يافاطــمه يافاطمـــه
گلبي انكسر يافاطمه
____________________________
انـــــه علي
وانتي هلي
بعدچ عشت عمري بغربه
من انـــــسئــل
دمعي يـهــــل
يافاطــمـــه كلش صعبه
لا موسهل
ماتنحِمل
صعبه علي يدفــن گـلـبه
ابدفنچ متت
واتعـذبـــــت
وياي الزمن اعلـن حـربـه

حتى السمه حتى السمه.. لجلچ بچت حتى السمه
يافاطمـــه يافاطــــمه .. گلبي انــــكسر يافاطــمه
________________________
هذا الجـــــــرح
يــذبح ذبـــــح
ابالي تجي عينچ حمره
بروحي حچــــي
ودمعه وبچــــي
بچاني دم صوت السطره
الخد انصفــــــع
محسن وگــــع
وانه الچنت دوم انتظره
بـــهذا الـوضـع
وكسر الـضـلـع
بعدچ علي الله يصـــبره

يبچي دمه يبچي دمه.. بعدچ علي يبچي دمـــــه
يافاطمه يافاطمه.. گلبي انكسر يافـــــــاطـــــــمه
________________________
يم الــحــــسن
لـــيش الزمــن
مني خذچ ياضي عينـــــي
يازهرتــــــــي
يافرحتـــــــــي
مشتاگ الچ بـس حاچـــينـي
من غيبـــــتچ ومصيبتچ
يافاطمه وحشه اسنيني
ياعشرتـــــــچ
وسوالــفـــــــچ
حلوه واحسها اتداويــــنـــــي

متألمـــــــه متألـــــــمه.. روحي تره متألمه
يافاطمه يافاطمه.. گلبي انكسر يافاطمه
________________________
ليـــــل اليــــــمر
وحتى الفـــجر
دمعه وسهر يخلص ليلي
وبالمگبــــره
روحي تره
ومحد يجي ويتــچيلــي
ليش اختفه
يم الوفــــه
صوتچ علي فدوه احچيلي
وحشه العمر
مُر الـــــصـبر
فگدچ جــــرح ويهـد حــيلي
ياعالمه ياعالمه.. ظهري انحنه ياعـالـــمه
يافطمه يافاطمه.. گلبي انكسر يافاطمه
________________________


واتيـتـــمت
بتـچ بقــت
زينب تحن واتهل دمعه
صار الجِـــــفن
غيمة حــــزن
وذابت صدگ مثل الشمعه
تريـــــدچ سنـد
وكـــت الشــدد
وبكربله تريد البضعه
باچر تـــــــــره
يالطاهـــــــره
توگف على التل وتنعه

تبچي دمه تبچي دمه ..ياام الحسن تبچي دمه
يافاطمـــــه يافاطــــــمه ..گلبي انكسر يافاطمه
__
كلمات
حيدر بشار الدراجي
احمد علي البغدادي

زيارة عاشوراء امان من القبر
زيارة عاشوراء حرز طول العمر
بيها شگد کرامات لا تتركها هيهات
زيارة عاشوراء
::::
اقره ولا تذب اللوم عالحض
اذا تقراها عالمشلول ينهض
سر محد يفهمه

اذا صابك مرض واضب عليها
تره تلگه علاجك كلــه بيها
اقره منها كلمه

اكثر بالعـــن ويزيد أجرك
حرز خليها وتنفعك بگبرك
الله انطانه نعمه

زيارة عاشوراء لا تتركها ابد
زيارة عاشوراء امانك باللحد

تنفعه الشخص لو مات لا تتركها هيهات
زيارة عاشوراء
:::::

من توصل وتقره الوتر متور
معنى الجمله هاي حسين منحور
حسين وراسه مگطوع

العن ال اميه والعن ازياد
حتى حسين ينطيك اكثر مراد
الدعاء لحسين مسموع

العـــن بالشمر وال مروان
وبعد اكثر لعن لفلان وفلان
خل يكبر الموضوع

زيارة عاشوراء نعم مثل الوطن
زيارة عاشوراء علاجك بالمحن

براهين وعلامات لا تتركها هيهات
زيارة عاشوراء
:::::
اذا صابك مرض وما اله چاره
علاجــك انــه اگلك بالزياره
ما ينفع الدكتور

حرز خليها تنشد فوگ زندك
ما عندك وبس يصير عندك
فتره تصير مسرور

كرامات الحسين ابيش تنقاس
لجل حسين الله رازق الناس
بالقرآن مذكور

زيارة عاشوراء الك مثل الكنز
زيارة عاشوراء علاج وهم حرز
احفظ منها كلمات لا تتركها هيهات
زيارة عاشوراء
::::::
وجيهآ ربي اقبلني بالحسين
بدونه انه اضيعن وين ما وين
ذنوب هواي عندي

وصيه هاي عندي قبل لا موت
اقروها الزياره على التابوت
اعرف صعب لحدي

الهي بالحسين اغفر ذنوبي
غيرك ياهو يسترهن عيوبي
باچر انه وحدي

زيارة عاشوراء امان من الفزع
زيارة عاشوراء لحسين الجزع
تخلصك من معاناة لا تتركها هيهات
زيارة عاشوراء
::::::
غير حسين ما نملك وسيله
واحنه ذنوبنا كلش ثجيله
خدمتك تمحي الذنوب

