Президент Мирзиёев Мустақиллик монументи пойига гулчамбар қўйди

Президент Шавкат Мирзиёев “Янги Ўзбекистон” боғига ташриф буюриб, Мустақиллик монументи пойига гулчамбар қўйди.

Юртимизнинг қадимги тарихидан то бугунигача бўлган энг муҳим воқеалар, буюк аллома ва жаҳонгир боболаримиз сиймолари акс этган мазкур мажмуа Мустақиллик рамзига айланган.

Давлат раҳбари мазкур монумент она Ватанимиз, мард ва жасур, тинчликсевар ва меҳнаткаш, қаҳрамон халқимиз шарафига бунёд этилган буюк обида эканини таъкидлаган эди.

Мустақиллик монументи пойига гул қўйиш маросимида Олий Мажлис Қонунчилик палатаси ва Сенати, Президент Администрацияси, Вазирлар Маҳкамаси, Тошкент шаҳар жамоатчилиги вакиллари ҳам иштирок этди.

Расмий саҳифаларимиз 👇
Telegram / Facebook  / Twitter / instagram  / You tube

Тошкентда 10- ва 11-синф хоналарига махсус камералар ўрнатилади

Шу билан бирга, пойтахтдаги барча мактабларда “Smart School” электрон дастурини жорий қилиш орқали юқори синф ўқувчиларининг давоматини, уларни фанларга қизиқишларини ва таълим сифатини назорат қилиш имкони яратилади.

Синфхоналарга камералар ўқувчиларнинг давоматини ҳамда таълим сифатини назорат қилиш мақсадида, туман маҳаллий бюджети маблағлари ҳисобидан ўрнатилади.

Қайд этилишича, “Smart School” электрон дастури Тошкент шаҳри Олмазор туманида синов тариқасида йўлга қўйилган ва ижобий хулосалар олинган.

Расмий саҳифаларимиз:
Telegram / Facebook  / Twitter / instagram  / You tube

Президент Ўзбекистон халқини байрам билан табриклади

Бугун Тошкент шаҳрида давлат мустақиллигининг 34 йиллигига бағишланган байрам тадбири бўлиб ўтди.

Маросимда Президент Шавкат Мирзиёев нутқ сўзлади.

Давлат раҳбари кўп миллатли халқимизни, хориждаги ватандошларимизни Истиқлол байрами билан табриклади.

“Янги Ўзбекистон ғояси асосида бошлаган улкан ислоҳотларимиз туфайли мустақиллик берган ҳуқуқ ва эркинликларни ҳар бир юртдошимиз ўз ҳаётида чуқур ҳис қилиб, бу имкониятлардан кенг фойдаланмоқда.

Айнан ана шу улуғвор ғоя асосида биз уч минг йиллик бой тарих ва маданиятимизни қайтадан идрок этдик.

Юртимиз заминидаги Биринчи ва Иккинчи Ренессанс анъаналарини ривожлантириб, Учинчи Ренессанс сари дадил амалий қадамлар қўймоқдамиз.

Ишончим комил, бу йўлда Янги Ўзбекистон давлати, Янги Ўзбекистон жамияти буюк тарихимизни янги, янада юксак Уйғониш даври билан боғлайдиган мустаҳкам кўприк бўлиб хизмат қилади”, – деди Президент.

Расмий саҳифаларимиз 👇
Telegram / Facebook  / Twitter / instagram  / You tube

#Кун_ҳикмати

...Одамзод нима учун неварасини етаклаб неча замон аввал ўтиб кетган бобосининг қабрини зиёрат қилади? Марҳумни улар кўрмайдилар-ку?! Гап шундаки, Одамзодни ҳайвонотдан ажратиб турадиган чегара бор. Бу чегаранинг номи — маънавият деб аталади.

✍️ Ўткир ҲОШИМОВ

Расмий саҳифаларимиз 👇
Telegram / Facebook  / Twitter / instagram  / You tube

Президент Мирзиёев расмий ташриф билан Хитойга боради

Президент Шавкат Мирзиёев ХХР Раиси Си Цзиньпиннинг таклифига биноан 30 август - 3 сентябрь кунлари расмий ташриф билан ушбу мамлакатда бўлади.

Ўзбекистон етакчиси 31 август - 1 сентябрь кунлари Тяньцзинь шаҳрида ўтадиган Шанхай ҳамкорлик ташкилоти Давлат раҳбарлари кенгаши мажлиси ва “ШҲТ плюс” форматидаги саммитда иштирок этади.

