عذريني تيهت الراي
وين اخوتج راحو وين
معقوله گدامي ام عون
حاچيني چا وين حسين

1 ************

مصدومه ما ادري اشصار
يم عـون من حقي احــتار
مـن رحــتــو للـيــوم الـنـار
ماتخــمد بدلالي

يسـالني عـنـكم كـلـســـاع
بيــا ديــره صـارو ياگــاع
وشجم طفل منكم ضــاع
لاماتركني بحـالي

لاجاني منكم مرسال
ما مرني بس طاري البين
معقوله گدامي ام عون
حاچيني چا وين حسين


2 **************

شـمـسويه بـــيچ الايام
لونچ صفه ارماد اخيام
بس لاتـگوليـلي الـشام
بس لاصدگ مسبيه

كلما يـمــر ريـــح الـهـاب
حـســبالـي انـتــم بالباب
رديـتـو من بـعــد اغـياب
حــاچيــني ياعـلويه


وي الـعـلـيله بـكـل يوم
نمسحها دمعات العين
معقوله گدامي ام عون
حاچيني چا وين حسين

3 ***************

امنعيونج امبين الضيم
لامــــاي مــرچ لاغــيــم
سلـمـتـي لله تـسـلـيـــم
ياعــالمه وقــدسيه

فــوضــتي امـــــرچ لله
گلبچ تحمل چم أاااااااه
اعليچ الجره من ينساه
اگبالچ جثث مرميه


اعيونچ تسولف احداث
بيها اخوتچ مو عدلين
معقوله گدامي ام عون
حاچيني چا وين حسين

4 ***************

كسـرو خواطركم غـاد
ضيــم امچ اعليچ انعاد
بنت الــنــبـي مــاتنـگاد
ياحـيـف يامهضومه

ادريــچ راسـچ مـــرفوع
وجواچ مكسوره اضلوع
يازينب انتــه المـوضوع
ياطاهره ومعصومه


اشموع انطفت للشبان
ياحره وانتي تنظرين
معقوله گدامي ام عون
حاچيني چا وين حسين

5 *************

اخـــر محــطـه ويالـنــوگ
اعيون الشماته البــلــسوگ
حـتى الــهــوه بي مـخنوگ
ايدور الكافل وينه

ادريــچ بت حــيــدر حـيــد
بالشــام چــن عــدهم عــيد
تحضرين خطبه اعله ايزيد
ويــعـرفـچ اتـذلينه


بالقصر صـارو خـرسان
چن علي وحدچ تحچين
معقوله گدامي ام عون
حاچيني چا وين حسين

*************
الحمد لله والشكر
رحيم الوائلـي
2025

وجه الحسين تغيير وگلبي انصاب
انه ام الاكبر واگفه يم الباب
تأخر علي ابن هواي    عطشانه اله مو للماي
انه ام الاكبر واگفه يم الباب
&&&
اليشبه رسول الله برز     وگلبي بقه يتحسر
حسين وجهك مختلف   معنها شئ بالاكبر
ردت اطلع انه واستحي   لهذا الفعل ما اگدر
ساعه وعلي رد الولد   بسيوف شفته موذر
لحد يلوم ام الولد من تنوح
جرح الولد ويخضر هواي جروح
مشتاگه تنظر عيناي   عطشانه اله مو للماي
انه ام الاكبر واگفه يم الباب
&&&
تأخر هواي ابني تره    ما عندي ابد هالعاده
باليل يا ناس الابو        يتفگد اعله ولاده
شيصبر ام الفاگده   تشوف الابن بوساده
طالع شبيه المصطفى   من نسل جد الساده
شاب ابني كون ويمشي وي الشبان
شو علي الاكبر مرمي فوگ التربان
جا يمته يگعد وياي    عطشانه اله مو للماي
انه ام الاكبر واگفه يم الباب
&&&
بس الي فاگدله ولد           يعرف هواي العبره
وكت الغروب ومن يمر    يختنگ كلش صدره
رايح وراد يظل بعد       كل گعدته يم گبره
بلكت يشوفه ولو حلم   ويشمه هوه بعطره
بثوب الاسود بالحزن بالدمعات
خلاني ابني انه بس للحسرات
بالاكبر جروح هواي    عطشانه اله مو للماي
انه ام الاكبر واگفه يم الباب
&&&
ابني طلع گلبي طلع   والحسره ترست صدري
من دون الاكبر لا ابد   شنهي النفع من عمري
بحال امه ما يعرف اظن   بس انه اعرف يدري
ردت من اموتن ولولد    يحضرلي چفني وگبري
خلصو بعد ما ظلو ابيتي اعزاز
منهم اريدن لو متت بس جناز
ما يرجع ابنچ بس هاي    عطشانه اله مو للماي
انه ام الاكبر واگفه يم الباب
&&&
عايشه اعله عيونك انه   شوفتك تشفي النظر
من رحت يوليدي مني   عاشرت بس السهر
گلبي بغيابك لچمني   وعرفت انت بخطر
الحزن ملتم عليه   بعد شيريد الدهر
يولد بعدك بس حزن نص البيت
وياك اموتن هيچ انه تمنيت
اركض اذا گالو جاي   عطشانه اله مو للماي
انه ام الاكبر واگفه يم الباب
&&&
علي جبار الكعبي
الفاتحه لوالدي

خــادم اوليدج فاطمه قبليني
وبدفترج يم الحسن سجليني
يفاطمه ... يفاطمه
....1....
رابح الوالاكم .... خاسر العاداكم ... يفاطمه
الاطم الكم ايده... ربنا جاه يزيده ... يفاطمه

الف هنياله اليخلص اوياكم حياته
كلشي بالدنيا يخدمه الساعت مماته
وملك بين الوادم اسمه يصير شحلاته
اكراما الكم ربنا ينطي كل امنياته

يفاطمه ... يفاطمه
2........

