رايحه رايحه عنكم يخوتي رايحه
:::::
عفتكم جثث فوگ الگاع مرمیه
بعد ما چنت یمکم هسه مسبیه
گدامي الشمر ظل يضرب ارقيه
مــــن گد الضرب عباس محنيه
چنت تلزمني هسه الحبل بیدیه
يا عباس تـــدري شبيه مـــا بيه

نايحه نايحه صارت بعدكم نايحه
:::::
راسك عالرمح بس ينظر العيني
عندي انه حچي ما بينك وبيني
ترضه الشمر يا عباس يسبيني
بسم الخارجيه وظــل يسميني
بعدك يا ابو فاضل غرب تحديني
اموت وشوفتك عباس تحييني

صايحه صايحه الناس اعله زينب صايحه
::::::
انت أعلى النهر وانه اركب الناگه
هـــذا اخــر لقاء مـــا بعد نتلاگه
يمك وانـــه الك عباس مشتاگه
احچیها الگمر مـــا احمل فراگه
حراگـــه فرگتك حيل حراگــه
مات حسين بس الماي ما ضاگه

سابحه سابحه جثتك بدمك سابحه
::::::
دخلت السوگ يا عباس مكسورة
مجبوره عفتكــم خويه مجبوره
تبچي أطفالي بس الشام مسروره
بيا صوره تعال وشوف يا صوره
معـــذور اختكم تبچي معذوره
مذعوره يخوي أطفالي مذعوره

طايحه طايحه انظر دمعتي طايحه
:::::
جثه اعله الأرض بس راسك ويانه
خويه حسين اختك حيل تعبانه
مـــو للماي انــــه اعليك عطشانه
مـــا معقوله گلت الاخو ینسانه
تمنيت الگمـــر يمتلك ذرعانـــه
حتى يشوف بينه شسوت اعدانه

لايحه لايحه سهام البصدرك لايحه
::::::

خمسين العمر بس اركضت گوه
ظــل سوط الشمر بمتونـــي يتلوه
ظل يشتمني وين اليسوه ما يسوه
ماتت يا ابو فاضل بعـــدك الخوه
خويه حسين چانت خوتك حلوه
هسه انتخت زينب رادت النخوه

جارحه جارحه الشام لختك جارحه
:::::
علي جبار الكعبي
الفاتحه لوالدي

دفن الأجساد مولاتي زينب(صلوات الله عليها)

رايدتلي وحيد يدليني بيك
وين اخوي؟ وين اخوي؟
گلبي خويه مفرفح يدور عليك
وين اخوي؟ وين اخوي؟
كون طيب أنطي روحي وشتريك
وين اخوي؟ وين اخوي

رجعنه عليك ياشيخ العشيره
ومو تابوت جبنالك حصيره
ياجثه أنته منهن والله حيره

وين طايح .. وين طايح
خايفه من انگل جدم لادوس فوگك
وين طايح .. وين طايح
گمت ماميزك بعد انته من اخوتك

@@@@@@@@@@@@@@@@@@

رحت للتل وگلت وينك يخوي
وين أخوي؟ وين اخوي؟
ومن كثر ذاك التعب حشمت أبوي
وين أخوي؟ وين اخوي؟
ولن عليلك عمه صيح هذا أبوي

نسيت التعب گله وعتنيك
والتهضم وصلتك ضيعيتك
أوصال أوصال مطشر لگيتك

وعلي حيره .. وعلي حيره
ماعقلهه هيچ صاير يادليلي
وعلي حيره .. وعلي حيره
للشكاوي لو ألم أفرش شليلي

@@@@@@@@@@@@@@@@@@

ياخت التگدر تضل عدله علهاي
وين أخوي؟ وين اخوي؟
حيل متحير گلبهه يريد راي
وين أخوي؟ وين اخوي؟
موذر أبن امهه وتريد تشربه ماي

فدوه يروحلك يحسين بزري
وفدوه يروح عمرين علعمري
ماعيشن خلافن ونته تتدري

راح اموتن .. راح اموتن
عدله أضل وحسين تارسهه الصحاري؟
راح اموتن .. راح اموتن
ياعزيزي العفته فوگ الغبره عاري

@@@@@@@@@@@@@@@@@@

گلت لا مو هذا انته حسين وين؟
وين أخوي؟ وين اخوي؟
وكلشي بيه يگلي أخيج موش زين
وين أخوي؟ وين اخوي؟
أطشر مطشرتك الماعدهه دين

حفرو لحدك وگلولي ردي
الك گالو گلت لا هذا لحدي
أخيته ومارضه يخليني وحدي

يدري بيه .. يدري بيه
مايمر يوم علعيني وماأشوفه
يدري بيه .. يدري بيه
من الزغر متعوده يمه شلون أعوفه

رسول رياض

( ألم اللقاء في يوم عاشوراء بين الحُسين والزهراء بعد طول الفراق )

من اسنين فارگتك . ويبني اليوم اسمعتك
يمى اتصيح لحگيلي . وجيت اركاض واشبگتك
ملهوفة الشوفك جيتك . بس امگطعيك الگيتك
يمى حسين . يمى حسين

من غبت عنك . أحلف ابإبنك
ماحضرت الواحد او لا صيحت
يمى بس انته . صوتك اسمعته
وجيتك اركض وآنه عمري مركضت

مو صحتلي وگلت يمى هالأجيتك ماتگوم
چنت مشتاگة اللقائك يمى بس مو هيچي يوم
وين زينب والكفلها ليش باقي ابلا هدوم
ليش وحدك يبني طايح اعليك بس آنه الأحوم

بيك انفاس لا گلي . زينب وين أشرلي
اخيامك وين دليني . بالإحساس بينلي
أللزم چفك أمنيتك . بس امگطعيك الگيتك
يمى حسين . يمى حسين
__
جيتك اتلوه . يبني بالگوه
الكربله تدري اوصلت بآخر نفس
اتگلي لحگيلي . يمى هد حيلي
إلشمر گد ماذبح راسي او رفس

اهنا وگف گلبي او إجيتك يالحبيب اشبگ عليك
ليك مديت ايدي تنهض يمى لكن وين اديك
ذبحتك ماكو مثلها الذابحك شمسوي بيك
حمرة شيباتك ييمى ليش هيچي امگطعيك

صدرك هذ لو ضهرك . اهواي ارماح شو حدرك
والطعنات لبجسمك . وصلت ليش حد نحرك
مشتاگ الحضني ادريتك . بس امگطعيك الگيتك
يمى حسين . يمى حسين
_
جسمك انظرله . مختفي كله
صدرك امغطينه برماد الخيم
والشمر أنظر . صدرك امكسر
وچنها يمك راكضة اهواي الحرم

