يمهدي … ثامن لـيلة هـــاية
يمهدي … العريس المــناية
يمهدي … تحنة ابفيض دمة
… … ...
ليلة القــاسم يمهـــدينه المــسية
راح نحيهة ابصواني والـواهلية
ثوب الابيض نلبس اعليه اباذية
ونعلك الشمعات بالدمعة الجرية

يمهدي … عــرس جسّام ماتم
يمهدي … نقــيم اعـــليه مـأتم
يمهدي … تحضرة الزهرة امة
******
نبتدي المجلس ابيا يمة اذكريني
خـــالدة هـــاي القـــصيدة لـنويني
كل شخص يسمعة يصرخ عمت عيني
مــا تفاركنة ابـــمحرم وحك ديني

يمهدي … ابكل عام اليمرنه
يمهدي … نجي نقرة أبحزنه
يمهدي … هـــالابيات بسمة
..........
عــلى العريس الظلع واجـــب نكسرة
الشاب حكه اعلى الشباب الي بعمرة
زغير بعـــده القاسم وكطعــولة نحرة
اعليه بجت ارض وسمة وفاطمة الزهرة

يمهدي … انجسم نصين راسة
يمهدي … العرش دنكلة باسة
يمهدي … بجالة حسين عـــمة
…
الجاسم العريس كــلبك ناره تسعر
اشبه بحركة خيــم زينب و اكـــثر
اعليك مــو هينة المصيبة الله اكبر
حنت ظهرك مثل ابو اليمة عل الاكبر

يمهدي … شايل جــم مصيبة
يمهدي … خلص كلبك نحيبة
يمهدي … منو المثلك ابهمة
***************************
الحمدالله رب العالمين
اللهم صل على محمد وال محمد
موسى الخادم

قل اعوذ برب الناس ...
يا رملة اقري ليحسدونه
تؤام يوسف والعباس …
سبحانه الخالقهة أعيونه
……
اشرق وجهه ابنور الباري ابنج جــسام
غــــطيه بالـــبركع ليحســـدونه الظــلام
طالع مـــثل البدر الساطع مــــل الخيــام
أسم الله ايحفضة ويرعاه من كوم الشام

بدموعج مشطيلة الراس…
ابعونج ربنه ايكون وعونه
… ..
من عباس ويوسف ماخـــذ كل أوصاف
لون اعيونه وديرت وجهة اتحير الشاف
سبحان الله الكلشي ايحب ابجاسم عــاف
مو بـس اعليه كلبج خايــف كلنة انخاف

موش انسان ابنج اللماس
حكج لوخفتي ايحسدونه
…………
خـــل انزين صينيت القـــاسم بالياس
عريس وربعة ايزفونه اتصيح الناس
بــــيدج عجنيهه الحنه وحنيلة الراس
يا رملة القاسم حاضر عرسه العباس

طشي اعليه اورود الياس…
عريس وربعة ايزفونه
……
ام يجيب المضطر نقــره ابعالي الصوت
وندعي الباري اينجي القاسم من الموت
نجي القاسم مثل النجيته امـــــن الحوت
كــــاع الطف مترجّع كلمن ليهه ايفــوت

تاخذ روحه ابلاية احساس...
متهم بحبابة اينطرونه
… .

عين الماصلت عل الهادي اتصيبة بعين
خل نقرالة ايات الكرسي الحفضة الحين
شمس الله اتغازل ضحكاته ومــن سنين
غالي القاسم عـــد عماته وعــند حسين

غالي واغلة امن الانفاس
عد عمة احسين ايعرفونه
… .
يارملة ادعي الجاسم يـــرجع سالم لـيج
دعوة ام ميردهة الباري رفــــعي ايديج
فكد اوليدج اصعب من كل صعب اعليج
كــل احبابه اتحس يا رملة وتشعر بيج

نعلم حزنج ما ينقاس …
عالقاسم روحج مجنونه
……

الحمد الله رب العالمين
اللهم صل على محمد وال محمد
موسى الخادم….

يبهر ابحسنهة وجمالة ... مثل عباس
من برز لهل الضلالة ... مثل عباس
جسام شبل الحسن ... جسام شبل الحسن
"""""""""""""""""""""""""
من برز للمعركة .. عـــزمة محد حركة .. ثابت ولائة الــــدينة
صاح يمة استبشري ..واعلى صولاتي انظري .. خل تطمئن سكينة
اليوم افنيهم فني .. بسيفي اوذر اليعتني .. احرك بــــدية اسنينــة
عليهم اخطف كالضوة. ومنهم اسلب كل هوة . والشمر تنظر عينة

صاح يمة ادللي ... مثل عباس
انه نسلي من علي ... مثل عباس
جسام شبل الحسن
"""""""""""""""""""""""
سيفه الشال ابيمنته .. واعتنه امة وعمتة .. دك صدرة الهن جاسم
سرفنهة ردنة بالمحن.. راوهن اوصيت الحسن.. عمك تناصر لازم
بي حارت اجموع العدة.. كل خصم غاير شردة. مثل الكفيل ايهاجم
طش خوفه بكلوب الزلم . شبل الحسن راعي العزم . ما خلة بيهم
سطر ملاحم قائمة ... مثل عباس سالم
وافة وعودة الفاطمة ... مثل عباس
جسام شبل الحسن
…… ..
شد درعة فوك اعلى الصدر.. وانتظر حد طلت الفجر. لحسين ناذر روحة
القاسم اربات الزلم . ما بعدة بالغ بالحلم . بس عامرات اصروحة
نادة يعمي ابكل الفخر . يرخص الك فدوة النحر . وياك اظل للوحة
للحومة طب مثل الاسد.. ما همة كـــثرة ولا عـدد.. كـــل عين اله مشبوحة
راوهم انجوم الظهر ... مثيل عباس
لحسين ضحة بالعمر ... مثل عباس
جسام شبل الحسن
""""""""""""""""""""""""""""""""
مثل البرق خاطف نزل . ارواح ياخذ بالعجل . والجيش منة اتحير
عباس هذا لو علي . صوت المناحة معتلي . مسموع من العسكر
ما جنة عمرة اتلطعش . بكلوبهم كل خوفة طش . ادكول موت وكبر
هيبت محمد هيبتة . بلعالي رفت رايتة . والكاع بيهم طشر

