شعره مانسوه ابد من دونچ
الله خالقنه السواد اعيونچ
فاطمه يافاطمه     فاطمه يافاطمه
💢💢💢💢💢
انتي اول دمعه بعيونه المحـمد
سيدة ڪل النساء الباري يشهد
والله مــايوصل ابد لعلومچ احد
وآنه بانيلچ وسـط احشائي مرقد
 
انتي اول مـــره ام والدها
والأئمه اتلوذ كلها ابسدها
انتي نور وعالمه   فاطمه يا فاطمه
💢💢💢💢💢
انتي طيف ابعقلي كل الليله اشوفچ
وانتي مرقــد حزني دمعاتي تطوفچ
ويه نبضات الگلـــب تنبض حروفچ
صـــارت المآسات والدمعه ضيوفچ
 
ابد ما ننسه الجرالچ لحضه
يالتشبيهن الصلاة وفرضه
انتي لله خادمه     فاطمه يافاطمه
💢💢💢💢💢
انتي خلــف الباب لــذتي يالزچيه
وذاكه بسمارچ احس يم حسن بيه
والجرالچ ڪـــون يالزهره عليه
وڪـــون دونچ آنه مچويه ايديه
 
ابچي كل ليله عليچ وادعي
كون والبسمار يكسر ضلعي
وانتي كونچ سالمه  فاطمه يا فاطمه
💢💢💢💢💢
ابوجهچ اشلون النذل يشهر سلاحه
وانتي من النبي متعـــلمه الفصاحه
اشلون ويگلچ وأن وبكل صراحه
والله من ابليس چــان اكثر وقاحه
 
انتي رحمه دزچ الله اعليهم
بذروا نعمـــتهم امن ايديهم
واشكثر متألمه     فاطمه يا فاطمه
💢💢💢💢💢
اسمع اصــــوات النعي ابيت الامامه
حفرت اخــــدود السمه ادموع اليتامه
وانظر اچفوف الوصي فوگ العمامه
مـــا يضيع الحـــق ابد يــــوم القيامه
 
حاربوا بنت النبي هالزمره
وانتي كوثر بالجنان وزهره
وانتي ام الخاتمه     فاطمه يافاطمه
💢💢💢💢💢
ڪـــل روايه يالزچــــــيه من تجينه
مو على بعضي احس روحي حزينه
من نذكــرچ مدري شنهو يصير بينه
هيچي واحدنه بمصابچ تجري عينه
 
آنه گاضي كل شبابي اعليكم
وخلّصت أيــــامي اتوسلڪم
عمري بيكم اختمه   فاطمه يافاطمه
💢💢💢💢💢💢💢💢💢💢💢💢
 وليد المندلاوي

بكلبي مناره وبنيه وكل يوم ازور الزجيه
**
فاطمه عنواني وعايشه بوجداني
تسري ويه شرياني وهيه عندي القبله

باجر تنجيني وبالحشر تحميني
جائزه تنطيني وعني ما تتخله

حيدر ختملي الهويه كل يوم ازور الزجيه
***
عادي من عاداها والي من والاها
الله بيها اتباها فاطمه انسيه

هيه سر الخالق والبيان الناطق
عنها يروي الصادق عله تكوينيه

نور وسطع عالبريه كل يوم ازور الزجيه
****
شكرا اعله النعمه تشرفت بالخدمه
ورتقيت القمه من صرت خادمها

للمجالس احضر وابد ما اتاخر
ناذر الها المنحر بالكلب راسمها

خدمتها واجب عليه وكل يوم ازور الزجيه
*

صاحت الوفايه ما تطيح الرايه
الزهره هيه الغايه ولازم نواليها

صوت الانسانيه يرتفع يوميه
فاطمه شيعيه والنبي موصيها

تبعت علي للمنيه وكل يوم ازور الزجيه
****
بدمها راح ايطالب الامام الغايب
بسيفه من يحاسب عالجذع يصلبهم

انه ويه المهدي باجر اول جندي
بصارمه من يبدي جيته ترعبهم

ويبني قباب احمديه وكل يوم ازور الزجيه
***
بينه صوت العاشر ودمنه اول ثائر
وابو صالح باجر هوه يقره المقتل

رايح ابن الزهره يصلي وسط الحضر
والضريح اشكبره والوضع يتبدل

ويحاكم اهل الدعيه كل يوم ازور الزجيه
***

تمت
تحسين الخفاجي

@HxzEU1
#قناه_نشر_القصائد_المنبريه
#الناشر_مصطفى_المياحي

هل سنه يحباب گلبي لاتجوني
خايفه أشگد عليكم  لا تجوني
عليكم المدمع يصب
ماكو امان بهل درب
لاتجوني  لاتجوني
٠٠٠٠٠٠٠٠٠٠٠٠٠٠٠
زيارتي بهذه الوكت صعبه
متعوّده عله الضيم والغربه
جانت سياط التضرب متوني
وهسه الأصوات عتلت عالگبه