يبني چم مره اعله جسمك خيل تلفيك وتروح
الخيل من روحك يروحي طَلّعت يوليدي روح
خيل تسحگ خيل تگلب جسمك وتچويه جروح
حتى عطرك راح يبني هسه بس دمك يفوح

كل اعضاك متكسرة . ابصدرك هاي چم حفرة
كلشي البيك ظل يخلص . حتى ادماك بس گطرة
لو رايد نبضي انطيتك . بس امگطعيك الگيتك
يمى حسين . يمى حسين
__
ردت اشيلنك . ابحضني اخلنك
يبني بس شلون وانته اتطشرت
بيش المنك . وين اضمنك
اتطيح من اچفوف ادي كلما شلت

صدرك إمن اگفاك وينه عذبوني العذبوك
يمى لسهام اعله طولك چم سهم گلي رموك
قبل ميذبحوك گلي شربة اميه نطوك ?
يبني چنك متت ضامي وحتى محبس سلبوك

مو ذبحوك ماكافي . ليش اهنا اتظل غافي
ابهالـشموس يوليدي . ابلايه اهدوم او حافي
ابثوب امك چا غطيتك . بس امگطعيك الگيتك
يمى حسين . يمى حسين
____
إكعد او إحچي . لشوكت أبچي
تعبتني وفدوه الك يمى التعب
وينه عبدالله . يولدي اسم الله
لاتگلي مات ضامي او ماشرب

ذاكى چنه اگماط إبنك يمى چا عبدالله وين
وذيچ من ابعيد طفلة اتصيح وينك ياحُسين
وينه جاسم وين الاكبر وينه عباس الحنين
هيچي تتلگوني يمى من بعد ذيچ السنين

زينب ليش مو يمك . كون اوياي واتلمك
إنته ابعيد لو هيه . گول إحسين بعد امك
اليم اختك چا وديتك . بس امگطعيك الگيتك
يمى حسين . يمى حسين

حيدر الحلفي

يا بني أسد.... هلبت تجيبولي حصيره
يا بني أسد.... رايد الم شيخ العشيره
يا بني أسد.... حار الرمل وحسين عاري
يا بني أسد.... ما ينحمل حر الضهيره

و ماي جيبولي ابرد منحره
وارش گبره بلكي اجبر خاطره
جسمة صاير سالفه بحلگ الشمس
هذا ثالث يوم مرمي اعله الثره

مدري المه مدري اغطيه حسين فوك الترب عاري
ومثل ضيعة خنصر ايده ضاع يا  وادم قراري
هنانه ياشلعان الگلوب الرمل ماخذ لون نحره
ما اكو وادم تنغر اعليه وحاره شمس الضهاري
((آه... ليت امي لم تلدني))
........................................................
يا بني أسد... بجفوفه باقي تسع اصابع
يا بني أسد.... من جفه خنصر جنه ضايع
يا بني أسد..... عينوني بالتربان ادوره
يا بني أسد..... بي محبس أخضر حيل لامع

گلبي ما يقنع  اهل فوگة الترب
موش بس ايدي رجف حتى الگلب
استوحدتني أفكاري من شفته طريح
حسين ما يرهم يضل وسط الغرب

اطول من الرمح خلكه بكثر ما شايل محنه
جسمه مطروح اعله غبره وراسه فوگ يعاين النه
گلبي مثل شفافه مفطور  من كثر حزن النعاوي
وگلبي وما ينطيني يا ناس اشلون ابوي بأيدي ادفنه
...........................................................
يا بني أسد... خلوني احط جفوفي حدره
يا بني أسد.... مرضوض من الخيل صدره
يا بني أسد.... وحشة الجنازه بدون الصياح
يا بني أسد...... غير اليموت اهله تحضره

من تحفرون الگبر وسعوا بعد
بحضن ابوه يندفن هذا أصغر ولد
خاف يستغرب لئن بعده طفل
صدر ابوه المنكسر يصبح مهد

سلبوا مني راحت البال وادم السلبوا عباته
وراسه لسه برمح مرفوع وحسرة الماي بلهاته
شده بال عيوني الحسين من شمر ماخذ مجانه
عكب عينه  عيون الاجناب كامت تباري بناته
..........................................................
يا بني أسد..... هاي المصيبه التاخذ الروح
يا بني أسد..... من الگفه ابن الزهره مذبوح
يا بني أسد..... متروس صدره سهام وحجار
يا بني أسد..... حسين العزيز بهيمة مطروح

يوسدون راسه الميت بحيطة وحذر
اشلون يتوسد الي بطرگ النحر
نريد راس حسين ما ردنه فصل
خاطر ندفنه ونشيل بلا أثر

ارد اندهه وحاير اشلون خاف ينشدني اعله زينب
واني گوه مصبر الروح مره اسكت مره انحب
بيدي خله الحبل اثار وخاف حس بجرح ايدي
گادني التفكير للماي واعلة گلبه الجان يلهب
..........................................................
يا بني أسد......سوه الغراب بگلبي عِلة
يا بني أسد...... ليش الدفن بالترب خَله
يا بني أسد..... تمنيت ابوي بحضني ادفنه
يا بني أسد.....ولا بيدي فوگة الترب أهله

حسين فاتحته عله النوگ الهزل
وشلون تلطم مره مجتوفه بحبل
للسبات الليل والراحه انخلق
واحنه نگضي الليل مدمعنه يهل

اليرد من الدفنه متعوب الناس غير تكوي حيله
وأهله تتلكاه بالثغيب الشيخ فاتحته ثجيله
تراب ابوي بثوبي نيشان اشلون من تشوفه زينب
الليله يمكن زينب تموت هاي بالله اشلون ليله
...........................................................
مرتضى عامر الشمري

سار الضعن ياحيف....... للكوفه اخباره
راح العزيز احسين... كلبي اشتعل ناره
●●●●●●●●●●●●●●●●●●●●●●
يالحادي بالله بهيد..ريض على اضعوني
عذبني جرح البين......وعميهن اعيوني
وسفه الشماته اشلون....للكوفه يحدوني

اصعب واشد الگوم.....مجتمعه بكتاره
راح العزيز احسين ..كلبي اشتعل ناره
●●●●●●●●●●●●●●●●●●●●●●
ولياني ظلت وين..........عالغبره  تاليهه
مشوني درب الموت...وشلون احاچيهه
طاري السبي  ينراد .....فزعت  اهاليهه

