انه اول فارس يلاگيكم
بعد كافل زينب متانيكم
غاره تتبع غاره
والزلم محتاره
انه اول فارس يلاگيكم


،،،،،،،،،،،،


اليوم هاشم قدمت   فرسانهه
حسين قائد بيده كض  عنانهه
الزلم    حيل   اتغيرت  الوانهه
اليوم   يتعب   بالجثث دفانهه

حسين من ينطي الامر
كلمن    يحضر      گبر

علي الاكبر انه  اليحاچيكم
بعد  كافل  زينب   متانيكم

،،،،،،،،،،،،،،،،،،،،


خلي اشوف   البيه  زود ومعتلي
جيبو اشجع فارس وقدموه  الي
راح اخلي  الموت  بيكم    يبتلي
گلو  لبن زياد    رد    ليكم   علي

قسم بالسبعه الشداد
الا اسويكم  رماد 

لعالم الارواح اردن   بيكم
بعد  كافل  زينب  متانيكم


،،،،،،،،،،،،،،،،،،



أمني   يلحوراء   يا تاج   الشرف
الا اخلي   گلوبهم    مثل  السعف
الما رجف كل عمره گدامي رجف
الموت ما عرفوه من سيفي انعرف


صاحو الموعد حضر
وانه  سموني   القدر


اليوم اخلي الحومه متكفيكم
بعد    كافل    زينب  متانيكم


،،،،،،،،،،،،،،،،،


زلزله   من   نغير   مثل    الزلزله
اليوم فرض الموت موش النافله
مرحله تموتون واصعب    مرحله
خاتمة    اعماركم    في     كربله


جفت اليوم الصحف
راية حسين   الترف

لحد قيام الساعه وتذل بيكم
بعد    كافل   زينب   متانيكم



،،،،،،،،،،،،،،


دورو  غير  اعذار من يبدي القتال
وخلي اشوفن وينكم بيكم  رجال
چفوف اديكم تنهزم حتى الخيال
اليوم ازرع روسكم حان   الشتال


واروي گاعي من الدمه
دام      زينب    سالمه


روسكم   تصبح  تحت رجليكم
بعد    كافل    زينب    متانيكم


،،،،،،،،،،،،،،،،،


سجل  بعاشور  في ارض  الطفوف
چانت  ازمة  مرجله  وهمه   ألوف
گلهن    مدنگات    يا ذل  السيوف
والسبب معروف رجفه  بهالچفوف


حان  موعدهم تره
الدنيا صارت آخره


حان    موعدكم   ولا   خليكم
بعد    كافل   زينب   متانيكم



كلمات الخادم
رعد الفريجي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

قصيدة علي الاكبر ع… محرم1447 هـ

ليليه انوح اعليـــــك ليله
يوليدي يالمالك بعد جيه
يكسـر الخاطر حالي
ضل بيتي منك خالي
       ــ⊱☆☆☆❀☆☆☆⊰ــ

جرحك تربـع بالگلب يبـني وتهـــــدم حيلي
يوليدي يالاكبر ابد ما نمت ســــاعه ابليلي
رديت وحدي والزمن من اهلي شمخليلي
راح الجنت يمه استلذ من يگعد ويحچيلي

ياريت اخذني الموت وياكم
ولا ابقه اعيش ابنار فرگاكم
يالما تفــــــارگ بالي
ضل بيتي منك خالي
        ــ⊱☆☆☆❀☆☆☆⊰ــ

هجرك يسباح الگلب حســـيته خانگ ريتي
دمعتي ابطولي وشيبت هيج اصبحت تاليتي
بالطف يبعد امك نمت واضلم اخلافك بيتي
مابيـه اگوم وحـــدبت فگدك سـلب عافيتي

يولدي باجر لوحضر موتي
ياهو أليه ايشــــيل تابوتي
بالي انشـده يالغالي
ضل بيتي منك خالي
        ــ⊱☆☆☆❀☆☆☆⊰ــ

امـدد ابحــر الشمس والوجـه فاگد ضيه
وشفافك الجنهن ورد ذبلن اشويه اشويه
ردتك ضخر تالي العمر جاليش تگطع بيه
اتوضه جنت ابشــــوفتك يالمنترس حنيه

بلكي ابحلــــم وياك اتـــــــلاگه
وشكي الجرالي برچبت الناگه
بيه اشمتو عــــذالي
ضل بيتي منك خالي
        ــ⊱☆☆☆❀☆☆☆⊰ــ

اشويه مــن عمري بقه ولوعات عندي هوايه
گلبي انگطع وي منحرك والعــگل فاگد رايه
اتمنه اوصل مصــرعك وياك عنــدي احچايه
ومن دمعي ابلل شفتك ادري النهر شح مايه

بس خاف اجي وماالگه اثر منك
گدما اخيــول اعــــــداك داسنك
بيك انفجـع ترضالي
ضل بيتي منك خالي
        ــ⊱☆☆☆❀☆☆☆⊰ــ

عطشانه مو للمـاي ابد والشوفتك عطشانه
معصــور گلبي امن الالم ومن الهظم تعبانه
مـن رحنه عنك لليســــر راسك مشه ويانه
وسمع سوالف جارحه ماعدها رحمه اعدانه

اخــــــذوني عنك يالولد گوه
والسوط فوگ امتوني يتلوه
طف كربله اشبقالي
ضل بيتي منك خالي
        ــ⊱☆☆☆❀☆☆☆⊰ــ

  ✍الخادم
كامل السعيدي

نزال علي الاكبر ع…محرم 1447 هـ


حي الله علي الاكبر شاهر بيده بتاره
            ــ⊱☆☆❀☆☆⊰ــ

اترخص وطب للمعاره والشـوارب داسها
الحومه مختبصها وتحزم للحرب خلاسها
والامس شجعان كلها اليوم طخت راسـها
الزلم فگر الي ايتنفس گطـع حتى انفاسها