يشوفتكم ترد عليه عافيتي
يجنكم ولدي وهذا الصحن بيتي
مواكبكم ترد الروح للميتين
انتم الهوه العايش  بريتي

الشام غربه من بعدكم لاتجوني
عليكم العباس اصبرو لاتجوني
والله مليت الغرب
عليكم المدمع يصب
لا تجوني    لاتجوني
٠٠٠٠٠٠٠٠٠٠٠٠٠٠٠
شمحلاهه بالشباچ لمتكم
يل ترعب العدوان هيبتكم
هاي السنه اگضيهه مدري شلون
ماتنحمل يحبابي غيبتكم

چني بين اخوتي من تزوروني
يحباب الكلب يل مانسيتوني
شمامر طاري زينب والسبي تبچون
اعذركم هالسنه وانتم اعذروني

حچايه صعبه لوكلتها لاتجوني
هالسنه زينب غريب لاتجوني
بيش اهودنه الگلب
عليكم المدمع يصب
لاتجوني لا تجوني
٠٠٠٠٠٠٠٠٠٠٠٠٠٠٠
يانور عيني ونبض دلالي
الشام ابد مايرحم بحالي
ماكو فواتح تنصب لأم عون
الشباج خالي والصحن خالي

تلتمون يمي جنتوا بكل عام
ماعفتوني وحدي بين اهل الشام
بهاي السنه  ماكو بشر يبچون
لامنصوب موكب يمي لاخدام

والله صعبه ايام موتي لاتجوني
شكثر مشتاكًه لخوتي لاتجوني
حته لو كون انضرب
عليكم المدمع يصب
لاتجوني لا تجوني
٠٠٠٠٠٠٠٠٠٠٠٠٠٠٠
كل يوم تفتر بالصحن روحي
هاي السنه شيضمد جروحي
باب الضريح ابكل وكت مسدود
صاحو غريبه ولهلچ روحي

ياچلمه غريبه الشيبت  گلبي
چندوب الصبر چندوب ياربي
هاي انه السبيه المرمراني الشام
يزواري بعيد عله اخوتي دربي

كون غربه يشيعوني لاتجوني
زوروا اخوتي وذكروني لا تجوني
موقفي كلش صعب
عليكم المدمع يصب
لاتجوني لا تجوني
...؟.
خادم اهل البيت ع

فلاح طالب الماجدي

@HxzEU1
#قناه_نشر_القصائد_المنبريه
#الناشر_مصطفى_المياحي

يابخت كل العشيره وياجبير الطايفه
ليل هندس وعتنيتك عندي يمك سالفه
الخايفه تروح على اخوها وانه اجيتك خايفه
نار واركاض وشتايم وين اخيتك شايفه

گوم ما ظل عندي راي — شكد زلم ركضو وراي
من العطش دلالي نار — والشمر شبعان ماي

وداعتك خويه انوليت — خاف ضنك عندي بيت
صارت اخيامك رماد — شارده اعليك من اجيت

يحسين من عفت الخيم حركوها
والتستحي منك زلم شافوها

———————-
والله طگ گلبي الكعدتك يابو گعده الدافيه
كوملي بداعت حنانك يل خذيت العافيه
من المخيم خويه اجيتك عيني تبجي وحافيه
من امس من فاركيتك ما مأمنه وغافيه

البيهه خوفه من الشمر — شلون تغفه وتستقر
جفوفي اديه اتصب دمه — خويه كل ساعه انهطر

زلم غربه الباوعت — شكد عليه اتمضحكت
بكثر طيحاتي من اجيت — الكاع بيه اتعدلت

الله ولحد كلهه موته اخواني
هسه انه للطف من هلي شجاباني
————-
من اكثر اعتاب تگعد لو امل وما تكوم
زحمه لو اكلك عفتهه الزلم يم بيتك تحوم
صدك اول مره اطلع لجن بأختك لا تلوم
ادري ميت بس ندهتك خويه اكعد كافي نوم

خدري عتاني عليك — الخاطري حرك بديك
ادري ميت ما تكوم — الخوف خلاني اعتنيك

للركض ينراد حيل — واختك اللحگتهه خيل
عطرك الدلاني بيك — كلهه موته ودنيا ليل

صليت كعده وحيل ماظل بيه
علويه شدت حيلهه بعلويه
————
اكو حجايه بگلبي ظلت تاكل بگلبي اكل
من صعدت التله صحتك خويه ميت لو عدل
الشمر بالسوط اجاني گلي بيهه اشكد نذل
اخوان ماعندج يزينب واستعدي اعله الهزل

