جمعتكم مباركة 🌸

هل المعلومة لوحدها تكفي؟؟

نحنا بعصر تتدفّق فيه المعلومات بشكل هااائل وغير مسبوق!

〰️ بتذكر لما كنت صف سادس كانت آنسة المسجد عاملة مسابقة كبيرة بتعملها كل سنة، عبارة عن ١٠ أسئلة عن مواضيع مختلفة دينية غالبًا، وبتطلب مع كلّ سؤال إنه يتمّ التوسُّع قدر الإمكان..
بوقتها رحت لعند قريبة إلي وجبت كتب كتير، كانوا أتقل منّي وما قدرت أحملهم عالبيت..
بعدين بلشت أفتحهم واحد واحد لحتى أبحث عن إجابات الأسئلة، عبّيت الدفتر كتابة قبل ما أجيب على كل الأسئلة المطلوبة.

📸 اليوم، التجربة مختلفة تمامًا! وعند أي سؤال ما حدا بفكر أساسًا يقرأ كتاب وإنما بشوف أقصر أقصر فيديو بيحكي عن الموضوع، وزاد الطين بلّة مع وجود الذكاء الاصطناعي، وانفتحت علينا أبواب الدورات والمحاضرات على مِصراعيها مع فتح الشام.

💫 ما رح نحكي عن كل تفاصيل هدا الأمر، يلي حابّة أحكي فيه هو شغلة وحدة بس:
ربّما كل هي المصادر تعطيك معلومات عظيمة فعلًا، بس مين قلّك إنه المعلومات لوحدها تكفي؟

📚 أنا وعم فرّغ محاضراتي المهمّة بتاخد المحاضرة مني ×3 عن وقتها الأصلي، فقرات كتيرة بعيد صياغتها ويحولها للفصحى وبرتبها بعدين بضيف الأمثلة تحتها بشكل منظّم.. الموضوع متعب بشكل هائل!
لا تقنعني إنه الفائدة يلي بطلع منها من المحاضرة نفسها نفسها الفائدة يلي بيطلع منها طالب تاني شاف المحاضرة ×2 وكان كل همّه يحط إشارة ✔️ قدامها!!

📔 المغزى:
الحصول على المعلومة كتير كتير كتييير مهمّ، بس مو لمّا تفكّر إنه حصولك على المعلومة هو نهاية الطريق!
بالعكس هي المعلومة هي فقط بداية الطريق، التفاعل معها خطوة، التأمّل فيها وإعطاءها حقها خطوة، وتفعيلها عالواقع هو الخطوة الأكبر والأهمّ.

-

تسليم ملخص محاضرة الأنوثة انتهى من ٣ أيام يا صديقات 💌

والبوت ما بقا يستقبل رسائل

كل بنت بعتتلي ملخص أكّدت على اسمها بقاعدة البيانات ❤️

📌 "كلّما ازدادت مهاراتُك ازدادت حاجةُ النّاسِ إليك، وكلّما قلّت مهاراتُك استغنى النّاسُ عنك".

〰️ أ. براء أنيس.

صباح كلّ الشغلات الحلوة 🪟

🟦الكسول صاحبُ حزنٍ دائم وهمٍّ لا ينقطع!🟫

ما في كسل اليوم، يلّا قوموا أدّوا مهامّكم 🟧

-

⏺️ لما شخص متواضع بعلم ما ويُسأل سؤال، بفكر إنه الجواب كلمة وخلصنا، يعني على قدر علمه..

⏺️لكن كل ما ترقّى بالعلم بصير سؤال شخص يفتح له باب أكبر، والباب يفتح باب ثاني، وهكذا.. لهيك ممكن عالم يترفّع عن جواب لسؤال بجاوب عليه شخص شبه عامّي وبكلّ ثقة!

⏺️ولهيك بتلاقي يلي بلش يحضر دورات ويطلب علم قبل مبارح؛ اليوم صار يحكي بمواضيع كبيرة ويتجرّأ عليها! لإنه ببساطة ما بيعرف تبِعاتها ومفكرها عنجد سهلة وبسيطة هيك.

〰️ العلم بأيّ مجال بخليك تزداد خوف، مؤلم بحدٍ ذاته لكنّه مؤشر جيد لتطورك. المهمّ هاد الخوف يتحوّل لحافز وما يتحوّل لعائق بطريقك.

-

دورة صانعة الأجيال بنسختها الجديدة = الخلاصة المركّزة من دبلوم هندسة الأجيال المتكامل يلي بدرس فيه أنا ومجموعة كبيرة من صديقات القناة ❤️

⚪️لجميع التفاصيل عن الدورة وسيرها وأساتذتها، في هذا المنشور:
https://www.tg-me.com/handastajyal/2469

الدورة - على عظمتها - مجانيّة!
فلا تفوّتي الفرصة 😊

يومكم سعيد 💫