خزراتة ابد ما تنوصف ... مثل عباس
سطرت يمينة كالعصف ... مثل عباس
جسّام شيل الحسن
"""""""""""""""""""""""""""""
بركان غاير وانفجر . بين الاعادي وما نظر . كثرة عددهم لالة
بالسيف كطعهم وصل . ما منة بالعالم حصل . سوح الحرب تحلالة
بيهم هدم ركن الارض . ركظهم بطول وعرض . والخيل عل الخيالة
من دمهم الكاع امتلت . ما بيهم الواحد فلت . كون الله بيهم مالة

خلاهم بعازت هوة ... مثل عباس
سبعين الف يكظي نوة ... مثل عباس

……

الحمد لله رب العالمين
اللهم صل على محمد وال محمد
موسى الخادم

#قصيدة_للقاسم_ابن_الحسن عليهم السلام
خطاب #رمله_مع_القاسم ع

(#الوصيه)


.                      يـبـنـي شــوصــيــك    
                       وغــيـرة عـلـي بـيـك

           ولـلـحـسـن سمعآ وطاعه انكتب عالسيف

                           *---------------*---------------*

    الرُبه ويـاه السيف يبني عـالـوفـه ٱشـيـتـوصـه ؟
    وشفتـك مـن حـسـيـن تطلب لـلـمـنـازل رخـصـه
    نـسـوا چـنـهـم حـيـل ابوك وهاي عـنـدك فـرصـه
    الجمل قُصه وضربه ضربه بسيفك احچي القصه

                         يـل غِـيـرتـك جيش    
                        وحـيـل الكفر طيش

           وبـوقـارك حـيـل ثاني چـن شمس صيف

                           *---------------*---------------*

    الفارس يحب صوت سيفه ابـطـلـعـتـه من اگرابه
    ومثل ابـوك انته وحـسـامـك چن عـلـي ومحرابه
    ابـيـمـنـتـك سيـفك لمِعته الـجـيـش كـلـه ٱيـهـابـه
    عـسـكـر ابــن ازيــاد عــيــن وسـيـفـك الـسـبابــه

                        إلِّـتْـشـوفـه ســويـه    
                        جيش الـعـده اعميه

          الكيف كيفك وانته ابـوهـه والحرب كيف

                           *---------------*---------------*

    چان صـلـح الحـسـن بـاب وطف حُـسـينـك داره
    الـبـاب دِگّــه بــدمك انته وطب ديـــار انـــصــاره
    حارب اجيوش الـسـقـيـفـه وعـالـكـفـر شن غـاره
    والـكِـسَـر ضـلـع الـزچـيـه بـگـلـبـه حـط بـسـمـاره

                        ومــن تــذكــر الـدار    
                        مـثـلـه اشـتـعـل نـار

          ومن حـقـد نار الـسـقـيـفـه تـاخـذ الحيف

                           *---------------*---------------*

    فجع گلب حـسـين الاكـبـر و أرد اواسي حسيني
    عيني انته وهوه ظـامـي وفدوه اله مـي عـيـنـي
    هــاي اخـر نــظــره الـي مــا بـيـنـك ومــا بـيـنـي
    وانـتـظـر مـوعـد واشـوفـك عـالـرمــح خـلـيـنـي

                       نــحــرك عـالــرمــاح    
                       لــو شـفــتــه أرتــاح

          ولو سـبـي مَر ٱعـلـه أمـك مُر ولو طـيـف

                           *---------------*---------------*

    حـسـيـن عـطـر الـخـوّه شـمّـك يبني بيك اتـگوّه
    ولو وگع شـوفَـك ابـشـوفـه اتـفـز جـروح الـخوّه
    بـجـرح الاكـبـر گـلـبـه ذاب وتدري بـيـه اشـسـوّه
    وخـلـي گـلـب الـظـامـي يـبـرد بـالــوفـه ويـتروّه

                       خلي امـك اتـشـوف    
                       زودك بــالٱطــفــوف

          ضيفك الموت واشوف اشـتـكـرم الضيف

                           *---------------*---------------*

    يـــزغـــر الـطـف وصــمـــودك يـجّـسّـام الـيكـبـر
    وعــالارض لـــو ســال دمـــك دم ابــوك اتـخـثـر
    الـجَـمـل رمحه مـو عـجـيـبـه لو بـجـسـمـك يعثر
    ولـو ســهــم صـوّب دليـلـك نـعـش ابــوك اتـذكـر

                    يــولـيــدي الاحــقــاد    
                    مــن عــهــد الاجــداد

          وحيدره صوت الحقيقه اليـكـرهـه الزيف

                           *---------------*---------------*

 
الشاعر سعد هادي الشمري


#جديد_محرم_الحرام_
@HxzEU1
#قناه_نشر_القصائد_المنبريه 
#الناشر_مصطفى_المياحي

بثياب العرس لقنهم درس
نوره من يشع احلى من الشمس
***
طلع من بين الخيام فارس مضيگ اللثام
جن علي وبيده الفقار وصاح عالجيش السلام
هاشمي من ال ابوطالب دمه حار
گلبه ابد ما يرجف وصاحب قرار
يعني يگضي الجيش رايح بختصار

ما يعرف تعب راواها العجب
ياخير العمل عالسيف انكتب
***
هذا ليث الموزمات اهناك ركضهم حفات
سيفه يحصد بالرگاب وطبهم من اربع جهات
كلشي من طب ارتبك حتى الخيول
منين هذا الفارس النازل تگول
هذا لو عباس لو فحل الفحول