من اقره الزياره هواي ارتاح
عليك العمر يخلص كون بنياح
ما الدمع ما توب

هو الگلب بيد حسين يندار
نعم هاي الزياره منبع اسرار
غيرك ماكو محبوب

زيارة عاشوراء سر بي العجب
زيارة عاشوراء أغلى من الذهب

ونذكرت بأيات لا تتركها هيهات
زيارة عاشوراء
::::::

علي جبار الكعبي
الفاتحه لوالدي

@HxzEU1
#قناه_نشر_القصائد_المنبريه
#الناشر_مصطفى_المياحي

ماشبعانه بچلمة يمه
هاي الدنيه صارت ظلمه
.......
من شفتها گبالي طاحت انه وياها طحت
فضه فضه راحت امي صيحت مايسه صحت
ريتني ميته يفضه وكون من ظيمي أرتحت
سطرت الخد كون بيه وكون عميه وماشفت

ست أسنين عمري مو للوداع يمه
من كثر دمي غرگت الگاع يمه
گلبي أزغير شيحمل افراگ
يل رحتي منه بساع وبساع يمه

ظلعج شفته يسيل بدمه
ماشبعانه بچلمت يمه
..............
ياحزنها بروحي بايت جرح كل ليليه يفز
اتصوره محسنها عايش وانه كاروكه اهز
هالجنين علينه غالي وعله أمه شگد يعز
اكتب أهمومي عله حايط ينترس وأرجع اجز

يطلبني ثار شماله البين يمه
يتخير أحبابي العزيزين يمه
بسن الطفوله والگلب ذاب
أقره المصيبه بعين الحسين يمه

محرابچ خالي و يشتمه
ما شبعانه بچلمت يمه
............
گمت اشوف البيت طافي مچدر ومابيه ضوه
ابوي اسمعه يناجي ربه كون موتتنه سوه
الشال خيبر شفته يعثر گبال عيني بالهوه
شمادفع بالباب چفه بيه الف چويه نچوه

تدرين حيدر زين مامات يمه
الليل يگضي كله حسرات يمه
زهرة زمانه تنطفي شلون
يحچي ويروحه أسمعه مرات يمه

الله يعينه بجرحه وهمه
ماشبعانه بچلمت يمه
.............
نشال نعشج يل حنينه وخيم علينه اليتم
ياجروح الغاضريه بعيني گامت تنرسم
هسه يمي اشوف اخوتي يمه موغربه الزلم
بالطف اتواسه ييمه بالسياط وبالشتم

الباب جرح مصيبته يهون يمه
باجر عليه من يهدون يمه
ماعندي والي خاطر انخاه
كل أخوتي بالطف يموتون يمه

حيلي مطشر ياهو يلمه
ماشبعانه بچلمت يمه

..........
خادم اهل البيت ع

فلاح طالب الماجدي

@HxzEU1
#قناه_نشر_القصائد_المنبريه
#الناشر_مصطفى_المياحي

بالدمع صار..... شيعتي تواسيني
*******************************
بس دمع بعيوني....يالتواسون
تنجبر لچماتي.......يالتلطمون

شيعتي ابكل العزه الگاكم
كل مسيه حاضره وياكم
انه بدورب المجالس امشي
سجلتكم واني ما انساكم

گلبي مجروح...... والظلع ياذيني
بالدمع صار.......شيعتي تواسيني
*******************************
شلون لوشفتوني ..ظلعي مكسور
لوعتي ومصابي.........دمعي منثور

بالنعي احضر اجيت بروحي
اعد يا ملا صحت من نوحي
كل حسينيه اتعرف دمعاتي
ماتطيب الكسره هاي اجروحي

ظلعي ماطاب......حسرتي بسنيني
بالدمع صار ......شيعتي تواسيني
*******************************
سجلت اسمائكم......يم ابوحسين
شيعتي تعرفوني.....بدمعة العين

ااشگد يفرحوني عزه الطامه
حلوه كاشخ من يجي بهندامه
والدمع يحفر سواد اعيونه
فاطمه تحقق جميع احلامه

الشيعي مبخوت...بلوعته يحاچيني
بالدمع صار .......شيعتي تواسيني
*******************************
حاضره وياكم.......بهل المجالس
حلوه بالطامه........اشگد تنافس

انه احسب دمعته عله امصابي
حلوه لمتهم اجو احبابي
تجبر الخاطر لطمته ابيده
كلشي سجلته وعلي بحسابي

هاي الاحباب.......حاضره تعزيني
بالدمع صار...... شيعتي تواسيني
*******************************
باچر اتشوفوني.....كلشي جازيت
بالحشر تلگوني.......والله وفيت

وعد مني وهل وعد خليته
شيعتي الهم قصر سويته
اقسم بشيبة علي ودمعاته
كلشي يمي بالحشر جازيته

كلشي بالدين.........كلمن يجازيني
بالدمع صار....... شيعتي تواسيني
*******************************
تمت بعون الله تعالى
الشاعر....... يوسف الفتلاوي

