IT olamining eng badavlat 5 odami

Bugungi kunda IT olamida kimlarning “ketmoni balandroq uchyapti”? Dunyodagi eng badavlat IT-milliarderlar reytingi bilan tanishing.

5️⃣ Sergey Brin – $118,5 mlrd

“Google” asoschilaridan biri boʻlmish Sergey Brin IT olamida yetarlicha boylik va obroʻ orttirib ulgurgan.

4️⃣ Larri Peyj – $123 mlrd

“Google”ning “otalari”dan yana biri – Larri Peyj kompaniya rahbarligini tark etgan boʻlishiga qaramay, aksiyalarning kattagina qismiga egalik qiladi.

3️⃣ Bill Geyts – $134 mlrd

“Microsoft” asoschisi bu yili rafiqasi Melinda Geyts bilan ajrashish natijasida boyligining bir qismidan ayrildi. Ammo, bu uning TOP-3 talikdan joy olishiga xalal bermadi.

2️⃣ Mark Sukerberg – $134,5 mlrd

Sukerbergning arzandasi 2021-yili umumiy qiymati 1 trilliondan oshgan kompaniyalar qatoriga kirdi.

1️⃣ Jeff Bezos – $201 mlrd

Jeff Bezos IT olamining eng badavlat odami nomini qoʻldan boy bermay kelmoqda. U ayni vaqtda xayriya ishlari bilan faol shugʻullanadi.

Site | Telegram | Facebook | Instagram

Rasmiylik belgisi – ishonch garovi

🧐 Biror yangi chiqqan xabarni "forward" qilishganida, uning ishonchli ekanligini bilish uchun odatda, kanal yoki guruh nomiga, a'zolari soniga va ✅ Verified(tasdiqlangan) belgisi bor yoki yo'qligiga e'tibor qaratamiz.

🔍 Izlash funksiyasidan foydalanganimizda ham, variantlar orasidan "galochka"si borini tanlaymiz. Chunki, bir xil nomdagi kanal-u guruhlar urchib ketgan bir paytda,bu belgi, biz uchun ishonch belgisi vazifasini bajaradi. Kuzatuvchilarini saqlab qolmoqchi bo'lgan blogerlar uchun bu belgi, haqiqiy ekanliklarini isbotlovchi "fishka"dir.

📌 Ijtimoiy tarmoqlar foydalanuvchilari uchun bu belgi shunchaki taqdim qilinmaydi. O'ziga xos bir necha shartlarga mos kelgan talabgorlargina uni qo'lga kiritishadi. Shuning uchun ham bunday belgili nomlar ularga nisbatan foydalanuvchida ishonch hissini uyg'otadi.

❓ Siz shunday belgiga ega qaysi kanal yoki blogerlarni kuzatib borasiz?

Site | Telegram | Facebook | Instagram

Pullar seni oʻzi topib keladi!

🧑🏻‍🎓 Bundan 4-5 yil avval daromadli ish topish uchun qoʻlingizda diplom va bir necha yillik tajribangiz boʻlishi shart edi. Bugun esa maktab oʻquvchisi ham moʻmaygina daromad olib keladigan ish topishning uddasidan chiqyapti...

💻 Bunga zamonaviy kasblarning shiddat bilan rivojlanayotgani sabab boʻldi. Ularni oʻzlashtirish uchun bir necha oy davomida oʻqib-oʻrganish yetarli, aksariyatida masofadan turib faoliyat olib borish ham mumkin. Qarabsizki, ish oʻqishga, oʻqish ishga xalal bermaydi...

❗️ “Hali oʻqiyman”, “Tajribam yoʻq” kabi son-sanoqsiz bahonalarni chetga suring. Zamonaviy kasblarni oʻrganing, tajriba orttiring va “soqqani bosing”! 😉

❓ Siz zamonaviy kasblarning qaysi biriga koʻproq qiziqasiz?

Site | Telegram | Facebook | Instagram

Kompyuter uchun qanday “pilot” tanlagan maʼqul?

💻 Kompyuter qurilmalari uchun qimmatbaho tarmoq filtri (“pilot”) dan foydalanish shartmi? Hamyonbop qurilmalar ShKga zarar yetkazib qoʻymaydimi? Bugun shu haqida gaplashamiz.

⚡️ Mutaxassislar kompyuter qurilmalari uchun tarmoq filtrini sotib olishda tejamkorlik qilmaslikni maslahat berishadi. Odatda arzon qurilmalar qoʻshimcha himoyaga ega boʻlmaydi va elektr kuchlanishidagi oʻzgarishlar vaqtida kompyuterga zarar yetishining oldini ololmaydi.

Nisbatan qimmatroq va sifatli tarmoq filtrlari uchta asosiy vazifani bajaradi. Bular:

1️⃣ Qurilmalarni qisqa tutashuvlardan himoya qiladi;
2️⃣ Yuqori chastotali oʻzgarishlarni filtrlaydi;
3️⃣ Qisqa muddatli kuchlanish impulslari xavfini kamaytiradi.

📌 Bir soʻz bilan aytganda, kompyuter qurilmalari uchun narxi balandroq boʻlsa-da, sifatli “pilot” sotib olish tavsiya etiladi. Yoʻqsa, tejamkorlik aks taʼsir qilishi mumkin!

Site | Telegram | Facebook | Instagram