⚡️Дональд Трамп: Президент Мирзиёев - бир сўзли инсон

Трамп Ўзбекистон 8 млрд долларга АҚШдан 22 та самолёт харид қилганини эълон қилди.

АҚШ Президенти Дональд Трамп "Truth Social" ижтимоий тармоғидаги саҳифасида қуйидаги постни ёзиб қолдирди:

"Шу ой бошида мен Ўзбекистон Президенти ҳурматли Шавкат Мирзиёев билан суҳбатлашган эдим. Бугун мен Президент Мирзиёевни "Boeing" билан УЛКАН битим имзолангани билан табриклайман! "Uzbekistan Airways" 8 миллиард доллардан ортиқ маблағ эвазига 22 та 787 Dreamliner самолётини харид қилади. Бу Қўшма Штатларда 35 000 дан ортиқ иш ўринларини яратади. Президент Мирзиёев - бир сўзли инсон ва биз бошқа кўплаб масалалар устида биргаликда ишлашда давом этамиз! Бу масалага эътиборингиз учун ташаккур".

Расмий саҳифаларимиз:
Telegram / Facebook  / Twitter / instagram  / You tube|X

Ўзбекистонда тунги “тинч соатлар” вақти узайтирилиши мумкин

Парламент Қуйи палатасида депутатлар аҳолини шовқиннинг зарарли таъсиридан ҳимоя қилишга доир қонун лойиҳасини муҳокама қилди.

Лойиҳа билан фуқароларнинг осойишталиги ва нормал дам олишини бузишга йўл қўйилмайдиган вақтлар оралиғини амалдаги етти соатдан (соат 23:00 дан 06:00 гача) саккиз соатга (соат 23:00 дан 07:00 гача), дам олиш кунлари ва қонунчилик билан белгиланган ишланмайдиган байрам кунлари эса соат 22:00 дан 09:00 гача бўлган вақт оралиғига ўзгартириш таклиф этилмоқда. Ушбу вақт оралиғида ҳуқуқбузарлик содир этганларга нисбатан эса жавобгарлик чоралари кучайтириляпти.

Шунингдек, аҳоли истиқомат қиладиган кўп квартирали уйларда шовқининг йўл қўйиладиган даражасидан ошадиган қурилиш ва таъмирлаш ишларини иш кунлари соат 09:00 дан 18:00гача амалга ошириш мумкинлиги белгилаб қўйилмоқда.

Мазкур қонун лойиҳасини маромига етказиш учун масъул қўмитага қайтарилди.

Расмий саҳифаларимиз:
Telegram / Facebook  / Twitter / instagram  / You tube

⏺ ОТ – ИНСОННИНГ ЭНГ ЯҚИН ДЎСТИ.

Хўш, у илк маротаба қаерда, қайси маконда қўлга ўргатилган?
Яқинда Ренессанс кино уйида Ўзбекистон поло Федерацияси билан ҳамкорликда бўлиб ўтган конференцияда Ўзбекистон Фанлар академияси тарих институти ва бошқа қатор илмий даргоҳларнинг етук олимлари «Туронда отчилик тарихи» мавзусида жиддий чиқишлар қилишди.

Мазкур тадбирда Ishonch.uz мухбири ҳам иштирок этиб, отлар қўлга ўргатилган илк ҳудуд – Турон эканини илмий исботлаб берган ва отларда иккита муҳим ген пайдо бўлиши ҳақида қизиқарли чиқиш қилган олим – Суръат КУБАЕВга микрофон тутди.

▶️ ВИДЕО: https://youtu.be/VfobDW3ycgA

Расмий саҳифаларимиз:
Telegram / Facebook  / Twitter / instagram  / You tube

50 ёшдан кейин ўқитувчига пенсия берайлик – Алишер Қодиров

“Миллий тикланиш” партияси раҳбари Алишер Қодиров педагогларга 50 ёшдан пенсия берилиши кераклигини айтди.

“Учувчига, махсус хизмат ходимларига 45 ёшдан кейин пенсия берасиз, нимага? Улар оғир шароитда ишлагани учун.

Педагог оғир шароитда ишламайдими? Педагогга шароитини яратиб бермагансиз. 50 та болани қаршисига қўйиб қўйгансиз. У уч йил яшаганда 30 йил яшагандек бўлади. Нимага унга пенсия 50 ёшдан йўқ?” – дейди Қодиров.

Расмий саҳифаларимиз:
Telegram / Facebook  / Twitter / instagram  / You tube

Мирзиёев БМТ БАнинг 80-юбилей сессиясида нутқ сўзлади

Президент Шавкат Мирзиёев 23 сентябрь куни Нью-Йорк шаҳридаги Бирлашган Миллатлар Ташкилотининг бош қароргоҳида ўз ишини бошлаган БМТ Бош Ассамблеясининг 80-юбилей сессияси умумсиёсий мунозараларида нутқ сўзлади.

Президент Мирзиёев сўзининг аввалида иштирокчиларни БМТ Бош Ассамблеясининг юбилей анжумани – 80-сессияси билан самимий қутлади. Мазкур йиғилиш шиддат билан ўзгараётган мураккаб глобал вазиятда ўтаётгани, бу эса Ташкилот фаолияти ва унинг келажагига янгича ёндашувлар билан қарашга чорлаётганини қайд этди.

– Ҳозирги кунда дунёда халқаро институтларнинг ўрни ва роли заифлашмоқда, қарама-қаршилик, низо ва урушлар кучаймоқда, технологик ва ижтимоий тенгсизлик кескин ошмоқда, иқтисодий ва гуманитар инқирозлар ортиб бормоқда. Буларнинг ҳаммаси мутлақо янги, хавотирли геосиёсий воқеликни вужудга келтирмоқда, – деди Ўзбекистон раҳбари.

Нутқнинг тўлиқ матни ушбу ҳаволада

Расмий саҳифаларимиз:
Telegram / Facebook  / Twitter / instagram  / You tube

Нью-Йоркда Президент Шавкат Мирзиёев БМТ Бош котиби ҳамда Корея, Албания, Иордания ва Чехия етакчилари билан учрашди.

Расмий саҳифаларимиз:
Telegram / Facebook  / Twitter / instagram  / You tube

Мирзиёев БМТ минбарида глобал ва минтақавий хавфсизлик борасида фикр билдирди

Президент Мирзиёев глобал ва минтақавий хавфсизлик борасида фикр юритар экан, Афғонистондаги вазиятга тўхталди. Афғон халқининг тинч ва осуда ҳаётга бўлган интилишини қўллаб-қувватлаш учун халқаро ҳамжамиятнинг саъй-ҳаракатларини бирлаштиришга чақириб, бу давлатнинг яккаланиб қолишига йўл қўймаслик ўта муҳимлигини алоҳида таъкидлади.

Ғазо секторидаги тобора ёмонлашиб бораётган гуманитар инқироз ҳақида гапирар экан, Президентимиз ҳарбий ҳаракатларни тўхтатиш ва сиёсий музокараларни давом эттиришга чақирди.

– Биз БМТ резолюцияларига мувофиқ, “икки халқ учун – икки давлат” тамойилини амалга оширишнинг қатъий тарафдоримиз, – деди у юксак минбардан туриб.

Расмий саҳифаларимиз:
Telegram / Facebook  / Twitter / instagram  / You tube

Ўзбекистонлик спортчилар МДҲ ўйинларида иштирок этади

25 сентябрь – 9 октябрь кунлари Озарбайжонда навбатдаги МДҲ ўйинлари бўлиб ўтади. Мазкур мусобақада қатнашиш учун Ўзбекистон терма жамоаси Озарбайжонга жўнаб кетди.

Делегациямиз таркибидан ўрин олган 254 нафар атлет нуфузли халқаро мусобақада спортнинг 23 та тури бўйича медаллар учун кураш олиб боради.

Расмий саҳифаларимиз:
Telegram / Facebook  / Twitter / instagram  / You tube

Олтин нархи 44 фоизга ошди

Олтин нархи  тез суръатларда ўсмоқда. Мутахассисларнинг ҳисоб-китобларига кўра, 2025 йил январь ойига нисбатан  қарийб 44 фоизга кўтарилган. Шу билан бирга, декабрь ойига нисбатан ойлик ўртача нарх 34,6 фоизга ошди.

Экспертлар бу ўсишни глобал иқтисодий ва сиёсий ноаниқликларнинг кучайиши билан боғламоқда. Геосиёсий кескинликлар, савдо урушлари, иқтисодий ўсиш бўйича кутилмаларнинг ёмонлашуви — асосий омиллар сифатида кўрсатилмоқда. Шунингдек, дунё марказий банклари, хусусан Хитой, олтин харидларини сезиларли даражада оширган.

Маълумотларга кўра, 1833 йилдан буён олтин нархи ўсиши бўйича 2025 йил олтинчи энг йирик кўрсаткичга эга бўлмоқда.

Расмий саҳифаларимиз:
Telegram / Facebook  / Twitter / instagram  / You tube