شكثر حاير ويدير بالناظر ونحنه ضلعه
والدج هد حيله العطش وبالكوفه أهل ماعنده
ما يدري لاوين الوجه ينطيه وياهو ايگصده
البايعوا ونطوه العهد نقضو وصارو ضده
وطلعت رسايلهم جذب وعافوه حاير وحده

مسلم من سألته شگال تدرين غريب آنه وهلي عني بعيدين
عرفته وجرت عيناي بچن من ذكرن الماي
***
عالباب ما عفته وبداري ضيفته عالراس شلته
جيوش اعتنت ضده واجهم الوحده چن علي شفته
ما همته كثره وعدد فارس شهم طب ليهم
كالواقعه الهم نزل والمفر ضاع عليهم
گلي بمراجل حيدره ذكريتي واله اگظيهم
ظل يحصد بروس الزلم والكوفه غصت بيهم

ابوج الموت الاحمر شوّفاهم لو ما بيه غدرو جا گضاهم
اسولف هضم بلواي بچن من ذكرن الماي
***
ضامي ويبس گلبه وحالته اشگد صعبه ما تطفه ناره
ركضو عليه كلهم واخذوه اصد الهم القصر الاماره
گطعو وريده وجثته من اعلى القصر ذبوها
وجا ليش من بعد الذبح بحبالهم جروها
يبنيتي جثت والدج شفت العده سلبوها
وهواي ظلت بالشمس وعله الترب خلوها

حميده ضامي ابوج انگطع نحره وتعاي وياي ادليج عله گبره
حچيت وفاگده الراي بچن من ذكرن الماي
***
تمت
ميثم العمري

اجـــند حيلي لـعيونك وطوّعه
وكياني يبقه يم امرك وطوعه
بنيني وكل هلي فدوه وطوعه
خادمتك تضل حد المنيه
~
حيدر بشار الدراجي

يافخر والكل مره علويه
الصعبه يمج فاطمه مكًضيه
صرتي دكتور الناس
والنعم يم عباس
.........................
الچ نقره الفاتحه وبكل سفر
يا أمان وياحرز من كل خطر
اليله عامر مجلسج والكل حضر
الج هاي دموعنه تشرح خبر

كًلوب تدعيج بصفات النيه
رزقي هاي الوادم الذريه
عليج راعي النوماس
والنعم يم عباس
.......................
باب صرتي للحوائج والنعم
يل عبرتي كل مقايس الحلم
اربعه انطيتي يبجون الزلم
لو ذكرتي حسين حيلج ينهدم

وعلي كًبلج محد مسويهه
مره مثلج دنيه حارت بيهه
تاج صرتي عله الراس
والنعم يم عباس
.....................
ما تجازيچ العيون شمابجت
والحناجر قصرة وشماحجت
والرواح باب خيرج جلبت
ماتردين الجفوف شما دعت

مره وكلهه الناس لاذت بيها
شاره ابو فاضل صدك من طيها
للوفه دكت ساس
والنعم يم عباس
..............................
يل ملكتي ارواحنه وي اللسن
بعيده عنه وكًلبج علينه يحن
ياهي مثلج ميته وتعيش بسجن
يمته بغصانج بلابل انستجن

شجره يمته فيج تلمينه
الج يم عباس شتاكًينه
يمته بابج ينباس
والنعم يم عباس
............................
اليوم انواسيج والمدمع يهل
من الحسين السلف خالي والنزل
خذو حيلج من مشت ذيج الهزل
عيونج عله الدرب ظلت تنشتل

بعد ماترجع حسين اضعونه
ايس هوه واخوته يذبحونه
وانتي كلج احساس
ونعم يم العباس

خادم اهل البيت ع\\\\\\\\ فلاح طالب الماجدي

#قصائد_محرم_
#محرم_الليلة_الخامسة_
مولاتي السيدة حميدة بفراق أبيها مسلم بن عقيل(صلوات الله عليهم)


تانيتك ترد__بوية مسلم غيبتك هدتلي حيلي
تانيتك ترد__ما نمت لحضه بغيابك انة ليلي

اشتاگ واتنطر تجيني
يابوية موتني حنيني…تانيتك ترد
________________________

أحط چفي على خدودي واگعد بوية أتنطر
يومية اگول تعود وحلمي بچيتك أخضر
حسبت ايامك الراحت وگلبي لفرگتك فطّر
ما متعودة ماشوفك أرجع بوية ما أكدر


راااح__من ريتي الهوة
راااح__فارگتك ضوة
رااااح__ما نرجع سوة..

لحضة مايهدة ونيني
يابوية موتني حنيني…تانيتك ترد

______________________

كل ساعة اگول اسمك واترس بلدمع چفي
حنانك ساكن بروحي ليش اعللهجر تچفي
ما يكفي الدمع والنوح بس عيونك التكّفي
بالي شاغله التفكير اريدن طولك بصفيّ


وووين__الگاك وتجي
وووين__هد حيلي لبچي
وووين__وبحضنك اجي…

علدرب مشبوحة عيني
يابوية موتني حنيني…تانيتك ترد

______________________

ااجاني حسين عمي بس؟ اجه بحسره
وصل يمي ومسح راسي وشهگ عبره
شلت راسي ولزم ايدي بعينة بينت نضره
كتلة والدي مسلم؟ وگلي خلصت السفره


مااات__غريب لوحدة
ماااات__ما بين العدة
مااات__الكوفة معنادة…

فدوة لسنينك سنيني
يابوية موتني حنيني…تانيتك ترد
_______

أحط چفي على خدودي وا
بلكوفة طحت بوية وحدك محد بحالك
لا يمك اخو اليفزع ولا واحد اجة اگبالك
غريب الكوفة ضل اسمك والعدوان تبرالك
بچيت اهواي يابوية وعمي حسين ينعالك


غريب__طحت امن القصر
غريب__خلصت العمر
غريب__حاطوك بغدر…

بدموعي اترسهن أديني
يابوية موتني حنيني…تانيتك ترد

________________________

انة هم اموت اهناك من الحادي ياخذني
اروح بشام وموتن بي وكلشي يرتحل مني
خدري ما يضل بوية؟ بيدي احبال تچتفني
واتعب علهزل واذبل وصيح الشام تعبني


اموت__بلشام العذاب
اموت__خرابة وعلتراب
اموت__وتناثر مصاب…


بلخرابه بس أنيني
يابوية موتني حنيني…تانيتك ترد

________________________
#محرم_١٤٤٧هـ_

محسن الباوي

اللهم عجل لوليك الفرج
________________________

https://www.tg-me.com/hxzeu1

لحن القصيدة 👇