كلهم ضلو يصيحون رد حيدر وفقاره
            ــ⊱☆☆❀☆☆⊰ــ

جندل الابطال كلها وداس فوگ اخشومهم
ومثل ابن العاص نزعـو بالمـعاره اهدومهم
صــوفرت مثل الســنابل آل اميه ارسومهم
اتشيم الاكبر اعلومه وخـزي وذل اعلومهم
           
ضل ايسولف التاريخ عن تضحيته وأيثاره
           ــ⊱☆☆❀☆☆⊰ــ

مثل ضـل يخـطف عليهم شــــــاهدات افعـاله
وســـيفة للفـــــقار زوده بالحـــرب من شـــاله
عشــره عشــره گام يطـــــــبگ راجـله وخياله
الشاف الاكبر صوبه جاي ايطيح مدري اشماله

وتباهه الحسين هواي لمن وصلته اخباره
            ــ⊱☆☆❀☆☆⊰ــ

وحـده بس عـن الف ينعد بالحرب مجهوده
الناجي من الحرب گام لولده يحجي ابزوده
راس ابن غانم وســـــيفه ودعوة امه اشهوده
شـــــاطر ابهدم الجمــاجم ما تمــل ازنــوده

عجزو بالوغه ايلاگو خله اخصومه محتاره
             ــ⊱☆☆❀☆☆⊰ــ

ما يســــــاوم على الذله اولا يدنگ راسه
والشجاعه ورث ابوه وهيه اصله وساسه
لايگ اعليه عنفوانه وشـــــامخ ابنوماسه
سيل مــــن الهمه عنده ويشبه العباسه

يمطر عالزلم سجيل محد سلم من ناره
             ــ⊱☆☆❀☆☆⊰ــ

اعلوم تاريــخ الشهامه بأســـمه كلها امسجله
الفارس لمحــــد وصــــله وعنه تشــهد كربله
دارس اعلوم الشجاعه وغيره من زغره امتله
بيده رايـة نصــــــــر رفت مثل حمـــزه انمثله

مايتراجع امن الموت محد يشبه اصراره
           ــ⊱☆☆❀☆☆⊰ــ

✍الخادم
كامل السعيدي

بسرعه مرن ليله ليله.
وخادمك ماخلص حيله
التارس عيونه بنعمتك
عمره يكضي ولاخدمتك


……..

الف انعم الله لخدمتك. بصوت الكلب من صحنه
يطشرنه يحسين الوكت. وبالخدمه انته تلمنه
الفاتحه چادرهه سهل. يومين يخلص عدنه
وچادر الموكب لو وكع. بالدمع فوكا طحنه

الخادم يضل كلبه حاير
باچر يمر يوم عاشر
شابحه عيونه لنظرتك
عمره يكضي ولاخدمتك

…………

غربه اليعيش بلا وطن. عالگلب كلش صعبه
ولو خلص مولاي العزه. والله من اصعب غربه
المجلس اذا باجر فرغ. خادمك يوكع كلبه
ضايع بلا خدمه يظل. مثل المضيع دربه

يموت هالخدمه عليهه
وراحته بدمعة بچيهه
عطفك يريد ونظرتك
عمره يكضي ولا خدمتك

……..

الخلص عمره بدمعته. مكسور كلب وخاطر
مفتوح كلبه للبچي. يتلگه يوم العاشر
ليلة وداعه للطم. مشدوه يبقه وحاير
وهنا يحس يابو علي. دايس بكلبه الحافر

الخير هذا حسين منك
الله لايحرمنه منك
ناده يحسين ومعزتك
عمره يكضي ولاخدمتك

……..

من الخدمه مايشبع ابد. لمأتمك رايح راجع
وانطا مواقف بالوفه. عباس يوم السابع
بالدنيا مايندل ابد. بس مجلسك والجامع
والوحشه تبدي والهظم . من خدمتك ما شابع

الدمعه بعيونه تلالي
تشوفه چن ميتله غالي
يصيح والله وداعة اختك
عمره يكضي ولاخدمتك

……..

لو خلص واجب خدمته. يجدد عهد بالحضره
يم بابك يصيح بدمع. اقبل الناذر عمره
عمره سفر يابو علي. وانته المحلي السفره
والخدمه عشره من العمر. وتجازي انته العشره

انطه من كلبه الحچايه
من السنه للسنه الجايه
تردله روحه بشم تربتك
عمره يكضي ولاخدمتك

……..

نسألكم الدعاء
حسين صادق العقابي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

لوقررت تمشي اخذ عيني .اخذ عيني
حان الوداع وياك يحسيني. يحسيني

هضيمه ... لوطحت ظامي
وهضيمه... يطيحن خيامي
يحسيني
.........١........
بس ينكطع بيك النفس ينشاف خويه اخيالي
تعبانه مو مالت ركض حتى اركض على اطفالي

لو سحكت عليك الخيل
لادمع يبقى ولاحيل
والمثلي تركض صعبه

بعدك ضياع ونيران
تشرب ارماد النسوان
وعيون وادم غربه

يحسين من تمشي اخذ روحي .ياروحي
وي الغربه لاتترك اجروحي اجروحي
مماتك.. يذبح احلامي
وهضيمه ... يطيحن اخيامي
يحسيني
..........٢.........
بثوبك اتجلب هيبتي طفل ولزم ثوب امه
طولك البي عطر السمه باجر حصيره تلمه

وين التفت بعدك نار
وتجوه رجلين ازغار
والعثر خيل اتسحكه

اركض وبعيوني ارماد
بين الحرم والجلاد
والفكد كلبي يحركه

واصرخ يخواني الحكوني الحكوني
جابو حبل وانا يسبوني يسبوني
بوداعك.. ترجف اعظامي
هضيمه . يطيحن خيامي
يحسيني
........٣..........
لورحت واسمع عن بعد طاحت النبله بكلبه
اتصور انا ابلا اخو ضيعت مره بنص غربه

معقوله طولك ينداس
بلا خنصر اتظل لاراس
صوبوا حتى صفاحك

طعنات فوك الطعنات
ينطعن جاليش المات
ماظل رمح مالاحك

كل سيف يبن امي بي دمك دمك
يحسين جاكلي شلمك شيلمك
من اشوفك بس جسد دامي
هضبمه ... يطيحن اخيامي
يحسيني
.........٤.........
نسيتني حتى العطش يمك بقيت اتلوه
علماي ينكال العطش بس انا اعطش خوه

لو راسك يرد وياي
خل يكرب يسوي فياي
بلشمس لو خلوني

لو بلخرايب مريت
خويه ولطولك حنيت
مر لو حلم بعيوني

جسمك لون طايح يشوفونه يشوفنه
يحسين بلحافر يسحكونه يسحكونه

عليه.. ياهو اليحامي
وهضيمه ...يطيحن اخيامي
يحسيني
.........٥........