غير اخوتج دللوج — الصبح فنهم يجوج
راح اجتفج بالحبال — خل يجون يخلصوج

اله من يمهم افوت — واضحك انه بعالي صوت
ترضه كل هذا اليصير — فدوه خويه ادعيلي اموت

راح امشي من يمك وأظل مشتاكه
راس برمح باجر يخي نتلاكه
———

الخادم موسى البطلي

@HxzEU1
#قناه_نشر_القصائد_المنبريه
#الناشر_مصطفى_المياحي

راسه بليل عاشر ... يروي لنه
العطش والماي ما صح .. يروي لنه
الخيل اثگال بالطف ..يروي لنّه
وضاع امن السحگ والد رقية

فاضل الجهلاوي

النذل طگ فاطمه بقوه  ورمهه
بخدهه وبين بساعه     ورمهه
رگضت واختفت زينب  ورمهه
من هجمو الماعدهم حميه

علي لفاطم ابيته  ضل عليهه
يون و الدمع ينزل ضل عليهه
لون يرهم اشوفه ضل عليهه
چا شلته وفديت انه الزچيه


فاضل الجهلاوي

الكمر نفسيته يازهره هوه انتي
وعليه مصايب هوايه هوه انتي
تراني حساب احسبلچ هوه انتي
اذا ضاك الهوه اتنخه الزجيه

اروحن فدوه لضلوعج واعيناج
يكون بساعة الطحتي واعيناج
الاهي الوصفج زهره واعيناج
حرس لليحتمي بچلمة زجيه

علي مهند الجهلاوي

عدوها الما رحم بيها .. لها يار
شمر وبحبله وي زينب .. لها يار
تحشم ما لگت زينب .. لها يار
يطفي اخيامها وايحل ادية

ياهو الگال بالطف .. مايل ابني
أيت  وشفت راسه .. مايل ابني
حرت وين الگه بالطف .. مايل ابني
وأشرب المنذبح بچفوف اديه


خادم ال محمد
فاضل فرحان الجهلاوي

سلام الله على الزهره
سلام الله على الزهره
~
سلام الله وملائكته على المخلوقه أُنسيه
يسبحان الي سواها ملاك وچنها حوريه
يبضعه من نبي الرحمه يقديسه ويعلويه
يتفاحه بجنان الله ينور بكل وكت ضيه
ینسمه بليلة الگمره
سلام الله على الزهره
~
إذا شالت اديهه تريد تسبح ساعة المغرب
تسبح كل سمه وياها وملائكة العرش تكتب
سماوات الفلك تصفن النفسهه تخشع امن يهب
البحر تتلاطم امواجه ودموعه عالجرف يسچب
الخلک تخشع على الفطره
سلام الله على الزهره
~
الحَمار البالسمه المغرب يذكرنا بسطر خدها
مثل دمها العله الوجنه يلوح بعين اليودها
الغِروب شبي يجي وحشه ظلامه اگلوب  يمردها
اظن حته المسيه هناك تمنت لو وصل حدها
السمه والأرض منكسره
سلام الله على الزهره
~
إذا حيدر يوصينا الصبر عالحلوه والمره
لچن گلبه عله الزهره تبين للخلگ كسره
مشه اوياه الحزن للموت وكبر وياه مثل عمره
بغياب ام الحسن حيدر يجر حسره ابأثر حسره
وابد ما تنشف العبره
سلام الله على الزهره
~
نضل حتى الحشر نبچي وابد مانترك الدمعه
اليالي الفاطميه تصير محرم فاطمه البضعه
لأن مثل الزچيه حسين تهشم وانكسر ضلعه
ونواسي القائم المهدي ونناطر ساعة الطلعه
يربي عجل ابأمره
سلام الله على الزهره
~
حيدر بشار الدراجي

كأني بمولاتنا العقيله (عليها السلام) مخاطبتاً باب الحضره

يابابي بشر ماأجو ليه
يابابي زواري على جيه
عللله وعليهم من بعد هاشم
بعمري أشكثر دار الزمن بيه

بشر يباب .. ماوصلت الزينب خدم
بشر يباب .. تبرد الگلب تشفي الألم
بشر يباب .. ماجو زلم حامي الخيم

تعبني ياهلباب شام النوايب
مو مال أضل أردود بين الاجانب
وحدي بلا عوان شفت العجايب

@@@@@@@@@@@@@@@

حال العقيله أصعب صبح حاله
بكل مغربيه أعيوني هماله
تهظم تره يضل هالسنه خالي
صحني الشماته هواي تبراله

