موش تــــــــــــنساني اذا ينسوني
بالكبر يحــــــــــــــسين لو نزلوني
""""""""
جنت احضر مجلــســك يبن الطهر
جنت اللطم ســــيدي فــوك الصدر
من اللطم يا سيــــدي صــدري حمر
بهل جنون اشكد بشر لامــــــــــوني
""""""""""
تدمع عيوني جنــــت لومر ضعــــن
اذكر ايتامك وانوحن عالمشــــــــن
جنت بالموكب ادك اعله المــــــــتن
اثر زنجيلك يــضل بمــــــــــــــتوني

""""""""
الگبر وحشه سيدي وماكو ضــوه
وانته يحسيــن الهوه يابوه الهوه
ارد احلفك بالگمر راعـــــــي اللوه
تحــــــــــــــضر بلحدي اذا خلوني

""""""""""""""
حسين ماعندي ابد غيــــــــرك امل
يا انيس الروح لْـۆ جــــــاني الاجل
لٱ تهدني بيوم ينســــــــوني الاهل
نضــــــــــرتك يحسين لْـۆ غســلوني
""""""""""""""
اهنـــًـــاك ضـــــلمه بالگبر گالو الي
تمشي عني اصحابي واخواني وهلي
بس فزعتك باجر بحيـــــــدر علي
زاد اريدك لو فـــــــــــــرق ماعوني
"""""""""

الوحشه باجر سيدي تـحيط الكبر
وأنه مستيقن تجي يـــمي اتحضر
حسين يا بعـــــد الهوه وبعد العمر
ادري تفزع ما تخيـــــــب اضنوني

"""""""""""
اقسم اعليك بعلي وخدر المشــــت
حسين تحضرني اذا باجــــــر متت
جنت اقرالك نعي وياما صــــــحت
ما اعوفك والله لْـۆ كطــــــــٽٽــعوني
"""""""""""
يمن فضــــلك سابق اعليه نعــــــم
سيدي احسبني خدم عنــــد الخدم
ما اضن خايب ارد يابو الشــــــــيم
وادري ما تنسه الدمع بعيــــــــــوني
"""""""""""
كلشي ما رايد قسم بس نضــــرتك
احسبني لو ذرة رمل يم خيــــمتك
ريت يسحكني جدم م‌ـــِْن عيــــلتك
حتى افخر عيلــتك سحــــــــــــكوني
"""""""""""
بعد يمك ضــــلت وانــــــته الوفي
اتريد تقبلني فضل يبن النبــــــــي
خيط كون اتــريد بطــــراف العبي
بعد يمك وانته ترس اضــــــــــــنوني
"""""""""""
بقلم الملا ناجي ابو كيان الصالحي ✏✏✏
ونسالكم الدعاء

وأنه من هذا العزه ماريـد شـــــي
بس نضرتك سيدي واعليه فـــــي
جا وحقك لولا هل خدمه اضيـــع
متت وبدربك صرت يحسين حي

