الزهره الـبـاري عـالوادم فـضّلـهــا
وگلب كل جعفري صاير فضه اله
مـثـل الـخـيمه غـطانـه فـضلهـــه
وكرمهه اهواي مولاتـي الزچـــيه
~
حيدر بشار الدراجي

((فاطمة الزهراء ع كعبة الأمامة ))

الكعبه صاحت ياعلي ،، لبابك وصل شرهم
واهل السقيفه اتعدوا ،، بسجيلك امطرهم
قد أضرموا النيرانَ في استاري
ويل لهم من غضب الجبارِ
واهل السقيفه اتعدوا ،، بسجيلك امطرهم
########
بس غمض جفن النبي،، طلع راس الناصبي
وكل منافق مختبي ،،  يرتعد وايهابك
چانت الما الها حس ،، بحضرتك تهمس همس
وكت حيدر ياشرس،،  يوكفون ابابك
وكت حيدر يا عنيد ،، الخاتله بطگ الحديد
گالوا تبايع نريد   ،،   وكل هلك واصحابك
اصحابه وصاها ورحل  ،،    بروني بالعتره
بعده الرسول بلا كفن ،، وانصطرت الزهره
قد روعوها بَضْعةَ المختارِ
ويل لهم من غضب الجبارِ
واهل السقيفه اتعدوا ،، بسجيلك امطرهم
############
الچان بابچ فاطمه ،، كعبة املاك السمه
تالي ايد الآثمه،،  دنست مقامه    
اتجمعت من كل طرف ،، الماله دين ولا شرف
وما حفظ حگها وعرف ،، كعبة الامامه
النكر بيعتكم خطب ،، وابابكم شب الحطب
وإنته بركان الغضب ،، اشصبر القيامه
يم بابي الاملاك أحرمت   بيه صلت وحجت
داسوا حرمته اهل البغي   وبيه نارهم وجت
قال وإن ، فاطمة في الدارِ
ويل لهم من غضب الجبارِ
واهل السقيفه اتعدوا ،، بسجيلك امطرهم
############
ركضوا حسين وحسن،، والدمع يمطر مزن
ريت كسرچ بينه چن ،،  نفدي الرواح
جفن ما رفله وطرف ،، وذكر آخرته و وگف
عند أهل بيت الشرف ،، ما خشى و وراح
والنذل سبها ورجع ،، رد رفسها وما قنع
سوطه عالمعصم طبع،، ومحسن الطاح
مارده چفك ياعلي  الرد محور الافلاك
بعيوني ما اشوفن بعد من صطرة ابن اصهاك
قد ضجت الأحشاءُ بالمسمارِ
ويل لهم من غضب الجبار
واهل السقيفه اتعدوا ،، بسجيلك امطرهم
########
علي يل كلك عزم  ،، برگ خاطف من تهم
لو صفه الحگ عالنجم ،،   تعتني وتجيبه
وانته يا سيد البشر ،،   تلوي اعنان الدهر
يوم لو غاب ونكر  ،،   اتله من مغيبه
وتنسف العسكر نسف ،، خنصرك يطوي الالف
بيهم تسوي الخسف  ،، صولتك رهيبه
زلزال سيفك لو برگ   كل عسكر ايهابه
شلون طاحت فاطمة   ويگدرله  گرابه
ادركني يا صاحبَ ذي الفقارِ
ويل لهم من غضب الجبار
واهل السقيفه اتعدوا ،، بسجيلك امطرهم
############
ونچ يهيج الجرح ،، چنه بجروحي ملح
موت بعيني الصبح،، وخضر الليل
بگلبي بسمار استقر ،، مو ضلع عمري انكسر
ونچ يفت الصخر ،، يكابر الحيل
گولي ياهرش الگلب،، والله اعيدنها الحرب
وأگلب الدنيه گلب،، وأهزم الفيل
لوما وصية احمد   انكتبت علي فرض
اقسم وحگ ظلعچ نذل ما يبقى عالارض
إن أباك رحمة فاختاري
ويل لهم من غضب الجبار
واهل السقيفه اتعدوا ،، بسجيلك امطرهم
########
السموات انطون  ،، وكون قطعه اتفصلن
ريت جوه أم الحسن ،، طاحن افراش
الصطره أذتها وهوت،، ورده ذبلت والتوت
شمعة هفتت وانطفت،، والغضب جاش
أهتزت املاك العرش،،وفارت النار وترش
وگعد عزريل وفرش  ،، وين الاوباش
اسرافيل بالصور انتخه ،، وجبريلها ينادي
بس أشري نگلبها گلب ،،  يا بضعة الهادي
إن أمضت الزهراءُ بالإقرارِ
ويلٌ لهم من غضبِ الجبارِ
واهل السقيفه اتعدوا ،، بسجيلك امطرهم
____
محمد المشايخي

وين اشوفج حلم عمري بيدج
وين اشوفج دمعتي تريدج
وين اشوفج. ييمه تعالي
وين اشوفج
***
حاجيني. من عندج كلمه اداويني
حاجيني. اتعذب ليش تخليني
حاجيني. افراگج شوفي اشسوه بعيني

ارد اكعد وياج. واحجيلج البيه
ليش الوكت بيج. يلجمني يوميه
ما ينطب البيت. الماشين اهاليه