نلگه السوط ونلگه السطره
بين الخيــــمه وبين الزهره
وذاك الباب اتحوّل حــــافر
هشم ضلـع حسين وصدره
~
الباري ارسل جدي طاها ٠٠ رحمة للعالمين
أو وصى بالعتره محمد ٠٠ قبل لا تغمضله عين
إنقلبت الاُمّه بغيابه ٠٠ وبين الحقد الدفين
من شفت أول جريمه ٠٠ حرگ بيت الطاهرين

وابليس استحوذ عالزمره
واعليهم ظـل نـــافذ أمره
داسو بيت الهادي المرسل
وظلمو فاطم شمعة عمره
~
كسرو اضلوع الزچيه ٠٠ وراحت بعمر الورد
عيوني عطشانه الصورها ٠٠ وابچي وانشد هم ترد
بعده صوت امي اعله سمعي ٠٠ ياخلگ رغم البُعد
ذبلت عيوني ودمعها ٠٠ مايكف حد اللحد

من ذاك اليـــــــوم الأذاني
ماجف دمعي اولا احزاني
اتصور حــــــالي واتخيّل
وعيوني اترافگــها العبره
~
الكسرو ضلوع الزچيه ٠٠ وهيّجو بيها الدمع
شجره ملعونه وخبيثه ٠٠ توارثو هذا الطبع
هايه اثار السقيفه ٠٠ بكل وكت شو تجتمع
والظلم بالطف تكرر ٠٠ جددو نفس الوضع

نــدري الحيّه اتخلف حيّه
ومعــــروفين بخبث النيّه
نفس الثاني ونفس الأول
صارو گوم ايزيــد وغدره
~
چنت اشوف ام الايمّه ٠٠ تمشي محنيّه الظهر
اتلوج من شدة وجعها ٠٠ وبين اعليها القهر
اظن بسمار الجرحها ٠٠ بكــربله ظل بي اثر
كبر واصبح رمح عالي ٠٠ شالو اعليه النحر

والبسمــــار اشبيه اويانه
طشــــرنه ومحّــــد لمانه
نار وخيمه و چف ومقتل
وچم ضيغم نايم عالغبره
~
الشدّو چفوف الصميده ۰۰گطعو چفوف الگمر
الوگعو محسن اخييي ٠٠ للطفل حزو نحر
چان ثالث للثلاثه ٠٠ يصير محسن لوكبر
والسطر خد الزچيه ۰۰ خلّه بعيوني الاثر

چم نار الحــــرگت  دلالي
من عگب امي تغير حالي
انشد ياهالنــــاس واسأل
هم تخلص هالدنيا الگشره
~
الحرگو الدار اعله امي ٠٠ هُمه حرگولي الخيم
چان ابوي وكل اخوتي ٠٠ يمي لو مراني هم
هسه اخوتي اعله الوطيه ٠٠ موته ومغطيها دم
حته عباس الكفلني ٠٠ طاح وبصفه العلم

حرمه وراحو كل خوّاني
مچتوفه بولية عــدواني
بت حيدر واصعد عالهزّل
متكفله باطفالي الأسرة
~
حيدر بشار الدراجي

كلما اشوف ام وابن ابچي
كلما يمر بيه المسى ابچي
كلما اطب الغرفتچ ابچي يمه

-------------------------------------

راح الدلال وحظنچ الدافي
آنه الچنت فوگ المتن غافي
ماتت اليمه وسكتن شفافي
هسه المرض من جدمي لچتافي

اتنفس بيابو الحسن واتشاهد بكل خطوه
رديلي شوفي الفارگچ هذا الوداع اشسوه
يا حلوة اطباع شعجب تحت الرمل مو حلوه
عفتي اليريدچ منتهي من البعد يتلوى


يا يمه خاوي من الدمع فدوه
رديلي ساعه اتعذبت فدوه
يا يمه شيردچ بعد فدوه يمه

---------------------------------------

مو سهله يمه ادريهه لا شده
الحظن الحنين الراح شيرده
انه اليتاني اعله الدرب بعده
آنه اليموت بكل نفس وحده

آنه اليسموني العدل من چان طولچ خيمه
آنه الچنت عايش گبل من رحتي صارت هيمه
مو دنيا لا ضيم وعلي خل گلبي يحچي بضيمه
يا يمه لا ماي بنهر لا بيهه مزنه الغيمه

عطشان وچفوفچ نهر يمه
وحشت فراگچ ما تفض يمه
ظليت انه بطرگ الدمع يمه يمه

-------------------------------------

يم الحسن ها يمه خلصانه
جبتي العمر يا يمه تعبانه
يمچ اجيت عيوني ذبلانه
خليت گلبي اعله الگبر آنه


يا يمه بسمار الضلع صاباني لمن صابچ
شحچيلچ الضيم العلي لمن اشوفن بابچ
موتني ما احمل ترى كلش ثگيل غيابچ
حاچيني يربات الهلا خليني ازيح اترابچ

خليني انامن باللحد ساعه
خليني ارد الشبگتچ ساعه
سوده الحياة بفرگتچ ساعه يمه

----------------------------------------

ارجع وحيد وادخل الغرفه
اشتم عباتچ وانحب واغفه
يا يمه بردان وبعد شدفى ؟
كلفه اليتم يم الحسن كلفه