ل ناجي ابو كيان الصالحي

خير ما شفت مثلك يبو الــخير
شايل يا محــــنه افياي للـــطير

ما شايف بشر يبجي عله اعداه
انته اجبير وألطف سيدي زغير

سفينه للنـــجاة ومأوه للغــرگان
الما يخدم يضيع ويــــوكع ابير

ل ناجي ابو كيان الصالحي

#قصائد_الخدمه_والخدام الليله ٢

مولاي حسين مولاي حسين
___


حسين ادبنـــي ابخدمتي
وكون اصير صدگ خادم
انه اريدن بـــس رضاكم
ما يهمـني رضــــه الوادم
انه عايش حتـى اخدمك
وبالــــنوايه ربـــــي عالم
انطي كلشي حتى روحي
وبخدمتــــــك ما اساوم
مولاي حسين
مولاي حسين
__
انه احـــــبك وانته تدري
حسين ربيني اعله ايـدك
انته خـــــير وأنه اجيتك
يالمضحي بـــدم بوريدك
لا تضـــــيعني واتيـــــهن
تلزم اجفـــــــوفي اريدك
خادم وابقـــى ابخدمـتك
خادمك واخدم عضـيدك
مولاي حسين
مولاي حسين
____
الله خـالق كلــــشي لجلك
وانته كلشــي انطيت النه
يا حنيــــــــن وماكو منك
شايل ابكلبك مـــــــــحنه
من زغرنه وبيــــــك ذبنه
صرنه خــــــــدام وكـبرنه
فرض حبك يبــــو الأكبر
زلم صرنه مـــــن خدمنه
مولاي حسين
مولاي حسين
__
للمــــجالس بيــــنه لهفـــــه
وذايبين ابجو خدمـتــــــك
يبو اسكينه الدنيــُـــــا غابه
وعايشين ابفـــــــي رحمتك
المايخدمـــــك شنهي عمره
وما فهم شنهي مــــــحنتك
مدد منــــــك واطـــــنه قوه
هل مـــــــــــــحرم يا غربتك
مولاي حسين
مولاي حسين
____
ندري اليخــدمــك تــــــــعزه
يعله شأنه وصـيًـــــــته يعله
كلــــمة الخــــــــــادم جبيـره
واليضــــــدنه خــــل نـــــگله
ما نعوف حســــــــين نقـسم
غير ابونه ومـــــــــــــا نبـدله
اشما تمر أعــــــــــــوام بينـه
يغله ابو الســــــــــــجاد يغله
مولاي حسين
مولاي حسين

____
-الخادم المقصر ناجي ابو كيان الصالحي ونسالكم الدعاء لي ولوالدي

#قصائد_الامام_العباس ع الليله ٧

طب الكفيل بيده رفت رايــــته
__
حي الله اخو زينب نزل واتبشر حسًــين
عــــباس يمخوف الزلم شاطرها نصيــن
يحزام اخوك وهيبته وصــدر الدواويــن
يمبجي عدوانك صدك فــخر الصـواوين
هيبه ووقار علي وردت صــولته
__
نازل غضب وابيمتنه سيف الاجل صاح
حي الله عباس الفحـــل قباض الارواح
بالطف رسم لوحـــة وفه وللغيره الواح
يا خيل تلحگ شگرته وما يرضه يرتاح
شال الفرات وبيده جابه لخيمته
__
حي الله سبع الموزمه الما يعرف الخوف
هزهز الگاع ابصولته وطشرها الصــفوف
شي ماتت وشي اركضت شي ولت ازحوف
ما همـــــته كثره وعــــدد ماهمته اسيوف
يرهب يصول بيده شايل جربته
_
حي الله اخو العلويه طب ورجفت الخيل
عباس طب اعلـــــــــه إلزلم شوفهم الويل
خله العساكر ترتعـــــــش والصبح جن ليل
عباس المونس الـــــحرب بالحومه سجيل
ظهر الحسين هلا ابروحه وغايته
_
ساوه الجثث بالمشرعه وصاح انه عبـاس
راعي الكحيله وصولتي خل تعـرف الناس
حي الله المخلي الزلم تحبـــــس بالانفاس
راعي الحرايب ونــــعم يسحك شكو راس
بالحومه صال يا جـــــماله وهيبته
_
الخادم المقصر ناجي ابو كيان الصالحي ونسالكم الدعاء لي ولوالدي

#قصائد_علي_الاكبر_عليه_السلام الليله ٩

علي الاكبر علي علي الاكبر علي
___
عجب الناس من جماله وهيبته
عجب الناس مبدع ابكل صولته
وصلت لينه اعلومه
من طب وسط الحومه
يرهب يرعد يومه
حي الله الاكبر
يشبه جده الهيبه
گال الحك ايجيبه
هاشم زلم النيبه
حي الله الاكبر
علي الاكبر علي علي الاكبر علي
__
هيبة المختار سيفه بالحومه لمع
هيبة المختار جن محمد من طلع
رايه ابجفه الرايه
عالحد دگ الثانيه
سابي الگوم اسبايه
حي الله الاكبر
فارس وابن الفارس
بالطك دوم اينافس
يذبح بيها ابواهس
حي الله الاكبر
علي الاكبر علي علي الاكبر علي
__
عمه العباس شدو الظهر ابظهر
عمه العباس يسحگ ابرجله الكفر
هوه وعمه يقاتل
يسطر جفه العايل
هد ابظهره الكافل
حي الله الاكبر
هيبه ويسطر بيهم
ما گامت رجليهم
هد الحومه اعليهم
حي الله الاكبر
علي الاكبر علي علي الاكبر علي
____
شردت الگوم من نزلها ابن الولي
شردت الگوم كلها صاحت يا علي
دار الحومه بأيده
كيفه ايجيب الصيده
من حيدر تجنيده
حي الله الاكبر
ترهب نظرة عينه
تسطرهم چفينه
ياهو ايلاوي ايمينه
حي الله الاكبر
علي الاكبر علي علي الاكبر علي
____
ابن الحسين سوه بيهم ملحمه
ابن الحسين عمـه عالطگ علمه
بيده يهين القاده
حي الله ابن الساده
وارث طبع اجداده
حي الله الاكبر
امه ومن تدعيله
ما يسحكت عالعيله
خل اتهلهل ليلى
حي الله الاكبر
علي الاكبر علي علي الاكبر علي
___
الخادم المقصر ناجي ابو كيان الصالحي ونسالكم الدعاء لي ولوالدي