فاركيتج. وعليه بطيتي
فاركيتج ييمه ومشيتي
فاركيتج بعد قوه مالي
***
يايمه. من يوم الغمضتي عيونج
يايمه. صارت البيت اظلم من دونج
يايمه. ردي الويلادج يردونج

نشتم بالتراب. هليله ضلينه
يايمه يرضيج. هالگد تبجينه
ضلينه بعدج. ايتام تدرينه

يالحنينه. ذبحنه غيابج
يالحنينه. كعدنه اعله بابج
يالحنينه يا اغله الغوالي
*
عالحايط عصروج ومتي امن العصره
عالحايط. وطاح الباب اعليج بكبره
عالحايط. واستهشد محسن يالزهره

من رفسو الباب. طاح وهوه اجنينج
واحد يسب بيج. واحد يطك عينج
امن الباب للنار. شتصير جفينج

يالزجيه. اكسروها اضلوعج
يالزجيه. وتصب دموعج
يالزجيه. انضري الحالي
***
يا فضه. صحتي وعالخد يهمل دمعج
يا فضه. امن البسمار اتألم ضلعج
يا فضه. سندي اتنادين اتسمعج

كل ما تعبتي. كلبي اليحن يتعب
وما راح ترتاح. عكبج بعد زينب
من كثر الهموم. حته الرمش شيب

ما نسيتج. ثواني بعمري
ما نسيتج. هوه وطب صدري
ما نسيتج. يراحت بالي
***
تدريني كلش تعبانه ومختنگه
تدريني. وجفوفي تموت ابلا ملگه
تدريني. ما اتحمل ليل الفرگه


من حزني والضيم والله انهد حيلي
يايمه ما موت. بفراگج ادعيلي
انه اويدنياي. شمسويه كليلي


من مشيتي. مشت روحي يمج
من مشيتي كبر بيه همج
من مشيتي. اهظمتني الليالي
*
تمت
تحسين الخفاجي

اليالي الفاطميه گولات

ياحيدر الحگ بيتك انداس
وام الحسن تلطم عله الراس
كسرو ضلعها ابدفعت الباب
وصار الحرگ والتمت الناس

ياحيدر الحگ فاطمه باب الجذع ماذيها
،،،،،،،،،،،،،،،،،،،،،،،،،،،،،،،،،،،،
عصرو ضلعها وشبت النار
وطاح الجنين بعتبت الدار
عالحايط الدم باقي نيشان
يابو الحسن لوتدري بالصار

المحسن يحماي الحمه بالعتبه مصقط راسه
،،،،،،،،،،،،،،،،،،،،،،،،،،،،،،،،،،،،
يابوالحسن مو طيب الحال
ضلع الزجيه اصوابه جتال
حضر الجفن ودموع العيون
جم لليله وتموت ام العيال

ماصارت ابسيد قبل گدامه حرگو بيته
،،،،،،،،،،،،،،،،،،،،،،،،،،،،،،،،،،،،
لا جار اجاها ولا كو فزاع
وام الحسن ممدوده بالگاع
اشباة الزلم ياوسفه ياحيف
شافوها حرمه وصارو اسباع

الله يعينك ياعلي منين انته تتلگاها
،،،،،،،،،،،،،،،،،،،،،،،،،،،،،،،،،،،،،
تجوي الگلب حالتها وتلوع
ولهسه تسمع صوت الضلوع
تنحب بقت وبخدها دخان
وبالگوه ضلت تمشي الدموع

وين الينوح الفاطمه ويلطم عليها ابحيله

العبد ابوفايز الرافضي

@HxzEU1
#قناه_نشر_القصائد_المنبريه
#الناشر_مصطفى_المياحي

متهشمه هيچ ام الحسن ماادري
اتمنيت بلمغتسل يخلص عمري
مررت چفي عليهه
ولاضلع سالم بيهه
_
مصيبه والمصيبه اهون وضلع فاطم صعب شرحه
ترفع چفهه ماتگدر الچانت تتعب الرحه
تون من طارف البسمار ياناس اشكبر جرحه

الهضمه الچبيره اطيح عالكاع
وماشبعت من اوليدها اوداع
ضاع الهوه عله ام الحسن ضاع

ظيعتچ وظاعت حياتي ابساعه
سلاني نعشچ يم حسن باوداعه

والباب شمخليهه
ولاظلع سالم بيهه
____
شلتهه من النعش للگاع ودفنت احلامنه وياهه
علي وكلشي اگدر ابهل كون بس مااگدر انساهه
الچانت تارستلي الدار الزمن بل گبر خلاهه

بعدچ علي يمشي بلا روح
ومن الشماته شابع اجروح
وحلمه الوحيد ابابه مذبوح

اغفه اعله گبرچ والجرح يندهني
حيل المصايب يم حسن هدني
عطشان روحي رويهه
ولاظلاع سالم بيهه
___
اصيحن فاطمه بل بيت ويرد بس الصده عليه
فراگج لوعه ماتگظي تظل وي كل نفس بيه
الچ جيه بعد عل دار لو ماكو بعد جيه

