مؤلم جدًا العيش بصراع: دين ولا دنيا؟ 📚

لما يكون فيه داخلك طرفين عم يشدّوا بجهتين متعاكستين، وحدة باتجاه الدّين ووحدة باتجاه الدّنيا.

لكن جزء من المشكلة نابع من اعتقادك انه الدين عكس الدنيا تمامًا، وهاد الحكي مو صحيح!

〰️ الإسلام العظيم نزل لينظّم حياة الناس هون على الأرض .. الشريعة لا تأتي إلا بخير، ولا تحرّم إلا شيئًا ثبت ضرره القاطع.

يعني لمّا الإسلام يقول للبنت تحجّبي ويقول للشبّ غضّ بصر فهاد ما بيعني انه بده يكتم على قلوبهم، بالعكس هو بده يحميهم من جوانب خفية يعلمُها الله عز وجل وهنن ما بيعرفوها عن حالهم.. هاد مثال بسيط جدًا استخدمته لوضوحه، وقيسوا على كلّ أوامر الدين.

حقيقةً ما في شي أثبت من التجربة على روعة وإعجاز التشريع الربّاني المتكامل، فطبْ نفسًا🪻

الدين جاية لتحقيق أكبر مصالح بالدنيا، والنجاة من زخرفها الباطل ومشاكلها وعقبات اتباع شهواتها.. الدين معك مو ضدّك 🩵

.

أديش مفيد الdeadline ؟؟

برابو والله "))

-

وطفتَ حولَ الطبخ فقالوا جوعانا!

عبقرية ملحدي الشرق الأوسط، حتى بالإلحاد مهرّجين "))

نكّستوا عكالنا، حتى بالكفر أغبياء 🙂‍↕️

تاخدولكم نكتة تانية؟

-

هي الفهيمة عم تشرح لنا الآثار الأبستقسيكولوفزلكية لفصل الذكور عن الإناث بالمدارس

تعلّموا يا متخلفين! 💁🏻‍♀

تعلموا كيف تصفّوا كلمات ما الها أي علاقة ببعضها 😂

ذكرتني بالعالم يلي بتحتجّ إنه الإسلام ضدّ التطوّر والحضارة.. ليش يا ترا؟

لانه العالم وصلت لعطارد ونحنا لسا بنمنع المصافحة بين الرجال والنساء 😔

وكمان بناكل بالإيد اليمين، والحجاب على نسائنا فرض، وبنقطع يد السارق يلي تعدّى على حرمات ومال وتعب غيره!

متخيّلين أديش نحنا قاسيين ومتخلّفين! (موسيقا حزينة)

بفتح فيسبوك مرة بالأسبوع، شغلة ساعة فقط، وبتطلع معي هالتحف الفنية!

الله يعين يلي قاعدين عليه ليل نهار..

ليلتكم هانئة وسعيدة يا قوم.