نازل كالرعد حار وما برد
وبنصهم هتف ياحيدر مدد
***
ما يعرف المستحيل بالحرب ماله مثيل
سيفه بالطف من يميل روسهم وياه تميل
القاده حيرها بثباته وهو شاب
اهل للكلفه وعليه ذب الصعاب
ولو زعل دمهم يخلي للرچاب

عليهم من غضب الطف انگلب
جده حيدره قتال العرب
*
نازل عليهم عذاب تگول جن يوم الحساب
وخيل ذباها عله خيل الزلم غطاها التراب
هالفتى تشهدله زود افعاله
وفحطاها الخيل والخياله
شد عليها وهالعزم يحلاله

كرار وكلف بزوده ينحلف
جاسم بالحرب ينعد بألف
**
بغيرة الكرار صال وصاح حي عله القتال
وعلي من اشتد الوطيس ضمت الروس الرجال
صاح لجل حسين باذلها النفس
اليوم اخلي الگاع بالدم تنترس
وحتى اگدر بيدي اردنها الشمس

هذا اكبر حدث سواهم جثث
وصاحو حيدره للطف انبعث
**
ماضعف عزمه وصعب وكالرحه دار الحرب
لو زعل حيل الغيور غضب عالعسكر يصب
سيفه راح ايخوض طوفان الدمه
وروسهم تتطاير السابع سمه
خاض بالطف جاسم اكبر ملحمه

فارس قسوره بيوم الزمجره
ذكرها العده بصولت حيدره
*
تمت
ميثم العمري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

دعاء التوسل

عندما خرج الامام علي الاكبر الى المعركة وجرت الاحداث كانت السيدة ليلى تدعو الله في خيمتها وتتوسل اليه بدعاء التوسل وبالاولياء الصالحين
••••••••••••••••••••••••••

يــا ربِّ أَدْعوكَ بالأكْبَرِ
يا ربِّ أَدْعوكَ بالأكْبَرِ
ـــــــــــــــــــــــــــــــــ

أدعوكَ يا مُجيبْ،
أرجِعْ لِيَ الحبيبْ،
يا كاشِفَ الكُرُبِ،
رِفْقًا بِهِ قلبي،
مِنْ دونهِ أَموتْ.

رَبِّ ارْحَمْ ضَعْفَ حالي ارْحَمِ القَلْبَ العَطوفْ
بِرَؤوفٍ، بِرَؤوفٍ، بِرَؤوفْ
طاحَ قُرآني الجمالي، قُبِّلَتْ فيهِ السُّيوفْ،
بِرَؤوفٍ، بِرَؤوفٍ، بِرَؤوفْ
كُلُّ آياتِ الكتابِ، قُطِّعَتْ، صارَتْ حروفْ،
بِرَؤوفٍ، بِرَؤوفٍ، بِرَؤوفْ

كانَ لي: كانَ قُرآنٌ وسُوَرْ
كانَ لي: نُورُ شَمْسٍ وقَمَرْ
كانَ لي: مُؤْنِسي طُولَ الدَّهَرْ

ـــــــــــــــــــــــــــــــــ

يا رَبَّنا الوَلِيِّ،
قَدْ قَطَعُوا عَلَيِّ،
يا رافِعَ البَلْوَى،
العُمْرُ لا يَسْوَى،
مِنْ دونهِ أَموتْ

كانَ في العَيْنَيْنِ نُورًا، بَثَّهُ روحًا لِلجَمادْ
بِجَوَادٍ، بِجَوَادٍ، بِجَوَادْ
خَلْفَهُ يَنْثُرُ جَمالًا، نَثَرَ رِيحًا لِلرَّمادْ
بِجَوَادٍ، بِجَوَادٍ، بِجَوَادْ
حَيْدَرًا هذا إمامي؟ أَمْ عَلِيٌّ فَوْقَ الشدادْ
بِجَوَادٍ، بِجَوَادٍ، بِجَوَادْ

وَا عَلِيِّ: اِنْدُبُوا مِنْ خَيْمَتي
وَا عَلِيِّ: مِنِّي خَذُها ضِحْكَتي
وَا عَلِيِّ: قَطَعُوها مُهْجَتي

ـــــــــــــــــــــــــــــــــ

قدّْ قَبَّلَ الخُدُودْ،
وَقالَ: لَنْ أَعُودْ
يا خالِقَ الكَوْنِ،
ها قدْ مَضى عَوْني
مِنْ دونهِ أَموتْ

كاشِفَ الكَرْبِ إِلٰهِي، اكْشِفِ الحُزْنَ الطَّويلْ
بِالعَلِيلِ، بِالعَلِيلِ، بِالعَلِيلْ
أَشْبَهَ الناسَ بِـ طه دَمُهُ الطُّهْرُ يَسيلْ
بِالعَلِيلِ، بِالعَلِيلِ، بِالعَلِيلْ
شَمْعَةُ اللَّيْلِ الوحِيدَة، خُذْهَا مِنْ دونِ البَدِيلْ
بِالعَلِيلِ، بِالعَلِيلِ، بِالعَلِيلْ

لا أُريدْ: شَمَّ عِطرٍ لَيْسَ لَهْ
لا أُريدْ: قَتَلُوا لي البَسْمَلَهْ
لا أُريدْ: وَحْشَةً دونَ القافِلَهْ

ـــــــــــــــــــــــــــــــــ

قَدْ قَطَعُوا الفُؤادْ،
وأعْلَنُوا الحِدادْ
إنِّي فَلا أَقْوَى
مِنْ دونهِ أَهْوَى
مِنْ دونهِ أَموتْ

