Метродаги тирбандлик — ҳар куни шу аҳвол

Айб одамлардами ёки мутасаддиларда?..

ВИДЕО

Ishonch.uz мухбири бугун тонгда Тошкент метросидаги тирбандликни ўрганди.
Катта навбат ва одамлар оқими туфайли метро эшикларининг ёпилиши қийинлашди, йўловчилар эса тўлиб-тошган вагонларда нафас олиш қийин бўлган ҳолда манзилига етиб олишга уринди.

Кимдир бу ҳолатни йўловчилар маданияти билан изоҳласа, бошқалар масъулларнинг бефарқлигини тилга олмоқда.

❓ Савол эса очиқ қолмоқда:
метродаги бу тартибсизлик учун ким жавобгар?

Расмий саҳифаларимиз:
Telegram / Facebook / Twitter / instagram / You tube

Ўзбекистон сунъий интеллектни татбиқ этиш бўйича Марказий Осиёда биринчи

Ўзбекистон сунъий интеллектни татбиқ этиш бўйича халқаро рейтингда 17 поғона юқорилади. Бу ҳақда Президент Мирзиёевга қилинган соҳага доир тақдимотда маълум қилинди.

Қайд этилишича, ҳозирда Ўзбекистон 188 давлат ичида 70-ўринни, Марказий Осиё бўйича эса биринчи ўринни эгаллаб турибди.

«Бу натижалар соҳада қўйилган илк қадамлар самарасидир, аммо олдинда ҳали кўп иш турибди. Шу мақсадда ўтган йили 2030 йилгача мўлжалланган Сунъий интеллектни ривожлантириш стратегияси қабул қилинди ва Рақамли технологиялар вазирлиги ҳузурида махсус марказ ташкил этилди», – деди Президент.

Президент тақдимот сўнггида сунъий интеллектни жорий этишни янада жадаллаштириш, илғор тажрибани амалиётга татбиқ этиш, соҳада кадрлар салоҳиятини оширишни янада кенгайтириш бўйича масъулларга топшириқлар берди.

Расмий саҳифаларимиз:
Telegram / Facebook / Twitter / instagram / You tube

Баҳодир Жалолов Россияда россиялик рақибини мағлуб этди

Баҳодир Жалолов Санкт-Петербургда бўлиб ўтган бокс кечасининг марказий жангида супероғир вазн тоифасидаги россиялик спортчи Кудуховни очколар ҳисобига мағлуб этиб, профессионал фаолиятидаги 16-ғалабасига эришди.

Расмий саҳифаларимиз:
Telegram / Facebook  / Twitter / instagram  / You tube

Зойир Мирзаев боғчадаги заҳарланиш бўйича: "Барча масъуллар лавозимидан озод этилсин"

«Ҳаммасини ишдан олиш керак»—Зойир Мирзаев Тошкент вилоятида боғча болаларининг овқатдан заҳарланишига жавобгарлар ҳақида

Тошкент вилояти ҳокими Зойир Мирзаев вилоятнинг бир неча туманидаги давлат боғчаларида икки мингга яқин бола оммавий заҳарлангани учун Санэпидқўмитанинг вилоят бошқармаси бошлиғидан тортиб, ўша туман бўлими бошлиқларини ҳам бараварига ишдан олиш кераклигини айтди.

Расмий саҳифаларимиз:
Telegram / Facebook  / Twitter / instagram  / You tube

“Яндекс”чилар ва етказиб берувчилар хизмати ҳимояланиши керак — Касаба уюшмалари масъули

Бугун 7 октябрь — Бутунжаҳон муносиб меҳнат куни. Шу муносабат билан Ўзбекистон касаба уюшмалари Федерациясида “Муносиб меҳнат— муносиб ҳаёт асосидир” мавзуида конференция бўлиб ўтди. Унда меҳнат муҳофазасига масъуллар ва касаба уюшмаси вакиллари иштирок этди.