وجه الصبح مغرب علي صار
ابچي ابدمع دم والگلب حار
حيره چبيره والله محتار

يافاطمه انه وياچ عين وحاجب
وبحجر گبرچ علي ظايع كاتب
وبل دمع عيني اعميهه
ولاظلع سالم بيهه
___
الچان الدنيه يطويهه بمشيته الحلوه يتعثر
الشايف ضلعچ وكسره عبرته ابصدره تتكسر
ونارالباب ماتطفي ابصدره تبقه تتوجر

ابقه اعله گبرچ ناصب امصاب
مادام انتي جوه التراب
ملچوم گلبي وجرحه ماطاب

صاير جروح البيت من اغيابچ
عوفي المگابر ردي يم احبابچ
ونيرانه اطفيهه
ولاضلع سالم بيهه
___
بعدچ ماگعدنه الزاد نگعد نبچي عل عشره
بس المحترگ عل باب يحس ابفرگته الزهره
والسطرت اجفونچ كون تلگه ابعينه الف سطره

ابعمر الورد متي غريبه
يمصيبه مابعدچ مصيبه
طول غيابچ يل حبيبه

يبچي الحسن يم الحسن بس من دم
وزينب ازغيره وحيلهه يتهدم
لوبلحلم سليهه
ولاضلع سالم بيهه
____
سلام البهادلي

(شُوط كربلائي)
ناده فاطمه الزهره. بصواب وكلب ملجوم
يا بويه الوصيه تكول. غدروا بيه والله الكوم


جبراً. رادوا البيعهَ. من الوَلي داحي الباب
لاجنٰ خططوا جرمً ندفع علْ الزجيهَ الباب
يا طهَ الوصيهَ تنوح. بفاطمٰ غدوا الاصحاب
وحساب الكَسر يفلان
موجود بوَسط. قران
هذا الضلَع عالي الشان
ربك وصى بمٰ حسين. لاجن بينت هل الليوم


واحد كال اشب النار. واحرك دار ابو الحمله
والثاني برز و يكول. اقتل حيدره سهله
والثالث بعالي الصوت. قال (وأن) هل الجمله
ما هموا بحرمة دار
ذوله شلة الاشرار
راح يعاقب البتار
بيد المهدي من يضهر. ياخذ ثارج ومهموم


فاطم رحمتي أشهد. من اغضبني اغضبها
واشهد بعد من رجواي من حاربني حاربها
واعلن كلمه من ربي. اهل الغدر عاقبها
دمعج فاطمه يسجب
وحسيني بألم ينحب
وحيده باقيه زينب
بس الهضم والي الدار. واني الوالد المهضوم


طه بالعرش نصب. بيت الحزن عل الزهره
وأتقدم عزءَ الاملاك. وتعزي أبو العتره
نهتف بعلى ما عدنا. واويلي على العصره
بسمار الضلع يحسين
نابت بالكلب مرتين
سالت دم ترى العَنْيِن
وكلبك يا محمدنا. اشوفن بيه حزن مرسوم


والالام اشهد واكثر. بكلبك يا علي الكرار
فراكي عذباك هواي. وينك اجلب البتار
بيدك محلى فقارك. وذبح من حرك هل الدار
سلامي عليك أيا وفاي
انته الجنت الي حماي
وداع ًوالله يا مولاي
رحت اني اعوفنك. وحده تبقى سر مكتوم
-----------------------------------------------------
لخادم مولاتي فاطمه الزهراء
سيد علي خالد المهناوي

الله اكبر عصروها ومنها المحسن طاح
مو طف بس البسمار تحسبه احساب ارماح
حيل .. دفعوها
ضلوع .. كسروها
—————————-
زغيرة ومعصورة بقوة وصاحت فضة بساع
                  سندي امتوني

ماشوفن دربي اتصيّح ضاعت بيه الگاع
                 مغوشة عيوني

صاحت آه .. فضتاه .. لزمي چفوفي
دوري زين.. ابني وين .. طايح شوفي

رحت اركض ركضت خايف چوّت وجهي النار
ومديت ايدي لفاطمتي وصب دم البسمار
موت .. راووها
ضلوع .. كسروها
———————-
دخّان الباب العالي الخانگ بيها الصوت
                       ما اسمعها

ضلوع ومحترگة ورفسة الوصلت بيها الموت
                     وچف يدفعها

إنعصار.. عالجدار … وانت اتخيّل
هذا حال .. لو رجال .. ما تتحمل

العصرة اللاگتها الزهرة تمّوت حتى الصوت
الزلمة وما يتحملها بساع بساع ايموت
ليش .. عصروها
ضلوع .. كسروها
———————-
سنّد ظهرة اعله الحايط حيل ويعصر صار
                        ضلع الزهرة

بخيبر لابد بالخيمة وهسه بباب الدار
                       نارة موجرة

البلحروب .. يبقة ثوب .. طلعت عينة
وهسة جاي .. عنده راي .. ومكبرينة

لو مرخوص الهم حيدر كون وشاف النار
اله الاول والثاني ايشدهم ع الفقار
الروس .. يحنوها
ضلوع .. كسروها
——————
انه وزينب شلناها شويه شوية بخوف
                 ونبچي اعليها