يا يمه بفراشچ نمت وبشيلتچ غطوني
تنزل دموعي بصفنتي ابچي بسواد عيوني
من متي يا يمه وعلي منهه وتغير لوني
صرت انحسب علشيبو محني الظهر شافوني

ماشوفچ وخلصت تره حيره
صوتچ بعد ما ينسمع حيره
وحدي وظلام بلايا أم حيره يمه

-----------------------------------------


وجه اليتيم وكسرته وخوفه
وضحكة دليله التبقى مچتوفه
وبعض المشاعر ماهي معروفه
وكل المآسي الگبل موصوفه

شافوهن بدمعي النزل وبحيرتي أوناتي
بالخطوه من ثگلت بعد وحزني بلفظ چلماتي
بعيوني چادر منرسم دورة سنه بنظراتي
من وكت كبرني الزمن وتسابگن شيباتي


ثاري اليفارگ تنتهي روحه
أمه التحبه من خذت روحه
هلروحه صارت للگبر روحه يمه


كلمات الخادم / رعد الفريجي
24/ ربيع الاخر / 1447
ثوابها لروح والدتي

نعي مفجع
للزهراء ع


أفـزّ بـالــيــل واتـــذكــر
               امـي الـحلـوه گـعـدتـهـه

وياخذني الدمع والشوگ
              ويوديني اعله حجـرتـهـه

اصـبّـر روحـي بـالـگـوه
              واشم ريـحـت عبايتـهـه

واتـمـنـه الـزمـن يـنـعـاد
              واسمـع مـره چـلـمـتـهـه

صوور بعيوني لـلـزهـره
               مشت والصوور خلتـهـه

اوّل وحــده بـالـعــتـبـه
               البيهه ابـتـدت قصـتـهـه

وثانـيـهـه تـشيـب الراس
               يـوم الشفت عـصـرتـهـه

أمـي اشـجـنـت مـا ادري
              ليش الـگـوم ظـلـمـتـهـه

وليش ايطيح محسنهـه
               وليش الدمعه سالـتـهـه

بضعة سـيـد الـكـونـيـن
            اشلون انسه مـصـيبتـهـه

*--------------------------*------------------*

✍خادم الزهراء (ع)

الشاعر رعد الجريخي

@HxzEU1
#قناه_نشر_القصائد_المنبريه
#الناشر_مصطفى_المياحي

🔴 گــعديه :





ليش المرتضى ما سل فُقاره
يوم الهجمو الگوم اعله داره
نسأل شنهي الاسباب
ساكت ظل ابو تراب
يوم الهجمو الگوم اعله داره

ــــــــــــــــــــــــــــــــــ

أول الاسباب چانت من رسول الله وصيه
ياعلي فحواها تصبر ، من يدفعون الزچيه
والفحل وافق لَچَنَّه ٱشترط ما تتنخه بيَّه

عن هلحچي شاهد إلي
ساعة هجوم الجاهلي
ما حشّمت فاطم علي حشّمت يافضه هيّه

صاحت ها يَفضه سنِّديني
ضلعي اتكسّر وميت جنيني
وچي گلبه ابقهر ذاب
ساكت ظل ابو تراب
يوم الهجمو الگوم اعله داره

ــــــــــــــــــــــــــــــــــ

ثاني هلـ أسباب چانت علي ما دوّر مطامع
وكت چان اعله الخلافه الثاني بالأول يدافع
علي راد انصار يثأر وما لگه ابگد الأصابع

معذور حلال الشدد
لا عُدّه چان ولا عدد
لَوَّل علي الباري شهد والسقيفه اتگول رابع

علـ أعقاب كلها انگلبت ابـ شر
الظل مقداد ، سلمان وابو ذر
من قلة الأصحاب
ساكت ظل ابو تراب
يوم الهجمو الگوم اعله داره

ــــــــــــــــــــــــــــــــــ

ثالث الاسباب تبعد عن علي حچي الملامه
داحي خيبر چان خايف ينگطع نسل الأمامه
علي ضم احسين للطف ينذبح لجل الڪرامه

حيدر جرع مُر الصبر
حتى الأمامه تستمر
حد ما تصل راعي الأمر الياخذ الثار ابحسامه


حيدر ما شهر علگوم سيفه
يدري المُنتظر ياخذله حيفه
شبله ابثاره طلّاب
ساكت ظل ابو تراب
يوم الهجمو الگوم اعله داره

ــــــــــــــــــــــــــــــــــ

رابع الاسباب حيدر مصلحة لسلام قدّم
حقن دم أُمة محمد ما رضا اتصب قطره من دم
( ولا رأي للـ ماله طاعه ) حيدره المصداق الأعظم

لو للحرب دار الرحه
چا كل الاسلام انمحه
شاف اعتزاله المصلحه المهم الدين يسلم

علي صاحب فضل تشهد العدوان
لولاه چا هلك فلتان وفلان
ومن شاف العدل غاب
ساكت ظل ابو تراب
يوم الهجمو الگوم اعله داره

ــــــــــــــــــــــــــــــــــ

خامساً ما سكت حيدر علتجاسر واعتناله
كض تلابيبه الروايه تگول ومن الأرض شاله
ومدده فوگ الوطيه وقرر ايذبحه ابخياله