لَيْسَ وَجْناتًا بوجهِهِ، إِنَّما هُمْ قِبْلَتَينْ
بِحُسَيْنٍ، بِحُسَيْنٍ، بِحُسَيْنْ
في شِمالِهِ كانَ قُدْسًا، كَعْبَةً وَسْطَ اليمينْ
بِحُسَيْنٍ، بِحُسَيْنٍ، بِحُسَيْنْ
إنِّي مِنْ دونِ عَلِيٍّ، لَسْتُ أَدْري القَلْبَ أَيْنْ
بِحُسَيْنٍ، بِحُسَيْنٍ، بِحُسَيْنْ

والفُؤادُ: بِالفِراقِ صُدِّعَا
والفُؤادُ: شاطَ فَقْدًا قُطِّعَا
والفُؤادُ: مِنْ بَيْنِ صَدْري قَدْ دَعَا

ـــــــــــــــــــــــــــــــــ

لَمْ يُكْمِلِ الكَلامْ،
وَنَهَالَتِ السِّهَامْ
يا مَن لَكَ الدِّيني
تَبكي لَهُ عَيْني
مِن دونهِ أَموتُ

قَبَسُ نُورٍ لِلسَّماءِ، كانَ مَنْهُ يَعْتَلي
بِعَلِيٍّ، بِعَلِيٍّ، بِعَلِيْ
اهْجُرِ الدُّنْيا وَنَفْسي، وَبِعَيْنَيهِ اخْتَلي
بِعَلِيٍّ، بِعَلِيٍّ، بِعَلِيْ
لَيْلَةٌ مِنْ دونِ الأَكْبَر، لَيْلَةٌ لا تَنْجَلي
بِعَلِيٍّ، بِعَلِيٍّ، بِعَلِيْ

الوَداعْ: قالَ وَالكَفُّ ارْتَفَعْ
الوَداعْ: وَبِرُمْحٍ انْدَفَعْ
الوَداعْ: قالَ وَالصَّوْتُ انْقَطَعْ

ـــــــــــــــــــــــــــــــــ

(أبو طِفّ) مؤمّل مِزْهَر
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

لو يطلب عرش بلقيس ايجيبه الخيمته العريس
آصف قبل لا يرتدله طرفه يلگه ابن الحسن واگف بصفه
****
شاب وكاشخ بعلمه وهذا العلم من عمه واخذها علومه منه
آصف منه يتعلم القاسم عالم وأعلم وكلها حچت عنه
عد آصف علم جان من الكتاب
ولسليمان بجفوفه عرش جاب
عند ابن الحسن كل علم الاطياب
بحيث بدعو ابن ظاهر يرد شاب

من يدعي نعرف بهاي ينزل عالخيام الماي
دعائه مستجاب الكل تعرفه يلگه ابن الحسن واگف بصفه
****
ياهو بحسنه يوصله طالع عالحسن كله كل ارسومه عنده
حلوه كشخته وطوله بوجه الفلق يقروله من عين اليحسده
جماله ما توصفه كل قصيده
وعن حسنه الشمس كلش بعيده
يوسف من يشوفه يگطع ايده
وتوگف كربله وتصيح اريده

كلشي بوجهه يتغزل ماخذ بالجمال أول
اذا حتى الوصف لمن يوصفه يلگه ابن الحسن واگف بصفه
****
جاسم معجزة عصره هيبه وگدها من زغره وشد عزمه بعمامه
محله اعمامته الخضره شاب وضحى كل عمره للدين وأمامه
لبس درعه ونزل سوح الحرايب
مثل جده علي مظهر عجايب
ذباها الكتايب عالكتايب
وصار اليوم دمها للرچايب

هذا ابن الحسن خيال زلزل كربله من صال
قبل لا عمه ينخاه ويكلفه يلگه ابن الحسن واگف بصفه
****
فايض بالكرم جوده معدل والهله زوده هنياله اليضيفه
كريم وتشهد افعاله وابد ما بردت ادلاله فتح للكل مضيفه
هذا ابن الكرم واهل المضايف
مملوح الحچي وحلو السوالف
من جدمه لحد راسه مواقف
وهذا المايرد محتاج حالف

داره ما خله من الظيف يكرم مثل ابوه بالكيف
هذا الناره ابد مايوم تطفه يلگه ابن الحسن واگف بصفه
****
بالطف اختفت شمسه وما صار وگضه عرسه ولا علگو شمعته
لا بالعمر يتهنه ولا شافت اديه حنه راحت كل كشخته
لا شاف العرس لا شاف زفه
من دم رگبته حنوله جفه
بأول عمره ليش اشموعه تطفه
وجاسم عالرمل جا ليش يغفه

واحنه بكل سنه خدام نعلگ شمعته جسام
ونواسي الذي ما حنه جفه يلگه ابن الحسن واگف بصفه
****
تمت
ميثم العمري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

عبد الله

خليه بالخيام — توه الولد نام

ابني امن اشوفه يروح تـعبي ويـنـزاح
ليـش امـن اديه يـروح لـيـد الـذبـاح

خليه بالخيام — خليه بالخيام
——————-
يحسين احلفك بالدمع عوف الولد نايم

ذابل جماله امن العطش شمسوي يا وادم

بس تمشي بي بره الخيم لا ما يـرد سالم

عبد الله ما يحمل سـهم نحر الطفل ناعم

نومته عطشان — وبحضني ذبلان

يحسين عوفه امن البچي هسه ارتاح
ليـش امـن اديه يـروح لـيـد الـذبـاح

خليه بالخيام — خليه بالخيام
——————-
اقبل يموت امن العطش بس لا سهم كافر
زغـيـرون ما يحمل سهم لا يگـدر يكابر