ماعندي حيل .. وگدر أكابر عالحچي
ماعندي حيل .. وعليمن بوني أنتچي
ماعندي حيل .. وعيوني خلصهه البچي

اليهظمني والمو خوش تارس ثنيتي
ومحتاره بالتابوت ساعت منيتي
نعشي يريد متون ماهم حميتي
@@@@@@@@@@@@@@@

من دگتك يابابي محرومه
وبگبري أضل اليمته ملچومه
حن الگلب يابابي حن رايد
زواري ماأجو والله مهظومه

يزود العذاب .. للماله أهل بين الغرب
يزود العذاب .. من ينگطع عنه الدرب
يزود العذاب .. والگبتي محد يطب

مشتاگه للعباس راعي الشهامه
اوياهم امن يجون يوصل سلامه
ياساعه ونتي تهيد يتركني شامه
@@@@@@@@@@@@@@@

المايمه أهل توگف علعتابه
يفرح أذا واحد يدگ بابه
وزينب بعد محد وصل ليهه
محد وصل بس ناس طلابه

خالي المزار .. والراية مشيلوه الألي
خالي المزار .. وماچني زينب بت علي
خالي المزار .. حرمه وغريبه انطر هلي

يالدگتك كل عام زواري الحنان
بهذا السكوت أتزيد دلالي نيران
أنه العقيله الچان تحرسها خوان

رسول رياض

يمه الدنيه ماتنراد تخنگ وانتي مو يمنه
ياجف ياحضن ياروح بعدج ياهو اليلمنه
،،،،،،،،،،،،،،،،،،،،،،،،،،،
لو من موتج اتردين ساعه وسيري اعلينه
حته بعينج تشوفين شمسوي لوجع بينه
نعمه ومن بعد عيناج نتذكرها اسامينه
يانهر الحنان اشلون بعدج ياهو يروينه

عليج تذوبل العين .... يم حسين يايمه
هم يوم وترجعين .... يم حسين يايمه

ياوسفه يطمها تراب عين الجانت تحبنه
ياجف ياحضن ياروح بعدج ياهو اليلمنه
،،،،،،،،،،،،،،،،،،،،،،،،،،،،،،،،،
شيبنه وعمرنه زغار مانعرف شني الفرگه
حته اگلوبنه ويه الباب يم حسين محترگه
يالزهره عليج العين سالت دمعه مختنگه
من يومج لحد اليوم ماتت جلمة الملگه

الدم بعتبت الباب .... يم حسين يايمه
كاسر ضهر ابوتراب .... يم حسين يايمه

شنسوي بعمر مابي نتنفس عطر امنه
ياجف ياحضن ياروح بعدج ياهو اليلمنه
،،،،،،،،،،،،،،،،،،،،،،،،،،،،،،،،،
يا راحه التطب للبيت غير ندفنت الراحه
اول مره داحي الباب يمشي ولازم صفاحه
مخوصر ولدمع بالعين والله كثرت اجراحه
ضل يدنگ اعله البير عن لا نسمع صياحه

شيب رمش العيون .... يم حسين يايمه
فراگج والله ميهون .... يم حسين يايمه

ماحسبنه يازهراء بيج الدنيه تنهبنه
ياجف ياحضن ياروح بعدج ياهو اليلمنه
،،،،،،،،،،،،،،،،،،،،،،،،،،،،،،
ويلي من يصير غروب تبدي الخنگه والحسره
نذكر گعدتج بالدار يمه ونبجي عالعشره
عفتينه الوكت مو زين باجر كلها متطشره
ذاك الينجتل مسموم ذاك الينسحگ صدره

زينب التصعد النوگ .... يم حسين يايمه
مثلج جفها محروگ .... يم حسين يايمه

يايمه العمر هاذه راح هواي يصدمنه
ياجف ياحضن ياروح بعدج ياهو اليلمنه
،،،،،،،،،،،،،،،،،،،،،،،،،،،،،،
ابهاي الحاله ترتحلين لا يايمه مو گدرج
يافطم قحط كنعان ارحم من ألم هجرج
ما متهنيه بس لوعات يحبيبه خلص عمرج
نگعت خشبة التابوت ميته وضل يهل دمعج

ماتت راحت البال .... يم حسين يايمه
صوابج والله جتال .... يم حسين يايمه

يمه اعله لطم والنوح والمدمع تحزمنه
ياجف ياحضن ياروح بعدج ياهو اليلمنه

العبد ابوفايز الرافضي

أثر هاي الفاجعة.
بالسماء السابعه.
يازهراء يازهراء.
،،،،،،،،،،،،،،،،،،،١،،،،،،،،،،،،،،،،
ينكسر ظلع الامل.
ينغدر خير العمل.
البدر محسن ماكمل.
يوگع بچف الأجل.

المحسن بلون الفجر
لحظه ماشاف العمر
ذبحته أيد الغدر.
لسه ماعنده گبر.

البدر منهو الشيعه.
بالسماء السابعه.
يازهراء يازهراء يازهراء
،،،،،،،،،،،،،،،،،٢،،،،،،،،،،،،،،،
شنو اعليهه الحرب.
العين حمره من الضرب
نبت بسمار بگلب.
فاطمه اشگد تنضرب.

تصد بصياط الظلم
وعلى خدهه تلطم
رحمه ماعنده الخصم
وللنبي مايحترم.

والبتول الشافعة
بالسماء السابعه
يازهراء يازهراء
،،،،،،،،،،،،،،،،،٣،،،،،،،،،
غدروا اولاية علي.
مارعوا حق الولي
الامة بيهم تبتلي
والشفيعة تنولي.

تبچي ظلت فاطمة
تخلط ادموع ودمه
تموت حسره العالمة
من الظلع متألمه.

والدعاء من ترفعه.
بالسماء السابعه
يازهراء يازهراء يازهراء
،،،،،،،،،،،،،،،،،٤،،،،،،،،،،،،،،

ليش الوياهم صدگ.
بيت اهل بيته احترگ
منهو يفزع ياخلگ
الباب عل الزهره انطبگ

النار شبت يابشر
من يطفي هالخطر
ليش شو محد نغر.
واليطفي ماحضر.

والانوار الساطعة
بالسماء السابعه
يازهراء يازهراء يازهراء
،،،،،،،،،،،،،،،،،٥،،،،،،،،

عليهه ظل يبچي الحسن
امه چانتله وطن.
اگباله لفوهه بچفن
گلبه بظلوعه انطحن

حسين يشعر بالألم
گلبه من گبل السهم.
حيله اعله امه انهدم
مثل من طاح العلم.

الم هاي الواقعه
بالسماء السابعه
يازهراء يازهراء يازهراء

،،،،،،،،،،،،،،،،،،،،،،،،،،،،،،
حيدر موسى الرميثي

ابوذيات لاستشهاد السيدة الزهراء عليها السلام

،،،،،،،،،،،،،،،،،،،،،،،،،،،،،،،،،

تون واطفالهه ونو لونهه
مصايب هلدهر وسفه لونهه
تظل ويانه بس ليله لو انهه
بعد منريد كلشي وهاي هيه

،،،،،،،،،،،،،،،،،،،،،،،،،،،،


احلف الموت بيمن ما يمرهه
ينار الروح ماصح ماي يمرهه
يهل تنشد الدنيا ما يمرهه؟
اگلك فاطمه البعدت عليه

،،،،،،،،،،،،،،،،،،،،،،،،،،،،،،،

وسفه الصوت راح وبعد ون صار
تحت ذاك التراب اندفن ونصر
يهلتسأل عزيز الروح وين صار
خذاه الموت وسفه وگطع بيه

،،،،،،،،،،،،،،،،،،،،،،،،،،،،،،،،،،،،

عطشنه اوهام وانتي الماي يمنه
ونحس بالدنيا لو تبقين يمنه
سمعت اطفالچ يصيحون يمنه آه
الحسين يگول لتعوفين اديه



،،،،،،،،،،،،،،،،،،،،،،،،،،،،،،،،،،

اوسدچ علرمال شلون بيداي
وضلعچ فاطمه يأذيچ بيه داي
يچف الشالت ام الحسن بيدي
ويجدمي اثگل جنازة كون بيه


،،،،،،،،،،،،،،،،،،،،،،،،،،،،

يدنيه الشال من عندچ ولي راح
مشت مني واجاني الهم واليراح
شنهي الباقي البعمري والي راح
الف يا حيف خلصت هاي هيه

كلمات الخادم / رعد الفريجي

توجعني  كلمة   فاطمه
تخنگني دمعة   فاطمه
الله     يعينچ   فاطمه  يمه

-----------------------------

بضعة    محمد    هيچ     تاليهه
حتى   النفس    صاير    يأذيهه
محنيه  من ضيم السدى اعليهه
ما    ينسمع    ونها    وبواچيهه

ذبلت  لحد   ما   صارت   خيال
كسر  الضلع  مو  چلمه    تنگال
بسمار   يذبح امنه     يا   ناس
طايح  الكون   وصعبه    ينشال

يا فضه  صاحت   فاطمه
لحگيني    ونت    فاطمه
الله          يعينچ  فاطمه   يمه

---------------------------------------

ليل    اليمرنه    وهيه      ويانه
تعبانه   بس     متگول    تعبانه
تگعد  بصفنه    وتعدل    غطانه
وهيه  الكسر    خلاهه    ذبلانه