الخلصاهه سنينه ...ينحب اعله حسينه... يفاطمه
وحده متخلينه ... بموتته تحضرينه .... يفاطمه

باجـــر ابتشيعه انتي فـــاطمه مـــوجودة
للكبر ساعت نـــزوله وكـــفتج مشهودة
يا سلام الله اعله ذكرج يمه احله انشودة
كلمن تحضرين موته ايرد عدل بعهودة

يفاطمه ... يفاطمه
....3....
كل شخص حبيتي... جنة الله انطيتي ... يفاطمه
اليمج اسمه امسجل..كلشي بي يتوسل.. يفاطمه

الله يرضى اعله الرضيتي اعليه يالمحبوبة
بالحـــشر باجـــر نشوفه بيمنته مكـــتوبة
اكرام الـــج يم الحسين امطيحات اذنــوبة
عالصراط ايجوز لابس ثوب الابيض ثوبه

يفاطمه .... يفاطمه
4..........
_الله يرفع قدرة ... البلمجالس ذكرة ... يفاطمه
ما تموت ايامه ... اليقرة للطامه .... يفاطمه

حمزه الصغير لهسه ذكره عايش بينه
كـــل محرم كلي يالميـــــمون التبجينه
نقسم اعـــليج بمحمد وبعلي وفــقينه
بدفترج خـــدام كلنه بدفــــترج سجلينه

يفاطمه .... يفاطمه
.....5.....
يم حسن نادينه ... امروتج اتسمعينه... يفاطمه
بالمجالس هاية .... علكينه الراية ... يفاطمه

امني يا زهرة اعلى دعوانه يرد الغايب
طالت الغيبه علينه الشاب اصبح شــايب
يمتى يلفي المهدي يمتى بثار جده يطالب
من جنودة انريد نصبح تحت سيفه انحارب

يفاطمه .... يفاطمه
........

الحمد الله رب العالمين
اللهم صل على محمد وال محمد
موسى الخادم

صلى الله عليك يا حسين
.....1 ....

( يا نور الله )
عالغــبرة نايم ليش يعيوني
ريت انه كبلك يمه ذبحــوني
والخيل داست صدري وامتوني

الله اكبر .... يا جرح السماء
الله اكبر .... سابح بالدماء
الله اكبر .... مسلوب الرداء

يا ثار ايطلبوك ويطلبوني

....2....

( يا سر الله )
ليش اعله ذبحك عقدو النية
ما راعو الحرمه الالهـــــية
كل سهم صابك بالعرش مية

الاسم الاعظم ... سره بمحتواك
الاسم الاعظم ... مرهون برضاك
الاسم الاعظم ... ربك قــــدماك

حروف اسمك اياته القدسية

.....3 ....

( يا وجه الله )
ذبحوك ظامي والنهر يجري
يبسن اشفافك يا بعد عمري
شوفتي الحالك زيدت قهري

يا محبوب الله ... يمبجي الخليل
يا محبوب الله ... دم نحرك يسيل
يا محبوب الله ... انت اول قـــتيل

اعليه كل العالم ينحب تدري

....4 ...

( يا عشق الله )
سهم المنية نايــم ابصدرك
والسيف صله النافله بنحرك
الله يعينك يبني ويصــــبرك


ياقران الله ... انت اصل الحياة
ياقران الله ... يالبـــيك النجاة
ياقران الله ... يا نبع الفـــرات

كل شارب منه ايشم بي عطرك

.....5 ....
( يا ثار الله )
ياخذ الثار القائم المهدي
امن الكطع راسك والسطر خدي
يايمه بس هو الامل عندي

الحمدلله ... باجر بالظهور
الحمدلله ... مهدينا يـــثور
الحمدلله ... يبنيها القــبور

والدوله المهدية اهنا تبدي
...


الحمد الله رب العالمين
اللهم صل على محمد وال محمد
موسى الخادم

تعبت امن الركاض ولم الايتام
وضحكات الشماته ونار الخيام
بعد مابية كل حيل
وعليه هجمت الخيل
من عينك يكافل طلع الاسهام
.....
احلفك بالحسين اطلع الاسهام ... من عينك يكافل
عليه الخيل هجمت وانه كل حيل ... ماظل بية اواصل
ادية امحركات بنار الخيام ... ابرجلي الشوك نازل
وعلى امتوني يخوية جم شطب سوط ... من هاي العواذل

تمنيتك عدل يا راعي الزود
واشوفك جم جرح بمتوني موجود
دمي بكثرتة ايسيل

.....
بعد مابية اشيلن ايدي عباس ... شمر ورم امتوني
وكمت ماشوف من كثر اليطكون ... على راسي واعيوني
ماميزي طريقي تهت ياخوي ... ماميز اليجوني
افزع حشميتك احضر ابساع ...كبل لا ياخذوني

ماظل شوف بعدك ياضوه العين
فكدت الشوف بعدك بعد الحسين
حيل بعازتك حيل

.......