ما نلمس ظهر الزهرة نحذر چي مخسوف
                      ونأذيها

ماكو عين .. ولا ادين .. ما موجوعة
والكسير .. من يحير .. يكض ضلوعة

ما نامت ليلة براحة ايغثها الليل اهواي
شما تتحرك تتشاهد حتى بشرب الماي
نوم .. حرموها
ضلوع ..كسروها
———————
شهرين بهاي الحالة اسم الله اسم الله نصيح
                       لمن تمشي

ندعي شما تمشي الخطوة خاف الزهرة تطيح
                     وتهدم كلشي

بخطوتين .. ياحسين .. صاحت يبني
بهالندا .. للصلا .. يمه اسندني

سامع صوت القارورة الطاحت فوگ الگاع
هيچ نكسرن يا ناس بصدر الزهرة اضلاع
اخيال .. سووها
ضلوع .. كسروها
——————-
حطت چفها اعله الگاع وصاحت اه يحسين
                   يا موضوعك

اضلوعك الله يساعدها وذيچ اخيول البين
               اتهدم اضلوعك

ياحرام .. للخيام .. ضلعك يوصل
يوذروك .. يطشروك.. وما تتحصل


تتطشر يمة وثوبك حدر الحافر ضاع
من تتوذر تترسها احسين احسين الگاع
ضلوع .. طحنوها
ضلوع .. كسروها
———————

علي هادي الخزعلي

@HxzEU1
#قناه_نشر_القصائد_المنبريه
#الناشر_مصطفى_المياحي

ضعفت لحد ما صارت خيال
ومحدبة اكثر من الهلال
ومن تتنفس تبجي بحرگة
وتطلع جنها اسهام الشهگة
——————-
ما مرها اي انسان .. يعصرونة عالحيطان
ويضربة چف شيطان .. ويطيحة للگاع

بالزهرة اكثر صار .. عصروها جوه النار
وبيها انلوه البسمار .. ومنها الطفل ضاع

واللعين برجله يدفع ما يحس
سورة الكوثر يوادم تنرفس ؟
غيمة سودة وعصرة خيوط الشمس
الباب يغلي وعالجذع دفعوها

طگة ضلعها بدفعة افلان
واصل دويها لبيت الاحزان
تحچي احچايتها ومختنگة
وتطلع چنها اسهام الشهگة
———————-
طاحت عليها اجذوع .. تكسر صخر وضلوع
وبسمارة ما مشلوع .. باب وقوي اهواي

والمحسن امن انصاب .. طاح اعله طرف الباب
واتگمط بعطاب .. ودمع امه مو ماي


ما شفت لا بالچذب لا بالصدگ
المحترگ گلبة ويطفونة بحرگ
وعتبة الزهرة التشور تنسحگ
و الـ وإن بذن الزمن زرعوها

مرأة ونحيلة وتدفع الناس
وجرة القوس اتجر بالأنفاس
الشمعة اتموتها المحترگة
وتطلع چنها اسهام الشهگة
——————

لحگتها فضة تريد .. تلزمها من چف ايد
تحملها بس تبيد .. ضعفت اديها

چفها انترس تجريح .. اتچيها بس تطيح
فضة لولدها اتصيح .. وركضو عليها

طافح اعليها الحسن سيل وطفح
شالها امن الباب واذراعة انجرح
والاحسين اعليها من هسه انذبح
عمت عيني امن الجذع شالوها

وزينب تضمد بيها وتگول
شيضمد احسين من الاخيول
الكسرو ضلعة شلون انشبگة
وتطلع چنه اسهام الشهگة
—————
باتت نحيلة هواي .. صارت خيال بماي
ونتها تكسر ناي .. وتفطر گلوب

وصلت وجع والالام .. مابيها حيل تنام
تنكسر مثل الجام .. وي وكت الغروب

من يجيها المغرب تكض الضلع
تحس هوه الله اعليها رايد يندفع
امن الوجع ظل صوتها اولا ينسمع
يمها يتدنون ويسمعوها

اليا يمه فاگدها الحسن حيل
عازتها عازة اليمة للحيل
مثل امه ابن ادم ما يلگة
وتطلع چنها اسهام الشهگة
———————
وصلت بعد للموت .. گطعت نفس والصوت
وظل يخطف التابوت .. گدام العيون

جمعت ولدها اغيوم .. المذبوح والمسموم
تگلهم وراي بيوم .. كلكم تموتون

يالحسن چبدك تشوفه ابطشت راح
ويا احسين بصدرك امكاسر رماح
وكل مصايبكم لختكم بس جراح
وزينب الما طالعة يطلعوها

كسرة اضلوعك يمة يحسين
من صوتها اتطيح الصواوين
تحظن بي لا خيل تسحگة
وتطلع چنها اسهام الشهگة
—————-

علي هادي الخزعلي

@HxzEU1
#قناه_نشر_القصائد_المنبريه
#الناشر_مصطفى_المياحي

ام روحي بذمتك يتراب
شبعت ضيم امن العصرة
متهشم من ذاكَ الباب
هَنت الله بضلع الزهرة
——————
بالليل اجيتك يا گبر .. جايب على اچتافي العمر
وبگلبي ديرة امن الجمر .. وبوجهي بس شيب