بحجة   اتلولي    اعلينه   بليل
تبچي بدمعهه  اليهدم    الحيل 
خافن    نگلهه    الضلع    اذاچ
ضمت  وجعهه    وگامت  تميل


يا  ويلي  مالت   فاطمه
من عدنه شالت  فاطمه
الله     يعينچ      فاطمه  يمه

--------------------------------------

حتى    بصلاة    الليل    مهمومه
تحچي وي ربهه  وهيه  ملچومه
ربي     الظلمني   اتگرب   بيومه
لا ترضى  عنه   اتمرمره   ابنومه

حارمني   من   الراحه    والنوم 
ما  بيه   حيل  اگعد   ولا  أگوم
يوجعني ضلعي  وظلم الاجناب
حيل  انحلت  ما  شيل  الهدوم


گربت    منيتچ   فاطمه
شنهي  وصيتچ  فاطمه
الله       يعينچ   فاطمه  يمه

-------------------------------------


وكت  المحنه    الفرگه   تاذينه
بعده  العمر     وياهه     خلينه
حال   آمنه   يمغير      معانينه 
ها  يا  سبب  همنه   وبواچينه

يا  يمه     تاني  الرمل   غطاچ
محلات حظنچ وانتي  محلاچ
خلينه  يمچ     وسط    الگبور
فتحي الچفن  خل نغفه  وياچ

  
ضمينه   كلنه     فاطمه
يمچ    لطمنه    فاطمه
الله      يعينچ   فاطمه   يمه

---------------------------------------


صار    الوداع    وماتت    الليله
بظهر   الجنازه   الحيل   اتچيله
شلت  العبايه  وحاظنه   الشيله
گلبي  اليريدچ    شرد    اسويله

زينب  بعدهه    اتريدچ   شلون ؟
من  ريت طولي  وياچ مدفون
ضميني  اريد  امشابگ   اوداع
توگع  وراه     چفوف    وعيون

خلصت    ييمه   فاطمه 
سمعيني چلمه    فاطمه
الله        يعينچ  فاطمه   يمه


كلمات الخادم /  رعد الفريجي
ثوابها الى روح والدتي

حيـــدر مخنــــوگ بأنفاسه
من رمشه الشيب لحد راسه
من شال التابوت حيدر راح يموت
::::
حنيتي ظهري ما اگدر حيدر وجهه صار اصفر
يا اخر نفس بيه يمشي علي ويتعثر

جلد وعظم شوفيني بغيابچ تکصر سنیني
اه والباب يا فاطم گطع ما بینچ وبیني

ضلمه البيت ما بي نور ام الحسن ما هيه
دفنت انسان جوه الگاع هو اليعرف البيه
بعدچ حيدر بلا راي يم گبرچ نواعیه

تدري الصار نص گلبي النار
انه الكرار يا فاطم

ما اعرف ياهو الشلته انه
حيدر هــــــم رايد دفانه
مبحوح بلا صوت حيدر راح يموت
::::
شلت بچوفي عافيتي يفاطم وحشه ظل بيتي
حرگ الباب والدخان كله صار نص ريتي

نعم مذبوحه سالفتي بغيابچ بس دمع عفتي
حرت ما ادري ياهو المات حيدر انه مدري انتي

تعاي وشوفي ابو الحسنين بس الدمع بعيوني
تدرين بعلي الكــــرار بعــــــدچ فاطمه شلونه
هو انه اندفنت بگاع لو هاي انت مدفونه

خليتي جروح بعدچ مذبوح
وبگلبي النوح يا روحي

زهرة وچنت اسگیها دموعي
امشي ومحنيات ضلوعي
والمثلچ منعوت حيدر راح يموت
::::
اشرح يمچ احزاني بغيابچ اني مو اني
تدري بعلي بعدچ فگدچ فاطمه اذاني

اجر انفاسي بالگوه حياتي مره مو حلوه
حياتي كلها من دونچ یفاطم والله ما تسوه

طالع علي بنص الليل شايل روحه بجنازه
يا فاطم وهم تدري المثلچ عازته عازه
شله بعمره يم حسين بيده الشيع اعزازه

راجع مكسور خدچ مصطور
ضلمه ومو نور بغيابچ

زينب تسألني ومحتاره
حامي الجار وحرگو داره
وبفاطم زاتوت حيدر راح يموت
::::
خلص عمري يم گبرچ وسط البيت اشم عطرچ
كلشي يطيح يم حسين ارجعي واقبل بعذرچ