زينب تظل اشلون  ...ياخويه محتاره
راح العزيز احسين...كلبي اشتعل ناره
●●●●●●●●●●●●●●●●●●●●●●
اسمعهه كلها  اتنوح....ثگلت محاملهه
جابوها  هزله  النوك.....وشلون اذللهه
شفت العليل احتار ....يسمع ثواكلهه

والحسره بيه اسكوت...والكوفه غداره
راح العزيز احسين. .كلبي اشتعل ناره
●●●●●●●●●●●●●●●●●●●●●●
مسرع مشه بلا راي.....يهضمني حاديهه
زينب اميره اجروح ....والدنيا  تسبيهه
اسمع تكول  الناس....هاي المره اشبيهه

درب الشماته اهواي....ذابحني بخطاره
راح العزيز احسين....كلبي اشتعل ناره
●●●●●●●●●●●●●●●●●●●●●●
اكثر حچي تأذيت.....گومي   يمسبيه
طبينه  قصر الشوم.........علويه  علويه
بالمجلس اشكد ناس......ينشدهم عليه

حيره اشكثر ظليت.....وتعاين انظاره
راح العزيز احسين...كلبي اشتعل ناره
●●●●●●●●●●●●●●●●●●●●●●
بعض  البشر  معروف.........بالذله يتماشه
فاعل ضمير الخوف....وعله رجس عاشه
سلطانه طاغي يشوف..وبحكمه يتحاشه

معقوله  هاي   الناس.....تتوافد  الداره
راح العزيز احسين....كلبي اشتعل ناره

●●●●●●●●●●●●●●●●●●●●●●
حدد  مصيرك  زين........لا تعشك  الذله
عيش بكرامه انسان....عوف الوهم عله
ماتعله حاجب عين......من گعدت الدله

طبع  البشر   نوعين........تتغير   أفكاره
راح  العزيز احسين...كلبي اشتعل ناره
●●●●●●●●●●●●●●●●●●●●●●
تمت بعون الله تعالى الشاعر_يوسف_الفتلاوي

نزله(( #شجاعة_الحسين ))  
……………………………………………………………

حسين تربات النبي . و على حيدر طالع
سيفه نازل عالزلم  . كالعذابِ الواقع
من مُحمد زوده .. من مُحمد زوده

……………………………………………………………


حسين اشجع فارس
للشرايع حارس
استاذ و بمنهاجه . ابو فاضل دارس
موش بس ابيومه
من زمان اعلومه
بالجمل من قاتل . اگبور سوه الحومه

ابليس بالمعركه قائد جان صاعد عالجمل
ولمن شاف حسين طبها طاح خوفن ما نزل
بالخيم مروان لابد طلحه يرجف من دخل
هتف جبريل ويگله فحل من ذاك الفحل

وعلي ينظرله ابفخر . بيه گرت عينه
صار گدام الزلم   .   يفتخر بحسينه
من مُحمد زوده .. من مُحمد زوده

……………………………………………………………


نگول الاكبر قائد
نعم واشجع واحد
الولد نذكر زوده . وننسه زود الوالد
مسلم و ضرباته
الكافل او حملاته
اوي السبط ما توصل . ربع من صولاته

احنا متأذين كلش عالحوافر والذبح
وعلى قران ابو الزهره الصار فوك اعالرمح
القلم ما يحجي ابقتاله لان جدا منجرح
حبره يبچي اع الثلاثه ايام بيهن منطرح

احنا مو عمدن تره . ما ذكرنه افعاله
حيل شاغلنه السحگ . الينثر بأوصاله
من مُحمد زوده .. من مُحمد زوده

……………………………………………………………


بيه گرت عيني
والفخر ماليني
همه سبعون الفن . و صمد وحده احسيني
عينه صح لعياله
وعطش فت دلّاله
لچن شمر و گومه . ترجف امن اخياله

حسين يگدر وبثواني ليل يگلب هالضُهر
ابرفعة الاصبع يحوّل هاي الآلاف إلـ صفر
فوگ جبريل وتحضّر ينتظر منه الامر
ايجيبهن يم جدمه فورن رگبة ايزيد وشمر

حسين ابدن مو ضُعف . الله هيج اريده
حيل عطشان الشرع . يرتوي امن اوريده
من مُحمد زوده .. من مُحمد زوده

……………………………………………………………


لوَن صارت هايه
حسين شارب مايه
جان طب الكوفه . وبيها ينصب رايه
منجل ابذرعانه
يحصد ابعدوانه
يسحگ ابميمونه . راس ابن مرجانه

عالنجف صاحت الكوفه عندي ماظلت زلم
خلّص السبعين ألفن واجه المسلم ينتقم
هذا ابن حيدر و اعرفه بحر متروس ابعزم
الشرده صارت صعبه كلش لأن ميت كل جدم

موش سيف ابيمنته . هايه عصة موسى
جيش ظل بس الرگب . ضنها بلعت روسه
من مُحمد زوده . من مُحمد زوده

……………………………………………………………


گالهم لاگوني
بن علي تعرفوني
هل الجمع والقاده . چالنمل بعيوني
ها شمر چا وينك
قائد امسمينك
ادري بالنص لابد . رجفه حتى ابعينك

في نظام الحرب عدنه الزلم تتبارز تره
الظاهر انتم شكل زلمه لكن الداخل مره
ابسيفي عزرائيل گاعد طارش امن الاخره
ابضربه وحده الـ نص جهنم الى النار ايسفّره

يزيد ما باعث زلم .  هالنسه امودّيها
مو عمايم يفترض . الروس شيله اعليها
من مُحمد زوده . من مُحمد زوده

……………………………………………………………


ضعف كلش حاله
ونايم اعل ارماله
وبقوا نفس الخوفه . محد ادنّاله
العسكر ايعرفونه
خوفن ايهابونه
الذبح مو بس سيفه . ابخزره من عيونه

انقسموا اثلث فرق همه وهو نايم منطرح
شي اسهام وشي حجاره وقسم يطعن بالرمح
الشمر گوه امثبت ايده ابرجفه خافن ينفضح
خاف من عينه ولذلك من كفاه صار الذبح

ايزيد شافه اعالرمح . ورجف حتى السانه
مو ملك اصبح قزم  . وضاع وسط أمچانه
من مُحمد زوده . من مُحمد زوده

……………………………………………………………
✍️ ( سيد خضر الزاملي )
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

قال الامام المهدي عج في ( زيارة الناحيه المقدسه ) : و سُبيَ أهلكَ كالعبيد . وصُفُّدوا في #الحديد  .
……………………………………………………………