يتراب الك انه ابو .. هم شايف امچفّن دفو
اتموّت شكو بعينك حلو .. يجنازة الطيب

شلتها اعله متني وعرج گلبي شايل
ودرع گلبي مدروع بقيت امشيي مايل
مطر ماي على الجام احس حيلي سايل

عافيتي وعافية البيت
شايلها بچتفي و امشي
من گد ما باچي ومهدوم
طلعن غيمات برمشي
——————-
ما ودي ادفنها وارد .. مالح اترابك عالورد
فاطمتي يخنگها اللحد .. مگفاها مكسور

لا توگف اويه اهل الـ وإن .. الدنيا برمل ما تندفن
وتدري العطر ما ينسجن .. بتراب الگبور

يالتراب عليها شمرتك ثگيلة
تره الريشة صخرة تحسها النحيلة
الهوه اعليها يثگل ضلو ع العليلة

بالك يمها وما اوصيك
لا تاخذ دور المذنب
افتح بابك خل ترتاح
يتراب بوكت المغرب
—————-
لا طبرة لا طعنة برمح .. مثل ام حسن مامش جرح
امن المگفة فرگاها ذبح … ويطفّي الاعيون

محد يهدني امن ارد اهد .. وطيحني للگاع الفگد
نعش العشگ يمرد مرد .. حافر عالامتون

التحبه اعله متنك تحس نعشه حافر
وصباح الله بعيونك اتحسه عاشر
هدم ناس ثگيلة يحظن المگابر

انه القالع باب وروس
ربعي وولدي يتچولي
هدت حيلي الزهره وصار
حاجب يا وادم طولي
——————
خليتلك طاسة دمع … يومية رشها اعله الضلع
ما حط بخور ولا شمع .. تتذكر النار 

يتراب ذممتك تره .. هَنت الله بيها امكسره
امن البيت اظل للمگبرة .. خلاني بسمار

شيعوضني يتراب طفه بعيني كلشي
ولا بيه اگومن ولا اگدر امشي
مشت روحي زهراء گطع وكتي هرشي

اعله ترابك نايم يتراب
وترابك تارس جيدي
من گد ما ضعفني البين
المحبس ما يثبت بيدي
——————-
مَعَ السلامة تندثر .. مَعَ اليتامة والكسر
بالك عله امهم ياگبر .. زينب والحسين

راح ارجعلهم مو علي .. مو حيلي ذاك الاولي
امخوصر ودافن كل هلي .. وبخدي شطّين

دفنت الامومه ودفنت الابوّة
ومشيتي اعله حيطان واجر خطوة خطوة
تتچيلي زينب يگعدوني گوة

من طبيت البيت احاه
لاگاني الباب ودمها
طگ ضلعي وطحت اعله الباب
ودموعي شمصعب لمها
————-

علي هادي الخزعلي

@HxzEU1
#قناه_نشر_القصائد_المنبريه
#الناشر_مصطفى_المياحي

أَيُّهَا الْمَوْعُودُ فِي هَذَا الزَّمَان
كَيْفَ فِي بَابِ الرَّسُولِ يُسْتَهَان؟
💢💢💢💢💢
إِنَّهُ بَابٌ وَلَيْسَ أَيُّ بَاب
إِنَّهُ بَابُ الْإِلَهِ الْمُسْتَجَاب
حِينَمَا نَذْكُرُ أَفْعَالَ الصَّحَاب
نَحْتَسِي يَا سَيِّدِي كَأْسَ الْعَذَاب
بِكِتَابِ الْحُزْنِ نُعْطِيكَ الْبَيَان
كَيْفَ فِي بَابِ الرَّسُولِ يُسْتَهَان؟
💢💢💢💢💢
النَّبِيُّ بَيْتُهُ الْبَيْتُ الْعَتِيق
وَإِلَيْهِ يَأْتِي قُطَّاعُ الطَّرِيق
يَدَّعِي أَنَّهُ قَدْ كَانَ رَفِيق
وَهُوَ منْ سَبَّبَ ذَلِكَ الْحَرِيق
بِاعْتِدَاءٍ وَانْتِهَاكٍ لِلْمَكَان
كَيْفَ فِي بَابِ الرَّسُولِ يُسْتَهَان؟
💢💢💢💢💢
قَدْ أَتَى مَنْ لَهُ بِالشِّرْكِ نُفُوذ
كُلُّ أَفْعَالِهِ كُفْرٌ وَشُذُوذ
هَذَا مِنْ فِعْلِهِ إِبْلِيسُ يَعُوذ
قَدْ رَأَى الزَّهْرَاءَ بِالْبَابِ تَلُوذ
دَفَعَ الْبَابَ عَلَى نُورِ الْجِنَان
كَيْفَ فِي بَابِ الرَّسُولِ يُسْتَهَان؟
💢💢💢💢💢
نَكِرُوا كُلَّ أَحَادِيثِ الرَّسُول
خَالَفُوا مَا كَانَ يَحْكِي وَيَقُول
هِيَ مِنِّي وَأَنَا مِنْ الْبَتُول
هِيَ زَوْجُ الْمُرْتَضَى فَحْلُ الْفُحُول
سَيِّدُ الْعَصْرِ أَمَا آنَ الْأَوَان؟
كَيْفَ فِي بَابِ الرَّسُولِ يُسْتَهَان؟
💢💢💢💢💢
حِينَمَا أَقْبَلَ ابْنُ الطُّلَقَاء
ظَلَمَ بِفِعْلِهِ خَيْرَ النِّسَاء
كُلُّ أَيَّامِنَا قَدْ صَارَتْ عَزَاء
وَلَهَا هَذَا النَّحِيبُ وَالْبُكَاء
سَيِّدِي هَلْ يَا تُرَى الْمِيعَادُ حَان؟
كَيْفَ فِي بَابِ الرَّسُولِ يُسْتَهَان؟
💢💢💢💢💢
سَيِّدِي كُنَّا وَلَا زِلْنَا نصِيح
أَيْنَ قَبْرُ أُمِّكَ أَيْنَ الضَّرِيح؟
فَمَتَى ذَاكَ السِّتَارُ سَتَزيح
فِي رِوَاقِ الصَّحْنِ نَحْنُ نَسْتَرِيح
وَنَرَى فِي حُكْمِكَ الْحَقُّ يُصَان
كَيْفَ فِي بَابِ الرَّسُولِ يُسْتَهَان؟
💢💢💢💢💢💢💢💢💢💢💢💢
وليد المندلاوي