يــوم ســابع للگمـر … عباس عباس
والخيم كلهه فـخـر …
گـــلب عاليهه حدر
تذب نار اعيونه

بالحــرب ما ينگـحـم
گبـاله اشــباه الـــزلم
دخــل ويــرف الـعلم
فنهم ايــلاگونه

هــــاي اشباه الـــزلم مـــحتاره
بـــريـــشته الحربيه شبت ناره
گلب عاليهه اعله ناصيهه الگمر
والـــزلم مــا واجــــهت بـــتاره

وين ابن امه النضر لعيونه
اليوم يـوم العباس تدرونه
"""'"''"'"''''''''''''
خطف چن برق السمه
وســوه بيهم ملـــحمه
الحـــومه تارسهه دمه
وشالهه بچفينه

گبــاله يــحتار الـوصف
ضــل يطــگ الف بـألف
والــوصل يـــمه رجــف
هاذه حر حسينه

طبعه حربي من وگف بالساحه
واليـــخزره بعــينه ذب اسلاحه
مو عيون سيوف تذبح بالقـتال
فحــط الجيش وســـلبهم راحه

الجيش گدامه صفه شويونه
اليوم يــوم العـــباس تدرونه
"'"'"'"'"'"'"'"'"'

النـهر جــــــــابه للخيم
وعينه ســـــدهه بالزلم
الشرد من عنـــده سلم
وكفو عم الساده

گباله مـــگطوع النفَس
گمر ومــچوي الشمس
بحيله خالسهم خـلس
داس فوگ القاده

الحومه مهره وبيد سبع الگنطره
غـــرگاهم بالــــــنهر ردهـــَم وره
عيت اترابه وخنگهم مـــن هـجم
گام يـــذبح بالـــــسره كل السره

ياهو يــگدر للگمر وفنونه
اليوم يوم العباس تدرونه
"'"'"'"'"'"'"'''''"'
هـــيبته هـــــيبة عــلـي
الكرب شاله من الــولـي
بسيفه كل هـــم ينجلي
عن وجه خيماته

لا فتـــى الا اهــــــو
ومــاله لاند لا كفـــو
والنعم من هل اخـو
سند كل خياته

العنده اخـــو مثله صدگ هنياله
يعش طـــول الدهر عالي بجـاله
ماكو كل طول الدهر مثله اكـيد
كـــلشي مــات وعايشات افـعاله

العنده مثلك بالبشر خيعونه
اليوم يـــوم العباس تدرونه
"'"'"'"'''"'"'"'"'"'"'
زود كــله ومـــــــــرجله
وصــــگر بيـــــده كربله
فـــــــخر كـــــل امـدلله
من يطب ابزوده

وگف ابـــــــجوده الزمن
تــــرف وبـــصدره وطن
الغيــــــره والخوه التقن
من شمرها زنوده

الخـــوه درس وينوخـذ من عنده
وابــــو فاضل بي صــفات الورده
شاب واسمه مزلزل التاريخ حيل
وعــــدل يسطر لسه عايش بعده

چتف الطف وگلب كل لونه
اليـوم يــوم العباس تدرونه
'"'"'"'''"'"'''"''"''
خادم القصيده
عزيز المياحي
@HxzEU1

اللهم ابلغنا: #محرم
.
قصيدة لمجلس القاسم........وزن..المنسجم
.
.
يايمه ناذرتك نذر
كل يوم أشبرنك شبر
لجل المنيه
بالغاضريه
يبني يجسام
.
.باچر حرب باچر ضرب
تتنازف ادمانه
واجب علينه نستعد
يبني. يريحانه
عمك يظم وسط الگلب
يايمه احزانه
من هسه يوليدي الشمر
شو طول السانه
.
اظلم غده يمه الضوه
شو مختنگ حتی الهوه
لجل الزچيه
بالغاضريه
هاليله منّام.....يبني يجسام