خل يسمع علي كلمه وجودچ فاطمه نعمه
من يوم الي عفتيني علي ميت بعد حلمه

ارشن ماي مدري دموع لو رش يمچ سنيني
عيني لما تشوفچ یوم ما محسوبه ابد عيني
يم گبرچ علي الكرار يا فاطمه تسمعيني

يا ام البيت لجلچ حنیت
وشگد ونیت لمصابچ

والشافوني ميعرفوني
يا فاطم متغيير لوني
يحچيها الي يفوت حيدر راح يموت
::::
زينب تنتظرني ارجع بحزن من يمچ انه اطلع
اذا سألتني وين أمي بسؤال الحره ادگطع

صعبه البيت من دونچ اعيش بنظرة عيونچ
الحسن وحسين يا زهراء شرد لو مني يردونچ


يزيل التعب من الگاچ ويروح الحزن كله
دفنتچ وانه من رديت درب البيت مندله
واذا عله تصيب الروح فاطم تشفي العله

فگدچ شيبات وشگد حسرات
چا یاهو المات ما ادري

ما نتفارگ مــــو گلناها
جمعتنه ومحد خلاها
بيچ شگد مبخوت حيدر راح يموت
::::
علي جبار الكعبي
الفاتحه لوالدي

من دفعو الباب عالزهرة مولاتي
كسر الظلع بان وأبتدت مأساتي
صاحت يفضة سنديني
قد اسقطو مني جنيني
…… ..... وأبتدت مأساتي
… ..

من هجم عالباب أبحقد… اتلكتة ريحان الورد
يدفعهة صار وهي تسد… حد ما كسر منهة الظلع
صاحت يفضة لحكي … بظلوعي حيل اتشبكي… ما حس بدية حركي…
ألباب فوكي منطبع
غطني بحجاب السمة … لا حيدر ايشوف الدمة… كسرت ظلوعي أتألمة
بالج يشاهدلج دمع

حيدر لون شاف كسري ونزف دمي
من طولة يوكع موته يصح يمي
اخُذي بكفي وسديني
قد اسقطو مني جنيني

……
أتعنيت الهة ابلا وعي … وعالخد يسايل مدمعي … صاحت يفضة طلعي … بظلوعي بسمار أنغرس
حاولت وياه اشكثر… منغرس حيل امن العصر… كل ما اسحبة تحتضر
ويضيك للزهره النفس
كل هذا وبحيدر تهم … موش بجرحة الملچم … ليهة السمة مطرت نجم.
والكمر ينعى اوية الشمس

عالزهرة ياناس شفت الورد يبچي
وعيون الحسين متحّيرة اشتحچي
صيحاتُ حزنٌٍ تعتنيني
قد اسقطو مني جنيني
… .
حاولت اشيلنهة وشفت… كسر الظلع بيدي وعفت… ساعتهة حيل اتخوفت… منظرهة يبجلة الصخر
كالتلي فضة اتحملي .. الخاطري والخاطر علي… عن حالي لا لا تسألي
متألمة حيل امن الكسر
كل حيل ما ظلي بعد … بالباب احس صدري أنمرد… ياجرح أعوف وجرح اشد
والنزف ماخذني وكثر

بنت النبي اشلون هيجي يجازوني
يافضة ترضين عالعين سطروني
لم يكتفو جرحاً بعيني
قد اسقطو مني جنيني
… ..
محسن شفت فوك الارض… نازف دمة بطول وعرض… بمصابة بچة اهل الفرض… وعيون اخوه احسينة
غطيته بمصلايتي … واعلية تسايل دمعتي … الزهرة أشد من حالتي
من شافتة امغطينة
صاحت يسباح الگلب… وسفة يغطيك الترب… مو هين افراك صعب … يل ماعشتهة اسنينة

ما شبعت العين من شوفتك ليلة
مستجعل الموت تابوتك ايشيلة
يا هل ترى ذنبي بديني
قد اسقطو مني جنيني
… ..

شحجي وشسولف عالجرة … جيش وهجمة اعلة مرة … والدار نار أموجرة… البيهة الوحي تنزيلة
كادو علي بحبل الغدر… ظهرة بوصية منكسر
والزهرة خدهة منسطر … نازف دمة اعلة الشيلة
طلعت وماخذهة النزف … واعظاهة كلهة ترتجف… خلو أبن عمي يا حلف
لو راسي اكشفة الليلة

من أكشف الراس والدمعة أجريهة
دنياكم أبساع بارينة يمحيهة
لا يرضى ربي في انيني
قد اسقطو مني جنيني
… ..
الحمد الله رب العالمين
اللهم صل على محمد وال محمد
موسى الخادم

امير المؤمنين ع يخاطب الزهراء ع وهي في قبرها…
… ..
مشتاگلج … يالبية طيبج زارعة
مشتاگلج ... كد رحمة الله الواسعة
يا فاطمة .. يا فاطمة… يافاطمة
… ..
يم سوالف دافية وتكطر حنان
شرد اسولف عنج ايحير اللسان
انت رحمه امن الاله ابكل زمان
وبعد عينج ما بقت رحمة وامان

وي موتج … مات الورد يالغالية
وي موتج … طاحت شمسنة العالية
متألمة… متألمة… متألمة
… ..

