#КОНФEРЕНЦИЯ

Эргюн  Аталай,
Туркий мамлакатлар касаба уюшмалари ташкилоти президенти:

— Бугунги анжуман орқали меҳнат муносабатлари соҳасида ўзаро фикр алмашиш, айрим муаммоларни биргаликда ҳал этиш жуда муҳим. Сир эмаски, ҳозирги кунда янгидан-янги касблар пайдо бўляпти.

Шу билан биргаликда айрим касблар ўз ўрнини роботларга бўшатиб бермоқда. Албатта, бундай ҳолатлар ижтимоий хафагарчиликлар ҳамда расмий суғурталанмаган бандлик масалаларига сабаб бўлиши мумкин. Бундай муаммолар ечими учун биз биргаликда устувор вазифаларни белгилаб олишимиз зарур, деб ҳисоблайман.

Бугунги форум ана шундай масалаларга ечим топиш имкониятларини янада ошириши билан бирга, халқаро меҳнат стандартларини татбиқ қилиш борасида ўзаро тажриба алмашиш, эзгу мақсад йўлида бирлашиш имкониятини тақдим этмоқда.

Расмий саҳифаларимиз:
Telegram / Facebook  / Twitter / instagram  / You tube

⚡️ КАТТА МИҚДОРДА ОЙЛИК-УСТАМА ОЛИБ КЕЛГАН РАҲБАРЛАР МАЪЛУМ БЎЛДИ

Фақат раҳбариятнинг ўзига, яъни 10 нафар ходимга 3,1 миллиард сўмдан ортиқ мукофот пули бериб юборилган.

Стандартлаш институти раҳбарияти ва айрим ходимларига 2024–2025 йилларда бюджетдан ташқари ривожлантириш жамғармаси маблағлари ҳисобидан катта миқдорда қўшимча устама ҳақлар тўлангани маълум бўлди. Бу ҳақда Ishonch.uz'га аниқ маълумот келиб тушди.

Ҳисоб-китобларга кўра, институт директори вазифасини бажариб келган (собиқ) Д.Қодиров 2024 йил ноябрдан 2025 йил мартигача бўлган 5 ой давомида жами 468,6 млн сўм даромад олган. Шундан 433,8 млн сўм бюджетдан ташқари маблағлардан мукофот сифатида тўлаб берилган.

▪️ Институтнинг бошқа ходимларига ҳам йирик миқдорда устама ҳақлар берилган:

Г.Газиев (собиқ директор) – 142,6 млн сўм;
А.Самижонов (директор ўринбосари)– 482,9 млн сўм;
Л.Давиров (директор ўринбосари) – 412,8 млн сўм;
Ж.Умурзоқулов (бўлим бошлиғи)– 293,3 млн сўм;
Ф.Ашуров (бўлим бошлиғи)– 412,8 млн сўм;
Ж.Ахматов (бўлим бошлиғи) – 471,1 млн сўм;
М.Мирзоидов (бўлим бошлиғи) – 477,2 млн сўм;
Н.Худайходжаева (бухалтер) – 227,8 млн сўм;
Н.Хусанбаев (директор ёрдамчиси) – 199,2 млн сўм.

Умумий ҳисобда, институт ходимларига бюджетдан ташқари маблағлардан жами 3,7 млрд сўмдан ортиқ қўшимча устама ҳақлар тўлангани қайд этилган.

Бундан ташқари, ҳужжатларда кўрсатилишича, 10 нафар ходимга жами 3,1 млрд сўм миқдорида маблағлар рағбатлантириш учун сарфланган.

Расмий саҳифаларимиз:
Telegram / Facebook / Twitter / instagram / You tube

#Кун_иқтибоси

Мен халқимизга вақти келиб ўқитувчиларнинг маошини минг долларга етказамиз деган гапларим мана уч йил ичида ҳақиқатга айланди.

✍️ Шавкат Мирзиёев

Расмий саҳифаларимиз 👇
Telegram / Facebook  / Twitter / instagram  / You tube

ЭНДИ ҲАР КУНИ МАОШ ОЛИШИНГИЗ МУМКИН БЎЛАДИ

Ўзбекистонда ходимларга ишлаган кунида иш ҳақи бериш имконини яратадиган тажрибавий лойиҳа йўлга қўйилади. Тизим меҳнат муносабатларини замонавийлаштириш ва молиявий имкониятларни кенгайтиришга қаратилган.