.
.
هاي المسيه ابخيمتك
الشمعه اشعلها
مو للعرس. مو للفرح.
يبني. انزلها
خطة هجومك بالحرب
لازم نعد الها
تبرز على ثلاثين الف
يبني وتقاتلها
.
يايمه ازعل من اشوف.
ترجعلي بزنودك چفوف
يوم الرزيه
بالغاضريه
حيل اطبر الهام...يبني يجسام

.
.
اهجم. عليهم لاترد.
يامهجة اعيوني
گلهم أنه شبل الحسن
يالما تعرفوني
دربني عمي ابو الفضل
فنكم تلاگوني
الضربه ضربة حيدره
لاما تردوني
.
خل يغرگ ابروج الدمه
کلمن يناصب فاطمه
زمرة اميه
بالغاضريه
يوليدي ظلام...يبني يجسام


.
.
لاتلتفت صوب الخيم
همك تشوف أمك
ناذرتك آنه للحرب
يبني فده العمك
من تنجرح لاتنثني
مهما نزف دمك
وشما تون من خيمتي
يبني استمع ونك
.
بنصرك انادي واندعي
.بس ما اگول اترد الي
أنت الهديه
بالغاضريه
بيك ارفع الهام...يبني يجسام

.
.
خطة هجومك جاهزه
ها يا بعد بيتي
ارد انظر ابسوح الحرب
يوليدي تربيتي
ارد استمع من فاطمه
يارمله كفيتي
مثل الوفيه ام البنين
الليله وفيتي
.
يبني ارد اشوفن بالفله
مخنوگه غبرة كربله
هاي المسيه
بالغاضريه
لا لا لتنظام....يبني يجسام
.
.
.
ذيچ الهزل بيد الشمر
يمشي ويجر بيها
يعني اشتظن هذا النذل
المن يخليها
ترضاها يسبي عمتك
يبني ويبچيها
يسطر رقيه وهم بعد
يسلب تراچيها
.
عمك لون يقبل اذود
اهجم عليهم بالعمود
عالناصبيه
بالغاضريه
نتحزم احزام...يبني يجسام

.
.
لا تنسوني ووالدي من فضل دعائكم المبارك
.
حسن الموالي الفاطمي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

هاشمي شمحلاته
بالحرب صولاته
نسمع حچايـــاته
هذا جسام يرمله هذا جسام
------------------------

طوله اكبر من غدرهم والوجه نوراني
بيده سيف يهزله دنيا وگلبه عالم ثاني
يا أمير اعلى الاماره ويا نبض وجداني
والله حي اصل التنومس بالولي الرباني
حيدر بترتيـــــــــبه
بس نقصهه الشيبه
يا منيه تصيـــــــبه
هذا جسام يرمله هذا جسام
------------------------
رخصه من حسين ماخذ والعمامه براسه
عوزه بس رايه وجربته ويوصل لعبــاسه
زينب الكافل رجعلچ والغضب بانفــــــاسه
راجع وشايل شريعه ونهر ميــــــت داسه
يا عطش يلفيكم
والله اليحاميكم
يا فضل طاريكم
هذا جسام يرمله هذا جسام

،،،،،،،،،،،،

وابتدت رحلة شجاعه من المـــهد لطفـــوفه
بين ابوه وبين عمه الدنيا كلهه تشــــــوفه
خل ابو الحسنين يرجع خل يعوف الكـــــوفه
خل يشوف أبنچ يرمله ويمسح اعلى چفوفه
حالف ويگضيهم
ابد ميخليهم
اول وتاليهم
هذا جسام يرمله هذا جسام

،،،،،،،،،،،،،،،،،

صاح بيهم انا ابن الما يرد خطــــــــــــاره
عمي اعظم من كلامي وبالعرش اخـــباره
لو صحت عباس تشرد هالزلم محتــــــاره
جدي بيده الطبر مرحب وابن ود وانصاره
اهلي معنى وغايه
بالحرب حچـــــايه
انا ابن الرايـــــــه
هذا جسام يرمله هذا جسام

،،،،،،،،،،،،،،،،،،،،،،،،

بويه والله اتمنى يمي وتنظر لجسامـــك
بويه يلمسموم گلي شلون ارد اعضامك
هيچ حاضر وانا اجيب المشرعه گدامك
واخذ بثار الجنازه وألم ذيچ سهامــــــك
يلحسن وعيونك
ذوله اليعادونك
ابد ليهمــــــونك
هذا جسام يرمله هذا جسام

لخادم الحسين / رعـد الفريــــــــجي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

نزله سريعه لبطولة القاسم في كربلاء
.