اللهُ اكـبــر كـربلـه اه يا ضـهـر عـاشــر

ضل الحسين الـوحـدة لا أخـو لا ناصر

كل ساعة ملچوم — ويـطـيح ويگـوم

بعيونه شاهد علي الأكـبـر من طــاح
ليـش امـن اديه يـروح لـيـد الـذبـاح

خليه بالخيام — خليه بالخيام
——————-
يردون اسلمك للـعدو عبـدالله يالغالي

يوليدي يمعذب الگلب بفراگك اشحالي

عـود أنا ردتـك تـچـوتي يا يمه للـتــالي

ما حسبت هـيـج الـقـدر لا چـانـت ابالي

تتركني وتـروح —- وتـردلي مذبوح

اليسأل شگـله الـولـد عـافـاني وراح
ليـش امـن اديه يـروح لـيـد الـذبـاح

خليه بالخيام — خليه بالخيام
——————-
ضليت ادورلك عذر بس ما يصح بـيـدي

مجبوره اسلمك للسهم سامحني يولدي

يا روحي ونـچ لا يـقـل بيه الحـزن زيـدي

يايـمه لمـن تـنذبح تــذبـح مـواعــيـدي

حسيتك اتگـول — يمـه انا مقـتول

يٰــنشـال رأسـك والــرمـح ما يـنـلاح
ليـش امـن اديه يـروح لـيـد الـذبـاح

خليه بالخيام — خليه بالخيام
——————-
نايــم دللـول الـولـد هل چلـمة تذبحني

خلوني اشمه وارتـوي واخـذو بعـد مني

من هسه بعـده ابخـيمتي وافراگه عذبني

يـبــرالـك الله ياولـد والله يـسـاعـدنـي

بفراگـك شلون — باجر يـشـمـتون

لحبال حصتي وانت حصتك لرماح
ليـش امـن اديه يـروح لـيـد الـذبـاح

خليه بالخيام — خليه بالخيام
——————-


عقيل زيدان الفريجي

شرّاي الخُواطر
____

وحيدة وبس دمعتي اخلافه تبرالي
وشراي الخواطر ما دره بحالي

تراب الطف .. مله اعيوني
هلي بسرعة.. الحگوني

شراي الخواطر مادره بحالي
__

گبل لا اسلم وانتم تردون  .. افزعو بسرعه ليه
ام عون الحنينه ادور العون .. وين اهل الحميه
هاي اسياطهم اشگفهن اشلون .. اذ مجتوفه اديه
تعبنه العده گد ما يضربون .. صحتلك صد عليه

چثيرهم اخيولهم واترابها ايذري
يجيني السوط مدري امنين ما ادري

انه ادريكم .. تسمعوني
هلي بسرعه .. الحگوني

شراي الخواطر مادره بحالي
__
حزينه الخاطري ما يصح شراي .. مكسوره انه خاطر
تعبني الرمح والسوط والماي .. بعد مابيه اكابر
راح الچان خيمه ونسمة وافياي .. كلت بيه الحوافر
صحت عباس خويه افزع بهاي .. رد عني النواظر

ومن سمعو خدرنه انذبح راعيه
بلايه انگاب شفناها الحراميه

حچي هوايه .. يسمعوني
هلي بسرعه .. الحگوني
شراي الخواطر مادره بحالي
__

من عرفوني خويه التمت الناس .حچي منهم سمعته
ها يمدلله چاوينه عباس .. شو تبچين سكته
وبعد اذني خويه اكثر اثنين .. بيهن تدري انته
عباة امي حسافه بسوط تنجاس .. والشامت ضحكته

شيصبرها عيني ودمعتي خفيها
اذا گدامها مذبوحه اهاليها

تهت وين .. اليدلوني
هلي بسرعه .. الحگوني

شراي الخواطر مادره بحالي
___

من مطرت علينه نار الاخيام .. حرت ياهواشتكيله
الركض فوگ الرمل ايتعب الاجدام .. مابيه انه حيله
احير بروحي مدري بهاي الايتام .. والطايح اشيله
هلي ماادري بيها اشضامه الشام .. الحگوها العقيله

سؤال ابروحي ضل ايجيب ويودي
خويه الشام شنهو ايريد من عندي

وادم ما .. يريدوني
هلي بسرعه . الحگوني

شراي الخواطر مادره بحالي
_

من عين التصد ضمانه الاتراب .. هذا اصبح غطانه
الهزل ونّت علينه اه يل الاحباب .. منگد مستحانه
اسولف وحدي وي الهوى الهاب .. حچيهم تعبانه
اموتن ياهلي من اسمي ينجاب .. وينك ياضوانه

كل هذا واشوفن صاحب الرايه
راس اعل الرمح ماگاطع افيايه

صحت ليكم .. اعذروني
هلي بسرعة .. الحگوني

شراي الخواطر مادره بحالي


__
ايوب يوسف الطوگي
25

هاي ارض الله التوسع كلشي
ليش اسهام بگلبة تصير
وچي صدرة  اكبر من الدنيا
تريد بصدرة اطب الخيل
يانجم الله شمالك طافي
عدة اطفال وصار الليل
ماضل حيل يشيل هدومة
تريدة يرافس مابي حيل

خوية اجيت -- واتعثر
يمة اطيح -- مااگدر
هواي خيل -- ومدافع
يمي نار -- والعسكر-- وين اروح

تعبانة اجيت من المشي ومكسورة خاطر واحساس
ومحتارة المك بالعبي لو اروح الم العباس
تمشي اعلة طولك من رحت رديت خوية بلا راس

ما التفت تعذرني
خاف العدة تشتمني
هاظمني مستعجل رحت
بس ردتك تودعني
---------------------------------
هاي الماحسبت انه الها
تطيح وتشمت عدوانك
وزينب تركض نص الهيمة
وتتعثر جي ماكو اردانك
لسان الخيل مبلل شفتة
ومفطر يبن امي لسانك
ومن ذبحوك وگطعوا نحرك
گدامي ولبسوا قمصانك