حرمكم واليتامة كصدت الجول ...كوم الحك عليها
كلها اتصيح صيحت خوف عباس ... هاك اسمع بجيها
فشله ابين هالوادم نساوين ... يمشوها السبيها
وينك يابو فاضل ياضوه العين ...جابو حبل ليها

بحبال اليسر نجتف اشلون
ونمشي ابين شماته يضحكون
ما ترضاها يكفيل

......

ادري ابصيحتي اتألمك يوفاي ..بس مابيدي حيله
الخيول اهواي سحكت مني اطفال ... منو اترك منهو اشيله
رقية ابين خيمة وخيمه اتحوم ... والمدمع تسيله
السلب منهه التراجي ذاك عباس ... ياهو الاشتكيله

ماظلالي واحد منكم أنخاك
حسين اهنانه طايح وانت أهناك
صبحتو مجاتيل

....
جابوهن يخوية هزل النوك ... ياهو ايرجب اختك
جنت انت التصعدني عالجتاف ... ويميني بيمنتك
حيل ابحاجتك يا راعي الاحساس ... رد ساعة اعله بختك
اعيون اعداك ما يلزمها رداد ... يكافل بس خزروك

انه الماشاف الية واحد اخيال
وسف هسه انه انجر بالاحبال
ابعثرتي اسمع الحيل

.....
بعيده المشرعه عني ينوماس ... دير اعليه شوفك
عاذرت يخوية امكطع جفوف ..فده اجوفي الجفوفك
بس ماعندي حيله حيلتي انخاك... وراي اشلون اعوفك
امعودني امن اطيح ابشده الكاك ... برمشت عين اشوفك

مامرت عليه اتعوفني ابيوم
تعرفني يخوية ابعازتك دوم
حملي ياهو الاشيل
......

الحمدالله رب العالمين
اللهم صل على محمد وال محمد
موسى الخادم

يا عباس .... يا عباس
ََََََ
يالرافعها ... اجفوفك ... للدعاء
فتحتلك .. ذرعاها ارض .. وسماء
منصور ... ابعون الله ... ابكربلاء
يا حامل ... بالطف ... اعظم لواء

يا عباس ..... ياعباس
ًًًًًً
راويهم ... صولاتك ... يالابي
علمهم ... شنهو ابن ... الطالبي
ركضهم ... زحفهم .... كالصبي
ولبسهم ... بوشيات .... وعبي
ًًًًًًً



ما تخلف .... بوعودك ... اعرفك
من زغرك ... لا جيش .. ايوكفك
يا غيرت ... حيدر من ... يوصفك
غير انت ... الله ابكبره ... امشرفك

يا عباس .... يا عباس
ًًًًًًًً
من يوصل ... لحدودك .... بالحرب
ويتجره ... الميدانك ... ها يطب
نفرض لو ... واحد خاض... الصعب
شي حتما ... كــدامــك ... ينغلب

يا عباس .... يا عباس




ًًًًًًًًًً
يالماخذ ... من حيدر ... كل مهم
نفس الهيبه .... وطوله ... والجسم
كدامك .... كل ظــالم ... ينهزم
والصعبات .... اكبالك ... تنحسم

يا عباس .... يا عباس
ًًًًًًًًًً
يالتشبه ... والدنه ... بكل طبع
كدامك ...ما يوكف ... اي سبع
يا واحد ... ويعادل ... جم جمع
فقارك ... شاهد ما .... تنصرع

يا عباس.... يا عباس
ٌٌٌٌٌٌٌ


عباس انت ... وانه .... ام الخدر
حكي امن .... اوكف ..... يمك افتخر
حاسدني .... اعليك انه .... اجم شمر
يا سدي.... العالي .... الما ينعبر

يا عباس... يا عباس
ًًًًًًًًًًًًًًًً

الحمدالله رب العالمين
اللهم صل على محمد وال محمد
موسى الخادم

كاتب ابوصيتي ... لو دنت وفاتي
للحسين اخذوني ... اخر امنياتي
.....
لو دنتني .. ألمنية .. للحسين اخذوني ازور اخر زياره
يم عتبته .. نزلوني.. الموت ما يمنعني اتعنه المزاره

واجبه اعليه الزيارة ابكل الازمان
حتى لو ميت اجيه ابثوب الاجفان
انه خادم والحسين اعليه سلطان

يامن اتسمعوني ... سجلو احجياتي
........
حسين روحي .. وكل حياتي .. لحضه مافارك دليلي ولا نسيته
بيه عايش ... وانه ميت ... عل المغسيل وانه ابجيله فديته

كلشي املك ملك الحسين وغلاته
انه ما ابجي اعله موتي ابجي الرضاته
كون يحضر دفنتي ايلفني بعباته ....

للكبر يجيني ... هاذي امنياتي
........
يمه اذكرو ... كل محرم ... جنت أحضر مجلسه
ماعوفه ليله
تجري عيني ... دمعه من دم ... عل الجراله والجره لخته العقيله

وصلوله اخبار خلص عمري عاشور
وثوب الاسود صار ثوبي بهاي الاشهور
اهلي فطموني اعله نوحه ولطمت اصدور

ابجي عل الهواشم ... خلّصت حياتي
......

عمري خلص ... بالمجالس ... الحمدلله والشكر
عالنعمه هايه
عندي تسوه ... الدنية كلها ... ابثواب حسين اروي العطش مايه

ياكبرها فرحتي من جنت اخدمة
واكف اتخيل يباوعلي ابو اليمه
الف هنياله اليصير حسين عمة

دعوتي الاخيره ... جانت ابصلاتي
للحسين اخذوني ... اخر امنياتي

......

وسط كبري ... يالحبايب ... نزلو وياي القصايد والنواعي
كلبي هايم ...بالمجالس .. وحشه اظل ابلا مجالس بنقطاعي

عالاقل كل ليله اعقد وحدي مأتم
عالمناحه وعل البواجي انه امعلم
مو سهل انسى السبي وحرك المخيم

حركتي اعله زينب ... تبقى ذكرياتي
.....
اختملكم .... نص وصيتي ... ابتربت احسين ابو اليمه اتغسلوني
وبعد عندي ... طلبه يمكم ... برايت العباس اخيه اجفنوني

اب اه يحسين ومصابه شيعو نعشي
هالقصيدة شيبت راسي اويه رمشي
رايد اقراها اعله روحي وانه امشي

رشو كبري مية .... تروه نايباتي
......
الحمدالله رب العالمين
اللهم صل على محمد وال محمد
موسى الخادم ...

يالعفتني بعيني دمعة ابكد سماي
الك مشتاكة بكبر شمس الله هاي

...........................................................

ياكمر هاشم اجيتك . اشتكي هضمي اعتنيتك . انه اختك يالنخيتك .
رد علية
وين اروحأ لو عفتني . المن اشكي يالجبتني . امـن المدينة واكفلتني .
رد علية

انه مسبية اصبحت يا كافلي
وانت ناطيني العهد كافل الي
كوم حاميني يبن حيدر علي
حرمة تدريني غريبة ابلا هلي
عندي ما ظل كل محامي. والسهام اعلي ترامي . كوم يالجافيك دامي .
رد علية

لا فكر ظل عندي لا ظل عندي راي ...
.............................................................

يالعفتني بحالت الهم . حركو اعلية المخيم . ريحت العطاب تشتم .
يا كفيلي
هم ترد ذيج الليالي .الكلهة فرحة رد سؤالي . ما تشوف الضيم حالي .
يا كفيلي

هاك عايــن للعباية امشككة
والجفوفي الترفة ذيج امحركة
انه بعدك كلبي يا كافل شكة
ما لكة رحمة بخصومك مالكة
شخصي يابو الغيرة نكرو .عيني مثل الزهر سطرو . نارهم بمتوني سعرو
يا كفيلي

الك يشرح حالتي حركي وبجاي ....
.............................................................................
لو عفتني يا حبيبي . كل حزن بعدك نصيبي . جرحي ما يشفى طبيبي .انت انت
اعلية مو هينة اعوفك . يبو الغيرة رد جفوفك .عايش ابروحي اشوفك .انت انت

بعد عينك مالي راحة ابهل عمر
اجرع المر والمصايب يا بدر
نار هجرك بالكلب تسعر سعر
رد علية ما بقى عندي صبر
عالاقل سمعني جلمة . يالعفت كلبي اوية همة . خدري المن ها تسلمة . انت انت

حيرتي حيرة بكبر حزني وضماي...
""""

جنت احسب يكظي عمري .اوياك يا سلوتي وذخري. وانت التنزلني كبري
يابو فاضل
خابت أظنوني ابمصابك . يلي ما احمل غيابك . ياعذابي ويا عذابك
يابو فاضل

وين اروحأ وانسى طاري امصيبتك
اه يا خوية اشكثر محتاجتك
ريت ميتة ولا شفهتهة جثتك
يا حسرتي ما كلتلي حاجتك
وسفة ما عندك وصية . يالرحت من بين ادية . اه من عظم الرزية يابو فاضل

بيك اشوفأ هيبتي وعزي وحماي ....

...........................................


الحمدلله رب العالمين
اللهم صل على محمد وال محمد
موسى الخادم

أنشد عنك وين ... جاوب خوية حسين
جسمك هذا البلطف عاري
يا مسـتودع كـل أسراري
جاوب خوية حسين
"""
تسمعني ... يبن أمي يالمالك ذجر
تسمعني ... خبرني طايح يا كتــر
تسمعني ... زينب وحيدة أبلا خدر
تسمعني ... بعدك فلا ريـــد العمر

وينك يا رجواي ... ما شاربوك الماي
جيت ارويك بدمعي الجاري
يا مسـتودع كـل أسراري
جاوب خوية حسين
""""
دليني ... ظلمة أصبح بعيني الدرب
دليني ... وينـــك يســــباح الكــــلب
دليني ... عنك راسك الدمــة يصب
دليني ... فكد الاخـــو كــلش صعب

يحسين أخذ الروح ...
بس لا عني تروح
موتك يحرك كلبي بناري
يا مسـتودع كـل أسراري
جاوب خوية حسين

يحسيني ... أنظر جسد عاري الهدم
يحسيني ... صدرة بحوافر منـــهشم
يحسيني ... بي ريحتك يا خوية أشم
يحسيني ... هذا انت جاوب يا شهم

هالجسم أبلا راس ... متكطع ومنداس
شتت عقلي وكل أفكاري
يا مسـتودع كـل أسراري
جاوب خوية حسين
"""""
حاجيني ... صوتك حبيبي أرد أستمع
حاجيني ... مــنك تكسر جــم ظـــلع
حاجيني ... انه أختك أبأتعس وضـع
حاجيني ... بعيوني ما ظل كـل دمـع

أكعد شوف الحال ... حزني ايهد أجبال
ما وصلتلك خوية أخباري
يا مسـتودع كـل أسراري
جاوب خوية حسين
""""

خليني ... اوصل الك يالمــــنذبح
خليني ... يحسين أضمدلك جرح
خليني ... من كلبك أشلع هالرمح
خليني ... وياك أظل حد الصبح

ما أسمعلك صوت
بعيد الشر يا موت
عوف حسين وأخذ صغاري ...
يا مستودع كــل اســراري
جاوب خوية حسين
"""
دليني ... عن راسك اليكطر دمة
دليني ... أقسم عـــليك بــــفاطمة
دليني ... وين انت صوبني العمة
دليني ... بالهم تـــراني أمحـزمة

وينــك يا صـنديد
شوفك عيني تريد
شوفك لا تخفي أعلى أنظاري
تدريني ... بوادعك أكـلــيبي أنجـوة
""""
ما ذيني ... فكدك صعب ما ينحمل
ماذيني ... كثر الحزن كلبي يـــمل
ماذيني ... موتك يبن خير العــمل
ماذيني ... ماعندي ظل بعدك أمل

ما ظل بية الحيل .
يالسحكوك بخيل .
ارحم ضعفي أعليك الباري .
يا مسـتودع كـل أسراري
جاوب خوية حسين
"""
تدريني ... بوادعك أكـلــيبي أنجـوة
تدريني ... بعيوني ما ظل كل ضوة
تدريني ... ضايع علي شم الهـــــوة
تدريني ... متحيرة ما نرجع الســوة

اخـــتك أنه شلون
تتركني ابلا عون
ارجع بعدك موحش داري
يا مستودع كل أسراري
جاوب خوية حسين
""""




لحمد لله رب العالمين
اللهم صل على محمد وال محمد
موسى الخادم

(( سرحت أبخيالك … شفت ما جرالك ))
سبي اعيالك وقهرك
اثر حافــر ابصدرك
شفت ما جرالك
**************
سرحت ابعالمك واتخيلت وضعك
شفت نحرك كطيع ومنكسر ظلعك
شفت زينب تنوح اعليك واتودعك
وحيدة بغير كافـــل رادت اتسمعك

شفتهه الوحدة … يعزهة وسندهة
سلام الله اعلى صبرك
اثر حافر ابصدرك
……
كعدت احسب أجروحك نفس مابية
ليكت جروح فوك الف وتسمعية
نظرت الطـــفلة يمك بيدهة امية
تشربك رادت وما شربت اشوية

حرك بيها اديهه… بجيت البجيهه
عليها انظر وانظرك
اثر حافر ابصدرك
…… ..
شفت جثتك رميه بخيل مسحوكه
ونحر مكطوع دامي ويابسه عروكه
وراسك عالرمح ضحكاته مبيوكه
ودرت وجهي وشفت الخيام محروكة

بجيت المصابك… حزنت الشبابك
اظل للموت اذكرك
اثر حافر ابصدرك
…… ..

شفت كثره الجيوش اعليك منتشرة
ويتامة تنوح من الخوف منذعرة
من كل صوب اشوف النار مستعرة
وزينب شاهدتها اعــــليك متحّيرة

تجيلك تعوفك… تلامس جفوفك
كسر خاطرهة كسرك
اثر حافر ابصدرك
،………
جم حافر فرس ما فارك انفاسك
خنك روحك الطيبة ابساعت الداسك
جسمك عالارض واعلى الرمح راسك
وأعيونك تدير تشوف اعز ناسك

ابد ما عفتها…أبعيونك شلتها
فلا فاركها عطرك
اثر حافر ابصدرك
……

عساني ما سرحت ابواقعة طفك
شفت كثرت اجروحك نايمة بصفك
واصبع منكطع باقي اربع ابجفك
وسهم نابت ابكلبك باجي الحتفك

عظيمة المصيبه … حجتهة الغريبة
من مشوها كترك
اثر حافر ابصدرك
… ..

الحمدالله رب العالمين
اللهم صل على محمد وال محمد
موسى الخادم… .

#بسمه تعالى

(نزلة)


يالاكبر ....... يالاكبر
يالاكبر ....... يالاكبر

******
شبيه المصطفى الهادي
طبهم يا علي ينادي
اعيدن صولة أجدادي
أنه الناهي والبادي
عالي ومحد ينوله
طبگ ذولة على ذولة
كرر خيبر بصولة
زلم جدامة مجتولة

يالاكبر ....... يالاكبر
يالاكبر ....... يالاكبر

*******


شهم من يرفع لثامه
يوگف ياهو جدامة
كلف ما دنگ الهامة
زلم ساحگها بجدامة
محله الأكبر وطوله
فزع والشدة محلولة
قصايد عنه مگيوله
الكتايب كلها مذلولة

يالاكبر ....... يالاكبر
يالاكبر ....... يالاكبر

********
يا خيال يوصله
هذا ابن الفحله
مو شغلات مو قله
علي الاكبر شهم كله
الحومة ومارجف بيها
فحل ضل يضحك اعليها
گلب سافلها عاليها
بس هذا اليربيها

يالاكبر ....... يالاكبر
يالاكبر ....... يالاكبر

*******

يمشي بكيفه وبزوده
محد حدهن حدوده
الطگة بمية مردوده
الجنود أگباله مگرودة
حلو وبيمنته سيفه
وظل يتبختر بكيفه
گلوب الوادم ضعيفه
الجندي يلزمه ويعيفه

يالاكبر ....... يالاكبر
يالاكبر ....... يالاكبر


*****
ضحك وبهيبة طبلها
طب للمعركة وحلها
وصاح وتستمع كلها
زينب ياهو يوصلها
وحگ الحگ نظل الحگ
ندگ وكت الحرايب دگ
نطگ واحنه ما ننطگ
بدينه نروف المشگگ

يالاكبر ....... يالاكبر
يالاكبر ....... يالاكبر

********
#الشاعر_خالد_صالح_الديواني

أويلاه يفاطمه… اويلاه يفاطمه ... اويلاه يفاطمه
اويلاه يفاطمه
……
زينب وحيدة بكربـلة.. اويلاه يفاطمه
دمعتهة عالخد سايلة.. اويلاه يفاطمه
حيرهة جـمع العايلة.. اويلاه يفاطمه
اعليهة الهموم امكللة.. اويلاه يفاطمه

ماظل كفيل اتحشمه… اويلاه يفاطمه
… ..
طاح الكفيل اعلى النهر .. اويلاه يفاطمه
مدمي الصدر مدمي النحر .. اويلاه يفاطمه
لخـــيامة مشبوح النظر .. اويلاه يفاطمه
بدمـــوعة لسكينة اعتذر .. اويلاه يفاطمه

وسهم البعينة ألمة… اويلاه يفاطمه
… ..


خيل العدة حسين اسحكت .. اويلاه يفاطمه
بحافرهه جـــلدة علكت .. اويلاه يفاطمه
بالرفس جبـدة شككت .. اويلاه يفاطمه
ابكل حقد جرحة غمكت .. اويلاه يفاطمه

رمح البكلبة لا جمه ... اويلاه يفاطمه
… .
عبدالله مذبوح الالـــم .. اويلاه يفاطمه
من غدر امية ما سلم .. اويلاه يفاطمه
روه جــبده بالسـهم .. اويلاه يفاطمه
بجروحة الحسين اللجم .. اويلاه يفاطمه

مات ويصارع للضمه .. اويلاه يفاطمه
… ..
القاسم انعجنت حنته .. اويلاه يفاطمه
بدم هامته ودم ركبته .. اويلاه يفاطمه
بالحومة صارت زفتة .. اويلاه يفاطمه
صينتة دمعت عمتة .. اويلاه يفاطمه

ناح الحسين القاسمه ... اويلاه يفاطمه
… ..
الاكبر علي بكاع الحرب ... اويلاه يفاطمه
اتولوه بسيوف الغـرب .. اويلاه يفاطمه
من كل كتر دمة يصب .. اويلاه يفاطمه
وجسمة تطشر عل الترب .. اويلاه يفاطمه

منظر بجتلة ارض وسمه ... اويلاه يفاطمه
… ..
خيمـت السجاد احركـو .. اويلاه يفاطمه
سكـنة ورقـيـة سـلبـو .. اويلاه يفاطمه
زينب بالاسياط اضربو .. اويلاه يفاطمه
بحبال الايتـام اسحبـو.. اويلاه يفاطمه

تتجارة اياديهم دمه .. اويلاه يفاطمه
… .
نادينة يا زهـرة بحـرج .. اويلاه يفاطمه
يا ساعة يا يوم الفـرج .. اويلاه يفاطمه
للمهدي مشتاكة المهج .. اويلاه يفاطمه
كثـر الـدمـع لله عـرج .. اويلاه يفاطمه

بالحال انتي عالمه .... اويلاه يفاطمه
…… .

الحمدالله رب العالمين
اللهم صل على محمد وال محمد
موسى الخادم

الوداع الوداع.. ياحبيبي ياحسين
الوداع الوداع.. ياحبيبي ياحسين
.
آنه زينب وانت روحي
              وكل حياتي والهوه
ياحسين الدنيأ دونك
             كل صبحها بلا ضوه
بالوداع شحالي خويه
                 آنه والميته سوه
چن عليله بلا اهلها
              ويمها يتبده الدوه
.
.
الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ
.
خويه ودع كل بناتك
              راح اظل بخيمتي
بكل كتر تنشد رقيه
              ليش تبچي عمتي
من اودعك خويه يمها
                 ماكضن دمعتي
عندي من امك وصيه
             لغربتك يامهجتي

.
الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ
.
آنه متعودة اضمك
         من اشوفك كل صباح
وانت باجر بالمنيه
           بصدرك تضم الرماح
أرد اشمن خويه نحرك
           گبل متذبحه الجراح
گبل مايدوي المخيم
            بينه ويطول النياح

الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ
.
أمي وصتني وصيه
             گبل ما تغيب النظر
تگلي قبلي يُمه أخيچ
            يالحبيبه من الصدر
باجر الحافر يدوسك
             ضلعك يطر الظهر
مالحگ خويه اودعك
           لو دنى وكت السفر

الوداع الوداع.. ياحبيبي ياحسين
الوداع الوداع.. ياحبيبي ياحسين
.
.ـــــــــــــــــ ❁ ❁ ❁ ـــــــــــــــــ
.
خويه باجر اليتامه
            بحرگة اخيامك تضيع
واعله چفك خويه ننظر
              ذبح عبدالله الرضيع
الشمر يسعى لهضمنه
             ويعمل شما يستطيع
من يشد بحباله چفنه
                لازم الامره نطيع

الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ
.
باجر وجوه الثكالى
              تنحفر من الدموع
بين الدور ابنها
         وتگطع امال الرجوع
بالسبي نمر يم الاكبر
      نشوفه مهدوم الضلوع
وجاسم تزفه المنايا
          بلايه حنه ولاشموع
.
الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ
.
باچر من التله انظر
               الاجساد امگطعه
اركض واگصد كفيلي
           اعله جرف المشرعه
بلا كلام چفوفه تحچي
            تختصرلي مصرعه
عينه مطفيه بنبلهم
              والسهم ماطلعه
.
الوداع الوداع.. ياحبيبي ياحسين
الوداع الوداع.. ياحبيبي ياحسين
.
ـــــــــــــــــ ❁ ❁ ❁ ـــــــــــــــــ

حضّروا نوگ السبينه
          وهالدرب ماله بديل
تنكتب قصتنا باچر
        لو عزمنه اعله الرحيل
انت تصعد عالمواضي
          وانه اصعد عالهزيل
دمي عالخدين اسيله
       وعالرمح دمك يسيل
.
الوداع الوداع.. ياحبيبي ياحسين
الوداع الوداع.. ياحبيبي ياحسين
.
.
حسن الموالي الفاطمي

كافي من السحگ ياخيل… صدر حسين ظل خالي

هيج انه صحت من يوم وصلنه
وخلني عله اخيــــــي اجذب الونه
كلتلهن اريد اوصل واشــــــمنه
لو راح الولي مــــــحد يظل انه

وما بيهن رحم .مارحمن بحالي

كافي من السحگ مو خلصت ظلوعه
كلتلهن تهــــــدن بيه الف لوعه
مفجوعه عله اخيي وحيل مفجوعه
اول تالي اخوي وتــــنزل دموعه

ماهم للحــــوافر… يبجي الحالي

كافي طشرت جثته وهو الظامي
اشوف حسين صعبه اموت جدامي
ظل علكاع نحره الينزف ودامي
بعده شلــون رايح تخلص ايامي

يرجعلي جنت.. هــــيج يتهيالي

يرجعتلي كلت ونضر علئ عيونه
مو ميت  يظــــل وعداه يسلبونه
حتئ الخــــــنصر منيده يگطعونه
ماحســــبت هيج يصير من دونه

شما صيحن يزيدن.. سحك بلوالي

شما صيحن تزيد بســــكه وتگلبه
وظل سهم المــــثلث نابت بگلبه
عرفت انوب بعــده نعيش وبغربه
ويام التجي تصبــــــح علي صعبه

ومشي والشــــمر… ياحف يبرالي

ابو سلام الجابري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

خل نفرش عبــــينه نلم الحسين
مطشــــــــــرته الحوافر بلميادين

خل نفرش عبــينه ونلبس سهام
ونتمدد سويه بصــــــــــــــفه ونام
كالت هيج كلــــــها وتبجي اليتام

وزينب حايره وتــــــــــعاتب البين

الحافر ساحگه وغيــــــــــر معاني
ماعدنه غطــــــــــــه نلمه ونغطي
نروح شــــــــلون عنه احنه وخلي

وبحبال الــــــــسبي ونكله ماشين

خل نفرش عــــــبينه ونكعد نوح
حسين من النــحر بسيف مذبوح
بلكت من دمعنه وتشفه الجروح

وللهم والحــــــزن صرنه نياشين

كالن هيج ويصــــــــبن بلدموع
وشافن بصــــــدر ماظلت ظلوع
حسين من الحوافر حيل موجوع

شافنه وبــــجن دم صبت العين

انلم ردنه جــــسمه وردنه ننعاه
ودورنه ولكيــــــــنه هناك يمناه
الخنــــصر من كطع لا ما لكيناه

ويلمحبــس خذوه منه الملاعين


ابو سلام الجابري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

منهاج محرم الحرام 1447 هـ
لسان حال السيدة زينب (عليها السلام)

حُسين... حُسين...واحبيباه
حُسين... حُسين...وأُخيَّاه

اليَم حسين...هذا منين
مُنكر...بي شر...وأطهر...منحر...يطبره
ادموعي اصياح...والذباح
اتبسَم...للدم...وأقسَم...أقدَم...ينحره
ومنه الدم عطره الرَيّحَان...ولؤلؤ مكنون ومرجان
وهاي اللحظه اتريد اخوان...وراح الكافل

اصرخت بأسمه وصوفر....وجه العسكر والذباح

حُسين... حُسين...واذبيحاه
حُسين... حُسين...وأُخياه
ـــــــــــــــــــــــــــ١ـــــــــــــــــــــــــــ

انظر ليه... واموذريه
شأصبر...وأنظر..للحُر...كالدُر...تطشر
شتكفي ادموع...شفت ضلوع
داسو...كسرو...طحنو...فرحو...توذر
هذا حسين وبي يدرون...لأجله الباري امسوي الكون
وفوگه الخيل اتدوس شلون...تروح وترجع

اتعنن لَيَّه وعوفن...جسمه الطاهر خل يرتاح

حُسين...حُسين...واسليباه
حُسين... حُسين...وأُخياه
ـــــــــــــــــــــــــــ٢ـــــــــــــــــــــــــــ

انشال الراس...وكل الناس
هَبَت...نهبت...سلبت...شبت...خيمنه
والطف صار...خيل ونار
تلسع...وأجمع...رضَّع...واسمع...شَتمنه
ومن حرگت گلبي المفجوع... لكل طفل امن النار ايلوع
اعليه اشمر من عيني ادموع ...وبلكت يطفه