الليالي بالحــزن والألم دارن
ودمعــاتي على الغالين دارن
ياوسفه العده ايحرگون داراً
بيها المرتضى وبيها الزچــيه

حيدر بشار الدراجي

بالطيف اجتني فـاطمه
بخدها جرح ينزف دمه
وتگلي مشتاگـــه العلي
وعيون حمـــاي الحمـه
ــــــــــــــــــــــــــــــــــــ
بويه بس سدّيت عيني ٠٠ مر على عيوني حلم
ونومتي نومة يتيمــه ٠٠ النــــار بيــــها تلتـــهم
شفت قديــسه بمنامي ٠٠ امـــــي فاطم والنعـم
هواي مشتاگه وتناشد ٠٠ وينَ ابن عمـي الـشهم

يابويه وحـشه المگبره
ومشتاگه امي الطاهره
بالحلـــــــم ورده ذابله
والهه چنت مطرة سمه
ــــــــــــــــــــــــــــــــــــ
بويه لاتكسر گلبها ٠٠ كافي مكسور الضلع
اقره قرآن وتعهد ٠٠ للگبر واجري الـــدمع
هلبت تلملم جرحها ٠٠ لمن صوتك تستمع
مايعوف الخل خليله ٠٠ والوفه بگلبك طبع

دمعك ترشه اعله الگبر
هلبــت كسرها ينــجـبر
ترتــــــاح تدري بجيتك
عطشانه وفراگك ضمه
ــــــــــــــــــــــــــــــــــــ
بويه رد الوحشه عنها ٠٠ واقره الها الفاتِحه
والحزن غيم عليها ٠٠ من اجـتنــي البارحه
يالشلتها ابليل اظلم ٠٠ لابچـــي ولا نايـحه
فــــاطمه ام الأيمه ٠٠ وسفـه هيجي رايحه

شيعــــــت روحـــك ياعلي
ودمعك على الوجنه ايهلي
ومحد يســـــدهه وحشتك
دنياك وحـــــــشه ومظلمه
ــــــــــــــــــــــــــــــــــــ
(جواب الامام علي عليه السلام)

بويه بس خليت راسي.. عالگبر يم فاطمـــه
ابطيف لن شفت الزچيه.. جتني بس متألمه
تكلي رد للبيت حيدر.. بقت زيـنب نايمــــه
خاف تــستاحــش عليـه.. ادري بيا هايــمـه

ابنيه وتحب الوالــده
ودومن عليه ناشــده
گلبي على زينب يظل
وهمـــوم بي متراكمه
ــــــــــــــــــــــــــــــــــــ
بويــه تلــهج دوم بسمـچ ٠٠ خايفـه من فـد أمـر
تدري باچر يالـعـقيله ٠٠ اجدامچ تـدوس الـجمـر
من تنــظرين اعلى اخـيچ ٠٠ يگطع براسه الشمر
ومن يـمشونچ سبيــــه ٠٠ بويه وي طرة الفجــر

ومحد يظل امن اخوتچ
هناك اشعظمها مصيبتچ
وتبقين امـيــره مـخدره
رغـــــم المصيبه المؤلمه
ــــــــــــــــــــــــــــــــــــ
حيدر بشار الدراجي