لكنّه غيّر موقفه
وعرضت وصية المصطفى
وبالحزن شب گلبه وطفه للجره ابنت الرساله

حيدر من مشت زهرة سنينه
لآخر عمره ما بطّل ونينه
من يوم اندفع باب
ساكت ظل ابو تراب
يوم الهجمو الگوم اعله داره

ــــــــــــــــــــــــــــــــــ

وعلـ وصي اعظم مصيبه فاطمه من غسلاهه
متن اسود ، أثر سطره ، جفن ازرگ شاهداهه
والاشد كسرت ضلعها ابچفه حين اتلمساها

معذور اذا عاف الغُسِل
وادموعه فوگ الخد تهل
فگد ام حسن لا مو سهل ولكسرها ابگلبه كسره

ــــــــــــــــــــــــــــــــــــــ

سيد علي عبدالزهره الناجي

@HxzEU1
#قناه_نشر_القصائد_المنبريه
#الناشر_مصطفى_المياحي

حين اعرفت منها الضلع مكسور
معذور اذا عفت الغسل معذور
يابا الحسن

ــــــــــــــــــــــــــــــــــــــــ

غسلتها ياعلي ابدمع اليدر
غسلتها ومرت ايدك علكسر
غسلتها وانگطع حبل الصبر

معذور اذا عفت الغسل يابو الحميه
ما تدري چنت امكسره اضلوع الزچيه
معناها چانت من تون بالسكته هيه

حزنك محالاً تحتويه اسطور
معذور اذا عفت الغسل معذور
يابا الحسن

ــــــــــــــــــــــــــــــــــــــــ

چفنتها من بعد ما غسلت
چفنتها ومتن ازرگ عاينت
چفنتها وروحك اتحس چفنت

وحين اللي لحسين وحسن طاحو عليها
حنّت وُ أنّت فاطمه ومدّت اديها
ياحيدر وفوگ الـــــصدر ضمت بنيها

للــمنظر البچه المَلَك والحور
معذور اذا عفت الغسل معذور
يابا الحسن

ـــــــــــــــــــــــــــــــــــــــ

شيعتها ياعلي ومتنك هِدَل
شيعتها وكلشي بعيونك ذبل
شيعتها وگلبك ابنار اشتعل

الله اليعينك شفت اثر سطره اعله خدها
واعله المتن للسوط أثر باقي وزندها
لاما متت چي وصِّتك هيَّه ابولدها

ميت لچن عايش تظل مجبور
معذور اذا عفت الغسل معذور
يابا الحسن

ـــــــــــــــــــــــــــــــــــــــ

أمَّنتها بـ اللحد بس يا وضع
أمَّنتها وگتله بلسان الدمع
أمَّنتها بالك اتجيس الضلع

يَـتراب أأمنك فاطمه الجهلو قدرها
بالك تجيس الطاهره وتلچم كسرها
لو بيدي چا درت العمر كله لعمرها

مَـ اطّـفّـي نارك ڪلمة الـ مأجور
معذور اذا عفت الغسل معذور
يابا الحسن

ـــــــــــــــــــــــــــــــــــــــ


ودعتها وعلگبر دمعك يصب
ودعتها گوّه لحضان الترب
ودعتها والصعب دارك تطب

دارك يبو حسين اصبحت ظلمه وكئيبه
تبعت حبيب الله ومشت بنته الحبيبه
اسود يظل ثوبك فرض لا مو عجيبه

من قلعتك طاح الحصن والسور
معذور اذا عفت الغسل معذور
يابا الحسن

ـــــــــــــــــــــــــــــــــــــــ

فارگتها وروحك انترست حِزن
فارگتها طير وامضيع غصن
فارگتها ما نلومك لو تون

لاخر حياتك دمعتك علخد جريه
تنعه وتون آ يا كسر ضلع الزچيه
ريتك تصد علينسحگ بالأعوجيه

يلتعلم اليجري ابضهر عاشور
معذور اذا عفت الغسل معذور
يابا الحسن

ـــــــــــــــــــــــــــــــــــــــ

سيد علي عبدالزهره الناجي

@HxzEU1
#قناه_نشر_القصائد_المنبريه
#الناشر_مصطفى_المياحي

بنت المُرسل ليش وترحل بثمنطعشها
سر ظل مُبهم وبليل اظلم شالو نعشها
يقبل يادين وشرع
ترحل مكسورة ضلع
بثمنطعشها

ــــــــــــــــ

نسأل ليش اتموت الزهره وشنهو الأسباب
ونكشف اوراق اللي انقلبو من الأصحاب
ناس الگالو يهجر طه أصل الأرهاب
همه البغيابه اعله البضعه ايدفعون الباب

طه ابفگده خانو عهده لحامي الحميه
ظهرو غلهم والزهره الهم اول ضحيه
والناتج كسر ابجمع
ترحل مكسورة ضلع
بثمنطعشها

ــــــــــــــــ

حق ندري الموت اعله ابنادم بمر القيوم
يفنه الكون وُ وجه الخالق بس هو ايدوم
فاطم ما ماتت نعلنها كتلوها الگوم
شاهد بسمار ومحسنها وضلع المهشوم

اتموت الزهره ابأقصر فتره نسأل علاما
صطره اعله الخد والمتن اسود اوضح علامه
علحايط من تندفع
ترحل مكسورة ضلع
بثمنطعشها

ــــــــــــــــ

يهل التاريخ وكُـتّابه يهل الوجدان
عدنا استفسارات ونطلب الها التبيان
دوست بيت الزهره و حدها ابيا دافع چان
بيش انبرر قتل المحسن جور وطغيان

ظالم أمنه تكشف عنه ردّت فعاله
عن الجاني اتگول الثاني كشف الدلاله
حين اعله الخد تنصفع
ترحل مكسورة ضلع
بثمنطعشها

ــــــــــــــــ

لوما زعلانه اعله الحرگو بالباب النار
ليش التمسوها اتسامحهم وانطوها اعذار
تُدفن سراً ليش اتوصي ابحمّاي الجار
تتشيع نص ليل اتأكِد فعل الاشرار

وسفه البضعه اتموت ودمعه تجري لولِدها
تنظر زينب تنعه وتنحب دمعه اعله خدها
تنظر لـ اُمها ابياوضع
ترحل مكسورة ضلع
بثمنطعشها

ــــــــــــــــ

ماتت فاطم بفجع حادث واعظم مأساة
أول شيعيه ابحب حيدر تفنيها الذات
فضحت بالبخطبه الفدكيه اهل الغايات
وخلّت راية حيدر تبقه اعلى الرايات

دمها الطاهر اول ثائر ضد النواصب
صوت اترفعه أنَّه ودمعه بيهن تحارب
للمذهب صارت درع
ترحل مكسورة ضلع
بثمنطعشها

ــــــــــــــــ

عن مولاتي اختمها ابياتي ابّيت القصيد
مظلومه الزهره ومحسنها اول شهيد
مولاتي وتعرف شتمنى وگلبي اشيريد
اتسجلني اخويدم للحزو منه الوريد

رايد حسره وحرگه وجمره للغاضريه
للحرگو خيمتها اعليها وطلعت سبيه
زينب مثلچ تنفجع
ترحل مكسورة ضلع
بثمنطعشها

ــــــــــــــــ

سيد علي عبدالزهره الناجي

@HxzEU1
#قناه_نشر_القصائد_المنبريه
#الناشر_مصطفى_المياحي

يمه معقوله يبــعدج عــني موت
يمه حاجيني متت من هالسكوت

يمه بس سمعيني صوتج
والله يأذيــني ســـكــوتج

يمه حاجيني متت من هالسكوت
.................................
من بعد يا يمه اذنج فدوه احجي راح اكلمج
هاي أول مره احجي وماكو اي جواب منج
احجي لو بس جلمه يمه ليش احمر كله ضلعج
احجي خل يرتاح گلبي بلكي اهده من اسمعج

ليش جفج عالضـلع يا يمه ليش
وليش محسنه نـجتل مطلوب بيش

صدگ گرب يمه موتج
يمه بس سمعيني صوتج
............................
شسوه بيج الباب يمه خله ضلعج يگضي دمه
ردتي تحجين وكلامج ما طلع حابسته هضمه
بس اكولن هو يحجي البالجذع كسروله عضمه
مو فقط صوتج فگدته وجهج الماهو رسمه

يمه بيبان الجذع شمسويه بيج
نار بيـهن تلـهب وحـرگنـها اديج

وكسرن بكسرج سلوتج
يمه بس سمعيني صوتج
..............................
يبني شحجي وشنهو اكلك بالمصايب ياهو مثلك
ياهو مثلك يضل نايم بالـشمس ماكو الــ يغـسـلك
وتبقى مرمي بنص حوافر وعالهزيله تصعد اختك
بلا أهل تبقى حبييي عالترايب كـلــهـــم اهـلــك

مفــرداً يبــني تـــضـل بيـــن اللــوف
وجسمك تكطعه الحوافر والــسيوف
ولا تـگـــلـي يا بلـوتــج
يمه بس سمعيني صوتج
........................
يبني لا تبجي عله كسري ابجي نحرك دمه يجري
ابجي باجر جم عقيله تنــدبك حــرگـولي خـدري
انه واحد يبني جرحي وبـجــروحــك الله يدري
ابجي عن اختك غريبه اجبرُوها على القصرِ


ابجي باجر ما تضل عدكم خيم
وتمشي حره وما عليها في عِلم

وتنشد جا وين اخوتج
يمه بس سمعيني صوتج
.........................

فـَاز بالدنـيا وّ نُعَيْم الآخـرة 
اليخدم الزَّهْرَة الزچية الطَّاهِرَة 
 
 
 ــــــــــــــــــ 
 
ألـف هنيالة بِحَيَاتِه اليخدم الزَّهْرَة 
عَشْرَة أَضْعَاف اليواَسي ينكتِب أُجْرَة 
وشكبرها أَم الْحُسَيْن تُحِبُّه وتقدره 
فَخْر هَذَا يَصِيرُ وَاَللَّه لِخَادِم الْعِتْرَة 
 
 
فَخْر مَا مِنْهُ فَخْر هَذَا تَرَه 
اليخدم الزَّهْرَة الزچية الطَّاهِرَة 
 
 
ــــــــــــــــــ 
 
مَا يَظَلّ كُلِّ ذَنْبٍ عِنْدَه اليبجي لَو دَمْعُه 
وَمَا يُضِلُّ هُم أَعَلَّه قَلْبِه وَفَاطِمَة تَسْمَعَه 
يَصِير بَيْنَ النَّاسِ كُلُّهَا طَيَّب السُّمْعَة 
وللسمه تُعْلي مَقَامَه الزَّهْرَة وَتَرْفَعُه 
 