Бунда:
– Электрон меҳнат шартномаси тузилади.
– Рақамли платформада электрон ҳамён очилади. 
– Солиқ ва йиғимлар тўлиқ тўланади. 
– Шундан сўнг ходим ишлаган куни ўз маошини олиш имконига эга бўлади.

Платформа оператори маблағларни ўша куннинг ўзида тўлайди ва давлат ахборот тизимлари билан интеграция қилади. Иш берувчилар эса амалдаги меҳнат қонунчилиги талабларига қатъий риоя қилиши шарт.

Расмий саҳифаларимиз 👇
Telegram / Facebook  / Twitter / instagram  / You tube

Марказий банк асосий ставкани ўзгаришсиз қолдирди

Марказий банк асосий ставкани йиллик 14 фоиз даражасида ўзгаришсиз қолдириш тўғрисида қарор қабул қилди.

«Жорий йилнинг иккинчи чорагида шаклланган иқтисодий фаоллик ва истеъмол талаби юқори суръатларининг нархларга оширувчи таъсирлари давом этди. Шу билан бирга, ўтган йилги база таъсирлари чиқиб кетиши ҳисобига август ойидан инфляция пасая бошлади. Бошқарув инфляцион жараёнларнинг секинлашиши ва базавий инфляцияни пасаювчи траекториясида давом этишини таъминлаш мақсадида асосий ставкани ўзгаришсиз – 14 фоиз даражасида сақлаб қолди», – дейилади регулятор Пресс-релизида.

Расмий саҳифаларимиз 👇
Telegram / Facebook  / Twitter / instagram  / You tube

Абдулла Авлоний номли давлат стипендияси таъсис этилади

Жорий йил 10 сентябрдаги ПФ-162-сон фармон билан 2025/2026 ўқув йилидан педагогика йўналишидаги олий таълим ташкилотлари талабалари учун Абдулла Авлоний номли давлат стипендияси таъсис этилади.

Мазкур стипендия педагогика йўналишидаги ҳар бир олий таълим ташкилотининг бакалавриат йўналишида таҳсил олаётган 1 нафар охирги икки курс талабасига тайинланади.

Маълумот учун, ушбу стипендияни тайинлаш учун талаблар Президентнинг “Ўзбекистоннинг ўқувчи ёшларини рағбатлантириш чоралари тўғрисида”ги 1993 йил 5 февралдаги ПФ–555-сон Фармонида белгиланган.

Расмий саҳифаларимиз 👇
Telegram / Facebook  / Twitter / instagram  / You tube

Касаба тақдимномасини менсимаган раҳбарлар 42 млн сўм ўрнига 136 млн сўм тўлашга мажбур бўлди

Оҳангарон шаҳар тиббиёт бирлашмаси томонидан 5 нафар тиббиёт ходимига қарийб 42 миллион сўм иш ҳақи тўланмасдан келинаётган эди. Касаба уюшмаси ўрганиши натижасида Тиббиёт бирлашмаси анестезиология ва реаниматология бўлими ходимларининг меҳнат ҳуқуқлари бузилаётгани аниқланди.

Соғлиқни сақлаш ходимлари касаба уюшмаси республика кенгашининг Тошкент вилояти бўйича меҳнат инспектори томонидан иш берувчига йўл қўйилган камчиликларни бартараф этиш юзасидан тақдимнома киритилди. Бироқ, иш берувчи буни писанд қилмасдан, иш ҳақини тўлаш учун маблағ йўқлигини рўкач қилиб юраверди. Шундан сўнг, иш судга оширилди.

Суд жараёнида барча ҳисоб-китоблар мутахассислар иштирокида қайтадан кўриб чиқилди. Қарорга кўра, ўз вақтида тўланмаган иш ҳақи, кечиктирилгани учун белгиланган компенсация, ходимларга етказилган маънавий зарар, судга тўланадиган давлат божи ҳам умумий ҳисобланиб, иш берувчидан жами 136 миллион сўмдан зиёд маблағ ундирилиши белгиланди.

Расмий саҳифаларимиз 👇
Telegram / Facebook  / Twitter / instagram  / You tube

#КОНФEРЕНЦИЯ

Касаба уюшмалари Федерацияси ташаббуси билан “Халқаро меҳнат стандартларини илгари суришда касаба уюшмаларининг роли: халқаро амалиёт ва Ўзбекистон тажрибаси” мавзусида тадбир ўтказилмоқда.

Унда халқаро тажрибалар, мамлакатимизда олиб борилаётган ислоҳотлар ҳамда касаба уюшмаларининг меҳнат ҳуқуқларини ҳимоя қилишдаги ўрни атрофлича муҳокама қилинмоқда.

Расмий саҳифаларимиз:
Telegram / Facebook  / Twitter / instagram  / You tube

Йўл қоидабузарлигини қўпол равишда бузиш “права”дан маҳрум қилади – лойиҳа

Айрим қоидабузарликлар учун ҳайдовчилик ҳуқуқидан маҳрум қилиш режалаштириляпти.

Маъмурий жавобгарлик тўғрисидаги кодексга киритилиши кутилаётган қўшимча ва ўзгартиришларга кўра, жумладан, қарама-қарши ҳаракатланиш, чироқнинг қизил рангида ўтиш бир ой ичида 2 марта содир этилса ёки тезлик 5 марта оширилса – 1 йилгача жаримадан чегирма берилмайди.

Бундай ҳуқуқбузарликлар бир ой ичида 10 тадан кўп бўлса – 6 ойгача ҳайдовчилик гувоҳномасидан маҳрум қилинади.

Шунингдек, тезлик учун жарималарни қайта кўриб чиқиб, меъёрдан 2-3 карра тез юрганларни ҳайдовчилик ҳуқуқидан маҳрум қилиш назарда тутилмоқда.

Расмий саҳифаларимиз 👇
Telegram / Facebook  / Twitter / instagram  / You tube

Энди Ўзбекистонда ҳам иш ташлаш мумкин... Ростанми?

Ўзбекистонда фуқароларнинг иш ташлашига рухсат берилмоқда. Бу борадаги ҳужжат лойиҳаси парламент Қуйи палатаси депутатлари томонидан муҳокама қилинди.

Қайд этилишича, қонун лойиҳасининг мақсади – миллий қонунчиликни Халқаро меҳнат ташкилотининг тегишли конвенциялари талабларига мувофиқлаштиришдан иборат.

Қонун лойиҳаси 9 та моддадан иборат бўлиб, у билан 2 та қонун, 4 та кодексга қатор муҳим ўзгартириш ва қўшимчалар киритилмоқда. Жумладан, Меҳнат кодексига иш ташлашнинг аниқ таърифи ва тушунчалари, уни ўтказиш тартиб-таомиллари, ходимларга иш ташлаш жараёнида бериладиган кафолатлар белгиланмоқда.

Олий Мажлис Қонунчилик палатаси қўмита раиси Гулруҳ Агзамова мазкур ҳужжат лойиҳаси ҳақида қисқача тўхталиб ўтди.

Расмий саҳифаларимиз 👇
Telegram / Facebook  / Twitter / instagram  / You tube

Нукусда ўқув машғулоти пайти портлаш юз берди: жароҳатланганлар бор

10 сентябрь, чоршанба куни Нукус дала ўқув майдонида ташкил этилган ўқув машғулоти пайти амалий машғулот учун мўлжалланган портловчи махсус воситанинг детонация шнури чақнаши натижасида кичик портлаш юзага келди. Натижада 10 га яқин ҳарбий хизматчи турли даражадаги тан жароҳатлари олишган.

Миллий гвардиянинг Қорақалпоғистон бўйича бошқармаси ахборот хизмати берган маълумотга кўра, жароҳатланган ҳарбий хизматчиларга ўз вақтида биринчи тиббий ёрдам кўрсатилган ва ҳозирда уларнинг соғлиги тикланмоқда.

“Ҳолат юзасидан эса хизмат суриштируви тайинланган бўлиб, ҳозирда мутасадди раҳбарлар томонидан ўрганиш ишлари олиб борилмоқда”, – дейилади расмий хабарда.

Расмий саҳифаларимиз:
Telegram / Facebook  / Twitter / instagram  / You tube