Қорақалпоғистонда динозавр суяклари топилди

Қорақалпоғистонда бундан 70 миллион йил олдин яшаган, деб тахмин қилинаётган динозаврнинг суяклари топилди.

Қайд этилишича, топилма Бердақ номидаги Қорақалпоқ давлат университети олимлари ҳамда Ўзбекистон давлат Геология музейи ходимларининг қўшма изланишлари натижасидир. Топилмалар – умуртқа, кичкина илик ва болдир суяклари бўлаклари бўлиб, улар Бўр (Крейда) даврига мансуб. Динозаврнинг аниқ тури лаборатория тадқиқотлари ва халқаро экспертлар хулосасидан сўнг аниқланади.

Расмий саҳифаларимиз 👇
Telegram / Facebook  / Twitter / instagram  / You tube

20 га яқин автомобиль “иштироки”да ЙТҲ содир бўлди

21 октябрь куни Қарши — Бешкент автомобиль йўлини боғловчи кўприкда 20 га яқин автомобиль “иштироки”да йўл-транспорт ҳодисаси содир бўлди. Мазкур ҳолат бўйича вилоят йўл ҳаракати хавфсизлиги бошқармаси ҳозирча расмий изоҳ бермади.

Маълумот учун: ушбу кўприк 2025–2027 йиллар давомида тўлиқ реконструкция қилиниб, 2 баробар кенгайтирилиши лозим эди. Жорий йил якунига икки ой қолди, аммо ҳозиргача таъмирлаш ишлари бошлангани йўқ. Таажжуб...

Расмий саҳифаларимиз 👇
Telegram / Facebook  / Twitter / instagram  / You tube

📌 «Касаба ишончи» республика танлови!

Ўзбекистон касаба уюшмалари Федерацияси, «Ishonch» ва «Ishonch-Доверие» газеталари ҳамда Ishonch.uz сайти Ўзбекистон касаба уюшмалари ҳаракатининг 120 йиллиги муносабати билан «Касаба ишончи» республика танловини эълон қилади.

Касаба уюшмаларининг энг фидойи, фаол ва ташаббускорлари кимлар? Буни сиз аниқлайсиз!

📎 Мазкур танловда 7 та номинация бўйича ғолиблар аниқланади.

Танловда иштирок этиш шартлари ҳамда айни пайтга қадар бўлиб ўтган танлов натижалари билан ушбу ҳавола орқали танишишингиз мумкин.

❗️Ғолиблар 11 ноябрь – Ўзбекистон касаба уюшмалари куни арафасида эълон қилинади ва тантанали маросимда тақдирланади.

Танлов якунига оз фурсат қолди, шошилинг!

Расмий саҳифаларимиз 👇
Telegram / Facebook / Twitter / instagram / You tube

"Касаба ишончи" танловининг "ЭНГ НАМУНАЛИ САНАТОРИЙ!" номинацияси биринчи босқичи якунланди.

Жавоблар маълум вақтдан кейин эълон қилинади.

Эслатма: 23 октябрь соат 23:59 дан кейинги овозлар сони ҳисобга олинмайди.

Расмий саҳифаларимиз:
Telegram / Facebook  / Twitter / instagram  / You tube

📝 «КАСАБА ИШОНЧИ» Республика танлови!

«ЭНГ НАМУНАЛИ ТУМАН (ШАҲАР) КЕНГАШИ»

“Ўзбекистон касаба уюшмалари 120 йил халқ билан” ғояси асосида Республика танлови эълон қилинди.

Тармоқ касаба уюшмаларининг "Энг яхши туман (шаҳар) кенгаши" номинациясида иштирок этувчилар рўйхатга олинмоқда.

Танловда иштирок этишни истаганлар ташкилотнинг тўлиқ номи, касаба раиси бир дона сурати, касаба аъзолари сонини @ishonchuzaloqa_bot’га ёзинг ёки (+998 70 037-77-34) телефон рақамига қўнғироқ қилинг.

👉Танлов шартлари

Telegram / Facebook / Twitter / instagram / You tube

Ўзбекистондан 700 нафарга яқин ҳайдовчи Дубайга таксичиликка жалб этилиши мумкин

Дастлабки босқичда 200 га яқин фуқарони таксичи сифатида ишга жалб қилиш, уларнинг меҳнат самарадорлиги юқори бўлса, яна қўшимча 500 га яқин ҳайдовчини ишга олиш режалаштирилган.

Расмий саҳифаларимиз 👇
Telegram / Facebook  / Twitter / instagram  / You tube

Марказий банк раиси: ташқи қарз бўйича барқарорлик сақланмоқда

Бугун, 24 октябрь куни бўлиб ўтган Марказий банк матбуот анжуманида ташкилот раиси мамлакат ташқи қарзи ҳолати юзасидан маълумот берди.

Раиснинг таъкидлашича, ташқи қарзни жалб қилиш жараёни охирги йилларда анча барқарор ва мўътадиллашган. Бу соҳада изчиллик ва эҳтиёткорлик сиёсатини юритиш орқали мамлакат молиявий барқарорлигини таъминлашга эришилмоқда.

– Ташқи қарз масаласида барқарорлик бор, бу нисбий бўлиши мумкин. 2020 йилда ташқи қарз ялпи ички маҳсулотга нисбатан 32 фоизни ташкил этган бўлса, ҳозирги кунда бу кўрсаткич 39 миллиард доллар атрофида, ялпи ички маҳсулотга нисбатан 29 фоиз даражасида. Бу барқарорлик бўйича ҳеч қандай хатар йўқлигини кўрсатади, – деди Марказий банк раиси.

Шунингдек, унинг таъкидлашича, бюджет дефицити кам бўлган ҳолатларда ташқи манбалардан жалб қилинган қарз маблағлари иқтисодиётни қўллаб-қувватлаш учун йўналтирилади.

– Жорий йилда ҳам бюджет тақчиллиги 3 фоиз атрофида бўлмоқда.  Уни ёпиш мақсадида ички ва ташқи манбалардан маблағ жалб қилинмоқда, – деди Марказий банк раҳбари.

Раиснинг сўзларига кўра, мамлакат молиявий сиёсатида ташқи қарз бўйича “анъанавий барқарорликни сақлаш” тамойили асосий йўналиш сифатида белгиланган.

Расмий саҳифаларимиз 👇
Telegram / Facebook  / Twitter / instagram  / You tube