يل صفاتج تختلف عن كل صفات
ابروحتج كل معنى ماظل للحياة
مو عجيبة الكون يبجيلج فرات
ومو عجيبة الفرح بعدج ذكره مات

حزنانه… لمصيبتج دنيانه
حزنانه… ارض وسمة ويانه
تبجي السمة... تبجي السمة... تبجي السمة
… .
انتي يازهرة جنان امن الزهور
امچانچ البستان مو ذيج الاكبور
ما مصدك ميته والكبرج أزور
والج اقرة الفاتحة واشعل بخور

معقولة … الفاتحة اقرالج
معقولة ... جوه التُراب أخيالج
شهل خاتمة… شهل خاتمة…شهل خاتمة
… .
يالتركتني وانه بعازه الهواج
داري ظلمة يالزجية ابلا ضواج
علّيتي ما تشفة الا من دواج
انه ميت بس جسد باقي وراج

تدريني … ما اهو اعيش أبدونج
تدريني … للموت احن وأعيونج
حلم ارسمة… حلم ارسمة… حلم ارسمة
… .
صورتج بعيوني مكسورة ظلوع
وحركة الباب بحقد ذيج الجموع
روحي تاخذني الحجرتج بالدموع
اعلك ابحزاني يا زهرة الشموع

كل ليلة… ادخل حجرتج ناعي
كل ليلة… اللطم عليج اظلاعي
وخدي اللطمة… وخدي واللطمة ..وخدي اللطمة

……
بية حسرة الموتتج حسرة يتيم
ماتت امة وعافته بحزنه يهيم
الدنية من بعدج احسنهة جحيم
يالمشيتي بظلع مكسور وألليم

يالغالية… روحي الج مشتاكة
يالغالية… كولي اشوكت نتلاكة
يالعالمة… يالعالمة… يالعالمة
… .
الحمدلله رب العالمين
اللهم صل على محمد وال محمد
موسى الخادم

يام الحسن حـــاچيني
يامهجتي وضي عيني
راحت اويـــاچ سنيني
فاطمه  ٠٠ فاطمه
~
اذكر العشره الگضينــــاها سوه
چنتي لجروحي تصيرين الدوه
رتلت اسمــچ ابگـــــد القل هوه
يا سجل احلامنه بســاع نطوه

مشتاگ الــــــچ دلالي
بعــدچ تغيــــــر حالي
وحدي صرت تدريني
فاطمه  ٠٠ فاطمه
~
جيت متعوب وگصه وياي الزمـن
اگعد بصف الگبر وقـــــــره المحن
دموعي بغيابچ فلا سـاعه اسكتن
صرت ديره أمن الحزن يم الحسن

مكسور خاطر جيتچ
وحشه بغيـابچ بيتچ
مـــاحاسّب تعوفيني
فاطمه  ٠٠ فاطمه
~
صوتي ماظن عنچ ايحجبه التراب
من اسلم اعليــــچ ارد اسمع جواب
خاف الچم روحــــــــچ بهذا العتاب
لچن گلبي امن الهجـــر تدرين ذاب

طول الهجـــر أذاني
صـار الحزن عنواني
بفرگاچ زاد اونـيني
فاطمه ٠٠ فاطمه
~
بالله شنهي اليوجعــچ ارد استمع
خاف ميته ويوجعـچ كسر الضلع
صوتي غاب وغرّگ عيوني الدمع
والمنــــــاحه صارت الحيدر طبع

يالصورتـچ بعيوني
تمنيت لو دفنـــوني
ولا وحدي اتخليني
فاطمه ٠٠ فاطمه
~
وينه ملگاچ الحلو يالزهره وين
جاوبيني بالله يم گلب الحنين
من ارد للبيت يسألني الحسين
بويه أمي شلونها وكفت ونين

وزينب تريدچ يمها
يكتلها خايف همها
وبيها فلا اتوصيني
فاطمه ٠٠ فاطمه
~
بفرگتچ باب المصـــايب ينفتح
باچر ايطبروني والـدم ينسفح
والحسن چبده يخلف چم جرح
نار وخیام وعطش يـوم الذبح

هالباب يصبـــح بـــاچر
بطف كـــربله چم حافر
يهشم بصــــدر حسيني
فاطمه ٠٠ فاطمه
~
حيدر بشار الدراجي