Конференцияда сўзга чиққан Маҳмуджон ИСАЕВ юртимизда платформа орқали ташкил этиладиган хизмат кўрсатиш соҳасига ишчилар учун талаб юқори бўлаётгани, аммо уларнинг ҳимояси қонуний йўлга қўйилмагани, келгусида бу каби хизмат кўрсатиш ходимлари ҳам албатта ҳимояланиши лозимлигини таъкидлади.

Расмий саҳифаларимиз:
Telegram / Facebook  / Twitter / instagram  / You tube

Мирзиёев “Туркий яшил йўлаклар” тизимини яратиш ташаббусини илгари сурди

Президент Мирзиёев Габала шаҳрида бўлиб ўтган Туркий давлатлар ташкилотининг 12-саммитида сўзлаган нутқида туркий дунёнинг бирдамлигини мустаҳкамлаш, жаҳон сиёсати, иқтисодиёти ва гуманитар соҳадаги ролини оширишга қаратилган қатор муҳим ташаббусларни илгари сурди.

Жумладан, янги иқтисодий имкониятлар маконини шакллантириб, Туркий давлатларнинг Саноат альянси, “Туркий яшил йўлаклар” тизими ва “Яшил трансформация” консорциумини ташкил этишни таклиф қилди.

Бундан ташқари, Шавкат Мирзиёев Туркий давлатларнинг иқтисодий шериклик бўйича Доимий кенгашини тузиш ва унинг Лойиҳа офисини Тошкентда жойлаштиришни таклиф қилиб, стратегик шериклик, абадий дўстлик ва қардошлик тўғрисидаги шартномани тез фурсатда қабул қилишни қўллаб-қувватлади ва Туркий давлатлар ташкилотини 2030 йилгача ривожлантириш стратегиясини ишлаб чиқиш ташаббуси билан чиқди.

Расмий саҳифаларимиз:
Telegram / Facebook / Twitter / instagram / You tube

Дунёдаги энг оғриқли муаммолар, Евроосиё минтақасида авж олаётган ва охири кўринмаётган низо ва урушлар, албатта, бизнинг давлатларимизга ҳам ўз салбий таъсирини кўрсатмоқда.

Ғазо секторидаги фожиа, Украина атрофидаги вазият, Эроннинг ядро дастури муаммоси, Афғонистоннинг барқарорлиги масалалари барчамизни жиддий ташвишга солади.

Жаҳоннинг қудратли давлатлари томонидан адолатли дунё тартиботини шакллантириш, ўзаро ишонч ва хавфсизликни таъминлашга хизмат қиладиган интилиш ва янги режаларни олқишлаймиз.

Ўйлайманки, глобал вазиятни чуқур таҳлил этиш ва керакли қарорлар қабул қилиш мақсадида Туркий давлатлар ташкилоти ташқи ишлар вазирлари ва махсус хизматлар раҳбарларининг биргаликдаги учрашувларини мунтазам ўтказиб боришни ҳам замоннинг ўзи тақозо қилмоқда. Биз биринчи қўшма учрашувни келгуси йили Самарқанд шаҳрида ўтказиш ташаббуси билан чиқамиз.

Президент Мирзиёевнинг Туркий давлатлар ташкилоти Давлат раҳбарлари кенгаши 12-саммитидаги нутқидан.

Расмий саҳифаларимиз:
Telegram / Facebook  / Twitter / instagram  / You tube

#ОАВ

Покистоннинг нуфузли “Pakistan Observer” нашрида “Ўзбекистон Ислом цивилизациясининг янги марказига айланди” сарлавҳали мақола эълон қилинди

Унда халқаро эксперт, бир қатор халқаро лойиҳалар муаллифи доктор Меҳмуд ул Ҳасан Хон Ўзбекистонни буюк мутафаккирлар, алломалар ва яратувчан инсонлар юрти сифатида эътироф этади ҳамда мамлакатда билим, мантиқ, барқарорлик ва фаровонлик руҳининг мустаҳкам қарор топганини таъкидлайди.

📌Батафсил — cisc.uz

Ислом цивилизацияси маркази Ахборот хизмати

Расмий саҳифаларимиз:
Telegram / Facebook  / Twitter / instagram  / You tube