كسرة هاي -- گدامي
ماكو ماي -- للضامي
راح اموت -- بالهيمة
كلها نار --- ب اخيامي

الماطلع المحبس رجع من جفة گاطع صبعة
وجي هدمة لايگ ع الضلع داس بحوافر ضلعة
وشسوا بي حار الرمل غير ارسومة ووضعة

ب ابن امي هذا الصاير
حافر يدفعة ل حافر
اصعب صباح يمر علي
ياناس يوم العاشر
-----------------------------
شوف شسووا بيه خلافك
مكسورة ومن هيمة ل هيمة
من اطلع خيل تلاگيني
ومن ارجع نار بكل خيمة
وخدي تفطر من ادموعي
صحرة وتمطر بيها الغيمة
الماسامع بالطف احجيلة
هذا الطف وجرحة وضيمة

جفوف اخوك -- گطعوها
وسكنة هاي -- ضربوها
التبچي غاد -- ماتسلم
والتطيح -- سحگوها

الماتركض يجرها الشمر والتركض هناك تطيح
التبچي يضربها النذل وياخذها ويردها الريح
والتسكت يشدها بحبل ويجرها وتگوم تصيح

شحجيلك اعله النسوان
طلعت ركض بالميدان
والنار وصلت للخيم
ماباقي شي بالصيوان
------------------------------------
تخيل طفلة وطلعت تركض
وخيل اعداك شلون اتردها
كلما حاول ابعد حافر
حافر ثاني يمر يسحگها
هسة العندة جفوف يدافع
اسياط التضرب بلكي يصدها
زين المچتوفة بهل الحالة
شلون تشاگف من يطگها

يمي موت -- وادعيلك
حزني طال -- وابچيلك
النومة هاي -- مو حلوة
وين اخوك -- ويشيلك

لا باقي صاحب لا ولد ولا واحد امن اخوانك
ومن العطش ماينطبگ يبن امي شفت السانك
لو تدري جفني شگد يحن خاطر يمسحة اردانك

مو بس ذبح شو مسلوب
عدهم حجر موش گلوب
حتئ بذبحتك مو عدل
من الگفة بالمگلوب
-------------------------------------
علي حالوب العگيلي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

#قصائد_محرم_
#محرم_الليلة_الثامنة_

مولاتي رملة(ص) برحيل ولدها القاسم(ص)


گلبي عليك ملچوم
وحيلي يبني مهدوم
لذبحك ماشفت نوم…يا يُمه

ما ترجعلي هيهات
يوليدي حرامات
أوّن عليك شوغات…يا يُمه


شگد تگبر ردتّ ورسملك احلام
وي طولك حلم خلصتّ الايام
رايح للحرب بس ماخذ الروح
ادري ماترد گلبي يحس گام


مني رحت لا ماترد
هذا الفگد__لدموعي نيشان
دمك صبحّ هوة العرس
جوه الشمس__يايُمه ذبلان
طولك ابد مو للذبح
لا مايصح__فوگها عطشان


يا يمُه يجسام يوليدي وحبيبي…

________

عمري بعدك دموع
لعرسك ردّت الشموع
مو الطم علضلوع…يا يُمه

چبير بروحي إلصواب
گلبي لموتتك ذاب
بعدك يلولد شاب…يا يُمه


ذكره أمن الحسن حسبتك وياي
ما ردت الحرب تذبح ألي ارباي
بعيونك عطش والموت مفضوح
رايح للحرب ما شارب الماي


يذبحونك بعمر اهدعش
گلبي ارتعش__يوليدي للموت
ماحسبت هذا الوداع
يصبح ضياع__ماأستمع صوت
فوگ الرمل ماحسبت
يبني متت__ودموعي بسكوت


يا يمُه يجسام يوليدي وحبيبي…

_______

أون راح الولد راح
فز بروحي الصياح
طولك مو للجراح…يا يُمه

إگعدت يمك احاچيك
أمسحت دمك وناديك
يبني ميتة اعليك…يا يُمه


من جابوك ألي چا طلعت الروح
أبني وما عرفتك من الجروح
غير الميت يعوفونة!! بلموت
متت لكن وراها يبني مذبوح


ما رحمو بطولك أبد
اا يلولد__ماضلت اعيون
ابچيلك وگلبي جمر
بروحي كسر__يذبحونك شلون
طفيتة يوليدي الشمع
لطمتّ الضلع__خابتلي الضنون


يا يمُه يجسام يوليدي وحبيبي…

________

من گالولي مذبوح
احسّن طلعت الروح
شفتك كلك جروح…يا يُمه

بعدك امشي للشام
وراسك يبني جدام
امشي بلسبي ايام…يا يُمه


يسموني الغريبة بعدك شلون
اباوع علرمح وبچيلك عيون
ذخر ردتك ييُمه واحسب ايام
من گد العطش ماباقي كل لون


بلشام اناا تالي اصير
بعدك احير__وبچفوفي الحبال
درب اليسر كلش صعب
واااه الغرب___حاديها چتال
كلش صعب سوگ الهضم
اصعب ألم__مو چلمه تنگال


يا يمُه يجسام يوليدي وحبيبي…


________
#محرم_١٤٤٧هـ_

محسن الباوي

اللهم عجّل لوليك الفرج
________

#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

لحن القصيدة 👇👇

اليوم حگ الشبّان جاسم يريده

……………………………………………………………

احنه الشباب الخادم
كلش نحب القاسم
وبعرسه هم نساهم •• بالدمعات
يا رمله يا مجروحه
ابنج فدانه بروحه
يا ويلي زايد نوحه •• بالطعنات

مو ابن واحد يرمله احنا كلنه اولادج
يامرة راعي الضيافه نطلب احنا مرادج

اسمع من الخدام •• كلنه اخوتك جسام
اليوم حگ الشبان جاسم يريده

……………………………………………………………

هذا الحسن هل جانه
لينه وترك ديوانه
بالنص دخل ويانه    •• يلطم حيل
اعل وليده خل انعينه
نخسف صدر بيدينه
يصد للشباب ابعينه  •• ودمعه يسيل