بالزياره الناحيه و مهديها
خبر يعمي العين يذكر بيها
عمته وموش ابحبل . احديد من إيد الـ رجل
سلسله و من الثگل تحنيها

……………………………………………………………



مو مجاز المهدي يحجي يحجي واقع قد حصل
يعني من هذا الحديد امتون عماته انهدل
جبل فوگ امتون زينب اوياها للشام انحمل
حتى من تنام هو باقي ابدن ما نزل

عالترب نامن بنات الساده
حتما السلسله هي اوساده
جمر دمعتهن تهل . احديد من إيد الـ رجل
سلسله ومن الثگل تحنيها

…… ..............................……………………



مثل ما خلّوا حديده ابرجل خيل الغايره 
حتى مو بس دوس جسمه وذر رادوا تنثره
ردوا اعل جفوف زينب طوگ داير دائره
يعني ادين ام عون صارن بالحديد امحفره

شهر تقريبا بقه اعل ايديها
بالعظم يحفر وظل ياذيها
منه ظل الچف يشل . احديد من إيد الـ رجل
سلسله ومن الثگل تحنيها

……………………………………………………………



الحديد اكثر موصّل للحراره ويستمر
بالشمس لو يوم كامل الشي الجوّاه ينصهر
يعني ادين و رجل زينب بيها موگد من جمر
يعني الچـ فوف وعبايه اثنينهن صارن حمر

خلصت امن الجمر مال الخيمه
جتها جمرات الحديد و ضيمه
انلسعت اضهور الهزل . احديد من إيد الـ رجل
سلسله ومن الثگل تحنيها

……………………………………………………………



هالحديد اويه ابو فاضل قصة أجروح وألم
مره بالعامود لمن بيه كل راسه انهشم
ومره بالرمح التعله ونحره الف مره اللچم
ومره من شاف السلاسل كاسره ضهور الحرم

نزلت امن الراس تچوي ادموعه
ابحيث ظلت عالرمح مطبوعه
يميل راسه وينعدل . احديد من إيد الـ رجل
سلسله ومن الثگل تحنيها

……………………………………………………………



عالهزل يوميه لابد ثلث مرات الرچب
والحديد اشكثر ثگله يعني امر كلش صعب
واذا تتأخر ثواني بسوط زينب تنضرب
تعتبر كل صعده مقتل دمع ناكتها يصب

اترچّب العايله وتبقه الآخِر
محد ايرچبها تكسر خاطر
دمعة الحيره اتهمل . احديد من إيد الـ رجل
سلسله ومن الثگل تحنيها

……………………………………………………………



يا خدم و ابهل الزياره اهواي اذانه الخبر
عالحجي و ابچينه كلنه و صوره ما شاف النظر
يا اخواني والله يعلم شنو حال المنتظر
وهو شايف حال زينب امگاطف اعليها الحجر

ويه كل احجاره تطلع روحه
ابكثر دمعات العقيله اجروحه
نار بي تاكل اكل . احديد من إيد الـ رجل
سلسله ومن الثكل تحنيها
……………………………………………………………
✍️ ( سيد خضر الزاملي )
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

المهدي هيج ايام يكثر نوحه
عالهزل مسبيه  راحت روحه
يا بو صالح •• يا بو صالح

……………………………………………………………


يوم واحد فقط يحضر كربله
يركض اطوريج يسمع مقتله
وروحه يوم اهدعش تصبح راحله
روح مشدوده ابحبال العايله

بكثر ضربات السياط اجروحه
عالهزل مسبيه راحت روحه
يا بو صالح •• يابو صالح

……………………………………………………………


موش ماي  ادموم تنزل دمعته
من يشوف اتميل ناگة عمته
المهدي وياها وتميل ارويحته
والحبل ماذيها حيل ابشدته

صفت روحه بهل الحبل مذبوحه
عالهزل مسبيه راحت روحه
يابو صالح •• يابو صالح

……………………………………………………………..


عيونه وبلون العبي صارن حمر
امحدب و مكسور مثل ام الخدر
من يشوف ارقيه يضربها الشمر
مثل عصرات الگبر ظل ينعصر

عليها وعيون الابو مفتوحه
عالهزل مسبيه راحت روحه
يا بو صالح •• يا بو صالح

……………………………………………………………


روحه مثل الطير تخفگ بالجنح
تحوم يم راس الحُسين المنذبح
يگلي جدي وحيل ماذيك الرمح
خافي شمسك ذابح ابوجهك صبح

يا گمر ظلت سماه مطروحه
عالهزل مسبيه راحت روحه

……………………………………………………………


السوگ اصعب موقف اعل المنتظر
وكف يشگف بيده ضربات الحجر
رفع هدمه ايظلل اعل اخت الكمر
لان ماتت مستحه ابكثر النظر

شام متروس بأرض و سطوحه
عالهزل مسبيه راحت روحه
يا بو صالح •• يا بو صالح

……………………………………………………………


المهدي هم عاش السبي وعاش التعب
ابظهر جده الباقر بسوط انضرب
هم حدر جدمه الرمل نار ولهب
هم بسم عباس وياهم ندب

عينه ولراس الكمر مشبوحه
عالهزل مسبيه راحت روحه
يا بو صالح •• يا بو صالح

……………………………………………………………


المهدي يم ام عيون گابلها وگعد
عمه صبراً صبراّ ومني والوعد
قسم بسمج ما اخلي الهم عدد
ابن اخوج ومن يهد هدة اسد

رايه ارفعج عالجبل و سفوحه
عالهزل مسبيه راحت روحه
يا بو صالح ••  يا بو صالح

……………………………………………………………
✍️ ( سيد خضر الزاملي )
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

اهوازيه .  (( #وداع_الثاكلات ))

……………………………………………………………

اشوي ريّض يحادي النوگ . خل نتوادع اوياهم
اهلـنه اعل الرمل نيّام   .  رحنه وما دفناهم

……………………………………………………………


احنه النسه المسبيات . وبلا زلم ضلينه
انمشي اعليك رب الكون . للتوديع خلينه
ابد يا حادي منعطلك . وفوگ النوگ خلّينه
واضربنه ابحجر وبسوط . اذا للكاع نزلينه

هم تسمع يهل حادي
جثثهم ظلت اتنادي
علينه وصوت كلّه آهات . يطلع من مناحرهم

……………………………………………………………


يحادي وگلبي ماهوه . ظل يم الوَلد يفتر
ابني الفرس فرّت بيه . طبت نص المـ عسكر
صم حنطه انثر بالكاع . هيجي اوليدي امطشر
لزوم اعرفت ياهي آنه . المسبيه  ام علي الاكبر

الجيش وكله ذباحه
ابجمسه انشتلت ارماحه
جسم ابني وصفه فرهود . عليه وصاح صايحهم

……………………………………………………………


اوچب بله يالحادي . وخل اوحيدي اودعنه
امسابگ صار لچفوفه . ادمومه وسبگت الحنه
بيرغ ابيض احسابي . ابخيمة عرسه اعلگنه
مو زفه ابفرح صحبان . ارماح و نبل زفّنه

من فركاه مسلوله
ونّه ابدال هلهوله
ام جاسم المافرحيت . عمامه وبالعرس كلهم

……………………………………………………………


وصوت امن البچي مبحوح . تگل للحادي إتهدّه
اوليدي وبيه شوغة ماي . ما شابع لعب بعده
شلون ايظل بلايه اگماط . لو دفنوه وسط لحده
بالنبله اذبحو انبني . وردّو سلّبو مهده

ام الطفل عبدالله
المحد گاله اصملّه
راح اوليدي رايد ماي . رد ابنحره نبلتهم

……………………………………………………………


ولن صاحن بنات اثنين . هونك يلّي ماخذنه
نتوجّه الصوب الماي . و نسلّم على عمّنه
نگله السوط شل امتون . هذا الحبل جاتفنه
آنه أرقيتك يحـ نين . وآنه أرويحتك سكنه

يعمي و عالو اعليه
امن اذني وخذوا ترچيه
نشرد من لهيب النار . يجينه ايدوس حافرهم

……………………………………………………………


صاح الخدر افجع صوت . وچن الصاحت الزهره
اوچب خل أگل لحسين . اختك مشت متيسره
ظهري امن السياط اهلال.واجدام ابركض حمره
حيلي اخذنه مني الخيل .من لعبت على صدره

وداعاً يا نظر زينب
ابحر الشمس وامسلّب
جثث أصحابك وميتين . وهاشم ما بگه منهم

……… .................................................


ليظل بالكم يخوان . انا الكافله العيله
عبايه امن الله الي تفصال . مُحمد خيّط الشيله
اختكم چن علي من چان . شاب ويا كُبر حيله
حمزه اللي صگر سفيان . واليدنالي يا ويله

رغم اچفوفي مچتوفه
أچتف الشام والكوفه
لو شافوني چن ريشات . والعباس طبّاهم

……………………………………………………………
✍️ ( سيد خضر الزاملي )
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

ســـلام الله علــى رسمــك يابوأليمه
ســـلام الله علــى جسمـك يابوأليمه

****

ســـلام الله علـى جسمـك يبو الأكبـر
علــى الغبــره صريــع وبالدمّه أمعفـر
ثلث تيــام فـــوگ الغبــره ظـل بالحـر
يــا وسفه طريــح وعل الثـره امطبـر
سلام الله على أجــروحه ونــزف دمه

*

عــزيز الــزهـره انــته يجفنـك ذاري
جسـد خلّـوك لكــن عالــرمـل عــاري
لجّل الــدين كل شــي انطيت للباري
يــا ســر الوجـــود الحيّــر أفـكــاري
سلام الله علــى سرك صعــب فهـمه

*

عجيبه اشلون داست فــوگه خيالــه
وكتاب الله جسمـك گطعــو أوصاله
جـــدك والـــزچيه نظــــروا لحـــالـه
أمغسل بالــدمّــه ومسلّـبه أعيــالــه
ســـلام الله عليها گــامـت أتشمّـــه

*

تشم جسمك أظنها وتجري دم العين
يا بويه تصيح شحاله شـوف حسين
يا جــرح اليضهدك يبني صــاير وين
جرح عبدالله الأكبر گطّعَـت الچـِفين
ســـلام الله عليـــك أتصيــح يـــايمّه

*
جسد وبلا راســـه شلــون يالغــالي
يـــريد أيشوف وجهــك يبني دلّالي
يريت وياك كون امگطعـه أوصـِالي
ومثل حــالك يريت أتصير أحـوالي
سلام الله علـى ألي غيــرو رسمــّه

*

يبني اشلون دفــانــك حفـر لحـدك
أوّسد يا جسـد والـراس مــا عنـدك
يمّن جبريِـل جــان ايلولــي بمهـدك
ولا چنــه محمد يــا الــولــد جـــدك
سلام الله علــى ألي حـارو أبجسمه

*

الشاعر
موسى البديري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

قصيدة ( لميته بحصيره ) لدفن الأجساد الطاهره حوار بين الامام السجاد والسيده زينب عليهما السلام



لميته بحصيره جسم الحسين
لو سالم لگيته يا ضــوه العين
نحـره ظــل بعـد الــذبح
راسه ذاك اعلى الرمــح     يا عمه الحسين

****

عمّــه سولفلي عظــم هــاي الــــرزيه
من گصدت اليوم لارض الغــــاضريه
شلون شفت حسين ظـل جثه رميــه
شحاله من رضته العشــره الاعوجيه

خَبّرنــي يعمّـه بصـــدره اشصَار
مثل ايتامه جسم حسين طشار
حسين كلّه أصبح جرح
راسه ذاك اعلى الرمــح

**** 

گلهـا والدمعــه جـرتْ منـه يعمّـه
آه يا جرح الطفوف شكبره همــه
بالحصيــره والــدي ظليــت المّـه 
عمه وبلهفت امفارگ گمت اشمه

لميته بديه وشاغت الـــروح
مذبوح ويلمْ بجروح مذبوح
صعب يـا عمّـــه الشرح
راسه ذاك اعلى الرمح

**** 

عمّــه يا جـرح الـذي گلبك مضهده
گلها والدمعه جـرت من فوگ خده
عمّـه كـون اليندفن راسـه نوســده
بس نحر وبلايا راس شلــون شده

وســدت النحـر وبگلبــي اهــات
مثل حسين عمه ياشخص مات
حسين أبو الوجه السمح
راسه ذاك اعلــى الرمـح 

****

تگله انشدك عمه عــن محنة كفيلي
گلها عالشــاطـي تهــدم كلــه حيلي
شفـت چفينه وصحـت يمّه يـويلي
عمّي يـــا عبـاس راح يطـول ليـلي

يــا عمّــه شسولف عنــه محتـار
من كثر الهضم بعده الجسد حار
الـﭽنه ساعــات الصبح
راسه ذاك اعلـى الرمح

****  

ارد اســألك مـن بعـد راعي الشريعه
ويـن گلّـي وســدت منحــر رضيعــه
عمه گلها وضاگـت بعينــه الوسيعـه
لصدر ابوه حسين هاي اكبر فجيعه

نحر حسين وي نحر الطفل صار
وسدتــه واحــس گلب الابو نــار 
ذبــح صــاير يــم ذبـح
راسه ذاك اعلى الرمح
****

مــن گصدت الأكبــر ودامي نظــرته
ﭽن محمد عالارض مطروحه جثته 
ويا جــرح جسام ومصـابه ومحنته
اخ يا خويــه صحـت يمّــه وشبگته

شحــاله ألّي يــوسد بيــده خوان
عليل وبيدي اوسد گلب عطشان 
يــا  دوه لعلتــي  يصح
راسه ذاك اعلى الرمح 

****
الشاعر
موسى البديري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

اليوم الوحدچ چا وين الاخوان
الاول عالنهر والثاني عطشان
الاول عالشريعه بدون چفين
والثاني بقه بلا راس الحسين
بقو عالارض بس من غير دفان
::::::
طالعه بهالمغربيه وين وانتي بلا كفيل
ياهو ايمدلچ چفوفه الناگه لو رادت تميل
اخو ما ظل عندچ ابدن باقي يمچ بس عليل
التدخل الوادم عليهم اليوم همه بلا دخيل

بس الروؤس يمچ فوگ الارماح
واليحدي الضعن نفسيته ذباح
وكت والحره توگف نص دواوين
::::::
وين چانتلچ يزينب شمر يحديها الضعون
باچر ادخلين ديره وكلها يمچ بس عيون
ايسي من اخوتچ ايسي ابد زينب ما يجون
خارجيه اعليچ گالو هاي ابدن ما تهون

باچر تدخلين بديرة اجناب
وعمرچ ما وصلتي لعتبة الباب
ما تدرين روحچ وين ما وين
::::::
راس الحسين اعله رمحه وياچ يمشي بالمسير
هاي وادم رحم ماكو وابد ما تملك ضمير
الشمر يضرب كل حرمنه ويضرب الطفل الصغير
وحدي باچر حيره وحدي واعرف انه هواي احير

باچر تدخلين بديرة السوگ
يسمعونچ كلام هواي ميلوگ
اشكال الحچي زينب تسمعين
:::::::
وحدچ بنص الخرابه وكلها محترگه الخيام
انتي ما عندچ سلامه عالرمح راس السلام
ديرة الكوفه انه اطبها وباچر ادخل انه شام
ستر الله وكلها تنظر خاص يتفرج وعام

تطرين الصحاري ليل ونهار
الشام واهله يتلگوچ بحجار
اخوتچ عالثره كلهم مطاعين
:::::::
اليوم وين اهلچ يزينب كلها صرعه اعله التراب
باچر انتي بنص خرابه وحتى ميخلون باب
مو فقط وجهچ تغيير تغيرت حتى الثياب
وانتي چان المهم عندچ كون ميطيح الحجاب

باچر متنچ ازرگ من الاسياط
عدهم ينضرب حتى البلگماط
خمسين العمر ما بيچ تمشين
::::::
علي جبار الكعبي
الفاتحه لوالدي

آنه خادم وابقه خادم
عمري عايش عالمآتم
-----
آنه تحييني المجالس قدري يكبر بيها
روحي موتتها بغيابك خدمتك تحييها
كون مو بس عيني تدمع آنه الك اعميها
نلطم بمجلس عزائك فاطمه انواسيها

بالمجالس گلبي هايم
عمري عايش عالمآتم
-----
هاي أول خدمة اشوفن بس شرف معناها
من يجي يوم اربعينك زحف أتعناها
عاشت اوياي الخدامه وآنه باقي وياها
آه يحسين ومصابه جمله ما أنساها

آنه احبك والله عالم
عمري عايش عالمآتم
-----
إحنه مو بالعمر نكبر نكبر اعله العبره
والمهم مولاي أمك ترضه عنه الزهره
هذا بسم حسين مجلس ندري بيها تحضره
باچر بيوم الصراط اليبچي هيه تعبره

باقي إسمك بيه دايم
عمري عايش عالمآتم
-----
من أشوف الزاير آنه يا هلا اتلگيته
والله كل واحد حسيني إلك فاتح بيته
كلمن ايخدمك حبيبي يعله باچر صيته
خادم ويربه بمجالس والنعم تربيته

والخدم ما يبقى نادم
عمري عايش عالمآتم
-----
من أدك زنجيل والطم واطبر آنه الهامه
خلي كل عاذل يصرح مختنگ بوهامه
ملك مو خادم أشوفن عايش احلى ايامه
من يجي عاشور أرفع بالجفوف اعلامه

إذني ما تسمع يلايم
عمري عايش عالمآتم
-----
آنه من دون المجالس كل أجر ما ليه
دوم حس بروحي تفرح من تطب لطميه
كون اشيلن گلبي بيدي وانصب احسينيه
عمري لو ما بي عزائك ضيعت تاليه

بالخدامه موتي لازم
عمري عايش عالمآتم
-----
علي جبار الكعبي
الفاتحه لوالدي

ظلو بالخيم لحظه واجيكم
عندي اعتاب ما طول عليكم
گالو وين ترحين     گتلهم للحسين
عندي اعتاب ما طول عليكم
::::::
عفت الاطفال واجيتك   كلم اختك خل تجيك
ارفع اچفوفك اليه      حسين بس دليني بيك
اعله زينب خايف انت   گلبي هم خايف عليك
اذا اسأل اخبارك شنهي الاخبار
سحگ وسيوف وارماح ورمي احجار
المك بيش المك وانت طشار
سلامه وانت باقي بلا سلامه
الثياب مسلبه وحتى العمامه
گالو ليش تبچين    گتلهم للحسين
عندي اعتاب ما طول عليكم
::::::
شظال بيك وحتى اشيلك       وانت متكطع وذر
هذا كص خنصر المحبس   والشمر يگطع نحر
ذاك شال برمح راسك       چم سهم بيك انكسر
حصيره وهي ابدن ما تكفيك
كون اليوجعنك بيه ولا بيك
اجرن سهم صدرك خاف ياذيك
معقوله انت اخوي حسين انته
اول مره اشوفه وما عرفته
شضمد جرح جرحين
::::::
دورت بيت العساكر              والجثث متوذره
شفت عندك تسع اصابع  گلت ماكو خنصره
مستحيل حسين سالم   وذر جسمه اعله الثره
مغطيك الحجر تنزف جروحك
الخيل السحگتك طلعت روحك
ظل لما يلوحك هم يلوحك
المن بيك ضليت بحصيره
صغيره الگاع وجروحك چبيره
ظلت تدمع العين
::::::
الشمر شفته يذبحك   انوب شالاك برمح
الليل المن بعد باقي    غير مذبوح الصبح
هنه ما ينعدن اصلا   الف اكثر من جرح
گالو عمه حيل اتأخريتي
شحصل وياچ هيچ وشيبيتي
مشيتي بطولچ ومحنيه اجيتي
اسمعو هالكلام ولوذو بيه
لوذي بعمتچ عمه رقيه
افترقنه وچنه اثنين
::::::
شمر باچر يحدي بيه   وانه بالسوط انضرب
باچر ادخل ديره غربه   وناسها كلهم غرب
وين چانت هاي اليه  امشي انه ينص درب
باچر صعبه لمن ادخل الشام
يتفرج علينه الخاص والعام
هلاهل من دخلنه ورفعو اعلام
گالو هاي بنت حيدر سبيه
گالو زينب انتي خارجيه
زينب وين ما وين
::::::
علي جبار الكعبي
الفاتحه لوالدي

دفن الاجساد الطاهرة

حيره بوية شلون ادفنك
هـو انـته شباقي منك
راح المك بالحصيره
مصيبتي والله چبيره
……………………………

ريت يا بويه المنـيـه وياكـم اخذتني سويه
ولا اشوفن هالمنـاظر صعبـه يا بويه عليه
عالترب كلكم اضاحي مگـطعين اعله الوطيه
انته واخواني وعمامي والانصار اهل الحميه

بويه متـخالط لحمكم
گـلي شدفن راح منكم
حيرتي يابويه حيره
مصيبتي والله چبيره
……………………………

مو مرض بس الهلكني هدني بويه الي شفته
واني ازحف يم جثثكم شفت اخوي وما عرفته
علي الاكبر ذاك طوله وكل جماله الي وصفته
قطعة قطعة امگطعينه وصل صارة علي جثته

اليشبه الهادي بخصاله
منمـرد بالطف جماله
چـنه لا مو هوه غيره
مصيبتي والله چبيره
……………………………

ويا هضيمتنا عله جاسم يا فجيعتنا بمصابه
بعده شاب وحلو عمره تالي ذبحوه ابشبابه
ابن اخيك بويه صاير وصله وصله اعله الترابه
اه يا عريس هاشـم گـلبي طـراه بعـذابه

توه قاسمنا صبح شاب
شلون ادير اعليه التراب
هذا عريس العشيره
مصيبتي والله چبيره
……………………………

يا كسرنا ويا هضمنا عالنهر عدنـا مصيبه
لعمي ابو فاضل بكائي وگـلبي ميبـطل نحيبه
شفته بويه وريت ما شوف جـثته ذيچ السليبه
بويه مثلك نـاهبينه وعاري والجثه خضيبه

منمرد جسمه وبلا راس
يا هضيمتنا عله عباس
چان ينزف لخته غيره
مصيبتي والله چبيره
……………………………

بويه من جيت ارد ادفنك ما عرفت اشلون ادفنك
بالسيوف امگـطعينك انت موش احسيني چنك
گـمت ادور بالتـرايـب كـل عضو مفصول منك
گـوه لمـيـتـك يبويه الخـيل ليش ايطـشرنك

راح ادفنك وي سهامك
حيل مطحونه عظامك
وحرگتك شمس الظهيره
مصيبتي والله چبيره
……………………………


ردت اهيل اترابك اعليك ولنه صوت يصيح نحرك
يا علي وســد رضيعي وجبته خليته عله صدرك
بس يبويه بصدره حافر ماطلع من گـلبه اخبرك
طفلك ابلا راس مثلك عـظم الله براسه اجرك

منذبح مثلك خطيه
وداسته هم اعوجيه
دمعي دم الكم اديره
مصيبتي والله چبيره

الشاعر عقيل الحسناوي..
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

من بعد عباس زينب كافله
بالضعون وبالسبايه بكربله

خذت زينب دور بالطف الجبير
تكفلت بس مادرت وين المصير
يامصابج كربله ايشيب الزغير
مدللت عباس هسا معلعله

زينب الله يساعدج ياغربتج
شفتي بعيونج مذبحين خوتج
الماتشوفج گبل هسه شافتج
بغربته شفتي اخيج ونوله

اتكفلت وليان هاشم بالطفوف
من بعد ماگطعوهم بالسيوف
لليتامه اجروحهم هيه التروف
يساعد الله اليوم بت عقد الوله

ياهو المحسب الزينب تنسبي
هاي بت اشرف نسل جده النبي
واليتام وجوهن لون العبي
جانت بعز وي اهلهه مدلله

طاح عباس على وجه وكلشي طاح
وركظو على الخيم بالسب والصياح
وروس اهلهن صعدوهن عالرماح
وصوتهم من طاح ابو فاضل عله

وشبجت العشره العقيله محيره
تشوف اخوه حسين حزو منحره
واحد من الجيش شايل خنصره
يامصايب كربله تبجي المله

تمت
مؤيد الحفاظي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

لو نامت عيون الخيل
اتعنه راسك بالليل
اتعنه وبعيد الرمح
خافن يوازيني الصبح
ياخويه يحسين. ياخويه يحسين
****
ياناس الوجه تعبان
ريجه من الشمس يابس
شينزلك يبعد الروح
حطوا عالرمح حارس
لميت من امس واليوم
جفي من الدمع تارس
يعرفني ارد اشربك ماي
مانام وغفه الفارس

ياخويه تانيته هواي
يغفه واشربك بس ماي
وبكلبي حط ميت جرح
خافن يوازيني الصبح
ياخويه يحسين. ياخويه يحسين
**
رافكتك درب يحسين
رافكتك ضوه اكبالي
راسك يلتفت كل ساع
غالي وعينه عل غالي
ماترضه الشمس فديوم
لمحه اتشاهد اخيالي
جا شنهي المحنه البيك
ميت وانته تبرالي

وجهك بعد وين الكاه
عذبني كلش فركاه
خويه انته مو مالت ذبح
خافن يوازيني الصبح
ياخويه يحسين. ياخويه يحسين
****
يحسين برقية شلون
جفها بياوكت ينشد
من جر الحبل نيشان
صاير يشبه المعضد
تعبني الدرب يحسين
كل نكلت جدم مشهد
راسك والتعب والليل
جا كلبي شوكت يبرد

ياكلبي حكك تحتار
من تسعر جروحك نار
بجروحي احس مثل الملح
خافن يوازيني الصبح
يابويه يحسين. يابويه يحسين
*
يخنكني العصر يحسين
ويغثتي الغروب هواي
كبالي جربت العباس
يترسها ويبدي الماي
اخلاف حسين والعباس
رافكت الشمر حداي
صار الليل بيه ايعيل
علويه وادور راي
****
ليل السبي كله جروح
وكبالي راسك مذبوح
دمع اليفارك ينفضح
خافن يوازيني الصبح
ياخويه يحسين. ياخويه يحسين
____
باجر لو وصلت الشام
كدام الغرب صعبه
وانه خيالي ماينشاف
راح انشاف بالغربه
الماعنده اهل مكسور
ضايع بالوطن دربه
وانه الضيعت عباس
روحي جانت بكلبه

تهضمني نظرات الناس
جم مره صحتك عباس
مفهوم دمعي اوينشرح
خافن يوازيني الصبح
ياخويه يحسين. ياخويه يحسين
***
كلمات
علي ربيع الغزي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

نعي مفجع
الأمام السجاد (ع)
يخاطب السيده زينب( ع)
بعد وفاة السيده رقيه


تـصـعـب عَلـي تنــزل دمـعــتي

وگـبـال عـيـنـي مـاتـت اخـتـي

عَـمــه يـعـمــه اتـعـذّري انــتـي

زحمه العده اتـشـاهـد عَـبـرتـي

اتشَيّب الگـلب هـايه مـحـنـتـي

وهـل جـامـعـه حــزت رگـبـتـي

صبري انـكسر كـون انـكسـرتـي

خــافـن اثــر لـسـيـاط شـفـتـي

جـثـت رقـــيـــه لــــو دفـنـتــي

واشـكـم جــرح بـيـهـه حسبتي

أتحزمي ابصبر بـاچـر يـعـمـتـي

                                          *---------------*---------------*

✍خادم الحسين ع
الشاعر رعد الجريخي

زينب عباية امن السمة ونزلت عله الگاع
چانت رسوله ابلا وحي والروس الامتاع
صح الكفيل ابلا راس ..بس هي چانت عباس
****
تمشي عله اخشوم الزلم..من كربلة للكوفة
ايسبّونها وتقوه بعد .. والطگها تلوي اچفوفة
شارتها تمحيهم محي..بت البخت معروفة
زينب تچتف بالحبل ..بس هي ما مچتوفة

عدها خلگ چانت تغطي اجناح جبريل
عالصبخة لو دگت رجل يطلع الف نيل
للعفه چانت كرّاس..بس هي چانت عباس
*
خزرتها تبرگ عالزلم .. ترعد رعد خزرتها
تقلقهم بدرب السبي ..امن اتسبّح بسبحتها
والما مؤدب من گبل .. يتأدب بشوفتها
عباس بس عنده زند .. تنطي شبه مشيتها

جيش اعله كبرة امن الرعب إنشق سماطين
بخزرة تحطلهم گلب حلفت بالاحسين
بت المضيف الينباس .. بس هي چانت عباس
***
إلطف گضه وصار السبي..بس جاي اشوفنها الطف
العنده عزه يظل منشدهْ..وهي بعقل تتصرف
چانت قيادية ضعن .. والرتبة ما تتوصف
عدها عباية امقدّسة ..ترهم غطه للمصحف

(إنّا فَتَحنا) أعتقد نزلت هالايام
معناها يازينب بعد نظفيلنه الشام
عالظلمة طبت نبراس ..بس هي چانت عباس
**
علوية وبنفس الوقت.. شيخه واجت طلّابه
من عدها مالت كربلة ..وما مالت العصابه
بت واحد امبچي العرب ..مو سيفة بس اگرابه
واخت الي تنفل الرگب.. لمن يفل انگابه

طبت سفيرة اعله القصر بت الصريفة
وچانت رقية القائدة ومامش خليفة
شجاب الصخر عالالماس.. بس هي چانت عباس
*
وصلت مراحل بالستر ..زينب تحجب ظلها
زينب مرة اتعلمة الحچي .. ذاك اليريد يذلها
امن الممكن وكل معجزة .. اتصير ونحير بحلها
الگمرة تطلع بالظهر .. بس ماطلع صوت الها

گد ما عفيفة اعله الهوه امن الگاع تنشال
وبس الها الله من خلق ما خالق اخيال
خاف بشمسهم ينجاس .. بس هي چانت عباس
****
علي هادي الخزعلي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

نار نار .. دخلت للاخيام
نار نار .. تحرگ بالاحلام
ياخوية يحسين .. ياخوية يحسين
~~~
اجيتك بيه نار اتگول باب امك
اجيتك ارد اشدن وين التهظمك
اشيلن يا عظم والطف ترسته اعظام
اتيهن بين عظم الاكبر وعظمك

الخيل الخيل ..مردن لك اعظام
نار نار .. تحرگ بالاحلام
~~~
راسك ع الرمح و حجارة كاسرته
وعله طول الرمح دمك نزف شفته
اليكرهله بشر و ايذبحة بين اعيون
يحرگ خيمته وگدام عايلته

طاح طاح .. من عدهن احزام
نار نار .. تحرگ بالاحلام
~~
أبن امتوني راسك هسه ما لوحك؟
الرمل موش الرضيع ونام بجروحك
اندلها التمردك والتطلعْ الروح
طلعت زينب وطلعت گبل روحك

مات مات .. مو من الاسهام
نار نار .. تحرگ بالاحلام
~~
اعله صدرك خيلهم شالوها ذبوها
يأول نعمة طاحوا بيها رفسوها
گطعوا رگبتك؟ ياخوية اگلك ليش
برگبتك عايلة لهل سبب گطعوها

الشام الشام .. ياغثة الشام
نار نار .. تحرگ بالاحلام
~~~~
دمك مثل شيبك ترس كل الراس
اجيتك عود ابوسك ليش ما تنباس
اصابع ايدك اخوانك عددهن چان
بس يا خوية طايح منهن العباس

نام نام .. فوگ الرمح نام
نار نار .. تحرگ بالاحلام
~~~
تبدل عطرك بدخانة اخيامي
اول مرة اتهيّك وانته گدامي
گواك الله اگلك وانته ما مرتاح
جلد صدرك طبگ بالحافر الدامي

خيل خيل.. سحگن عالاسلام
نار نار .. تحرگ بالاحلام
~~~
اطلبچ كربلة اذراعين والاصبِع
تخلين الشمر ع التاج متربِع؟
اخوي شغاثك گتلة ويفرفح گام
يزينب غاثتني اخيولهم توجِع

ذاك ذاك .. ضلعي لگدام
نار نار .. تحرگ بالاحلام
~~~~
علي هادي الخزعلي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي