Masalan, faoliyatimni ilk davrida yolg‘iz ona 2-guruh nogironi D.Alimova bir nafar voyaga yetmagan farzandi bor. 2022-yilda toʻsatdan tizza-bo‘g‘im surunkali yallig‘lanish tashxisi ʼʼosteoporozʼʼ xastaligi bilan harakatlanishi cheklangan. Doimiy tarzda o‘zgalar parvarishiga muhtojligi hamda uy xo‘jaligini mustaqil yurita olmasligi, shu bilan birgalikda farzandi onasini parvarish qilishi maqsadida maktabni muntazam qoldirayotgani kabi masalalar o‘rganish natijasida aniqlangan.

Bu holatda oilaga ʼʼcaseʼʼ ochilib ijtimoiylashtirish maqsadida ijtimoiy xizmat va yordamlar ko‘rsatish rejasi tuzildi. Individual rejaga muvofiq o‘zgalar parvarishiga muhtoj deb e’tirof etilib, ijtimoiy assistent ijtimoiy maishiy xizmat ko‘rsatish uchun, shu bilan bir qatorda, “Faol hayotga qadam” dasturiga asosan tibbiy-reabilitatsiya boʻyicha xizmat ko‘rsatish uchun tibbiy xodimlar biriktirildi.

Kam ta’minlangan oilalarning bolalari uchun nafaqa tayinlandi, oilaviy poliklinika xodimlari tomonidan chuqurlashtirilgan tibbiy ko‘rik o‘tkazildi, imtiyozli dori-darmon bilan ta’minlandi, nogironlik belgilandi, oziq-ovqat mahsuloti va gigiyena tovarlari uchun moddiy yordam tayinlandi.

Harakatlanishini faollashtirish hamda jamiyatga qo‘shilishiga ko‘maklashish maqsadida reabilitatsiya mahsuloti bilan ta’minlandi, farzandi majburiy ta’limni o‘z vaqtida olishi ta’minlandi, referal xizmat tariqasida yoshlar tomonidan fuqarolik pasporti (ID karta) olib berildi.

Hududda har bir og‘ir ahvolga tushib qolgan va og‘ir ahvolga tushish ehtimoli yuqori bo‘lgan oilalar bilan keng miqyosda o‘rganilib, ijtimoiy xizmat va yordamlar ko‘rsatish shu tariqada amalga oshirilib kelinmoqda.