الحسن لو صد الوجهكم چنه شاف اوليده
جاسم الحناه صارت من نزيف اوريده

يالحسن فدوه نروح •• للشباب المذبوح
اليوم حگ الشبان جاسم يريده

……………………………………………………………

مو بس عزاء انعيده
جاسم وجب تقليده
وانحط ادينه بأيده   •• مثله نصير
رايتنه بيه مشدوده
ونشد عزمنه بزوده
والمذهب احنه جنوده •• ابلا تقصير

كل وكت عاشر محرم بالمآسي انعيشه
اختار وي حسين تبقه لو يزيد وجيشه

لا يغر بيك اعلام •• ثابت وچن جسام
اليوم حگ الشبان جاسم يريده

……………………………………………………………

يا عمي و اصبي عيني
للحومه رخصه انطيني
عطشان اشوفن ديني •• ابدمي ارويه
عودي الحسن وصاني
صوغه والك ضماني
لعمك ابد لتّاني     •• بروح افديه

احلى من العسل موتي في سبيل حسيني
اعطش وبالجنه فاطم جدتي الترويني

عيدي وانا متانيه .. يوم الاستشهد بيه
اليوم حگ الشبان جاسم يريده

..........................................................

هد وانتخه بعباسه
وعمامه خضره براسه
دنگ يعدل امداسه  •• فشله يگول
كام ويرتب اهدومه
عريس هو ابيومه
كاشخ يطب للحومه  •• بيها يصول

هو متعلم يعزب مثل ابوه ابزاده
سفره تارسها ابجثثهم جند وي القاده

سيفه دله وفنجان •• صبها روس الشجعان
اليوم حگ الشبان جاسم يريده

……………………………………………………………

جاسمنه شاهر سيفه
وبالحومه ماخذ حيفه
حر ويصيد ابكيفه  •• من يختار
واتعجبوا من هاشم
شيب وشباب اتهاجم
لو الاكبر ولو جاسم  •• كلهم نار

جا شلون وهمه جدهم خالس المعموره
والاحفاد اليوم رسمت للمراجل صوره

ازغير عود العريس •• انت من هذا وقيس
اليوم حگ الشبان جاسم يريده

……………………………………………………………

✍️ ( سيد خضر الزاملي )
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

نزله
(( #وارث_الحسن )) 
……………………………………………………………

هله ابوارث حسن
أبن دلّه و صحن
رفض ثوب العرس .. و اجه اختار الچفن

……………………………………………………………


هله يلي الحسن چنه و طلع من كبره و عِدل
عايد الذاكره اعليهم چنهم ابحرب الجمل
اتگول عيد و حيل كاشخ موش رايح للأجل
الموت دون حسين عمه عنده احلى امن العسل

هله يل عايد تراث اجداده
جاسم العلّاها روس الساده

عگب عمه الطـُهُر
فلا يسوه العمر
نموت وما نذل .. الشهاده اكبر نصر

……………………………………………………………


الجد علي و الحسن والد  وابو فاضل عم اله
يعني يتنفس شجاعه ابوجهه لوحة مرجله
اتصور اخيول و عساكر حرب كبرى ابكربله
وهو باله ابشسع نعله نزل ليه ايعدّله

قصده هذا الجيش مو بحساسه
كله مايوصل الشسع امداسه

رغم سبعين الف
وجتف يلزم جتف
حديد البالصدر .. گلب ما يرتجف

……………………………………………………………


ذوله هاشم زلم خشنه ازغيرهم ما ينغلب
لو درت هاشمي اهنانه اتصيح الله الحرب
والشجاعه تكول ذوله اخواني والباقي غُرب
يرتفع قدري امن اشوفن بيرغ الاخضر يطب

ابد موش ازغير جاسم قائد
سيفه منجل بالكتايب حاصد

ونعم جاسم نعم
غيور اشگد شهم
مشه مو على الارض .. على اشوارب زلم

…………………………………………………………


اليوم عزرائيل نازل ضيف بالطف استقر
بالهله اتلگاه جاسم گال اعزبلك بشر
دلتي اتفور ابمنايه وصوت فنجاني الخطر
ارواح راح اترس اجفوفك وانت وديها السقر

امعزب وما يرد فارغ ضيفي
الموت جاع و راح اشبعه ابسيفي

هله ابضيفي هله
امد السفره اله
ابن شيخ وفتح .. مضيفه ابكربله

……………………………………………………………


كل رجُل كان عظيماً والوراه لازم مره
رمله هم امعزبه كلش وانطت اجمل جوهره
يمه انا وانت فدوه للحسين ومنحره
بس جريح اتردلي بالك ازعل واغضب تره

يمه الاستشهاد بسمك صاحك
موش واحد كثره اريد ارماحك

اذا ميت ترد
اهلهل وانسعِد
اقدمك لم حسن .. مثل باقة ورد

……………………………………………………………


يا شباب ومثل جاسم منكم الواحد أسد
من تهب ارياح صفره صيروا للمذهب وتد
ايريد اخلاق و عقيده حسين ما رايد عدد
ابد مو شيعي و موالي الكال شعليه و كعد

الشيعي بس للباري هبّط راسه
تارس العباس كل احساسه

ابن سيد الغري
شجاع و ثائري
تموت الناصبه .. و يحيا الجعفري

……………………………………………………………
✍️ ( سيد خضر الزاملي )
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

رباطات حزن
٠٠٠٠ ٠٠ ٠٠٠٠
عباس خويه موش الك
العداك هاي النومه

هاي الهضيمه عله الخدر
شمر اليگود الناكه

ماودعت خوانها
زينب هضيمه من مشت

شيب گلبها الناكه
عباس من درب السبي

ام الخدر مروها
ياناس عمده عله الگمر

هاي الغريبه بلايه اهل
شگد صاحو الچتفوها



عذرينه يم عون وعلي
وياج ما وفينه
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي

عندما رجعه مولاي الحسين ع
نعي

رديت خويه وحيلي رايح
عفت الگمار عالگاع طايح
ترسنهه الخيم زينب نوايح
مايرجع بعد عباس اليچن
ويزينب للسبي حضرنها ديچن
تره اندار الدهر ياخويه بيچن
بعد ماظل اخو الله وعبيچن

كني مولاتي ع تخاطب الحسين ع

خويه حسين للعباس اخذني
عندي عتاب موهو الكفلني
باجر الهلي ياهو اليردني
يرضاها الشماته مرافگتني
وانه الشمس ماشايفتني

بعمري وحياتي ماشفت ناس
من خيالي جان يغار عباس
يخويه حسين عني من تروحون
طلعتي ويل اجانب باجر شلون
يصيحولي السبيه وموش ام عون
اخت عباس بيه ومايرحمون

#قصائد_الامام_الحسين_ع


يا مـــهيوب يمبجي الزلـم كـلها
هاي الگوم تلها من الـــعرج تلها
ـــــــــــ

شد اعله الزلم والخيل والعـسكر
عيد امجاد ابوك المرتضى حيدر
ياهو الگابلك يحــــسين ما يكدر
ممنوع العبـــور اشحـــده اليـعبر
يا مهيوب يمبجي الزلـم كــــلها
هاي الگوم تلها من الـــعرج تلها
ــــــــــــــــــــ

هلا يابعد اخيتك اسرج الشگـره
دوس اعله الزلم يا ريحة الزهره
هذا الجيش اريدن تقلعه بخزره
اعرفنك سبع واعمامتك خضـره
يا مهيوب يمبجي الزلـم كــــلها
هاي الگوم تلها من الـــعرج تلها

ــــــــــــــــــــ

يبن امـــي التماده اگطع الـسانه
ادبهــــــم ابســــــيفك يا بعد انه
ما يرجــف گلب ما دامك اويانه
هلا بريـــحة ابوي البچه عدوانه
يا مهيوب يمبجي الزلـم كــــلها
هاي الگوم تلها من الـــعرج تلها
ـــــــــــــــــــــ

يلا انزل عليهـــم واذبح بكيفـك
سيفك جن علي ماينكسر سيفك
من هاي العساكر اخذ كل حيفك
من المرتضى يبـــن امي تكليفك
يا مهيوب يمبجي الزلـم كــــلها
هاي الگوم تلها من الـــعرج تلها
ــــــــــــــــــــــــ

حگها العدها مثلـك يخي تتشيم
من طرف الخيام ودرعك اتبـسم
زودك من علـــــي والاگتك تنـدم
لزمهم ســــــره عالسيف واتـقدم
يا مهيوب يمبجي الزلـم كــــلها
هاي الگوم تلها من الـــعرج تلها
ـــــــــــــــــــــ

تختـــار الچبير وتقتني الصـيده
مثل المرتضـى والمـشهد اتعيده
يبن امـــــي اريد العسكر اتبيده
انته البلحرب مــيثني طگ أيده
يا مهيوب يمبجي الزلـم كــــلها
هاي الگوم تلها من الـــعرج تلها


الخادم المقصر ناجي ابو كيان الصالحي ونسألكم الدعاء لي ولوالدي 2025

#قصائد_الامام_القاسم_ع

حي زودك بالحـرب يا حلاتك من تطب
هاشمي وهيبه
حگــك اتجيبه
ـــــــــــــ
نازل زود سيـــفك بالـحرب ايه
يا ضـــرغام يالماتثني الحجايه
يبن الصيت خل اترفرف الرايه
جاســــم ها يا نهر الوفه ومايه
يا حلاتك يا شهم من وفائك والنعم
هاشمي وهيبه
حگــك اتجيبه
ـــــــــــــــ
يا جـســـــام يمخلي الزلم تبـلد
حي يمناك زودك بالحرب يرعد
صگـر وهاد هاشم بالوغه تشتد
وي عباس سيفك باشط ويمرد
ويه عمـك يا هله تحلــه هاي المرجله
هاشمي وهيبه
حگــك اتجيبه
ـــــــــــــــــــ
جن عباس وبظهرك شفت عمك
شنهي الجيش هذا الجيش ماهمك
يا جسام يمحـلي الحرب بأسمك
ترهب خـيل من دم الحسن دمك
يالجمالك للحسن حتى خصمك هم صفن
هاشمي وهيبه
حگــك اتجيبه
ـــــــــــــــــ
سيفك جاع وبروس إلزلم ياكل
يبـــــن احيود يا رداد كل عايل
هد يا حــيد لازم ظهرك الكـافل
سيفك حـــار ليثني ولا يجامل
يلا بيهم يا صــگر رمـــــله امك تفتخر
هاشمي وهيبه
حگـك اتجـيبه
ـــــــــــــــــــــ
شد واختار ويـن الروس والقاده
سل السيف خيبر عيده وامجاده
ياهو يــــــعيل ما ينعـال بالساده
فـــوت ابزود ادب جيش التماده
خـــل ترفرف رايتك خــــل تهلهل عمتك
هاشمي وهيبه
حگــك اتجيبه
ـــــــــــــــــــــ
يا جسام يا شبـــل الحسـن كبر
هذا الــــــيوم رادك والدك تظهر
راوي الگوم سيفك بالرگب يفتر
يبن الصيت حكك بالحرب تفخر
هذا يومــك والعـزم ها يجـــاسم لا تهم
هاشمي وهيبه
حگـك اتجـيبه
ــــــــــــــــــــــ
الخادم المقصر ناجي ابو كيان الصالحي
ونسألكم الدعاء لي ولوالدي 2025