يازهراء مدد


ما عاش اليصيحج غريبة
تبقين اخيتـنا الحبــــيبة
ومن الخيول اتدوسنا
تصيرين اميرة روسنا

مو غريبة

**
من انشالت الروس ومشت
جان القصد نمــشي وياج
عدلين لو فوگ الـــــرمح
زينـب نضـــل عد عــيناج
من كربلا لـ طبت القــصر
انـشوفه الزمان اشـــراواج

وياج كل خطـــوه ابسبي تلگــين النحور
و من الخيم يمج نضل لحد ذيج القصور
و ندور فوگــج الرمــح شما وكتج ايدور
فوك الرمح روس اركبت. عفناها الصدور

من الزلم ع الخيم غارت
فوك الرمح گعدتنا صارت

بدرب السبي تلگينه
فوگـــج خــيم تلگينه

مو غريبه

*

احنه النحور ال ع الرمـح
بعد الذبح نلتــم سوه
نتفــــرق ابـدرب الـصبح
ويلمنه مغرب نينـــوه
وفوگاج نفتر ع الضعـن
نحور ونجي لجرحج دوه


كلما انصحـــتي بالدرب زينب اسيره
نصيح من فوك الرمح ام عـون اميره
وبلا عشيــره ما تضـل زينـب جبيره
اثمنطعش راس برمح صرنه العشيره



نحور بس يمچ بچـــــينه
من فوگ الرماح وحچينه
الوياها روس اخوانها
گاع الله كلها اوطانها

مو غريبة

****


و من صــار للشــام السبـي
التمينه روس بلا جسد
فوگ الرمـــح گلــنه السفــر
نحر الحسين اول صعد
من الهزله صارت مركبج
فوگ الرمح راسه گــــعد


نحور بس رحنـه حرس لضـعنج يختنا
روس ونسـولف ع الرمح زينـب بختنا
ام عون اميرتنا تضـــل وامـنه واختنا
نحور بـس نـــفزع اذا زيـــــنب نختنا


نحر الحسين وياچ گدام
نحر ابو فاضل گاصد الشام

السيف من گطعنه
درب السبي يجمعنه

مو غريبة

**

بحــر الضــهر ذاك الــجزه
ع النوگ سوينه افياي
وي الضعــــن نحر الكـفـل
فـوگ الـرمح رايح جـاي
لو عنده جف وي الـنحر
چا جاب الچ طاست ماي



وياج كل خطـوة ابـســبي من رمحه يندار
من حرورة لبراس الگمر صار الرمح حار
من الرمح يسمع كلمتج ويصيح الج صار
فوگ الرمح خضر ضوه من كل الكتار

من تنجمع يمج قبايل
يم ناگتج نحر ابو فاضل
وابن امه من يدنالچ
وعباس مثل خيالج

مو غريبة

**

و ع السوگ من صار الدرب
نوگف نحر وابصف نحـر
بحجار من صار الحچي
بجـباهنـا انـــرد الحجــر
فوگ الرمـح بس ننجمـع
يمج اذا صــاير خطر


كلما يشمرونه ابحجر ضـعنج يأم عـــون
و بوجوهنا انرد الحجر لمن يشمرون
نحور اخوتج كل تنجمع گبالج يصيرون
التمينه فوگج جم نحر خيمه عله الضعون



بخت الهواشم هاي زينب
ام عون اميره شلون تتعب

هوسنه فوك ضعونج
محد يبجي عيونج

مو غريبه


****

الحمد لله
خالد عبد السادة البديري

من اول جرح لاخر جرح حاضر
من العطش حد سحكة الحافر
بركب السبي ضل شاهد الباقر

من البدء للخاتمه
جرح السبي وجرح الضمه
لاخر جرح حاضر

••••••••••••••••••••••••••
1
من لحظة خروج حسين بضعن عن المدينه وراح
الى لحظة وصول الطف ويوم هدعش بان ولاح
شاهد ع السفر والموت شاف حسين مملي جراح
من صيحت وحيد حسين ولحد ما يذبح الذبااااح


الباقر شاف ركضت خيل والناس
وحيد حسين طااااح وماكو عباس
بعينه يشوف صدره شلون ينداس
شاف من القفا مذبوح الحساس


لكل الجره ابصبح اهدعش شاهد
وشاااف الشمر فوك الصدر صاعد
و من الذبح لا ما سلم واحد

شاف التسلب خاتمه
من البدء للخاتمه
@@@@@@@@@@@@@@@
2
وشاف حسين رد محني ودخوله الخيمت الخوه
بديه من شافه طيحها ويطب صدره النفس كَوه
رايح جيشي يازينب راااااايح زلمتي اليسووه
من صااااح انكشف ضهري شافه الباقر اشسوه

وكف محني ويصيح ابنص الخيام
صاح اتحضرلي اسيوف واسهام
يزينب ذبح حصتي وحصتج الشام
راح البي نشد يم عون الحزام


الباقر يشاهد حالت العيله
العباس طاح وكلها تبجيله
الان انكشف ضهري حسين يحجيله

ضل بس ينوح امخيمه
من البدء للخاتمه

@@@@@@@@@@@@@@@@@

3
ومن اول وجع بالطف لحد اول رمح ينشال
من اول هزله جابوها لحد الكَيد والاغلال
الباقر حاضر بذني وشاف من الطفوف اشكال
غربه الاوله وجه حسين من راعي المخيم مال


سامع بذنه صوت "حسين اريحوه"
اكَبال اعيونه نحره ابرمح شاااالوه
الطفل عبد الله شافه شلون يسكَوه
نحر شااابكَ سهم للخيم ردوه


حرك الخيم ضل عايش ابروحه
نحور اهله بالطف كلها مذبوحه
مجروح كَلبه وروحه مجروحه

جرحه بكبر هاي السمه
من البدء للخاتمه


@@@@@@@@@@
4
وي لحظة صعود التل ولحد حسين النه الحكَ
ومن اول سهم جايب نار الى ان بالمخيم دكَ
بأول وين بابا حسين تفتت منها كَلبه وطگ
عمره اسنين معدودات ودخان الخيم يشهكَ

شاف بعينه اهله الراحو اجتول
ونضر ركضت رقيه ابين الخيول
ربات الشرف فرن باتن ابجول
وخاتم مو بدين حسين مشيول



مسلب يضل حسين بالحومه
فوكَ الذبح هم سلبو اهدومه
مذبوح هوه وذبحوو كومه

نار المخيم مضرمه
من البدء للخاتمه


@@@@@@@@@@@@@@@@@@


بعد ما عافت المذبوح. وصدره على الضهر مطبوكَ
من اول التفاتت موت من جابوها عرجه النوكَ
التفاتت زينب التحسب وراهاشجم سبي وجم سوكَ
ومن اوداعها العباس ونظرتها ام كَلب محروكَ



ضعن بالصحره يمشي وروس الفياي
نحر وتكَله زينب دومك وياي
راس عله الضعن يارايح وجاي
الباقر جان شاهد والحجي هواي

رووس الهواشم ع الرمح صارن
فوك العقيله عله الهزل دارن
و من السبايا بلا زلم حاااارن

فوك الهزل جم فاطمه
من البدء للخاتمة
خالد عبد السادة البديري

يازهراء مدد

يهل زينب اجت زينب

المشت مسبيه عنكم *** رجعت اعليكم

***

ومن بعد غربتـنا
راح ارد يخـــوتنا
ضعن الخوه اعليكم جاي

الــشام المتعــبتني
شـگد وجــع راوتني
حجار تسولف كلها وياي


بالسوگ صـارت ناگـتي اتدور
اويــاي تفــتر بـس النـحـور
هنا يـ ال هاشم گلبي مكسور
هوه انه ويـني اوين القـصور


نشلع گلبي نشلع گلبي


و فوگ النوگ روحه ** ورجعه ابچيكم

*

راح ارد بضعوني
وانه تجري عيوني
وراح ارجع بس نوح البيه

ومن ارد محتاره
مدري شنهي الچاره
وجايه الكم من غير ارقيه



بــهداي اون يحســـين بهـداي
الوجه التحــبه اوياي ما جــاي
مو نفس ضعني الـعفته ويــاي
وحشت رقية امــبينه اهـــواي


انگطع گلبي انگطع گلبي

عن ارقيه من تنشد *** بيش احاچيكم

***

شجـم بلد طبيته
درب كلـه أگضيته
احسب يمته عليكم ارجع

وانه اختكم وامكم
يمته ارجــع الكــم

ومن الكعده وياكم اشبع



عنكم مشيت وراچبه النوگ
و ميلوگ اليه السوط ميلوگ
مجتوفه امشي وگلبي محروگ
وشلعان گلبي ابطبت السوگ



ارد يمكم ارد يمكم

اثر جَرتِ الحبااال **** بأيدي اراويكم


*
الــــسبي خلصتـه
وگلبي بس سالفته
فدوه لعينك دمعي الطاح

اضعونك اتكفلـها
التصعب اختك الها
برمحك راسك خل يرتاح

بالشام خويه سياط يحچون
وانضر لرمحك گتلك تهون
المن عندي ردته لازم يكون
بت علي وانه اكفلها الضعون


دمع عيني دمع عيني

هاي دموعي شوگي ** ويمته الاگيكم

*

ومن اغمض عيني
نحرك يحاچيـــني
وانه حسين يگلي تهووون

صح سبي وتعبانـه
بس الك عطـشانه
وگواج الله يگلي ام عون

رواني وكتي اشصعب الـ يــام
واذكر وگفــــنا ابعتبت الشام
جر رمحه نحرك صــار گدام
ومتروس اشوفه حجار واسهام

يبو الاكبر يبو الاكبر

ارجعت للطف اشمن ** ريحتي البيكم

**
خالد عبد السادة البديري

من اول جرح لاخر جرح حاضر
من العطش حد سحكة الحافر
بركب السبي ضل شاهد الباقر

من البدء للخاتمه
جرح السبي وجرح الضمه
لاخر جرح حاضر

••••••••••••••••••••••••••
1
من لحظة خروج حسين بضعن عن المدينه وراح
الى لحظة وصول الطف ويوم هدعش بان ولاح
شاهد ع السفر والموت شاف حسين مملي جراح
من صيحت وحيد حسين ولحد ما يذبح الذبااااح


الباقر شاف ركضت خيل والناس
وحيد حسين طااااح وماكو عباس
بعينه يشوف صدره شلون ينداس
شاف من القفا مذبوح الحساس


لكل الجره ابصبح اهدعش شاهد
وشاااف الشمر فوك الصدر صاعد
و من الذبح لا ما سلم واحد

شاف التسلب خاتمه
من البدء للخاتمه
@@@@@@@@@@@@@@@
2
وشاف حسين رد محني ودخوله الخيمت الخوه
بديه من شافه طيحها ويطب صدره النفس كَوه
رايح جيشي يازينب راااااايح زلمتي اليسووه
من صااااح انكشف ضهري شافه الباقر اشسوه

وكف محني ويصيح ابنص الخيام
صاح اتحضرلي اسيوف واسهام
يزينب ذبح حصتي وحصتج الشام
راح البي نشد يم عون الحزام


الباقر يشاهد حالت العيله
العباس طاح وكلها تبجيله
الان انكشف ضهري حسين يحجيله

ضل بس ينوح امخيمه
من البدء للخاتمه

@@@@@@@@@@@@@@@@@

3
ومن اول وجع بالطف لحد اول رمح ينشال
من اول هزله جابوها لحد الكَيد والاغلال
الباقر حاضر بذني وشاف من الطفوف اشكال
غربه الاوله وجه حسين من راعي المخيم مال


سامع بذنه صوت "حسين اريحوه"
اكَبال اعيونه نحره ابرمح شاااالوه
الطفل عبد الله شافه شلون يسكَوه
نحر شااابكَ سهم للخيم ردوه


حرك الخيم ضل عايش ابروحه
نحور اهله بالطف كلها مذبوحه
مجروح كَلبه وروحه مجروحه

جرحه بكبر هاي السمه
من البدء للخاتمه


@@@@@@@@@@
4
وي لحظة صعود التل ولحد حسين النه الحكَ
ومن اول سهم جايب نار الى ان بالمخيم دكَ
بأول وين بابا حسين تفتت منها كَلبه وطگ
عمره اسنين معدودات ودخان الخيم يشهكَ

شاف بعينه اهله الراحو اجتول
ونضر ركضت رقيه ابين الخيول
ربات الشرف فرن باتن ابجول
وخاتم مو بدين حسين مشيول



مسلب يضل حسين بالحومه
فوكَ الذبح هم سلبو اهدومه
مذبوح هوه وذبحوو كومه

نار المخيم مضرمه
من البدء للخاتمه


@@@@@@@@@@@@@@@@@@


بعد ما عافت المذبوح. وصدره على الضهر مطبوكَ
من اول التفاتت موت من جابوها عرجه النوكَ
التفاتت زينب التحسب وراهاشجم سبي وجم سوكَ
ومن اوداعها العباس ونظرتها ام كَلب محروكَ



ضعن بالصحره يمشي وروس الفياي
نحر وتكَله زينب دومك وياي
راس عله الضعن يارايح وجاي
الباقر جان شاهد والحجي هواي

رووس الهواشم ع الرمح صارن
فوك العقيله عله الهزل دارن
و من السبايا بلا زلم حاااارن

فوك الهزل جم فاطمه
من البدء للخاتمة
خالد عبد السادة البديري

سبيات.. غريبات .. بناتج فاطمه

اسيرات .. حرامات .. بناتج فاطمه

حراماااااات .. حرامااااااات .. حراماااااات

__


بعد اول مغربيه .. صرت مو زينب سبيه
تالي ماتالي رحت مجتوفــه

جتفو بحبال اديه .. وكامو يسحلون بيه
سبي راح اطلع بعد للكوفه

ساكته ودمعاتي تجري .. السوط يتلوه اعله ضهري
حافيه امشي ودمعتي مذروفه

يسحلون .. يشتمون .. بناتج فاطمه
سبيات .. غريبات .. بناتج فاطمه


حراماااااات....
__

وين امشي وهيه حيره .. والوجه المن اديره

بس ابو فاضل يعرف البيه

خيل وازلام وعساكر .. وناس كلها تصيح باجر
باجر اركب ع الهزل مسبيه

سوط وحبال وشتايم ... وغربه ودموع وهضايم
امشي والعباس عينه اعليه

يضحكون .. يجتفون.. بناتج فاطمه
سبيات .. غريبات .. بناتج فاطمه


حرامات

***

خطوة الفاگد ثگيله .. يموت اليضيع دليله

وهذا ليل ولا گمر ويانه

امشي خطوه وخطوه اعثر … مره ع النسوان افتر

حسين خوي وماعفت نسوانه

انهضم من حالي وابجي … للرمح والراس احجي

لراس اخوي اشگد گلت تعبانه

تعب حيل … ورگد حيل .. بناتج فاطمه
سبيات .. غريبات .. بناتج فاطمه


حرامات

**

طالت ادروب السبايه … وحشه ماويانه رايه

والشمر من كل كتر يبرالي

المثلي ما تطلع اسيره .. ولا تطب كل يوم ديره

وگبل ما واحد يشوف خيالي

طيحت العباس موتي .. اخ من روحت اخوتي

جنت امشي بهيبه وي گفالي


بالعيون .. يحرسون.. بناتج فاطمه
سبيات .. غريبات .. بناتج فاطمه


حرامات

****

الشام اخ الشام باچر .. عليها اطب ابكسر خاطر …

بصفگت الوادم اطب ابيوتها

ناس فرحانه ابســبينا .. وزلم تـــتفرج عليــــنه

چني اسمع يمه باچر صوتها

يا سبيـــه الشام صاحت .. دمعه دمعه الروح طاحت

روحي من عدها تمنت موتها


يصيحون .. يجرحون .. بناتج فاطمه

سبيات .. غريبات .. بناتج فاطمه


حرامات


خالد عبد السادة البديري

ع التله وصحت يحسين •• وانـــت ابآ خر انفاسك
شفت ابعيني حافر خيل •• حيل عله الصدر داسك
حسينا واحسينا

•••••••••••••••••••••

من الخيمه واجيت اركض •• متعنيه ابكسر خاطر
متغير لِگيتك حيل •• خويه ابحالك اشصاير
وي ما ليه شلت ايدك •• داسك ع الصدر حافر


عليه دارت اعيونك
شفت بحجار يرمونك
السحگه وصلت امتونك

اسمع صوت كسر اضلوع •• الله يساعد احساسك

••••••••••••••••

گصدت من الخيم للتل •• شفتك من طحت مرتين
شفت اجيوش حاطنك •• وملتمه الخلگ صوبين
هِـم روحك اجتك خيل •• عنهن گوم خويه حسين

صحتلك گوم لوتگدر
تنهض شفتك وتعثر
قميصك منصبغ احمر

شكثرها اجروحك التنزف •اشجم حافر فرس جاسك


•••••••••••••

شفتك من طحت مرتين •• وعينك صدت اعليه
بعيونك حچيت وياي •• وگلت اخر نفس بيـه
رقيه هِمست اشفافك •• ويمكن گتلي مسبيه

ردت اركض اشوفنك
بعباتي جيت اضمنك
عن الخيل اوخرنك

انه زينب يروح الروح •• سبيه تصير اعز ناسك

•••••••••••••••••

زلم تسبگ زلم يناس •• بحجر كامو يشمرونه
شفتهم من عليَ دارو •• گبالي اشگد يضربونه
شفت منظر اخذ روحي •• يضحكون ويسلبونه

يشيل ابگوه اجدامه
ابصدره كثرن اسهامه
خذو من راسه العمامه

يبو السجاد صايحته •• عنك وين عباسك

گعد فوگ الصدر ذباح • وانت ايفيض منك دم
برجله داســـك اگبالي • حيل عله الذبح مهتم
وكطع اصبع واخذ محبس••ويصدلي خويه واتبسم


شفته من رفس صدرك
و غرز رمحه ابـضهرك
بيساره ضل يحز نحرك


اشوفن واحد لواحد •• يشمر يـ الولي ابراسك

•••••••••••••••••
خالد عبد السادة البديري

السيد زينب ع تكول 

وحـــك اليرضى بــس اعليك ورضاك
العرش و السمه تنوح اعليك ورضاك
الــحــافــر لـمـن داس اعليك ورضاك
وَصّــلْ دمّــك الــســابــع ثـريـه

السيده زيـنـب ع

إعتگي امـن الـحـزن يــا روح بيداي
الـگـلـب عافيته صـارت حـلـم بيداي
جمـعـت حسـين تـالـي الليل بيداي
الـضـوه بليل اكـثـر يـشـع ضيه

السيده زيـنـب ع

رَش ملحه اعله جرحي السوط وذره
اوفـيّ مـــا خــلــت الـشـمـات وذره
رقـيـه اِلـگـيـت مــن حـســـيـن وذره
وبـاقـي الــوذر صــارت واهليه

السيده زيـنـب ع

إرتبك چم كوكب بكوكب وذرات
مــن إسيوفهم بـالـنـحــر وذرات
بقيت مـحـيـره اخلافك
يريت الشوف ما شافك
الحافر ساحگ اشفافك 
أدور بـالـحـوافــر خـــاف وذرات
كلما ألگه وذره أشبگ رقيه

السيده زيـنـب ع

لمن يسأل مصابي بدمع وصلاه
وتگله الحـره نبع الـحـزن وصلاه
جمعت حسين مـا خليت وصلاه
حرام النعمه تبقه اعله الوطيه

السيده زيـنـب ع 

يراوي الجرح لهل الجرح صدره
وعلى سِلّم جــروح اليسر صدره
مــن كـالــو احسينچ ويـن صدره
كـتـلـهـم جـمـعـتـه آنـه او رقيه

السيده رقيه ع

مصيبة مـصـرعـك بويه عمتنه
وتصير إلمن بعد وجهك عمتنه
يبويه الخيمه مـن وجت عمتنه
وحــوافـر خيلهم هـوسـت بيه
واجاني اطراك من ابن الدعيه 

السيده سكينه ع

مـو چـم يـوم چـن حسبت عمنه
مــشــه لـلـمـاي وتــأخـــر عمنه
يـمـكـنـهـن إسـهـام الـشـر عمنه
اووگع وگفه اعله شط الغاضريه
وكـتـب عـذريـن للـحـره او إليه 

السيده زيـنـب ع

أصـيـحـن آخ مــــن الـسـوط مرآه
وموش اهـواي اعـاتـب ردت مراه
مــا تـنـجـرع طـبـت الـشــام مراه
مـاظـل حـجـر مـا شـمـروا عليه
وچـبـيـر ازغـيـر يـشـتـم بالزجيه

السيده زيـنـب ع

تعال اِلحك يبعد العمر شمتان
تره البل لكوفه والبشام شمتان
ردت من نحرك اخذ ولو شمتان
واموت عليك چـن موتت رقيه
او ولا أسمع يصيحولي السبيه

خادمكم
سليم الغزالي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

(( #چلچل_الليل ))

……………………………………………………………

الله اليعينج چلچل الليل
ومن الركض ماظل بعد حيل
ماعندج اخيام •• وتخاف الايتام
چلچل الليل . چلچل الليل

……………………………………………………………


قبل الليل أشگد متعوبه . انهارج هم ليل ابلا نور
التله وسوّت عمرج ميه . من شفتي ابن امج منحور

خلّص يم المصرع عمرج
چن السيف ايحز ابنحرج
مثل اهلال امحدب ظهرج  • عميه العين
وي گطع الراس اختنگيتي
ومن الچتال انضربيتي
صعبه الگومه وما گدريتي  •  تتوچين

وشلون بيج وصار الغروب
ارماد الخيم  وفراش منهوب
الليل اشألج ضام ••  وتخاف الايتام
چلچل الليل . چلچل الليل

……………………………………………………………


ليل الهيمه ايريد امناطر . شد احزام وشد الحيل
وانتي الخلصتيها امراكض . من النار ومن الخيل

خوف وهيمه وهندس ظلمه
وگاع انعدمت بيها الرحمه
وكلها اتصيحج زينب عمه • شصيرين
لازم اطفال اسكتيها
اطلعين الشوچ ابرجليها
وضربات السوط اداويها  • تحتارين

هذا اليگلج عمه جوعان
وذاك اليريد الماي عطشان
ما يكدر ينام •• وتخاف الايتام
چلچل الليل . چلچل الليل

……………………………………………………………


لازم تفترين اعليهم . نسوان وايتام اتنوح
وانتي ومن گد مارگضيتي . حمره اجدامج كلها جروح

كلشي الصار احنه استوعبنه
بس شي واحد و معذبّنه
زينب تركض ما صدگنه  • هاي شلون
شصار ابروحج من ركضيتي
چم مره العباسچ صحتي
عذراً چم مره انهطريتي  • آ يم عون

كعده يزينب من تصلين
تلچم اسياطج من تركعين
و امورمه الجدام •• وتخاف الايتام
چلچل الليل . چلچل الليل

……………………………………………………………


عندج نسوان ومفجوعه . مهضومات ومضروبات
مامش سد وبس اعبيهن . السوط وخط بيهن طبعات

رمله وليله ايصب المدمع
وام عبدالله الاكثر تفجع
عدها گماطه وبي تتطلّع  • اعليه اتنوح
اداوين ابسكنه المچويه
لو بذن المظلومه ارقيه
حيل مأذيتها الترجيه   • تدي جروح

لو بالعليل امعذَّب الحال
بس هو من ريحة هلج ظال
روحج باليمام •• وتخاف الايتام
چلچل الليل . چلچل الليل

……………………………………………………………


گلبج ما ينطيج امفرفح . لازم للحومه تروحين
ليل وبس وادم مذبوحه . وادورين احسينج وين

عرفيته من عطر الزهره
وبس هو المگلوب ابنحره
وتسعه البچفوفه ومو عشره  • وبلا راس
چم جثه العثراتج بيها
بس جثه او ما حسيتيها
الدوس او يالگاع امساويها  • ابخيل انداس

الف وتسعميه جرح بيه
و چتّاله ماخذ ثوبه العليه
بيه كثره الاسهام •• وتخاف الايتام
چلچل الليل . چلچل الليل

……………………………………………………………


باجر مصباحج هم اظلم . اشوه الليل واستر حال
تدرين الهزله امتانيتج . اتصعدين ابسوط الجمّال

باجر كل الجيش ايشوفج
اطلعين وحبلج بجفوفج
موش اخوان الغربه اطوفج  • خدرج راح
تمشين وتتلفت عينج
امخلّيه اعل التربان حسينج
ولحجار وسوگ امودينج  •  مكسوره اجناح

انسيها جلمة هاشميه
باجر يصيحون السبيه
يا غربة الشام •• وتخاف الايتام
چلچل الليل . چلچل الليل

……………………………………………………………
✍️ ( سيد خضر الزاملي )
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

ظلو بالخيم لحظه واجيكم
عندي اعتاب ما طول عليكم
گالو وين ترحين     گتلهم للحسين
عندي اعتاب ما طول عليكم
::::::
عفت الاطفال واجيتك   كلم اختك خل تجيك
ارفع اچفوفك اليه      حسين بس دليني بيك
اعله زينب خايف انت   گلبي هم خايف عليك
اذا اسأل اخبارك شنهي الاخبار
سحگ وسيوف وارماح ورمي احجار
المك بيش المك وانت طشار
سلامه وانت باقي بلا سلامه
الثياب مسلبه وحتى العمامه
گالو ليش تبچين    گتلهم للحسين
عندي اعتاب ما طول عليكم
::::::
شظال بيك وحتى اشيلك       وانت متكطع وذر
هذا كص خنصر المحبس   والشمر يگطع نحر
ذاك شال برمح راسك       چم سهم بيك انكسر
حصيره وهي ابدن ما تكفيك
كون اليوجعنك بيه ولا بيك
اجرن سهم صدرك خاف ياذيك
معقوله انت اخوي حسين انته
اول مره اشوفه وما عرفته
شضمد جرح جرحين
::::::
دورت بيت العساكر              والجثث متوذره
شفت عندك تسع اصابع  گلت ماكو خنصره
مستحيل حسين سالم   وذر جسمه اعله الثره
مغطيك الحجر تنزف جروحك
الخيل السحگتك طلعت روحك
ظل لما يلوحك هم يلوحك
المن بيك ضليت بحصيره
صغيره الگاع وجروحك چبيره
ظلت تدمع العين
::::::
الشمر شفته يذبحك   انوب شالاك برمح
الليل المن بعد باقي    غير مذبوح الصبح
هنه ما ينعدن اصلا   الف اكثر من جرح
گالو عمه حيل اتأخريتي
شحصل وياچ هيچ وشيبيتي
مشيتي بطولچ ومحنيه اجيتي
اسمعو هالكلام ولوذو بيه
لوذي بعمتچ عمه رقيه
افترقنه وچنه اثنين
::::::
شمر باچر يحدي بيه   وانه بالسوط انضرب
باچر ادخل ديره غربه   وناسها كلهم غرب
وين چانت هاي اليه  امشي انه ينص درب
باچر صعبه لمن ادخل الشام
يتفرج علينه الخاص والعام
هلاهل من دخلنه ورفعو اعلام
گالو هاي بنت حيدر سبيه
گالو زينب انتي خارجيه
زينب وين ما وين
::::::
علي جبار الكعبي
الفاتحه لوالدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

وينه الي يساعدني بدفنهم
اهلي اذبحو عالغبره كلهم
جبت الروؤس وياي   امشي ومحني مكفاي
:::::::
ظل يحشم بالعشاير صوت بالديره ارتفع
اسد قبلوها دعــــــوته اليملك الغيره طلع
زين العباد انه گلهم راس ابوي الي انگطع

يريد اليوم منكم زين العباد
وگفتكم وياي الدفن الاجساد
لئن ما عندي حيل الحيل ينراد

اول مره حفرو اگبور الاصحاب
ندفنهم سوه اصحابي الاطياب
مثلهم ماكو اهواي   امشي ومحني مگفاي
::::::::
گبر للعباس احفرو حيل وسعو الگبر
خلها تحضر دفن اخوها وينها ام الخدر
هيه مكسوره برحيله وبعد اعرف تنكسر

هذا الوفه اخته اچفوف وعيون
هذا اول گمر بالگاع مدفون
كلشي يهون والعباس ميهون

عگب الگمر كسره احنه انكسرنه
بالديوان ظل واگف خدرنه
مات الچان سقاي
::::::::
ردت منكم بس حصيره تفاجئو كلهم اسد
شافو السجاد گاعد يجمع اوصال الجسد
طاح فوگ الجثث مرمي حيل ما بي من گعد

عبدالله الرضيع بصفه وسدو
نفس الگبر يـــــــم حسين خلو
بهيده حسين وسط اللحد نزلو

ظل حسين عاري على التربان
ثلث تيام ومات وهو عطشان
مات وما شرب ماي
:::::::
يدفن ودمعات عينه فوگ خده وهامله
ويصرخ بكل عالي صوته اه يعملة كربله
والله ماكو شخص مثلي بيده يدفنهم هله

فوگاها الحرم من طبت الشام
طبينه وهلاهل رفعو اعلام
نگعد وين واحنه بدون الخيام

اول شخص دافن روحه بيده
ظيم السلسله واصل وريده
المصايب كثرن هواي
:::::::
خلصت عمري بنياحه ضيم والام وسهر
من اجلنه الدهر صاير  ويانه مو زين الدهر
گصص اچفوف من ادينه وبعد مگطوع النحر

احنه اهل الكساء وفوگ الارماح
ولا واحد من اهل البيت مرتاح
گضينه العمر كله انياح بنياح

السلاسل تعبني وضيم الحبال
نص السوگ تدخل ليش العيال
خرابه وماكو فياي
:::::::
علي جبار الكعبي
الفاتحه لوالدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

شمخلي خويه افراگكم بينه
گبل السبي يحسيـن سابينه
...............................
فوك الهزل يحسين ماشين
وتحيطنه الشمات صوبين
وين الكفل عباس چا وين
ياريت كـون ويــاك ميتين

يحسين وليه الشمر والينه
وگبل السبي يحسين سابينه
..............................
بعدك يخويه الحــال ياحـال
جــرح الاخـو بالگـلب جتال
ونسمع حچي من عدهم اشكال
شدونه وحده بوحده بحبال

بحبال ليش أنشـدت ايـدينه
وگبل السبي يحسين سابينه
................................
يحسيــن ويـن اليوجع كـول
گطع النحر لو دوس الخيول
بالعرض داست بيك بالطول
معقوله هـذا حسيـن معقول

من السحگ الحسين گاضينه
وگبل السبي يحسين سابينه
...............................
لـو عالخيـم يحسيـن جاهان
بس شيصبره الفاگـد اخوان
ما سلمت من السوط رضعان
وين الضعن عباس من چان

حتى الهوى هــم مـا يمر بينه
وگبل السبي يحسين سابينه
................................
اكبر جــرح يحسيــــن والله
يحدي الشمر بضعوني ويلاه
ويـــن التفت بالسـوط الگاه
بالاه اصبــــر روحــــي بالاه

حشمنه بس محد يحاچينه
وگبل السبي يحسين سابينه
................................
ابو حسن الجعاري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

حبل الله مچتوف بحبل
واعتَصِمْوا فوگ الهزل
تفرّق شملهم بالذبح
وكل البگه براس الرمح
يا علي
ـــــــــــ
يوم بأرض الغري مرّوا
وسكت ذاك السوط لحظه
تيمم الها بترب متنه
منيله ماي وتوضه
علي يقره العلي زيارة
يا امين الله بأرضه
السلامُ على الابنه
صدره حافر خيل رضه
واول وصي ونفس النبي
بعده بناته تنسبي
لا من اخو الهن يصح
وكل البگه براس الرمح
يا علي
ـــــــــــ
مو (امين الله) چنها
هالزياره البيها يقره
كسرة الكسره اسمها
بكل سطر من عدها عصره
السلامُ على الطفّه
الضوه لو طلعت الحره
گوم طفي الشمس حرگت
وجه بت فاطمه الزهره
بچف منچوي تشگف الم
كل سوط ما عنده رحم
بالسبي الحره تنذبح
وكل البگه براس الرمح
يا علي
ـــــــــــ
اي يحلّال الشدايد
هضم هالشده اشيحمله
احنه حبل الله وچتفنه
حبل بس انت تحلّه
حيل دنّوهن بناتك
الك وانت بيهن اوله
شظم عنك وانت تسمع
صدى السوط اليطگ طفله
ومن يمتى سمعن يا ولي
بالغري ايسبّون العلي
من كونه لا يطلع صبح
كل البگه براس الرمح
يا علي
ـــــــــــ
علي امروتك هذا وكتك
گوم يا حامي الحميه
من شوكت علويه تمشي
عالهزل بويه سبيه
افزع وغطي بعباتك
رمح راس ابن الزچيه
شما تصد الراس ابوها
اتشاهدت اني الرقيه
سولفلي هم عندك دوه
متن اختي بالسوط انچوه
كل طيحه يا جدي بجرح
وكل البگه براس الرمح
يا علي
ـــــــــــ
جارك الما يدري عندك
بنت راح وراح وكته
اجه وكت البيها صاحوا
اخو زينب هذي اخته
حيل اعذرك يا ابوها
من تضيع عليك انته
يوم اجت من ركضة التل
وجه عمتي ما عرفته
وبين الحبل والسنسله
دوهنوا بت عقد الوله
ظلها الامس ما يلمـح
وكل البگه براس الرمح
يا علي
علي العابدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

وسط گـلبي نشايـد حـزن .. تنشاد
هظيمه أچفوف اديه أحبل .. تنشاد
ابضهر هزله وعليه الناس .. تنشاد
        أموت اولا يگلولي سبيه

الشاعر فاخر علي الشبيبي

انسبي والغربه تحدي اضعوني
والهضم غير ارسومي ولوني
..................

جابني العباس من ارض الوطن
ورايته ترفرف عله روس الضعن
بجاله جت مدلله ودار الزمن
واخذ مني الغالي نور عيوني
.....................

الزمن مايرحمني واني بت علي
انسبي وبيد الغرب وليه انولي
امن الشماته گلبي ونه يعتلي
من بعد حامي الخدر يحدوني
......................

بيه يحدون الأمر هذا عجيب
وناكتي هزله وحبلهه بجف غريب
إسهام هذا الدهر بگليبي تصيب
بت محمد جن ولا عرفوني
.....................

الطف اخذ من عندي اخوتي والاهل
كسر ضهري والدمع مني همل
ماشفت من دنيتي غير الوجل
والسبيه كامو ينادوني
........................

آنه زينب آنه بت حامي الدخيل
صرت من ضيم اليسر امشي واميل
امگيدين اجفوفي بجفوف العليل
ومن يجرون الحبل يآذوني
...................

شفت بعيوني الجره بأرض الطفوف
اخواني كلهم ذبحوهم بالسيوف
روسهم برماح كدامي تطوف
اوياي من بلد البلد ودوني

محمد هادي العقابي

بيش ألمك .... وذر جسمك
مستحي منك شكول
الله لا ينطي الخيول
....1....
عمية ريت اعيوني ما ظل بيها شوف
الحافر شخـــلالي مــنك حتى اشوف
يا جرح منك اشـد يا جرح اعوف
بيك الف طعنت رمح غــير السيوف

بحافر الخيل ... منسحك حيل
تبجي الك عين الرسول

....2....
حـــاير ابيا صورة ادفنك يالامام
كلشي منك ما بقى سالم حـــرام
فوك صدرك كاعده بكثرة السهام
ماخذه امجان الرضيع البي ينام

باكن امجان ... طفل عطشان
اهو نام بوسط جول
....3....
اشلون اشيلك كلشي ما ينشال بيك
امطشر اعله الكاع من كل صوب اجيك
خاف اشيلن صدرك ايطيحن اديك
حيرة محتار بجمعت خــــذني ليك

بوية محتار .... امشي واندار
هذا انت أبلايه طول
....4....
اعذرني بويه عليك دمعاتي التسيل
بالحصيرة شلون جسمك راح اشيل
عالصدر ما عاينو عـــرش الجـــليل
بــــوية حتى خيولهم ما بيها اصيل

اه يمذبوح ... ما بقت روح
حلم ياريته يزول
....5....
بوية بعدك كلشي ما ظل عندي راح
بس بواجي عيوني والهم و الجراح
بطيحتك من عل المهر كل حيلي طاح
اسمله كلبي اعليك من الخيمه صاح

كلشي يهواك ... ميت اوياك
عندي ما ظلت حلول
......
تمت
....
موسى الخادم

الــــف وتسعمية جــرح
فوك السحك فوك الذبح
بحسين ابوي الغالي

...1...
بالحصيره لملمت جسمه واجيتج عمه
امطشر اعله الكاع شفته وحرت بيش انلمه
كل جرح بجروحه شابك جرح ثاني امدمه
اه لو شفتي الجراله موتج ايحل يمه

اعظامه كلها امكسره
التراب دافن منحره
ياعمه شيب حالي

.....2....
حسين اذاني يعمه حسين حيل اذاني
كل جزء من جسمه اشيله ايطيح يم الثاني
حاولت أرفع أضلوعه الرمح ما خلاني
وحافر الخيل اعله صدره من دمه بجاني

من كثر ما جسمه انفرس
ابصدرة انكسر حافر فرس
هذا النظرته اكبالي
.....3.....
عمه كلشي منه ما ظل سالم اتحبينه
بالرماح وبل سيوف الوالد امكطعينه
حتى ثوبه املسلبينه وخنصره البيمنه
دوريت اشكد عليه ابكربله امضيعينه

والمنظر الاكثر صعب
عمامة ابوي اعله الترب
لساهه تتراولي
...4...
احفرت حفره جبيره حتى اوسده ابراحه
لان عبدالله اعله صدره وخفت ازيد اجراحه
منحره لساعه نازف مي عذب ما لاحه
الله لا ينطي ال اميه ولا نطه ذباحه

ذابح نحر شابع عطش
كدامه نهر الله انفرش
وعطشان مات الوالي
......5.....
ما اسولف بعد اكثر خاف ازيد ألامج
كافي الهموم الي بيج ومتنج وايتامج
كلشي بالطف ما تغير فقد نار اخيامج
منهه ظل ارماد عمه وذكريات ايامج

الجربه والجف والعلم
ومهد الرضيع الكله دم
وصيوانج الظل خالي
.......
كلمات
موسى الخادم