النار بماي وتطفه...وراح الماي اويه العباس

حُسين... حُسين...واماماه
حُسين... حُسين...وأُخياه
ـــــــــــــــــــــــــــ٣ـــــــــــــــــــــــــــ

جَتنَه الخيل ...البيها الويل
لاگت...فَرگَت...لحگت ...سحگت...يتامه
وطفل ايموت...فوگه اتفوت
وتشرد...واترِد...واتشد...تمرِد...عظامه
امدربيها التسحگ فوگاه...ايموت وترجع ما تنساه
وإلا اتفَّصل كون اعضاه...واتعوفه اموذَّر

والگاع اتميل انظرها....وادعي وعدله اترد الگاع

حُسين... حُسين...وآ قتيلاه
حُسين... حُسين...وأُخياه
ـــــــــــــــــــــــــــ٤ـــــــــــــــــــــــــــ

طفل بخوف...وامه اتشوف
لوَحدَه...بشده...ابحقده...الضَدَه...يِجرحه
تركض ليه...بس تحميه
اتحضنه...اتأمنه...ولنَّه...ايطعنه...ويِذبحه
كل ذني المَرَّن وياي...وعالرمح الشالك عيناي
ويا زينب لاصعب من هاي...الشام اتگلي

إنذِل الشام وأهله...كون ايظل راسك وياي

حُسين... حُسين...واغريباه
حُسين... حُسين...وأُخياه
ـــــــــــــــــــــــــــ٥ـــــــــــــــــــــــــــ

أحمد البصراوي العبادي
نسألكم الدعاء والفاتحة لوالدّي
وخادمكم بأمس الحاجة للدعاء
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

شنهي الخيـمــه حسين الطــايح
خـــلها الخيــمـه اتشب بس گـوم
فـــدوره اتروح الخـيــمـه وانــي
بـــس لا جــرحـك ضل ملـجـــوم
حسين الطايح مــو شـي هـين
مـــالـــوم مــگـــــابــل مــا لـــــوم
مــــن الـمــاي الــــوادم تــشرب
بـــــس انت حسـين المحــــــروم
(( عظم الله لكم الأجر ))
الشاعر خالد جودي العارضي

الــــيله العاشره ودم تهمل العين
وزينب سولفت بالهم على حسين

تكله خلافك عيــــنك خويه نحتار
باجر بلخــــــــــــــيم لو شبو النار
بس نســــــــوان نبقه ايتام وزغار
ومحد من اهلــــــنه الياخذ الثار

ونته تحير خويه ومــــــالك معين

اليله مگابله خوتها وتــــــون حيل
وريت تكول مايخــــلص يظل ليل
وباجر كل حمــيلنه خلافك يميل
منشوفك يا عظيدي تسحكك الخيل

وتخلص بذبح  ياحيــــف السنين

بس اليــــــــــــله هاي وياي خوان
وباحر بس جمــــــر يعمينه دخان
شلون بحــــــالنه من نبقه نسوان
بين اجناب تــــمشي ويانه عدوان

وهيج يدور بينه ويــــغدر البنين

اليله العاشــــره وليله حزن هاي
وباجر مايظــــل عدنه صدك ماي
وتفرح بظمه وتتــــــــباشر اعداي
وبعد عبــــــــاس راح انتيه الراي

ونصــــير انوب ياوسفه مساكين

زينب سولفت ودمــــــوعها تسيل
تكله شلون بعــــدك والعده تعيل
تسلب كل بناتك بعـــــــد الاكفيل
وي طيحت علمــنه حمولنه تميل

ونظل بس حرم ماصــــح اليعين

ابو سلام الجابري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

ليلة الاكبر عليه السلام



هالله هالله يالكبر صال بيهم
****
صال بيهم هذه الاكبر جفلاهه للزلم
زعل غيم بالمعاره چنه حيدر ولنعم
شراباهم موت احمر جيش بمره ينجسم
حير اعقول النواصب حلم گالو لو علم

هالله هالله يالكبر صال بيهم
**
سيفه فوگ الروس يفتر يلتگط وين الكلف
يذبح ويشمر عليهم وين اليعادل الف
رجف الخيل وزلمهه اگباله ماكو كل صلف
طشر اصفوف ال اميه القاده رجعت للخلف

هالله هالله يالكبر صال بيهم
*
مثل جيش الفيل فرت من ابابيله نزل
يگص سجيله ابرگبهم هذه ابن حيدر زعل
چن قيامه اليوم صارت حاوطاهم بالاجل
يوصل الگلب المعسكر منو يم حده وصل

هالله هالله يالكبر صال بيهم
**
سيفه چن عصاة موسى ايشگ الصفوف ويطب
يوم اضلم سوه بيهم زيد اثقال الحرب
معركه صيطر عليه ترخي ونوبه يضب
هچي الاكبر صب عليهم موت چن غيمه تصب

هالله هالله يالكبر صال بيهم
**
طب عليهم سيف بيده جيش كله ماصمد
وحده ويطشر شملهم القله شاخت عالعدد
سيفه يتوضه ابرگبهم عاهد اعليهم عهد
يفني الجيوش وكفرهه هذه مضمون الوعد

هالله هالله يالكبر صال بيهم
***
اتسيد الميدان چفه ياهلا ببن العلم
هذه ابن شطار مرحب ونولد من الشيم
الحقيقه علي الاكبر وكل الگباله عدم
ولغدر لو ماجفوفه هالامر بيده انحسم

هالله هالله يالكبر صال بيهم
***
علي سليم الحسناوي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي