Еки аққуў көлде жүрсе,
Сыңсып пәрин тарасады.
Бул дүньяда ҳәмме нәрсе
Жупты менен жарасады.
Ибрайым Юсупов

ХОРЕЗМГЕ

Тамырымызда туўысқанлық
қанымыз бар қатысқан,
Ата-баба бир нан тапса,
бирге бөлип татысқан,
Халқымыз бар, бир дәрьяның
еки бойында турып,
"Ассалаўма алейкүм!" деп,
насбай сорап атысқан.

📜http://T.me/Ibrayim_Yusupov

Assalawma ãleykum Ayaziy ıqlasbentleri!
"IBRAYIM YUSUPOV" kanalı administratorları oylasqan halda kanalımız ağzalarınıñ pikir hãm usınısların, jaña ideyaların biliw maqsetinde bot jaratpaqshımız.
Hūrmetli zamanlas! Siz "bot" arqalı õziñizdi qızıqtırğan sorawlarıñızdı, xabarlarıñızdı administratorlarğa jiberiwiñiz hãm tez arada juwap alıwıñız múmkin...
Baylanıs ushın bot siltemesi: @Xamidullaevlar_bot

ТИЛЕК

Мендеги ең үлкен тилек:
Не қыйынлық көрсек те,
Жас баланың жетимсиреп,
Жылағанын көрсетпе.

Ол бала ким?
Қайсы жерден?
Перзенти қай ананың?
Өмир, бизге көрсетпе сен
Жылағанын баланың.

Өз анасын, өз мәммесин
Жоқлап бала жыласа,
Адамзаттың ҳәммесиниң
Бул ең аўыр гүнасы.

Сол бир жетим калған бала
Вьетнамлы ма, негр ме,
Берер едим оған ғана
Жанымды бир өмирге.

Бирақ мениң жанымды ол
Не дәртине ем етсин?
Анасының бир ҳәўлетип
Сүйгенине не жетсин!

Не жетсин сол нәрестениң
Күлип талпынғанына,
Елтсин оны гүреслериң
Келешектиң таңына.

Бәрине де төзер жүрек,
Бирақ не ис көрсек те,
Жас баланың жетимсиреп,
Жылағанын көрсетпе!

Мендеги ең үлкен тилек:
Не аўыр дәрт көрсек те,
Ҳаял-кыздың зар еңиреп,
Жылағанын көрсетпе.

Ҳаял-қызы қайсы жердиң
Ҳәсирет шегип жыласа,
Дүньяда бар еркеклердиң
Бул ең аўыр гүнасы.

Мен олардың көзиндеги
Ғам-қайғысын ишерем,
Олар ушын өзимдеги
Бар шадлықтан кешерем.

📄https://www.tg-me.com/joinchat-AAAAAEI1zHGnTnIRFhpGFw

БИР АДАМДЫ БИР АДАМ

Қандай жақсы, бирадар,
Адамзаттың жүреги!
Бир адамды бир адам
Жандай жақсы көреди.

Бир адамды бир адам
Сүйип қалар танысса.
Бир адамды бир адам
Сағынады алыста.

Кетсе биреў арадан,
Биреў жоқлап жылайды.
Бир адамнан бир адам
Барып кеңес сорайды.

Оқ атылса биреўге,
Жанын тигип гиреўге,
Жетип барар сүйеўге
Бир адамды бир адам.

Нәпсин тыйып нан берер,
Тамырынан қан берер,
Керегинде жан берер
Бир адамға бир адам.

Океаннан армаған
Азап шексе Корвалан...
Гүрес пенен қорғаған
Бир адамды бир адам.

Жақсылық өсип өнер ме,
Миллионды миллион сүйер ме,
Сүймегенде егер де
Бир адамды бир адам?

Ишип мийрим кәсасын,
Тас жүреклер босасын.
Бәрҳама сүйип жасасын
Бир адамды бир адам!

Сентябрь, 1975-ж. И Юсупов

🎧 Махсет Өтемуратов - Ҳалқым
─────────⊱◈◈◈⊰─────────
ㅤИбрайым Юсупов сөзине
─────────⊱◈◈◈⊰─────────
ㅤСен туўарсаң ақылды да,
ㅤСулыўды да, батырды да,
ㅤ"Халық" деп сениң атыңды да,
ㅤКим қойсада дана қойған.

ㅤҚосық - теңиз, болсам - балық,
ㅤИс буйырса сиздей халық,
ㅤАяғымды қолға алып,
ㅤБасым менен жумалайман.

💽 Бахтияр Жуматаев - Бир адамды Бир адам

💾https://www.tg-me.com/joinchat-AAAAAEI1zHGnTnIRFhpGFw

《GEDEYLIK》

Dúnyada ne jaman - gedeylik jaman,
Júziñ tõmen etip, qoymaslar aman.
<<Atıñ shığıp, abırayıñ artsa da,
Bizdey bayğuslarğa túspeydi-aw sayañ>>.

Dedi bir ãmekim awıldan kelip,
Tıñlay berdim onı zeynimdi berip.
Ağayın azarda, bezeri bolmas,
Ayap kettim barıp awhalın kõrip.

Biyshara ırastan ãbiger tartqan,
Bir basına sonsha mashaqat artqan.
Ruzıger mashqalasın arqalap,
Mal tabıw jolında juwırıp-jortqan.