2 сентябрь куни Пекин шаҳрида ХХР Раиси Си Цзиньпин билан музокаралар бўлиб ўтади. Шунингдек, Хитой расмий шахслари ва етакчи компаниялари раҳбарлари билан учрашувлар ўтказилади. Ўзбекистон билан Хитой ўртасидаги ҳар қандай шароитда ҳам стратегик шериклик муносабатларини янада мустаҳкамлаш ва амалий ҳамкорликни кенгайтириш масалалари кўриб чиқилади.

Ўзбекистон Президенти 3 сентябрь куни Иккинчи жаҳон урушидаги Ғалабанинг 80 йиллигига бағишланган тантанали тадбирларда иштирок этади.

Расмий саҳифаларимиз 👇
Telegram / Facebook  / Twitter / instagram  / You tube

Қуёш юрти Хоразм

Хоразм...

Тарихи минг турли афсона-ю ривоятлар билан чулғанган, Марказий Осиёдаги икки буюк саҳро – Қорақум ва Қизилқум ўртасида ястаниб ётган қадимий юрт.

Авестонинг «Яшт» қисмида «Минг ирмоқли дарё», «Кўллар ва ўтлоқларга бой ўлка» сифатида мадҳ этилган; Зардуштийда Хваиризем, эски форсийчада Уваразмис, лотинчада Хорасмия, юнончада Хоразмия, арабчада Хворазм, яна бир жойда «Қуёшли ер», бошқа жойда «Қуёшли ўлка» дейилмиш оқсоч будуннинг нуроний минтақаси.

Батафсил: http://ishonch.uz/news/4179

Расмий саҳифаларимиз:
Telegram / Facebook  / Twitter / instagram  / You tube

“Опен бюджет” бўйича келгуси йилда янги тартиблар кучга киради

Жорий йил 29 августда “Ташаббусли бюджет” жараёнларини такомиллаштириш доирасида халқ вакиллари ва сайловчилар ўртасида ҳамкорликни кучайтиришга доир ПҚ–264-сон қарор қабул қилинди.

Унга кўра, 2026 йилдан бошлаб:

•  “Ташаббусли бюджет”да ғолиб бўлмаган лойиҳаларни депутатлар ташаббусига кўра ғолиб деб эълон қилиш амалиёти жорий этилади. Бунда, Қуйи палата депутатлари ҳар йили ўз сайлов округларида ғолиб бўлмаган лойиҳалар орасидан иккита лойиҳани (ҳар мавсумда биттадан) танлайди ва бу лойиҳалар автоматик равишда ғолиб деб топилади ҳамда республика бюджетидан молиялаштирилади;

•  ижтимоий масалаларга оид лойиҳаларни аҳоли ва давлат ўртасида шериклик асосида молиялаштириш тартиби жорий этилади.
Бунда, ташаббускор аҳоли томонидан лойиҳалар қийматининг 50 фоиз қисми ихтиёрий равишда молиялаштирилган тақдирда лойиҳалар автоматик равишда ғолиб деб топилади ва қолган 50 фоизи республика бюджетидан молиялаштирилади.
Лойиҳалар шериклик асосида молиялаштирилганда, овоз беришда иштирок этмаган ҳолда ғолиб деб топилади.

Расмий саҳифаларимиз:
Telegram / Facebook  / Twitter / instagram  / You tube

Мирзиёев расмий ташриф билан Тяньцзинь шаҳрига келди

Шавкат Мирзиёев ХХР Раиси Си Цзиньпиннинг таклифига биноан рафиқаси билан бирга расмий ташриф билан Тяньцзинь шаҳрига келди.

“Биньхай” халқаро аэропортида самолёт олдида давлатимиз раҳбарини ХХР транспорт вазири Лю Вэй ва бошқа расмийлар кутиб олди.

Олий мартабали меҳмонлар шарафига икки мамлакатнинг давлат байроқлари кўтарилди, фахрий қоровул саф тортди.

Ташриф дастурига мувофиқ, Ўзбекистон етакчиси 31 август – 1 сентябрь кунлари Шанхай ҳамкорлик ташкилоти Давлат раҳбарлари кенгашининг навбатдаги мажлиси ва “ШҲТ плюс” форматидаги саммит тадбирларида иштирок этади.

Ўзбекистон Президенти ўз нутқида кўп томонлама ҳамкорликни янада мустаҳкамлаш ва ташкилот фаолиятини такомиллаштириш бўйича муҳим ташаббусларни илгари суради.

Расмий саҳифаларимиз:
Telegram / Facebook  / Twitter / instagram  / You tube