لورحت اموت بخطوتك ومن تلتفتلي انا اعدل
وديلي من دمك عطر حتى على عطرك اندل

مااندل اجساد هواي
والفاكده اتظيع الراي
دليني يابعد اختك

علتل واصيحن يحسين
يلمنسلب طايح وين
ظلمه الطف وماشفتك

موعلارض فوك الرمح راسك راسك
ريت انشل الحافر الداسك الداسك
برحيلك .تكثر الامي
وهضيمه يطيحن اخيامي
يحسيني
........
بشار السامي

بچيت… من جاني الاكبر عطشان
نسيت… العطش ماخله اللسان
گتله اخذ من عدي گطره
والساني صاير چنه جمره
……… .

بيك اكشخ بنص السلف… خاجيه فوك امتوني
يانورس اشفاف الكمر…. ياسر حلات اعيوني
لتروح يرتاح العدو … وبكتلك يهضموني
وبطيحتك اسمع ضحك… خاف ازحف يشوفوني

من اشوف السهم صوبك متجه
المهرة تركض واني اطيح اعللوجه

تعال… رجعلي لوني المنخطف
وصال ..متگطع وماتنعرف
تفضحني عيني تصير حمره
… ..………….. .………….. .…………
اخلافك اتموت الهلا… يمعزب الخطاري
ياصاحبي للبيك. افتخر… الضام كل اسراري
طولك حلو ومن تنذبح… تگصر ينهر الجاري
ومن عدك اطول لو صرت… اتوسل اني الباري

كون اشبع اسهام وبعد ماانشبك
وبطول عبدالله اصير من السحك

الحياة… من بعدك اعليه العفئ
الممات… اتمنه  ذبحي  منالقفئ

والطبره تصبح فوك طبره
…… ....… ..…………... .…………
تبختر  يبويه بمشيتك… يذكرني هذا المنظر
لمن علي بارز عمر… ورد علنبي ويتبختر
بس لا ترد ميت عطش… وعرگ خجل وتغير
ومنگصتي تنزل جبدتي… شيخ انحرج وتصور

شفافي سود بلون شارب عمك
گلي من اردك شنهو اكولن لأمك

ضماك… بالگلب متمركز رمح
هلاك… والله منشوفك منذبح

بالسلف موتك صار  كسره
…… .   …… ...………….…. .…………
يحتاج هلهولة الفزع… عد العرب مگيوله
بس انته بالك بي علي … تفزع بلا هلهوله
ومن بارزك بكر انذبح ..وبيهم صلت جم صوله
بس انته ماتشبه علي… والمسأله معقوله

مو مرة وحدة براسك يطبرونك
صلفه الرماح تشيل حتئ عيونك

وجيك… ولگاك كل وصل بكتر
وديك…  كل اصبع بسيف انطبر

والدك يخلص بويه صبرة
……… ..
راح انذبح من القفى ..والخنصر يكطعونه
وعريان اظل اعللرمل… وثوبي وعلي يسلبونه
ايحركون خيمت عمتك… وعيالنه  يسبونه
يشلون راسي عللرمح… وطفالنه يشوفنه

يالچنت اظنك نعشي بويه تشيله
ماتنفع الترچيه بويه الشيلة

غريب… راح ابقى وحدي اعللترب
سليب… عطشان اظل بلا شرب

وبالصدر بويه اتصير حفرة

حبيب العطواني

اتلاگن بخيمة علي

مصاب الاكبر

اتلاگن بخيمة علي *شوف اشلون من ملگه
ام فاجده وكعبة حزن*هاي اگلوب محترگه

تبدي النوايب *نوايب*نوايب
برض المصايب *مصايب *مصايب
----------------------
الخيمة الاكبر اجت*زينب ويمهه اگعدت
اتواسي ليله بهالمصيبه وتبدي الاحزان
اتكابر وتخفي الالم*ولگلب دمعاته دم
امن الحزن گلب العقيله اتگول بركان
اتگلهه ادري بالجره*ونار گلبج موجره
وانه ادري موت الاكبر يسبي وجدان
هالله هالله بالصبر*ادري بدموعج جمر
ادري مات وچان يطلب شربه عطشان

معذوره دمعج من دمه*لاچن حيل ضميلچ
توهه مصايبنه بدت* وانه ابصبري ادعيلچ

فگد الحبايب *حبايب*حبايب
برض المصايب *مصايب *مصايب
------------------------
صح كسر ضهر الخيم*بطيحته وفاض الالم
وفگدته بانت علينه وهيه كسره
صح توذر بالضرب*وجسمه كل صفحه تصب
دمه وخيول الاعادي ادوس صدره
بس احلفچ بالنِعَم* اشلون لو طاح العلم
وكافل اضعوني وضعونج يطفي نهره
اچفوفه توگع عالنهر*وسهم بعيون الگمر
وهاي ياليله المصيبه اتريد نضره

ياليله جرحچ مو سهل*بس اجروح تنتضرج
ضمي البقه من دمعتچ*شنهو الباقي ابصبرچ

بس المتاعب *متاعب *متاعب
برض المصايب *مصايب *مصايب
-----------------------
تگلهه گلبچ يحتمل*حسين شايله طفل
رافعه للگوم رايد يروي گلبه
وجهه چن نور الصبح*ابحضن ابيه ينذبح
بضحن ابو ياليله رفرف هاي صعبه
بذبحت اوليده انفجع *گلب الحسين انصدع
ابنص شماته انشوف عينه اتفيض غربه
جرحچ وجرحه سوه*بس فرق شح الهوه
بصدره من رد للمخيم طال دربه