Bes gektardan zıyat hãwli-hãremi,
Bes sıyır, otız qoy - malım degeni.
Bes mıñ túp aq terek, bir ferma tawıq,
Bes tanaptay joñıshqanıñ kõlemi.

Úy bolıp solardı bağadı eken,
Tınbay janın otqa jağadı eken.
Ol da azday, úyden jırılğan waqta
Sovxoz jumısına shığadı eken.

Dúnya-mal jigittiñ aqılın alğan,
Ol qaralay õship, õzegi talğan.
Turmısında rãhãt joq, tınım joq,
Kiyiniw, iship-jew dãstúrden qalğan.

Hãwlisi aylanğan tawıq qorağa,
Ãtirapı tolğan gúdshek, urağa.
Qat-qat gilem, kiyiz arsha ústinde,
Bir tõselmey jatır izeyxanada.

Kún-tún juwıradı maldan kúsh alıp,
Balları oqıwdan "eki", "úsh" alıp.
Õrmekshi awına túsken shıbınday,
Jigit bayğus qalğan jipsiz tusalıp.

Qurdas pãtli edi, ketken azıp ta,
Úyden, maldan bir shığalmay jazıqqa.
Ãkesiniñ egip ketken bağları,
Aylanıptı mal baylaytın qazıqqa.

Bıyıl jigit bir qıdırıp qalmaqshı,
Boy tiklep dúnyağa nãzer salmaqshı.
Moskvağa barğandağı maqseti,
Arzanıraq úsh-tõrt gilem almaqshı...

"Gedeymen" degenin bilmeñler jalğan,
Qoñısılar sıylıqqa "jugiliy" alğan.
Bul "sorlıda" hãtte "mototsikl" joq,
Televizorı da islemey qalğan.

Gezek pada menen bağıp júr malın,
Malğa pidã etip bir shıbın janın.
Shınında da ayap kettim joramnıñ,
Adam shıdamastay gedeylik halin.

Ayttım oğan: Sondaymısañ ele sen?
Bul júristen ãjel jetpey õleseñ.
Ãkeñ quwmay ketken, dúnyanı quwıp,
Bunıñ rãhãtin qashan kõreseñ?

Dúnya quwıp jaslay hãddiñ dal bolıp,
Zamanıñ aldında tiliñ lal bolıp.
Abıray barda esiñdi jıy, jorajan.
Õziñdağı ketpey turıp mal bolıp...

www.tg-me.com/IBRAYIM_YUSUPOV

ҒАЗЛАРДЫҢ ҚАНАТЫНДА

Қыйқыўлап қуслар тағы,
Сап тартып баратыр ма?
Кеткендей жаслық шағым,
Ғазлардың қанатында.

Екеўймиз көп қыдырған,
Суўлардың жағасында.
Екеўмиз көп отырған,
Таллардың саясында,—
"Ушыраттым улымызды,
Қыз бенен баратырған.
Көзлери менде емес,
Ғазлардың қанатында.

Көклемде келер қайтып,
Бул қуслар баратырған.
Жаслық шақ қайтып келмес,
Ол солай жаратылған...

Сүйиклим, қайғыланба,
Жылларға ара турма,
Ғам-қайғың кетсин бәри,
Ғазлардың қанатында.
1978-жыл

http://www.tg-me.com/ibrayim_yusupov

🎞 Jeńisbek Piyazov - Watan
Ibrayim Yusupov Sózine

📥 @IBRAYIM_YUSUPOV

Ibrayim Yusupov sózine: Gúlnigar Sapaeva - Kewil kewilden suw isher

📥 @Ibrayim_Yusupov

ㅤㅤㅤㅤㅤㅤㅤ
Дослық гүлшəнине мегзес бул заман,
Кеўил кеўиллерден суў ишер мудам.
Өзиң дүзиў болсаң, көпдур дос-яран,
Досларың ишинде бир достың болсын.

Саған ҳəмдам болсын өзи жасынан,
Студентлик ўақтың зағарасынан.
«Жанымды берейин» демесин саған.
Берсе айтпай берер бир достың болсын.
Ибрайым Юсупов

《ИНТИЗАР САҒАН》

Әмиўдиң бойында турған қарындас,
Кеўил толы ышқы сазым бар саған,
Сени қушсам дийип еткендей талўас,
Асаў толқынлар да интизар саған.

Булбиллер сайраса, сен деп сайраған,
Гуллер сениң ушын ғумша байлаған.
Сүмбил шашларыңды желпип ойнаған,
Салқын самаллар да интизар саған.

Ақ көбик шайпалған дәрья кәнары,
Боз думан артында таўлар мунары,
Таңда талўас еткен ис қарыйдары,
Алтын далаларым интизар саған.

Қос бурымың ақ балтырды аймалар,
Сен жүрген жолларда көзлерим талар.
Ақ алтын патшасы, ай жүзли дилбар,
Туўып өскен еллер интизар саған

1962-жыл. Май.
📄https://www.tg-me.com/joinchat-AAAAAEI1zHGnTnIRFhpGFw

БЕССАРЫЛАР

Бессарының кеўили бай,
Қасым, Аббаз, Жолмурзадай.
Шайырларды берген қудай,
Бир беси, бир сарысы бар,
Жасаң шағлап бессарылар.

Ибрайым Юсупов каналы:👇
www.tg-me.com/IBRAYIM_YUSUPOV