ياحيدر الروح
لعيونك تروح
فدوه ييو الحسنين ٠٠ فدوه يبو الحسنين
☆☆☆☆☆
كلشي بالدنيا النشوفه ٠٠ بعالم الذر أنكتب
مقدر أو مكتوب النه ٠٠ كل جريمه تًرتكب
شعدها هاي الناس وحنه٠ ننتمي الأشرف نسب
وسفه يطشر شملنه ٠٠ والطمع چان السبب 
ورب السماوات
يطوي المسافات
ويجمع شمل عينين
فدوه يبو الحسنين ٠٠ فدوه يبو الحسنين
☆☆☆☆☆
ريحه من الجنه عطري ٠٠ الكوثر اني فاطمه
ماي اصيرن على شفافك ٠٠ يوم لو مسك ضمه
الله خالقني اعله مودك ٠٠ والنعم حامي الحمه
ياضوه مكحل عيوني ٠٠ ونورك مضوي السمه
سالم تضل ريت
وعمري تمنيت
فدوه يبو الحسنين ٠٠ فدوه يبو الحسنين
☆☆☆☆☆
اعرف اصحاب السقيفه ٠٠ من عليه تعتدي
نكرو البيعه يحيدر ٠٠  البيها وصه والدي
عرفوا  بسر الامامه ٠٠ مني حتماً يبتدي
فلذلك ثاني واحد ٠٠  مارحم حته اولدي
محسن والعيون
العينك يروحون
فدوه يبو الحسنين ٠٠ فدوه يبو الحسنين
☆☆☆☆☆
الدفعو الباب او ولوني ٠٠ وكسرو بصدري ضلع
رادو اطاوع فعلهم ٠٠ والحچيهم تستمع
ابد ماعدهم شجاعه ٠٠ والغدر الهم طبع
عرفو بگلبي مكانك ٠٠ مثل خيط بنص شمع
اخذ العمر هاك
ياحيدر ارجاك
فدوه يبو الحسنين ٠٠ فدوه يبو الحسنين
☆☆☆☆☆
انته بيتي وما اريدن ٠٠ غيرك اسكن كل وطن
كون سالم تدري حالي ٠٠ بخير وعيون الحسن
مايهم ضلعي وجروحي ٠٠ فتره وتروح المحن
والمهم دين الله سالم ٠٠ وباقي ماباقي الزمن
ونسمع بالآذان
لويقره قرآن
فدوه يبو الحسنين ٠٠ فدوه يبو الحسنين
☆☆☆☆☆
اوداعت الله يالصميده ٠٠ خلصت سنين العمر
ارد اوصيك بوصيه ٠٠ ياجبل من الصبر
لاتهل دمعه بغيابي ٠٠  وخاطرك لا  ينكسر
واسجن بگلبك يحيدر ٠٠ حزنك ودوم ابتشر
وبالجنه اتانيك
وفراگي سابيك
فدوه يبو الحسنين ٠٠ فدوه يبو الحسنين
☆☆☆☆☆
حيدر بشار الدراجي

شور كعديه

اتمم عــليهم نــعــمـته
وكسرو ضلع من بضعته
هدو على داره بحــطب
الانزل علــيهم رحـمته

بعده النبــي مــا مـندفن
وهدو على باب ام حسن
دفعـو عــلـيها ونـــطــبگ
هالباب وثـجيل الـوزن

وتشكف بديها النار ام ابيها
حرمه الوحده وهدو عليها
لا ما رعوها بـل روعــوهـا
كسرو ضلعها وبنار اجوها

باب حترگ ونكسرت ضلوع
باب حترگ طفوها الشموع
باب حترگ وشتنفع دموع
يا فاطمة يا فاطمة ١
..............................
ما عم نـبيهـم اي شــكـر
جان الشكر ضلع وكسر
مشكور بدلوها ب وأن
وتسلم صبح دارك جمر

ماكــو نعـم الله تبدلت
بس موت والنار عتلت
حترگت جفوف امن الشكف
والعين حمره تحولت

كفيت وفيت بس نحرگ البيت
خالدنفع الباب ميهمنه شنطيت
وهدو على الباب وجتفو ابو تراب
ضلع ام الحسين يا وادم نصاب


ضلع انكسر ونسطرت العين
ضلع انكسر گـدام الـحــسـين
ضلع انكسر وتهـدم الدين
يا فاطمة يا فاطمة ٢
.................
بعده دمـعها مــا نشف
عالوالد وضلع نخسف
تگول الرواية معصبه
بيوم الضلع لمن نزف

تكـول الـرواية ناحـله
مو ما مال تبقى معلعله
يُغشى عليها بكل وكت
وحتى بمـشـيـها مايله


الزهره امن الالام ما تگدر تنام
شمسوي بـيـها يا ضيـم الأيام
ما تگدر تگوم من كثر المهوم
محسنها مقتول والضلع ملجوم



نحيلة جسم ومليانه بجروح
نحيلة جسم والصوت مبحوح
نحيلة جسم محسنها مذبوح
يا فاطمة يا فاطمة ٣
....................
صــار الابد مـا ينـذكر
وضلع ام ابيها ينكسر
البسمار واضح كالشمس
يـكولـون طـالع بالـظـهر

يصعب وضع أم الطهر
تنزف دمه من كل كتر
مو بس فقط هذا الجره
مجويه فاطم بالجمره


معصوبة الراس جا ليش يا ناس
منها الهوى ضاع مختنكه الانفاس
بت خير الاسماه اه بكــتــر اه
شكد شالت جروح عنه اويلاه


روح النبي من النبي غاب
روح النبي عصروها بالباب
روح النبي تعناها طلاب
يا فاطمة يا فاطمة ٤
..................


حسن يونس التميمي 📝🖊️

اتمم عليهم نعمته

متهشمه هيچ ام الحسن ماادري
اتمنيت بلمغتسل يخلص عمري
مررت چفي عليهه
ولاضلع سالم بيهه
_
مصيبه والمصيبه اهون وضلع فاطم صعب شرحه
ترفع چفهه ماتگدر الچانت تتعب الرحه
تون من طارف البسمار ياناس اشكبر جرحه

الهضمه الچبيره اطيح عالكاع
وماشبعت من اوليدها اوداع
ضاع الهوه عله ام الحسن ضاع

ظيعتچ وظاعت حياتي ابساعه
سلاني نعشچ يم حسن باوداعه

والباب شمخليهه
ولاظلع سالم بيهه
____
شلتهه من النعش للگاع ودفنت احلامنه وياهه
علي وكلشي اگدر ابهل كون بس مااگدر انساهه
الچانت تارستلي الدار الزمن بل گبر خلاهه

بعدچ علي يمشي بلا روح
ومن الشماته شابع اجروح
وحلمه الوحيد ابابه مذبوح

اغفه اعله گبرچ والجرح يندهني
حيل المصايب يم حسن هدني
عطشان روحي رويهه
ولاظلاع سالم بيهه
___
اصيحن فاطمه بل بيت ويرد بس الصده عليه
فراگج لوعه ماتگظي تظل وي كل نفس بيه
الچ جيه بعد عل دار لو ماكو بعد جيه

وجه الصبح مغرب علي صار
ابچي ابدمع دم والگلب حار
حيره چبيره والله محتار

يافاطمه انه وياچ عين وحاجب
وبحجر گبرچ علي ظايع كاتب
وبل دمع عيني اعميهه
ولاظلع سالم بيهه
___
الچان الدنيه يطويهه بمشيته الحلوه يتعثر
الشايف ضلعچ وكسره عبرته ابصدره تتكسر
ونارالباب ماتطفي ابصدره تبقه تتوجر

ابقه اعله گبرچ ناصب امصاب
مادام انتي جوه التراب
ملچوم گلبي وجرحه ماطاب

صاير جروح البيت من اغيابچ
عوفي المگابر ردي يم احبابچ
ونيرانه اطفيهه
ولاضلع سالم بيهه
___
بعدچ ماگعدنه الزاد نگعد نبچي عل عشره
بس المحترگ عل باب يحس ابفرگته الزهره
والسطرت اجفونچ كون تلگه ابعينه الف سطره

ابعمر الورد متي غريبه
يمصيبه مابعدچ مصيبه
طول غيابچ يل حبيبه

يبچي الحسن يم الحسن بس من دم
وزينب ازغيره وحيلهه يتهدم
لوبلحلم سليهه
ولاضلع سالم بيهه
____
سلام البهادلي

شور كعديه

اتمم عــليهم نــعــمـته
وكسرو ضلع من بضعته 
هدو على داره بحــطب
الانزل علــيهم رحـمته

بعده النبــي مــا مـندفن
وهدو على باب ام حسن
دفعـو عــلـيها ونـــطــبگ
هالباب وثـجيل الـوزن

وتشكف بديها النار ام ابيها
حرمه الوحده وهدو عليها
لا ما رعوها بـل روعــوهـا
كسرو ضلعها وبنار اجوها

باب حترگ ونكسرت ضلوع
باب حترگ طفوها الشموع
باب حترگ وشتنفع دموع
يا فاطمة يا فاطمة ١
..............................
ما عم نـبيهـم اي شــكـر
جان الشكر ضلع وكسر
مشكور بدلوها ب وأن
وتسلم صبح دارك جمر

ماكــو نعـم الله تبدلت
بس موت والنار عتلت
حترگت جفوف امن الشكف
والعين حمره تحولت

كفيت وفيت بس نحرگ البيت
خالدنفع الباب ميهمنه شنطيت
وهدو على الباب وجتفو ابو تراب
ضلع ام الحسين يا وادم نصاب


ضلع انكسر ونسطرت العين
ضلع انكسر گـدام الـحــسـين
ضلع انكسر وتهـدم الدين
يا فاطمة يا فاطمة ٢
.................
بعده دمـعها مــا نشف
عالوالد وضلع نخسف
تگول الرواية معصبه
بيوم الضلع لمن نزف

تكـول الـرواية ناحـله
مو ما مال تبقى معلعله
يُغشى عليها بكل وكت
وحتى بمـشـيـها مايله


الزهره امن الالام ما تگدر تنام
شمسوي بـيـها يا ضيـم الأيام
ما تگدر تگوم من كثر المهوم
محسنها مقتول والضلع ملجوم



نحيلة جسم ومليانه بجروح
نحيلة جسم والصوت مبحوح
نحيلة جسم محسنها مذبوح
يا فاطمة يا فاطمة ٣
....................
صــار الابد مـا ينـذكر
وضلع ام ابيها ينكسر
البسمار واضح كالشمس
يـكولـون طـالع بالـظـهر

يصعب وضع أم الطهر
تنزف دمه من كل كتر
مو بس فقط هذا الجره
مجويه فاطم بالجمره


معصوبة الراس جا ليش يا ناس
منها الهوى ضاع مختنكه الانفاس
بت خير الاسماه اه بكــتــر اه
شكد شالت جروح عنه اويلاه


روح النبي من النبي غاب
روح النبي عصروها بالباب
روح النبي تعناها طلاب
يا فاطمة يا فاطمة   ٤
..................


حسن يونس التميمي 📝🖊️