ياليله ولجرح الكلف*ايطيح حسين گدامچ
ونوگف على تل الحزن*نار وخيل بخايمچ

وفوگ الترايب *ترايب *ترايب
برض المصايب *مصايب *مصايب
--------------------
اتگلهه لوشفتي الولي*الاعوجيه تعتلي
فوگ صدره وصوت كسر اعضامه نسمع
شدي حيلچ بالصبر *هذه كائن هالامر
اگبالنه وشنحمي عنه بعين تدمع
شي تسلب بالهدم *امحاوط بخيل وزلم
ولشمر اجهز عليه ابنحره يگطع
ايطبر ابنحره عَمِد*ايألمه چان القصد
عاري ورمال الوطيه بجرحه تلسع

عاري على حر الرمل *هيچ انعاف بالحومه
امن اجروحه ضل ماينعرف*امغيره اخواي برسومه

انشوف العجايب*عجايب *عجايب
برض المصايب *مصايب *مصايب
------------------------
اتگلهه ليله ولسبي*نحتمي بس بالعبي
لاحمايه اتلوذ عنه لاعشيره
جرح اكلف من جرح *روس اهلنه اعله الرمح
وحنه مچتوفات نمشي الغير ديره
بيش اصبر حالتي *وناس تنطر دمعتي
وبين ايتام وسبايه اشلون حيره
وتسه ونخه كالفي *وين وضعي ومحملي
ورجع الروس الغوالي وجهي اديره

كل هذه للشام ونطب*وناس اتشوف حالتنه
وفرحه تعم اهل الكفر*يتنطرون طبتنه

نسكن خرايب *خرايب*خرايب
برض المصايب *مصايب *مصايب
------------------------
علي سليم الحسناوي

ليلة الحادي عشر
ليلة الوحشه

الله يرحمني بمصرعكم
إتونون اعلينه أسمعكم
بلا خيمه والهيمه وحشه إبلا خوان


*

مـن حـرگـوا خيمنه إتـراگـضـت للتل
بقّيت اهناك اموت امن الحزن وأعدل 
جمعت أيتامي وقْـرَيـّـت إلهم المقتل

الله يساعدنه
طايح والدنه
إتصيح الأيتام

وين الـيـروينه
ويـن اليحمينه
من سوط الظلام

ليل اهدعش شاغل بالي 
لا حـارس عدنه ولا والي
لا كافل والعاذل بچفوفه النيران 


*

للمصرع اجـيـت او حـالتي حـاله
 دمعتي اعليكم بكل خطوه هماله
مثلكم ياهـو مـحـد غساله وشاله

خــوانـي الطيبين
بحافر مسحوگين
وخدكم كلّه أتراب

واحدكم جسمه
غـرگــان بـدمـه
وشكد بـي نشاب

واحدكم مــابـيّ يتنفس
إعليكم چم حافر هوس
واويلاه عباساه شفته ابلا ذرعان


*

ادور أعليكم ابـيـن الـجـثـث و أسمع
ونـيـن انـحـور مـنـه اگـلـوب تتصدع
وخنصر مدمي فـوگ الغبره بس يلمع

اشـبـگ يـامنحر
القاسم لو الاكبر
كلكم عندي اعزاز

خليتونـي شـلـون
مو تدرون ام عون
الشوفتكم تعتاز

بروحتكم ماظل شَي ّ عندي
بس ادمـوع ايسولف خدي
عمتكم شافتكم دمّ اعلى التربان


*

من شفتك يبو فاضل عمت عيني
على چفوفك احس ميتات چفيني
مــو أرثـيـك ردتــك انــت ترثيني

وسـهـم عيونك كون
خويـه بگلب ام عون
ولا تبقى إبلا عين

وآ يا سهم الجود
وآخ امن العامود
أويلي اعلى الچفين

سيوف إسهام إرمـاح بصدرك
چا يـالـعـبـاس انـت اشكبرك
و المنحر مـن كـبـر رتـل بـالـقـرآن 


*

اجيت المصرعك يحسين شلگيتك
وذر امـطـشـر وبـچـفـوفـي لميتك
تـحـن وتـون عليه وأعلى اهل بيتك

تفكر بالخدر
نتراكض بالبر
حرگوها اخيامك

منّ بـعـد المقتل
ألتمينه اعلى التل
آنـه او أيتامك

مـافـكـرنــه ابـهـزل بـاجــر 
مجلس سوينه اعلى العاشر
والسجاد لا مـاهـاد يتنفس أحزان 

*

سليم الغزالي

قصيدة تقرأ للتطبير على لحن يا فاطمة قومي إلى الطفوفِ

يا سامعاً حي على العزاءِ
من الرؤوسِ انزلوا الدماءِ
حيدر حيدر
____
نطبرُ فوق الرأسُ لا نبالي
رخيصةٌ دِمائُــــنا للغالي
نطبُرها الرؤوس بالعسالي
لن يوقفَ الحزن بنا الوباءِ
حيدر حيدر
_
ننعاك طولٌ الدهر بالنحيبِ
نطبر بالسيف على الغريبِ
نستذكر المصاب لا يغيبِ
لبيك لبيك علا النداءِ
حيدر حيدر
____
يا ضامياً مُلقاً على الرمالِ
قد قطعتهُ شفرت النصالِ
تمظي الدهورُ وهو لا يزالِ
مُؤيداً من قبلِ السماءِ
حيدر حيدر
____
طبراً وسحقاً والسهامُ فيهِ
والخيلُ فوق الصدر تعتليهِ
لا اخــــوةٌ تاتيهِ لا بـــنيهِ
مُجزرين وسُدوا العراء
حيدر حيدر
_
شيبتهُ حمراءُ من دماهُ
فوق القنا مرفوعةً تراهُ
زينبُ وا ويلاهُ وا ويلاهُ
صبراً أيا ربِ على البلاء
حيدر حيدر
___
تظرب بالمحملِ منها رأسا
صار لنا ظرب الرؤوس درسا
مصيبة الحسين كيف تنسا
يُدمي القلوبِ طف كربلاء
حيدر حيدر
___
أسألكم الدعاء رائد الاسدي

https://www.tg-me.com/joinchat-AAAAAE3MsSvzdWHhyM2r8Q
ملاحظة قد تكون بعض حركات الحروف ليست في مكانها الصحيح لأن القصيدة كتبت على عجالة استميحكم عذراً

تم
#نزلة

جـــــنه عباس الاكبر
جنه عباس
صاحت الناس الاكبر
جنه عباس

ــــــــ ❁ ❁ ❁ ــــــــ

مثل عمه جان الاكبر بلقتال
ومايهمونه اذا صــار النـزال
سبع ومگمطته بفعال الرجال
شهم لمن صاح هزاها الجبال

بعمه ينقاس الاكبر
جنه عباس

ــــــــ ❁ ❁ ❁ ــــــــ

الله يستر منه صاحوا هل زلم
وعلي الأكبر صال بيهم ونعم
خله كل الجيش منه ينهزم
من برز ليهم مثل راعي العلم

يرفع الراس الاكبر
جنه عباس

ــــــــ ❁ ❁ ❁ ــــــــ

ابن غانم بكر لـمن گابله
بزود عمه الحيد صاح وقاتله
بالحــرب خلاهه تشهد كربله
رجع جايب راسه بيده وشايله

كله نوماس الاكبر
جنه عباس

ــــــــ ❁ ❁ ❁ ــــــــ

علي الأكبر فارس بگطع الرگب
والله هذا اليوم تشهد هل حرب
زلمه بيكم فنه لو گام وگرب
إلا خلي گلوبكم تنزف رعب

ألگطع الانفاس الاكبر
جنه عباس

ــــــــ ❁ ❁ ❁ ــــــــ

گمت اشكن بيه ترى وبقصته
گلت أمه اشلون الأكبر جابته
أبلسان الــگمــر يمكن طلبته
بالحرب فــارس ورفــت رايته

وينزف احساس الاكبر
جنه عباس

ــــــــ ❁ ❁ ❁ ــــــــ

الشاعر محمد البنداوي

السلام على الأكبر علي

اليفارك حبيبه ومن يجي الليل
يتّحزم بالونين وينهد الحيل

ضگت مر اليالي
بوداعــك يغالي

ــــــــ ❁ ❁ ❁ ــــــــ

اليفارگله خــــــل شـله بحياته
كل لحظة الـــتمر ترخص غلاته
وتموت اضنونه كـلهه ويمنياته
وگــلبة يــــنجرح يـــم ذكرياته

يموت شمايذكرى
يكل الگلبة اعذره

البجاني اعله حالي
ضگت مر اليالي

ــــــــ ❁ ❁ ❁ ــــــــ

على الدنيا العفاء لمـــن عفتني
وفوگ البيه احـــــسك جملتني
ماتــــــحلى بــعد بجفاك عيني
اســــــــمع ياعلي اسمع ونيني

غيابك بويه قاسي
كتلني وشاب راسي

غيابك ماحــلالي
ضگت مر اليالي

ــــــــ ❁ ❁ ❁ ــــــــ

معروف الأبــــو من ايفارگ ابنه
يعيش بذلة بعده وقاسي حزنه
وگلبة شـــماتعــــذب يعلى ؤنه
لئن گــــــــلب الأبو ينزف محنه

من يحن اعله وجه
وذا شــاف اليشبه

يضل دمعه يلالي
ضگت مــر اليالي

ــــــــ ❁ ❁ ❁ ــــــــ

صحت بعدك هظيمة وياهظيمة
عيني ومن رحت صبحت يتيمة
أول ليـــــلة هـــاي تـــمر أليمة
صبحت روحي برحيلك جنهه هيمة

وتگــــطع دليلي
برحيلك ياخليلي

يالعشت اعله بالي
ضــگت مـر اليالي

ــــــــ ❁ ❁ ❁ ــــــــ

حسرتي شگدهه بغيابك حسرتي
وتــذكــــرتك يـغالي انه بصفنتي
شفتك من گلت خلهه اعله شفتي
وبــــثنا الحــجي نـزلت دمعتي

لمن صحت عطشان
كـــلامك زاد الحزان

بس حزن الصفالي
ضگــــت مر اليالي

ــــــــ ❁ ❁ ❁ ــــــــ

الشاعر محمد البنداوي

السلام على الأكبر علي

رايح  رايح للحــرب
عايف مكسور الكلب
گومي يليله وبلدموع
ادعيله

ــــــــ ❁ ❁ ❁ ــــــــ

ركعـتين انتي بدمع صلليله
والفاتحه الأم البنين اقريله
يستـجاب الله الدعاء ياليله
انتي ام واعرف بعد ودعيله

وقـري ياسين بدمع والزلزلة
ومثل عمه ايصير حتى بكربلة

وخلي دمعج كل دعاء ايسيله
گـومي يليله بدموع ادعيله

ــــــــ ❁ ❁ ❁ ــــــــ

نـذر لمـي فـاطـمة نذريلهه
من يرد سـالم دمع وزعيلهه
الماشي جنه المصطفى گليلهه
بس گلب ماريد انه تكسريلهه

واقري بس لام البنين الفاتحه
وراح هسه جفوف اديج أصافحه

وراح روحج ماتضل دخيله
گـــومي يليله بدموع ادعيله

ــــــــ ❁ ❁ ❁ ــــــــ

باجـر الاكبـر علي شـوفينه
بعمه حماي الحمه اشبهينه
ومثل جده جنهه خزرت عينه
علم بيهه وسيف هم جفينه

لن دعاء الام تدنگله السمة
وحلفي ربنا بروح امنا فاطمة

رحم ما يرحمهم بهل ليله
گومي يليله بدموع ادعيله

ــــــــ ❁ ❁ ❁ ــــــــ

جنهه شالت ذوالفقار جفوفه
وبقـساوة طگته هم معروفه
وصاح ابن غانم رعبني بخوفه
جده ياهو وعمه ياهو انشوفه

وصالح الاكبر جدي قالع خيبره
وسألوا كل أجدادكم عن حيدره

اليوم ماخلي  برهه ولافيله
گومي يليله بدموع ادعيله

ــــــــ ❁ ❁ ❁ ــــــــ

اشتــكي الله مــن الـيعذبونه
بحــبيبك راح الــيـشـبـهـونه
كون يرجعلي واشوف عيونه
ريت يبقى اوليدي ميذبحونه

اوكون اشوفنه ويرد للعايلة
ضلمه هسه بعيني صارت كربلة

گومي عن حالي بدمع گليله
گومي يليله بدموع ادعيله

ــــــــ ❁ ❁ ❁ ــــــــ

الشاعر محمد البنداوي

قصيدة بحق عبدالله الرضيع محاورة بين الرباب والمهد بعد رجوع السبايا


يمة حن كَلبي عليك ودوريتك
شفت بس المهد خالي ومالكَيتك
يا مهد راح الولد          شنهي حالك يامهد
--------------------------------------------------
يبني يا شمــــعت حياتي   يا اعز من الـــــهوة
يمة كل احـــلامي چانت   تكبر ونبـــــقى سوة
چنت كل شي انتة يغالي   روحي وبعيني ظوة
جرحك بكَلــــــــبي ييمة   ما يفــــــيدة كل دوة
بالحلم يابعد روحي مرني مرة    بلچن ايهود دليلي وجرحي يبرة
من الحزن كَلبي انمرد    شنهي حالك يا مهد
----------------------------------------------------
يامهد عــبدالله انشدك     انتة هم مثـلي تحن
وتكَظي ليلك بالنياحة     وتجري دمعات وتون
يا مهد بــطل فرحتك     وارتدي ثــوب الحزن
منه راح الي نــــودة      فرهدا منـــــــه الزمن
افز مرعوبة واجي لمهدك وغطيك   وشكثر يمة الوليلك وناغيك
بفكري عايش للابد      شنهي حالك يا مهد
-----------------------------------------------------
چنت افرح من اشوفة      نايم بحظـــني بأمان
حتى اغار اعليه مـنچ      واشعر بشــوكَ وحنان
يارباب وانة مثــــــلچ      كَلبي صـــــاباه الزمان
هذا بس افراشة خالي     وموحش اعلية المچان
من يحن كَلبي على افراشة انوحن   فدوة يا عبدالله حاچيني اصيحن
هذا حالي من انفكَد      شنهي حالك يا مهد
----------------------------------------------------
يمة صوتك مانســيتة    كَمت اسمعة بكل وكت
چني اسمــعنك تناغي    ركض يا يــــــمة كَمت
شفت بس المهد خالي    بكَلبي يا يمة انصــــبت
يامهد چا ابـــني وينة     شبيك بس دمعك يكت
اكَعدي يم عبدالله نتسامر سوية   انة هم مثلچ عزيز ابنچ علية
راح ما يرجع بعد    شنهي حالك يا مهد
-------------------------------------------------------
چان من ايفز اشــــبگة     وافرح انة ابفـزتة
ومن يناغي الدنيا تظحك   والله حلوة ظحكتة
يا رباب ومن مشـــــيتوا     يا كبرها فركَــتة
چنت احســــــــبلة ليالي     بشوكَ اتاني جيتة
لية رديتي وحيدة وماهو وياچ    يا رباب وراح اون دوم اعلى مبچاچ
والله حزني مالة حد   شنهي حالك يا مهد
----------------------------------------------------
بالحزن صــرنة سوية      وبالبواچي وبالدمع
راح عــبدالله من ادينا     وبعد ماظـن ننجمع
سلوتي صارت بواچي     والحزن اصبح طبع
يامهد اســــــمع ونينك     ومن اسمعة انفــجع
واحد ايذكر الثاني بالمصيبة    العزيز الراح من عدنة شيجيبة
يا حزن منة اشد         شنهي حالك يا مهد
--------------------------------------------------
أسألكم الدعاء
رائــــــد الاســــــدي

مابية واتچة اشلون
مهظوم اردن ل ام عون
كاسرني حيل اوليدي
ماخلة للموت متون
_____
وصلة وصلة مااريدن يبني  اريدك كلك انتة
گبالي بس ياناس صعبة وليدي طايح ماعرفتة
وذرة وذرة من الحوافر ابني ياوادم جمعتة
ومدري گامل جسمة مدري بي نقص لمن دفنتة

جاوين ادور ضايعه هناك الروح
امن اسيوفهم ماضل كتر مامجروح
اتلمس بروحي بكثر مامصدوم
ماادري ياهو البينة راجع مذبوح
____
الليلة مدري شبيها روحي مني احسها تريد يطلع
بدمه نگعهن هدومي غير كون بموته تقنع
دموع ماضل بيها عيني يمتئ من النوح تشبع
سالم من الخمية رايح هسه ليش ابني تگطع

جا ليش مارد سالم اعله النسوان
مخرب حلاتة ومو ولام التربان
باخر نفس ويگلي جا وين الماي
وعطشان يطبگ شفتة اعله العطشان
___
بيا وجة يوليدي اودعك وانة مااعرف اعاتب
وانت تدري شلون اعدك مرة ابني ومرة صاحب
اعليك مكسور انة ظهري مو عظم كسرة حواجب
حافر لحافر يدفعك وانه مدري شبيه اراقب

حاولت اطلعك والحوافر فوگاي
ومحتار اشيعك مدري اجيبلك ماي
حاولت اشيلك بس ثگل بيها الروح
وبهيدة صحت لعمك يشيل وياي
__
بية مابية ارد اشيلك للخيم وهناك اودعك
بيك مابيك ارد احلفك نوصل وتحچيلي وضعك
الماي خرب شفتك ادري وبالعطش خليني اقنعك
اشرب من دموع زينب من الدمع محد يمنعك

للخيمة خل نوصلك واشربك شتريد
اعذرني درب المشرعة اجدام يريد
من العركة حد باب المخيم ياناس
اكثر درب حسيته ع الروح بعيد
____
بوية للخيمة وصلنه فدوة اگعد لا تعاند
ادري تدلل علية وهالدلال اعلية زايد
اگعد وحاچيني اندهك انه ابوك وحگي رايد
ابني اعرفك هسة تگعد ادري تسمع حچي الوالد

جا ليش صوتك ماطلع بوية شصار
مخرب معانيك الرمل كلش حار
مالايگ اعليك الذبح بعدك شاب
والموت مايعرف عمر مثل النار
___
علي حالوب العگيلي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

وين ابني -- مخربة الحوافر لونة
وين ابني -- محد يگلي شلونة
وليدي ضاع وليدي
شبيدي انه شبيدي
محد يگلي شلونة
----------------------------------------
مدنگ للخيم رديت حال المنذبح حالي
مدافع تخلص وي الخيل بلكت تشبگ الغالي
بموتك عود اقنع الروح هاي الماتجي ابالي
افرك بالجفن ضليت وانت مفرهد گبالي

سالم عود للخيمه ارد ارجعة -- يازينب
تالي من الحوافر جسمة اجمعة -- يازينب

سالم يرجع لينة
هسة اسهام بعينة
بالگوة -- ليمتة جسمك گوة
مو حلوة -- يطيح الولد مو حلوة
--------------------------------------------------
المارحمن ابوك شلون گلي بصدرك يرحمن
بلاية تفضل ومعزوم اجن فوگ الضلع سحگن
التكسر خاطر النسوان هسة بضلعك يكسرن
خل نوم الجسد بالطول بلكت بالمشي يعبرن

عدل نومتك لو ضل الك حيل -- يوليدي
بلكت ماتلوح ضلوعك الخيل -- يوليدي

ياهو يلمك باجر
خرب طولك حافر
ياحافر -- ارحم ضلوعة تشور
ياحافر -- وبجسمة ليش تطشر
--------------------------------------------------------
هلمرة الكسر بالروح مايتجبر ويلتم
يناس وليدي ماعرفة بكثر ماغطة وجهه الدم
المه بچفي مثل الماي ويرد جسمة يتثلم
امن اول صيحة گلبي اعليك مو من تالي يتندم

هذا الموقف البي تطلع الروح -- يابوية
سالم جان حلمي وشفتة مذبوح --يابوية

حيلك خلص حيلك
طايح ياهو يشيلك
ياگلبي -- لاتصبر اكثر صعبة
ياگلبي -- گدامي يوگف گلبة
---------------------------------------------------------
متعب عين ابوك هواي ومفحط گلب ليلئ
بوية الماتطيحة الناس من شافك نگص حيلة
ياهو الطايح ابنة وضال مابي حيل يمشيلة
ماصارت گبل  ياناس ميت وانت تشكيلة

بوية اجدامي ماعانتني اجيلك -- ياحيلي
الظهر مكسور گلي شلون اشيلك -- ياحيلي

اگبالي بدمك سابح
طايح تچة ل طايح
نتچيلة -- ياجدمي سولك همه
نمشيلة -- بس لايخلص دمه
----------------------------------------------------------------
ترضئ تعيني النسوان وتگابلني ونشيلك
ومن عد الثكالئ عيون نطلب حتئ نبچيلك
مگابل وجهك ومحتار المك ماادري احجيلك
معاند گلبي وجدامي محد يرضئ يمشيلك

توسل خلصت وگوة اعلة الاجدام -- اجيتك
واگف طايح وجبتك للاخيام        -- اجيتك

طولك شو ماشفتة
مدري انت مو انت
ياروحي -- راح اليحلي الگعدة
ياروحي -- شيصبرج انتي بفگدة
-----------------------------------------------------------------
ليلئ تحشم النسوان ورملة تدني عبدالله
ترد وتعثرك الدمعات محد گلك اسم الله
غفلة تسدها عينك ليش ثاري الموته هم غفلة
مامتوضي سهم الموت ليش برگبتك صللة

نايم لايفز ابني من الاصياح    --سكتة
لا يگعد صدگ وتلچمة الارماح --سكتة

شلونك بوية شلونك
حافر خرب لونك
لا يگعد -- غافي اعله رمحة ادخيلة
لايگعد -- ماضل دمع وابچيلة
----------------------------------------------------------------
علي حالوب
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

وين ابني -- مخربة الحوافر لونة
وين ابني -- محد يگلي شلونة
وليدي ضاع وليدي
شبيدي انه شبيدي
محد يگلي شلونة
----------------------------------------
مدنگ للخيم رديت حال المنذبح حالي
مدافع تخلص وي الخيل بلكت تشبگ الغالي
بموتك عود اقنع الروح هاي الماتجي ابالي
افرك بالجفن ضليت وانت مفرهد گبالي

سالم عود للخيمه ارد ارجعة -- يازينب
تالي من الحوافر جسمة اجمعة -- يازينب

سالم يرجع لينة
هسة اسهام بعينة
بالگوة -- ليمتة جسمك گوة
مو حلوة -- يطيح الولد مو حلوة
--------------------------------------------------
المارحمن ابوك شلون گلي بصدرك يرحمن
بلاية تفضل ومعزوم اجن فوگ الضلع سحگن
التكسر خاطر النسوان هسة بضلعك يكسرن
خل نوم الجسد بالطول بلكت بالمشي يعبرن

عدل نومتك لو ضل الك حيل -- يوليدي
بلكت ماتلوح ضلوعك الخيل -- يوليدي

ياهو يلمك باجر
خرب طولك حافر
ياحافر -- ارحم ضلوعة تشور
ياحافر -- وبجسمة ليش تطشر
--------------------------------------------------------
هلمرة الكسر بالروح مايتجبر ويلتم
يناس وليدي ماعرفة بكثر ماغطة وجهه الدم
المه بچفي مثل الماي ويرد جسمة يتثلم
امن اول صيحة گلبي اعليك مو من تالي يتندم

هذا الموقف البي تطلع الروح -- يابوية
سالم جان حلمي وشفتة مذبوح --يابوية

حيلك خلص حيلك
طايح ياهو يشيلك
ياگلبي -- لاتصبر اكثر صعبة
ياگلبي -- گدامي يوگف گلبة
---------------------------------------------------------
متعب عين ابوك هواي ومفحط گلب ليلئ
بوية الماتطيحة الناس من شافك نگص حيلة
ياهو الطايح ابنة وضال مابي حيل يمشيلة
ماصارت گبل  ياناس ميت وانت تشكيلة

بوية اجدامي ماعانتني اجيلك -- ياحيلي
الظهر مكسور گلي شلون اشيلك -- ياحيلي

اگبالي بدمك سابح
طايح تچة ل طايح
نتچيلة -- ياجدمي سولك همه
نمشيلة -- بس لايخلص دمه
----------------------------------------------------------------
ترضئ تعيني النسوان وتگابلني ونشيلك
ومن عد الثكالئ عيون نطلب حتئ نبچيلك
مگابل وجهك ومحتار المك ماادري احجيلك
معاند گلبي وجدامي محد يرضئ يمشيلك

توسل خلصت وگوة اعلة الاجدام -- اجيتك
واگف طايح وجبتك للاخيام        -- اجيتك

طولك شو ماشفتة
مدري انت مو انت
ياروحي -- راح اليحلي الگعدة
ياروحي -- شيصبرج انتي بفگدة
-----------------------------------------------------------------
ليلئ تحشم النسوان ورملة تدني عبدالله
ترد وتعثرك الدمعات محد گلك اسم الله
غفلة تسدها عينك ليش ثاري الموته هم غفلة
مامتوضي سهم الموت ليش برگبتك صللة

نايم لايفز ابني من الاصياح    --سكتة
لا يگعد صدگ وتلچمة الارماح --سكتة

شلونك بوية شلونك
حافر خرب لونك
لا يگعد -- غافي اعله رمحة ادخيلة
لايگعد -- ماضل دمع وابچيلة
----------------------------------------------------------------
علي حالوب
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

تقـدم -- تحـزم -- مثل حيدر
آجـاهم -- فناهم -- علي الاكبر
                        ------------
كلهه صاحت هذا آيه أمن الجـمال
هوه عطشان أومثل مـاي الزلال
مو مثلهم يختلـف بـزر الحـلال
من اجاهم گامت اتلوذ الرجال

   الله يستر ،،،، علي الاكبر
                     -----------
هـد عليهـم مايفكر بالرجـوع
سيفه حوت واحذر الحوت اليجوع
ناره تلهب رادت الحومه تمـوع
يفرح اشما تكثر اعـليه الجموع
  گـلبه مرمر -- علي الاكبر
                ---------------
گـالـو الكرار طـب لـرض الطفوف
من أديـهم گامت اتطيح السيوف
شاب بعده اوما يهاب امن الألوف
حضره صارت كربله أوبيهه يطوف

   بيده أشر -- علي الكبر
               ----------------
شال سيفه وگام بالعسكر يغير
كلهه صاحت من الاول للأخير
هذا الأكبر بالحرب فارس خطير
يبن غانم غطي راسك لايطير

   ثاره يضهر -- علي الاكبر
                   -------------
وجهه يلمع يشبه البدر التمام مايهم
يطرب الهه اشما تمر بيـه السهـام
جايب الصيده اورجع صوب الخيام
راس ابـن غانم حـضر يم الأمـام

    يگطع الشر -- علي الاكبر
               ---------------
  للشاعر فاخر علي الشبيبي

هلا هلا هلا هلا
محلاها رفت رايتك

هلا هلا هلا هلا
نتشرف احنه ابخدمتك

يالزاير ابقى اهنانه
ام الـحـــسن ويانه

هلا هلا هلا هلا

1 *************

ايام نـحسب يمته بيها انـشــوفك

البيت ملكك واحنه كلنه اضيوفك

عـالـي مـقامـك يالتـزور حـسينك

درب المواكب والله باس اچفوفك


كل خادم… لـلقادم………صـوته هـتف

حياكم… والواكم………… بيرغ شرف


كلمن فتح بيبانه
ام الحسن ويانه

هلا هلا هلا هلا

2 ***********


الديوان عامر بالهله اتـگر عيـنك

ابدله ومضيف ومرحبه امتانينك

چف للطبخ چف لللطم محلاهن

صـوت المحب يتنطرك جاوينك

الكل زاير…… والباچر…… چلمة هله

اليتعنه …….للــجـنه………....ياكربله

باب الكرم عنوانه
وام الحسن ويانه

هلا هلا هلا هلا

3 **********


شـهـر الـمحرم يعشگ الوفـايه

ودرب الحسين ايهلي بالمشايه

لـمـن تمـوت ابخطوتك تــحيها

روح الخدامه من تشوف الرايه

يالگاصد…… .چن رايد… .باب السمه

توصلّه… وتـگـلّـه……… .روي الضّـمه


بس انته ماتنسانه
وام الحــسن ويانه

هلا هلا هلا هلا

4 *********


عطر المجالس من عطر انفاسك

گـلبـك مقام احسـينك وعباسك

ابقـى نحلفك بالـخـدر والعـيله

ابجبر الخواطر الله يرفع راسك


رد سالم …… لو عازم…… اجل السـفر

يالتسمع……بس ارجع…….واخذ النظر


لبست حزن دنيانه
وام الحسن ويانه

هلا هلا هلا هلا

**********
الحمد لله والشكر
رحيم الوائلي
2025