.
حي الله جسام .. حي الله جسام
غصن الورد طب للحرب..
حي الله جسام
.
.
ظل يلعب الرايه ..
               للمنايه الغايه
أسمه بالطف آيه ..
بحروفه اسرار
.
الذبح ميهمه ..
     يفدي روحه العمه
بالعدى الملتمه ..
       سل صارم النار
.
زينب تنادي بالخيم :
حي الله جسام
يبن الحسن راعي الشيم
حي الله جسام
.

.
غيرته بأيمانه  ..
        والكـرم عنوانه
والحرب برهانه ..
      أتعرفه السيوف
.
الهـجم ينـزله ..
         والخـتل ينّدله
والشرد ماحله ..
     من گاع الطفوف
.
من سيفه يلمع الدمه ..
حي الله جسام
وتگله دمعة فاطمه ..
حي الله جسام
.

.
للـشمر وجـنوده  .
        سرفناهه ازنوده
من يحد احدوده
        أنفاسه عطاب
.
صارمه يـرديـهم
       والدمه يرويهم
ظل يغربل بيهم ..
     چن داحي الباب
.
كل صوله ينسفهم نسف ..
حي الله جسام
ويطر  الـ 30  الف ..
حي الله جسام
.

.
من تراب الهيمه ..
      سوه بالطف غيمه
بيها ذب كل ضيمه .
         . ومحير الناس
.
أويه الذبح يتسامر .
              والزلم تتشامر
بالشدايد مافر
             أمدربه عباس
.
والقائد ايشوف اشجره .
. حي الله جسام
روس الرجال امطشره .
حي الله جسام
.

.
كلمة أمـه أبـّاله ..
          البرز هنـيـاله
يفدي طه وآله ..
       ويقدم الجروح
.
للضلع وآثاره ..
     يبني أطلب ثاره
من تشن الغاره .
  . وتضحي بالروح
.
بتسبيحة الزهره الرزق .
. حي الله جسام
كل طگه 100 تنفلق ..
حي الله جسام
.

.
گلها يالربيتي ..
     أنتي شمعة بيتي
المنيه امنيتي .
   . ثوب الذبح لاح
.
راح أقيم اعراسي ..
       ويه گطع انفاسي
حنّتي دم راسي ..
        والياس الرماح
.
كل نبـضه مـن گلبي تدگ
.. حي الله جسام
والعمي حل فرض العشگ .
. حي الله جسام
.
تمت
نسألكم الدعاء

حسن الموالي الفاطمي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

قصيده لعلي الاكبر ع

صوت اسمعه من بعيد///استقبلي اوليدي الشهيد
راح وراحت منه الروح
مارد سالم رد مذبوح
////////////////////
استقبلي ابنچ ليله يله بلكي يرتاح
وزعت طوله الحوافر لحد الاصفاح
ضمدي جرحه بلكي يهدي من الارماح
اتصوري لمن وصلته اعله الوجه طاح
ذابح اوليدي العطش // وجسمه عالگاع انفرش
صدكيني هوايه مجروح
مارد سالم رد مذبوح
////////////////////
نمت يمه وكتله بويه احضني فدوه
حركت بيده وشبگني شبگه حلوه
شلته من الكاع ضهره موتچوه
ارد اگومن من مكاني گمت گوه
شبعت الكاع بدماه// والرمل بالدم رواه
عطره ذاكه الچان يفوح
مارد سالم رد مذبوح
////////////////////////
بااخر انفاسه ويگلي بويه تعبان
الساني مثل الخشب صاير حيل عطشان
الجان يشبهه وجهه جده هوايه ذبلان
وگفت لحضه كلت بلكي حلم حلمان
ادركني يابويه يصيح //وانه كلما امشي اطيح
مسحي خده ماممسوح
مارد سالم رد مذبوح
//////////////////////
كوه لميته بديه ماهو صدره
منين ماشيله يليله اتطيح وذره
ساحگه الخيل اعله جسمه وبي تطشره
الخيل متقصده تسحگه ماتعبره
من ظلوعه الحد الوريد/// الحافر من ابني شيريد
شاغت روحي وين اتروح
مارد سالم رد مذبوح
//////////////////////
توه چان بصفي واكف يشم نحري
كل دقيقه گلبي بزني بموته ادري
تالي عافاني يليله وكسر ضهري
وهسه ابيض چفني صاير موش شعري
الميت ابنه يضل حزين // رايح اوليدي الحنين
جبته لحضنچ بس مطروح
مارد سالم رد مذبوح
//////////////////////
سيد محمد الهاشمي