 
بِالْمَقَام وبالمكانه تَكَبُّرُه 
اليخدم الزَّهْرَة الزچية الطَّاهِرَة 
 
 
ــــــــــــــــــ 
 
لَو يَمُوت الْخَادِم إلَهًا فَاطِمَة تَحْضُرْه 
وَمَا تعوفه للقيامة لَوْ نَزَلَ گبرة 
هِيه تستغفر له تَبْقَى وتشفع الْامْرَة 
هَذَا مِنْ شيعتي أَعْرِفُهُ مِنْ لَطَمَ صَدْرِه 
 
 
وَجْهَه يُصْبِح كَالنُّجُوم الزَّاهِرَة 
اليخدم الزَّهْرَة الزچية الطَّاهِرَة 
 
 
ــــــــــــــــــ 
 
 
ذَكَرَه لِلتَّارِيخ يَبْقَى لِلسّئل عَنْه 
الْخَادِم تگلة الزجية أَطْلُب أَتَمَنَّى 
تَرْعَى خَادِمِهَا بِحَيَاتِه بِمَوْتِه وبدفنه 
تَأْخُذ أبيده الزجيه أأدخلة لِلْجَنَّة 
 
 
عَلَى السُّراط الْمُسْتَقِيم تعبرة 
اليخدم الزَّهْرَة الزچية الطَّاهِرَة 
 
  
ــــــــــــــــــ 
 
بجنة الْخَدَّام فَاز الْعَاقِد النِّيَّة 
نَّاذِرالرُّوح وَهَوَاهَا بِخِدْمَة يَوْمَيْه 
الخلُص عُمْرَة مَجَالِس رُوحَه لطمية 
قَصْرِه فوگ بِحَجْم كُلّ الكُرَةِ الأرْضِيَّةِ 
 
 
يُعَوِّضَهُ اللَّهُ بدل عُمُرِه الناذرة 
اليخدم الزَّهْرَة الزچية الطَّاهِرَة 
 
 
ــــــــــــــــــ 
 
 
الخِدمها فَاز وَاَللَّه وَخَلّ تگرعَيْنِه 
عَبْد للزهرة گضاها جُمْلَة اسنينه 
بِأَجْر بِيَوْمِ الْقِيَامَةِ أكتابه بِيَمِينِه 
وَيَشْفَع لعائلتة وَاَللَّه وَكُلّ محبينه 
 
 
فَاطِمَة تنطي وِجَاهًا وَمِغْفَرَه 
اليخدم الزَّهْرَة الزچية الطَّاهِرَة 
 
 
ــــــــــــــــــ 
 
 
يَصِير لاخوفٌ عَلَيْه ولاحزن رُوحَه 
وهالنتيجه مِن الْعِزِّيَّة الجانت بنوحه 
اللَّه عوضله الْجِنَان بِدَمْعِه مَسْفُوحَةٌ 
جَنَّةُ الْفِرْدَوْسِ وَاَللَّه اضماد لجروحه 
 
 
هـ التجارة الرابحة مو خَاسِرَة 
اليخدم الزَّهْرَة الزچية الطَّاهِرَة 
 
ــــــــــــــــــ 

زَيْنِ الْعَابِدِينَ الشِمَّرِي 

بالمغتسل ... مد ايدة حيدر عالظلع وارتبك
بالمغتسل ... قصت حياته صارت اعله المحك
بامر الزجية اتحير
شاهد ظلعها امكسر
.......

حيدر علي ذاك النفل .. بالحرب شايع صيته
بالمغتسل حيله فكد ... صار الدمع عوجيته
مو عجبة الي فارك محب ... لو تنسلب عافيته
اومو شاب شايب ينكلب ... بيضه تصبح الحيته

شايب صبح ... بعد ام حسن حيدر امير المله
شايب صبح ... بي حارت املاك السماء العله
شكله بعجل تغير

......
شاهد كسر ظلع ام حسن ... واتغيرت احواله
مايدري يبجي اعله الظلع...ما يدري يبجي الحاله
ظهرة انكسر عل المغسل ... وتناثرت اماله
يافاطمه ايصيح بحزن ... وايعاين اعله اعياله

محني الظهر ... ينظر على احسينه اليصب دمع
محني الظهر ...وصرخت بواجي عل ظلع تنسمع
ما ينوصف هالمنظر
......
شيّعها حيدر بالخفى .... والدمع تارس عينه
بوحشة الليل المظلمه .... شال النعش بونينه
بخطواته جم عثر عثر ... كايد حسن وحسينه
مو هينه عظمه الفاجعه ... فاكد حنان اسنينه

روحه علي ... الزهرة جانت حكة من ينتحب
روحه علي ... ماتت وراها هو هذا اليحب
افراك اليحب ما يكدر

.......
بالمكبرة حامي الحمه ... ودع حياته وعمره
كل فرحه ما ظلت اله ... من بعد عين الزهرة
يحجي اويه تربان الكبر ... بحسره دليله وكسرة
هنيالك امغطي وجه ... جان الرسول اينظرة

هاي ام حسن ... عندك امانه ياتراب الكبر
هاي ام حسن ... اغله واعز شي امتلك بالعمر
اعليه الدليل اتفطر
.....
دار الحزن حيدر بنه ... بعد الزجية ابروحه
ليليته يكظيها بدمع ... وانهاره يكظي بنوحه
معذور فارك فاطمه ... مرهم شفاء اجروحه
معذور حيدر لو نحل ... هدت الزهره اصروحه

اصغيرت عمر ... من ايدة راحت فاطمه الطاهرة
اصغيرت عمر ... مو بيته سكنت سكنت المكبرة
بالحشر يفتح محضر

.........

الحمد الله رب العالمين
اللهم صل على محمد وال محمد
موسى الخادم

موسى الخادم:
يااله السماولت ... أخرة موت أمي لحضات ..... صعبة فركاهة مأسات
،،،،
رايد أشكي همومي للزهرة الزجـية
رايد اخبرهة البعد يصعب عــــلـية
رايد احضنهة وأضمهة أبين أديــة
رايد أشبع منه شوف ابهل المسـيـة

ارد أشوف حالي لمي .. ارد اكلهة تــبقى يمي ... ... فاكـــــد ألابـتسامات
،،،،،
يااللهي أقسم عليك أبمحي هالدين
يااللهي أخذ العمر كبل أم الحــسين
يااللهي موتي أرحم عندي مــرتين
يااللهي أبلاية أم مـــا تغمض العين

بالسهر أيامي تمضي .... بالحزن كل عمري يكظي ... عمري يخلص بالاهات
،،،،
راجي عطفك ربي لا تاخذهة مـني
راجي عطفك بالدموع التجري ذني
راجي عطفك تســـتمع يا ربي وني
راجي عطفك لا تبعد الزهرة عــني

انه هذا حسين أبنهة .... صعبة يتفارك حضنهة ... ربي رجعهة ساعات
،،،،،


مالي غيرك يا اللهي أشكـيلة حـالي
مالي غيرك يا رحيم أيـرد ســـؤالي
مالي غيرك وحشة بعد أمي اللـيالي
مالي غيرك والحـزن واضح يـلالي

حزني يكبر من بعدهة ... غالية الام عد ولدهة ... أحمل أشكد معانات
،،،،،
ربي قادر تنطي من عمري العمرهة
ربي قادر تشفي كـــل علة بصدرهة
ربي قادر بيـــدك أتجــــبر كســرهة
ربي قادر تاخـــذ اسنين العــصرهة

ربي لا ترحم خصمهة ... دخلة نارك من ظلمهة ... لا تشوفة المسرات
،،،،،
انت أعلم مــن تموت امي الحبــيبة
انت أعلم كل فــرح يعـــلن مغيــبة
انت أعــــلم كلبي يتعالى بنحــــيبة
انت أعلم روحي ما تحمل مصيبة

من تمـوت أخفيه موتي ... وأستعـد لـيه بسكوتي ... ربي قـرب المسافات
"""""""""""
الحمد لله رب العالمين
اللهم صل على محمد وال محمد
موسى الخادم

يحچي اويه ولده الكرار..بس مختنگ بالعبره
لو ماكو بالدنيا افراگ...مافارگتنه الزهره

ليله امن الليالي الحسن بالحجره
ويمّه حسين جايب زينب الحره
يحچون اعله فرگة أمهم الزهره
واعليهم دخل حيدر يهل عبره

ينشدهم ابحسره وآه...ويجاوبونه ابحسره
لو ماكو بالدنيا افراگ...ما فارگتنه الزهره
......................................
وگع ناظر علي اعله ام الحزن بنته
وحظنهه ابدمعته والآه كاتلته
قره المَخفي ابگلبهه الينبض ابونته
مضمونه نشوف امنه بعد يمته

ازغيره ابعُمُر خمس اسنين...لكن جَرِحهه اشكبره
لو ماكو بالدنيا افراگ....ما فارگتنه الزهره
.....................................
على اعيال النبي شَن الوكت حَربه
والله ايعين روح المرتضى وگلبه
دِفن بيده الزچيه ويشعر ابغربه
وصعبه اتموت مكسورة ضلع صعبه

وينادي ويلي ام حسين...ماتت شهيدة عَصره
لو ماكو بالدنيا افراگ...ما فارگتنه الزهره
.......................................
وَجِه حيدر ذِبَل وانهدم حيله وصار
ماچَنَّه علي وركن الصبر مِنهار
أخذ عَمّار بيده وصاح ياعَمّار
اهنا عصرو الزهره وصابهه البسمار

وضل ينحب اهنا واهنا....ونار الحزن متوجره
لو ماكو بالدنيا افراگ...مافارگتنه الزهره
......................................
التكسر خاطر الكرار والينه
من يسمع الفقره ايهل دمع عينه
ينادون ابجرح للزهره حَنّينه
وچانت فاطمه كل يوم تنطينه

مو فقط أم الحسنين...لا چانت ام الفقره
لو ماكو بالدنيا افراگ...ما فارگتنه الزهره

سيد علي الموسوي

@HxzEU1
#قناه_نشر_القصائد_المنبريه
#الناشر_مصطفى_المياحي