قصيدة .( الوصيه)

...............................

عهـد الوفــه بكفالتي
يــازينب  انــتي  بذمتي

أخـتي وتحرسج غيرتي
يـــازينب أنتي بذمــتي

.........................................

حيدر ابونه من الزغر بكفالتــــج وصانـــي
جابج وحط جفج على ايميني وكفلتــج انــي
سلمني سيفه ورايته وبسم الكَمـــر سمانــي
خطيت يازينب على اجفوف الوفه عنواني.

توجني ابوي بهلصفه
سّمّاني عنوان الوفه.

مـا انسه والله اوصيتي
يــازينب أنتي بذمــتي.
........................................

بشارب كفيلج يالاخت يازينب انتي بعينــي
اشترديـن وشعنـدج طلب ياريت بس تنخينــي.
من دمـــي وقعـــت العهد مابينــــج ومابينــي.
احميج حتى من الهوى لو كلتي خويه احميني

احميج واسحك عالخطر
لو  ينكطع  هــذا النحر.

لاخر نفس بحمايتي
يازينب انتي بذمتي
........................................

مادام راسي اعله الجسد عهد الكفاله بذمتي
محد يصــل يم خيمتـــج محد يمرج يختــي
اكلب موازيـــن الفلك بالغيــرة لو حشمتـي
ابقة انه عبــاس الوفــي وزينب المهيوبه انتي.

ابقى انه ميزان العدل
وارجال يم سيفي تذل.

تشهد يساري ويمنتي
يــازينب انتي بـذمتي.
.........................................

انه المجد زود وعـــدل انه المراجل مهـــدي
عاهدت متمرج محن وامضي بوفاء العهـــدي
خوية بمشاعر غيرتي بنبض الاخوه العنــدي
بعيوني خدرج يلاخت لو دنية توكف ضدي.

اقسم وحك كسر الضلع
هيهات اشوفج بالدمع.

خدرج مبادئ خوتي
يــازينب انتي بذمتي
........................................

يابت علي بروح الوفة بسيفي ومعالــم زودي
اسحك على اخطار القدر وابلـغ وصية عــودي
امني وامانج هيبتــي ازرع رعـب بحـــدودي
تشهدلي ساحات الوغى تكشف عزم مجهودي.

أنه الامان . أنه الوطن.
آنه .التكفلت الضعن..

رفت مــراجل رايتي
يازينب انتي بذمتــــي
.........................................
✍ابو منتظر الحجامي\2025

اقسم بــــدين الله وكتابه ونبيه
أنــّــه مجنون بغرام أبن الزجيه
...................................

انه احب حسين من اول حياتي
بهل محبه اتحققت كل امنياتي
مااعوفن ها العشك حتى بمماتي انفض اتراب الكَبر واعلن ثباتي

أبقى عاشك حتى من بعد المنيه
.........................................

اشكر الـله وادعي لمــي العلمتني
حب ابو اليمه برضاعتها ارضعتني
وبرعايتها العجيـــبه من رعتـــني
بكل عواطفه حنـــان الحب روتنـي

صار حب حسين دم ويدور بيه..
.......................................

الدنيه والافلاك والكون ونظامه
اتولعت بحسين تترجه الكرامه
والله مو بس عابس انجن بغرامه
الجنون انجن على محبت الامامه

فطره هذا العشك من رب البريه
.......................................
 
قررت.. واعلنت  لارجعه بقراري
الله حبني وصار ابو اليمه اختياري
عالي راسي بنعمة الخدمه افتخاري
وآ..حسينآًّ صرختي ويبقى شعاري

حسين الي موطن وعنوان وهويه

........................................

تاج راسي حسين حبيته أبيقيني
لأن ضحه بدمه لجل يعيش ديني
موت يل حاقد بحقدك لاتجيني
ما..أساوم والله ماعوفن حسيني

ما اعوف الشفت روحي بنور ضيه
.......................................
 
 من الزغر بنفاسي عالفطره شهكته
واعرفت معنى المشاعر من عرفته
اشم عطر الجنه من اوصل حضرته وادعي من الله يشرفني بخدمته
                                      
 خادم الخدامه احله اوسام اليه
........................................

خدمة حسين العظيمه شرفتني
جنـــت مــتأخر وهيه القدمتني
أشثكر ناس اعله الخدامه ساومتني
خاف اقصر وادري اضيعن لو عفتني

الزمني بيدك اقسم اعليك برقيه.
........................................

✍️ ابو منتظر الحجامي
 

شوط كربلائي. للقاسم بن الحسن المجتبى. عليه السلام.
ـــــــــــــــــــــــــــــــــــــــــــــــ

بثياب العرس جسام .ولامت والده وسيفه .
يتمايل فخر والكَوم صارت تمشي بكيفه.
.........................................

شــّع وشكد غزل نظرات تتبع خطوت اوليدي.
هــــّد مثل الرمح بالريح گلهم هالحرب عيدي.
أنـــــه الذخـر للخوه.اجيت وصارمي .بيدي.

فتح ساحه بكتايبهم.
زغير وزوده يرعبهم.
بده بسيفه يحاسبهم

اشوف بهمته العباس .ياخذ بالحرب حيفه.
........................................

جمع بين العرس والموت محله اعمامته الخضره.
تسابك مشيته النسمه .كَمر واربعطعش عمره.
رغم كل الترافه البي مراجل تنجفي بكتره.

ارتجز واهتزت الحومه.
تفاخر عمـــّه بعلومه
مثل يـوم الحشر يومه

سيفه بيمنته والموت صار بصولته ضيفه.
........................................

وكف وكفت الف فارس .تراجع جيش من عزمه.
من طب ساحة الحومه أبــد ما ظل ولا زلمه.
هتف شبل الحسن بيهم .وتبسم كَلب عمه.

شبل والصارم ابيمناه.
عنيد ويــــومه يتمناه
زلــــُم ما قـاومت ويـاه

طفح غيض وزعل وعناد يخطف بالرگب سيفه.
.........................................

بقتاله تفاخرت أمـّه مـنّ مـا بقت خياله.
من صال وهتف بالجيش.ذل فرسانه و رجاله.
هوس عالركَب بالسيف .شــّد والهوسه تحلاله.

كــّبر وانتخــــه بجـده.
بيهم ضاعت الشرده.
شنهو المن عزم عنده

مثل الحلم مر عالكَوم .مرّ ومرورته بطيفه.
.........................................

صال ومايبالي الموت.تجدح بالغضب عينه..
ما مرتبك بالحومه.بــنّي هــاشم امعلمينه
شبل بس غيرته براسه.يضحي العمه بسنينه.

يجـّرد سيفه عالمنكر.
ولا مـن طبعه يتعـذر
يضحي العمه بالمنحر.

زامطهم ازمـاط اسباع. خله بكل گلب خيفه
..................................
✍️ ابو منتظر الحجامي.. 2025

شوط كربلائي. في غضب وزعل العباس عليه السلام
.......................



طك عرج الزعل واغتاض هدّ وركب ميمونه.
صال وخبط صافي الجيش والمات الف خيعونه.

.........................................

للحومه كَصد عباس وترف رايته الخضره.
كلمن كَابله يرجع فوك امتونه بس نحره.
من كد ماكطع بالروس كاع الطف غدت حمره.


مثل فــّر مغزل يفرهم.
زحف عالشاطي كـورهم
صبغ سيفه بنزف دمهم

والما گــطع راسه يموت .خوف بخزرت عيونه .
........................................

موت ونزل بين الكَوم .يلعب عالركَب سيفه.
بين أجفوفه صار الجيش .ظل يتخير بكيفه..
فرهم مثل فر .اعصار.منعدهم اخذ حيفه .

من طبهم شبل حيدر.
صارت ضجــّه بالعسكر
زلـــــّم بالــزلم تتعثـر.

ناس اتشوفه اجه العباس .وناس الوصي يشوفونه.
.........................................

كفهم كف هوى بشراع.حتى اختنكت الحومه.
جن يوم القيامه وصار .يامصعب غضب يومه.
يم عرش السمه وبالكَاع .والله اتنومس اعلومه.

بــرز بي من علي ملوحه.
خطف والجيش اخذ روحه
الختــّل والشــارد ايلوحه.

اشوس قسور الشجعان .موت احمر يسمونه.
.........................................

طبهم غــاضب العباس.يتنفس حرب طبهم .
مثل .كور. الغزل.بالسيف. حدر اجدامه كوّرهم
كَد ما حصد بالجيمان . جثث فــوگ الجثث لمهم.

قانـون العـفو شــاله.
ظـــلوا مثل الوشاله.
مـــا تتوصف الحـــاله

لهسّه المات .ميت خوف يومه شلون ينسونه .
.........................................

فــّرت من گمر هاشم مثل ماي برمل فرت
من قوة ضرب سيفه .صوارمهم ثــّلم خلصت.
گطعهه ادروب رجعتهم .جحافل عالنهر جلًت.

اخذ صيت الحرب كـلّه.
غيـــــور وبالزعــل يحلّه
فــــــلا جابت مره مثله

وكف عالمشرعه العباس والجربه على أمتونه .
.........................................

تملكها الشريعه بزود .لاكن رفض يتروه
حـــط بوابة الايثار . والنوماس والنخوه.
شلون اشرب واخوي حسين .گلبه الضامي يتجوه .

نفض من النهر ايــده.
يشاهد صورت اعضيده
يعــاند نفسه ماريـــده

للخوه أمتنع. مو خوف. مو همه اليمنعونه.
........................................

✍ أبو منتظر الحجامي. 2025

الوداع الاخير بين ليله ام علي الاكبر وولدها .


ودع أمه وطب للحـومه غاضب علي..
ضامي يرتل بين اشفافه بسم العلي.

يعلن سكوته آهات.
عينه بنظرها آيات..

بسم . العلي.
......................................

ودع علي امه ورجع برسومه هيبة جده..
يسترجع وينضح عزم غيرة الكافل عنده.
اصبح اهنا حال الزلم ماي برمل يتبده.
بين العساكرصولته صارت عليهم شده.

لا موكَاع يدوس الحافر يسحك زلم.
اشجع فارس واجه سيفه رد منهزم.

يل صولته مناجات.
عينه بنظرها آيات
بسم . العلي.
..................................

توسط علي جيش العده حاضنه السيف ايمينه..
وامه اعله بيبان الخيم تذكر رباه واسنينه
والحرم برسوم الولي تشاهد علي وبعينه
وبنظرت افراك وذبح تندار عين حسينه..

بوجه الوالي ونظرت عينه ساحة حرب.
وسط الحومه يشوف اوليده من ينضرب.

بصدر الرساله طعنات.
عينه بنظرها  أيات...
بسم . العلي
...................................

طاح ويشاهد طيحته حين الوكع من مهره.
وندارت اعليه العده والطبره تحضن طبره.
ناده علي ياوالدي ادركني يبن الزهره.
مسرع اجاه الحومته والكلب يلهب جمره.

شاف اوليده مخضب جسمه بفيض الدمه.
صاح  بعبره  راح الاكبر يا فاطمه..

يمّه برحيله مأسات.
عينه بنظرها آيات..
بسم . العلي
..................................

شد حيله وتحزم صبر لملم علي بذرعانه.
شمه بجروحه وقبلّه بشفايفه الذبلانه.
وتعنه بي صوب الخيم روحه بحزن غركانه.
ناده على الدنيه العفه من مدده بصيوانه.

طول بطول تمدد يمّه وصاح العفه..
ويشاهد طعنات اوليده  دم  نازفه..

صاغ اعله طوله دمعات.
عينه  بنظرها   آيات....
بسم . العلي
........................................

من اجت أمه الخيمته كَعدت تعد بجروحه .
هاكثر ابني بي طعن وادري بترافة روحه.
يم الولد راح الولد كَومي استعدي النوحه.
موذر علي يا بو علي والعين الي مشبوحه.

خلوني اغسل دم اوليدي بجاري الدمع.
بلكي اخر كلمه من اشفافه يمّه استمع.

كلمه وتساوي كلمات.
عينه بنظرها..آيات..
بسم . العلي
.....................................

✍ ابو منتظر الحجامي....2025